رواية الا فراقك -17
بالسيارة ....كان عبد العزيز وبندر قدام ...بندر يسوق والبنات ورى..
مها بصوت خفيف- سارة...قولي لاخوك يوسع سيارته
سارة- يوسعها عشانك....والله هذا اللي باقي...
امل كانت ورى بندر ومسنده راسها على الدريشه وتفكر ...
بندر وهو يسوق طالع المرايه اللي على جنب...شاف امل....ابتسم وهو شاك انها تفكر بحبيبته ...
بندر بقلبه- معقوله ماعرفتها...مو لهدرجة غبيه...كلمتي اللي اليوم لها كنت اقصد اصبري كم سنه واتزوجك واخلصك من خالك...بس ما اتوقع انها لهدرجة مافهمت...هي اكيد تستغبي ...من صغرها وهي ذكيه...
عبد العزيز- بندر...الحين بعد المجمع عن البيت كم...
بندر- مو بعيد مره....يمكن خمسه كيلو...او سته...
عبد العزيز- ياشين الرياض وزحمتها....
بندر- تعودنا...اقوم الساعة ست عشان الدوام وما اصل الا سبع...بذات الصبح....ماتقدر تمشي ...زحمه....
عبد العزيز- ياحبي لالرس ....وربي مامثله شيء...
بندر- يوووه ...والله ما ادري وشلون تعشون فيه...
عبد العزيز- اشتقت له ..تمشي على راحتك...مو مثل كذا...
بندر- العاصمة تبيها فاضيه...
امل كانت تسمع صوت بندر وهي مبتسمه.....طقتها منى ...
امل- هاااه...
منى - يازين صوت بندر...فيه نبرة...
قاطعتها- وش اسوي فيك....اووف...
رجعت واسندت راسها وهي معصبه....
...................
يزن وعبد الله ....صاروا اصدقاء...
كانوا راجعين من البقاله ....وعبد الله معه ببسي وسنكرس ...ويزن حمضيات وجالكسي...
عبد الله- الحي هذا مابوه تفحيط....
يزن-ههههه لا قليل مايصير...
عبدالله- غريبه...وهو بجنب الحديقة مابوه...
يزن- هذي مو حديقه عامه....للحي هذا بس....قليل يجونها من برا....والحديقه هذي قديمه مررة ...
عبدالله- ياليت نسكن بالرياض....
يزن- الرس مافيه تفحيط...
عبد الله- الا بوه بس ابي مثل تفحيط اهل الرياض...يعني كل صبح فله وهجولة...
يزن ابتسم وقال- انت تحب التفحيط...تفحط؟؟
عبدالله- بس تحصل لي سيارة...لو سيارتي معي هنا...كان ماخليت لاحي ولا شارع مامريت بوه ...
يزن- لاتهور...الرياض كبيره....كانك مسافر اذا كنت بتدور..
عبد الله- اقول ...ماتعرف احد هنا ..
يزن- الا اكيد اعرف كثير...
عبد الله- لا اقصد تعرف احد هنا يفحط...
يزن- فيه بس بأخر الحي....بعيد..
عبدالله سكت وهو يفكر..
بالسوق كان بندر وعبد العزيز ...يمشون شوي شوي...والبنات قدام بعيدات بمسافه...
بندر يسولف على عبد العزيز....
عبد العزيز مطير عينه....
بندر- لا تستغرب....
عبد العزيز- مو لدرجه ذي...اذكر جيت لرياض بس ما شفت مثل ذا...مو سعوديات صح...
بندر- ايه....بس تلقى سعوديات.....
عبد العزيز- وش رايك نطلع....
بندر- لا البنات مايصلح لحالهن بالذات بالمجمع هذا...نغير المجمع...نتركهن لحالهن...
عبد العزيز- طيب...خلاص...
دخلن البنات لمحل ...وقفوا قريب منه....بندر يسولف ...امل من عند المحل جالسه تطالع فيه.....جت بنت واضح اللي يتصنع...صدمت ظهر بندر...
التفت بندر...كانت عند صدره...بعد على ورى...
البنت- اسفه...اوووه بندر...
بندر رفع حاجبه وقال- فايزة....
امل عصبت...
عبد العزيز- بندر...مشينا ...
بندر صد عن فايزة وطالع لجهة المحل...وشافها تطالع فيه...
بندر حس ان الدنيا قامت وقعدت ...
امل- بنات بروح للحمام...
سارة- طيب قولي لبندر...
امل- ما راح اقول لاحد...
بندر- فايزة ...خلاص ...يامحاسن الصدف...بس روحي...
فايزة- ليش ...شيء حلو ...
طلعت امل....ولا طالعت ببندر ولا شيء....
فايزة- يعني القلوب عند بعضها اني....
قاطعها- امل....دقيقه....
ترك فايزة ....ولحق امل....عبد العزيز مو مصدق الجرئة اللي بفايزة...
بندر- امل...امل...
وقفت والتفتت له...كانت فايزة تطالعها وهي حاقده
بندر- وين؟؟
امل- بروح للمصلى...
بندر- طيب وش فيك معصبه...
امل- ما ادري عنك....
تركته وراحت...
دخل يدينه بجيبه واخذ نفس....وقال- يا الله...وش بيرضيها الحين...
فايزة تطالع بحقد على امل...وقالت بصوت ياصل بندر- زعلت الغاليه...
بندر التفت لها وهو معصب....عبد العزيز على وجهه علامة تعجب...
بندر- اسمعي عاد...انا ماودي اشوف وجهك...روحي....روحي...
فايزة- طيب...اوكي....
تركته وراحت....
البنات طلعن....
سارة- بندر قالت لك امل...
بندر- ايه ايه...
....................
دخلت الحمام ..نزلت طرحتها ونقابها...نزلت دموعها ....وقالت- لا ليش اصيح....
مسحت دموعها ....وغسلت وجهها...اخذت منديل ومسحت المويا...نزلت شعرها...بتعدله...حست بنور فلاش جاء على وجهها...
التفتت ...وانصدمت ....
فايزة وصديقاتها مبتسمه قالت- يحبك....هاه...بخليه يكرهك...بينفعه انه يحبك...ويفكر يتزوجك..
طلعت من دورات المياه...
امل ما قدرت تحرك...رفعت شعرها والبست الطرحة والنقاب...وطلعت...من دون شعور جلست على الكرسي وهي تصيح.....
..................
كانوا يدورون....
بندر طلع جواله يدق.....ماترد....خاف...
بندر- دقيقه بدور امل...
تركهم وراح...
راح للمصلى...يلتفت يمين يسار...مايشوفها...صار مايحس باللي حوله...ماقدر يركز...
....شافته...وقامت وهي تمشي...قربت منه...طالعها ....واتجه بسرعه لها وقال- وين رحتي؟؟
امل- هنا...
بندر- وش فيك...؟؟
امل- ولا شيء...
بندر- امل...وش فيك...صوتك متغير...
امل- سلامتك...
بندر- طيب.....امشي...
كانوا ساكتين تمشي وراه وهي ما تدري تقول له ..او تسكت..
......................................
رجعوا للبيت....
الساعة ثلاث بالليل....البنات دخلن ينامن...امل طلعت للحوش...جلست على الثييل وهي تفكر باللي صار اليوم...
امل- صعبه اقوله...قالت يحبني ويفكر...
ابتسمت وقالت- انا اللي كان يقصد....بس اخاف توريه الصورة...والله مايفكر فيني..
نزلت دموعها وقالت- الله لايوفقها الله لايسامحها..
تمسح الدموع تطلع غيرهن...
دخل خالد ...وقف يطالعها...اتجه لها وجلس...
خالد- امول...
امل مسحت دموعها ومسكت الدموع ...
خالد- وش فيك؟
امل- و ..ولا شيء..
خالد- تصيحين وتقولين ولا شيء؟؟
امل- خالد...تكفى مافيني شيء...بس ...متضايقة..
خالد- من اللي صار اليوم؟؟
امل- خالي؟؟
خالد- ايه ..
امل- ايه...لانه مو مخليني لحالي...
خالد- وغيره؟؟
امل- مافيه شيء..
خالد- اموووول..لو كان صدق من خالي ماكان سألتي ...فيه شيء صاير...وشو...قولي..
امل سكتت تفكر تقول له او ..تسكت ...
امل- لالا مافيه شيء...
خالد- اكيد...فيه...وشو قولي وش فيه...
امل- طيب..فيه ...وحده....
انفتح الباب ودخل بندر....وقف لما شاف امل وعيونها باين عليها انها تصيح...
سكتت ...
بندر- سلامات امول...
امل- سلامتك...
خالد طالع بندر يعني رح...
بندر فهم وتركه معها ..
امل قامت وقالت- خلاص خالد...مو لازم اقول لك الحين...
ترتكته ولا عطته فرصه يناديها...دخلت قدام بندر ....وقالت- من البنت اللي اليوم؟؟
بندر على وجهه علامة تعجب...وما قدر يتكلم...
نزلت دموع امل وقالت- من؟؟
بندر مو قادر يتكلم...ولا فهم...
دخل خالد وقف ...
امل- خالد...ممكن تروح...من بعد اذنك...
خالد- طيب....
راح ....
بندر- امل وش تقولين..
امل- اللي سمعته....انت تعرفها وهي تعرفك...قل من؟؟
بندر- امل ....طيب لاتصيحين...امسحي دموعك..
مسحت دموعها وقالت- بتقول لي...او لا...
بندر- ما اعرفها...
امل- بندر..تكفى قل لي من؟؟
نزلت دموعها بقوة وقالت- والله ما اسامحك...انت لاتقول...بس اللي بيصير لي انت السبب فيه...
بندر- امل ...وش تقولين...
امل- قل لي من ؟؟
بندر- هذي ممرضة معنا بالمستشفى...
امل خافت اكثر...انصدمت ...وقفت دموعها...نزلت راسها ...
بندر- ليش تسألين؟؟
امل- ولا شيء....
تركته وراحت...بندر لحقها ووقفهاعلى الدرج...قال- ليش تسألين...
امل- ولا شيء..
بندر- تسألين عنها وتصيحين...وش معناها..
امل- اقولك ما فيه شيء..
بندر- خلاص ما ابي اضغط عليك...
مر من جنبها..وتركها...
امل رجعت للغرفة...وطاحت على السرير وهي تصيح تصيح...سارة قامت وطالعت فيها..
سارة- امل وش فيك؟؟
امل- سارة...
قامت وطاحت بحضنها وهي تصيح...
سارة- بسم الله عليك وش فيك؟؟
امل- الله لا يوفقها...الله لا يسامحها....
سارة انهبلت...وقالت- وش بك امل....تكلمي..
امل- مافيني شيء..خليني كذا ..ابي ارتاح ...ما ابي اتذكر ...ما ابي
سارة- طيب ...طيب...
ضمتها ...
..............
الساعة اربع ...
بندر مشغل التلفزيون بغرفته ويتابع ....طق الباب ...دخلت سارة...
بندر- هلا سارونه...مانمتي؟؟
سارة- بندر...امل ما ادري وش فيها..
قام وقال- وش بها..
سارة- من الساعة ثلاث ...كانت تصيح...وتقول الله لا يسامحها ..والله لايوفقها..والحين ..احس ان حرارتها مرتفعه...
بندر يفكر..قال- تقول الله لايسامحها؟؟
طلع لصاله وقال- نديها لي...
سارة- طيب...
راحت للغرفة...دقايق وطلعت وقالت- تقول ما ابي...
بندر- قولي تراه بيدخل...
سارة- مو مصدقة..حرارتها مرتفعه...
بندر- طيب خليها تطلع بوديها للمستشفى..
سارة- طيب....
دخلت ...ودقايق وتطلع ...
سارة- تقول لا...خلاص بندر ارجع لغرفتك....بكرة ان شاء الله...
بندر- طيب...ان شاء الله...
دخل وهو مو مستوعب شيء...
بندر- معقولة فايزة سوت لها شيء....بس وش تقدر تسوي ....لا مستحيل ما تقدر ...
....................
الصبح الساعة سبع ...فتحت الباب ...وطلعت...نزلت من عند الدرج...انفتح باب غرفة بندر وطلع منها..
بندر- امل...
وقفت وطالعت فيه...
بندر- انا ما قدرت انام...وكله افكر فيك...ابي افهم...وش فيك...والله ما اقدر اشوفك متضايقه او احد يضايقك...
امتلت عيونها دموع ...وصدت وكملت ..
بندر انصدم من حركتها....نزل وراها...وهو يقول بنفسه((معقوله السبب انا....لالا هي تسأل عن فايزة ))
دخلت المطبخ....فتحت الدرج طلعت لها علبة كابتشينو...وحطت مويا بالحمايه ...وجلست على الكرسي..
دخل...وطالع الكابتشينو..قرب منها واخذ الكابتشينو وقال- ناويه تفجرين راسك...لاتشربين اي منبهات...
امل- بندر اتركني ...انا عجزت انام...احسن لي ما انام...
حط يده على جبينها وقال- عليك حراره...دقيقه...اتجه لصيدليه ...طلع منها ادويه ....واخذ كاس وملاه مويا...
وقال- كولي المضاد...واشربي هذا..
قامت امل وقالت- ما ابي...بندر ابعد عني...انا مو رايقه ...
بندر- امل...
امل- البنت اللي بالمستشفى ...تنسيك امل..بتخليك تكرهني..يعني احسن لي ...
امسكت راسها
بندر- وش تقولين...امل..سلامتك يالغلا ...وش فيك
طاحت واغمى عليها...
...................
كان جالس بالممر على الكرسي اللي قدام غرفتها...ينتظر....
مرت ممرضة سعوديه وطالعته...وابتسمت وراحت...هو ما طالعها كان دايخ...بس ينتظر امل تصحى
...........
الممرضة طلعت جوالها ودقت...
-الو ..
الممرضه- هلا فايزة....تعالي شوفي من بالمستشفى...حبيب القلب..
فايزة- والله...وش جابه بالوقت هذا؟؟ لو عنده دوام المدير قال لي...وحط وقتي معه
الممرضة- وانا ايش دراني...
فايزة- شوفي اللي معه مين..
الممرضة- ادق عليك بعد شوي...
سكرت واتجهت للغرفه اللي هو عندها...دخلت ...شافت بنت صغيره ....دقت وخبرت فايزة...
........................
طلعت ...
بندر- نيرس...اخبارها...
الممرضة- مو اختصاصي...
بندر على وجهه علامة تعجب - طيب وشوله دخلتي...
الممرضة مرتبكه- اخطيت بالغرفة...
تركته وراحت...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك