رواية الا فراقك -16
بندر عصب ......وقال- ما راح تجربين العيشه ذيك مره ثانيه....الا اذا قالوا بندر تحت التراب....
امل- لا ان شاء الله ....بس ...يعني انا بكبر....وماراح تصير دايم اللي تحميني...
بندر استغرب وقال- وش قصدك؟؟؟
امل ابتسمت ومسحت دموعها..وقالت- اذا كبرت...وتزوجت...راح ...
بندر قبل ماتكمل كلامها قال- الحمد لله...
امل- صحه ..يعني اقولك...اذا تزوجت يصير لي ولي امر..
بندر طالعها بنظره حاده...خافت منها...كان يطالع بعيونها....ويقول بقلبه((ومن تبي تزوج هذي...لايكون في بالها انها بتزوج واحد غيري...))
بندر- انا دايخ...بروح انام...
قام ولا قال تصبحين على خير ولا غيره..
كانت امل خايفه منه...نظرته لها تخوف....التفتت وهي تشوفه يصعد الدرج ...وقالت بنفسها- انا ماقلت شيء...اولي ...لايكون فهم غلط....والله كان قصدي هو...اوووه..
...........
دخل غرفته وهو معصب ..ضرب السرير برجله بقوة وقال- معقولة...تبي تزوج ....ولا فكرت اني ابيها..
مسك راسه وقال- وكل اللي صار ...غيره ...وخوف...واهتمام...وكل هذا كان اخت سوته لاخوها....لا مستحيل...والله ماتزوجين غيري..الا اذا كنتي تبينه...وياليت مافيه احد تبينه..
طاح على السرير وهو يحاول ما يتذكر كلامها...
........................
اتسطحت على سريرها وقالت- هو فهم غلط....والله ماكنت الا اقصده......اوووه ...وش اسوي الحين...
....................
امل مانامت من القلق ...كانت تفكر ...وش بتسوي...
بندر مانام زين ....كله يفكر من في بال امل...
وكان شاك بثلاثه((يزن ولد الجيران...سعود اخو ام وليد..عبد الله))
....................
الظهر الساعة 1 ونص....
مها- امل...امل...قومي...قومي..هييه ...قومي..
امل تبعد يد مها عنها...وترجع تنام...
مها - انتي اول من نام منا قومي..
امل- مها واللي يعافيك..رووحــــ...ي
نامت مره ثانيه...
مها- تبن...يادبه قومي..
امل- تكفين مها...
سمعت صوت باب ينفتح ...وصوت واحد يقول - ياولد...احم احم...
فتحت عيونها..
مها- قومي لا يكون يبي شيء..
امل- بندر؟؟
مها- يس...خالد قايم منذ مبطي..
امل قامت ....
....................طبعا ماقامت عشان تشوف وش يبي...لكن ودها تقوم بالوقت اللي يقوم به ...
........................................
نزل ...وقال- ساره ساره...امل..امل..امول...
طلعت ساره من المجلس وقالت- امل نايمه وش تبي...
بندر- جوعان..
ساره- الغداء الحين...
بندر- طيب انتظره...
طلع وراح للرجال...
نزلت امل ...جتها ساره تركض...ومسكت يدينها وقالت بصوت خفيف - امل...خالي يمكن يجي اليوم...
امل انصدمت وقالت- و..و..وش يبي؟؟
ساره- ما ادري...اليوم الصبح دق على امي...وقال ماتعزمون على العشاء ولا كأني اخوك..امي قالت له انت حياك بأي وقت...
دخل خالد وهو يتنحنح...التفتن له...
خالد - وش فيكن سكتن...اخبارك امل؟؟
امل- تمام...اخبار البيت؟؟
خالد ابتسم وقال- باخذكم له العصر ...تشوفون الاثاث..
امل- الله يهنيك...
خالد- امين...تسلمين..
سكتن...وهو واقف جنبهن....
ساره- اممممم ماودك تروح...
خالد يتصنع البرأة- هاه ...اها كنت افكر ومو مهتم لكن..كملن سالفتكن...
سارة- اقول...رح..
خالد- سالفه نسوان؟؟
سارة- ايه...
ابتسم وقال- طيب انا مقبل على الزواج ...يمكن لازم اكتسب ثقافه...
وجه سارة صار احمر...وامل مبتسمه ومدنقه ...
خالد- طيب طيب..بروح...راح وهو يقول - إلى اللقاء اختاي الصغيرات...
ضحكت امل....
سارة- اووووف انواع الاحراجات ...طيب اقولك...وش بتسوين؟؟
امل- امممممم ما ادري....اذا جاء بروح للغرفة واقفل على نفسي....اصلا لو اني طالعه بوجهه...بندر وخالد فيه...مو خايفه...حتى بندر قال ماراح ترجعين الا اذا سمعتي اني تحت التراب..الله لا يقوله
سارة- والله ولك حراس بعد...
امل- انا امول ...
ساره بملل منها- ايه امول ...امشي نروح للمطبخ...
...............
العصر....
خالد - يالله بنااات ....
سارة-جيات ...دقيقة...
سارة نزلت وهي تركض....امل كانت تمشي...
خالد- ترى بعد البيت بنروح للسوق...لان عبد العزيز يقول بيودي خواته لسوق....
سارة- اها ...تيب..
طلع خالد وهن وراه....بندر كان بيدخل...
بندر- خالد ...اللي شريت منه الثلاجه يقول لازم تجون تدلوني..
خالد- موصف له المكان ..
بندر- وش اسوي...انا ماني رايح..بجلس مع ياسر وعبد العزيز وعبدالله بالحديقة...
خالد- طيب طيب...خلاص بنات...ادخلن...شوي وارجع لكم...
سارة- طيب خذنا معك للي بتروح له...
خالد- سوير ادخلي....
دخلت سارة وامل...
امل كانت تفكر...وهي طفشااانه...
سارة- وش فيك؟؟
امل- سلامتك...
دخلت للبيت وجلست بالصاله وشغلت التلفزيون...نزلت عبايتها ...
وهي تقول بقلبها- هو زعلان علي من كلمتي اللي امس....يالله ...والله كان قصدي هو...بعدين هو زعلني على كلامه البايخ اللي امس...وحده بوحده...بس ما ابيه يزعل علي...
.................
بندر رجع للعيال بالحديقة وجلس.....
وقفت سيارة جنب البيت...بندر ما انتبه لها...نزل ....طالع للحديقة...شاف بندر ...ابتسم وقال- باقي الكبير وينه...طالع بالسيارات ...سيارته مو موجوده...دخل للبيت ....
قسم الرجال فاضي...بيدخل الحين للقسم الثاني...
............
امل قامت ...وصعدت مع الدرج....ودخلت الغرفة وقفلت الباب ...بتغير ملابسها...
..........
دخل وهو يلتفت يمين ويسار...طلعت سارة بوجهه وانصدمت...
شافها وقال- وينها؟؟
رجعت سارة لامها ....
خالها- أمــــــــل...
طلعت ام خالد وقالت- فكنا من شرك.....امل ماراح تروح معك......
خالها- انتي مالك كلمه....اصلا انتي مالك عقل...تخلين بنت اختك تجلس مع عيال هي مو اختهم...
ام خالد- هي اختهم...
رجعت سارة شوي شوي...ودخلت المجلس.....اخذت جوال امها ودقت منه على بندر....
................
دق جواله....
بندر- دقيقه شباب...
قام ورد وبعد عنهم...- هلا يمه...
سارة- بندر ....تكفى تعال بسرعة....
بندر- وش فيك؟؟
التفت للبيت وشاف السيارة....
سارة- خالـــ....
سكر بوجهها ..واتجه للبيت بسرعة....
دخل ...وسمع طق باب وصراخ خاله.....وصعد مع الدرج بسرعة كانت امه تصيح...وسارة عندها....
بندر- سلامات....بيتك هذا داخل بدون اذن...
التفت خاله له وقال- والله ما اشوف فيه الرجال.....
بندر عصب ومسكه من عند صدر ثوبه وقال- واللي قدامك واطول منك مو رجال....دفه على ورى وقال- الحين بتطلع...
خاله وهو يعدل ثوبه- ماني بطالع الا اذا كانت البنت معي....
بندر- اطلع...
انفتح باب الصاله ودخل خالد وهو يقول- ياولد...احم احم
ابو وليد خاف....هو مايخاف من بندر لان طبع بندر هادي ومو مثل عصبية خالد....
خالد- يمه وش فيـــ....
سمع صوت بندر....صعد الدرج...وقف على اخر عتبه وقال- ما شاء اللـــه ....اشوفك جاي...
ابو وليد وهو مرتبك- ايــ...ايــه بـ...بأخذ بنت اختي...
خالد- بعد تقولها...اسمع ...اخذه ما انت اخذها...والباب ياسع جمل....ياليتك تمشي...
ابو وليد ضرب الباب برجله وقال- انا باخذها....افتحي...
بندر سحبه ودفه ...خلاه ياصل عند خالد....
بندر- اطلع برا ...انا ماودي اغلط عليك ....واوسخ يدي ...
ابو وليد- والله انك مو رجال....لا انت ولا اخو...
قبل مايكمل كلامه....سحبه خالد ودفه من عند الدرج...كان بيطيح على وجهه..بس تمسك..طالعهم وهو يقول- انا اوريكم...رفعتوا يدكم على ابو وليد....بخليكم تذكرون وش سويتوا وتقولون...
قاطعه خالد وهو يقرب منه-اعلا مابخيلك اركبه...من متى وانت تقول بوريكم بوريكم...يالله ورنا....
كان متجه للباب وهو يقول- طيب...طيب....انتظروني...
طلع وسكر الباب بقوة...
بندر يطق الباب على امل بشويش..ويقول- امول ...خلاص راح...افتحي..
انفتح الباب..واللي وراه وجهها مليان دموع..وتشاهق...
بندر- خلاص اموله....والله ما اخليه...
قاطعته- لا ...انا ...مو ...موبحاسه ...بأمان...وربي ان يذبحني...
بندر حط يده على كتفها وقال- وانا ويني...
امل- بس خايفه...
مسح دموعها ...رفعت عيونها له وقال- لا تصيحين وانا موجود تكفين...وربي لا اقف بطريقه ....بس اصبري كم سنه....وتفتكين منه..
امل ما فهمت معنى كلامه....
لكن هو ابتسم لها.....وابتسمت له...وقال- يالله ...غسلي وجهك ....
نزل شوي شوي...امه- وين امل؟؟
بندر- بتنزل...
خالد- هذا وين جانا....يالله حنا بنطلع عشان البنات ...
امل نزلت وهي تمسح وجهها بمنديل...
امه - تعالي يابنيتي...والله ماياخذك مني...
قربت منها امل وضمتها ...وقالت- الله لا يحرمني منك...
بندر-يلله خالد مشينا...
امل- لاتروحون بعيد....
بندر- امول....خلاص ماراح ياخذك...لاتفكرين انه بياخذك...
امل- بس...
بندر- خلاص ...مو اخذك.....
خالد- مايقدر....انا وبندر موجودين...لاتخافين...
طلعوا من البيت....
................
مها ومنى طلعن وهن مو مستوعبات شيء...
دخلت ام خالد عند ام عبد العزيز..
ام عبد العزيز- خالها يبيها.؟؟؟
ام خالد- ايه...والله هي خايفه منه ..
ام عبد العزيز- تدرين لو بيرفع قضيه ان ياخذه غصب...
ام خالد- لا لا ان شاء الله ما ياخذها..
ام عبد العزيز- البنت ماله احد...
ام خالد- وانا وعيالي وينا...
ام عبد العزيز- انتي تبينه عندك؟؟
ام خالد- ايه والله...ما ابيها تفارقني...
ام عبد العزيز- اسمعي...اذا كنتي تبينه لازم تريحين خاله...هو خايف من العيال عليه...هذا خالد بيتزوج...طيب بندر متى....عشان تسذا زوجي بندر...
ام خالد- قلت لبندر..بس بندر ما يبي...
ام عبد العزيز- وش تسوين اجل....خاله بيخاف عليه...لازم تزوجينه او بتروح البنت...
ام خالد- يعني اغصبه على الزواج؟؟
ام عبد العزيز- ايه مالتس الا هذا....
ام خالد- اشوف اشوف...بس ما احب اغصب عيالي على شيء...
ام عبد العزيز- اماتس تقولين ابيها عندي...كيفتس انتي وعيالتس...
ام خالد تفكر بكلامها ...ما تدري تسويه او ...تترك بندر على راحته.....
...................
امل كانت متسطحه والبنات يسولفن ...وهي عايشه بجو.....تفكر بعمق....والسماعات باذنها
مها - اموول ....اموول...امل..
التفتت وقالت- هلا...
مها- ابعدي السماعات...
امل- ايش؟؟
مها تسحب السماعات وتقول- ابعديهن...
امل- اها...وش تبين؟؟
مها -كم بينك وبين خالد....
امل- اممم...تقريبا 14 سنه ....او 13
منى- اووووف...كبير مررره...
مها- ايه عشان كذا مثل اخوك...
منى- طيب وبندر...
ساره- تسع سنوات ...
منى- وربي كبير ...كم عمره الحين..
ساره- امممم ما ادري...يمكن...
امل تقاطعه- 25ونص....
مها- غريبه اخوانتس ما يتزوجون بدري....
سارة- يبون يعيشون حياتهم...خليهم...
منى-بس حلو ان تصير لك مرة اخو.....
امل- خالد خليه يتزوج...لكن بندر ما ابيه يتزوج....بفقد الدلع...
مها-ههههههههههه شكله مدلعك اكثر من اللي تصورته...
سارة- كان نذل علي ....تخيلي اذكر خلص دورها بالمرجيحه ...وقلت انزلي ...قالت لا ...قال بندر بعدين سارة...
مها -وكم كانت اعماركن؟؟
سارة- اممممم يوم يصير عليها الحادث....ايه ثمان سنوات...
منى-هههههه صار عليك حادث...اتوقع انه نفس سارة بالمرجيحه طيرته ...
امل- لا ...بس بندر تركني ورجع للبيت ورجعت لحالي...يوم وقف قدامي كان راجع لي...وانا انصدم...
دق جوالها...كانت النغمه مهما الليالي...
امل- الطيب عند طرايه...قامت وردت- هلا...
بندر- هلا فيك...خلاص ارتحتي؟؟
ابتسمت وقالت- ايه..
طالعت البنات كانت العيون عليها...ابتسمت لهن وطلعت وقالت- وربي ما انسى لكم وقفتكم هذي لي...خالد الله يوفقه ويهنيه...
بندر - ولو امول ....خالد اخوك...بس اسمعي حياتي..
طيرت عيونها وابتسمت بقوة من الفرحه ...وقالت- سم...
بندر- امممم ...قولي ..لسارة...والبنات ...اذا تبون السوق الحين...بنوديكم..
امل- لالا ابي اشوف بيت خالد...
بندر- بيت خالد بكرة...الحين خالد مشغول...والبيت فيه عمال...ان شاء الله انا اوريك بيتي ..
سكتت وقالت- ان شاء الله..
بندر- طيب ...اسألي البنات....
امل- طيب....
فتحت الباب وقالت بصوت وحده طفشانه- بنات تبن السوق الحين؟؟؟
البنات- ايه....
امل رجعت للجوال وقالت- بندر..
بندر- عيونه...
امل- ايه يبنه..
بندر- وانتي؟؟احس ماودك...
امل- لا لا مو رايقه لسوق...
بندر- اجل بلا رو...
امل- لا بندر...ود البنات انا ما ابي...
بندر- لا..
امل- طيب بروح...
بندر- خلاص تجهزن...
كان بيسكر قالت- بندر.........
بندر- عيونه..
امل- اممم اشوفك هاليومين تكلم عن زوجتك والبيت ..وخطيبتك...ممكن اعرف من هي؟؟
بندر ضحك بقوة وقال- تعرفينه بعدين...بس الله يستر لايكون تفكر بغيري..
امل تحطمت وقالت- الله يهنيك...
بندر- اموله...انتي تعرفينها...
امل- طيب ميـــــن؟
بندر- تعرفينه مره...تعرفينها يمكن اكثر من سارة...
امل- لغز هذا او ايش...
بندر- اذا عرفتيها خير وبركه واذا ما عرفتيها....انتظري إلى ما اخطبها...
امل- طيب ....بطلع حبيبتك هذي....
وتقول بقلبها- والله ياليت اقدر اذبحها عشان ارتاح....
بندر- يالله ...خمس دقايق وانا وعبد العزيز عندكم....يالله...
امل- طيب....
سكرت ....واخذت نفس وقالت- انا اعرفها....اكثر من سارة....والله ما ادري من...
دخلت وقالت- خمس دقايق وبندر وعبد العزيز هنا...بسرعة...
.....................
بالسيارة ....كان عبد العزيز وبندر قدام ...بندر يسوق والبنات ورى..
مها بصوت خفيف- سارة...قولي لاخوك يوسع سيارته
سارة- يوسعها عشانك....والله هذا اللي باقي...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك