رواية ياروح الروح حبك فرضته -15
عبدالله :ليش ساكتي ...سولفي
لجين:انت سولف
عبدالله:اممممم ...تدرين اليوم شسويتي فيني
لجين ويها قلب وصار احمر من الاحراج ونزلت راسها
عبدالله شافها منحرجه وحب يحرجها اكثر:انتي من بستيني وانا احس بحراره بجسمي....شرايج اتبوسيني مره ثانيه يمكن الحراره اتروح
لجين تمنت الارض تنشق وتبلعها وهم كانت خايفه من الي ياي
عبدالله:شقلتي
لجين:على شنو
عبدالله:ابي بوسه
لجين:عبدالله..
عبدالله:موبكيفج ابي بوسه..والحين
لجين:بشارع
عبدالله:اممم يعني اذا ردينا البيت اتبوسيني
لجين ويها قام يقط الوان:عبدالله بروح انام بيت طلال
عبدالله:هههههههههههههههههه ....خلاص هونت مابي شي...شرايج ننزل نقعد على البحر اشوي
لجين :ياريت
عبدالله سفط ونزلو على البحر...تمشو اشوي وبعدها اقعدو قبال البحر على التراب...عبدالله كان قاعد قبال لجين ...معطي ظهره للبحر
لجين:احب هل مكان
عبدالله:المكان حلو
لجين:لمن اكون متضايقه وايد اي هني
عبدالله:امممم ...وجم مره يتي هني
لجين:وايد
عبدالله:لجين ممكن اسأل سؤال
لجين:تفضل
عبدالله:انتي مرتاحه معاي
لجين:الحين اي بس قبل كنت اخاف منك
عبدالله:ليش اتخافين مني
لجين:كله معصب وكنت اتمد ايدك علي ...شكلك كان يخرع
عبدالله:والحين
لجين:الحين الحمدالله
عبدالله:يعني ماتخافين مني
لجين تبتسم:لا
عبدالله:لجين ليش تهتمين فيني وايد
لجين بستغراب:عبدالله انت ريلي ...وشي طبيعي الي اسويه كل الحريم اتسوي جذي مو بس انا
عبدالله:انتي بزود...انا عمري ماشفت امي اتسوي الي اتسوينه انتي....ليش كل هل اهتمام
لجين:قتلك انت ريلي
عبدالله :وبس
لجين:وابوي الي بطني
عبدالله:وبعد
لجين تخاف اتقوله احبك:وبس
عبدالله :اممممم
لجين:عبدالله ...انت تشرب
عبدالله@@:لا ...كانت مره وانشالله الله يغفرها الي
لجين:انشالله....اوو...لا خلاص
عبدالله :و شنو قولي...لاتحطين شي بقلبج
لجين:اذا قتلك اتجاوبني بصراحه وماتعصب
عبدالله:اجاوبج بصراحه وماعصب..بعد
لجين:جم وحده سويت فيها جذي
عبدالله خذا نفس عميق ونزل راسه:لجين الله يشهد علي انتي اول بنت المسها بحياتي كلها
لجين:ليش سويت جذي
عبدالله :لجين سكري الموضوع ...ماحب اسولف فيه
لجين غيرت الموضوع:متى بتاخذ اجازه
عبدالله:باجر انشالله...مستانسه
لجين:اي
وهمه يسولفون عبدالله ملامحه عتفست مره وحده ...تدرون ليش...عبدالله شاف روان مع مجموعه من البنات وروان من شافت عبدالله وهيه اتأشرله تعال
لجين:عبدالله...عبدالله
عبدالله كانت عينه على روان:هلا روان
لجين لمن اسمعت اسم غير اسمها حست الدنيا ادور فيها ...التفتت وراها وشافت روان اتأشر حق عبدالله...لجين بقلبها(مومعقوله ...منو هذي اكيد يعرفها وانا الي قلت عبدالله بدا يحبني ...بس للأسف لو كان في بقلبك ذرت حب لي جان ماغلطت بسمي ...انا شلون حبيتك شلون...انت واحد ماتستاهل الحب)
لجين بكل هدوء:عبدالله..انا اسمي لجين مو روان ...وقامت من مكانها
عبدالله:جنه واحد عطاه طراق:انا شقلت...وقام بسرعه وراها ...لجين ..لجين
روان راحت صوب عبدالله ووقفت جدامه:عبدالله
عبدالله بعصبيه:انا موقتلج اذا شفتج جدامي امحيج
روان اتقاطع عبدالله:عبود انا احبك وكل يوم اتعذب الانك بعيد عني
لجين شافت عبدالله واقف مع روان ردت ولمن اوصلت عنده ...عبدالله ماكان منتبه لها...خمطت المفتاح من ايده وراحت صوب السياره وهيا تركض
عبدالله:ذلفي عن ويهي الا اذبحج ...ومشا عنها بس روان ماخلته لحقته ومسكته من ايده
روان:حياتي والله احبك
عبدالله وشرار يطلع من عينه:انتي ماتفهمين صح...وعطاها طراق وكمل طريجه
لجين ادخلت السياره وكانت تبجي ومن شافت عبدالله مسحت دموعها ..عبدالله ركب السياره
لجين اتقاطعه:مابي اسمع شي
عبدالله: انتي فاهمه الموضوع غلط.....ولازم تسمعيني
لجين تنرفزت اكثر:مابي اعرف ولا اسمع شي ...والي شفته وسمعته كان كافي
عبدالله بعصبيه :لاموبكيفج بتسمعين غصبن عليج ...ورن تليفونه عبدالله شاله وماشاف الرقم
عبدالله:نعم
روان:نعم الله عليك حبيبي...عبود امووووه احبك
عبدالله بدون مايتكلم سكر الخط بويها
لجين:ردني البيت
عبدالله كان معصب وجنه شرار يطلع من عينه :سمعي
هذي وحده كنت خاطبها قبل.... وبعدها صارت مشكله وفلينه
لجين ودها تعرف اكثر بس خايفه انه هل بنت له علاقه بعبدالله:خاطبها ولا تحبها
عبدالله ضل ساكت فتره لين هدا:اي كنت احبها.... ضليت معها 3 سنين وانا مخدوع فيها
لجين خوفها طلع بمحله:...........
عبدالله يكمل:انا حبيتها حب طاهر وكنت ابيها بالحلال ..اما اهيا كل الي كان يهمها الفلوس وانها اتصير حرم عبدالله ال......خطبتها وكل شي تم بس وفات امج عطل الموضوع ...امي كانت تعبانه وماكانت راضيه على الزواج ..بس انا كنت موصر عليها ... وماحبت تكسر قلبي..لي يا اليوم الي شفت فيها خيانتها...وصرت اكره الساعه الي عرفتها فيها
لجين:بس عيونك اتقول غير جذي...انت ماشفت ويهك اشلون اعتفس من شفتها انت ليلحين اتحبها
ورن تليفونه مره ثانيه
لجين:ايها
عبدالله :اي...والله لوريها
لجين:لاترد عليها
عبدالله:لازم اوقفها عند حدها
لجين:عبدالله لاترد
بس عبدالله ماسمع كلامها ورد عليها
عبدالله:نعم
روان:عبود منو الي معاك
عبدالله :سمعي يابنت اناس والله تدرين شنو يعني والله اذا شفت رقمج مره ثانيه والله ماتلومين الا نفسج فاهمه
روان بدلع:عبودي ادري هل كلام من ورا قلبك...انت ليلحين اتموت فيني
عبدالله:لا انتي الحجي ظايع معاج ...وسكر الخط...طول عمر الزباله وصخه وماتتنضف
لجين :ليش رديت
عبدالله:لجين خلاص الي فيني مكفيني
لجين:انت ليلحين اتحبها ...لو ماكنت اتحبها جان مارديت عليها ..انت حتى ماحترمتني ولا حترمت مشاعري ولا وجودي
عبدالله ساكت وماعنده شي يقوله...وصلو البيت لجين ادخلت الغرف وقطت روحها على الفراش...وبنت نوبت البجي ..عبدالله دخل الغرفه وقعد عندها على الفراش
عبدالله:لجين انتي وعدتيني انج ماتبجين
لجين كانت مثل البركان الهايج بعد ماحبت عبدالله يصير جذي
عبدالله:لجين والله موزين الحين البيبي يتضايق
لجين بصراخ:بس هذا الي يهمك الياهل ...انشالله يموت وارتاح
عبدالله بدون وعي عطاها طراق :في وحده تدعي على ولدها
لجين كانت منفعله وايد:اكرهك..اكرهك..اطلع بره مابي اشوفك
عبدالله عصب وطلع من الغرفه وراح الصاله ولجين ضلت تبجي لين نامت
لجين ضلت اتعامل عبدالله بشكل رسمي حيل ماتكلمه واذا سألها عن شي جاوبت على قد السوال ...واغلب وقتها قاعده بروحها بالغرف او تحت عند ساره...الين صار اليوم الي بروحون فيه الشاليه
بالشاليه
خوله:خلود لجين بتيي
خلود:اي بس طولو الله قاعده على نار...ابي اشوفه
خوله:عندج اسبوع سوي الي تبينه
خلود:نطري علي بس اذا ماخليته 24 ساعه قاعد معاي ماطلع بنت سالم
خوله:قومي خنروح شاليه الحريم
خلود:لا مابي اروح
خوله:انتي شفيج ...لازم انكون موجودين حزت وصولهم
خلود:انا شلون طافتني هذي
خوله:ياختي ياحبيبتي انتي من غير عقلي المدبر ماتعيشين
خلود:اقول لاتعيشين الدور وايد
وقامو راحو الشاليه الثاني
بشاليه الحريم
زيد ودلال كانو واصلين ليلتها من السفر
دلال كانت اتكلم لجين بتليفون
دلال:انتي نزلي والغراض الخدم ايبونهم
لجين :اوكي..باي
دلال:باي
خلود تنقز خوله:وصل
خوله:هههههههه
دخلو لجين وعبدالله:السلام عليكم
الكل:وعليكم السلام
لجين راحت سلمت على عبير وعاليه وشيخه وجمانه مرت الياس ..وعبدالله راح سلم على الريايل
دلال:لجون سلمتي عليهم وانا ليش ماتسلمسن على المفروض انا اول وحده
لجين:انا خليتج آخر وحده عشان آخذ راحتي معاج..ولمتها حيل وباستها.....ولهت عليج وايد
دلال:موكثري حبيبتي والله
خلود:شلونج لجين
لجين:هلا خلود ..انتي شلونج
خلود:انا بالف خير ..قالتها بخبث..الا وين ريلج ماسلمنا عليه
لجين :اكيد يسلم على الريايل
خلول:خل اقوم اسلم عليه...وراحت اهيا وخوله صوب الريايل
لجين ودلال يطالعون بعض
دلال:لجون روحي وراهم
لجين:انا جذي ولا جذي بروح اسلم على عمامي...وراحت لجين عند الريايل
لجين:السلام عليكم
الكل:وعليكم السلام
وراحت صوب عمها سالم سلمت عليه وباست راسه...وبعدها راحت عمها راشد
راشد:هلا بأبوي
لجين:شونك عمي ..وباست راسه
راشد:ابشوفتج انا بالف خير
طلال:يالله لجون تعالي دوري...تعالي بوسيني ..وطالع عبدالله بطرف عينه ويضحك
لجين راحت عند طلال سلمت عليه وباست خده
طلال:لجون بعد وحده
عبدالله:اناس لمن اتسلم اتبوس مره وحده
راشد:لجين يبه ماعيج منهم تعالي عندي..راحت وقعدت عنده
الياس:لجين اشلونج
لجين:هلا الياس ..سامحني ماشفتك
الياس:مسموحه
خلود:عبدالله شلونك ..انشالله بخير
عبدالله:هلا والله..انا بخير الحمدالله
خوله:شلونك عبدالله
عبدالله:هلا والله
خلود:انا خلود بنت عم لجين..وتلتفت على لجين ..ماعرفتي ريلج علينا
راشد:انتي ماقصرتي عرفتي نفسج عليه
راشد:لجين شلونج مع عبدالله انشالله مرتاحه
لجين كانت متضايقه وايد منه بس كانت اتحاول تبتسم :الحمدالله عمي
راشد يكلم عبدالله:لجون اتحطها بعيونك هذي من ريحت الغالي
عبدالله:لاتوصي حريص عمي
لجين:عن اذنكم
راشد:وين عمي قعدي
لجين:بروح ارتب اغراضي
راشد:خليهم عنج الخدم يسون كل شي
لجين:لا عمي انا ارتب اغراضي مابي الخدم يرتبونهم
راشد :على راحتج
ودخل زيد
زيد سلم على عبدالله وقعد
زيد:يبه انا وين بنام
راشد:وين يعني بشاليه الشباب
زيد:لا انا ابي غرفه حقي وحق مرتي ..مايصير كل واحد فينا بصوب
الياس:والله كلنا مثلك ..ماقلنا شي
زيد:انا معرس انت قديم
الياس:وعبدالله معرس بعد ..بس ماتحجا
زيد:عبدالله انتي ماتبي غرف برروحكم
عبدالله:لمن ايون اهلي ننتقل الشاليه الثاني
زيد:مايصير جذي ليش ما حجزتولي شاليه بروحي
طلال:زيود ..جنك مو شايف خير..مافيك صبر ..كلها سبوع
زيد:والله اسبوع....لا ماقدر
الشباب:ههههههههههههه
بالغرفه الي بيقعدون فيها البنات لجين كانت اتحط اغراضها بالكبت
دلال:لجون شكلج تعبانه
لجين:شوي
مريم يت يمها :شفيج
لجين:مافيني شي...متضايقه شوي
دلال:من شنو
لجين:مادري قلبي مقموت شوي
مريم:اي والله حتى انا من شفت المدرعتين الي تحت وانا انقمت
لجين:هههههههههه....حرام عليج مدرعه عاد
دلال:اموت وعرف ليش ياين اهمه مايحبون المكان الي انكون فيه ...اشلون بيقعدون معانه اسبوع
مريم:والله انا من شفتهم قلبي نقمت ...جد احس بصير شي ..لازم كل يوم ندفع صدقه
لجين:يعني شبيسون ...مريوم انتي وايد تضخمين الامور
مريم:لجون انا من رايي حتى لو ماكانو ناوين على شي ..كل يوم ندفع صدقه
لجين:ندفع ماورانا شي وبعدين الصدقع تتدفع البلاء
بالوقت هذا وصل مسج من عبدالله حق لجين
عبدالله:تعالي ابيج
لجين:لازم انزل عبدالله يبيني
دلال:شنو مايقدر على فراقج
مريم:واي دلول قبل جم يوم كانت يايه بيت طلال والله تونه واصلين ولا عبدالله ياي ياخذها
دلال:لجون محد يقدر على فراقها
لجين:يالله امشو معاي تحت...ونزلت لجين ..البنات كانو وراها
دلال بصوت واطي:مريوم والله انا حاسه انه خوله وخلود ناوين على شي
مريم:حتى انا
دلال:لازم انحطهم تحت المرااقبه
مريم:ههههههههههههه
نهاية البارت
انتهى القسم الاول
تجميع ~ورد الجوري~
القسم الثاني والاخير
البارت 31
دلال بصوت واطي:مريوم والله انا حاسه انه خوله وخلود ناوين على شي
مريم:حتى انا
دلال:لازم انحطهم تحت المرااقبه
مريم:ههههههههههههه
بصاله
طلال:عبدالله حط اغراضك بشاليه الثاني ....شوف اول غرفه اهيا لنا
عبدالله:اوكي
لجين وصلت عند عبدالله:هلا عبدالله
عبدالله :تعالي....طلال في احد هناك الحين
طلال يبتسم :لا كلنا هني ....روح حط اغراضك
عبدالله:يالله لجين
لجين :وين
عبدالله :مابترتبين اغراضي
لجين مشت وماقالت شي
خوله:شفتيها شلون منفسه عليه
خلود:مالت عليها هذي كفو واحد مثل عبدالله جمال وطول وجسم وسنع ودكتور وفوق كل هذا ولد اكبرها وسمنها
خوله:صيري شاطره وسحبيه صوبج
خلود:وافا عليج
بشاليه الشباب
لجين وهيا اترتب ملابس عبدالله....كان قاعد على الفراش وهيه واقفه اترتب الملابس
عبدالله:لجين ...لي متى بتضلين زعلانه
لجين:....
عبدالله:لجين قاعد اكلمج ردي علي
لجين :نعم
عبدالله :ليلحين زعلانه
لجين:وليش ازعل
عبدالله:قلبي يقولي انتي ليلحين زعلانه من الي صار
لجين:لاموزعلانه..انا تعودت على الطق
عبدالله :والله ماكنت اقصد بس بنت ابليس طلعتني من طوري...بس دواها عندي
لجين:....
عبدالله:لجين والله من ذاك اليوم وانا متضايق من الي صار
لجين :انا خلصت ...ابي اروح
عبدالله:ماراح اتروحين ..لجين هذي آخر مره امد ايدي عليج...ويعل ايدي الكسر اذا مديتها مره ثانيه
لجين: اسم لله عليك ...لاتقول جذي
عبدالله:تخافين علي
لجين:عن اذنك
عبدالله مسك ايدها بقوه: ماراح اتروحين لين يطيح الحطب
لجين:قتلك مو زعلانه منك
عبدالله:دام مو زعلانه ليش ماتسولفين معاي
لجين:اسولف شقول
عبدالله:اي شي
لجين:عبدالله بروح
عبدالله باسها على راسها:الحين روحي
لجين اطلعت من الغرفه ودمعتها على عينها...(عبدالله والله احبك وماقدر ازعل منك ...وماقدر اقرب منك اكثر لازم ابعد عنك الان قلبك مع غيري)وراحت الشاليه اثاني وعبدالله كان وراها
دلال:وين رحتي
لجين:كنت ارتب ملابس عبدالله
دلال:جان خليتي الخدم يرتبون اغراضه
عبدالله:لا انا احب ترتيب لجونتي
لجين لفت ويها على عبدالله وهيها مصدومه ...اول مره تسمع منه لجونتي..كل مره يناديها لجين
دلال:انتي مدلعته وايد
لجين حست الكل سكت و جنهم يبون يسمعها:واي دلول اذا ماأدلع ريلي ادلع منو
دلال:اذا تعلم على الدلع يصير مثل الياهل ...كل شي لازم انتي اتسوينه
طلال:دلول لاتشيشين البنت على ريلها
عبدالله:لجونتي مرره مو بنت.....ومو لجونه الي تسمع كلام احد
طلال:اي صح اهيا مره ...شلون نسيت
لجين@@ بصوت واطي:عبدالله بس عاد
عبدالله بصوت واطي:ماراح اسكت لمن اشوف ضحكتج
لجين ابتسمت:جذي زين
عبدالله:لا
خلود:ليش تتساسرون تكلمو بصوت عالي...ماكو احد غريب
دلال:ريال ومرته يسولفون انتي ليش حاشره نفسج بينهم ...قطع لقافه
خلود عصبت بس حبت انها اتبين حق عبدالله انها الاحسن:الله يسامح دلول انا ماكان قصدي شي انتي فهمتي غلط
دلال:لا صدقتج
لجين:دلال بس خلاص
دلال:لجون امشي نتمشى بره شوي
لجين:دلول توني واصله خليها بعد اشوي
بهل وقت رن تليفون عبدالله
عبدالله:الوووو
عمار:عبيد ...شلونك
عبدالله :هلا عمور
عمار:شهل ازعاج الي عندك ...انت وينك
عبدالله :انا بسيشل
عمار:اممم..شموديك
عبدالله:ياي مع الاهل
عمار:انزين وخر عنهم بكلمك ..ماني قادر اسمع شي
عبدالله:اوكي...وطلع بره الشاليه وقعد على الكراسي...لجين ضلت اطالعه فتره...كانت خايفه انه يكلم روان ....ماقدرت تتحمل اكثر الغيره ماكله قلبها .....وراحت فوق
عبدالله:كاني طلعت ..شعندك
عمار:باول قولي اشصار وياك
عبدالله:ماصار شي ..ليلحينها زعلانه
عمار:عبيد لازم تتلحلح اشوي
عبدالله:كلام وكلمتها وعتذرت منها وهم ماكو فايده ليلحين زعلانه...وماني عافر اشلون اراضيها
عمار:عبيد يعني تبيني اعلمك شتسوي
عبدالله:والله ماني قادر اشوفها جذي....احس انها تعبانه وايد
عمار:تحبها
عبدالله:آآآآآآآآآخ ياعمور ...والله مادري شسوت فيني لخبطت كياني كله...اكيد سحرتني
عمار:اسحرتك بطيبت قلبها واخلاقها...عبدالله صارحها قولها انك اتحبها
عبدالله:ماراح اتصدقني
عمار:انت جرب منت خسران شي...وبعدين الحريم يمشون ورا الكلمه الحلوه
عبدالله:ماعلينا ..انت شعندك
عمار:اي بغيت اقولك باجر الصبح لاتداوم انا باخذ مكانك..وانت اخذ عقب باجر باليل
عبدالله:صار
عمار:اوكي ..يالله اشوفك على خير
عبدالله:حياك
عبدالله ضل ساكت وفكر اشلون يخليها ترضى واتطخ ...خلود شافت انه الفرضه مناسبه تقعد مع عبدالله وتاخذ راحتها ...اطلعت بره وقعدت عنده
خلود:عبدالله انت شنو تخصصك
عبدالله:ليلحين ماتخصصت ..انشالله عن قريب بكمل
خلود:وشنو ناوي تتخصص
عبدالله:انشالله جراحه
خلود:امممم ...الله يوفقك بس مو صعب
عبدالله:ماكو شي صعب ..مع الدراسه كل شي يصير سهل
خلود :وين ناوي اتروح
عبدالله:ليلحين مافي مكان معين
خلود:الله يوفقك انشالله
خوله :انتي هني وانا ادورج
خلود:اي قاعده اسولف مع عبدالله
خوله: القعده بره حلوه
خلود :اي والله
خوله:عبدالله ممكن سؤال
عبدالله :تفضلي
خوله:انت لجين مرتاحين مع بعض
عبدالله:اي الحمدالله
خوله:امممم..بس ليش احسها مو رتاحه ..كله منفسه ..واي قبل اشزينها الضحكه ماتفارقها
خلود:عبدالله اذا في شي قول احنا انكلمها الك
عبدالله:لا مافي شي بس اهيا تعبانه هل يومين
خلود:اها ماتشوف شر
عبدالله:الشر مايج
وضلو يسولفون اكثر من ساعه..عبدالله استانس عليهم الانهم يسولفون ويضحكون وايد...سوالفهم كانت عن الموضه ..الرياضه..آخر النكت..المشاكل الي تصير بدوامات
اما لجين..كانت فوق بس تبجي ومن كثر البجي صار فيها صداع قوي الي ماتقدر اتبطل عينها...دلال اصعدت فوق وشافتها قاعده على حافت الفراش اتهز ريلها وحاطه راسها بين ايدها الثنتين
دلال :لجون اشفيج
لجين:دلول مصدعه حدي
دلال:من شنو
لجين:مادري بس صداع مو طبيعي ماني قادره ابطل عيني
دلال:ايبلج بندول
لجين:لا مابي
دلال:توه شزينج مافيج شي
لجين:يمكن اذا نمت يفج اشوي
دلال:خلاص نامي شوي واذا ماقدرتي دقي علي انا ايلج
لجين انسدحت بتنام:اوكي....بس ماقدرت اتنام حست انه عينها بتطلع من مكانها ..حاولت لاكن ماقدرت...قامت من الفراش عشان اتروح تحت ...تبي تاخذ اي مسكن.
دلال:مانمتي
لجين:ماقدرت
عبير:لجون شفيج...ويهج وايد اصفر
لجين :مصدعه شوي
وبدخلت خوله
عبير:لا انتي شكلج تعبانه وايد..وين عبدالله خل يشوفج
لجين:لا عمتي ...ماتسوى....كله صداع
عبير :ليش مايسوا ..انتي تعبانه
عاليه:مريم يما نادي عبدالله ماعليج منها
لجين:عمتي كله صداع ..ليش تخرعونه
شيخه:لجين ويهج اصفر وتقولين ليش اتخرعونه
عاليه:مريوم ليش واقفه روحي ناديه
مريم:انشالله يمه...اطلعت اتناديه وشافته قاعد مع خلود ..كانت اشوي وتذبحها
مريم:عبدالله لجون تعبانه حدها
عبدالله مخترع:اشفيها....وقام من مكانه ودخل الشاليه
لجين كانت قاعده على القنفه وراده راسها الي ورا
عبدالله قعد يمها:لجونتي شفيج
لجين:مافيني شي..بس مصدعه حدي
عبدالله:وين العوار
لجين:صوب عيني اكثر شي
عبدالله:لازم اشوف ضقطج...دقيقه وقام راح السياره ياب جهاز الضقط ودخل.....عبدالله حاط جهاز الضغط على طول معاه الانه كل يوم لازم يشوف ضقط ابوه
عبدالله بعد ماشاف ضقطها:ضقطج طبيعي...انتي من الصبح موماكله صح
لجين:اي
عبدالله يتنهد:مريم ولا عليج امر يبيلها شي تاكله
لجين:لا مابي آكل الحين
عبدالله:موبكيفج
لجين:عبدالله
عبدالله يقاطعها:انتي ناويه تذبحين روحج موعارفه شلون شايفه ويهج اشلون صاير اصفر
بدخلت طلال:اشفيكم ملتمين جذي
دلال:لجون تعبانه وايد
طلال راح صوبها وقعد يمها:حبيبي شفيج
لجين:مصدعه
طلال:من شنو
عبدالله:ماتاكل شي ...واكيد بتتعب انت شايف ويها لون اصفر
طلال:لجون ليش ماتاكلين ..ليكون تسوين رجيم وانا مادري
مريم:في دياي بالفرن وعيش
عبدالله :بيبي اي شي بس وايد
لجين:عبدالله مويوعانه...آكل بعدين معاكم
عبدالله:شلون مو يوعانه وانتي من الصبح على لحم بطنج وبتاكلين الحين وبعدين
عبير:لجون سمعي كلام ريلج ..وبعدين انتي ليش ماتاكلين
لجين:عمتي صايره احب آكل ككاو وايد
عبدالله:ولي صار وقت الاكل ماتاكل
العوار بدا يزيد على لجين
لجين:عبدالله ابي مسكن
عبدالله:ماقدر اعطيج شي الحين
طلال:ليش
عبدالله:معدتها فاضيه ..بس تاكل اعطيها بندول
مريم :تفضل
عبدالله قعد يمها :انا الي بوكلج وبشوف ابتاكلين ولا لاء
لجين:انا آكل بروحي
عبدالله:لا يبه عبالج ماعرف سوالفج تاكلين لقمتين وتقولين شبعت...وقعد يوكلها...وكل اشوي اتقول بس مابي ..لاكن عبدالله خلاها اتاكل كل الي بصحنها...ومن كلت ارتاحت شوي
عبدالله:هذا البندول ...وعطاها ماي
لجين خذت البندول وردت راسها الي ورا
عبدالله:الحين نامي شوي لازم ترتاحين
لجين :دلال...وديني فوق
عبدالله:لا انا اوديج وشالها ...صعد فوق وحطها على الفراش وراح سكر الباب وقعد يمها
عبدالله:ليش باجيه وايد
لجين:موباجيه
عبدالله:انتي باجيه وايد ...وهذا اهوا الي سببلج الصداع
لجين:قتلك موباجيه
عبدالله:عبالج مومبين عليج ... وترى كله من صحتج
لجين:عبدالله ...بنام
عبدالله:الحين بخليج ترتاحين بس بعدين لي كلام ثاني معاج....عبدالله ضل قاعد عندها لين تأكد انها نامت ..وبعدها طلع
نهاية البارت
البارت 32
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك