رواية همسات حب تنزف الم -16
راما : يلا نتسلى في الطريق
رامي : لالالالالا .............. خلي تالا تقعد معايا انتي من اول جالسة معاها ابغاها تقعد معايا شويا
راما : يلا مالنا نصيب ياتوتا نتمشى سوا الله يعينك
تالا ابتسمتلها : خلاص بكرا انا وانتي نروح نتمشى سوا
راما : اوكي اعطيني رقمك
وكل وحدة اخدت رقم الثانية : اوكي بيننا
call
راما : اوكي ........... يلا باااي
تالا ورامي : باااي
جلست تالا على الكرسي اللي قريب من الباب
رامي : تالا اشبك جالسة بعيد تعالي ابغاكي في موضوع
راحت جلست على الكرسي القريب من السرير : ايوا ايش الموضوع
رامي : انتي عارفة انا مين
تالا : ايوا انت رامي صاحب اخويا وائل واعرف اهلك كلهم
رامي : مين قلك ؟
تالا : فاكر اخر مرة كلمت فيها وائل
رامي سكت شويا : ايوا لمن تعبت وحدة من اخواته ............ الا صح مين هيا اللي تعبت
تالا : انا
رامي : من جد .............اشبك ؟
تالا : انا كنت جالسة مع وائل وانت تكلمه لمن سمعت اسمك ماصدقت انك رامي اللي انا اعرفه ولكن من خلال مكالمتك مع وائل اتأكدت........... فجئة حسيت اني دايخه وماني قادرة اتنفس واغمى عليا .......... والدكتور قلي لمن ازعل ويكون الزعل قوي ينخفض ضغطي واحس بضيق بالتنفس
رامي : يعني اللي سارلك بسببي
تالا : لاتقول كذا ......... انا كنت خايفة انه لو وائل عرف راح تخرب صداقتكم عشان كذا لمن رجعت من السفر كنت متغيرة عليك كنت ابى ابعدك عني ماابى شي يسير بينك وبين وائل
رامي : لا تخافي محد راح يعرف الا لمن اسوي اللي في راسي والكل يكون مرتاح ومبسوط
تالا مافهمت قصده واكتفت انها تبتسمله : ايوا كيفك دحين ان شاء الله احسن
رامي : انا بس اشوفك مااحس بالم ولا احس بشي مااشوف غيرك قدامي ............ انتي كل حياتي
تالا : وانت كمان
رامي يستهبل : وانا ايش
تالا : وانت كمان كل حياتي وماحبيت ولاراح افكر احب غيرك
رامي مسك يدها وسلم عليها : تالا من اليوم ورايح انتي ماراح تكوني لغيري
تالا ابتسمت : اوكي انا بروح وبكر اجيك
رامي : لسى بدري ماشبعت منك
تالا : لا عشان ترتاح شويا يلا نام وبكرا اجيك
رامي : طيب ممكن طلب
تالا : عيوني لك
رامي : ابى بوسه
تالا استغربت من طلبه : نعم
رامي : ماسمعتي ابغى بوسه
تالا : لا ماينفع
رامي : تالا راح ازعل
تالا : كلو ولا زعلك اوكي
راحت تالا لعنده وسلمت بسرعه على خده ورجعت على ورى
رامي : وربي ماحسيت بشي مرة سريعه .......... خليني بس اقوم بالسلامة وشوفي ايش اسوي فيكي
تالا وجهها سار الوان : يلا نام
رامي : طيب اخر طلب
تالا : ايش ؟
رامي: غطيني عشان انام
راحت تالا وغطته وهيا بتغطيه رامي جرها نحيته تالا اتفاجئت من حركته : المرة دي انا اللي بعطيكي بوسه وباسها بوسه على خدها قريبة من فمها
تالا هنا انصدمت من حركته ( والله انه راما صادقه لمن قالت لايغرك انه مسدوح في السرير ) وخرجت بسرعه من غير ماتنطق بأي كلمة................. ورامي مبسوط انه باسها
اليوم الثاني زواج ملك وتولين في يوم واحد ملك كانت مرة خايفة ماهي عارفة ايش راح يكون مصيرها مع مهنا اما تولين صح كانت خايفة بس في نفس الوقت مبسوطة انها راح تكون بمكان واحد هيا ومهند
ملك لبست نفس هذا الفستان وعاملة نفس الميك اب والتسريحة اللي بالصورة كان شكلها مررة جنان
وكانت ماسكة مسكة غريبه كلها كريستالات كان شكلها جنان
تولين كانت لابسة نفس هذا الفستان
وكانت عاملة شعرها زي هاذي الصورة
وعاملة نفس لون الميك اب
وماسكة نفس المسكة هاذي
عند ملك غزل جالسة معاها
غزل : لاتخافي انا متأكدة انه طيب
ملك : انا مرة خايفة
فجئة دق الباب
راحت ملك فتحت لمؤيد اعطاها الدفتر عشان توقع ملك : تصدقي طالعة تجنني
غزل : شكرا
مؤيد : وحشتيني
غزل: مودي خليني اودي الدفتر لملك بعدين اشوفك
مؤيد : اوكي ياقلب مودي
راحت غزل ودت لملك الدفتر ملك مسكت القلم وهيا مرة خايفه وحطت يدها على مكان التوقيع فجئة وقفت وحطت القلم وماوقعت
غزل : ملك اشبك؟
(انتهى البارت
( البارت الثامن عشر )
ريفان جالسه بغرفتها وماهي راضيه تكلم احد
رود اتصلت عليها : الو
رود : ريفان اشبك اليوم من اول اتصل عليكي وانتي ماتردي
ريفان سارت تبكي
رود : ريفو اشبك ؟
ريفان : ماينفع تجيني دحين
رود : انا دحين في زواج تولين وملك عشان كدا اتصلت عليكي
ريفان : طيب بعد ماتخلصي
رود : كيف اجيكي بالليل
ريفان :عادي امي متعودة عليكي يعني عادي
رود : اوكي اكلم ماما واشوف
ريفان : طيب
قفلت من رود وقاعدة تفتكر اللي سار معاها امس
رسيل : ريفان فين رايحه
ريفان : بروح الحديقه بكلم ماما
رسيل : اوكي
خرجت ريفان وكانت ماشيه وتحاول تتصل بأمها بس مافي شبكة فجئة حست احد حط يده على فمها وشالها ( وريفان مرة نحفانة عشان كذا سهل انها تنشال) وهيا ترفز وتحاول تفك نفسها بس ماهي قادرة وباين انه اللي شالها بنيته قويه وداها لمكان بعيد شويا في الحديقة وشبه مظلم ........... وحطها بالارض ريفان لمن سابها لفت عليه تبغى تشوف مين هوا : انت .......................
عند ملك سابت القلم وماوقعت
غزل : ملك اشبك
ملك :مني متزوجته
غزل : ملك اشبك مايسير الناس كلهم يستنو اسفل ولاتنسي ابوكي ممكن يتعب من ردت فعلك
ملك وشويا تبكي : ياغزل والله خايفة وربي ماابغاه افهميني
غزل : ملك لاتخافي ان شاء الله مايسير شي عسى ان تكرهو شيئا وهوا خيرا لكم وعسى ان تحبو شي وهوا شرا لكم
مؤيد دق الباب : يلا هاذا كله توقع
غزل نزلت لمستوى ملك اللي كانت جالسة : ياملك لاتخافي انا اللي شفته في عين مهنا انه يحبك ولاتنسي اللي يحب مايعرف يكره ويمكن مع الايام تحبيه ....... انتي سمي بالله ووقعي وماراح يسير شي ان شاء الله
ملك تحس انها ارتاحت شويا من كلام غزل :طيب ............. مسكت القلم وسمت بربها ووقعت
غزل : والله مااعرف اغطرف لو اعرف كان غطرفتلك
ملك ابتسمتلها تطمنها
مؤيد اخذ الدفتر : مهنا دحين راح يدخل
ملك : غزل الله يخليكي قوليله ماابغاه يدخل
غزل : ماينفع لازم يدخل عشان كمان يتصور معاكي
ملك سكتت .............. مرررة خايفه خلاص هيا دحين زوجته ويقدر يسوي اللي يبغاه
خرجت غزل من هنا ودخل مهنا من هنا ملك كانت مرة خايفه بس ماتحب تبين لاحد غير مؤيد تؤامها وغزل وجالسه وبكل ثقه وياارض اتهدي ماعليكي قدي
مهنا : مبروك
ملك ببرود مصطنع عكس الخوف اللي بداخلها : الله يبارك فيك
مهنا يعرف حركات البنات هاذي بما انه نسونجي درجة اولى ............... مسكها من يدها ووقفها قدامه
ملك تحس بكهربة بجسمها اول مرة تحس فيها
مهنا : وحشتيني
ملك وخوفها كل ماله بيزيد : ممكن تسيب يدي
مهنا وقرب منها لدرجه سار يحس بحرارة جسمها : ليش انا مو زوجك
ملك : انا مو قصدي كدا بس لحد يدخل علينا
مهنا وقرب زيادة : عادي ايش يعني رجال ومرته مافيها شي
ملك باصباعها دفته وبكل هدوء : لا فيها الف شي وشي
مهنا ( الله يعيننا شكلها من بدايتها عناد الهرجة )
ملك : يلا المصورة تستنى
ومشيت قدامه
مهنا بصوت واطي : الله يعينني عليكي
: انت ............
قصي : لا تخافي انا ماراح اسوي لك شي انا بس بقلك موضوع
: اقولك بعد خليني اروح
قصي : لا منتي رايحه الا لمن اقول الكلام اللي عندي
ريفان : وانا ايش بيني وبينك عشان تقولي موضوع
قصي : اللي بيننا .............. انك راح تكوني زوجتي المستقبليه
ريفان : نعم انت واحد متهيئ
قصي : ريفان ......... انا راح اخطبك الاسبوع الجاي واتمنى انك ماترفضيني انا احبك تعرفي ايش يعني احبك
ريفان : لاياشيخ ..... وانا مااحبك
قصي : انتي راح تكوني معايا اسعد انسانه .......... انا مو من الشباب اللي يغصبو البنت على شي هيا ماتبغى تسويه انا اباكي تفكري في الموضوع وراح يجو اهلي يخطبوكي
وراح وسابها في حيرتها .............. رجعت زاكرتها تحس اللي سارلها امس شي غريب وريفان من البنات اللي مرة يخافو من حركات الشباب المتهورة لذلك قالت لرود ورود راح تشوف ايش يسوو في الهرجة
نرجع للبنات كانو جالسين على طاولة وحدة هدى طول الوقت كانت مسرحه مع انه شكلها كان طالع يجنن
اما جمانه راحت جلست جمب رسيل وكانت تحاول تستفزها : رسيل
رسيل بكل برود : ايش تبغي
جمانه : مادريتي ايش سار
رسيل نفخت تبغاها تقوم من جمبها بس مافي احساس
جمانه تأشر على طاولة كانت جالسه عليها ام خالد ومعاها حرمة وبنت في سن رسيل : شوفي ام خالد قاعدة تكلم ام ميار على خالد
رسيل : نعم ايش قلتي
جمانه : ام خالد بتخطب ميار لخالد
رسيل : انتي ايش قاعده تقولي
جمانه : هيا كم مرة سألتني عنها وقالت بتخطبها لخالد
رسيل خلاص ماهي قادرة تتحمل اتجمعت بعينها الدموع على طول قامت
جمانة : يس واخيرا قدرت اكسر خشم وحدة من اخوات تالا
خرجت من المكان اللي هيا فيه تحس انها مخنوقه راحت جلست بالحديقه على الارجوحة وسارت تبكي
: رسيل؟
رسيل وهيا منهارة : نعم ايش تبغى مو خلاص تبى تخطب ايش تبغى مني شي ثاني
خالد لمن شاف شكلها ماعرفها هوا ليه فترة ماشافها هيا مرة نحفت ووجهها مرة شاحب وباين عليها التعب : رسيل اشبك ....... وكان بيمسكها من يدها
رسيل دفته عنها : بعد عني انت ياخالد عمرك في يوم ماكنت قد كلامك انت وعدتني انك ماراح تسيبني في يوم من الايام وعدتني انك عمرك ماراح تخليني انزل دمعة وهاذا كله فين راح انت ماتستاهل حبي لك ....... خلاص ياخالد زي ماقلت انت من قبل انا وانت زي الاخوان من اليوم ورايح ودفته ومشيت تحس انها ماهي عارفة فين تروح خالد من سمع كلامها ماهو قادر يوقف جلس على الارجوحة
اما رسيل راحت اخذت عبايتها كانت في حالة انهيار وماتدري ايش تسوي لبست عبايتها وخرجت من الباب تجري ........ خالد شافها : رسيل فين رايحه ................وقام يجري وراها .......... رسيل تمشي في نص الطريق وماهي سامعه احد تحس انها في دوامه وتبى احد يخرجها منها فجئة شافت نور قوي في وجهها وصوت بوري سيارة
خالد : رسيل لالالالالالالالالالالالالالالالا
السيارة صدمت رسيل طاحت رسل على الارض واتفتحت عبايتها وطارت طرحتها وبان شعرها الاسود وعلى وجهها دم
خالد يحس انه ماهو قادر يمشي يبى يروح يشوفها بس ماهو قادر
راحت ذاكرته لورى ( افتكر اول مرة لمن كانت تجري وهيا دوبها طالعة من المسبح وكانت تالا تجري وراها بتكبها بالمويا الباردة وطاحت قدام خالد ولمن شافها تبكي زي الاطفال ماقدر يسيبها لحالها .............. ولا لمن كانت عندهم بالبيت وكانت ترقص وتدور كانت يحس فيها البراءة والطفولة اللي كان يحبها فيها ) فجئة فاق من اللي فيه وراح يجري لعندها والناس كلهم متجمعين
جلس على ركبه وحط راسها على رجله : رسيل قومي لاتسيبيني ......... اطلبو الاسعاف بسرعه بسرعه وسار يكلمها لدرجه انه بكي اول مرة خالد يبكي بس بكي على حبيبته اللي ماحب غيرها رسيل هيا حب حياته
عند غزل كانت تدور على رسيل بس ماهي لاقيتها
وانزفت تولين وملك وراحت تولين ومهند لبيتهم اما ملك كانت بتكلم ابوها قبل ماتروح على انفراد
دخلت ملك عند ابوها اللي من وقت الصور وهوا مايكلمها دخلت عنده وباين على وجهه الزعل : بابا ......... ابو مهند مارد عليها
ملك جلست على ركبها قدام ابوها : بابا والله انا مظلومة وربي انا عمري ماسويت شي غلط انت مربيني احسن تربية وربي هاذا احد مسوي الصور وربي ماادري مين اللي معايا بالصور واذا حتى منت مصدقني سامحني يابابا سامحني وسارت تبكي
ابو مهند نقطة ضعفه دموع بنته : خلاص لاتبكي يابنتي روحي انا مسامحك .............. وسلم على راسها
هنا ملك ماقدرت تتمالك نفسها حضنته وسارت تبكي : والله انا مالي دخل باللي سارلي
ابو مهند : روحي يابنتي الله يوفقك ويسعدك في حياتك
سلمت عليه ملك وخرجت بعد ماعدلت في الميك اب
مهنا على طول طار على البيت وملك قلبها يدق بقوة خايفة ايش راح يسير معاها اليوم
في سيارة الاسعاف رسيل وخالد .............. خالد لاول مرة يبكي وكأنه طفل : رسيل لاتسيببني والله انا آسف انا مااحب غيرك لاااحب ميار ولا غيرها
الممرض : لوسمحت سيبنا خلينا نسوي شغلنا
خالد رجع على ورى وماهو عارف يكلم مين ولايقول لمين يجي معاه مالقي غير مؤيد يتصل فيه : الو مؤيد
مؤيد : خالد اشبه صوتك
خالد : رسيل صدمتها سيارة وهيا دحين بالاسعاف
مؤيد : وايت مستشفى رايحين
خالد : مستشفى الـــ..........................
ام وائل : يابنات ماشفتو رسيل
غزل : انا من اول ادور عليها ماني لاقيتها
جمانة وبكل وقاحه : انا ماشفتها
هدى بطيبة :طيب خلونا ندور عليها
غزل : خليني اتصل على جوالها ......... اتصلت غزل بس اكتشفت انها سايبته على الطاولة ورايحه .......... ياربي هاذي فين راحت ........فجئة دق جوال غزل والمتصل مؤيد : هلا مؤيد
مويد :غزل اسمعيني لاتبيني لاحد
غزل راحت بعيد عنهم شويا : خير مؤيد خوفتني
مؤيد : رسيل صدمتها سيارة وهيا دحين مع خالد بالاسعاف ورايحة مستشفى الــ.................... جهزي نفسك انا برى وجيبي امك معاكي
غزل وشويا تبكي : طيب
راحت قالت لامها تجي معاها وراحو هيا ووائل وامها ومؤيد وابو وائل المستشفى
عند ملك مهنا ساعدها لحد ماوصلو البيت ودخلت غرفة النوم وهيا ترجف مع الخوف فسخ مهنا البشت والغترة والعقال ووقف قدام ملك............... ملك راخيه راسها
مهنا : ملك ارفعي راسك
ملك رفعت راسها
مهنا ببتسامة سخريه : نورتي بيتك ................ واعطاها ذاك الكف اللي خلاها تطيح على الارض
ملك والدموع اتجمعت بعينها : ليش تضربني
مهنا : عشان ثاني مرة ماتمدي يدك على مهنا الـــ...............
ملك وقفت وبكل ثقة : وتحسبني راح اسكتلك لو مديت يدك علي لا ياحبيبي انسى انا ملك الـــــــ................. يعني لاتحاول تتحداني
مهنا : طيب نشوف مين فينا اللي نفسه اطول
ملك : اوكي .................. انا بغير اطلع برى
مهنا : انا زوجك غيري ملابسك قدامي
ملك : لا والله اقول اطلع برى
مهنا : لاتحاولي اذا تبي انتي تطلعي اطلعي اما انا ماني خارج
ملك : اوكي
دخلت الحمام وسكت الباب ( الله ياخذك يارب ) وربي ماانسى الكف انا لازم ارده له
بالمستشفى دخلو رسيل على غرفة العمليات وخالد واقف برى وحالته حالة الثوب معدوم بدم رسيل ويده كان فيها بعض من الدم
دخل وائل وابو وائل وغزل وام وائل ومؤيد : فين رسيل؟
خالد والحزن مالي عينه : بغرفة العمليات
ام وائل جلست ع الكرسي وسارت بس تبكي : يارب قومها بالسلامة
خالد حاسس انه هوا السبب في اللي سار برسيل
نرجع لملك اللي للان جالسة بالحمام
مهنا : كأنها اتأخرت
راح لعند الباب وسار يدق عليها: يلا بسرعه ابى اخذ شور
ملك بصوت واطي : ان شاء الله تغرق
مهنا : نعم ايش قلتي
ملك : ولاشي دحين طالعة
خرجت ملك وهيا لسى لابسة الفستان
مهنا رفع حاجب : انتي لسى ماغيرتي ملابسك
ملك : ايوا لسى مااخدت بجامه
مهنا : بجامة ؟
ملك : ايوا بجامة عندك مانع
مهنا : لا ماعندي ........... يلا بعدي خليني ادخل اخذ شور
دخل مهنا من هنا وملك تبربر من هنا
راحت فتحت الدولاب شهقت شهقة : يالله لايقولو ماجابو بجامة كلها قمصان نوم ايش هاذا وكل واحد اخلع من الثاني سارت تدور لحد مالقيت شورت احمر ومعاه بدي والشورت ع الفخذ ومالقيت شي استر منه ......... امري لله راح البسه لبست الشورت ورفعت شعرها فوق بشريطة حمرة ولبست شبشب احمر بفرو الله يعزكم وحطت قلوس احمر فاتح وشالت مخدة وشرشف وجهزتها على الكنبة عشان تنام .................. مهنا خرج من الحمام ولابس المنشفة على وسطه وجسمه كان مرة جنان وجالس ينشف شعره بالمنشفة الصغيرة دخل ملك انفجعت من المنظر وغطت عيونها بيدها
مهنا بيضحك بس ماسك نفسه : اشبك مغطية عينك
ملك وهيا لسى مغطيه عينها : غطي نفسك
مهنا بأستهبال : ليش ان شاءالله
ملك : عيب جالس قدامي كذا
مهنا : عادي انا زوجك ييلا شيلي يدك
ملك : لا ماني شايلتها لمن تروح
مهنا : اوكي بكيفك ................ وراح لعندها وسحب يدها
ملك : سيب يدي
مهنا: ماني سايبها وجرها نحيته ................ لدرجة انها لصقت في صدره
ملك : مهنا بليزززززززز سيبني
مهنا قرب منها ولا كأنه سامعها وطبع بوسه على شفايفها ..............ملك تحس نفسها مشلولة ماهي قادرة تتحرك................ مهنا هنا سابها وراح يغير ملابسه
ملك على طول دخلت تحت الفراش وغطت وجهها وسارت تبكي
مهنا وهوا جالس يلبس ( يعني ماكان له داعي ان اسلم عليها وربي تلاقيها ميته بكى دحين ........... بس ايش اسوي اذا احبها وهيا ماهي حاسة فيني ......... وانا لازم اخليها تحبني زي مااحبها واكثر )
عند رسيل الدكتور دوبه خارج من غرفة العمليات ............... راح له ابو رسيل ووائل ومؤيد وخالد : كيف يادكتور بنتي
الدكتور : اتعرضت رسيل لاصابة في راسها سببتلها نزيف بالمخ
ابو وائل : لاحول ولاقوة الا بالله
الدكتور :احنا مخلينها بالعناية المركزة لحد ماتستقر الحالة وان شاء الله خير........لاتزعل هاذي قدرة الله
ابو وائل : ونعم بالله
راح الدكتور والعائلة كلها حالتها صعبه والام اغمى عليها ونومها بالمستشفى ................ وخالد حالته حالة
تالا كانت جالسة مع راما في مطعم بلانيت هوليوود والجو كان مرة نايس
راما وجالسة تتكلم : انا ورامي من واحنا صغار مصايبنا كلها سوا يعني هوا يغطي عليا وانا اغطي عليه
تالا : اها
راما : ممكن اسئلك سؤال
تالا : اسئلي
راما : انتي كيف حبيتي رامي
تالا سكتت شويا وبسرحان سارت تتكلم : ماادري كيف ولا ادري متى احس اني كنت دايما اشوفه واستناه لحد ماوصلتله وهوا حلم من احلامي اللي مااتوقعت انها تتحقق
راما :اها
تالا : وانتي عمرك حبيتي
راما : لا ماعمري حبيت
تالا : اها
راما : الاصح يوم ملكة غزل انتي اللي غنيتي
تالا : ايوا
راما : والله انا ماصدقت قلت اكيد حاطين صوت احد
تالا : لا صوتي
راما : والله حلو بس ليش مافكرتي تدخلي ستار اكاديمي
تالا : الله مرة وحدة ستار اكاديمي ....... ياراما احنا بمجتمع سعودي وعندنا عادات وتقاليد وكمان ماتشوفي كيف في الاكاديمية البنات والشباب مع بعض لا ياماما .......... وانا ترا بس احب اغني كذا مو انه ابى اشهر صوتي بس الغنى شي من عاداتي
راما : اها
تالا : متى رامي راح يخرج
راما : هههههههه لدي الدرجة مستعجلة على خروجه.......... وربي الله يعينك ترى وربي رامي مرة جريء
تالا بصوت واطي : ادري
راما : لايكون سوا معاكي حركة كذا ولاكذا
تالا : لا ابدا ........... المهم متى راح يخرج
راما : بكرا
تالا وقفت : من جد
راما ببتسامة : والله
تالا ضمت راما : الحمد لله الله يبشرك بالخير
راما : امين
عند ريفان كانت عندها رود اللي قالت لامها انها بتنام عندها
رود : يعني هاذا اللي سار
ريفان ببكى : ايوا
رود : طيب انا مااشوف له داعي تبكي
ريفان : انا خايفة
رود : لاتخافي انتي استخيري يمكن يكون خير لكي
ريفان : ماادري .............. ايش رايك تسألي سامي عنه
رود : من عيوني بكرا ان شاء الله اسئله
ريفان : طيب
رود : يلا انا بنام
ريفان : حتى انا يلا تصبحي على خير
رود : وانتي من اهله
خالد من امس وهوا جالس جنب باب العنايه المركزة
مؤيد مستغرب من حالة خالد : خلووووود قوم صلي الفجر
خالد : طيب
مؤيد : روح البيت غير ملابسك وصلي وتعال
خالد : طيب
وراح خالد واللي يشوفه يحسبه شايل هموم الدنيا ......... ورسيل للان حالتها مستقرة
اما عند تالا كانت تتجهز لانه رامي كان بيخرج من المستشفى لبست برمودة جينز فاتح وبلوزة توب مخططة لونها بنكي وفوشي ولبست بشرايط بنكي وفوشي وعملت شعرها كيرلي عريض وعملت بف من قدام مسكته بكلبسه على شكل فراشة لونها فوشي وحطت كحل ازرق وروج بنكي واتعطرت وخرجت
فتحت عينها وفركتها من النوم كانت احلى ايام حياتها لفت نفسها لقيت جمبها وردة مسكتها وشمتها قامت بمرح واخدت الروب ولبسته دخلت الحمام وفرشت اسنانها واتوضت وخرجت صلت بعدين قامت لبست فستان اورنجي على نص الفخذ وفتحت شعرها ولبست فلات اورنجي وحطت كحل اسود وشادو خفيف مشمي وحطت قلوس مشمي والبلاشر مشمشي واتعطرت وخرجت : مهند هنو
جاها من وراها وغطالها عينها........ عيون هنو انتي ........ابتسمت وسحبت يده وباستها ....... فين رحت
مهند : رحت اجهز الفطور لحياتي يلا امشي نفطر
تولين يلا : وراحت جلست على الطاولة اللي كانت مجهزة في البلوكونة وصوت العصافير تغرد وجلسو الاثنين يفطرو وهما مبسوطين
اما عند ملك تحس انها ماهي عارفة تنام طول الليل من البوسة ومن الكنبة اللي تعبت ظهرها مهنا كان يراقبها طول الليل ماغفى غير شويا وكان حزنان عليها عشان تعبت من النوم على الكنبة
مهنا : ملك
ملك وهيا مغطيه وجهها : همممممممم
مهنا : يلا ياحلوة قومي سويلي فطور
ملك كشفت وجهها : نعم انا مااعرف اسوي شي
مهنا : مالي دخل مو انتي زوجتي يلا قومي سوي فطور ولا ماراح يحصل خير ولاتنسي امس ايش سويت فيكي
ملك فزت من مكانها ماتبى اللي سار امس يتكرر ودخلت على طول الحمام
ملك تكلم نفسها : والله لااوريك يامهنا اما خليتك تبطل تقولي سوي فطور مااكون ملك الـــ.......................
مهنا : ساعه في الحمام
ملك : يلا خارجة
خرجت ملك وراحت تغير ملابسها لبست تنورة قصير بيضة وبلوزة برقبه موف ولبست فلات موف وسابت شعرها مفتوح وحطت كحل اسود وقولس بنكي وخرجت تسوي الفطور............ وجابته له
ملك : اتفضل
مهنا : وكيف تقولي ماتعرفي تسوي فطور
ملك : والله حاولت وسويتلك اللي اعرفه
مهنا بدء بالبيض واول ماحط اللقمة في فمه بدء يكح بقوة : كح كح كح كح كح
ملك : اشبه ماعجبك
مهنا : مويا
راحت جابت له مويا وحاطة يدها في خصرها وشغالة تهز برجلها
مهنا وهوا يشرب المويا وهوا ماشال عينه من عليها لدرجة انه ملك اتوترت من نظراته
حط الكاسة ووقف
ملك بخوف : اشبك
مهنا باستهبال : شبعت وقرب منها
ملك : مهنا بعد عني
مهنا : لاتخافي ماراح اسويلك شي ......... وسارت هيا ترجع على ورى وهوا يقدم لحد مالصقت بالجدر ومهنا قدامها
ملك حست بكهربة بجسمها اول مرة تحس بهذا الشعور
مهنا : ايش رايك تحضيني ........... ترى والله حضني حلو
ملك : مهنا بعد
مهنا : يلا جربيه راح يعجبك وراح تقوليلي احضنك ثاني
ملك دفته بأقوة ماعندها ودخلت على الحمام جري
ومهنا جلس على الكنبة ( والله احبها عيونها تخليني انسى هيا ايش سوت الله يعنني عليكي ياملك )
وشال جواله وخرج
تالا دخلت المستشفى وكانت راما واقفة عند غرفت رامي
تالا : هاااااااي
راما تصفر : الله يعين اخويا عليكي
تالا : ههههههههههههههه
راما بكذبه : رامي قلي اول ماتالا تجي خليها تدخل ابغاها بموضوع
تالا : اوكي
دخلت تالا ورامي واقف قدام المرايا وماهو لابس التيشرت .......... تالا على طول خرجت وسكت الباب وراها
راما : ههههههههههههههههههههههههههه
تالا ضربتها بخفة على كتفها : كدا تفشليني
راما : عادي ياشيخه فليها
تالا : انتي متهورة الله يعين اللي بياخذك امه داعيه عليه
راما : بالعكس امه داعيتله
خرج رامي : كيفك تالا
تالا وهيا متفشلة من اللي سار : تمام الحمدلله
رامي : يلا نمشي
راما : يلا
رامي : ابى اروح مكان ليا فترة مارحته
تالا : ايش
رامي : ودوني برج ايفيل
تالا : من عيوني
رامي : تسلم عيونك ياعيوني
راما : لا تخلوني اكتب قصه عنكم واسميها حب بالمستشفى
رامي وتالا : ههههههههههههههههههههههههههه
في المستشفى الكل جاه عشان يشوف رسيل فجئة خرج الدكتور وقل لابو وائل : الحمد لله على سللامتها بنتك والحمدلله راح النزيف منها وقدرنا نسيطر على كل شي
ابو وائل :الحمد لله على كل حال .......... راح ابو وائل واللي معاه عند ام وائل يبشروها بالبشارة الحلوة ماعدا خالد
خالد راح للدكتور : اقدر اشوفها
الدكتور : طبعا
خالد : بس لو سمحت دكتور ماابى احد يعرف اني دخلت عند رسيل
الدكتور : ان شاء الله
راح خالد ورسيل كانت نايمة قرب منها وطبع بوسه على راسها : الحمدلله على سلامتك ........... رسيل والله انا احبك ومااراح اقدر يوم اعيش من دونك انا ماابى احد غيرك انتي.............. رسيل سامحيني.............. رسيل كانت سامعته بس مافتحت عينها( مااقدر ياخالد انت تعبتني وماصدقتني يوم حاولت افهمك الموضوع حتى مااعطيتني فرصة )
خالد حاسس انها سامعته بس ماتبى ترد عليه : رسيل انا عارف انك سامعتني ........ خلاص يارسيل ماتبغيني قوليلي انا اصلا مااستهالك انتي انسانة كانت فيكي براءة الطفولة اتمنى انها ترجع ثاني ترجع رسيل اللي كنت اعرفها وماراح تشوفيني مرة ثانية وسلم على يدها وخرج
رسيل اول ماخرج فتحت عينها وسارت تبكي : والله احبك ياخالد بس مااقدر وربي تعبت
خالد جالس برى على الكراسي شافه مؤيد ( والله فيه شي خالد عمري ماشفته كذا ) وراح لعنده
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك