رواية ياروح الروح حبك فرضته -12
زيد :ماصارت تبديل
لجين:دلول لازم نمشي الريال ناطر فشله
دلال:خيولي زين قعدو معاي
مريم امسكت ايد لجين:اختي الحلوه الله يهنيج ووفقج باي...وسحبت لجين وطلعو
مريم:زيد الف مبروك وسوري طولنا عليك ...دلول بعيونك ...ماأوصيك عليها
زيد:الله يبارك فيج ...ودلال بقلبي وعيوني
لجين: يالله احنا نستأذن...وطلعو البنات
دخل زيد الغرفه ...وشاف دلال قاعده على السرير منزله راسها وتفرك ايدها ابعض .....زيد قعد على السرير يمها ... شافها مرتبكه وايد ....سحب يدها من حضنها وظغط عليها حيل...
دلال:زيد ايدي
زيد ابتسم ورفع ايها وقام يبوس راحت ايدها:دلول ماني مصدق..وبيوس ايدها...دلول احبج والله احبج
دلال كانت منحرجه ومنزله راسها وبنفس الوقت كانت خايفه
زيد:دلولتي
دلال:نعم
زيد:احبج...دلولتي ...اموت فيج...وقام يرفع صوته ...ياناس ياعالم احبها والله احبها
دلال تبتسم:زيد فضحتنا ....قصر حسك
زيد:ابي اناس كلها تعرف اني احبج ...ابي الكل تعرف اني خذيت الي ملكت قلبي ...اليوم انا اسعد مخلوق على الارض...لازم اقوم اصلي ركعتين شكر ..الانه حلمي تحقق
وقام زيد تيدد وصلا وبعدها صلا ركعتين شكر
دلال:تقبل الله
زيد:منا ومنج..دلول
دلال:نعم
زيد:احبج...لا مو احبج ....أكثر اكثر من الحب نفسه ...وقرب مها شوي
دلال قلبها شوي ويوقف:زيد
زيد:نظر عيني زيد ...حيات زيد...امي وابوي انتي... ههههه والله لو امي وابوي يسمعوني يكفخوني...هههههههه
دلال من الخوف مو عارفه شتقول:يوعانه
زيد :يخسى اليوع الحين اطلبلج العشا وانا الي اوكلج بيدي...جم دلول عندي
زيد طلب العشا ولمن وصل ماخلا دلال اتجيس شي قام يوكلها بيده....ودلال كانت منحرجه وخايفه وايد...وكانت اتفكر اشلون اتخلي اليله امر بدون مايصير شي..
دلال:زيد
زيد:عيونه
دلال:شرايك اذا خلصنه اكل نلعب اونو
زيد@@:اونو اليوم...لالا...مايصير اليله ليلتنا وتبينا نلعب اونو
دلال انحرجت بس كانت مصره على رايها:اتخاف اغلبك
زيد:لا انا عندي لعبه احسن من الاونو
دلال ويها قام يقط الوان:الحمدالله شبعت
زيد:بالعافيه
دلال:الله يعافيك
بعد ماخلصو زاد ارتباك دلال وخوفها وزيد لاحظ هشي كل ماقرب صوبها تعتفس ...
زيد:دلول اشفيج
دلال:مادري
زيد:خايفه
دلال اتحرك راسها :اي
زيد:ههههههههههه (بقلبه...والله اخاف قلبها يوقف)..انزن وين الاونو
دلال صارت وحده ثانيه:بالجنطه الحين اطلعه
زيد:هههههههههه ....هذي دلول الي اعرفها ...مو الي توها
بيت حنان
لجين كانت توها طالعه من الحمام انسدحت على الفراش
لجين:الله يعينج يادلول على هل اليله
شوي ويرن تليفونها
لجين:منو داق هل حزه الوقت متأخر الله يستر....قامت من السرير وراحت خذت تليفونها من الجنطه
لجين:هذا عبدالله....الوووو
عبدالله:مساء الخير
لجين:مساء النور
عبدالله:نايمه ولا قاعده
لجين:لاقاعده
عبدالله:اممممم...شلون العرس
لجين:الحمدالله وايد حلو ..الله يهنيهم ووفقهم انشالله
عبدالله موعارف شيقول:متى رديتي البيت
لجين:صارلي نص ساعه
عبدالله:راده متأخر
لجين:اي كنت بالفندق مع دلال ..من خلصت طلال يابني البيت
عبدالله:اها
وضلو فتره ساكتين
عبدالله:لجين اشذري حلو عليج
لجين منصدمه:وانت شدراك اني لابسه شذري
عبدالله:صورتج عندي ...سارونه مصورتج وطلشتلي اصوره
لجين:العياره اتقولي بوري الصوره حق ارفيجتي وانا صدقتها
عبدالله:حسافه ماكنت موجود
لجين:ليش
عبدالله برتباك:ها ..لا بس بغيت اشوف زيد اشلون شكله وهوه لابس البشت
لجين:اذا طلعت الصور شوفه
عبدالله:حستي وايد اليوم
لجين:اي والله جسمي كله متكسر...بس دلول وعمتي عاليه يستاهلون
عبدالله:امممم...اذا رديت لازم انجيك على البيبي
لجين:انشالله
وضلو على هل حاله يسولفون سوالف عاديه سؤال ورد غطاه ....وصل حق لجين مسج
لجين:وصلني مسج
عبدالله:هل حزه ...من منو
لجين:مادري لحظه بشوف...لجين افتحت المسج ونصدمت
المسج كان من دلال(لجون قصيت على زيود وخليته يلعب اونو لين داخ ونام هههه)
لجين:ههههه الله يغربل ابليسج
عبدالله:منو
لجين:هذي دلال
عبدالله منصدم:دلال ...اشفيها
لجين:لا مافيها شي ههههههههه
عبدالله:عيل ليش مطرشه مسج هل حزه ...المفرض اتكون...وسكت
لجين:والله البنت هذي مينونه ههههههههههه
عبدالله:ليش
لجين:اتقولي قصيت على زيد وخليته يلعب اونو لين داخ ونام هههههههههههه
عبدالله:من صجها هذي ...وزيود اشلون يفوت ليله مثل هذي
لجين :عادي شفيها يعني البنت كانت خايفه
عبدالله:والله لو انا مكانه ماأفوت ليلتي
لجين :وانت بس هذا الي يهمك ...والبنت بطقاق صح
عبدالله:لامو بطقاق...بس في ستين الف طريقه اتخليها تنسى الخوف
لجين اسكتت وماتكلمت فتره
عبدالله:الوووو ..لجين...الووووو
لجين:معاك
عبدالله:وين رحتي
لجين:مارحت مكان ...اسمعك
عبدالله حس انها تضايقت وحب يغير الموضوع:لجين ودي اشتري هدايا حق طلولي بس مادري شنو آخذله
لجين:مادري اهوه شنو يحب
عبدالله:سيارات والعاب اليهال
لجين:خلاص اخذله جم لعبه خله يستانس فيهم
عبدالله:امممم...وانتي شنو تبين ايبلج معاي
لجين:ابيك سالم
عبدالله:لاوالله شنو تبين ايبلج
لجين:والله مابي غير سلامتك
عبدالله:خلاص ايبلج على ذوقي...انزين انا طولت ولازم اروح اخلص شغلي ...سلمي على امي والبنات
لجين:انشالله ..يوصل
عبدالله:يالله مع السلامه
لجين :الله يسلمك
الصبح بيت عاليه
فهد:يالله ياعاليه تأخرنا على البنت
عاليه:فهد الله يهداك توناس..طيارتهم اساعه 12 والحين 10 ..اتلاقيهم الحين بسابع نومه
فهد:لازم انكون هناك قبلهم ...مابي بنتي اتي المطار وماتلاقينه
عاليه:فهد اشفيك
فهد:والله بفقد شطانتها بالبيت
عاليه:اي والله دلول مسويه حركه بالبيت...الله يهنيها ووفقها ويبعد عنهم كل شر
فهد:آمين...وين مريوم تأخرنا ماصارت لبس
عاليه:هههه...انت اسبقنا السياره وانا الحين اناديها
بيت سالم
خلود:خوله اشرايج انقول حق ابوي نروح شاليه احنا وعمامي
خوله:امممم ...تبين اتشوفين عبدالله
خلود تبتسم بخبث:اي ..والا انا الي خلق هل اشكال
خوله:اممم خل اتكون الفتره طويله شوي علشان تاخذين راحتج
خلود:افا عليج
خوله:انا بقوله الحين...وراحت عند ابوها الي كان قاعد بصاله يقرا جريده...يبا
سالم:نعم
خوله:يبا ملل اشرايك انروح الشاليه
سالم:ليش لاء انروح متى ما تبون
خوله بخبث:يبا بس مانبي انروح بروحنا ...قول حق عماتي ايون معانا
سالم بستغراب:عماتج ...من متى ..االي اعرفه انه علاقتكم مو ذاك الزود معاهم
خوله:لا وين خبرك عتيج ...الحين عادي ...تصالحنا وبعدين مهمها يكون احنا اهل والضفر مايطلع من اللحم
سالم:خلاص اشوف عمج راشد وعطيكم خبر
خوله:اي بس بسرعه
سالم:انشالله
بشقة طلال
طلال كان يكلم عاليه بتليفون
عاليه:والله ماألومها لي جبدها قلبت منه...سود الله ويها
طلال:انا ماصدقت الي سمعته ...بس بعدين واحد من اطلبه قالي عن واحد كان دايمن معاه بهل اشياء...ورحت سألته بالبدايه نكر ...بس هددته اني ابلغ عنه ايدارت الجامعه انهم يفصلونه ...خاف وقال كل شي...القذر كان يبتز الطلبه الي محتاجين الفلوس ...لو اتشوفينه ماتقولين هذي سوالفه ....والله اذا بنت مرت جدامه ينزل راسه...مادري ليش يسوي جذي
عاليه:اكيد يغطي على خياسه ..المهم عرفنه السبب
طلال:الحمدالله ماصار شي
عاليه:زين انها تكلمت قبل مايطيح الفاس براس
طلال:عاليه لو ماقالتلج كنتي بتزوجينها
عاليه:لا طبعن ...مو انا الي ازوج بنتي وهيا موراضيه
طلال:الا معاريسنا سافرو ولا بعد
عاليه:لا بعد احنا بالمطار الحين وساعه 12 طيارتهم
طلال:اذا جذي خل اي اسلم عليهم
عاليه:اي تعال خل تستانس دلول
طلال:اوكي..يالله مسافت الطريج وانا عندكم يالله مع السلامه
عاليه:الله يسلمك
بمجمع هاردوز
عبدالله:اوووو...انا شلون نسيت
عمار:شلي نسيته
عبدالله:شريت حق الكل ماعادا لجين
عمار:مو اقولك منت صاحي...في احد ينسى مرته
عبدالله:بعد نسيت الواحد ماينسى
عمار :انسى رقم.. موعد ..تاريخ..اسم...مو انسى مرتي
عبدالله:هذا الي صار ..شسوي
عمار:هذي حبيبت قلبك اشلون تنساها
عبدالله رفع حاجبه:حبيبت قلبي
عمار:اي حبيبت قلبك غصبن عليك
عبدالله:الحين قلبي ولا قلبك
عمار:عبيد لاترفع ضقطي..حرام عليك البنت شنو ذنبها ...والله منت كفو
عبدالله:اوووو ..انت وبعدين معاك طول السفره ملوع جبدي بحنتك..خلاص والله فهمنه
عمار:عبدالله انت عارف انك اكثر من اخوي ..مابي تخرب بيتك بيدك...ولو ماكنت ابي مصلحتك جان قلت بطقاق اهوه ومرته ينيازون...عبدالله ماراح اخليك لمن تمشي على صراط المستقيم
عبدالله يبتسم:انشالله...الحين قولي شنو آخذلها
عمار :مادري ساعه ..جنطه..طقم كارتير ..كيفك
عبدالله:اشرايك بجناط هيرميز
عمار:يعيني يعيني ..الغالي للغالي بس تستاهل ..وانا من راي تاخذ ساعه وهم تاخذلها قميص نوم حلو
عبدالله بقلبه(آخذ قميص نوم وماتلبسه شالفايده)
عمار:عبيد...عبيد اشفيك سرحت
عبدالله:ها ...لا بس قاعد افكر بالي بشتريه
عمار يبتسم بخبث:ادري عجبتك سالفت القميص النوم
عبدالله:اقول امش خن خلص بسرعه
عمار:والله شفيك اخذلها قميص نوم ..قطلها نغزه انك بتبدي حيات يديده معاها(عمار يدري انه عبدالله مالمس لجين من بعد ليلت الدخله)
عبدالله:عمور والله منت هين
عمار بخبث:افاعليك اضبطك....انت اسمع كلامي وشوف اشلون ترتاح
وصار موعد ردت عبدالله الكويت ...عبدالله كان قاعد بطياره ويطالع صورت لجين الي بتليفونه
عمار:عبيد طف جهازك الطياره بطير وانت ليلحين تلعب بتليفونك
عبدالله بنفس:طفيته ارتحت الحين
عمار:عبيد اشفيك
عبدالله:مافيني شي ...ورد راسه لي ورا...انا بنام اذا وصلنا قعدني
عمار:غريبه عبدالله ينام بطياره
عبدالله :تعبان...وغمض عينه بس ما قدر ينام طول الوقت يفكر بكل الي صار كان مثل الشريط الي يمر جدام عينه (شليتي تفكيري يابنت الناس ... والله حيرتيني معاج ...بالاول كنتي رافضه الزواج ...والحين شايلتني على كفوف الراحه...ليش كل هذا ليش)وضل عبدالله على هل حال فكره توديه وفكره تيبه...لين اوصلو الكويت
عمار:عبدالله قوم وصلنا
عبدالله بطل عينه:مابغينه ...الحمدالله على السلامه
عمار:هههههه الله يسلمك ....لي يسمعك يقول صارك دهر بره الديره
عبدالله:لا بس ولهت على امي
عمار يغمز حق عبدالله:عبيد علينا ولهان على امك ولا مرتك
عبدالله يبتسم
عمار:يعجبني الولهان
عبدالله:اقول قوم العالم اطلعت من الطياره وانت ليلحين تسولف
بيت حنان
عبدالله دخل البيت وكان هدوء الكل نايم الانه الساعه كانت 7 الصبح صعد شقته وعلى طول نام حتى ماغير ملابسه
اساعه 12 بغرفت لجين
لجين كانت اتصلي وساره قاعده على السرير ولاب بحظنها
طق الباب
ساره:تفضل
عبدالله:صباح الخير
ساره انقزت الفراش :عبود انت اهني متى وصلت
عبدالله :اساعه 7
ساره قامت سلمت عيله :وين اغراضي
عبدالله يطالع لجين الي ليلحين تصلي :فوق بالجنطه
ساره:بروح اشوفهم
عبدالله ماكان يبيها اتشوف اغراض لجين:ساره...في جنطه حمره صغيره لاتبطلينها هذيل اغراض عمار حاطم عندي
ساره:اوكي ...وطلعت من الغرفه
عبدالله ضل يطالع لجين لين خلصت صلاتها
عبدالله:تقبل الله
لجين:منى ومنك...حمدالله على السلامه
عبدالله بخبث:الله يسلمج ..بس في وحده ريلها راد من السفر اتسلم عليه من بعيد
لجين انحرجت وبنفس الوقت استغربت منه كان هادي ويبتسم ...وفوق كل هذا يبيها تسلم عليه
عبدالله:ماتقومين
لجين قامت من مكانها وراحت صوب عبدالله ...عبدالله مد ايده ...لجين سلمت عليه
لجين:حمدالله على السلامه
عبدالله يبتسم:الله يسلمج ...حريم مايون الا بالعين الحمره
نهاية البارت
البارت 27
لجين قامت من مكانها وراحت صوب عبدالله ...عبدالله مد ايده ...لجين سلمت عليه
لجين:حمدالله على السلامه
عبدالله يبتسم:الله يسلمج ...حريم مايون الا بالعين الحمره
ساره ادخلت الغرفه وشافت عبدالله ماسك ايد لجين :عبدالله
عبدالله وهذا وقتج:نعم
ساره اتأشر على ايد لجين:انت ماسك ايد لجون....ولا انا غلطانه
عبدالله :وشفيها لي مسكت ايد مرتي حرام
ساره:كللللللللللللللللللللللللللللوش
عبدالله:اشفيج ينيتي
ساره بصراخ:وناسااااااااااااا وطلعت بره الغرفه بسرعه ...كانت تبي اتروح اتبشر امها ...ساره كانت طايره من الفرح ...في حب بدى ينولد بينهم ...وفي امل بعلاقه زوجيه حلوه...في سعاده يايه بطريج....ساره رحت عند امها وهيا بقمة الفرح
حنان:سارونه اشفيج ...اسمع يباب منو الي قاعد ايبب
ساره :انا....واي ماما مستانسا
حنان:الله يديم الوناسه عليج ...بس شلي مخليج مستانسه جذي...ونسيني معاج
ساره:ماما دخلت على عبدالله ولجون الغرف ...شفت عبدالله ماسك ايد لجون ..وكان يشوفها بنظرات حلوه...
حنان بستغراب:عبدالله ...متى وصل
ساره:الصبح ...وتوه نزل يسلم علينا ...لجون كانت اتصلي وانا رحت اشوف الاغراض الي يابهم لي...ولمن نزلت شفته ماسك ايدها
حنان:والله عبالي عندج سالف ...كل هل وناسه علشان ماسك ايدها ...يعني راد من السفر اكيد بسلم عليها ويمسك ايدها
ساره:لا ماما نظراته ...ماشفتي نظراته
حنان:انا مابي نظرات ابي اكثر من جذي
ساره:هههههههه ...ماما بلا طمع اناس تصعد السلم شوي شوي مو مره وحده توصل فوق
حنان:الله يهديه وحنن قلبه عليها....والله هل ولد ذابحني
ساره:خلي علي وانا اوريج فيه....اذا ماخليته مايشوف غيرها ...ماطلع بنت ابوي
حنان:هههههههههه....يابنت ابوج اذا سويتيها صج والله لج مني اسويلج الي تبينه
عبدالله وهوه نازل من السلم
عبدالله:اسمع صوت كروان بصاله....منو هل حلوه الي تضحك....وصل عند امه...انا قلت ماكو غير الغاليه ...شلونج يالغاليه وباس راسها
حنان طقته على جتفه:عبيد عن العياره ....قولي متى وصلت
عبدالله قعد عند امه:وصلت اساعه 7 ...وماحبيت اقعدكم ...صعدت شقتي ونمت
حنان:حمدالله على السلامه
عبدالله:الله يسلمج...يمه ...ولهت عليج
حنان اتطالع ساره وتبتسم:الي يسمعك اول مره تسافر...قول مشتاق حق مرتك
عبدالله بضيع السالفه:الا وين طلال ...يتيبله العاب وايد
حنان:طلال بالحضانه
عبدالله :اي صج اليوم في دوامات ...ويلتفت على ساره...انتي ليش مومداومه
ساره:مالي خلق عطيت نفسي ايجازه
عبدالله:ولجين ليش مو مداومه
ساره:ماعندها شي اليوم ...وبعدين باقيلهم اسبوع وخلصون
عبدالله:اممممم
حنان:اشلون السفره
عبدالله:ماشي حالها ...بس كرفونه عدل
حنان:اي انت رايح شغل مو سياحه
ساره:عبود شنو شريت حق لجون
عبدالله:انتي ليش ملقوفه ...موشغلج
ساره:مومهم شنو شريتلها المهم انك شريت
عبدالله:اكيد بشتريلها ...يعني آخذلكم واهيا ماآخذلها شي ..يمه عن اذنج خل ايبلج اغراضج
حنان:اذنك معاك
ساره:لايقص عليج ترا بروح حق لجون ...بروح اشوف
حنان:سارو ...انثبري ..وبطلي لقافه
ساره:ماراح ابطل لمن يحبها
وصعدت وراه بدون مايحس فيها ...بس ساره خاب ضنها لمن شافت عبدالله كمل لي شقته...راحت غرفت لجين وطقت الباب
لجين:تفضل
ساره:اف
لجين:شفيج
ساره:انتو باطين جبدي
لجين:من نقصدين
ساره:انتي وعبدالله
لجين:ليش
ساره:لجون مايصير جذي لي متى كل واحد فيكم بصوب...لازم اتكونين معاه
لجين:وين معاه
ساره:يعني وين فوق بشقتكم...لجون عفيه حبيبتي انتي قومي روحي فوق
لجين :شسوي فوق
ساره :سنو شتسوين...شيلي قشج وصعدي فوق
لجين:لايبه خليني اهني احسن
ساره:لامو احسن...انتي خايفه منه
لجين:....
ساره:لجون ...موانا حماتج الحلوه
لجين تبتسم:اي انتي حماتي الحلوه والي احبها وايد....تدرين لومو انتي واميره معاي بالبيت جان الله العالم بحالتي
ساره:حبيبتي انتي...بس لازم تسمعين كلامي...ولا والله ازعل منج
لجين:اسمع كلامج بشي المعقول
ساره:والله انا كلامي معقول ...انتي وريلج الي تصرفاتكم مثل اليهال...تدرين شلون قومي معاي
لجين:وين بتروحين
ساره:بصعد فوق
لجين:نصعد شنسوي
ساره:وااااااااااي ...انتي وبعدين معاج قومي وبلا اسأله زايده
لجين:سارونه توني اكتشف انج حنانه
ساره:حنانه ...مليقه...دمي ثقيل ...مومهم المهم اتسوين الي براسي
لجين:وشنو الي براسج ...ياأم الخطط
ساره:ماراح ارتاح ولا يهدالي بال الا اذا شفتكم تحبون بعض
لجين تاخذ نفس عميق:ساره ماكو حب بالغصب
ساره:صح ماكو حب بالغصب...بس اذا قربتو من بعض بتحبون بعض....لجون ممكن اسألج سؤال وتردين علي بصراحه
لجين:سألي
ساره:احلف بالي بطنج ...انتي ليلحين تكرهين عبدالله
لجين:لا
ساره استانست:انزين شرحيلي احساسج.....شتحسين فيه لمن اتشوفينه
لجين:هههههههههههه...سارونه والله عليج سوالف
ساره:لجون موقاعده اضحك معاج قولي شتحسين فيه
لجين:عادي
ساره:شنو الي عادي ...ابي اعرف بضبط
لجين بقلبها ( مادري ياساره الي بقلبي شنوا عجاب ولا حب ولا مجرد اهمام وبس) :يعني قبل كنت اتضايق لمن اشوفه وكنت احترق من داخلي ...بس الحين صج اتضايق مرات بس مو مثل قبل
ساره:هياااااااااااا
لجين:هههههههههههههه
ساره:يعني في امل بالحب...لجون قومي ولانضيع وقت
لجين:لاساره مابي شبقول عني
ساره:خيولي زين ....قومي وانا اعلمج اشبسوي
لجين:سارو والله قمت اخاف من سوالفج...شكلها بتودينا بداهيه
ساره:لا والله بودي قلوبكم بداهيه
ساره خذت لجين وصعدو فوق...ساره ماطقت الباب على طول درعمت ...عبدالله كان قاعد بصاله ولابس شورت بس
لجين وساره ادخلو ....لجين من شافت عبدالله قاعد بشور خالي على طول لفت وبغت تنزل وكانت منحرجه بس ساره مسكتها
ساره:لجون ...وين رايحه ...تعالي عادي لاتستحين هذا ريلج
عبدالله قام ودخل الغرف
لجين:الله يغربل بليسج ...زين جذي خليتينا اندرعم مثل الهمج
ساره:فيكينا زين...انا مليون مره شايفته مفصخ
لجين@@
ساره:هههه لجون لاتبطلين عيونج جذي بروحهم كبار ههههههه
ولا بطلعت عبدالله من الغرفه وقاعد يلبس تيشيرت
عبدالله:عيونج...قولي ماشالله الحين تصير عميه
ساره:ماشالله ماقلنا شي بس لو شايفها شلون بطلت عينها...هههههههههههه....والله لجون عادي
لجين بصوت واطي:وانتي كل شي عندج عادي عيب
ساره تتعمد اتعلي صوتها:لاموعيب الي يسمعج يقول شايفته مصخ بدون ملابس...بعدين ريلج منحرف ...ساعات يطلع من الغرفه جذي ماتقوليلي شنسوي يعني اصكر عيونا...على بو بنادي امي ولا يبي شي.... بس مايكون قاصد
لجين ويها قام يقلب الوان بصوت واطي :سارو بس فضحتينا والله الحين انزل
عبدالله:تعالو قعدو ليش واقفين
ساره:عبود ابي اشوف اغراضي
عبدالله:انزين تعالو
راحو البنات وقعدو ساره اقعدت عند عبدالله على الارض ولجين اقعدت على القنفه
بيت عاليه
عاليه وفهد ومريم قاعدين بصاله عاليه كانت اتكلم سالم بتليفون وفهد ومريم يسولفن
عاليه بستغراب:شاليه ومعاكم
سالم:اي خل انغير جو كلنا ...من زمان ماتيمعنا
عاليه:اي بس الحين دوامات
سالم:موشرط الحين لمن يخلصون وبعدين منو عنده دوام كلنا نشتغل بشركه وحده...الشباب نعطيهم اجازه وانا وراشد انداوم ومن انخلص من انيلكم الشاليه
عاليه:امممم...وراشد عنده خبر
سالم :اي قتله بس العيال مايبون يروحون شاليهنا يقولون خن غير
عاليه:بتحجزون شاليه
سالم:اي طلال بشوف لنا شاليهات سيشل
عاليه:بس صحاري احلى
سالم:راح ومالقا حجز كله فل
عاليه :متى ناوين تروحون
سالم:انشالله هل اسبوع
عاليه:على خير
سالم:اي بقول حق عبدالرحمن ايون بعد
عاليه:اي والله من زمان ماشفنا ام عبدالله وقعدنا معها
سالم :خلاص قولي حق فهد وعطيني خبر اذا اوكي
عاليه:انشالله
سالم:يالله مع السلامه
عاليه:الله يسلمك
فهد:اشفيه سالم
عاليه:يقول بحجزون شالي حق العايله كلها
مريم:العايله كلها ...ليكون مرته وبناته بيون
عاليه:اي بيون
مريم:الله يستر
فهد:ليش يبه..هذيل بنات عمج ومايصير اتقولين عنهم جذي
عاليه:بلاك ماتدري
فهد:لا ادري ...بس ماتدرين يمكن الزمن غيرهم
مريم :اي غيرهم...يوم عرس دلول خولوه يايه حق لجون تسألها عن عبدالله وينه وليش مو ياي ...وين امسافر
عاليه وفهد يطالعون بعض
عاليه:ماتستحي
فهد:اي يمكن ماقصدت شي
مريم:وهي من متى تهتم بلجون ولا يحبونها ...وانا الي 24 ساعه معها ماسألتها جذي
عاليه :خل ادق على طلال واشوف شنو طريقتهم
بيت حنان
عبدالرحمن توه مصكر التليفون من سالم :هذا سالم يقول بيحجزون شاليه ويبونا معاهم ..شرايج اتروحين
حنان:انروح ماورانا شي ...حرام طلول من متى مو رايح مكان كله بالبيت
عبدالرحمن:خلاص الحين اكلم البنات وعبدالله ياخذون اجازه ....الا عبدالله متى وصل
حنان:الصبح
عبدالرحمن:امممم...مافي شي يديد
حنان:لا والله ..بس سارونه متحلفه فيه ..تقول ماطلع بنت ابوي اذا ماخليته يحبها ومايشوف غيرها
عبدالحمن:كفو والله ...صج انها بنت ابوها
بشقة عبدالله
عبدالله :ساروه لاتصيرين ياهل ...شنو كل شي حقج
ساره:انا قايلتلك من قبل ابي شانيل
عبدالله:قمي زين هذي حق امي ..انتي اخذي ميو ميو
ساره:مابي
عبدالله:ماتبين يبيها اعطيها حق اميره
ساره:لالا خلاص باخذها
عبدالله :مو اقولج ياهل ههههههههههههه...وسحب الجنطه الحمره وبطلها كانت متروسه اغراض
ساره:عبيد انت موتقول الجنطه الحمره مالت عمار ليش بطلتها
عبدالله يطالع لجين:الاني ادري فيج ملقوفه ...هذي حق لجين
ساره:كل هذا لها...ميخالف عليج بالف عافيه بس اذا بغيت شي سلفيني..انا حماتج الحلوه
لجين:هههههه
عبدالله:لا ماتعطيج
ساره:انا ومرت اخوي ننياز ..انت خلك بعيد
عبدالله:لا والله هذي مرتي واذا قتلها لاتعطينها ماراح تعطيج...وهوه يطلع الاغراض طلع الجنطه الي كان ماخذها لها
ساره:يالعيار ...تاخذلها هيرميز واحنه ميو ميو
عبدالله خزه خزه :ساره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك