رواية ياروح الروح حبك فرضته -1
صباح الخير حبيباتي
هذي اول روايه لي بالمنتدى الروايه خياليه بس فيها احداث صارت بالواقع
يعني نصها واقعيه ونصها من الخيال وأتمنتى انها تعجبكم وابي تفاعلكم معاي
تنبيه :ماأحلل اي وحده تنقل القصه بدون ماتذكراسمي@أحلاهم وأتحداهم@ اوتذكر هذي الجزئيه
نبدي الروايه
البارت الاول
مطار الكويت
زهره :مو جنه تأخر وايد
عاليه:ههههههههههههههههه لاماتأخر الطياره توها واصله يبيله وقت على ما يطلع
زهره:اف متى يطلع بطني يعورني ليش مادري
عاليه:هههههههه انتي من صجج أخاف طلق وانتي مو عارفه
زهره:لاماعتقد يمكن متوتره شوي اووووه مادري شفيني وانتي يوزي عني
عاليه :كاهو طلع شوفيه
زهره :وينه ماأشوفه
عاليه: كل هذا ماتشوفين اخاف انعميتي من الفرحه ههههههههه
يوسف:سلام عليكم
عاليه وزهره :وعليكم السلام حمدالله على السلامه
يوسف:الله يسلمكم (ويسحب زهره ولمها حيل )تعالي انتي فديت كرشتج والله هههههههههه
زهره ادمعت عينها :يابعد عمري والله اشتقتلك وايد مره ثانيه لاتعيدها
يوسف:والله انا مو بس مشتاقلج الا ميت من الشوق
عاليه: احم احم نحن هنا ولا من لقا احبابه نسى اصحابه ههههههههه عيب فشلتونا جدام الناس جنكم مو شايفين خير
يوسف: حلالي وانا حر فيه محد له عندي شي
عاليه: يالله خل نمشي فضحتونه جدام العالم ههههههههه
(زهره ويوسف متزوجين من 3 سنوات وزهره الحين حامل وبشهر التاسع
زهره عمرها 25 سنه بيييضه وشقره وجميله ماشالله الخشم مرسوم رسم وشفايف صغار بس بارزين شوي طويله وجسمها حلو متناسق وماعندنها الا اخو واحد بس
ويوسف 30 سنه رجل اعمال من الطراز الاول ومن عايله معروفه وله اسمه بسوق على عمره الصغير بس انجازاته كثيره اسمراني طويل وضعيف وسر وسامته بعيونه كبار وبنفس الوقت ناعسه ورموشه طوال وترتيبه الثالث بين اخوانه الشباب
وعده أختين أصغر منه وآخر العنقود صبي
وعاليه اخت يوسف وترتيبها الخامسه بين اخوانها وقريبه حيل من زهره متزوجه وعندها ولدين وبنتين توأم والحين عمرهم سنه عمرها 26 سنه سمره وشعرها اسود وحيل ناعمه )
نرجع حق الروايه
وهمه طالعين من المطار زهره حسن بالعوار قاع يزيد بس من الفرحه ماهتمت وفجأه بدون سابق انذار
زهره واقفه بمكانها ومو قادره تتحرك: يوسف
يوسف: شفيج
زهره: مادري احس بشي حار ينزل مني
يوسف:وي ليكون سويتيها بروحج هههههههههههههههه
زهره : هذا وقته انا من صجي اتكلم
عاليه:ليكون جيس الماي انبط
يوسف :يعني شنو
عاليه : يعني مرتك بتولد واذا ماوديناه المستشفى الحين راح تولد علينا
زهره :آآآآآآآآآآآآآآآآآآآآآآخ بطني
يوسف من الخرعه شال زهره وحطها بسياره وطار فيها على المستشفى
بالمستشفى
عاليه: يوسف اقعد عيني حولت رايح راد
يوسف :مادري ماني قادر
عاليه :يوسف دق على اهل زهره خل ايون حرام البنت تولد واهلها مو عندها
يوسف: مو وقته بعدين بعدين
بعد ساعه اطلعت الدكتوره وراحت عند يوسف وعاليه
الدكتوره:انت زوج المدام زهره
يوسف وهوه خايف:اي انا
الدكتوره :مبروك المدام يابت بنت مثل القمر تتربا بعزك انشالله
يوسف وهوه يبتسم:الله يبارك فيج واخيرن مابغت اتشرف
عاليه:الف الف الف مبروك ياخوي تتربى بعزك انشالله واتشوفها احلى عروس
يوسف :دكتوره زهره شلونها الحين
الدكتوره:بخير الحمدالله بس اتعبت اشوي الانه البيبي كان كبير شوي
يوسف:دكتوره اكيد مافيها شي يعني اقدر اشوفها الحين
دكتوره:لامافيها الا العافيه بعد اشوي يودونها غرفتها عن اذنك
عاليه:دام تطمنت عليها دق على اهلها بشرهم
يوسف :انشالله
وبعد ساعه اطلعت زهره من غرفت الولاده ودوها غرفتها عشان ترتاح
يوسف:الحمدالله على السلامه يقلبي
زهره بتعب:الله يسلمك شنو يبت
يوسف:يبتي بنت شفتي بنتي كانت ناطرتني اوطل علشان طلع
زهره:ابي اشوفها
عاليه :الحمدالله على سلامه ومبروك ماياكم تتربى بعزكم انشالله
زهره:الله يسلمج
وبهل لحظه ادخلت السستر معاها البيبي
يوسف:القمر وصل واي حبيبت ابوها تعالي عندي خل اكحل عيوني فيج
زهره:لاوالله هذا اوله وصرت تبي اتكحل عيونك فيها والله شكلها خذت مكاني
يوسف وعاليه: هههههههههههههههههههههههه
يوسف لايبه انتي غير محد ياخذ مكانج
زهره:اي واضح يبها بشوفها
يوسف:سمي برحمن
زهره :بسم الله الرحمن الرحيم (شالتها وهيه خايفه)واي نتفه حبيبتي... انا امج الحلوه ههههههههه
يوسف:شوفيها نسخه منج
زهره : يوسف دقيت على ابوي قتله اني ولدت
يوسف:أي وتلاقينه ياي بطريج مسكين الفرحه موشايلته
زهره:يوسف انت توك راد من السفر روح البيت ارتاح
يوسف: من صجج اخليج واخلي هل قمر ...لا انا مرتاح جذي
عاليه:الا شنو ناوين اتسمونها
زهره:يوسف صج شنو نسميها
يوسف:مادري اسامي البنات وايد عندج
(شيخه ,حصه,افنان,لجين,ساره,عاليه )كيفج انتي الي تعبتي انتي اختاريلها اسم
زهره:شرايك في لجين
يوسف:ليجن لجونه أي حلوه واسم موموجود بالعايله
عاليه:انا استأذن الحين اليهال بروحهم بالبيت انشالله ايلج العصر مع السلامه ومبروك ماياكم
يوسف وزهره:الله يسلمج بحفظ الرحمن
زهره:يوسف انت مستانس الاني يبتلك بنت
يوسف:شلون ماأستانس هذي بنتي والبنت حبيبت ابوها والبطن الي ياب البنت ايب الولد
انتي ارتاحي الحين اكيد العصر الكل بيع ندج
زهره:يوسف تدري شنو كنت ادعي وانا بالولاده
يوسف:شنو
زهره:كنت ادعي اذا يبت بنت اتحصل ريل يحبها حب خيالي ومايشوف بدنيا غيرها مثل حب ابوها لي واذا ولد يحصل مره محبه وتحافض عليه
يوسف:يابعد عمري انتي مافي منج اثنين نامي الحين انتي تعبانه وانا بنادي السستر تاخذ لجونه
زهره:اوكي
العصر بالمستشفى الغرفه كانت مليانه من الاهل والحباب
سالم :سلام عليكم مبروك ماجاك ياخوي وتتربى بعزكم انشالله
يوسف:الله يبارك فيك مشكور وماقصرت ياخوي وحب راسه
راشد:الف مبروك ياخوي وتتربى بعزك انشالله
يوسف:الله يبارك فيك
عبير :واي حبيبي صرت ابو الف الف مبروك تتربى بعزكم انشالله
يوسف: الله يبارك فيج مشوره وماتقصرين
عبير راحت حق زهره تتحمد لها بسلامه: حمدالله على السلامه ومبروك ماياج انشالله اتشوفينها احلى عروس
اشوفها يبوها عندي(وشالت لجين)بسم الله ماشالله قمر قمر مثل امج
طلال:الف مبروك ياخوي تتربى بعزك
يوسف الله يبارك فيك ونشالله ازوجك واشوف عيالك يارب
(سالم اخو يوسف الكبير عمر34 متزوج وعنده 3صبيان وبنتين وراشد اخو يوسف وعمره 32سنه متزوج وعنه 4 صبيان وعبير اخته الي اكبر من عاليه 27 سنه متزوجه وعندها 3 صبيان اما طلال اخوهم الجعده عمره 11 سنه ويحب يةسف وعاليه وايد اكثر من الباجي)
بوفهد:السلام عليكم
الكل:وعليكم السلام ورحمه
بوفهد:الف مبروك ياولدي وتتربى بعزك انشالله
يوسف:الله يبارك فيك عمي مشكور وماتقصر
راح بوفهد وسلم على بنته زهره وتحمد لها بسلامه
عبد الرحمن وحنان:سلام عليكم
الكل :وعليكم السلام
عبد الرحمن وحنان راحو سلمو على يوسف وزهره وبالركولهم على المولوده
(عبد الرحمن ارفيج يوسف وقريب منه حيل وحتى حنان ارفيجت زهره من ايام ادراسه واهم هالي عرفو يوسف على زهره)
وبعدها شوي شوي الضيوف راحو ومابقى الا عبير وطلال ويوسف
طلال :وناسه متى تكبر عشان اكفخها
يوسف:لاوالله جان كسرت ايدك بنتي مانتطق فاهم
طلال اشوي ويبجي:انا اتغشمر معاك
يوسف: انت عمه وسندها بدنيا بعد عيني لازم اتكون لها الخو وصديق وتخليها يادهينه لاتنكتين وماتخلي احد يأذيها والي يرشها بالماي اترشه بدم فاهم
طلال منزل راسه:فاهم
زهره:بعد عمر طويل انشالله الولده ماقصد شي مستانس فيها مسكين خرعته
عيبر :عاد الحين يوسف مايخلي احد يقرب صوبها والله ماتنلام ياخوي كل هل جمال مالازم احد يجرب صوبها
وبعدها استأذنو عبير وطلال
زهره:حبيبي انت من الصبح اهني روح البيت ارتاح وباجر تعال
يوسف :أي والله صارلي يومين مو نايم دايخ حدي
زهره:حبيبي الحينروح وباجر تعال ابي ابطل عيني الاقيك جدامي
يوسف:من عيون يابعد عيني انا ماشي ماتامرين على شي
زهره :سلامتك بس حط بالك من الطريج
يوسف:انشالله مع السلامه باسها على راسها وطلع
زهره:بحفظ الرحمن
بسياره يوسف كان تعبان حده الانه مو نايم يومين وحتى بطياره ماقدر ينام وماكان مركز عدل وهوه يسوق
يوسف :انا شفين يماني قادر ابطل عيني( ويتذكر زهره ولجين ويبتسم )الله يخليكم لي انشالله
وغفت عين يوسف وهوه يسوق وفجأه طااااااااااااااااااااااااخ
نهاية البارت
البارت الثاني
بسياره يوسف كان تعبان حده الانه مو نايم يومين وحتى بطياره ماقدر ينام وماكان مركز عدل وهوه يسوق
يوسف :انا شفين يماني قادر ابطل عيني( ويتذكر زهره ولجين ويبتسم )الله يخليكم لي انشالله
وغفت عين يوسف وهوه يسوق وفجأه طااااااااااااااااااااااااخ
بالمستشفى
زهره منسدحه على السرير بين نايمه وبين قاعده اسمعت صوت باب الغرفه تبطل قامت وعدلت قعدتها
بوفهد:زهره شلونج اليوم انشالله احسن
زهره قلبها نغزها الانه شكل ابوها ماكان يبشر بالخير
زهره:هلا يبه الحمدالله انا بخير انت اشلونك
بوفهدوهوه يتنهد:زهره يبه انتي وحده مأمنه بقضاء الله وقدره وانتي تدرين ان الله الي ياخذ والله الي يعطي
زهره:يبه خبصت قلبي صاير شي مو زين حق فهد او امي
بوفهد:لايبه بس يوسف
زهره :يبه يوسف اشفيه
بوفهد:البقا براسج يايبه
زهره:ههههههههههههه اكيد تتغشمر صح لايبه اهوه مافيه لا العافيه امس قالي بس اتبطلين عينج اتلاقيني يمج انا ادري اهوه الحين ياي بطريج
بوفهد:لاحول ولا قوة الا بالله يابنتي اطلبيله الرحمه
وهل وقت ادخلو عليها عاليه وعبير لابسين اسود وعيونهم وارمه من البجي
عاليه وهيه تبجي:زهره يوسف راح يوسف خلانه
زهره بعصبيه ومصدومه :هي انتو ليش اتفولون عليه اهوه الحين ب ياي اهوه يبي يشوف لجون مو معقول بخلينا بروحنه بهدنيا لالا انتو جذابين
عبير:زهره مايصير اتسوين ابروحج جذي يوسف سوا حادث امس بعد ماطلع من عندج
زهره قامت اتصارخ وتبجي :انتو جذابين يوسف يحبني مستحيل يخليني اصل ناشلون يخليني اهوه ليلحين ماستانس ب لجين ليلحين ماشافها تكبر جدامه ولا شبع منها اشلون يخلينا شلون
من كثر الصراخ والبجي زهره فقدت الوعي وصار معاها انهيار عصبي
بوانية سالم
الكل كان ياي يعزي اهل المرحوم والعزا كان كأيب بشي مو طبيعي محد له خلق الثاني الكل مصدوم امس كان مستانس ويضحك واليوم قاعدين بعزاه
عبد الرحمن:سالم اشرطه ماقالولكم اشلون صار الحادث
سالم :مادري وانا خوك بس اضاهر من اتعب مانتبه على شاحنه الي جدامه
عبدالرحمن :الله يرحمه ويسكنه فسيح جناته
سالم:آمين مشكور وماتقصر الله يعلم معزتك من معزت يوسف الله يرحمه
عبد الرحمن حابس دمعته :المرحوم كان اكثر من اخو بنسبه لي مسكين ماتهنى بهل ياهل والله انه معوره قلبي لو انه ولد جان اهون بس البنت مسِؤليه كبيره البنت تحتاج حق حنان الابو والله انه حنان الابو مايعوضه شي بدنيا
سالم:آآآآآخ لاتزيد همي والله مادري هل بنت شنو مصيره بس انشالله مانخليها تحتاج حق اي شي
عبد الرحمن :الله يخليك لها انت وعمامها وتربونها احسن تربيه
سالم:مشكور وماتقصر
طلال كان قاعد طول الوقت يفكر بكلام اخوه يوسف
لمن قاله (انت سندها بدنيا بعد عيني)
طلال:انا اوعدك ياخوي اني اكون سندها بدنيا وماخليها تحتاج حق احد
بعد 6 اشهر من وفات يوسف زهره كانت حالتها تقطع القلب لاأكل ولا نوم بس تبجي ونفسيتها وايد تعبانه
بوفهد:يابنيتي انتي مؤمنه وحرام الي قاعده اتسوينه
هشي مايرضي الله والحي ابقا من الميت
زهره وهيه مصدومه:يعني شنو الحي ابقا من الميت انت تدري يوسف شنو بنسبه لي يوسف الهوا الي اتنفسا انت تقدر اتعيش بدون نفس وتبجي
بوفهد:لاحول ولا قوة الا بالله يازهره اذا مو عشانج عشان هل يتيمه مو كافي انحرمت من ابوها
زهره اسمعت كلمت يتيمه وزاد البجي
ام فهد:زهره يعني لي صار فيج شي بترتاحين مافكرتي في بنتج منو بجابلها عمامها ولا عماتها
يايمه والله حرام الي قاعده اتسوينه بروحج قومي توضي وصليلج ركعتين وطلبيله الرحمه
بوفهد: اي وانا بوج يوسف الحين محتاج حق الدعاء مو البجي
زهره:انشالله يبه
وقامت توضت وصلت وتدعي ربها انها تقدر على تربيه لجين وماتخليها محتاجه شي
ثاني يوم الصبح
ام فهد تتكلم بتليفون:والله مادري شقولج البنت ماصار حق ريلها سنه انزوجها لالالا اشتبين اناس اتقول ماصدقو ريلها مات زوجوها احنه مو عيزانين عنها
وصرت التليفون وهيه معصبه
ام فهد صج ناس ماتستحي
بوفهد:ههههههههه منو الي مايستحي اشفيج اتكلمين روحج
ام فهد :هذي جارتنا ام حمد تبي زهره حق ولدها اتقول بنتكم خلصت العده ليش ماتزوجونها
بوفهد:اي والله وهيه صاجه وبعدين حمد مايعيبه شي ريال وكل يمدح فيه
ام فهد@@:انت من صجك تتكلم البنت ماصار على وفات ريلها سنه انزوجها ليش عيزانين عنها
بو فهد:لا محنه عيزانين عنها بس حنه لي مو دايمين لها مايندرا الله متى ياخذ امانته ماتقوليلي هل بنت اشلون بتعيش اذا صار فينا شي عز الله راح اتضيع
ام فهد:وليش اتضيع فهد وين راح
بوفهد:انشالله عبالج بخليها طول العمر بدون زواج لايبه البنت مردها لبيت ريلها والحي ابقا من الميت دقي على المره وتفقي معاها
ام فهد:انت حاس بلي تقوله توني اقولها مانزوجها والحين ادق اقولها تعالي اخذيها
بو فهد:اي عادي مافها شي واذا مستحي هانا اكلم بو حمد وهدها وطلع
ام فهد: والله لو زهره تدري بصير فها شي مالقى الا حمد من زينه ولا من زين اهله
ثاني يوم بغرفت زهره
طق طق طق
زهره:منو
بو فهد: انا يبه ابيج ابموضوع
زهره كانت تلعب مع لجين :تفضل يبه الباب مفتوح
دخل بوفهد وقعد على السرير
بوفهد:زهره انتي تدرين انه انا وامج مو دايمين لج
زهره:ليش اتققول جذي يبه الله يطول بعمرك انشالله
بو فهد:لا وانا بوج محد ضامن عمره وعشان جذي انا اتفقت مع بوحمد جارنه وتنهد
زهره:على شنو اتفقتو يبه
بوفهد:ملجتج يوم الخميس على حمد
زهره@@:ومن قال اني بتزوج انا خذيت نصيبي من ادنيا ماأتخيل نفسي مع ريال غير يوسف
بوفهد بعصبيه:والله تتخيلين ماتتخيلين انتي حره يوم الخميس ملجتج طلع وصكر الباب بكل قوته
زهره قامت تبجي ومو عارفه شتسوي
بعد ساعه دقت على سالم اخو يوسف
سالم:الووووو
زهرهوهيه تبجي:شلونك خالد
سال:ليش تبجين لجين فيها شي
زهره:لامافيها الا العافيه بس انا ابيك بموضوع يخصني
سالم:آمريني
زهرهقالت السالفه حق سالم وتضايق بالبدايه بس بعدين قالها
سالم:انا مابيدي شي وابوج ادرى بمصلحتج واذا تخافين ناخذ البنت منج فتطمني البنت انحرمت من ابوها ومستحيل احرمها من امها
زهره:بس انا ماقدر صعب والله صعب الله يخليك كلم ابوي امنع هزواج ابأي طريقه
سالم:والله مادري شقولج خليني افكر اليوم بحل وعطيج خبر
زهره :لاطول علي عفيه يوم الخميس الملجه
سالم:انشالله بس الحين هدي بالج ومايصير الا كل خير
صكر التليفون من زهره وقعد يفكر ليش مايتزوج زهره وخصوصن انه مو مرتاح مع زوجته وصابر عليها بس عشان عياله
وزهره بنت حلوه وخلوقه وكافي بنت اخوه بتكون تحت نضر عينه
سالم خل اشاور راشد اكيد بأيد رايي
ودق على راشد وقاله السالفه
راشد:انت صاحي ولا ينيت تاخذ مرت اخوك اشلون مافكرت بالحب الي كان بينهم مافكرت بيوسف الي كان روحه وحياته زهره اشلون تاخذ مكانه انا عندي غريب ياخذها ولا انت
سالم:بس ياخوي مو احسن من الغريب على الاقل لجين اتكون تحت عيني
راشد:ومرتك النسره مافكرت اذا عرفت شنو راح اتسوي
سالم :انا مالي شغل فيك باجر بروح اكلم ابوها ولي فيها فيها
ثاني يوم بدوانيه بوفهد
بوفهد مانطر لي يوم الخميس مثل ماقال حق زهره
ياب الملاج وملج عليها الانه كان خايف اتسوي بروحه شي او اتروح عند اهل يوسف
الملاج:الف مبروك منك المال ومنها العيال
حمد:الله يبارك فيك
بوفهد:الف مبروك ياولدي
حمد:الله يبارك فيك عمي
بوفهد:ماوصيك عليها هذي عين السيح خلها بعيونك
حمد:مايحتاي اتوصيني
ودخل عليهم سالم
سالم:السلام عليكم
الكل وعليكم السلام
بوفهد:هلا بوخالد حياك تفضل الحين اخليهم ايبولك لجين اتشوفها
سالم : لايا بو فهد انا ياي عشان موضوع ثاني
بوفهد:انت تامر بس خل اعرفك على حمد ريل زهره
سالم@@:زهره تزوجت
بو فهد: اي انا قلت زوجها احسن لي ولها انت عارف انا مو دايم لها والحي ابقى من الميت
سالم نزل راسه:اي صاج الف مبروك بس اشلون على البنت
حمد:البنت بعيوني وانشالله بتعيش مرتاحه عندي واذا حابين اتشوفونها ابأي وقت حياكم الله البيت بيتكم
سالم هدهم وقام طلع حتى ماقال مع السلامه
بو فهد:حمد روح ياولدي اخذ مرتك
حمد:انشالله عمي
راح حمد مع فهد عشان ياخذ زهره ووديها بيتهم
بس لمن دخل على الزهره شافها تبجي ولابسه اسود
حمد:سلام عليكم
ام فهد:وعليكم السلام الف مبروك يولدي
حمد: الله يبارك فيج عمتي
حمد يطالع زهره
حمد :زهره يالله قومي خل انروح بيتنا
اعرفكم على حمد33 سنه مطلق 3 مرات وماعنده عيال شراني ومايخاف من الله
انكمل
زهره قامت واهيه ميته من البجي
وراحو شقتهم واول ماوصلو ألتفتت زهره على حمد
زهره:اسمعني وحطني على بالك عدل انت ابغرفه وانا بغرفه والي بينه عقد زواج لاأكثر ولا اقل
حمد@@: اشقصدج
زهره:قصدي واضح مالك حق اتجيس اشعره من راسي انا مرت يوسف وبس
حمد عطا زهره كف محترم
وخلها ومشى
نهاية البارت
البارت الثالث
وراحو شقتهم واول ماوصلو ألتفتت زهره على حمد
زهره:اسمعني وحطني على بالك عدل انت ابغرفه وانا بغرفه والي بينه عقد زواج لاأكثر ولا اقل
حمد@@: اشقصدج
زهره:قصدي واضح مالك حق اتجيس اشعره من راسي انا مرت يوسف وبس
حمد عطا زهره كف محترم
وخلها ومشى
زهره ادخلت اول غرفه صادفتها وقفلت الباب وراحت على السرير لمت لجين حيل وقامت تبجي
زهره:يوسف شفت اشصار فيني ليش خلينتي
انا من بعدك مالي احد بدنيا يارب ياحبيبي اتوسل ايلك اخذ روحي ابي اموت مابي اعيش مع هل انسان اشلون اعيش مع واحد غير يوسف
لجين خافت من بجي امها الانه كانت تبجي وتصارخ وقامت تبجي معاها
زهره :بس ماما بس حبيبتي انا آسفه بس ماما
اووووووش وقامت اتقرا عليها قرآن عشان اتنام وتهادا ....نامت لجين على صدر امها .....بس زهره ماقدرت اتنام وضلت طول اليل اتفكر بمصيرها مع هل ريل وشلون راح تتعامل معاه وشلون راح يعامل لجين
هل راح يحبها ....ولا بطلع حرتها فيها وخصوصن انه زهره ماتبي يلمسها وضلت على هل حاله فكره اتوديها وفكره اتيبها ومانتبهت الا على صوت تطق الباب
طق طق طق
زهره :منو
حمد:انا حمد
زهره :خير
حمد:قومي تريقي انا يايبلج خوش ريوق
زهره:ومن قالك اني يوعانه
حمد:قومي اكلي انا يوعان حدي ومابي آكل ابروحي
زهره:وانا شكو فيك كليت ماكليت شي راجعلك
حمد:زهره بطلي الباب دام النفس طيبه عليج
زهره:مابي ابطل ولي ماطوله بيدك واصله بريلك
حمد:دام جذي انا اوريج يصير خير يازهره
زهره خافت انه يحط حرته ابنتها
زهره:خل اطلع احسن باجر يسوي شي ابنتي ذاك الوقت محد ينفعني
زهره بطلت الباب اشوي اشوي
حمد:هههههههههه حريم مايون الا بالعين الحمره
زهره قامت اتطالعه من طرف عينها:وين الريوقك الي ذبحتنا فيها
حمد:انتي قعدي وانا الحين ازهب كل شي مابي اتعب عروستي الحلوه
زهره:انا ماني عروست احد
حمدوهوه يبتسم:ميخالف راح اطوف هل مره بس انا متأكد مع الايام بتموتين فيني
زهره اطالعه واهيه منأرفه منه:وايد واثق
حمد:ومتأكد بعد
بيت سالم
اول شي بقولكم عن عايلة سالم
سالم متزوج من عشر سنوات وعنده 3صبيان وبنتين
خالد عمره 9 سنوات
خليفه عمره 8سنوات
خلف عمره 7سنوات
خلود عمرها 6سنوات
خوله عمرها 5 سنوات
امبرطورية حرف الخاء
وماشالله كلهم ورا بعض ماكو فجه
اما امهم عايشه اكبر من سالم ابسنه يعني عمرها 35 متكبره وشخصيتها وايد قوي وملسونه وتحب المشاكل (مادري شنو خلت بعد)
سالم كان قاعد يفكر بالفرصه الي ضاعت منه ولو كان ماخذ زهره حياته راح تتبدل على الاقل زهره بنت اصغر منه واحلى من عايشه بوايد وبنت هاديه وكانت اتعامل يوسف معامل وايد حلوه
عايشه:سالم اشفيك صارلك فتره مو على بعضك صاير شي انا ماعرفه
سالم :اي زهره تزوجت
عايشه @@:تزوجت منو وشلون ومتى
سالم:مادري كنت رايح بيت بوفهد بشوف لجين شفت الملاج وريلها
عايشه:الحمدالله وشكر هذي كانت تبي الفكه من اخوك حتى مانطرت سنه على وفاته تزوجت صج ماتستحي
وبعدين انت اشعلاقتك بالموضوع تزوجت ولا ضلت
سالم:انا قاعد افكر في بنت اخوي اشلون يربيها واح غريب (يرقع حق عمره الانه يخاف منها) وانا موجود
عايشه:نعم نعم ماسمعت انشالله بتيبها عندنا
سالم:مادري
عايشه:شنو ماتدري هذا الي كان ناقصني بنت زهرووو
سالم:هذي بنت اخوي
عايشه:واذا بنت اخوك امها موجوده والله خوش اهيه تتزوج وانا آخذ بنتها اربيها مو انا خدامه لك وحق بنتها وانا مادري وبعدين حتى لو امها ماتت انشالله هم ماتيبها عندي فاهم خل اخوانك الي يربونها او قطوها بدار الايتام ولا حق شنو سوو دار الايتام حق اشكالها
سالم:خافي ربج يامره هذي يتيمه ومايصير اتقولين عنها جذي
عايشه:اقول اتعرف تنطم ولا لاء غير شغله هذيج تتزوج واحنه نبتلش في بنتها
سالم:لاحول الله يني الحين الي سمعج يقول باجر بيبها
عايشه :جان طرتك من البيت انت معاها
سالم:صبرك يارب وطلع وهوه متضايق
عايشه:روحه بلا رده
عند زهره وحمد
حمد زهب الريوق وبس لمن راح الصاله مالقا زهره سمع صوتها بالغرفه اتكلم بنتها وراح لهم
حمد:الحلوه قامت
زهره :اي (وهيه تبدلها)
حمد:يالله عيل انا ناطركم بصاله لاطولون
زهره بنفسيه:انشالله
شوي وطلعت زهره ومعاها لجين
حمد:سنه مت من اليوع
زهره بصوت واطي:الله يسمع منك اتموت ونفتك منك
حمد:قلتي شي
زهره:لا قاعده العب معه لجين اشوف ريوقك الي ذبحتني فيه
حمد:والله خوش ريوق نخي وباجلا وجباتي وخبز ايراني
زهره:هذا خوش ريوق
حمد:عيل شتبين بوفيه وانا مادري اقول حمدي ربج على النعمه
زهره:الحمدالله وانا شقايله
في بيت بوفهد
ام فهد:حرام عليك ياريال ليش قطيت بنتك هل قطه
بوفهد:وانا شسويت هذا يزاي الي ابي لها استر
ام فهد:ومالقيت الا حمد
بوفهد اشفيه حمد ريال ونعم فيه
ام فهد :لامافي شي بس مطلق 3 مرات
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك