رواية الا فراقك -15
امل مارفعت عيونها ....
بندر- انا طالع...
طلع بسرعة....وقف عند الباب وهو يقول- اعتذر....لالا ...يووه
التفت لها وقال- اموله ...تبين شيء من برا...
امل مارفعت عيونها وقالت- سلامتك ...
بندر- طيب انا....
يقول بقلبه- لا لاتعتذر....يمكن هي ماتحبك....لالا هي تحبني ...لكن....اوووه
امل- انت ايش؟؟
بندر- انا بطلع...
امل بقلبها- توقعتها انا اسف...
طلع وتركها...التفتت وهي تشوفه يمشي ولا التفت لها...لهدرجه ما تهمه....
((امل))
يالله ....لهدرجه جرحني وعادي عنده....يعني لازم اعترف اني احبه....ان اعترفت ...طيب هو يحبني وانا متأكده...ايه يحبني...بس بيتزوج وينساني....
والله كرهت زوجته وانا ماعرفتها....
............
طلع لشارع وقال- اووووف وش اللي عقد اللساني عن اني اراضيها...والله مو قادر اشوفها مره ثانيه وهي زعلانه...
ركب سيارته...
طق طق طق
فتح دريشه السياره
عبد الله- على وين ؟
بندر- عندي دوام ليلي...
عبد الله- اقووول ...والله لو اني منك ...سحبت عليهم ....طنش ....
بندر- احلف؟؟؟اقول ...الله يستر عليك...
عبد الله- انا وعبد العزيز بنودي خواتنا لسوق ...وش احسن مجمع...
بندر- خلوها بكره ...حتى خواتي...يروحن معهن..
عبد الله- طيب طيب...توكل لدوامك...الدوام مابوه الا وجع الراس...
بندر تركه ومشى....اصلا اللي يطاوع امثاله ...راح يروح فيها...
...........................
كان جالس على الكراسي باستراحة الموظفين...مافيه عنده احد..دخلت فايزة ..
فايزه- صباح الخير...
بندر رفع عيونه وكان ساهي-هلا...
فايزة- اخبارك؟؟
بندر- تمام...
فايزة- لا اشوف غير كذا..
بندر- لا انا تمام...
فايزة- اكيد...
بندر طفش وقال وهو ياخذ نفس- اووووه...انا اللي استغرب منه...ان وقت دوامي مع دوامك...
وقف وقال- ليش ...ما ادري
فايزة- ههههه القلوب عند بعضها....
بندر استغرب من الكلمه وقال- لا لا ما اعتقد...
فايزة دنقت وعصبت...
دخل عبد الرحمن....
بندر-هلااااا وغلاااا
عبد الرحمن- السلام عليكم....اخبارك...
بندر- تمام...
عبد الرحمن التفت لفايزة ...وطالع ببندر..
بندر- اجلس اجلس...
جلسوا...
عبد الرحمن - سلامات شكلك طفشان...
بندر- تصدق...ماتعودت ازعل امل....اليوم زعلتها...والله ما اقدر على زعلها...
عبد الرحمن-هههههههههه هي الغاليه...اقول ..
فايزه طيرت عيونه وقالت بقلبها((معقوله يحب وحده...لا واسمه امل...))
طلعت من الاستراحه ..
عبد الرحمن- من الحلوه اللي تو؟؟
بندر- قل الله حلاها....اسكت لاتجيب سيرتها...تخيل دوامي لو بيصير الساعة ثلاث اليل...جت الساعه ثلاث...
تقلب دوامها فوق تحت كله عشاني....المشكله والله مايهمها اني التفت لها او لا...الا وتجي معي وتسولف...اوضح لها اني ما ابيها...وماتفهم..
عبد الرحمن-هههههههههههههههههههههههههههههههههه والله مهبول...
بندر- لا ياشيخ...
عبد الرحمن- والله انها حلوه...
بندر- اها ...لا لا انا مو لحركاتكم انت وياسر...وانت بكره بتزوج...الله يصبر مرتك..
عبد الرحمن- عاد لا تزوجت يحلها الف حلال...
بندر- هلا وش بغيت ...جيتك لي مو طبيعيه...
عبد الرحمن- لا لاني بمشي بكره وانا ما جلست معك كثير...
بندر- اها...اكيد؟؟
عبد الرحمن- ايه...بس انت اشوفك متغير وجهك وطفشان....الحين انت ليش ماتزوج...
بندر صد وقال- اوووه انا ما ابي...
عبد الرحمن- وإلى متى؟؟
بندر- الى ما يفرجها ربك..
عبد الرحمن- اكيد براسك وحده...
بندر- ابدا...بس انا ما ابي...
عبد الرحمن- بندر...تراك ماتعرف تكذب...تبي بنت عمك؟؟
بندر وقف وعصب وقال- انا اذا بغيت احد او فكرت بالزواج تزوجت...ورجاء لا احد يفاتحني بالموضوع هذا...اكره طاريه بس..
عبد الرحمن طير عيونه - اجلس اجلس...والله اول مره اشوفك معصب...
كانت تمشي وهي معصبه....
وتقول بقلبها- يحب احد هاه....وانا دايم اوضح له....طيب.طيب...من امل هذي ..
وقفت ...وهي تذكر ...
((كانت البنت الصغيره اللي عمرها 16 سنه منومه اسمها امل ...كانت تطالعها برحمه وشفقه...وتقول مسكينه...والله مارحموها...))
وقالت- معقوله هي؟؟
تذكرت ((لما قالت-دريت بالبنت اللي بيسون تحقيق علشانها...
بندر- ليش...
فايزة- هي مرتفعه حرارتها...ويوم جابوها للمستشفى واكشفوا ...لقوها مضروبه..
بندر- كم عمرها؟؟
فايزة- 16...صغيرة وتهبل ياعمري..
بندر استغرب وقال- طيب وش اسمها؟؟
فايزة- اسمها ...آآآمممم اظاهر انه امال ..لا امل..
نط بندر ....وقال - هنا...
فايزة- ايه...
بندر- باي قسم...
فايزة- الطوارئ...وبينقلونها...
طلع وهو مستعجل...وشو مستعجل...طلع يركض))
سكتت وتذكرت(( يوم جتها صديقتها الممرضة وقالت- البنت المضروبة تطلع قريبه بندر..))
فايزه- اهاااااااااااااا ...يحبها يعني.....اوكي....
...............
بالبيت الساعة سبع كانت جالسه عند الدريشة...كل البيت نايم الا هي..وقفت سيارته قدام البيت...نزل ودخل ...صعد مع الدرج...فتحت باب غرفتها هي وسارة...طبعا البنات نايمات معهن بالغرفة...وكانها جايه من الصاله ومتجهه للغرفه
بندر التفت وابتسم وقال- صباح الخير...
امل وتصنع انها تو ماقامت من النوم - هلا...
بندر- هاه جهزتي الفطور؟؟
امل- اوووه...نسيت ..دوبي قمت ..وانا برجع انام....
سكت وهو يطالعها ...
امل- اسفه مو رايقه...
رجعت ودخلت للغرفه...وسكرت الباب...وقفت وراه وقالت- حتى انا مو مهتمه لك...
......
بندر واقف ويفكر...
بندر- لهدرجه زعلت...وانا ماقلت شيء غلط..والله ما اهتمت فيني ولا كأني موجود...بالعادة تبتسم اول ماتشوفني ...
دخل غرفته وبدل ملابسه ...وطاح على السرير وقال- تزعل من كلمه مالها معنى
تذكر وش قال((قال-انتي وش عليك شفتهن او لا....
امل ارتبكت وقالت- كيفك ...بس اذا حاب مساعده...تبي لهن صورة والا افتح الباب لك ...انا حاضر...
بندر- اها....والله حلو...يعني لو خطبت بتساعديني على اني اشوف خطيبتي...
نزلت عيونها للكاس ...حست انه جرحها...وقالت- الله يهنيك.. ))
بندر - من كلمات مثل هذي تزعل؟؟؟؟
تذكر منهم بمجمع العزيزية وش سوت....وابتسم وقال- والله الغيره اللي مالها داعي...يعني امل تحبني....اها...
ضحك ضحكة وناسه...
..............
امل طلعت من غرفتها وهي ندمانه على اللي سوته...راحت لغرفته وطقت الباب...
فتح وهو مبتسم...وخفت ابتسامته يوم شافها ..
امل- اممم...صراحه...ندمت اني ماسويت لك فطور...يعني انت تعبان...وجيت ....وماتلقى فطور...
بندر- لا عادي...اذا كنتي بتنامين روحي نامي..
امل- اصلا مافيني نوم...
بندر- وانا فيني نوم...روحي روحي نامي.....
امل- لا بسوي لك فطور...
بندر- ما ابي بنام..تصبحين على خير..
دخل وسكر الباب...
نزلت عيونها...ورجعت وهي تسحب رجلينها...فتح الباب بشويش...وشافها ..رحمها وهو من داخله يضحك..
قال- امل...
التفت له بسرعة..
قال-كم ياخذ الفطور..
امل- ثانيه...
نزلت تركض مع الدرج...بندر ضحك ودخل وهو يضحك وناسه ...امل تحبه من قده...طاح على السرير وهو ياخذ نفس ...وقال- خلاص الحين ,,متأكد...انها تحبني....والدليل شفته...
قام ونزل ......جلس بالصاله ....شوي ويدق جواله...
رد- الو..!!
كانت بنت- السلام عليكم..
بندر - وعليكم السلام..
البنت - عرفتني؟؟
بندر- لا والله؟؟
جت امل ونزلت الصينيه ...
البنت- افاااا معقوله...انا فايزة...
بندر- فايزة...
امل كانت رافعه كاس الحليب بتعطيه بندر...لما سمعت اسم بنت ارتبكت واختبصت .....انكب عليها حليب ...بس ممكن ربع الكاس...
بندر طالع امل وقال- بسم الله عليك...انتي من وين جبتي رقمي...هذي ثاني مره اغيره ولا ودي اغيره عشانك....فايزة اعقلي...
قامت امل وهي مبتسمه وراحت للمطبخ...
بندر- فمن الحين استري على نفسك...
فايزة- ليش ماتقدر شعور وحده تحبك...لانك تحب غيري انا مصره اتمسك فيك...
سكر وهو معصب...راح للمطبخ ..شاف امل فاتحه المويا ومدخله يدها تحته...فتح الفريزر واخذ مكعب ثلج...اتجه لامل ومسك يدها وقال- مايصلح مويا بس...
حط الثلج على الجزء اللي صار احمر...وهو يمسحه بالثلج...
امل ترفع عيونها له وبعدين تنزلهن...ترفعهن...وتنزل بسرعة..
رفعتهن...طاحت عيونه بعيونها...كانت امل عنه تقريبا الى صدره وهو طويل...
امل حمر وجهها وبترقع الموضوع-بندر...شكل البنات ازعجنك..
<<بتكحلها اعمتها....
بندر وهو يطالع فيها قال- لا بس هذي....ما تستحي على وجهها..
امل-اها ...ممرضه؟
بندر- ايه
سكتت..
بندر- امل...انتي مانمتي صح؟؟
امل -ايه...
ابتسم....تذكرت انها كذبت عليه...وقالت- هاه ...لا ايه انا ...نايمه...اقصد...انا..
عجزت تطلعها..ترك يده ونزل الثلجه ...حط يده على راسها وحرك شعرها بسرعه يعني يمين يسار ...بيحوسه وقال- تتغلين علينا يعني....
نزلت عيونها ..بندر- انا اسف......اللي قلته اليوم صراحه....كنت بس ودي اقهرك...يعني مزح...
امل- يوووه يابيخه من مزح...
بندر-هههههههههههه يعني انا بايخ...
رجع يده وحاس شعرها ...
قالت وهي تضحك- بس بس ....يوووه بندر لاتمزح اذا كان مزحك دفش...
بندر- وربي لا اجننك بالمزح الثقيل...
كانت تصلح شعرها..قالت- فكن من مزحك...
بندر-هههههههههههه تعودتي من بنات عمي الكلام القصيمي..
امل-اصلا انا احب اتكلمه..
بندر- اها..طيب...بتفطرين معي والا الحالي؟؟
امل- امممم...
بندر وهو يقلدها-اممم ..... لا بتفطرين ...عاد شبعانه او لا...بتفطرين
ابتسمت وقالت- طيب...
طلعوا لصاله ..جلسوا ...بدا بندر ياكل...كانت تقطع من الخبز قطعه صغيره وتاكلها ...كانت ساهيه ....بندر التفت لها وشاف طريقة اكلها ..حتى ماتحشيها شيء...
قطع قطعه واخذ شوي فيها جبن...يذكرها ..كانت تحب الجبن مره..
بندر - امول...امول..
طالعته .مد لها الخبزه...ابتسمت ومدت يدها..اخذتها وقالت- شكرا ...
بندر- كولي...
اكلتها وكملت اكلها..
بندر- ممكن اسألك...بس ياويلك تزعلين...
امل- سم؟؟
بندر- خالي ....كيف يعاملك...
امل-اممم...شفت معاملته لي بالمستشفى...اصلا ما عمره رحمني...واااو لو تشوفه بالبيت...بخيييييل لدرجة يقول ادخلي وطفي ضوء الحوش...لانه سرف كهرب
بندر عليه علامة تعجب....
بندر- الحين خالي ...له عقارات....وفلوس ...بخلان بانوار الحوش ...مو معقوله...
امل- والله...انا صراحه...ارحم عياله...بذات وليد...معاملته لوليد ...بتخلي فيه حاله نفسيه...
بندر- اها...وانتي؟؟
امل- وش فيني..
بندر- زوجته عياله معك؟؟
ام- والله البزارين يهبلون...دايم اطلع معهم للحوش نلعب...ام وليد...امممممم....
سكتت ..
بندر- ايه وش بها؟؟
امل- ظالمه....قاسيه...اصلا ظلمها يكفي...
نزلت عيونها وهي تتذكر ذاك اليوم اللي انضربت فيه......نزلت دمعتها ...ولا رفعت راسه عشان بندر...
بندر- طيب ...خالي وش كان....امل....تصيحين؟؟
امل رفعت وجهها وهي مبتسمه وقد مسحت دمعتها لكن بعيونها لمعت الدموعها..
بندر- هي ظلمتك....
امل- كثير...لكن اشد ظلم.....
نزلت دموعها وقالت- يوم خالي ضربني...وربي ماكان خطاي ...هي قالت لي متأخره...
بندر عصب ......وقال- ما راح تجربين العيشه ذيك مره ثانيه....الا اذا قالوا بندر تحت التراب....
امل- لا ان شاء الله ....بس ...يعني انا بكبر....وماراح تصير دايم اللي تحميني...
بندر استغرب وقال- وش قصدك؟؟؟
امل ابتسمت ومسحت دموعها..وقالت- اذا كبرت...وتزوجت...راح ...
بندر قبل ماتكمل كلامها قال- الحمد لله...
امل- صحه ..يعني اقولك...اذا تزوجت يصير لي ولي امر..
بندر طالعها بنظره حاده...خافت منها...كان يطالع بعيونها....ويقول بقلبه((ومن تبي تزوج هذي...لايكون في بالها انها بتزوج واحد غيري...))
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك