رواية حلم الطفولة -1
حلم الطفولة
الكاتبة لا ارى عيبا كوني معاق
مساء الخير والاحساس والطيبة
اضع بين ايديكم روايتي الاولى وهي بصراحة ليست من بنيات افكاري تماما لان احداثها حصلت لوحدة من قريباتي ولكني أضفت عليها كثيرا من البهارات والتوابل وخصوصا البارت الاخير............
نبدأ بتعريف الشخصيات.
عائلة صالح : صالح الاب والاخ الاكبر في العائلة
نوارة بنته من زوجته الاولى وضحى واللي توفت بعد ماجابت نواره بشهرين عمرها 18 وكانت جميلة مره عيونها سود واسعة وشعرها اسود طويل وناعم مره وكانت بيضا وخدودها وردية اللي يشوفها مايقول عايشة في قرية
منيرة زوجته الثانية وكانت متسلطة وظالمة وتكره نواره
محمد ولد صالح وعمره 13
سعد عمره 11
حمود 8سنوات
ام صالح وكانت عايشه مع ولدها الكبير صالح في القرية التي تبعد مسافة عن الرياض والوحيدة اللي تحن على نواره
عائلة فهد : فهد الاب والاخ الثاني بعد صالح ومان تاجر وغني مره وعايش بالرياض في قصر كبير وكان يحب ويحترم اخوه صاح كثير
فوزية زوجة فهد وبنت عمه وبنت خالته بنفس الوقت متكبرة وشايفه نفسها حيل
راكان ولد فهد دكتور ووسيم جدا شعره شديد السواد ناعم جدا ولنهاية رقبته وكان ابيض وطويل وجسمه رياضي وعمره 28
محمد ولد فهد الكبير وكان وسيم وطويل ويشتغل مع ابوه في الشركة متزوج وعنده بنت عمرها 17 وعمره 37 طبعا تزوج وهوصغير كان عمره 19 زوجه ابوه من بنت خاله هند
لينا بنت فهد عمرها 21 تدرس بالجامعة سنه ثالثة حبوبة وجميلة شعرها بني ناعم لنص ظهرها وبيضا طيبه عكس امها
هند زوجة محمد طيبه ومالها وماعليها
روان بنت محمد ولد فهد عمرها 17 طيبة وحبوبة مثل امها جميلة وشعرها بني غامق لكتوفها
فهد ولد محمد 13 سنة
عبد الرحمن ولد محمد 7 سنوات
ميار بنت محمد 3 سنوات
طبعا فهد وعياله كلهم عايشين بقصر فهد إلا بنته ريما لانها متزوجة ولد عمها احمد
عائلة احمد: احمد الا والاخ الاصغر لصالح وفهد
نورة زوجة احمد طيبة ومحترمة
خالد ولد احمد وزوج ريما بنت فهد عمره 36 وهو أكبر من ريما بثلاث سنين
رغد بنت احمد 19 سنة جميلة وشعرها اسود لنص ظهرها طيبة وحبوبة
تركي ولد احمد 29 جميل واسمر وطويل دكتور مع راكان
عائلة عبد العزيز اخو فوزية
نوف زوجة عبد العزيز
رهف 20 جميلة حنطية البشرة شايفه نفسها
منى 23 متوسطة الجمال مغرورة وشايفه نفسها اكثر من اختها
عائلة سعود زوج اخت فوزية
بدرية اخت فوزية الكبيرة
بدر ولد اخت فوزية 30 شاب وسيم متوسط الطول مهندس
ناصر ولد اخت فوزية شاب وسيم ومرح 28 مدرس
حلا بنت اخت فوزية 25 جميلة شعرها بني فاتح وعيونه عسلية عمرها 25 سنة متخرجة من الجامعة و جالسة بالبيت وعايشة حياتها الطول بالعرض
لما بنت اخت فوزية 22 جميلة تشبه اختها حلا لكنها مغرورة حيل
لااله إلا الله محمد رسول الله
اليكم الفصل الاول الفصل الاول
بيت صالح في القرية ايام نتائج الثانوية العامة
نواة: يبه
صالح بعصبية: نعم
نواره بخوف : يبه تكفى ابي اكمل دراستي بالرياض
صالح بعصبية: اقول انثبري ماعندي بنات تدخل الجامعة
نوارة: يبه الله يخليك تكفى
صالح بعصبية اكثر: اقول انقلعي وإلا والله بالعقال اخليه يقطع ظهرك
نوارة بحزن : ودموعها تنزل خلاص خلاص به وراحت للمطبخ المكان اللي تقضي فه نوارة اكثر وقتها لانه محد يعطيها وجه وابوها يعاملها بقسوة شديدة لان من وجهة نظره خطأ تدليع البنات
وزوجة ابوها كانت تكرفها طول اليوم لكن رغم ذلك كانت نواره تلقى شيء من العطف والرحمة عند جدتها ام صالح
قصر فهد: فهد: محمد تروح معنا للديرة نبي نروح نزور امي ونقعد عندها ثلاث ايام
محمد : والله يبه مشغول لكن هند وروان يبون معكم
فهد: خلاص الله يساعدك ياوليدي
راكان وهو داخل توه راجع من المستشفى : هاه على وين العزم اشوف الشنط برا
فهد: رايحين للديرة تبي معنا نبي نقعد ثلاث ايام
راكان: والله ماهي شينة لكن انا يوم وراجع ماعندي إجازة
بــــــــــــــيت صالح :
صالح يكلم بالجوال :حياكم الله
منيرة بعد ماسكر الخط : من تكلم
صالح يكلم امه : يمه فهد يبي يجي اليوم هو والعيال ويبي يقعد عندنا ثلاث ايام
ام صالح : حياه الله الغالي
نوارة تسمع كلامهم وهي تشتغل بالمطبخ : أهـ ياقلب اخيرا بشوف ركان ياعمري من زمان ماشفته ( نواره كانت تحب راكان من يوم كانت صغيرة تعشقه وتشوف فيه فارس احلامها لكن للاسف هو مادرى عنها)
الفصل الثاني
بيت صالح عند الرجال
صالح حيا الله من جانا
فهد: حياك الله
ام صالح: هلا والله بوليدي تو مانورت الديرة
راكان :وش لونك يالغالية
ام صالح بخير دامك بخير
عند الحريم
منيرة حياكم الله
فوزية ببرود: الله يحيك
هند : إلا وين نواره
منيرة بالمطبخ الحين تجي
نوارخ وهي داخلة معاها الشاهي والقهوة : السلام عليكم
هند ـ لينا ـ روان : وعليكم السلام
نوارة تصب القهوة وتمد لفوزية
فوزية بإحتقار: لا شكرا
هند :إلا مبروك النجاح يانواره
نواره: الله يبارك فيك
نواره: مبروك نجاح روان
هندـ روان: الله يبارك فيك
روان : نوارة كم نسبتك
نواره:98%
روان ـ لينا ـ هند: ما شاء الله
لينا : اكيد راح تدخلين قسم حلو على هذي النسبة
نوارة ببراءة طبيعية: لا ابوي ما رضى ادخل الجامعة
منيرة بنبرة حادة: وش لها بالجامعة يكفي عليها شغل البيت
لينا ( تعرف ان منيرة متسلطة وظالمة) : لا أن شاء الله عمي راح يوافق
فوزية بإستهزاء: هههههههههههههههههههه
روان : نوارة نبي نروح نشوف المزرعة من زمان خبري بها تكفين ودينا يالله
نوارة بمرح: ماطلبتي شيء
وفي المزرعة حقت صالح وكانت جنب البيت يعني ما يحتج عباية كفاية جلال طلعوا البنات
لينا : الله ياحلو الجو
نوارة : تعالي شوفي الغنم بعد
روان : لا اخاف
لينا ـ نوارة:ههههههههههههه
واثناء السوالف والضحك لفت انتباه نوارة الشخص اللي كان يتمشى ويكلم بالجوال
نوارة بنفسها : فديت هالصوت وراعيه يابعد روحي انت
لينا ـ روان: راكان
راكان : بسم الله من وين طلعتو لي
وجاء راكان ناحيتهم ونوارة غطت وجهها بالجلال
راكان : السلام عليكم
البنات : وعليكم السلام
نوارة : كيف حالك ياولد عمي
راكان : الحمد لله انت كيفك
نوارة : بخير
راكان : يالله مع السلامة تبون شيء يابنات انا راجع للرياض
لينا وروان : سلامتك
نواره بنفسها ( سلامتك حبيبي انتبه لنفسك ولا تسرع )
بعد المغرب
فهد : هاه نوارة وش ناوية تدخلين
نواره : والله ياعمي ابوي رافض فكرة الجامعة يقول وش يوديك للرياض
فهد: افا وانا وين رحت ( فهد يحب نواره ويعاملها مثل بنته)
فهد: مالك إلا اللي يقنع صالح وش تبين بعد
نواره: الله يخليك لي يالغالي
بعــد صلاة العشاء
في مجلس الرجال فهد قاعد يقنع صالح
وبع محاولات صالح : والله يافهد انت تدري اني ما قدر ارد ك طلب خلاص ياخوي سو اللي تبيه
فهد: تسلم والله وانا اخوك يعني ان شاء الله نواره لراح تجي عندي تكمل دراستها ووالله ياخوي راح احطها بعيوني
صالح تسلم عيونك
ام صالح : الله يخليكم لبعض ياعيالي
نهاية البارت اتمنى يعجبكم واشوف تفاعل
لااله إلا الله محمد رسول الله
البارت الثالث
بعد مرور اربعة شهور على زيارة فهد لصالح وموافقة صالح على دراسة نواره
روان سجلت لغة عربية ونواره بعد سجلت لغة عربية وكانو مع لينا بنفس الجامعة ورهف ومنى ولينا بعد
بنفس الجامعة
في قصر فهد :
غرفة نوارة بالدور الثاني كان لها سويت خاص بها عبارة عن غرفة نوم وغرفة ملابس وصالة صغيرة وكانت قريبة من غرفة لينا وفي الطرف الثاني كانت غرفة روان
الدور الارضي عبارة عن صالة كبيرة يتخللها درج دائري للدور الثاني وكانت اول غرفة بالدور الثاني غرفة راكان وهي عبارة عن غرفة نوم كبيرة وغرفة ملابس ودروة مياه (اعزكم الله)
في الصباح:
الكل تحت في غرفة الطعام على الطاولة فهد ومحمد وراكان وفوزية وهند وروان ولينا ونواره بجلالها
الكل كان يفطر إلا نواره كانت ماتقدر تفطر لانها تستحي من العيال وخصوصا راكان وكانت كل يوم تعد بس كذا معاهم وفي الجامعة تروح وتفطر
فهد: الحمد لله وليدي محمد لاتتأخر الحقني على الشركة
محمد: ان شاء الله
محمد: على فكرة راكان بطريقك للمستشفى ود البنات للجامعة ترا سيارة السواق مبنشرة
راكان : خلاص
راكان :يالله يابنات ترا انا خلصت
لينا : روان نواره يالله
نواره بخجل : لبنا انا خلاص ابي اقعد ما ابغى اروح مستحية
لينا بصوت عالي: راكان نواره تقول مستحيه منك
راكان بعصبية : اقول اخلصن علي بس
وراحو البنات مع راكان بسيارته للجامعة ونواره كانت راكبة ورا لينا وقلبها يرقع رقع ( حلوه يرقع صح)
وكانت تشوف يد راكان على القير وتشم ريحة عطره وتقول بنفسها ( متى بس اصير لك والله والله لاحب رجولك واصير خدامه لك ياترى انت تحس بي او لا أه اه )
انتهى البارت اتمنى اشوف تفاعل
لااله إلا الله
الفصل الرابع
بعد مرور 7 شهورعلى الابطال
في قصر فهد
جالسين فوزية وهند ولينا وروان ونواره يتقهوون العصر دخل عليهم راكان جاي من المستشفى وعليه لبس الدوام
راكان بتعب: السلام عليكم
فوزية ـ هند ـ روان ـ لينا : وعليكم السلام
فوزية: لينا صبي لراكان فنجال قهوة
راكان : شوي ابدل واجي
روان : مسكين عمي راكان يتعب تعب الله يكون بعونه
لينا :إلا يمه متى تخطبين له حلا
فوزية: ان شاء الله بعد ما تخلص حوسة الاختبارات
هند: والله حلا بنت طيبة وتستاهل راكان
نواره اللي من سمعت هالكلام وهي تحس كانها مخنوقة
نواره بحزن وحابسة دمعتها لاتنزل وبصوت واطي: روان راكان يبي يخطب حلا
روان وبصوت واطي بعد :من زمان اصلا راكان يحب حلا
نوارهحست الارض تدور فيها وحست ببراكين داخل صدرها وكأن الاكسجين انسحب من الغرفة
راكان وهو نازل على الدرج بصوته الرجولي : إلا اليوم جاتني موافقة على طلبي
فوزية : اي طلب
راكان : الدورة اللي قدمت عليها في امريكا
لينا : ومتى الالتحاق
في هذي اللحظة واثناء سوالفهم نوارة كانت عيونها من تحت الجلال تناظر لراكان اللي ماكان حاس بالعيون الدامعة اللي تراقبه
نواره بنفسها :( انا طول عمري اخسر وطول عمري انحرم من ادنى حقوقي وانظلم لكن هذي المره مستحيل اضيع راكان من يدي لازم ادافع عن حبي لازم اسوي شيءما ابغى ارجع لبيت ابوي وانظلم كفاية ظلم )
في المساء
نواره- لينا- روان قاعدين بغرفة روان نوارة كانت تمشط شعرها
لينا : نواره شعرك يجنن
روان : عمرك مافكرتي تقصينه
نوره : انا احب الشعر الطويل وعمري ما فكرت اقصه
لينا : نواره ودي اقول شيء بس اخاف تزعلين
نواره: لا حبيبتي خوذي راحتك
لينا : بصراحة كل من شافك على بشرتك البيضاء وجمالك يقول مستحيل هذي عايشة بقرية بصراحة كل صديقاتي انهبلن عليك
نواره :هههههههه
وبعد ماراحت كل وحدة لغرفتها حتى تنام ناره ودموعها على خدها : مستحيل اترك حلمي انا ياما حلمت براكان وياما تمنيته اخليه يضيع منى كذا لامستحيل واثناء تفكيرها خطرت على بالها فكرة جهنمية وقالت لازم اسويها واللي يصير يصير........................
انتهى البارات
تتوقعون ايش فكرت نواره
الفصل الخامس
في بيت صالح
ام صالح: صالح يمه وش اخبار نواره
صالح :ماعليها عند فهد والله لولا فهد ماطلبني وإلا كان ماخليتها تروح البنت مالها إلا بيتها ورجلها وش لها بالدراسة والخرابيط
ام صالح : ياوليدي انا من زمان ملاحظة قسوتك على نواره ياوليدي مايصير كذا
صالح :البنت ماهي مثل الولد البنت لازم تكسر راسها حتى ماتفسد عليك
في قصر فهد
نواره قررت تنفذ خطتها انتظرت لما ناموا الناس وراحت لعمها فهد اللي كان سهران بمكتبه اللي بالدور الثاني
نواره بتردد: مساء الخير عمي
فهد : مساء النور والسرور بالغالية
نواره: عمي ااااا.......................
فهد: الحلو ليش ساكت اكيد تبين شيء بالله انا كم نواره عندي
نواره بصوت متقطع والخوف باين عليها: عمي .................
فهد: لا لا السالفة شكلها كبيرة تكلمي يابنتي انا اسمعك
نواره بخوف شديد: عمي راكان ......وانفجرت بنوبة بكاء شديدة
هنا فهدانصدم وتغيرت ملامح وجهه ومسك نواره مع كتوفها وقال بعصبية تكلمي وش فيه راكان
نواره تبكي بهستيريا وماردت على عمها
فهد بعصبية اكثر :ركان سوى لك شيء
نواره ماتكلمت وهزت راسها بمعنى ايه
هنا فهد انطلق مثل الصاروخ ونزل من الدرج وطلع برا
نواره بخوف وهي تبكي : ياربي انا وش سويت الله يأخذني
في المستشفى راكان كان عنده مناوبة ليلية دخل فهد المستشفى وتوجه لغرفة راكان ودخل بدون لايسلم
راكان بخوف : يبه عسى ماشر لايكون بكم شيء
فهد: سكر الباب وقرب من راكان وعطاه كف
راكان بإستغراب : وش صاير يبه وش السالفة
فهد بنبرة حادة : بكرا ملكتك على نواره
راكان بإستغراب اكثر : نواره طيب ليه وش صاير يبه انت تدري اني ماعمري فكرت بها ولا ابيها
فهد : تسأل يالخسيس وش صاير اللي مثلك الذبح حرام عليه
وطلع فهد وهو معصب.
انتهى البارت
الفصــــــــــــــــــــــــــل السادس
في قصر فهد بعد ماجاء صالح وام صالح طبعا فهد ما علم احد بشيء
جاء الشيخ وملك لراكان ونواره
راكان طول الوقت كان مثل التايه ونواره كانت جالسة بالغرفة تبكي على اللي سوته
فوزية وهي معصبة : فهد مايصير كذا ليه تجبر راكان عليها ولدك ترا مايبيها وبعدين انا ما ابي هالقروية تصير زوجة وليدي
فهد:.........................................
طبعا فهد رتب كل شيء واتفق هو وصالح انه مافيه حفلة ولا شيء
بس راكان بعد العشاء ياخذ نواره ويروح معها للفندق اللي حجزه فهد لهم
بعد العشـــــــــــــــــاء راحت نوراه مع راكان بالسيارة للفندق وطول الطريق راكان سرحان ونواره كانت ميته من الخوف تفكر بتصرفها اللي سوته
في الفندق دخل راكان الجناح ودخلت بعده نواره والكل منهم ساكت جلس راكان على الكنبة وكان منزل راسه يفكر ومغطي وجهه بكفوفه
ونواره كانت واقفه قريب من الباب ماتحركت وبعد ربع ساعة طلع من الجناح وترك نواره وحيدة ومارجع إلا الظهر من بكرا
نواره بنفسها لما شافته راجع : انا ليش سويت كذا والله استاهل الذبح
بعد اسبوع
رجع راكان ونواره للقصر وطبعا ماصار بينهم اي حدث
لينا : كللللللللوش مبروك ركونه هالعرس الغريب
راكان: .....................( اكتفى بنظرة حادةوطلع فوق )
فوزية اول ما شافت نواره طالعتها بنظرة احتقار وصارت تتأفف
نواره طلعت فوق لغرفة راكان لقته منسدح على السرير وباين عليه الارهاق وقفت عند الباب
اتفت لها راكان وقال بسخرية : ماتبين تدخلين غرفتك
نواره بخوف وخجل : ابي اخذ شاور
راكان : الحمام مقابل غرفة الملابس
وطلع من الغرفة
مرت الاحداث عاديه بينهم وكان وقت الاختبارات نواره تروح الجامعة تختبر وراكان اغلب وقته بالمستشفى او برا يعني قليل ما يتقابلون
بعد ثلاث اسابيع انتهت الاختبارت وكان يوم انتائج
روان : اخيرا انتهت هالاختبارات
لينا : والله انك يانواره دافورة الاولى على الدفعة مرة وحدة
نواره :ههههههههه
نعود لراكان طبعا غهد ماكلم راكان من عقب اللي صار بالمستشفى
راكان حاز بخاطره هالشيء طلع من المستشفى وتوجه لشركة ابوه دخلها وعلى طول راح لمكتب ابوه لقاه راجع اوراق كانت بيده دخل وسكر الباب وقعد على ركبه عند رجلين ابوهوهو منزل راسه ويبكي
راكان : يبه والله حياتي كلها مالها طعم وانت زعلان علي يبه اتمنى اموت مية مره ولا تزعل علي يبه ادفع عمري كله فداك ولا تزعل يالغالي
فهد حن على راكان : راكان خلاص تعوذ من ابليس وكل انسان معرض للخطأ وانت خلاص صلحت خطاك
راكان باستغراب : عن ايش تتكلم يبه
فهد: انا اعرف كل شيء بينك وبين نواره هي علمتني بكل شيء
راكان بترجي: تكفى يبه والله ماني فاهم شيء تكفى فهمني لاتتركني احترق
انتهى البارت
الفصل السابع
راكان : يبه تكفى علمني وش السالفة
فهد حكى لراكان كل شيء لانه حس فعلا انه ما يدري عن شيء
راكان بعصبية ودموعه غطت وجهه : يبه انت تعرفني انا ولدك تربيتك ومستحيل اتعدى حدود الله يبه انا رجال مصلي ومسمي إلا حرمات الله
يبه معقولة تصدق بي يبه انا لو تجيني وحدة غريبة وتعطيني اموال قارون وتطلب مني اخون امانات الله ماسويتها وشلون عاد ببنت عمي شعرة وجهي لايبه لا إلا هذي.
وطلع راكان والشرر يقدح من عيونه طلع من مكتب ابوه مثل الصاروخ
هنا فهد عرف ان راكان ناوي على شر طلع لحقه لكن راكان كان اسرع منه.
في قصر فهـــــــــــــــــــد
فوزية كانت طالعة برا البيت مع صديقاتها وهند وروان راحو لأهل هند
لينا مرت عليها ريما وراحو للسوق ما كان بالقصر إلا نواره اللي كانت قاعدة بغرفتها اللي هي اصلا غرفة راكان
والدور الارضي فيه الشغالات
دخل راكان وكان معصب وثاير مره سأل الشغالات عن نواره وقالو فوق طلع راكان على الدرج بسرعة ودخل الغرفة لقى نواره منسدحة على السرير تكتب سكر الباب بقوة وقفله بالمفتاح
نواره خافت وصارت ترجف وحطت يدها على قلبها
( طبعا نواره كان فيها مرض القلب وكانت تعاني منه كثير لكن ماكان احد يدري إلا ابوها صالح اللي اصلا ناسي الموضوع كليا لانها ماكانت تشتكي لاحد ابد ولا علمت احد لان مافيه احد اصلا راح يهتم)
ولما شافت راكان داخل عليها بهذي الصورة حطت يدها على قلبها وحست بوخز شديد بالصدر
راكان اخذ عقاله اللي كان على الشماعة ومسكه بيده
راكان بصوت عالي وعصبية شديدة : انا ماكنت اتوقع انك حقيرة وواطية . وصار بضربها بقسوة مع كل مكان من جسمها.
نواره كانت تبكي وتقول بنفسها استاهل انا اللي جبته لنفسي .
وفي هذه الاثناء دخل فهد القصر وسأل الشغالات عن راكان قالو له فوق صعد بسرعة لغرفة راكان وصار يطق الباب بقوة لكن راكان مافتح له.
فهد بصوت عالي وبصيغة الامر : راكان حلفت عليك تفتح الباب.
راكان فتح الباب دخل فهد وشاف قدامه نواره طايحة على الارض وكل وجهها دم .
راكان : يبه خلاص انا لازم اطلقها واطردها.
فهد : لالا ماهو الحين الناس وش راح يقولون طلق بنت عمه وهي مالها شهر ونص عنده وبعدين ما فكرت بعمك صالح.
فهد يجلس على ركبه عند نواره: ليش سويتي كذا.
راكان برجله يرفس نواره قومي الله يأخذك البسي عباتك
فهد : على وين.
راكان : لاتخاف يبه ابي اتأكد من شيء.
نواره وكلها دم قامت بتعب شديد خصوصا أن الالم في صدرها زاد لبست عباتها وهي ماهي قادرة تسند طولها
راحت مع راكان للمستشفى.
راكان كلم دكتورة النساء اللي معاه بنفس المستشفى وشرح لها الوضع وطلب منها ماتعلم احد.
نواره دخلت عند طبيبة النساء وانسدحت على سرير الكشف الخاص بعد عشر دقائق طلعت الدكتورة لراكان
وقالت له : مافيها شيء يعني مالمسهاش حد.
راكان تطمن وكأن احد كب عليه مويه باردة.
طلع من المستشفى وطلعت نواره وراه وكانت ماهي قادرة تمشي زين من الالم اللي تحس فيه
ركبو السيارة متوجهين للقصر
دخل راكان القصر ودخلت نوراه وراه التفت عليها وقال لها بنبرة حادة اسمعي كلها كم شهر وتذلفين ما ابي مشاكل لاوالله لاذبحك .
نواره وانفاسها صارت تتسارع من قوة الالم اكتفت بإنها هزت راسها بمعنى طيب.
دخلت نواره غرفتها وطاحت على السرير تصارع الالم النفسي والبدني جلست تقريبا الى الساعة 3.5 الفجر بعدها حست ان الالم بدأ يخف عندها قامت وتوضت وانتضرت لما اذن الفجر صلت ونامت .
بعـــــــــــد مرور شهر على اللي صار:
نواره في القصر ماتكلم احد ولا احد يكلمها ولا تطلع من غرفتها إلا نادر ولا شافت راكان من هذاك اليوم.
محمد: لينا وين امي
لينا : راحت للسوق مع هند وروان
محمد : اها
لينا : محمد راكان وش فيه من مده وهو متغير واحسه تعبان .
( محمد طبعا يعرف كل شيء بحكم انه اقرب واحد لراكان وكاتم اسراره)
محمد: وش فيه يعني . مافيه إلا العافية بس انتي تعرفين انه بعد مده مسافر لامريكا عشان كذا محتاس.
لينا : ..........................
بعد ساعة دخلت هند وفوزية وروان وكل وحدة شايله اكياس الدنيا.
محمد بضحك: الظاهر ماخليتن شيء بالسوق.
لينا :ههههههههههههههه
هند : اول شيء السلام علكم.
محمد ولينا :وعليكم السلام.
راكان دخل القصر جاي من برا
محمد: راكان تعال تعال شف امك سوت ازمة اقتصادية ماخلت شيء بالسوق إلا جابته.
راكان ـ لينا ـ هند ـ روان: ههههههههههههههه
فوزية : اكيد اجيب كل شيء اجل تبيني اروح مناسبة مثل هذي بدون ما اكون اكشخ وحدة.
محمد : اي مناسبة.
روان : مادريت يبه ملكة حلا على فيصل ولد ابراهيم ال.....................................
روان ماكملت كلمتها إلا ويفز راكان ووجهه تغير
محمد لاحظ راكان اما الباقين كانو مشغولين بالاغراض صعد راكان فوق ودخل غرفته وسكر الباب ما شاف نواره بالغرفة دخل غرفة الملابس شافها تبدل ملابسها كانت لابسه تنورة سماوي ميد وماسكة البلوزة البيضاء بيدها
تو مالبستها وكان جسمها كله بقع بنفسجية من اثار الضرب ووجهها كدمات واضحة عند الفم والعيون وكانت محررة شعرها على طوله.
وكانت هذي اول مره يشوفها راكان بعد ماضربها قبل شهر .
هي من شافته خافت وبدت ضربات قلبها تزيد
راكان قرب منها وقال لها بصوت مخنوق وباين عليه العصبية : ذبحتيني الله يذبحك.
نواره خافت وغطت نفسها بالبلوزة ورجعت ورا على الزواية.
راكان قرب منها وعطاها كف ومسكها مع شعرها وصار يضرب راسها بالجدار ما تركها إلا لما حس انها قربت تفقد الوعي رماها على الارض وطلع .
نواره بصوت مخنوق والدم بنزف من خشمها ومن فمها: يارب تأخذني وتريحني من هالعيشة حسافة ياراكان حسافة ياولد عمي على قد ماتمنيتك من زمان تكون لي من نصيبي على قد ما اتمنى ابعد عنك الحين
قامت تغسل وجهها وتناظر لنفسها بالمراية تضحك بسخرية وتقول اصلا انت يانور اه المفروض انك ماتحلمين ولا تتمنين لانك نكره لان مافيه احد اصلا يفكر بك ولا لك ظهر تستندين عليه اذا تعبتي انت ولا شيء انت حقيرة حقيرة وصارت تبكي بهستيريا.
راكان طلع برا البيت ركب سيارته ماحس إلا برنة جواله ناظر الشاشة إلا اسم محمد اخوه.
راكان : الو
محمد : راكان وينك
راكان : برا
محمد: وش بلاك حالك ماهو عاجبني
راكان : متضايق شوي
محمد: ليه سلامات
راكان: محمد الله يرحم والديك مالي نفس اتكلم بعدين اعلمك بكل شيء
محمد: وعد
راكان: وعد والحين مع السلامة
محمد : مع السلامة
انتهى البارت
الفصل الثـــــــــــــــــــــــــــــــــامن
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك