رواية ياروح الروح حبك فرضته -11
لجين:عميييي
طلال:هههههههههههههههههههههه
البنات لمن شافو طلال يسولف ويضحك ارتاحو وايد ...كانو خايفين يصير فيه مثل قبل
عبدالله قام على صوت ضحكهم :صباح الخير
الكل :صباح النور
طلال:عبدالله انت اشلون اتخلي ليجين اتنام بصاله وانت بالغرفه
لجين:عميي بس عاد
طلال:هههههههههههههه
عبدالله:شسوي فيها راسها يسابس ....امس قتلها تعالي ومارضت ...<<<<<<<<جذاب
طلال يهمس بأذونه :مايصير توك معرس لازم تستمتع بكل لحظه
لجين:طلال بس عاد
طلال :هههههههههههههه ....
عبدالله ابتسم بس: لاتعليق
بعد يومين صارت خطبت دلال على زيد بشكل رسمي وحددو موعد الملجه والعرس بعد اسبوعين
ولجين كانت كل يوم تطلع من الصبح وماترد الا بليل
كانو يجهزون دلال حق العرس.....
وقبل العرس بثلاث ايام
بيت حنان
عبدالله دخل البيت بسرعه وصعد شقته وخذا جواز السفر ورد طلع وبعدها ابساعه رد البيت
حنان:عبدالله شفيك صعت بسرعه اول مره تدخل البيت وماتسلم وتطلع وهم ماتسلم
عبدالله:سامحيني يالغاليه ماشفتج ...كنت مستعيل
حنان:ليش ...وين بغيت اتروح
عبدالله:اليوم بسافر بريطانيه عندنا مؤتمر...ولازم اكون هناك
حنان:ومتى بترد
عبدالله :بعد اسبوع
حنان:مرتك عندها خبر
عبدالله:لا ماقتلها
حنان:يمه والله مايصير جذي يعني لي متى انتو جذي...كل واحد بغرفه ...وجنكم غرب
عبدالله:جذي احسن
حنان:لامو احسن يعني لو كنت ماخذ الي ماتتسمى ..بتعاملها جذي ...بتخليها اتنام بغرف وانت بغرفه
عبدالله:يمه اشياب طاريها الحين
حنان:الانك ظالم البنت معاك ...لجين ماتستاهل... وانت اتعاملها معامله ناشفه..اما بنت ابليس ...كنت ذابح روحك عليها
عبدالله:وليش اعملها عدل مردي بطلقها
حنان:اتطلقا ليش
عبدالله:اي يمه ماني قادر اتقبلها مو داشه قلبي كلش
حنان بعصبيه:اكيد مادش بقلبك الانها بنت ناس ...ومتربيه عدل...اظاهر انت ماتحب الا بنات ابليس هذول كفوك
عبدالله:يمه والله ماصارت كل يوم نجره ...بس انا مليت
..موغصب احبها ..وحتى اهيا اشدعوه اتحبني
حنان:لا انت غلطان لجين موبس اتحبك الا تموت فيك
عبدالله@@:انتي شدراج اهيا قالتلج شي
حنان:لا ماقالت بس تصرفاتها اتقول جذي...انت شايف معاملتها معاك وشلون ا دور رضاك ...كل شي يخصك اتسويه بنفسها ....اهيا الي تزهبهم ملابسك قبل الدوام... وحتى اكلك اهيه الي تسويه وماتخلي الطباخ يطبخلك وكافي انها ماتاكل الا اذا انت كليت
والله انا مااسوي جذي حق ابوك...هذا كله شتسميه مو حب
عبدالله :تصدقين يمه انا بروحي مستغرب من تصرفاتها ...يمكن اتسوي جذي علشان لا اطلقها
حنان:والله انت موكفو اقولك البنت اتحبك اتقولي اتسوي جذي عشان لااطلقها ...ليكون البنت طايها بجبد نفسها وانا مادري ولا فيها بلا ...البنت كامله والكامل الله وعلى فكره اذا انت طلقتها الف واحد بيخطبها
عبدالله عصب لمن سمع جذي:هذا الي ناقص بعد تتزوج
حنان:ليش تبها تقعد على طمام المرحوم ...البنت صغيره وتهبل ومن حقها تعيش حياتها...عبدالله والله البنت اذهبه ليش ماتعطي روحك فرصه ....يمه صدقني اذا قربت منها بتحبها بسرعه
عبدالله:الله كريم ....يمه تبين شي انا بروح ازهب اغراضي
حنان:سلامتك يمه بس قولها انك مسافر
عبدالله:مايصير خاطرج الا طيب بعد آمري
حنان:ابيك اتقرب منها اكثر
عبدالله:انشالله
حنان:يمه انت عندك خوات ماتخاف باجر يصير فيهم جذي مو كافي الي صار مع اميره تبي يصير شي اكبر من جذي...هذي يتيمه والله ياخذ حقها بدنيا قبل الاخره
عبدالله يطالع ايده:اي والله صاجه حوبتها قويه
حنان:يالله قوم دق عليها
عبدالله:انشالله يمه وصعد الشقه
خذا تليفونه ودق عليها لجين كانت بسوق مع طلال وعاليه ودلال ومريم
لجين:الووو
عبدالله:ساكت
لجين:الوووووو
عبدالله:مساء الخير
لجين:مساء النور هلا عبدالله
عبدالله :لجين متى بتردين البيت
لجين:مادري والله متى ماخلصنا رديت...بغيت شي
عبدالله:اي بغيت اقولج اني بسافر عبد شوي
لجين اوقفت مكانها :وين
عبدالله:عندي مؤتمر ببريطانيه
لجين:ومتى ترجع
عبدالله :بعد اسبوع
لجين اخنقتها العبره وماقدرت تتكلم:................
عبدالله:الوووووووو ....الوووووو....لجين معاي
لجين:اي معاك
عبدالله:اوكي تبين شي من هناك
لجين بحزن:سلامتك ...بس اهتم بروحك
عبدالله:اوكي...يالله مع السلامه
لجين:الله يسلمك
لجين صكرت التليفون ودموعها قامت تنزل
طلال:لجون شفيج
لجين وهيا تمسح دموعها:مافيني شي بس عبدالله بسافر ا
اسبوع بريطانيه
طلال:هههه يحليلج يالجون والله وقمنه نبجي على سفر الحبايب ..ويغني لاتلوح للمسافر المسافر راح...لاتنادي المسافر المسافر راح
لجين:طلال
طلال:هههههههههههه بس لاتبجين فضحنينا
لجين:طلال بروح البيت ...لازم اكون هناك قبل مايسافر عبدالله
طلال:اوكي
لجين اوصلت البيت بس ماحصلت عبدالله صعدت فوق بغرفته وصكت الباب وقامت تبجي (لجين فعلن بدت اتحب عبدالله بس ماتقدر اطلع الي بقلبها حق احد الانها تدري انهم بينفصلون بيوم من الايام
البارت 25
لجين اوصلت البيت بس ماحصلت عبدالله صعدت فوق بغرفته وصكت الباب وقامت تبجي (لجين فعلن بدت اتحب عبدالله بس ماتقدر اطلع الي بقلبها حق احد الانها تدري انهم بينفصلون بيوم من الايام
لجين بقلبها:اتروح وتردلنا بسلامه انشالله
وطق باب غرفتها
لجين:تفضل
ساره:لجون متى يتي
لجين:قبل اشوي
ساره:اممممم
لجين :ساره عبدالله متى طلع
ساره: يمكن قبل ربع ساعه ...ماشفتيه
لجين:لا ..مالحقت عليه ونزلت راسها
ساره:تبين اتشوفينه
لجين :قصدج انروحله المطار
ساره:اي ...شرايج
لجين:لا مابي اخاف يعصب
ساره@@:ليش يعصب ...لبسي خنروح المطار
لجين:واذا قالي ليش يايه
ساره:امبيه لا انتي موطبيعيه ...شكو يسأل يعني بالله ليش رايحه المطار اكيد بتسلمين عليه
لجين:ويمكن مايبي يسلم علي
ساره:وانتي ليش تسبقين الاحداث ...واذا سأل اقوله يايه ادفع مكالماتي ...تترقع ماليج شغل
لجين:اذا جذي اوكي ثواني بس
بالمطار
عبدالله كان قاعد مع دكتور عمار وباجي القروب كانو قاعدين بعيد عنهم د.عمار ارفيج عبدالله من ايام الثانويه وكملو دراستهم مع بعض ويعرف كل اصغيره وكبيره عنه ماعادا سالفت لجين وشلون تزوجها الي يعرفه انه ام عبدالله زوجته بعد مااكتشف خيانت روان على طول
د.عمار:انت من صجك اشلون اتسافر وماتسلم عليها...هذي زوجتك
د.عبدالله:كانت طالعه مع عمها
د.عمار :وماعرف اتقولها ترد البيت
عبدالله:وليش اقولها ..المفروض اتي من نفسها مو انا اقولها
د.عمار:الا انت الي ماتبي اتسلم عليها ...عبالك ماعرف سوالفك
عبدالله:سلمت عليها ولا ماسلمت ...شلي بيتغير
د.عمار :بتتغير اشياء وايد...عبدالله انت ليش تتهرب منها
عبدالله: من قال اني اتهرب منها...احنه مونسجمين مع بعض بس.....
عمار:لاتقول احنه قول انا ....انت ليلحين اتفكر بالزباله...وله سبب مو قادر تنسجم معها
عبدالله:مو بيدي ...اشوفها جدامي بكل وقت وكل دقيقه..حتى لمن اكون قاعد معها اتخلي روان بدالها
عمار بعصبيه:عبدالله لاترفع ضقطي ...روان زباله طول عمرها...وماكانت اتقلقس تحتك الا اذا تبي فلوس...صح ولا لاء...وغير هذا شفتها بحضن واحد ...كل هذا وليلحين اتحبها وتفكر فيها ...شنوماكو كرامه ماكو حساس
عبدالله:انا مافتك من امي تطلعلي انت
عمار:عبدالله بقولك شغله حطها حلقه بأذنك...بهل وقت صعب اتحصل على بنت جذي ....الان معضمهم يدورون راحت بالهم ومصلحتهم...وانت بروحك اتقول عمرك ماحسيت بهل اهتمام من احد حتى امك ماتسويلك جذي
عبدالله مومعقوله تهتم فيك جذي لله بدون سبب اكيد تحبك
ومبين عليها معدنها نضيف وقلبها ابيض...انسى روان وفكر بزوجتك ...صدقني اذا شلت الزباله من بالك ..بتتعلق فيها وتحبها
عبدالله:اخاف اتعلق فيها وانصدم مره ثانيه
عمار:لاتنصدم ولا شي انت بس شيل الزباله من بالك وعطيك الي تبيه اذا ماحبيتها...مرتك مبين عيلها طيبه وتحبك وكافي معاملتها معاك وانت ماتعطيها ويه
عند ساره ولجين
لجين:ساره دقي عليه ...شوفي وينه
ساره:مايحتاي ادق ...اتلاقينه بستار بوكس
لجين:شدراج
ساره:اهوه لازم يقعد بستار بوكس قبل السفر
لجين:امممممممممم
ساره:امشي بسرعه خن نلحق عليه
لجين:اكثر من جذي ...ماقدر
اوصلو ستار بوكس وشافو عبدالله كان قاعد مع دكتور عمار
ساره:قتلج انلاقيه هني....تعالي خل نستعبط اشوي هههه
لجين:الله يستر
ساره:مساء الخير
ساره كانت واقفه ورا عبدالله لف ويها وشافها
عمار :مساء النور
عبدالله:انتي شيايبج اهني
ساره:تبي الصج ولا ولد عمه
عبدالله :الصج
ساره:في وحده كاسره خاطري... ريلها بيسافر واهيا ماودعته ..قلت ايبها المطار اكسب فيها اجر
عبدالله يبتسم:وينها
ساره:علينا يعني ماتشوفا واقفه وراي
عبدالله:لاوالله مانتبهت....وقام راح عندها
عبدالله:ماتوقعتج اتين المطار
لجين:قلبي مايطاوعني اتسافر بدون ماأشوفك وسلم عليك
عبدالله:قلبج
لجين:عبدالله انت ريلي وابو الي بطني ...وسكتت
عبدالله:وبعدين
لجين:.........
ساره:الحين ارتحتي لمن شفتيه
لجين:ساره
ساره:هههههههههههههه ...قوليلي الي كنتي خايفه منه صار
لجين:لا
عبدالله يبتسم:وشنو الي كانت خايفه منه
ساره:سالفه بيني وبينها ...ههههههه
دكتوره افنان:مساء الخير
الكل :مساء النور
د.افنان:دكتور عبدالله متى ندخل داخل
عبدالله:بعد ربع ساعه
د.افنان: امممممممم د.عبدالله ماعرفتنا على الحلوات
عبدالله:يأشر على ساره هذي اختي ساره وهذي لجين زوجتي
د.افنان:د.عبدالله من متى متزوج
عبدالله:صاريلي شهرين وشوي(طبعن اهما موشهرين بس اهوا يحسب من ذيج اليله)
د.افنان:ماعزمتنا على عرسك
عبدالله:لا ماسويت عرس ...سكاتي
د.افنان:اذا جذي سامحناك ...بس ماشالله تبارك الرحمن مرتك جميله ..صكت عليك
عبدالله:ههههههههه
د.افنان:والله جد مرتك وايد احلى منك
لجين:عيونج الحلوه
د.افنان:عاد د.عبدالله ماشالله عليه صج وسيم وايد ...احنه مسمينه محطم قلوب العذارا ..بس انتي صكيتي عليه
لجين: لا شدعوه مولهدرجه
د.افنان:لا والله انتي وايد احلى منه...الا د.عبدالله من وطحت عليها
عبدالله:ههههههههه ...لجين بنت ارفيج ابوي من عمر
د.افنان:الله يهنيكم ويسعدكم يارب ...ويبعد عنكم كل عين....لجين يبيلنه قعده عدله لازم انتعرف عليج اكثر
لجين:انشالله...ومشكوره على الدعوه الحلوه
د.افنان:حياتي والله حبيتج...
د.هديل:مساء الخير
الكل مساء النور
د.افنان:هدول هذي مرت د.عبدالله
د.هديل:د.عبدالله من ورانه يالخاين
عبدالله:ههههههه...لا بس ماسويت عرس
د.هديل:ماسويت عرس ..ماتعرف اتقول انك تزوجت ...بس تبي الصراحه ماألومك ...اعترف ماتبي احد يحسدها
عبدالله:اكيد ..بس اشرايج فيها
د.هديل:مايبيله كلام ماشالله عليها آيه من الجمال...الا ماعندج اخت تشبهج
لجين:لا انا وحيدت امي وابوي
د.هديل:ماعندج بنات خاله بنات عمه مني مناك ...ابيها نفسج
لجين:لا
عبدالله يقاطعها :وحده ومافي غيرها وانا خذيتها ...بس ليش تسألين
د.هديل:حماي يبي يتزوج وحاط مواصفات مرتك...يبيها بيضه وشقره وعيونها كبار ولونها عسلي فاتح ورشيقه ...شرايك اطلقها وحماي ياخذها ...ترى مدوخ خالتي مسكينه
عبدالله:د.هديل
د.هديل:ههههههههههه ....شفيك عصبت والله اتغشمر
عبدالله:ماحب الغشمر الي من هنوع
د.افنان:هدول اكيد بعصب والله لو انا مكانك ..ماأخليها تطلع من البيت جذي ....اغطيها من راسها لي ريلها...اخاف عليها من العين
بيت عاليه
عاليه:يما الناس داقين مره ثانيه شقولهم
مريم:ماما عفيه سكري الموضوع
عاليه:مريوم اختج قالتلي ليش ماتبين الولد
مريم@@:شنو قالتلج
عاليه:قالتلي من اتشوفينه اتلوع جبدج ومن هل خرابيط...يايمه اذا الولد مافيه عيب ليش ترفضين ..واذا على الخرابيط الي قالتهم اختج...بعد الزواج كل شي يتغير
مريم:ماما عفيه والله ماأبيه ..واذا زين زين حق نفسه انا شعلي منه
عاليه:مريوم انصيب الزين مايطق بابنه كل مره ..والفرصه ماتتكرر بالعمر وايد
مريم:ماما ليش انا طايحه بجبدكم اتخلوني آخذ هذا
عاليه:وشفيه هذا...مريوم مايصير ترفضين الولد على اشياء تافه
مريم:موتافه في سبب..
عاليه:شنو السبب....لاتقوليلي اتلوع جبدي من هل كلام الفاضي
مريم:واذا قتلج توعديني محد يعرف عن الموضوع شي
عاليه:اوعدج بس قولي
مريم برتباك:ماما مره وانا بالمحاضره سمعت شباب يسولفون عنه... يقولون ..وسكتت
عاليه:شقولون
مريم:ماما والله مادري اشلون اقولها ...صعبه
عاليه:مافي شي صعب لازم اعرف ...هذا زواج
مريم:يقولون ...براك في شذوذ ين..مع الشباب واهوه القوي
عاليه:يعني شنو
مريم:ماقدر اوضح اكثر
عاليه:قصدج...لا مومعقوله يمكن محترين منه وقولون عنه جذي
مريم:الجامعه كلها تتكلم بسالفه
عاليه:اي بس هذا مو معناته انه السالفه صج...لازم نسأل عنه
مريم:ماما انا متأكده واذا تبين تسألين سألي
بطياره
عبدالله وعمار قاعدين عند بعض
عمار:الحين منو الي يتهرب من الثاني ,,,,بعد لاطلع اعذار
عبدالله:اتصدق ماخطر على بالي انها اتي المطار
عمار:موقلنالك اتحبك ...عبدالله نصيحه لاتضيع البنت من ايدك...الا صج اهيا من بنته
عبدالله:بنت ال...
عمار:امممم..امها كويتيه
عبدالله:اي كويتيه ليش تسأل
عمار:اول مره اشوف كويتيه بيضه وشقره جذي ...وايد بيضه
عبدالله بعصيبه:عمار هذي مرتي مو وحده من الشارع ...شلون تتكلم عنها جذي ولا جدامي ...
عمار:هههه....اتغار ...والله وقمنا انغار ياعبيد...تبي الصج ...هذي وين وروان الزباله وين
عبدالله:عمار لوسمحت
عمار:خلاص خلاص ...انا آسف بس مو قصدي شي والله
عبدالله:حصل خير ...بس لاتعيدها....عبدالله ضل يفكر بكلام عمار وكلام امه ...ليش اتعاملني جذي معقوله اتحبني ...بس انا عتديت عليها و ماعاملها عدل ....ولا اهتم فيها ...يارب نور بصيرتي يارب
بعد ثلاث ايام
بصالون
دلال:لجون ماشالله عليج ...تف تف تف تف
لجين:هههههههههه
دلال:لجون مادري منو فينا العروس ...المفروض العروس اتكون احلى وحده بالعرس ..بس الصراحه...انتي محد يقدر يقايشج
لجين:دلول لاتبالغين وايد ...وانتي ماشالله عليج جمال واخلاق وخفت دم ...يابخت زيد فيج
دلال:لا والله ماأبالغ هذا الصج
بأفخم الفنادق الي بالكويت
كان العرس الاسطوري بنتظار احلى العرايس... بدخول ...ونطفت الاضواء وبدت اغنيه راشد الماجد احلى العرايس الي كان مختارها فهد ابوها
طفلتي يا احلى العرايس
أقبلي وامشي الهوينة
في سحابة شوق مرّي
وعطرها ينسم علينا
يا عساه يكون فارس
والحلم يصبح يقينا
والفرح ربي يبارك
عرسكم والسامعينا
لج غلا يا بنت عمري
جعل ربي يهتنينا
وإن بدا الثاني نهادي
والخجل للبنت زينة
طفلتي يا احلى العرايس
أقبلي ومشي الهوينة
في سحابة شوق مرّي
وعطرها ينسم علينا
دخلت دلال لابسه بدلتها الاوفوايت الي مرصعه بالكرستال والشوارفسكي وماسكه بيدها مسكتها الصغيره
اوصلت دلال الكوشه وهيه خايفه ومرتبكه
لجين:دلول اشفيج عافسه ويهج ومختبصه جذي ابتسمي على الاقل
دلال:لجون ماتوقعت السالفه صج
لجين:ههههههههه ليش كل هل مده عبالج نلعب
دلال:لا بس ماتوقعت جذي امبييه لا والله خايفه
لجين:والله مايندرى اذا دخل زيد بتخافين ولا بتستانسين
دلال:لاتذكريني واااي والله خايفه....لجين انتي كنتي خايفه وايد جذي
لجين خذت نفس عميق:دلول هذا شي طبيعي لاتحاتين
لجين كانت لابسه بدله شذري طويل وناعم حيل وكان شكلها واااااو...... لجين قامت من عند دلال بعد ماخلتها تهدا شوي .... وراحت اقعدت عن خالتها حنان والبنات
ساره:وينك ياعبدالله تعال شوف زوجتك جنها قطعه نازله من السما
لجين:ههههه نازله من السما مره وحده
حنان:واهيا صاجه والله اتقولين للقمر قوم وانا اقعد مكانك
لجين:خالتي انتي القمر مو انا
ساره:بطرشله مشج بأذي شوي
لجين:ساره يوزي عنه
حنان:اتلاقينه مشغول الحين ...ومو فاضيلج
ساره مسكت تليفونها(عبود لايطوفك لجون صايره خيال زوغه حسافه ماتقدر اتشوفها)
عبد 10 دقايق عبدالله رد عليها(صوريها وطرشيلي الصوره)
ساره(ماكو صور محد قالك سافر)
عبدالله(سارونه صوريها ولا ماكو صوغه عاد شايفلج خوش شغلات هني)
ساره(افكر)
لجين قامت من عندهم ومن قامت يت وحده من الحريم تخطبها حق ولدها
ساره اطرش مسج حق عبدالله(والله حاله انا قاعده عند امي والحريم يخطبون مرتك انزين انا موجوده ...والله اهبل )
عبدالله من وصله المسج دق على ساره
ساره:هلا وغلا
عبدالله:ساروا مي عندج
ساره:اي لحظه.....يمه هذا عبدالله
حنان:هلا عبدالله هلا حبيبي شلونك
عبدالله: يمه الاغبيه الي يخطبون لجين مايدرون انها مرتي
حنان:هههه.....اناس اتسلم على امها بالاول بعدين اتعصب وتقول الي تبيه
عبدالله:آسف يالغاليه ...بس صج الي قالته ساره
حنان:والله تبي الصراحه ...كل شوي يايتلي وحده تسألني عنها ...ماينلامون احلى الموجودين بالحفله
عبدالله:وهمه مايدرون انها متزوجه
حنان:يمه مو كل اناس الموجوده تدري في ناس مانعرفهم...شي طبيعي بخطبونها ...ماشالله عليها لازم ابخرها اليله والله اخاف ينضلونها
عبدالله:خليها تقعد عندج ولاتحوس وايد ...اهيا حامل والحوسه مو زينه
حنان:طول الوقت قاعده وتوها قامت راحت عند عماتها
عبدالله:يمه قولي حق البنات يصورونها وطرشولي الصوره
حنان:ههههههههههههه ....انشالله ..بس تدري حسافه ماتكون بهل يوم وتشوفها
عبدالله:يمه موتنسين ابي صورتها الحين
حنان:انشالله اقول حق ساره اتصورها...تبي شي ثاني
عبدالله:اي وقوليلها لاترقص
حنان:لاتخاف قاعده بمكانها
عبدالله:يالله يالغاليه انا مشغول الحين اكلمج بعدين مع السلامه
حنان:الله يسلمك حبيبي
ساره:وناسه معصب
حنان:الله يغربل بليسج ليش اتأذينه
ساره:احسن ...خل يحس اشوي
حنان:انزين يبي صورتها الحين ...صوريها وطرشيله
ساره:اوكي...وقامت صورت لجين جم صوره وطرشتها حق عبدالله
عبدالله شاف الصور وضل امتنح فتره بصور :ماشالله صج حلوه(ومسك تليفونه وطرش مسج حق ساره)
عبدالله(قولي حق امي تبخرها وتقريها من العين)
ساره(شرايك فيها ...زوغه صح)
عبدالله(لاتسألين وايد)
البنات كانو مستانسين كل يرقص ووصفق وصار وقت دخلت المعرس
دخل زيد ومعاه عمامه وخواله وخوانه
خلود:خولو عبدالله جنه مو موجود
خوله:اي صح مومبين
خلود:واي انا يايه العرس ابي اشوفه ...اتهقين ليش مو ياي
خوله:مادري..تبين اسأل لجين
خلود:اي عفيه
على الكوشه زيد كان طاير من الفرحه واول ماشاف دلال
باسها على راسها وماشال الطرحه
لجين:زيد شيل الطرحه وبعدين بوس راسها
زيد:لا خليه جذي شكلها حلو
مريم:مايصير لازم اتشيل اطرحه
زيد شال الطرحه وباس راس دلال:مبروك عليج انا
دلال:الله يبارك فيك(ماكانت مستوعبه الي قاله)
زيد:حطيني بقلبج وعيونج وديري بالج علي
دلال@@
زيد:متى انقوم بسنه جنه طولنه
مريم:بسم الله توك داش انطر صور وبعدين قص الكيكه وبعدها روح
زيد:مريوم وايد اشياء يالله قوليلهم زيد مستعيل باجر ورانا سفر
شيخه:يمه مايصير شتبي اناس اتقول ...مومصدق
زيد:اي مومصدق
دلال تهمس ابأذن مريم:مريوم توني اكتشف انه مليق
مريم:دلول سكتي لايسمعج
خوله اصعدت على الكوشه اتبارك حق دلال
خوله:الف الف مبروك الله يهنيكم انشالله
دلال بنفسيه: الله يبارك فيج والفل لج
خوله:زيود الف مبروك
زيد:الله يبارك فيج الفال لج
خوله:لجين وين ريلج ماشفنا
لجين:اي مسافر
خوله:اممممممممم ...وين
مريم:وانتي شكو تسألين عن الريال صج ماتستحين
خوله:انا ماستحي ولا انتي
لجين:بس عاد مو وقت هواش الحين...خوله الله يبارك فيج
خوله:الحمدالله وشكر
خلود:ها وينه
خوله:مسافر
خلود:وين
خوله:مادري الزفته مريموه خربت علي
خلود:لاتخافين خلهم يستانسون فيه الحين ومرده لي
نهاية البارت
البارت 26
خلود:ها وينه
خوله:مسافر
خلود:وين
خوله:مادري الزفته مريموه خربت علي
خلود:لاتخافين خلهم يستانسون فيه الحين ومرده لي
بالفندق
لجين ومريم كانو بالجناح يساعدون دلال بتبديل وزيد قاعد بره
دلال:لجين الوضع فلم رعب ...احس بطيح من طولي
لجين:دلول ذكري الله ماكو شي ... وبعدين ليش كل هل خوف
دلال: لاالله الا الله.... لجون قوليلي شسوي...بس افكر بالي بصير واااي لالا
مريم:الي يسمعج الحين مايقول كنتي ميته وتاخذينه
دلال:مريوم انشالله يارب اشوفج بهل حاله يوم عرسج
لجين ومريم:هههههههههه
لجين:سمي برحمن وشي طبيعي الي تحسين فيه شي طبيعي
دلال:انتي صار فيج جذي
لجين بقلبها(ماجرب هشي الي صارلي العن من جذي يالتني كنت مثل باجي البنات )
لجين:دلال لازم نمشي الحين زيد صارله ساعه ناطر
مريم:طلع فيه فقع وهوا ناطر ...ههههههههه
دلال:نامو عندي
البنات:ههههههههههههههههههه
مريم:وين انام تحت السرير ولا بنص
لجين:دلول قمتي تخورينها...مريم يالله ....دلال اذا حسيتي بتوتر اقري المعوذتين
دلال:انشالله....لجين يصير العب اونو
لجين@@ :دلال من صجج ...اليوم دخلتج وبتلعبين اونو
دلال:والله خوش فكره ..بخليه يلعب اونو لين يدوخ وينام
مريم:اي هين ....دلال عقلي شوي لاتفشلينا ...باجر يقول زوجوني مينونه....والله على خبالج والسانج الطويل ماتوقعتج خوافه جذي توقعت انتي تروحين حق زيد مو اهوا...هههههههههههه
دلال:مريوم والله اوريج بس خل اتعدي اليله على خير
ونطق الباب
زيد :ماصارت تبديل
لجين:دلول لازم نمشي الريال ناطر فشله
دلال:خيولي زين قعدو معاي
مريم امسكت ايد لجين:اختي الحلوه الله يهنيج ووفقج باي...وسحبت لجين وطلعو
مريم:زيد الف مبروك وسوري طولنا عليك ...دلول بعيونك ...ماأوصيك عليها
زيد:الله يبارك فيج ...ودلال بقلبي وعيوني
لجين: يالله احنا نستأذن...وطلعو البنات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك