رواية خليجيات في الامارات -12
الحلقه الثانيه عشر
ملاك ابتسمت لها .. وقالت وهي داخله : السلام عليكم
فاطمه : وعليكم السلام ورحمة الله وبركاته
ملاك تتجدم عنها وتبوس راسها وتقول : اش حالج أمايه ..........؟؟
فاطمه : بخير بنتي انتي اش حالج وشو الدراسه اليوم
ملاك : عال العال أمايه هههه
فاطمه : دوم ياربي .. أمايه تراني ميته يووووووووووع
ملاك تضحك : ههههه جان تتغدين
فاطمه : اتريتكم عسب ناكل سوا
ملاك : فيج الخير والله أمايه ترا مو زين لصحتج
فاطمه : أي مو زين .. ما أحب أكل بروحي ماتييني نفس
ملاك تبتسم : أوكي عيل ما بخليج تيوعين أكثر بروح بغير وبنزل عسب ناكل
فاطمه : بس أخوج بعده مايا
ملاك : تعرفين أمايه عاد ميود امبونه يتأخر
فاطمه : هي صدقج يلا عيل بسررررعه سيري غيري عسب ناكل وأرقد من الفير وأنا ناشه
ملاك تبتسم : أوكي ثواني يالغاليه ..
تجدمت ملاك عن الدري صدت طالعت فاطمه .. وقالت فخاطرها .. ياربي اش كثر أحبها والله انها أمي صدق .. ربتنا وتعبت عشانا وبعدها تخاف علينا .. الله يحفظها ..
/
.
/
نور وهي تمشط شعرها : أقول شوق اش بتلبسين بكره ..؟؟
شوق تبوز : أووووف أصلا مابي أروح
نور : شوق ترا مو زين أمج عطت المره كلمه
شوق تبتسم : أدري وهذا اللي غاثني
نور : أجل اش بتلبسين ..؟؟
شوق تأفأف : نورو شكلج ناويه تذبحيني انتي ..!
نور تضحك : و اش سويت أنا عشان أذبحك ..؟؟
شوق تبتسم : لا ولاشي ماشالله عليج ملاك
نور ابتسمت : ذكرتيني فيها واي فديتها هههههههه
شوق : ملييييييييييييييييقه ... يلا يلا قومي من يدام المرايه بسج أبي أتعدل
نور توقف وتروح صوب السرير : يلا شوق قولي اش بتلبسين ما أمزح ..؟؟
شوق : والله مدري .. بس عندنا البدله اللي شريناها ذاك اليوم .. محد شافها للحين
نور : لا لا مو حلوه وبعدين هي مو ساتره ما تنفع بحفلات ثانيه
شوق تبوز : عاد اش بنلبس ..؟؟
نور تبتسم : تذكرين الفستان اللي شريناه من فتره
شوق باستغراب : أي فستان ..........؟؟؟
نور : مو فستان فستان هو كذا نفنوف بنوتي على دراعه
شوق ابتسمت : اي تذكرته هههههه
نور : اش رايك .........؟؟
شوق : والله ينفع أمي بتستانس عليه هههههه
نور تبتسم : اي طويل وأكمامه ساتره ههههه خالتي بتفرح
شوق : انتي شوفي بعرس عبدالعزيز اش بلبس
نور تبتسم : بصراحه أنا عادي عندي أي شي تلبسين بس أمك ما أعتقد ترضى ع العاري هههههه
شوق : لا ترضى بس لما رفيجاتها يترسون راسها ما ترضى
نور : قصدك ينصحونها ههههه
شوق : يلا يلا نورو ننزل ميته يوع
نور تبتسم : أعوذ بالله جازووووووووره هههههه
شوق : ويه اسم الله عليه عن تصكيني بعين وأروح فيها يالدبه
نور تبتسم : اي شوق في قبيله في الكويت أموت على اسمها
شوق باستغراب : أي قبيله
نور : ما بقول لك هههههههه
شوق : أكييييييييد قبيلتنا ههههههه
نور : لا بس اسمها عجيب داش مزاجي
شوق : ما علينا يالدبه خبريني بتفتحين شعرج ولا كيف .....؟؟
نور : لأ لأأ وبعدين هي حفلة ناس غراب يعني لازم نكون رزان شوي ما نفلها كالعاده
شوق : اي وانتي الصاجه مو ناقصين يتحجون علينا
نور ابتسمت : يارب وحده تشوفك وتخطبك لولدها هههههه
شوق تكش على نور : مالت يعل عرسج قبل عرسي
نور : آمييييين ههههه
صوت الباب وهو يندق ..!!!
شوق : منووووووو ....؟؟؟
.............. : آنا عبآدي
شوق : ادخل
عبدالله يدش : السلام عليكووووووووو
نور: وعليكم السلام
عبدالله : مشكوره نور
نور باستغراب : على ايش ..؟؟
عبدالله رديتي السلام مو مثل بعض الناس شكلهم ما يعرفون رد السلام واجب
شوق : لا توني عرفت من حضرة عبودي
عبدالله يبتسم : ما علينا .. يلا نزلو الوالده مسويه خوش غدا
شوق : واي شهيتني روحي يوعانه ههههههههه
عبدالله : مجاعه أعوذ بالله
نور تبتسم : مو قلت لك شوق ههههههههه
شوق تفر عليكم المخدات : نزلو قبل لا أتغداكم انتو
عبدالله : ويه بنقذ البطله قبل لا تاكلها سنووايت
عبدالله يروح لنور ويمسكها من ايدها ويقول : فله يلا بسررررعه قبل لا تاكلج الوحشه
نور تبتسم وهم يمشون عشان ينزلون ويتغدون .. نور : عبود اش سويت بامتحان اليوم ..؟؟
عبدالله : غشيت وغششت وبادلت ورق
نور تبطل عيونها : انت ما تستحي على وجهك
عبدالله يبتسم : لا ما أستحي
شوق : عيال أخر زمن والله
عبدالله يطالع أمه وأبوه وكل اللي ع السفره : السلام عليكم ياأهل القبور
أم عبدالعزيز تبطل عيونها : هو عبوووود اش فيك
عبدالله يبتسم : هههههههه أمزح يما
بو عبدالعزيز : شوق نور يبا تعالو تغدو
شوق : انشالله يبا
نور تقعد وتبتسم : كيفك عمي ...؟؟
بو عبدالعزيز : بخير يبا انتي اشلونج ..؟؟
نور : الحمدلله تمام
بو عبدالعزيز : لا يغير عليج يارب
نور : ولا عليك
شوق : يما باجر متى بنروح ..؟؟
عبدالعزيز وهو ياكل .. حط ملعقته ع الطاوله وقال باستغراب : هالأسبوع بعد بتطلعون ..؟؟
شوق بسرعه : لالا من قال بنروح مع الوالده حفلة ميلاد بنت رفيجتها
عبدالعزيز يهز راسه ويقول : آها
أم عبدالعزيز : والله المره تقول الساعه ثمان العشا
نور : انشالله نجهز
أم عبدالعزيز : اي ما ابيكم تأخروني
نور تضحك : أوكي ههههه
الهنوف تسأل ضاري : اش سويت بامتحان الرياضيات ..؟؟
ضاري : زين
بو عبدالعزيز : متى بتبدي امتحانات نصف العام
ضاري : خلاص يبا مو باقي عليها شي .. بس نخلص التقويم الثاني ونبدا بامتحانات الفصل الأول
بو عبدالعزيز : شدو الهمه ياعيال وخاصتا انت ياضاري أبي نسبه تبيض الويه
ضاري : انشالله يبا .. بس باجي وايد على أخر السنه
بو عبدالعزيز : لا وين الا هم خمس شهور وتخلصون دراسه
الهنوف تبتسم : يبا بنروح الكويت
بو عبدالعزيز : اي انشالله بس ادعولي
الهنوف : انشالله يبا
/
.
نزلت ملاك .. شافت فاطمه قاعده تتريا ملاك ع السفره ..
ملاك : أنا يييييييييت
فاطمه تبتسم : ههههه زين ييتي بغيتي تموتيني يوع
ملاك : اسم الله عليج يمه بعيد الشر عنج
فاطمه فديتج يلا اقربي بنتي
ملاك تيلس .. وتصب لها عصير .. وتبدا تاكل
فاطمه : شوي شوي بنتي عن تغصين
ملاك تبتسم : هههههه أمي أكل شوي شوي تراني
فاطمه : أدري بس بعد حاسبي
ملاك تبتسم : كبرنا خلاص أمي ههههه
فاطمه : الله يحفظكم
ملاك : ويحفظج فديتج
يرن تلفون البيت ......
فاطمه تبي توقف : بروح برد بشوف منو يمكن مايد
ملاك : لالا أمي ايلسي .. خل ميري ترد
فاطمه : لا أمي يمكن مايد
ملاك : لو مايد يتصل بي أو يتصل بج مو تلفون البيت .. خل ميري تشوف
ملاك تصارخ : ميييييييري .............. ميــــــــــــــــــــــــــــــــــــري ..
ميري ما يت ... ملاك : بروح بشوف منو لو أترياها بيصكر ..
فاطمه : اسرعي بنتي يمكن حد يبا شي ضروري
ملاك تتجدم عن التلفون .. وترفع السماعه .....
ملاك : السلام عليكم
............... : وعليكم السلام ..
ملاك مستغربه منو هذا ....!! : هلا أخوي .. بغيت منو ........؟؟
................. : فاطمه موجوده ..؟؟
ملاك استوعبت شالسالفه وقالت : هي هي .. ثواني أخوي
ملاك تصد تطالع فاطمه وتقول وهي مستانسه : أمي أمي
فاطمه مستغربه : خير امي منو .........؟؟
ملاك : أمي هذا راشد متصل بج
فاطمه توقف وهي مستانسه وتتجدم بسرررررررعه عن التلفون ..
ملاك تعطيها السماعه : السلام عليكم
راشد : وعليكم السلام أمي
فاطمه مستانسه : هلا أمي .. هلا فديتك اش حالك طمني عن أحوالك انشالله بخير ومب ناقصك شي ..؟؟
راشد يبتسم : بخير أمي بخير
فاطمه : دوم ياربي
راشد : انتي اش حالج واش حال الأهل انشالله كلهم بخير
فاطمه : بخير الحمدلله كلهم بخير بس مشتاقين لك ..
راشد : ههههههه خلاص خلاص مب باجي شي انشالله
فاطمه : جيه متصل ع تلفون البيت ..؟؟
راشد : أتصل بج ما تردين
فاطمه : وي اسمح لي أمي تلفوني ناستنه في المطبخ
راشد : لا عادي يالغاليه
فاطمه : تامر ع شي وليدي تبي شي ..؟؟
راشد : لا أمي سلامتج بس ادعي لي
فاطمه : انشالله ولدي انشالله
راشد : تسلمين لي والله .. يلا عاد أمي مع السلامه
فاطمه : مع السلامه ولدي مع السلامه الله يحفظك .....
بعد ما صكرت .. ابتسمت لها ملاك : ها بشري أمي ...؟؟
فاطمه ابتسمت : بخير الحمدلله ويسأل عنكم
ملاك : تسأل عنه العافيه يارب .. شو الدراسه وياه ..؟؟
فاطمه : بخير الحمدلله مب باجي شي ويرد البلاد
ملاك ابتسمت : نحتريه عاد .. انشالله يرجع بالسلامه
فاطمه : انشالله .. يلا عاد الغدا برد
ملاك ابتسمت : يلا
/
.
/
أريج متردده : روان أنــــــــــــــــــــا .........................
روان تقاطعها : انتي شنو ..........؟؟
أريج : روان أنا ... ما اقدر أقول
روان : بعد ما روعتيني .. تكلمي أريج اش فيج ..؟؟
أريج : روان أنا شاكه ملاك صاير فيها شي
روان مستغربه : مثل ..؟؟
اريج : ملاك متغيره مو هي ملاك الأوليه .. شفتيها اليوم راحت مع نور
روان : اي عادي دايما نور وملاك مع بعض
اريج : بس ملاك كانت متضايجه وسارحه أكيد فيها شي
روان مستغربه : مثل
أريج : والله ما أعرف بس جايز صاير لهم شي من عيال عمهم يمكن
روان : لا ما أعتقد ..
أريج : والله ما أعرف لكن لازم نعرف شو فيها شكلها ما يطمن بالمره
روان : خير انشالله .. انشالله ما فيها الا كل خير
أريج ابتسمت : انشالله يارب ..
/
.
/
بدور تطالع حمدان : باباتك وماماتك ما بيتغدون ..؟؟
حمدان ياكل ويقول : ما أدري
بدور : عيب حمدانو تاكل قبل لا ييون أمك وأبوك يلسون ع السفره وياكلون
حمدان : بس انا جوعاااااااان
بدور : حتى ولو
حمدان : بدور تدرين نحنا رحنا مسسفى
بدور تضحك : وين رحتو ........؟؟
حمدان : مسسفى أقولج مسسفى
بدور تضحك أكثر : وين قلت لي .......؟؟ عند منو
حمدان : مسسفى عند الدكتور
بدور تبتسم : و شو تسوون في المسسفى على قولتك ههههه
حمدان : نشوف نونو مال ماماتي
بدور ابتسمت : شفته
حمدان : لا ما خلوني أدخل
بدور : بس أصير دكتوره بخليك تدخل انزين
حمدان يبتسم : انزيييين ووديتي كتر وياج
بدور تبتسم : من عيوني والله بوديك قطر عند يديده ويدي
حمدان : بابا يقول لو ولد نسميه سيفاني .. بس أنا أقول لا نسميه حمدان نفسي
بدور تبتسم : حبيبي ما يصير انته أخوه هههه
حمدان يزاعج : لأ نسميه حمدااااااااااااان
بدور : انزين انزييييييييين بس خلااااااااااص حشرتنا
حمدان يبتسم ولو بنيه أنا قلت نسميها ورده
بدور تنقع ضحك : شو تسمووونها ههههههههههه
حمدان : اقول لج ورده
بدور : ولييييييش يعني ههههههه
حمدان : نحنا عنا أبله ياسمين أختي بسميها ورده
بدور : اقول حمدان انت شكلها فيوزاتك مره ضاربه كمل أكل حبيبي كمل يمكن كل ها من الجوع
حمدان : هذي ماماتي يت ..
ميره تبتسم : هلا بدور رجعتي ..؟
بدور تبتسم : لا ما رجعت ههههه
ميره : دبه
بدور : هههه انتي تسأليني وأنا قاعده يدامج ..
ميره : معضد تعال الأكل برد
معضد من الحجره : أوكي ثواني
بدور : ها رحتي الموعد
ميره : وي ما خبرتج أنا ناسيه انه عندي موعد هههههههه
بدور : له له ولييييش ......؟؟
ميره : على بالي الموعد السبوع الياي بس طلع اليوم
بدور : ههههه أكيد بو حمدان ذكرج
ميره : اي لو مو جذي جان بيطوفني الموعد
بدور : يلا الحمدلله ..
ميره : حمدان باباتي انطر ابوك
بدور : لالا خليه ياكل هذا فيوزاته بالمره ضاربه
ميره تضحك : حرام عليج بدور لا تتبلين على ولدي
بدور تبتسم : وين أتبلى عليه حرام عليج ههههههه بس صدق فيوزاته ضاربه
ميره : ههههه مالت عليج
بدور : أغصان الجنه يارب .. انزين خبريني اش قالو لج
ميره ابتسمت : يقولون مو مبين
بدور : يلا انشالله بنيه هههههه
ميره : اللي ييي من الله حياه الله
بدور : شو قالو عن الياهل
ميره : بخير الحمدلله بس لازم بس أنا ناقصني كالسيوم
بدور : مو زين اشربي حليب وكلي جبن وهالسوالف عوضي اللي فقدتيه بالحمل
ميره : اي انشالله
معضد طالع من الحجره : أنا يييت
حمدان يبتسم : بابا تعال كل
معضد : ياي ..
ميره : تعال يابوي الأكل برد وغير انه متنا يوع ههههه
معضد ابتسم : يلا بسم الله
بدور : النسيب النسيب
معضد ابتسم : هلا بالخبله أخت حرمتي
بدور تبوز : بدش 22 بعد كم شهر ويقول لب خبله
حمدان ابتسم : ههههههه
بدور : زعليت أنا خلااااص زعليييييييييت وآيد بعد
حمدان : أحسن اشربي ماي بحر بعد
بدور : أوكي خلاص رايحه أشرب ههههه
ميره : وي اش فيكم على أختي خلاص كم من شهر وبترجع قطر
معضد ابتسم : أحسن فكه ههههه
بدور : خلاص برجع من اليوم
ميره ابتسمت : بدور حياتي لا تزعلين يمزحون وياج
بدور : أدري شو ع بالج اني مثلج أزعل على كل شي
ميره طلعت عيونها : وأنا اللي أدافع عنج وأخر شي تقولين جذي
معضد يبتسم : أقول لج ان أختج حيه من تحت تبن
معضد : شنو يعني باباتي ..؟؟
بدور : الله يسلمك يعني عصفوره بين ثلاث قطاو ..
معضد : بدورووووه تراني برجعج قطر ههههه
ميره : استحي على ويهج يابنيه
بدور : ههههه أمزح انزين
ميره : باباتي ما عليك منهم هذا مو زين تقوله .. يعني ثعبان تحت قش
بدور ناقعه ضحك : ونعم التشبيه هههههههههه
معضد تذكر شي : هي صح ترا باجر بنروح العين ..
بدور شرقت وهي تاكل : كح كح .............
ميره تعطيها ماي : شربي شربي ..
معضد يضحك : لهالدرجه هل العين ييبون لج الغصه ..
لا تقولون تاخذوني وياكم ..
معضد : هي بناخذج بعد شو
بدور : لا أمـــانه ميرو حطوني ببيت رفيجتي حرام حرام
معضد : لا ماشي
بدور : حرام ميره كلمي ريلج
ميره رفعت جتوفها : ما يصير ..
معضد : بتيين غصب
بدور : مابي والله ما أحب
معضد : الناس دوم يسألون عنج مب حلوه نقول لهم ببيت ربيعتها كل مره .. وبعدين بدور انتي تعرفين انهم يقربون لكم من قبل ما أخذ ميره
بدور : اي أدري بس بعد ما أحب أروح ..
ميره : تيين بدور مايصير كل مره نقول لهم ببيت رفيجتها ..
بدور تأفأف : أوكي أوكي خلاااص
معضد ابتسم : دبــــــــــــــــــه
بدور : ميروووه طالعي زوجج
ميره : هو اش قال يعني ..........؟؟
بدور : دبه بعد شنو قال
ميره : تستاهلين ههههههه
بدور بوزت : نشوف منو يي وياكم العين بنشووووف ..
أوفو الحين بيودوني العين الله يستر بس جان بتنعجب فيني وحده وتخطبني لولدها مثل ماصار بميره أختي .. أووووووووووف يعني لازم أروح العين والله حاله ..
/
.
/
دشت الشقه وهي تعبانه ... فسخت عباتها .... ما شافت أمها .. تجدمت عن حجرة أمها دقت الباب محد رد عليها .. دشت داخل .. شافت أمها راقده ..
أريج ابتسمت : فديتها أكيد تغدت ونامت ..
أم أريج بصوت واطي : دخلي يما دخلي
أريج دشت وابتسمت : قايمه يالغاليه ..؟؟
أم أريج : هي الحين حطيت راسي ووصلتي
أريج ابتسمت : ههههه خربت عليج نومتج
أم أريج : لا عادي بنتي
أريج : تغديتي ..؟؟
أم أريج : اي .. انتي تأخرتي كثير ماشالله عليج
أريج ابتسمت : آسفه يما بس أنا وروان تغدينا برع
أم أريج : اي قريت المسج اللي طرشتيه
أريج : فديتج أنا ... عاد يلا نامي وأنا بروح بغير ملابسي .. لأنه مو باقي شي على أذان العصر ..
أم أريج : قوميني أخاف تطوفني الصلاه
أريج : من عيوني والله بس انتي ريحي نص ساعه
أم أريج : انزين
/
.
/
يوم الجمعه ..
ملاك دخلت المطبخ .. وطلعت لها قلاص وغسلته ..... تجدمت عن الثلاجه وطلعت العصير وصبت لروحها ... وخذت القلاص .. ويلست بدت تطق ع الطاوله بأصابعها ..
معقوله هذا راشد ..!! صوته متغير وايد .. قال مب باجي شي ويرجع البلاد .. وأخيرا ياراشد بترجع ...
ابتسمت ... وشربت من العصير .. والله حياتنا معاك كانت غير ..! كانت شي ثاني .. ما تدري اش كثر مشتاقين لك ..
معقوله ياراشد بس سمعت صوتك حسيت بهالشعور لو أشوفك اش بيستوي بي ..؟؟
ياربي يا راشد .. كل هـالسنين مو شويه والله موشويه .. شكلي كنت أكابر وأنا أقول اني محد سكن بهالقلب بعد ..
لا والله أنا أشهد ان محد سكن هالقلب غيرك ولابيسكنه غيرك .. راشد ارجع بسررررعه ارجع ورجع لي روحي .. انت من رحت خذيت روحي وأحاسيسي كلها معاك .. ارجع ورجع كل شي معاك ..
آه يا راشد ما تدري اش كثر اشتقت لك ولـ طاريك وكل شي فيك ..
اتخرعت ملاك .. وصدت ورا : نعم ..!
ميري : مدام انتي وين في ..؟؟
ملاك مستغربه : اشو وين في يدامج بعد وين ..؟؟
ميري : أنا من ساعه يناديج انتي ما يسمع
ملاك : لا بس فيني رقاد
ميري : ايوا اليوم انتي مافي نام ظهر عشان جذي .. الحين ساعه خمسه عصر انتي بعده قايم من سباااه ..
والله من سمعت صوته وخبر جيته طار النوم من عيني وابو النوم بعد .. راشد رجع لي روحي مع الخبر اللي قاله لأمه .. وأخيرا بيرجع ويرجع معاه روحي ..
ميري : مداااام مـــــــــــدام
ملاك ابتسمت : هلأ .. سوري سرحت شوي
ميري : روهي نامي مدام مافي زين راس مال انتي واجد عور
ملاك ابتسمت : لا عادي .. اش تبين ..؟؟
ميري : بابا مايد في الصاله وماما فاطمه .. روحي يبونج
ملاك : أوكي .. خلاص بروح
ميري : مدام انتي شو فكر ..؟؟
ملاك تبتسم وبطنازه : منو ماخذ عقلي غيرج ياحلوه ..
ميري تبتسم : ههههه روهي مدام ماما تريد انته ..
ملاك تبتسم على غبائها وتطلع ... مشت الين وصلت للصاله شافت فاطمه ومايد يالسين ..
/
.
/
يوم الجمعه الساعه سبع المغرب ...
شوق : نواري تعالي رتبي شعري من ورا
نور : ما أريد .. وبعدين أنا مو جاهزه بعدني
شوق : أوريج انزين ..
نور ابتسمت : طيب طيب جايه
شوق : يلا عاد بسرعه عشان أتمكيج
نور : أحط لك أنا ...؟؟
شوق : لا لا بروحي انتي مالج هادي ما يعجبني أنا مالي دفش
نور : على راحتك .. يلا بسرعه عشان أرتب حالي
شوق : أوكي ..
تبدا نور تسشور شعر شوق من تحت وتلفه ..
شوق تسأل نور : نواري بسأل لج سؤال بس جاوبيني بصراحه
نور : اسألي
شوق : أمس ملاك اش كانت تبي منج
نور مستغربه : أنا ........؟؟
شوق : اي انتي
نور : ولاشي
شوق : لا تجذبين نوار .. ملاك اش كانت تبي منج
نور : قلت لك ولاشي
شوق : انزين ليييش كانت متضايقه لما رجعتو
نور : ما أدري
شوق : تدرين نور ..تكلمي
نور : شوق قلت لك مافي شي .. ليييش تكبرين الموضوع
شوق : على راحتج بس بنعرف كلنا
نور : كيف تعرفون ومافي شي
شوق : كملي كملي .. صكري ع الموضوع خلاص
نور : انتي اللي فتحتيه ..
شوق : وانتي مو طايعه تتحجين
نور : خلصت .. اش رايك ..؟؟ حلو
شوق تطالع روحها في المرايه : اي طالع يهبل ..
نور : يلا عاد بجهز حالي
شوق : يلا بسرعه
نور كانت مخلصه الميكب .. بس باقي شعرها ... وهو من الأساس ناعم بس يبيله ترتيب .. رتبته وخلصت مثل شوق .. وراحت لبست ...
شوق : نوار خلصتي ..؟؟
نور : انتظري شوي
شوق : اوف نورو تراج عله
نور تبتسم : هههههههه خلصت خلصت
شوق فتحت عيونها : ياربــــــــــي .. طالع حلو
نور ابتسمت : أدري ههههه
شوق : عاد اجلبي ويهج
نور ابتسمت : لايق على اللون
شوق : وايد .. روحي وريه أمي
نور : أوكي
شوق : ترا ماكو أحد بالبيت
نور : أدري هههه ضاري وعبدالعزيز راحو مع عمي
شوق : يلا بسرعه أنا بس أبدل بلحقج
نور : أوكي أنا تحت عند خالتي
شوق : لحظه لحظه
نور تلف : هلأ
شوق : الهنووف اش بتلبس
نور : ما أعرف ..!
شوق : خلاص يلا انزلي وبلحقج
نور طلعت من الحجره ... ومشت في الممر .. الين وصلت عند الدري ......
توها بتنزل .... أحد يناديها من ورا ....
............. : شوق ..
نور انصعقت وقفت بمكانها .....
.............. : شوق انتي شو مسويه بروحج وبعدين شعرج متى طول ..؟؟؟
نور بهمس : أنا مو شوق ...
ونزلت بسرعه ..
عبدالعزيز تفشل ... ورجع حجرته ....
نور وصلت تحت وهي مرتبكه ... شافت روحها في المرايه ... بالفعل شعرها طالع حلو وايد لأنه طويل غير انه الشعر الطويل لايق ع الدراعه ...
مشت وهي بعدها مرتبكه الين وصلت لـ خالتها ...
أم عبدالعزيز وهي تصكر التلفون : يلا عاد حبيبتي بشوفج يالحفله
نور ابتسمت وتقدمت عن خالتها ....
أم عبدالعزيز ابتسمت : اش هالزين اش هالزين
نور ابتسمت : طالعه حلوه خالتو .........؟؟
أم عبدالعزيز ابتسمت : يا زينها نور يازينها
نور بحيا : كلك ذوق خالتي
أم عبدالعزيز بمزح : لو عبدالعزيز يرضا كان خطبتج له هههههه
نور ارتبكت .. ذاك اليوم شوق تسألها واليوم عبدالعزيز شافها غير انه خالتها يابت هالطاري كلهم طايحين عليها ....!!
أم عبدالعزيز وقفت وراحت ضمت ويه نور : هو اش فيها البنيه تستحي ...؟؟
نور ابتسمت : لا خالتي مافيني شي .. شوق هالحين بتنزل
أم عبدالعزيز ابتسمت وهي تشوف شوق نازله : شــــوقي
شوق مبتسمه وتستعرض : اش رايج يما ..؟؟
أم عبدالعزيز : طالع يهبل ماشالله عليكم انتي ونور قمر
نور ابتسمت : من ذوقك خالتو
أم عبدالعزيز : يلا خل أشوف الهنوف اخلصت وله عشان نروح
نور : طيب خالتي لما حنا نروح نلبس عباياتنا
شوق : اي يمه بس نلبس عبينا
أم عبدالعزيز : يلا اسرعو عاد أنا رايحه لـ الهنوف
نور تلف لشوق وتقول : يلا نروح فوق
شوق : يلا
نور : لحظه شوق
شوق تلف وتبتسم : خير نور ..؟؟
نور : في أحد فوق ..؟؟
شوق : اي عبدالعزيز بس اهوه في داره
نور : وانتي اش عرفك مو تقولين راحو
شوق : اي قالو جذي بس عبدالعزيز يا وطق باب حجرتي وقال نخلص بسرعه لأنه اهوه اللي بيودينا
نور : آهاااا ..
شوق : ليييش أكو شي ..؟؟
نور : لا مافي .. يلا نروح نلبس بس تأكدي كان عبدالعزيز بحجرته ولا لا
شوق : أوكي ثواني
الأحد 12-9-2010, 11:15 pm
ღ الحلقه الثالثه عشرღ
ميره : خلاص بدور مب باجي شي بنوصل ..
بدور : الغدا ببيت عمي حمد والعشا ببيت عمي سعود والريوق باجر الله يعلم ببيت منو
ميره : استحي على ويهج بدوروووه
معضد : بدور ليييش انتي فالسنه كم مره بتيين عندهم
بدور : بس بيت عمي حمد واااع مو حلو
معضد : وليييش يعني ..؟؟
بدور : ما عندهم بنات كلهم متزوجات
معضد : أفا عليج الحين بنروح بيت عمي سعود كله بنات ومخبل شراتج
بدور تطالع الجامه : خل نشووووف
حمدان يطالع من الدريشه : ماما ماما
ميره : هلا حبيبي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك