رواية الا فراقك -10
بندر التفت لها...وحط يده على كتفها ...وقال- انا واقف عند الباب ...وابن امه اللي يتعدى عليك.....وابو وليد ...له حساب ثاني معي..امول ..
التفت لسعود وسعود مطير عيونه...
بندر- قدامي....
سعود- انا جبتها وانت اللي بتطلع...خالها مسافر ...الحين انا بداله
بندر- هذي اختي ..يا ليت تمشي قدامي...ولا يحتاج اني اطلعك بالقوة...
دخلت الممرضة ...ودخل الدكتور...
الدكتور-السلام عليكم..
بندر وسعود - وعليكم السلام...
الدكتور- من ازن إلك انت ورفيئك ...لتدخلوا هون
بندر- دكتور ...هذي بنت عمي...وهي عندنا بالبيت..
الدكتور- هاد اخوك
كان يقصد سعود...
سعود- لا
الدكتور- كيف وهو اللي جابا لهون...
بندر- انا ولد عمها..
امل- ايه هو ولد عمي...
الدكتور - وحضرتك مين انتا ...
سعود- اختي دقت علي وقالت تعال وده للمستشفى...
الدكتور- طيب ...بعد ازنكم ..ممكن تطلعوا لبرا..
امل- لا دكتور تكفى بندر ابيه يجلس هنا...
الدكتور- لا ما يصير يا انسه امل...والشرطة بدا تحقق ..
امل- لا لازم بندر يكون معي...
بندر- امول ...انا بروح..اجيب لك امي بكرة الصبح...
امل- وعد..
بندر- ايه..
امل- قل وعد..
ابتسم وقال- وعد..ان شاء الله..
...............
كان بالسيارة وهو يفكر...ومنقهر من خاله....
بندر- وش بيدي اسوي...امل مو راجعه معه..لازم يتأخر...
اخذ الجوال وهو يطق طق بوه ..ومنسجم ويدور بالاسماء اسم خاله....
................
ام خالد- سارة ..دقي على اخوك يجيب لك عشاء معه...
سارة- خالد مو جاي الحين...
ام خالد- دقي على بندر...
سارة- متى بيجي؟؟
ام خالد- اكيد الحين ...
دقت بجوالها ....مقفل...
سارة- يووه ما به ابراج...
طالعت الابراج ...موجودة...
دقت مرة ثانية ...مقفل ...
سارة- اكيد البطرية ...
رمت الجوال على جنب قالت- اصلح لي عشاء بدال ما انتظره...
...............
الفجر الساعة خمس ونص ...
دخل خالد ...
طلعت امه فجأة عليه وقالت- بندر وينه ؟؟
خالد- نايم بالاستراحه...
امه-بندر يانام هناك...طيب ما جاء ولا غير ملابسه
خالد- له ملابس هناك
امه- هو ما يروح للاستراحه كثير...من وين له ملابس...
خالد- هو ما جاء لانه بعد شوي بيطلع للبريدة...مع مريض..
امه- طيب جواله مقفل...
خالد- مخلص شحنه...انتي ما عليك...هذا دوامه...قال لك بروح برا عشان الدوام يتعدل...
امه- هو كيفه...يروح للي يبي ...بس يجيني سالم...
خالد- يلله روحي نامي...
امه- يلله...
..............
امل جالسة وهي تفكر.....ومبتسمه
تقول بقلبها- شفته ...يالله...والله اشتقت له...اليوم بشوف امي وسارة...والله مشتاقة لهم...لكن ما احد ياصل شوق بندر..
اتسطحت وقالت- الحمد لله اني بالمستشفى هذا...عشان اشوفه...اكيد بيمر علي بدوامه..متى يبدأ دوامه...
طالعت الساعة ....خمس ونص...
قامت عشان تصلي...
ام وليد- لازم ما يرجع...ما ني مخليه الشرطة تمسكه
سعود- الا يستاهل السجن....يضرب بنت صغيرة...
ام وليد- تبيها تدعي علي ويسكت...الا ليته ذبحها...
سعود- ما يقدر...
ام وليد- وليش ما يقدر...
سعود- ولد عمها قدامه ....وانا قدامه...
انصدمت ام وليد من رده وقالت- انت ايش؟؟
سعود- اللي سمعتيه ...
ام وليد- خير وبركه....اشوفك صرت ضد اختك...
سعود- انا مع الحق..
ام وليد- الحق مع اختك....الحين شايف عمرك كم....تراك 21 ...يعني متى كبرت....
سعود عصب وقال- مقبوله منك يا اختي....مقبوله..وزوجك والله لو يقرب منها....ان يشوف شيء ثاني...وانا بدل الشرطة على مكانه....عشان يعرف وشلون يمد يده على بنت طلعها من البيت اللي تربت فيه ...وهي مو راضيه...واخرته يضربها..
ام وليد- سعود....
تركها وكان بيطلعمن البيت...
قالت- ان تكلمت ....لاني اختك ولا انت اخوي...ولا تعرفني ...ولا اعرفك...
سعود طالعها ....وقال- مو انا اللي متى كبرت....وشلون تخلين اخوك الصغير...
ام وليد عصبت وقالت وهي تصارخ عليه- اطلع ...اطلع ولا اشوفك هنا مرة ثانية....
سعود طلع وسكر الباب بقوة...
وقفت وهي تاخذ نفس...اتجهت لتلفون ودقت على ابو وليد....
ام وليد- ابو وليد ....اترك جده...رح لدمام ..رح لاي مكان ثاني..
ابو وليد- اناس تقول السلام عليكم...صباح الخير...
ام وليد- امل بتخلي الشرطة تمسكك....
ابو وليد- ايش؟؟
ام وليد قالت له السالفة كلها............
ابو وليد- بس بتضيع فلوسي...
ام وليد- بيحققون معها.....وبتعترف....
ابو وليد- لا ...ما تعترف بتخاف....
ام وليد- ولد عمها بجنبها...وتبيها تخاف...
ابو وليد- بندر...
ام وليد- واحد منهم....
ابو وليد- مع السلامة...انا اعرف وش اسوي....
..................
الساعة 11 ونص الصبح....
كانت تطالع الساعة وهي طفشاااانه...انتهت الزيارة ...وما جاء ....
امل- وينه....اكيد بيجي العصر....
طق الباب....
امل بسرعة- تفضل...
انفتح الباب....ودخل خالد...
امل كانت مبتسمه ....بعدين خفت ابتسامتها شوي شوي....
بندر- السلام عليكم...
امل- وعليكم السلام...وين بندر..
خالد- افااااا يعني اطلع...
ابتسمت وقالت-لا حياك...بس توقعتههو...لانه قالي بيجيني....
خالد- بندر يسلم عليك....ما يقدر يجي اليوم....
اختفت ابتسامتها وقالت- مو جاي اليوم هذا كله...
خالد- لا ان شاء الله يقدر يجي...بس هو مضغوط بالشغل...
امل- خالد....بندر وينه؟؟
خالد- راح مع الاسعاف لبريده ...بيوصلون مريض هناك..
امل- بس متى بيرجع؟؟
خالد- وانا وش دراني....
امل- يعني يمكن ما يجي....
خالد- اليوم يمكن ما يجي...
امل سكتت وطالعت للارض...
خالد- يالله ...انا بروح..
امل- بس هو واعدني...قال وعد اجيب اهلي لك بكرة...
خالد- اشغل...لازم تقدرين الظروف..
امل- اها ...ان شاء الله....
خالد- يالله...
امل- طيب وامي...
خالد- آآآآآآ طيب بجيبها...
امل- وسارة...واتصل على بندر وقلها اني ابيه...
خالد استغرب وقال - ليش تبينه؟؟
امل- خايفه من خالي...
خالد- طيب ما يقدر ياخذك من المستشفى ...انا موجود هنا...
امل وعيونها مليانه دموع- بس انا ابي بندر...
خالد عرف وفهم وش اللي بقلبها...
خالد- طيب...
طلع وهو يفكر....
دخل الغرفة ...خالد- السلام عليكم..
رفع راسه وقال-هلا....شفت امل...
خالد- ايه...تسلم عليك....
بندر- الله يسلمه....طيب قالت شيء..
خالد-لا....انت بكرة بتطلع ...
بندر- لا والله اليوم ابي...
خالد- بس...
بندر- كلمت الدكتور...اصلا ما فيني شيء...شويه خدوش...
خالد-كيفك...
بندر- ايه بطلع اليوم...ما تدري عن السيارة؟؟
خالد- بعد اسبوعين تطلع..والله من لقافتك ....بتكلم وانت بطريق الملك فهد ..
بندر- يا اخي قضاء وقدر....ان شاء الله خيرة...
خالد- الحمد لله ما جاك شيء...
دررررن درررررررن درررررررن جوال بندر....
خالد- اذا كانت امي او سارة او امل...كلمهم على طبيعتك..
بندر- اصلا ما فيني شيء...الو ....
امه- هلا بندر ...وينك يا وليدي...
بندر0 رايح مع مريض لبريدة...
امه - متى ترجع...
بندر- ان شاء الله بالليل...
امه- الله يرجعك بالسلامة....المهم انت تعبان؟؟
بندر- لا والله يالغلا ...
امه- الحمد لله...كل زين....
بندر- ان شاء الله..
امه- سارة تسلم عليك..
بندر- الله يسلمها...
...............
العصر ....كانت طالعه من الحمام ....جلست على السرير واخذت نفس عميق...طالعت لساعة وقالت- متى بيرجع...من الصبح لبريده...
طقطقطقطق
امل- بندر....يا رب هو...تفضل...
اخذت الطرحة...
سعود- يا ولد..
تغطت ودخل...ومعه شرطي...
سعود- هذا بيحقق معك...
امل كانت خايفه تعترف...
............
الدكتور- بنسوي لك غيار اليوم...وتقدر تطلع...
بندر-الحمد لله...
الدكتور - كنت تداوي المرضى ...صرنا نداويك...
بندر- هههههههه لا والله ...بس الطريق ما عمره فضى....
الدكتور- المهم جت سليمه
بندر- الحمد لله...
..............
خالد بنفسه ((لا ما يصلح اقولها ....بتزعل على اخوها....اوووف وش ذا الاخو....الله يهديه...والله بتعذبنا معها لو درت..اسكت احسن لي...))
........
امل- .....
الشرطي- لا تخافين من احد...هو ضربك؟؟
امل-.......
سعود- اكيد...وش تشوف قدامك...
الشرطي- عفوا سعود...قولي ...لا تخافين...بناخذ حقك..
امل- هو...ايه ضربني...لا ما ضربني...
الشرطي- لا الاه الا الله....طيب ....فكري...ناخذ حقك والا حقك يصير طايح بالارض...
قام وقال- السلام عليكم...
طلع
سعود- ليش ...هذا ما يستاهل...المفروض ياخذ اكثر من السجن.....
تركها وطلع......
..................
الساعة 11 بالليل....
كانت نايمه ........انفتح الباب ودخل ....يمشيء شوي شوي...
قرب منها...وقال- امل..امل ....امــــل
فتحت نص عيونها...وفجأة فتحت عيونها كلها....
نطت وجلست ....وقالت- لا ..والله ما قلت لهم شيء....
خالها- بندر هنا هاه.....جنبك....بتعترفين....
امل نزلت دموعها وقالت- ما قلت شيء....
خالها- ولا انتي قايله...
مسكها مع شعرها وقرب وجهه من وجهها وقال- لو تقولين....قطعت لسانك....
امل صاحت وهي تقول- خال ....آآآآآه...تكفى فكني...آآآه...
سحب عبايتها...
..........
بندر قام من السرير .....
خالد- خير وبركه انك تمشي....
بندر- والله الجرح يوجعني اللي برجلي...
خالد- عاد انت تبي تطلع...
بندر- يا لله....بنمر امل...
خالد سكت شوي...وقال- ضروري...
بندر- ما ني طالع الا وانا شايفها...
طلعوا ...واركبوا الاسنسير...وهو طالع فوق لدور الثالث...
بندر- انا واعدتها...بس وش اسوي....يلله ...بعتذر ونطلع...
انفتح الباب ...
بندر التفت ...طير عيونه...خالد طالع مو مصدق....
امل شهقت وقالت- بندر...تكفى ...آآآه...
مسكها مع يدها بقوة وقال- ما شاء الله جايين زيارة باخر الليل...
بندر- اتركها....
خالها- اضربني احسن....
خالد ساكت ....
امل - والله يا خال ....انا ما قلت انك ضربتني....سكت ما اعترفت...
سحبها للاسنسير الثاني....
بندر طلع ووقف قدامه وقال- اتركها....
خالها- ابعد....
دفه بيده بقوة...بندر اوجعته رجله....
خالد طلع وهو يشوف وساكت...
بندر- ابو وليد....ما اكتفيت باللي سويته فيها....
ابو وليد- هي ببيتي اسوي بها اللي ابي....
سحبت امل يدها ...ورجعت لبندر وطاحت على ركبها قدامه وهي ترجاه وتصيح- بندر....الله يخليك لامي....لاتتركني...والله بيذبحني.....
بندر مسكها مع يدها وقومها...
خالها- يا قليل الاصل....اتركها....
بندر وقفها وراه....وقال- تبي تاخذها....اذا دفنتيني تحت التراب...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك