رواية خليجيات في الامارات -10
الحلقه العاشره
الساعه عشر بليل بتوقيت مدينة دبي
شوق تضرب راسها بالكتاب وتصرخ : يا بـــــــــابــــــــــــا قلت لك معادله مو مثل أي مسأله تحلها
عبدالله يطالع صوب التلفزيون : وانا اش عرفني بالمعادلات
شوق تشد اذونه : طاالع طـــــــــــالع عشرين مره شرحت لك وما تفهم
عبدالله يقول وهو يطالع المباراه : اي أفهم افهم بس انتي عيدي
شوق تتأفف : أقوووول نور اطفي هالعله
عبدالله يصرخ ويأشر بيده بالنفي : لأأأ لأأأأأ لأأأأ خليه
نور تهز راسها وهي تمشي : لأأأ مافي يلا ذااكر
عبدالله : والله بدرس بس شغليه
شوق تضربه بالكتااب على راسه وتقول : وين بتذاكر وانت يالس تطالع التلفزيون
عبدالله : اووووووووف بذااكر بس شغليه
شوق تهز راسها : لأأأ ذاااكر عبود مو ناقصتك انت الثاااني
ضااري ينزل من ع الدري بسرررعه ويقول : شووق فــهــمــ ...........
شوق تقاطعه : وجع انشالله
ضاري يعقد حياته : ليييش اش سويت ..؟؟
شوق : العصريه طلعو ودارو والحين متذكرين ان فيه امتحانات عليهم بااجر
ضاري يرفع ايده ويقول : قومي لااه أقوول نور فديتج فهميني
نور تبتسم : تعاال بس مسأله وحده ما بقعد بشرح لك الدرس واحل تمارينه
ضاري يبتسم : أوكيك ياكيك
شوق تمد بوزها : الكلااام الحلو لها أما حنا صفر ع الشمال
عبدالله يضحك : زين انج تعرفين هههه
شوق تضربه بالكتاب : اسكت انت وحل المساأله
ضاري يبتسم : عدلي اسلوبج وبنمدحج ههههه
شوق : أقووول ذااكر انت ويااه وفكونا
الهنوف تطلع من المطبخ وتمشي بغنج وتروح صوب الدري عسب تصعد
ضااري يصرخ : الهنوووف
الهنوف تلف بغرور : خير ...؟؟
ضاري بسخريه عشان يرفع ضغطها : اجلبي ويهج ههههههههههههه
الهنوف بسخريه : على اي صفحه هاهاها ما تضحك
ضاري يضحك : اقوول روحي دارج الله يستر عليج
عبدالله بنص عين : انتي هي اش فيج من الصبح داخله وطالعه من المطبخ
ضاري بسخريه : هذا اللي يسمونه تحطيم الرجيم القااسي هههه
عبدالله يكمل معاه : بتنتفخين بالأخير هههههه
الهنوف بسخريه : هاهاها تدري انك انت ويااه ملييييق
ضاري يطالع الهنوف وهي تصعد ع الدري : أعوذ بالله مغروره
نور تطالعه بنص عين : أختك
ضاري يرفع يده باستسلام ويقول : ما قلنا شي بس الصدق هههه
عبدالله يكش على المكان اللي كانت واقفه فيه الهنوف ويقول : ع بااالها ملكة جمال العالم شكلها ماشافت عليا
شوق تبتطل عيونها : من هي عليا ......؟؟
عبدالله متردد : من عليا .. .؟؟؟ أنا قلت عليا ..؟؟
شوق تقلده : لا يدتي اللي قااالت .. قول بسرعه منو ..؟؟
ضاري يضحك : خاايف .. رفيجته بنت ييرانا وتدرس معاه بالمدرسه ههههههه
نور تبطل عيونها : حتى انت اللي بعدك ما طلعت من البيضة تخاوي وبعدين ليييش عمي مدخلك مدرسه مشتركه ..؟؟
عبدالله يضحك : منو قاال يمزح وياكم ضروووي صح ضااري ...؟؟
ضاري : اقووول بيدش الفير وحنا ولا دارسين ولا كلمه
نور تأيده : اي والله
شوق ترفع راسها وتطالع فوق وتقول بحسره : شسوي مو أنا اللي نايمه الخميس والجمعه ويوم ايي السبت افتح كتبي بليل الساعه عشر
عبدالله يضربها ع ايدها بالخفيف : اشرحي بس انتي اشرحي
شوق تسحب الكتاب منه بطريقه غجريه : هـــــــــــــات
/
.
بدور : وجــــــــــــــــع يالحيوان قووووووم عني
معضد يطلع من صوب المغاسل ويصرخ هو الثااني : بلاااااااكــــم انتي ويااااه
بدور يالسه ع السفره وهي تاكل وتطالع الفلم : الغبي ولدك وااقف جداام التلفزيون
معضد يضحك ويقول : حماده قوم عن التلفزيون
حمدان يهز راسه ويقول : لأأأ قاالت لي الغبي
معضد يضحك : قوووم الله يهديك قووم يلا
بدور تفر الريموت على حمدان : قووووم يالأهبل خلني أطااالع
حمدان يصرخ ويقول : انتي الأهبله <<<< أهبله ( هبله)
معضد مب قاادر يوقف من الضحك ويقوول : أهبله في عينك يقولون هبله هههه يلا قووووم
ميره تطلع من المطبخ وتقول : اي علمووووه على قلة الأدب وأخر شي انا اللي ابتلش
بــدور تصرخ : قوموووه الفلم بيخلص
معضد يمسك حمدان ويقومه ويقول : بوديك قطر قوووم يلا
حمدان يطالع ابووه : لأأأ بااجر بدور بتوديني
بدور تطالعها بنظره ودها تذبحه : احلم انت احلم
حمدان يرجع للتلفزيون ويقول : ما بقوووم
بدور باستسلام : يا ولد الحلااال بوديك قطر والكويت والعراق بعد عشان يقصفونك ونفتك اش تبي أكثر ..؟؟ بس قوووم دخيل أمك وأبوك
حمدان يقوم وايي ييلس ع السفره ويطالع بدور : صدق بتوديني ..؟
بدور وهي تطالع التلفزيون : ايه بوديك بس اسكت
حمدان يمسكها من لبسها ويقول : قولي والله
بدور تضربه ع الخفيف : قوووم ولا ما بوديك
حمدان يروووح لأمه وأبويه اللي يالسين ع الكنفه ويشربون جاااي وييلس : بروووح بااجر ماما جهزيني
ميره تضحك : انزين
معضد : عز الله بااجر بتستوي الحرب العالميه
بدور منزعجه : وطو صوتكم
ميره تطالع معضد وتهمس : فضييييحه هالأخت
معضد : يـــاهل هههه
حمدان يقول : أمي أبااا جاااي
معضد بجديه : ماشي
حمدان بعناد : لأأأ أباااا
ميره تشفق على حمدان : حرااام بعطيه شوي
معضد بجديه : شو كل شي يباااه نسوي له .... بيخترب أخر شي
حمدان يعااند : لأأأ أبااا
معضد معصب شوي : حشا طفر بي هالولد
ميره تضحك : محد قاال لك دلعه من البداايه
معضد يطالع ميره بنص عين : هي ميروووه أنا اللي دلعته مبين
بدور وهي تطالع تلفزيون : وطـــو صوتكم دخيلكم دخيـــــــــلكم
ميره تضحك : انزين انزين
/
.
/
ملاك تترجاه : ميووود حرااام
مايد يطالعها بنظره : قلت لج لأأأ يعني لأأأ
ملاك شوي وتصيح : ليييش انزين داام عندي الليسن وعندي السياره جيييه ما أروح بروحي
مايد يطالع الأخبار : قلت لأ يعني لأأأ لا تجادليني
ملاك : انزين ممكن أعرف السبب عشان ما أجادلك
مايد يطالع ملاك ويقول : بعدج ما تعرفين تسوقين عدل في الزحمه
ملاك تحاول تقنعه : عاد شقايل عطوني الليسن .. أعرف والله
مايد بهدوء : بس فـ الزحمه ما تعرفين
ملاك تجادله : قول انك ما تباني اسوق عاد جيييه الليسن وياااي
مايد بعده يجاول يقنعها : تعلمي وبخليج
ملاك تكلمه وجنها لقت الحل : خلااااص هالأسبوع بقول لـ عمران يعلمني
مايد يضحك : عسب تصير سواقتج شراات الهنود ههه
ملاك لفت ويهها بزعل : هي ترااك انت ما تبا تعلمني روحك
مايد ابتسم : خلي عمران يعلمج عدل وسوقي
ملاك بسخريه : والله عاد جيييه الليسن معااي ..؟
مايد بجديه : ملاك لا تجادليني خلي عمران يعلمج شوي وبشوووف عقب
ملاك تبتسم : أوكي
فاطمه يايه من المطبخ : بعدكم ما رقدتو
مايد يطالع التلفزيون : بطالع الأخبار وبروح برقد
ملاك تبتسم : وين ييك رقاد وانت خمس العصر ناااش
فاطمه تأييدها : هي والله وين بييك رقاد
مايد يضحك : صلو ع النبي عن تصكوني بعين هههه
فاطمه مستغربه : اللهم صلي وسلم على سيدنا محمد .. اش فيكم صوتكم وااصل للمطبخ
مايد يطالع التلفزيون : بنتج تبا تسوق
فاطمه متخرعه : ويه ويه ويه
ملاك تطالع فاطمه باستغراب : جييييه أمااايه
فاطمه وهي خايفه : عاد يوم خذيتي الليسن ما قلت لأأأ بس يوم انج تسوقين روحج لأأأ
ملاك مستغربه وباحباط : وليييييش انزين ,,,؟
فاطمه : بنتي أخااف عليج من هالشارع
ملاك تضحك : أمي الكل يسوووق عادي
فاطمه : بس بعد مب زين أخاف يستوي بج شي لاسمح الله
ملاك تطالع فاطمه : أمي انتو ليييش جيييه شكاكين ما بيستوي شي انشالله
فاطمه بأسلوب حنون : انزين لا تسرعين بنتي
ملاك تضحك : وين أسرع ..؟؟ هالأسبوع عمران بيعلمني عدل
فاطمه مستغربه : عاد شو فايدته هالتدريب اللي كنتي تروحين له
ملاك تفهمها : بس خذيت الليسن هناكي أماايه
فاطمه تبا تفهم : هي انزين جيييه ماخلوج تسوقين
ملاك تكمل : امبلا بس صاار لي سنتين
فاطمه : عيل خلي عمران يعلمج وانت بعد ميود علمها
مايد : مالي شغل خل عمران يعلمج وبشوووف
ملاك بزعل : هي ترااا انت تسو للناس بس حق أختك لأأأ
مايد يطفي التلفزيون : بسير ارقد أحسن لي
فاطمه تبتسم : روح ولدي عسب تنش بدري
مايد ابتسم : تصبحون على خير
فاطمه & ملاك : وانت من أهله
بعد ما صعد مآيد .. ملاك : الحين لييش هو ما بيعلمني ..؟؟
فاطمه : والله ما أدري بس أخوج شكله متضايج هالأسبوع
ملاك باستغراب : يعني من ...؟؟
فاطمه : ما أدري والله بس يمكن من الشغل مثل ما يقول
ملاك تنكر : لا أمي ميووود ما يتضايج من الشغل وبعدين الشغل الحمدلله أوكي
فاطمه مستغربه : ما أدري عاد يا بنتي شو السالفه
ملاك : عاد أنا بشوووف وبخبرج
فاطمه : هي لأنه حتى ما قااام يااكل وكله رااقد مدري اش ياينه
ملاك : الله يستر بس عسى حد من عمامي مب قاايل له شي
فاطمه : لأ ما أظن
ملاك مستغربه : انزين أمي ليييش عمامي بعدهم ما نسو اللي صااار أبوي غلطته صغيررره
فاطمه : سيري ارقدي ملاااك
ملااك تلح : انزيييين حراام أماايه خبريني ليييييش ..؟؟
فاطمه : ملاكو سيري ارقدي يوم ثااني برمسج
ملاك : ما بييني رقااد أمي يلا قووولي
فاطمه تقوم : انتي ما بترقدين أنا بسير برقد
ملاك : لأأأ أمي تعاالي خبريني
فاطمه راايحه : بسير برقد انتي براايج .. أنا بنش الفير بااجر
ملاك تصرخ : انزين وعيني الساعه عشر أوكي
فاطمه : انزين تصبحين ع خير
ملاك : وانتي من أهله ماميتو
/
.
/
روان : يلا أروجه حبيبتي أنا بروح
اريج : تو النااس رواني
روان : لا حبيبتي صاارت الساعه عشر ونص وأنا برع البيت
اريج : أوكي عااد بشوووفج بااجر
روان توقف : وأنا بعد
اريج : ديري باالج ع روحج ولا تسهرين أبااج تكونين مصحصحه بااجر
روان تضحك : انشالله
اريج : سلمي ع مروانج هههه
روان : من عيوني والله هههههه
اريج : بتتصلين ع الدريول ولا كيف ..؟؟
روان : اي أكيييد اهوه تحت أصلا
اريج : اها أوكي عاد زين
روان تبي تطلع : يلا عاد حبيبتي مع السلامه
اريج : لحظه بلبس عباتي وبوصلج لتحت
روان : لا حبوبه ما يحتاااي
اريج : لأأأ ودي أغير جو ههههه
روان : أوكي عاد لبسيها بسرعه ههه
اريج شالت عباتها من ع الشماعه ولبستها بسرعه ولفت الشيله وطلعت مع روان
روان ابتسمت : تعالي جذي بااجر للكليه هههه
اريج : هههه هي عشاان البنات يضحكون علي
روان : هههه طالع شكلج حلو خخخخ
اريج : امشي بس امشي لا تنكتين علي هههه
روان : ننزل من ع السلم
اريج ابتسمت : اي عشااان نتأخر ههه
روان : ونضعف مره وحده
اريج تضحك : عشااان ما يبقى فيج لحم وتصيرين عظم وبس هههه
روان بهمس : سكتي في أحد اهني
اريج تلف ويهها تطالع محمد اللي ساكن يمب شقتهم وتهمس : هذ محمد أمــــف
روان تضحك : ههههه حلفي بس
اريج : سكتي فضحتينا
روان تلف وتبتسم : اش حالك أخوي ..؟؟؟
محمد طالعها باشمئزاز وقاال : سيري الله يستر عليييج وانتي اريج ترابعين شراات هالأشكال
اريج تلف ويهها : ما يخصك يلا روااني
روان ابتسمت : ما قلنا شي انزين بس شخباارك
محمد سوالها طااف ومشى للمصعد اريج ابتسمت : أول مره ما يقووول في اختراع اسمه مصعد
روان تضحك : بس تدرين شكله متربي هع
اريج تبتسم : اي هو محترم بس قليل أدب معااي هههه
روان : خلينا منه يلا ارجعي وأنا بروووح السياره
اريج : أوكي يلا بااي
روان : باااي
اريج تبتسم وتلف عسب تصعد ع الدري شاافت محمد طلع من المصعد طالعته ولفت بغرور ورااحت للدري وصعدت
/
.
/
مرت أياام الأسبوع عاديه وقمه في الملل من كليه للبيت أو من الدوام للبيت ... وجذي الين يااه يوم الخميس
البنااات يالسااات يتريقن في الكافتيريا الساعه 11 وربع
نور وهي تشرب الكوفي : ماني بجايه معكم هالأسبوع
شوق تتأفف : لو انتي ما بتروحين أكييد أنا بعد ما بروح
بدور : ولييش انزين والله الفلم روووعه وخطييير
نور : ما فيني كل اسبوع أطلع والله
بدور : يعني ورااج عياال عشان تدارينهم ..؟؟؟
نور تضحك : لأأأ من قااال بس مابي هالأسبوع
ملاك : هي أنا بعد مافيني ع صدعة ميووود
اريج : ليييش يعني شو بيقول ..؟؟
ملاك : هااك الأسبوع الين 12 كنت محد ولما رجعت ربج ستر انه مب موجود لو انه كان موجود كنت بروح فيها
بدور طفشت: اوفووو يعني لاازم كل وحده يطلع له ستين الف عله
اريج تسأل : وانتي روان
روان تطالع البلاك بيري وترفع راسها : وأنا شو ....؟؟
بدور تسحب البلاك بيري وتقول : خلج من هالزفت ما بتيين معانا السينما ..؟؟
روان : ما أدري والله يمكن مو أكييييد
اريج : وليييش انشالله ..؟؟
روان : أمي تقول ان ابوي بيي اليوم وعنده عشاااء عمل بااجر وقاايل لاازم أكووون موجوده
اريج تهز راسها : آها .. غريبه مو من عوايدج تحضرين حفلات أمج وأبوج
روان : شسوي مجبوره متصل بأمي أمس ويقوول قولي لروان هالمره لااازم تحضر
بدور : قولي له مثل كل مره ما أحب
روان : اي المشكله اني قلت له بس مب راااضي يقول لاازم تحضرين ما أدري لييش
ملاك : عاد بدور واريج روحو انتو هب لااازم نحن
بدور : ما أحب
اريج : خلاااص نتيمع ببيت وحده
روان : بس أنا مب ويااكم
ملاك : عاد خلاااص باااجر كل وحده تقر في بيتها ههههه
نور : اي أحسن حل
شوق تطالع نور : أنا ابي أطلع
نور تطالع شوق وتقول : ياماما نسيتي ان أمك تقول بكره لاازم نرووح لبيت جارتكم مدري وش عندها ..
بدور تضحك : اي قولي جذي بالشينكم ههههه
نور : اي الصراحه هي بلشه ههههه
شوق : يعني لاازم نروح لبيتهم
نور : وأنا شسوي لك يعني خالتي تقول بنتها كملت 21 سنه ولااازم نحضر حفلتها ومدري وشو
شوق : بس أنا مابي
نور : تصرفي مع أمك حبيبتي قولي لأمك ما تبين
ملاك تبتسم : انتو بتروحون الحفله وروان بتروح عشاء العمل اللي مسويه ابوها وأنا بتم فالبيت مع أمي فاطمه وبدوروووه واروج اش بتسوون ..؟؟
بدور : أنا عن نفسي بطفي انوار حجرتي واعلي ع التكييف واشغل التلفزيون واقعد اطالع هههه
روان : خوووش فكره ههههه
ملاك : وانتي اروووج ..؟؟
اريج حطت ايدها ع ويهها وقاالت بملل : بنام من الساعه ثمااان
روان تضحك : ديايه اروووج
اريج : شسوي يعني أقعد مع منو أمي وتنام بعد اذان العشا على طول
ملاك : يلا يصير خير بااجر انشالله
شوق : ملوووك اشلونها غراام ...؟؟
ملاك : تمام ماشي حالها
روان : اي صح هذي مب ناويه ترجع الامارات ...؟؟
ملاك : هي بترد هالأسبوع بس خلااص بقطع علاقتي فيها
روان : ليييش ..؟؟
ملاك : ما فيني ع صدعة ميووود لو درى
بدور : هذا مجووود أخوووج مسوي لج حالة رعب
اريج : اي والله أنا اشهد مسوي لها حالة رعب الحمدلله ما عندي أخواان
ملاك تبتسم : ترييو بس بتتزوجون ريايلكم بيودونكم ههههه
شوق : أنا عن نفسي عبدالعزيز كلما لفيت ويهي اشوفه ههههه
بدور : ياعمي الحياااه حلوه
نور : اي انتي قولي كذا بس لما تروحين لـقطر ماسكينك من رقبتك هههه
بدور : اي والله لا تذكريني خليني أعييش حياتي بهالكم من يوم
شوق توقف : بنااات المحاضره بدت
ملاك توقف : هي والله يلا مافينا ع الصدعه
نور تبتسم : انتي اش فيكي كل اللي حواليك جاييبين لك صدااع ههههه
ملاك تبتسم : هي والله هههههه
بدور تضرب شوق بالجنطه : تحركي يالدبه
اريج : فضحتونا غربل الله عدوينكم
شوق تسحب البلاك بيري من يد روان : أقووول تحركي أخااف بدال لا تضربين المرضى ابر ضد الاأمراض تطعمينهم ابر انفلونزا الحب هههههه
روان : اش فيكم علي هههه كل شوي ساحبين البيبي من يدي أوووف
ملاك : عشتو قاالت بيبي قاالت ههههههه
بدور : رواني بعدج مال أول ههههه طلع الأي فون الحين
روان : اي بشتريه وبشتري أبوووه بعد ههههه
نور : بلا بلاك بيري بلا اي فون اهتمو لدراستكم أحسن لكم
شوق : عــــاشت عاشت المجتهده هههههههه
نور : امشو امشو لا نتأخر ع المحاضره ..
/
.
/
في الشـــــركه ...
مايد قاعد يرتب الأوراق وهو ماله خلق ... فجأه رن الموبايل .. مسكه وطالع الرقم و رجع حط الموبايل ع الصامت وكمل الأرواق .. رد الموبايل يرن .. طفر مايد جان يغلقه وسحب الأرواق لجهه وفتح معاقم كندورته ورجع راسه لورا وبدا يفكر .. وهو يفرك يده فرك من القهر ..
ودي أعرف شالسبب ..؟؟ شاللي خلاها توافق .. وأنا وين رحت .. هي تدري ومتأكده اني بتقدم لها شاللي سوته .. حرام عليها .. حـــــرام .. لهالدرجه أنا رخيص عندها .. لهالدرجه بسهوله وافقت ع ولد عمها وأنا وين رحت ..؟؟ ويــــــن راح حبنا الطاهر .. ياريت لو انها راضيه بولد عمها ..!! أدري انها تحبني بس ليييش سوت جذي لييييش .. أنــــا مآيد اللي مافي بنيه في هـ الكون بترفضني .. وانتي يا سعااد أنا اللي بعت كل بنات هالكون عشان أشتريج بعتيني بسهوله .. صج لا قالو خذ اللي يحبك .. وهي شكلها ما تباني الحين خلاص .. ما أقول غير اني حبيتج من قلب يا سعاد ولا زلت أحبج .. وبظل أحبج طول عمري ..
أدري ومتأكد يا سعاد انج بتندمين ع القرار اللي اتخذتيه .. محد يستاهلج يا سعاد غير أنا اللي أقدرج وأعزج وبشيلج على عيني ورآسي .. ما اقول غير الزمن قآسي فرق بين الأحبآب ..
قطع على مآيد تفكيره صوت تلفون المكتب وهو يرن .. عصب مآيد ..
طآلع التلفون وهو وآصل حده : اش يبون هذيل كل شوي متصلين بي .. أف مأ صآرت عيشه ..
وقف وشال التلفون معاه عشان يطلع من الشركه ويروح يريح .. بس فاجأه صوت دقة البآب ..
قال وهو طفران : ادخل .....
دخل السكرتير .. مايد : خيــــر حمود ....؟؟
حمود : أستاذ في وحده تبا تشوفك ..
مايد راح فكره لـ بعيـــــــــــــــــد ... معقوله تكون سعاد معقوله .. سعاد يايه تزورني لا لا ما اظن انها سعاد .. هي لييييش لأ .. يمكن سعاد تبا تبرر موقفها ..!! والله ما يندرا ...
قطع تفكيره صوت حمود وهو يقول : أدخلها طال عمرك ولا كيف .......؟؟
مايد مستغرب : عندها موعد من قبل .......؟؟
حمود : لا أستاذ ما أعرفها ...!! ولا عندها موعد
مايد عقد حياته : منو عيل .....؟؟
ليكون سعاد لا ما اظن عمي بو سالم مستحيل يخليها .. عيل منو .. خل تدخل وبنشوووف منو ....
مايد رفع راسه : دخلها حمود ..
حمود : حاضر طال عمرك ..تامر ع شي ثاني
مايد : لا سلامتك
حمود : خلاص بدخلها الحين ..
مايد : أوكي أترياها
طلع حمود ومايد مستغرب سعاد ...؟؟؟ يآربي سعاد معقوله .....؟؟ شاللي يابها وكيف يت .. والله حيرتيني معاج يا سعاد ..!!
/
.
/
روان مبتسمه : ملآكي أبي أطلع
ملاك مستغربه : اش حقه بعد .......؟؟
روان : مرواني قاعد يتصل
ملاك : تريي توها بدت المحاضره وبتتطلعين
روان : اي شسوي ما كلمته اليوم
ملاك : تريي عقب شوي اظهري برايج
روان : ابي الحين
ملاك : بلاج روان ما تفهمين تريي شوي ..
روان : بكلمه ملاكو
ملاك : ما بيطير تراه مروانج .. تريي وبتظهرين انشالله
روان تأفأف : أوكي
ملاك تبتسم : زعلتي ....؟؟
روان : لأأأأأأأأأأ بس أبي أكلم مرواني
ملاك : يآربي منج .. قلت لج تريي ما بيطير
روان تضحك : أوكي أوكي
ملاك : انتبهي انتبهي ..
روان : حــــــــاضر ..
السير : هــــــــــــــــــــــــــــــدوء ..
ملاك تبتسم : جكنا ههههه
روان : اسكتي لا ياكلني ويآج ..
ملاك : ههه هي أحسن لنا نسكت ..
/
.
/
في احدى مدارس البنات الثانويه اللي في دبي ..
نوف : وانتي ليييييييييش تغيضينها ........؟؟
الهنوف : وأنا اش دراني .. بس ما احبها
نوف : حرام عليج نونو نور وأيد طيبه
الهنوف وهي تهز ريولها وضامه يدها : أدري
نوف : عيل ليييش كل ها .......؟؟
الهنوف : بس جذي ما احب أحد يتدخل بحياتنا
نوف : حرام عليج يالهنوف نور مالها غير الله ثم انتو من بطلت عينها ع الدنيا وهي مالها أحد
الهنوف : بس مب انه أهلي يفضلونها علينا
نوف : وين يفضلونها عليكم بالعكس والله اللي اشوفه انج أكثر وحده يهتمون لها بس لو تبطلين هالحركات
الهنوف : أول نور تطلع من حياتها وبعدين ببطل
نوف : اش دراج يمكن ما طلعت ...!!
الهنوف مستغربه : كيف يعني ..؟؟ بتعنس .......؟؟
نوف ابتسمت : لأأ يالغبيه يمكن عبدالعزيز تزوجها
الهنوف بتكبر وسخريه : عشتووووووووووووو
نوف : هههههههه اش فيج ......؟؟
الهنوف : لا والله يعني أخوي أنا يتزوج هذي
نوف : شو بلاها تراها بنت خالتكم ..
الهنوف : حتى ولو بنت خالتنا ما نبيها ما نحبها
نوف : هذا كلام الكل ولا بس كلامج ..؟؟
الهنوف : كلامي أنا وبس وباجر بيكون كلام الكل ..
نوف : الهنوف حطي روحج مكان نور شو بيكون موقفج ..؟؟
الهنوف : عأدي .. ما فيها شي أدري اني عال ع أهل البيت اللي أنا فيه
نوف : لا لا صج الحين تخيلي ان انتي باجر بيكون عندج عيال وهم شوق بيكون عندها عيال ولا سمح الله صار شي وعيال شوق بقو عندج شو بتسوين ..؟؟
الهنوف : مو وقت هالحجي نوف ..
نوف : متى وقته عاد بعد ما يفوت الفوت
الهنوف : لأأ مو قصدي جذي .. بس مو وقته خل نستانس
نوف : لا تخيل صج
الهنوف نزلت راسها : ادري بحطهم بعيني .. ولا يمكن أسمح لأي أحد يضرهم
نوف : عأأأأأأأأأأأد ...........؟؟
الهنوف : بس كل شخص وله قدره يا نوف .. وبعدين يحلها ألف حلال ذيج الساعه
نوف استسلمت : ما باليد حيله .. برايج يلا نروح ناخذ لنا شي ناكله قبل لا يخلص البريك
الهنوف : يلا
نوف : بتروحين اليوم بيت يارتكم ..؟؟
الهنوف : لو نور بتروح ماني رايحه
نوف : ردينا ع الطير ياللي .. اقووول الهنوف قومي ناكل شي قبل لا يخلص البريك ترا ورانا فيزياء بعد البريك
الهنوف : أجل الله يستر علينا ههههههه
نوف : اي والله الله يستر ..
الهنوف : اليوم شكلها معصبه غوريلا
نوف : ههههههه حرام عليج .. وبعدين هي طيبه بس مع الكسالى جذي
الهنوف : اي الحمدلله أنا مو من الكسالى
نوف تبتسم : ولا أنا
الهنوف : يلا امشي قبل لا ياكلون اكل المقصف كله
نوف ابتسمـت : وين الهنوف ووين الرجيم .....؟؟
الهنوف تبتسم : مستطيلين متوازيين ولا يمكن نلتقي بيوم من الأيام
نوف : تشبيه رائع يا أختاااه ههههههههههههه
/
.
/
روان تقرص ملاك : ملاكووووه
ملاك تأفأف : هذي أول وأخر مره أقعد يمبج سمعتيني
روان تطنز : لا والله ... قالت أخر مره
ملاك : هي صدق .. تراج ذليتيني
روان بسخريه : لا والله
ملاك تبتسم : كل شوي قارصتني أعوذ بالله منج
روان شوي وبتنفجر : بطلع خلاص ما استحمل
ملاك : مب باقي شي ع المحاضره وتخلص
روان صبرها نفد : ما فيني ملاك مافيني
ملاك : مروان ما بيطير وبعدين تقدرين تكلمينه بأي وقت ..
روان : ادري
ملاك : وعاد ليييييش كل هاللويه ...؟؟
روان : مشتاقه له
ملاك تقلدها : مشتاقه له .... ما اقول الا مالت عليج
روان : يالخايسه مالت عليج انتي .. ما أسمح لج تتكلمين على مرواني
ملاك : مب مروان أعوذ بالله ساحرنج .. وبعدين ما قلنا عنه شي .. ههههه
روان : انزين انزين بطلع
ملاك : مب بأجي شي الا دقايق يا حرمه تريي
روان : ما فيني والله
ملاك : أوكي برايج شيلي دفاترج استأذني من السير اروووحج واظهري برع
روان تبتسم : وهـ يافديت روحج أنا
ملاك : كل ها عشان مروان ..؟؟
روان : اي وأكثر بعد ههههه
ملاك : يالله بالستر
روان تضحك : يلا يلا بآي بطلع
ملاك تبتسم : الحمدلله ع نعمة العقل ..
بعد ما توقف روان .. بدور تأشر لـ ملاك من بعيد بيدها .... بمعنى شالسالفه ..
ملاك تبتسم بهمس : مآشي
بدور تعقد حياتها وتأشر : ليييش وقفت ..؟؟؟
ملاك تأشر ع الفون وتقول بهمس : مروانها ..
نور تهمس وتطالعهن بنص عين وتقول : انتبهو وخلونا ننتبه
شوق تبتسم : انشالله أعوذ بالله
نور : أزعجتونا بأصواتكم اسكتو لا يجي السير ويقلعكم ..
بدور تضحك بهمس .. وتقول : مب بآجي شي هأنت الا هي دقايق
/
.
/
مايد سمع الباب يندق وقال : ادخل حمود ....
دخل حمود وقال : يت طال عمرك
مايد : دخلها
حمود يأشر بيده للبنيه ويقول : تفظلي أختي
تدخل البنيه وتقول : السلام عليكم
مايد : وعليكم السلام والرحمه تفظلي أختي
تتجدم البنيه وهي متغشيه .. وتوقف جريب المكتب ..
مايد يطالع حمود ويقول : حمود خلنا بروحنا
حمود قبل لايظهر : انشالله طال عمرك
مايد يأشر ع الكرسي ويقول : تفظلي أختي
تتجدم الحرمه وتقول : زاد فضلك أستاذ مايد
الأربعاء 25-8-2010, 02:50 pm
إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ ..
ღ الحلقه الحاديه عشرღ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك