رواية ياروح الروح حبك فرضته -14
عبدالله يبتسم:اشفيج انسدحتي جذي
لجين:لا بس ...
عبدالله:عادي قومي ...ولا تستحين مني
لجين:.....
عبدالله:الي يشوفج يقول اني مو ن......معاج ...انا شايف كل شي بعد تستحين من شنو
لجين عينها غورقت
عبدالله:اووووه.....يبا ما كان قصدي شي ...قومي يايبلج شي حلو بره
لجين:..........
عبدالله:خلاص انا انطرج بره بدلي بسرعه
لجين:انشالله
عبدالله طلع من الغرفه وبعدها بشوي طلعت لجين من الغرفه
عبدالله:تعالي ..
لجين راحت معاه الصاله ....عبدالله كان شاري زوجين من طيور الحب
عبدالله :شرايج فيهم
لجين: ياي يهبلون ...عبدالله العصافير زوجين(انثى.وذكر)
عبدالله:اي
لجين:شرايك انسميهم عبدالله ولجين
عبدالله:امممممم...كيفج
لجين:وناسه عندي عصافير
عبدالله:لجين صج عاجبينج
لجين :دامهم منك اكيد بيعجبوني.....عبدالله تريقت
عبدالله:لا مابي شي ...مخربط بدوام وايد
لجين:امممم....يعني ماتبي اتذوق العجه الي اسويها
عبدالله:انتي ماتعرفين تقعدين مكانج....لازم اتحوسين
لجين:عبدالله بتسوي فيني شي غصب
عبدالله:لامافيج شي بس لازم ترتاحين
لجين:ومن قال انتي مرتاحه جذي....والله احس جسمي متكسر من القعده
عبدالله:كلها شهر وبعدين كيفج
لجين:والله شهر انا ثلاث ايام ومليت...تبيني اظل جذي شهر
عبدالله:اي شفيها
لجين:لا وايد وبعدين مويقولون بالحركه بركه ...خلاص اتحرك على كيفي بس بحذر
عبدالله بعصبيه:شنو انتي تبين البيبي يطيح ...قولي تبين الفكه منه
لجين:عبدالله شفيك...مثل ماأنت خايف عليه هم انا خايفه عليه....وهذا مو ولدك ابروحك
عبدالله يرفع صوته شوي:دام خايفه عليه تسمعين كلامي وماكو حركه
لجين:انزين خل انروح الطبيب انتطمن عليه ...وبعدها انشوف اذا الحركه مضره ماراح اتحرك من مكاني
عبدالله:باجر انروح اليوم تعبان
لجين:سلامتك من التعب
عبدالله بنفسيه:الله يسلمج
لجين بقلبها(هذا شفيه قلب جذي ...والله ماينعرفلك ...وانا الي ضنيته تغير بس شكله ماكو فايده بطبيع مايوز من طبعه)
عبدالله:انا بروح انام اذا بغيتي شي قعديني
لجين:عبدالله
عبدالله:نعم
لجين:ابي انزل تحت مليت
عبدالله:انتي ماتفهمين صح
لجين تضايقت وايد
عبدالله:اذا مليتي دقي على البنات يصعدون فوق بس مابي ازعاج
لجين:انشالله
بوديكم جزر المالديف عن معاريسنا شوي
زيد كان يسبح بحمام السباحه :دلولتي ...دلولتي
دلال:نعم
زيد:وينج كل هذا تبدلين ...يالله تعالي مافيني صبر
دلال راحت صوب حمام السباحه وكانت لابسه مايو :زيود ليش مافيك صبر
زيد:دلولتي ...مالقيتي مايو غير هذا
دلال:ليش هذا شفيه
زيد:مستر وايد
دلال:لا هذا زين
زيد:لاموزين ..وطنيه...هههههههههههههههههههه
دلال:ههههههههههه....وطبت بالماي
زيد:الحين الواحد يستانس موتوا بروحي
دلال:زيد متى انرد الكويت
زيد:السبوع الياي انشالله
دلال:زيودي ماقعدنا وايد...مويقولون شهر عسل ...لازم شهر
زيد:حبيبي والله ماقدر ...لازم انرد ..ابوي محتاجني بشركه...دلولتي والله اوعدج اخلي ايامنه كلها عسل...واهم شي انكون مع بعض
دلال:زيد
زيد:عيون زين ...قلب زيد...آمري تدللي
دلال:احبك
زيد:يويليييييييييي ...ماقدر انا جذي ...لالالا بذبح روحي
دلال:ههههههههههه
بيت عاليه
مريم:ماما شنو صار على الشاليه
عاليه:والله مادري سألي طلال اهوا الي حاجز
مريم:خل ادق عليه....دقت على طلال...الوووو
طلال:لا حلفي ...حلفي
مريم:طلال احلف على شنو
طلال:زين تذكرتيني ...ماتقوليلي ليش قاطعه ومادقين
مريم:واي كليتني ...خالي شسوي والله قاعده ادرس حق الفاينل
طلال:ردت قالت خالي...بس هذا موعذر...ماتعرفين اطرشين مسج تطمنين علي
مريم:والله ادري اني مقصر بحقك وايد
طلال:هل مره بسامحج بس لاتعيدينها مره ثانيه...مريوم اشرايج امرج ونطلع الحين
مريم:والله خوش فكره ...بس وين انروح
طلال:اي مكان ...نفتر شوي وبعدها نتغدا وندش السينما ..شرايج
مريم:مايبليله راي....الطلعه معاك ماتتفوت
طلال:اوكي ..بس عندي شغله اخلصها وامرج
مريم:اوكي ..وانا ادق على ابوي استأذن منه
طلال:مريوم تجهزي بسرعه ...انا ماراح اطول
مريم:انشالله....يالله باي
طلال:باي...مادري ادق على لجون وقولها تي ويانه ..والله من زمان ماطلعنه مع بعض ...مسك تليفونه ودق
لجين:هلا وغلا
طلال:هلا فيج...شلونج ياحلوه
لجين:الحمدالله ...انت اشلونك شخبارك
طلال:والله الحمدالله بس احس بوحده ..والله اقطع القلب كله بروحي
لجين:هههههههههه ...ليش مريوم ماتي عندك
طلال:لا ولادق..يبيلها ذبح ...المهم انا ومريوم بنطلع الحين...اشرايج اتين معانا
لجين:والله ودي ...بس عبدالله توا راد من الدوام ونايم
طلال:دام توه راد من الدوام يعني ماراح يقعد الحين تعالي معانا
لجين:لاماقدر اطلع بدون علمه...بعدين اهوه مايخليني اتحرك من مكاني ..تبيه يخليني اطلع
طلال:ليش مايخليج تتحركين
لجين:صارلي جم يوم تعبانه شوي
طلال:افا بنتي تعبانه وانا مادري ....اذا عبدالله مأذيج قوليلي والحين اي اكفخه جدامج
لجين:هههههههههههه حرام عليك وانت بس بتكفخه موعارف شلون
طلال:لجون صج والله شفيج قوليلي
لجين:طلال مافيني شي شوي تعبت وعبدالله مكبر الموضوع
طلال:وشلي متعبج يالغاليه
لجين توهقت:لا عمي بس الاني بالفتره الاخيره ماقمت آكل عدل ...وتعبت اشوي...بس لاأكثر ولا اقل
طلال:ليش ماتاكلين عدل...عبدالله مايوكلج
لجين:هههههههههههه ..طلال اشفيك عليه لاتخاف يوكلني عدل ..بس ساعات اخربط بالككاو وحزت الاكل اكون منغثه
طلال:امممممممم..انزين يعني الحين ماتين معانا
لجين:لا خلها مره ثانيه
طلال:اوكي حبيبي ..ديري بالج على نفسج ..واذا حتجتي شي لايردج الا السانج
لجين:انشالله
طلال:يالله مع السلامه
لجين:الله يسلمك
اساعه 4 عبدالله قعد من النوم خذاله شور على السريع ...صلى ونشف شعره وطلع من الغرفه....شاف لجين واقفه اتكلم العصافير
لجين تبتسم وتكلم العصافير :عبدالله عيب ...وخر عن لجين ...لاتتلزق جذي عييب وخر
عبدالله من وراها يضحك عليها:خليه مستانس
لجين لفت ويها : عبدالله...صح النوم
عبدالله:صح بدنج...شفيج على عبدالله(العصفور)
لجين منحرجه شوي:مافيني شي بس مايستحي قاعد فوق لجين...ابي اوخره موراضي يفج عنها
عبدالله يضحك عليها:اكيد ماراح يفج عنها ...تعالي بس وخري عنهم خليهم ياخذون راحتهم
لجين:...
عبدالله:شنو تغديتي
لجين:ماتغديت ناطرتك تقعد...ابي آكل معاك
عبدالله :جان كليتي وبعدين تاكلين معاي مره ثانيه
لجين:آكل مرتين...تبيني امتن
عبدالله:اي مافيها شي ...مره عنج ومره عن البيبي..الحين ولدي ميت من اليوع
لجين:الحين اوكله وخليه يشبع ...انا مسويتلك باستا لذيذه
عبدالله:لجين ليش تعاندين .....انا مو قلت ماكو حركه ...ليش ماتسمعين الكلام
لجين:انا ماتحركت...قعدت على كرسي وطبخت
عبدالله:مابيج تتعبين
لجين:تعبك راحه
عبدالله ابتسم:خلاص انا بحط الغدا
لجين:لا عبدالله انت اقعد وانا اسوي كل شي...اصلن انا مزهبه الطاوله من زمان بس باجي الباستا والسلطه احط عليها الصلصه
عبدالله:امسويه سلطه بعد
لجين: اي مسويه سلطة سيزر...يالله قوم والله ميته يوع
عبدالله:اذا جذي لازم تاكلين صحنين
لجين:لامولهدرجه
عبدالله:انا ابي ولدي بطه مو عصاقيل مثل امه
لجين:اذا ولدت اوكله لين يصير بطه
اقعدو على الطاوله لجين كانت منسقتها بطريقه حلوه وساره كانت يايبتلها ورده منتف لونه احمر ... كانت ناثرته على الطاوله ...وحاطه شموع
عبدالله : شهل حركات ورد وشموع
لجين وهيا ماسكه البايركس الي فيه الباستا:عجبك
عبدالله:اي والله بس حسافه انها طاوله مو شي ثاني.....اممم ريحت الباستا عجيبه
لجين:انت ذوقها وبعدين احكم عليها...بس شنو الشي الثاني
عبدالله وهوه ياكل:ولا شي ولا شي... تسلم ايدج والله لذيذه
لجين :بالعافيه
عبدالله :الله يعافيج ...اكلي الحين اكيد ولدي قاعد يصرخ من اليوع
لجين:انشالله....عبدالله عقب باجر ابلش امتحانات..وابي اوراق مهمه من البنات...وبغيت اروح الجامعه
عبدالله:خلي طلال ايبلج الاوراق...انتي لاتروحين
لجين:عبدالله ماردي بروح الجامعه
عبدالله:واذا على الامتحاناتج انا اوديج
لجين:تدري اتحسسني اني مريضه صج ...جني بموت
عبدالله:اسم الله عليج ...ليش تفاولين على روحج
لجين:عبدالله والله مافيني شي ....ليش كل هل خوف مادري
عبدالله:اخلاص اتروحين الجامعه بس ماكو حوسه تمتحنين وتردين
لجين:انشالله
عبدالله :على فكره مو عبدالله الي كان فوه لجين....لجين اهيا الي كانت فوق عبدالله
لجين اشهقت:خلاص بغير اسمها هذي رايحه فيها
عبدالله:ليش رايحه فيها ...الله محلل لها هشي ...ماراح انغير اساميهم
لجين:....
عبدالله:الحمدالله شبعت
لجين:بالعافيه ...بس ماكليت شي
عبدالله:كل هذا وماكليت ...بس ماقدر اثقل عندي لعب على الساعه 8
لجين:دام بتطلع انا بروح شقة طلال من زمان ماشفته
عبدالله:ماراح اطول كلها ساعه وبرد البيت
لجين بقلبها(كل شي لا حزب المعارضه )
عبدالله:شفيج
لجين :مافيني شي
عبدالله :انزين لاتجيسين شي انا الحين اقول حق امي اتطرش الخدامه
لجين:......
عبدالله قام غسل ايده ودخل الغرفه ولمن طلع شاف لجين واقفه عند قفص العصافير اتسولف معاهم
عبدالله:وانا كل ماأطلع من الغرفه اشوفج واقفه عندهم اتسولفين...بس حسافه هل مره ماسمعتج شقلتي لهم
لجين ماردت عليه وضلت واقفه اتشوفهم وهما بالقفص
عبدالله يكلم العصافير:لجين انتي زعلانه من عبدالله صح
لجين ولا جنها سمعت شي
عبدالله التفت عليها:لجين ادري انج زعلانه ...بس كل الي اسويه لمصلحتج
لجين:......
عبدالله:عبالج الاجهاض زين ...بدرجه الاولى انتي الي بنضرين ....ظهرج يتأثر وهم رحمج ...الياهل بلادله الف ..بس الصحه ماتتعوض
لجين :......
عبدالله:خلاص انا اوديج هناك ...بس بشرط ماتحوسين وايد
لجين ابتسمت:انشالله
عبدالله:كل هل ابتسامه الانج بتروحين عند طلال
لجين:ماتدري شكثر مشتاقتله
عبدالله:دام مشتاقتله وايد ماكو روحه
لجين :عبدالله
عبدالله:ههههههههه
لجين:وي نسيت اهوا طالع مع مريوم مادري رد البيت ولا لا
عبدالله :دقي عليه
لجين:اوكي ...وراحت خذت تليفونها ودقت...الووو
طلال:هلا بهصوت
لجين تبتسم:هلا فيك ...طلال وينك
طلال:انا بضاحيه مع مريوم ...مريوم تبي عصير
لجين:اها ....انزين متى بترد البيت الاني بي
طلال:اقولج انا بضاحيه يعني عند بيتكم ...الحين امرج ونكمل قز
لجين:لاطلال مالي خلق
طلال:انزين امرج الحين
لجين تلتفت على عبدالله: طلال بضاحيه يمرني
عبدالله:خلاص خل يمرج
لجين:طلال متى بتي
طلال:الحين
لجين:اوكي ثواني واكون جاهزه ...يالله باي
طلال :باي
عبدالله:الحين بتروحين
لجين:اي
عبدالله:اذا جذي انا بعد اطلع شيقعدني
لجين :على راحتك ...خل اروح اللبس الحين يوصل وانا ليلحين مولابسه
بعد ربع ساعه وصل طلال ...لجين وعبدالله انزلو مع بعض ...طلال كان واقف بره ينطر لجين ومبطل باب السياره ولمن اشافته لجين استانست
لجين:واي يحلات عمي
عبدالله يطلعها من طرف عينه وراح سلم على طلال
طلال:هلا عبدالله شلونك شخبارك
عبدالله :الحمدالله ...طلال ماوصيك عليها مابيها تتحرك وايد الانها تعبانه
طلال:اي قالتلي ..لاتوصي حريص....ويلتفت على لجين ..ناطرتني انا اي اسلم عليج
لجين:هلا طلال شلونك
طلال:وين بوستي
عبدالله:لا ماكو بوسه البوس بس لي
طلال:روح زين انا عمها ...لجون تعالي بوسيني خل ريلج ينبط
لجين:ههههههههه دام جذي ماكو بوسه
طلال:زين يالجون اردها لج...الحين عبدالله صار اهم مني
لجين:مافي واحد احسن من الثاني ...كل واحد فيكم غير عن الثاني
عبدالله يطالع لجين ويبتسم:طلال ماوصيك لاتحوس وايد
طلال:يبه لاتحاتي لجين بعيوني...يالله لجون خسنه من الحر ركبي
عبدالله:لجين وين بوستي خل عمج يحتر
لجين ويها قام يقط الوان وضلت اطالع عبدالله فتره وهوه كان واقف يطالعها ويبتسم
طلال:يالله بوسي خلصينه خسنه
لجين:لا بعدين
عبدالله:والله ماتركبين السياره اذا مابستيني
طلال:اوووه بلشو سوالف مراهقه ...اذا تستحين انا بركب السياره...وبعدين انت مابستها فوق لازم تحت
عبدالله:حلالي...يالله وين بوستي
طلال:يالله لجين بوسي ريلج خلصينا
لجين قلبها كان يطق بقوه :عبدالله خلها بعدين
عبدالله بخبث:انا قلت الحين ...وقرب صوبها
لجين بصوت واطي :مابي
عبدالله مسكها من ايدها:عيل ماكو روحه ..وزرعي عمج سنه
لجين:عبدالله
عبدالله:ماراح تخسرين شي
طلال نزل ادرشيه:يالله يبه خلصونا صار مسلسل تركي...ويتحلطم ...اوووه عاد الحين البطله تزعل ليش البطل احرجها جدام اهلها وتهدا عاد انطر آخر حلقه اتحصل بوسه
لجين وعبدالله:ههههههههه
عبدالله:يالله حرام زرعتيهم
لجين:عبدالله ليش هل حركات البايخه
عبدالله:مزاج ..لعانه سميها الي تسمينها
طلال قام يطق هرن:لجون يالله ماوصلتو حق الحلقه الاخيره ترى المشاهدين ملو وهما ينطرون
لجين انحرجت من عمها :عبدالله
عبدالله:نعم
لجين:قرب
عبدالله وهوه يبتسم قرب وصار ويها قبال ويها ..لجين باسته بسرعه على خده ومشت
طلال:الحمدالله خلص االمسلسل
مريم:طلال حرام عليك احرجتها وايد
لجين اركبت السياره :عمي امش بسرعه
طلال:ليش ..مابتودعين البطل...هههههههههههه
لجين:عمي
طلال:لاتقولين عمي
طلال حرك سيارته وعبدالله ضل واقف بمكانه :باستني ..والله باستني ..ههههه والله ماني هين ...ياحلات بوستها شفايفها ناعمه
بسيارت طلال
لجين كانت سرحانه(انا شلون سويت جذي ..امبيه الحين شقول عني)
طلال:لجون ..لجون
لجين:هلا
طلال:اكيد سرحانه مع البطل
لجين بحراج:لا مو معاه...طلال
طلال:عيون طلال
لجين:بنام بشقتك اليوم
طلال:اذا ماشالج المكان اشيلج بعيوني
لجين:تسلملي عيونك
بعد ماوصلو الشقه لجين دشت الغرفه ودقت على عبدالله
عبدالله :الوووو
لجين:عبدالله ...ابي انام هني
عبدالله :ليش
لجين:جذي من زمان مانمت هني
عبدالله:لا ماكو نوم
لجين:عفيه
عبدالله حس انها بتنام هناك الانها منحرجه منه وحب يحرجها اكثر:لجين بوستج دوختني
لجين:.......
عبدالله :شفايفج ناعمه وتهبل...بعد البوسه انسي ماكو نوم
لجين مابغت اطول اكثر:خلاص باي
عبدالله:وين
لجين:طلال يناديني
عبدالله:اوكي بس ماكو نوم...وانا امرج اساعه 10
لجين:اوكي باي
عبدالله:باي
نهاية البارت
البارت 30
لجين مابغت اطول اكثر:خلاص باي
عبدالله:وين
لجين:طلال يناديني
عبدالله:اوكي بس ماكو نوم...وانا امرج اساعه 10
لجين:اوكي باي
عبدالله:باي
لجين:واي انا شسويت بعمري الله يستر...وااي قلبي بيوقف
طلال :لجون...لجون ...وين رحتي
لجين :كاني طلال بالغرفه...وطلعت من الغرفه
طلال:لجون شفيج ...ليش عيونج حمره انتي باجيه
لجين:لا مو باجيه..طلال عبدالله موراضي انام اهني
طلال:اممممممممم....انتو صاير بينكم شي
لجين:لا
طلال:لجون اكيد مو صاير شي
لجين:اكيد
طلال:لجون اذا ريلج موراضي ردي بيتج احسن لج ....وبعدين ليش بتنامين هني
لجين:طلال والله مليت كله بروحي اهوه دوامه ليل ...ولمن يرجع ينام ....وانا اضل طول اليل ونهار قاعده بروحي
طلال: ليش ماتقعدين تحت مع اهله
لجين:انزل تحت بس صارلي جم يوم مونازله عبدالله يقولي لاتنزلين دقي على البنات ايولج فوق....بعدين ورا الغدا كلهم ينامون
طلال:ميخالف لجون مايصير اتهدين ريلج بروحه ... مامداج مليته منه
لجين :انا مامليت منه انا مليت من القعده بروحي
طلال:اهوا دوامه كله ليل
لجين:لا بس امس
طلال:الحين كل هسالفه عشان امس بس ....لجون لاتصيرين سخيفه
شوي ودق عبدالله
لجين:الووو
عبدالله:لجين انا بره بطليلي الباب
لجين:وين بره
عبدالله :عند باب شقة طلال
لجين بستغراب:اوكي ...راحت بطلت الباب ...تفضل
عبدالله:السلام عليكم
الكل :وعليكم السلام
طلال:هلا عبدالله حياك تفضل ....ليش واقف عند الباب
عبدالله:لا بس باخذ لجين وبمشي
لجين:عبدالله توني واصله مامداني اقعد...انت مو عندك لعب
عبدالله :لا مابي اروح هونت...ولاحقه على القعده مره ثانيه ايبج
طلال:قعدو اشوي وبعدين روحو
عبدالله:لا والله بمشي مستعل
لجين:وين بتروح
عبدالله:بروح البيت ابدل ونطلع....ولا ماودج تطلعين
لجين اطالع طلال:لاودي اطلع مليت من البيت
عبدالله:اذا جذي يالله مشين
لجين:اوكي بس ايب جنطتي....وراحت يابت جنطها
عبدالله:نمشي
لجين :اي
لجين وعبدالله :يالله مع السلامه
طلال ومريم:الله يسلمكم
مريم :حسافه ماقعت معها ...شنو هذا عبدالله ليش صاير جذي
طلال:خليهم معاريس...خل يستانسون
مريم:اي معاريس صارو قدم ...من زمان متزوجين...المعاريس حدهم شهر
طلال:واهما توهم شهرين...يعني معاريس
بيت راشد
عبير وعاليه كانو زايرين ....كانو يتفقون على الاشياء الي بودونها معاهم الشاليه...وشلون تقسيمت الغرف وكل غرفه منو بينام فيها
عبير :عاليه المعاريس متى بيوصلون
عاليه:المفروض بعد اسبوع ...بس جنه زيد جدم الحجز
راشد:اي انا قتله يجدم الحجز...بيون على نهاية الاسبوع
عاليه:متى جدمو... دلول ماقالتلي
شيخه:زيد اليوم جدم الحجز....انا مادري ليش مايخليهم على راحتهم...والله معاريس خلهم يستانسون
راشد:لاحقين على الوناسه...الشغل متراكم وانا والياس محنه قادرين انلحق
عبير:واحمد وينه
شيخه:احمد راح امريكا ...بخلص اوراق ليث ويرجع
عاليه:ليث خلص ولا بعده
راشد :لاوين هذا بعد 100 سنه مايخلص...انا قلت يكمل دراسته اهني وايد احسن
عبير: صاج ...على الاقل اهني بين اهله ...واحسن له من الغربه...مرده بيشتغل وياكم بشركه
عاليه:ياخوي العمر يخلص وشغل مايخلص ...هذا شهر عسل مايتكرر مره ثانيه ...جان خليتهم ...حرام اتلاقيهم الحين متضايقين
شيخه:والله عيزت وانا اقوله بس وين ....اخوج الي براسه يسويه
راشد:بسهم كافي واذا خلص الشغل الي عنده انا اعوضهم بسفره ثانيه شهرين موشهر
عبير:عاليه...لجين بتيه معانا ولا بعدنا بيومين
عاليه :مادري عنها
عبير :والله احنه مقصرين معاها من تزوجته ...ماندري عنها
عاليه:اخبارها كلها عند طلال
عبير:والله طلال فيه الخير مو احنه ...المفرض احنه الي نسأل عنها وايد مو طلال
عاليه:انا اكلمها كل يومين ...وتلاقينها الحين لاهيه مع ريلها ....وين فاضيتلنا
شيخه:لا عاد لجين...ماعندها هسوالف ...قولو انتو الي لاهين عنها
راشد:يعني انتي الي سألتي عنها ...كلكم نفس الشي
عبير خذت تليفونها ودقت على لجين:انشالله اترد
لجين:الووو
عبير:الووو...هلا لجونه شلونج...شخبارج
لجين:انا بخير الحمدالله انتي شلونج
عبير:الحمدالله بخير ...وعبدالله اشلونه معاج
لجين:الحمدالله ..
عبير:شكلج طالعه
لجين:اي والله طالعه مع عبدالله
عبير:زين اتسون ..دام ماعندكم واق وويق طلعو..ستانسو ...باجر تحملين وتنحكرين بالبيت
لجين حطت ايدها على بطنها وعبدالله كان يطالعها
عبير:لجون انتي بتين الشاليه معانا ولا مع حمولتج
لجين:والله مادري عمتي ...على حسب عبدالله..اذا دوامه يعطونه ايجازه ولا لاء
عبير:اممممم.....واذا ماعطوه اجازه ماتين
لجين:لا عمتي اذا ماعطوه ماقدر اهدا بروحه وأيي...عمتي صج بيت عمي سالم بيون معانه
عبير:واي لاتذكريني ...مادري شلون بجابلهم اسبوع...المهم عطيني خبر الانه بنشوف توزيعت الغرف شلون
لجين:انشالله...اشوف عبدالله وعطيج خبر
عبير:يالله حبيبتي سلمي على ريلج ...يالله مع السلامه
لجين:الله يسلمج
عاليه:منو الي ماتدرين اشلون بتجابلينهم اسبوع
عبير:عايشه وبناتها منو بعد
عاليه:والله مادري ليش قلبي ناقزني من هروحه
راشد:انتو على كل شي قلبكم ينقزكم... صج حريم
عبير:وهيا صاجه ...بنات سالم ماوراهم الا المشاكل وعوار الراس
عاليه:انت تري يوم عرس دلال...خوله يايه تسأل لجين ..وين ريلج وليش مو ياي العرس وين مسافر ...بالله ماتقولي شنو يقصدون
شيخه:وااي وهمه شكو بالريال
عبير:اشرها مو عليهم على سالم الي ساكت عنهم وايد
راشد:سالم يالله يعابل بمرته بعد له خلق البنات
شيخه:بس بناتا مصخوها وايد...وانا متوقعه بقطون حجي على لجين ويحرجونها جدام ريلها
راشد: والله جان احط انعالي بحلوجهم ...هذا الي ناقص بعد...اذا صار ماوراها ظهر خل يتحجون بس طول ماراسي يشم الهوا مايقدرون يفجون حلجهم
عاليه:انا مادري ليش يكرهونها جذي ...جنها بايقه حلالهم
عبير:حبيبتي محترين منها...لجين حلوه وجسم وخلاق والكل يحبها..عكسهم كل وحده امتن من الثانيه ..ومحد يشتهيهم
بسياره وتوهم طالعين من النوخذا
عبدالله:لجين..اذا دوامي ماعطوني اجازه ماتروحين
لجين:شلون اروح واخليك بالبيت بروحك
عبدالله يبتسم:دام جذي حتى اذا ماعطوني اجازه بنروح
لجين:صج والله
عبدالله: اي بس بشرط ...ماتحوسين وايد
لجين:انشالله...بس متى بتروح
عبدالله:كيفج اذا تبين اتروحين قبل اهلي ماعني مانع
لجين:ماراح تفرق كلها يومين
عبدالله:خلاص عيل انروح قبلهم...لجين بنام بغرفه وحده
لجين:لا ...شاليه الريايل بروح والحريم بروح
عبدالله:اممم...مومشكله كلها يومين
لجين:حتى اذا اهلك يو انا بضل بشاليه الحريم
عبدالله:انتي موتقولين مابيهم يحسون بشي
لجين:اي
عبدالله بخبث:خلاص عيل لاخلينهم يحسون بشي
لجين:........
عبدالله :ليش ساكتي ...سولفي
لجين:انت سولف
عبدالله:اممممم ...تدرين اليوم شسويتي فيني
لجين ويها قلب وصار احمر من الاحراج ونزلت راسها
عبدالله شافها منحرجه وحب يحرجها اكثر:انتي من بستيني وانا احس بحراره بجسمي....شرايج اتبوسيني مره ثانيه يمكن الحراره اتروح
لجين تمنت الارض تنشق وتبلعها وهم كانت خايفه من الي ياي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك