رواية كل يوم لك حال جديد يوم قريب ويوم بعيد -57
ياربي سهلها ان شاءالله....
وضحى تعبانة مرة وشكلها مايوحي ابدا بالخير؟
تنهد وغمض عيونه وهو يتذكر بداية حياته معها من ليلة الملكة الى قبل اللحظات اللي جابها فيها المستشفى...
الايام السعيدة اللي مرت عليهم...
سفراتهم...هواشهم...غيرتهم على بعض...حبهم لبعض...غيرة امه منها وتعامل وضحى البسيط معها بدون أي حساسية,,,
خلافاتهم الكثيرة واللي دايما تكون عن امها اذا التقوا مع بعض؟
تنهد وهو يذكر امها...اقول لها وضحى تعبانة تقولي لاطلعت من العرس بكلمها؟؟؟صدق ماكنتي تنلامين في كرهك لها ياوضحى ورفعة ضغطك بسبتها؟
مر على باله اليوم اللي كانوا راجعين فيه من شهر العسل يوم تلبس الثوب الازرق اللي كان شاريه لها من هناك,,,مر عليه الليلة اللي تهاوشوا فيها على الفلم اللي بيشاهدونه قبل اللي هي اختارته ولاهو اختاره,,,,وناموا بدون مايشاهدون واحد منهم,,,,
مر على باله فطور الصبح اذا جهزته له وراحت تنام وتركته يفطر بروحه قبل الدوام ويروح بعدها يطفي عليها المكيف ويشغل الانوار عقابا لها علشان ماتتركه بروحه,,,
مر على باله ريحة القهوة من فجر الله بايام الشتاء اذا جت تصحيه للدوام,,,
مر على باله عدد المرات اللي تزاعلوا مع بعض فيها وفي كل مرة يتزاعلون وتروح بيت اهلها يركب لها غرفتها ويراضيها...
ماكانوا يطولون بزعلهم..اصلا الزعل ماهو زعل عندهم الا عناد ومكابر وبسرعة يرضون...
مر على باله مجموعة الثياب القصير ة اللي اشتروها ذاك اليوم وقالت له انهم خاصيين جدا ومابتلبسهم الا اذا زعل منها علشان تراضيه فيهم,,,
كل بسمة مع بعض مرت على باله..كل ضحكة.,,كل هوشة ..كل كلمة...
معقولة ترجع له وضحى بعد مادخلت ها الغرفة ولاهو خوف متملكة من تعبها ولانها حالة اول مرة يمر فيها حاس انه فقدها ومابترجع وحاس بالخوف عليها؟ ؟
في سيارة فواز....
كان جالس جنبها والسايق قدام..
فواز بهمس وش فيه حبيبي ساكت؟
ماردت عليه...
تنهد وحط يده فوقها وقال باصرار اذا سافرنا بعطيك الوقت الكافي انك تكونين بعيدة عني وتختارين حياتك اللي انتي تقررينها صدقيني؟
مشاعل ابي اعرف لمتى كنت ناوي تكذب عليّ
تنهد وماقال شي..
قالت وهي تناظر بالنافذة لو ماكان راشد جا بذاك اليوم ماكان ضبط معك الموقف ..فماكنت راح تقولي صح؟
فواز ...
مشاعل بحسرة يعني عادي يمر الشهر والشهرين والثلاثة وانا بعدني مثل الاطرش بالزفة ومدري عنك؟
فواز لوميني...عاتبيني بقد مافيك...ادري اني استاهل اكثر..بس حبي لك كان اكبر من أي شي يامشاعل..
كان لازم انتي تصدقين لانك اقرب شخص لقلبي علشان الكل يصدق...لو عرفتي بيبان عليك الارتياح....
غمضت عيونها وماعلق بشي...
فواز وين تبيني احجز لشهر العسل؟
مشاعل بدون نفس مو فارقة عندي...ماراح اكون مبسوطة.
فواز مشاعلي...
مشاعل انت قلت بتتركني بروحي افكر على راحتي هناك وماراح تضغط علي باي شي....
تنهد وقال طبعا وانا عند كلمتي.....
بس ابيك تعرفين شي واحد....احبك وبظل طول عمري احبك يامشاعل وماراح افرط فيك يابنت الحربي....
ماتساويك كنوز العالم عندي مهما وصلت....
بغرفة نواف وياسمين..
نواف بارتياح والله صايرين مشعل وسعد حالات انقاذ لنا هنا مدري نتاْجرهم طول السنة ونرتاح من احمد؟
توها بترد عليه وبتقول وانت ليه ماتصير ابو مثل العالم والناس وتتقرب من ولدك بدل ماتحط بينك وبينه حواجز!!
بس مسكت حالها وسكتت لان الجو بينهم مقلوب اصلا...
صحيح هو اللي بدى بهوشته وشكه فيها وانفعاله بس يوم شافها عند البحر تبكي قلب مية وثمانين درجة وصار شخص لطيف معها ويدور بس رضاها....
بدلت ثيابها وغسلت وجت دخلت الفراش ومالقته قالت يمكن انه هنا ولاهنا وماشغلت بالها فيه...
تسندت على السرير وغمضت عيونها وبعد مضي اكثر من عشر دقايق سمعت حركة بالغرفة وفتحت عيونها وكان نواف دخل وقفل الباب...
شال شماغه وتقرب منها وعطاها كيس باسكن..
ناظرت فيه بدون ماتقول شي....
نواف قلت يمكن ماتعشيتي زين وتذكرت اني اكلت حقك اللي بالفريز...ويمكن يكون خاطرك تاكلينه خل اقوم اخذ لك واحد قبل يسكرون...
ياسمين
نواف تسند جنبها وفتح الاسكريم..وحط الملعقة فيه بياْكلها..
ياسمين بهدوء نواف..
نواف برواق هلا..
ياسمين وش الطاري؟
نواف بتهرب شنو؟
ياسمين يعني ليش قاعد تدلعني؟
نواف بتهرب ماادلعك من يقول؟
ياسمين ناظرته وهو مقرب منها الملعقة علشان تاكل..
وقالت بنرفزة ماابي....تدري ليش لانك حتى اذا جيت تصحح غلطتك تخربها زيادة؟
جت بتقوم بس يده مسكتها بقوة وسحبها عنده..
ياسمين بعناد اتركني...
نواف بهدوء وهو يناظر فيها تدرين ليش تطلقنا؟
ناظرته بدون ماتقول شي وخففت من سحبتها لنفسها ورضخت لمسكته..
كمل كلامه وهو يناظرها كانت تخوني.....
ياسمين بذهول شنو؟
نواف طبعا ماوصلت خيانتها الا للمكالمات بس!!!
كنت بالدوام ومكلم البيت اتطمن عليها وعلى خواتي من قبل لاتتزوج وضحى,,,,
وردت وانتهت مكالمتنا,,,
ماكان التلفون خاص فيني بروحي...
ورجعت مكتبي وجاني اللي معي بالمكتب قبل لااكون انا مديرهم ويكون لي مكتب خاص فيني...
والظاهر مفكر انه بيدق على بيته ودق على اعادة اخر رقم وردت هي..وهو كان مشيته مش ولابد وصار ياخذ ويعطي معها وهي متجاوبة معه بدون أي خجل ولاحيا وكان حاطه سبيكر علشان يسمعني انه بطل وانه بسرعة يشبك مع أي وحدة يكلمها...
كنت حاس اني بموت بمكاني منها ....
انتظرت كم يوم علشان ابريها ولاامسك عليها شي..
وظل كل يوم يكلمها وهي عطته رقم جوالها علشان تقدر تكلمه حتى اذا طلعت.....
واجهتها بالامر وانكرت بالبداية بس يوم سمعت التسجيلات اللي سجلتهم بينها وبينه حاولت تعتذر وتتاءسف بس ماعاد لها مكان بقلبي ..الحرمة اللي فكرت تكلم واحد يتحرش فيها بالتلفون واخذت وعطت معه ممكن يطلع منها أي شي..ومااستغرب حتى انها تطلع معه...تطلقنا وهي بعدها تبيني ارجعها وتقول انها نادمة...خلتني اكره كل البنات بظني ان البنات كلهم ممكن يكونون صورة سيئة مثلها...
من قبلها كنت كاره صورة الحريم من امي اللي بمجرد طلعت من العدة يوم ثاني تزوجت وتركتنا كلنا في بيت ابوي بدون حسيب ولارقيب...انا كنت اكبرهم وانا بثالث متوسط ووضحى بسادس ولؤلؤة برابع ابتدائي ...ماحسبت هذولا ممكن شيسوون ولاشنو بيعيشون..
صحيح عمي الله يخليه ماتركنا بس اني كرهتها وش اللي بيصير لو انك انتظرتي نكبر ولاحتى اقنعتي ها الزوج ان عيالك صغار وانك بتتركينهم معك لين يكبرون وبعدها يشوفون حياتهم؟
عرفتي ليه انا طلقت ريم وهل من المعقول بعد اللي سوته ممكن اردها ولالا؟
ياسمين بذهول واحمد...
نواف وهو يتنهد بعد ماطلقتها بكم يوم وصلني انها حامل وظلوا اهلها رايحين جاين علشان اردها...انكرت ان اللي ببطنها ولدي....هاذي صار ينخاف منها...
انتظروا لين ولدت وسوووا التحاليل اللازمة واتضح انه ولدي....
اول يوم كتبته باسمي وبس..مابعد شفته اربع سنوات لين يوم خطبتك وشرط عمي اني اجيبه معي...
ياسيمن تكرهه علشان امه؟
نواف .....
ياسمين بس هو ماله شغل؟
نواف هذا اللي صار...ماقدرت احبه وهي امه....
ياسمين بخوف نواف....باليوم اللي المفروض كانت ملكتنا فيه ليه ماجيبت؟
نواف تنهد وقال كانت ولادة احمد بذاك اليوم وضاقت فيني ارض الله ذاك اليوم وحسيت اني لو اخذتك بظلمك معي ماراح اكون فاضي لك وبتحسين انتي بالنقيصة ليش اني مابقعد معك ولااكلمك...اصلا انا ماكنت عايش بالدنيا ذيك الايام...كانت اصعب ايام علي...ماحولي احد...سر خبيته عندي ومحد عرف فيه ولاعنه ماكنت عارف شلون اتصرف ولا شسوي؟
نوف هذا احنا صرنا في بيتنا فينا نحكي؟
تركي وهو يشيل شماغه في شي؟
نوف قبل كل شي ليه ماجيت معنا ومشيت قبلنا؟ليه خليتني ارجع معهم!!!انا صايرة ثقيلة معك ولا..
قاطعها بحزم وقال كان عندي مشوار ضروري ولازم اقضيه...
نوف ...
تركي نامي..
نوف بصراحة بصراحة ياتركي....انت تكرهني؟
تركي بتنهيدة نامي يانوف...
تقربت منه وقالت بهمس تركي...انا مااقبل اعيش ها الوضع ابدا....يوم انك حسيت نفسك غلطان اصريت اني اسمعك وسمعتك..وانا قلت شي ويوم جيت ابرره لك مارضيت تاخذ مني أي شي...قولي وين العدل فيها؟
تركي بتنهيدة وهو يناظرها نوف..روحي ارتاحي؟
نوف بعناد خل الليلة تكون الفصل بينا؟
تركي بقلق شنو يعني الفصل؟
نوف بصرامة يانكمل ....يانوقف؟
ناظرها بدون مايقول شي....
نوف لايكون صدقت الكلمة اللي قلتها عن اخوك؟
تركي بانفعال لاطبعا وواثق تماما انه لابينك ولابينه أي شي....
نوف أي...بس ماتحس ان تصرفاتك ماتتناسب ابدا مع شعورك؟يعني انت مو مصدق وتصرفاتك تقول العكس؟
تركي بتعب نوف...
نوف ببكي لاني ماعندي احد قاعد تتعامل معي كذا!!لاني ماحولي احد ممكن ألجأ له غيرك قاعد تعيشني بها الجو الكريه؟
تركي بهدوء نوف...
نوف ببكي وانفعال اكثر أي هذا الواقع ياتركي....لو كان عندي احد ممكن ألجأ له ماكان وضعنا كذا وكل يوم بينا مشكلة ووجع راس واحنا تونا ببداية حياتنا!!!وين الحب اللي انت تتكلم عنه؟هذا هو؟ياليت ماتزوجنا وظليت تحبني بجنون مثل قبل ؟
مسكها من يدها وحضنها بقوة لصدره وقال بهمس مجنونة اذا تفكرين اني مااحبك يانوف..
نوف ببكي وشو تسمي اللي قاعد يصير بينا؟
تركي بهدوء قاعد ارتب حياتنا بدون الناس اللي توجع لنا راسنا وتدخلنا بمشاكل وزعل ياقلبي؟
نوف وش تقصد ياتركي؟
تركي بتعرفين...
ظل جالس على ها الكرسي اكثر من ثلاث ساعات كاملة من سمع عن خبر ولادتها وانها جابت بنت...
جته مثل الصدمة من ها الكلمة...
بنت!!بنت!!!
وين احلامه بانه اللي جاي وليد!!!ليش ماجابت وليد؟
استنى ياخالد...هي صار لها فترة كل يوم تقولك انها بتجيب بنت واختار اسم للبنت اللي بتجي وان وليد بيجي بالمرة الثانية ..بس ليش انت مااخذتها بجدية ؟؟؟
ليش اعتبرت الموضوع مزحة وماصدقتها!!
انا ماابي بنت ياوضحى ابي وليد؟بنتك هاذي خليها لك انا مابنيت احلامي وطموحاتي على ان اللي جاية لي بنت مو وليد؟؟؟
قام من كرسيه وطلع لبرى المستشفى بدون مايتخذ أي اجراء او يسوي أي شي..
يوم وصل لباب السيارة وفتحه ..رفع راسه ودق قلبه...
وضحى....ياترى وش صار فيها وهل هي بخير ولا ......
سكر باب السيارة وخوفه على وضحى كان اكبر من أي شي قرر يتطمن عليها من الاستقبال اللي فوق ويطلع بدون مايقابلها علشان لايضطر يشوف ها البنت ولاحتى يبارك لها لانه مايبي الا وليد؟؟؟
دخل المستشفى وراح فوق عند قسم تنويم النساء والولادة ..
خالد بغيت اسئل عن اسم وحدة ولدت قبل ثلاث ساعات تقريبا..
الممرضة منو؟
خالد وضحى.....وضحى عبدالرحمن
المرضة لحظة شوي........الاسم مو موجود؟
خالد بانزعاج شنو يعني مو موجود؟
الممرضة يمكن انها ماصعدت غرفة هنا لسه....انت كنت تحت وقالوا لك انها صعدت؟
خالد بخوف انا قالوا لي انها ولدت؟
الممرضة ولدت أي...بس ماصعدت...يمكن انها لسه تعبانة ولا بغرفة الولادة ولا فيها شي؟
خالد بخوف شنو....يعني ماولدت وخلاص؟
تنهد ومشى بخوف لتحت...
اشوفكم بكرة على خير ان شاءالله,,,
****
***
**
*
البارت 100 ,,,
**بسيارة فارس,,
نورة باعتراض فارس مايصير كل الناس نامت حبيبي واحنا لسه بالسيارة.؟
فارس بعيارة وهو ماسك يدها قوليها مرة ثانية؟
نورة بدلع وش اللي اقولها؟خاف ربك صار لنا فوق الساعتين جالسين بالسيارة لو تمر دورية اللحين اكيد بيمسكونا وبيشكون فينا!!!
فارس اذا بيخلونا نبات سوى خلهم يمسكونا؟
نورة فارس انت ملاحظ ان احنا ماعندنا سالفة وبس كذا جالسين نتعير على بعض؟
فارس برواق وانتي ليه شاغلة بالك يانوير خلنا نتعير وش ورانا؟
نورة بنرفزة اسمي نورة؟
فارس ضحك وقال يستفزها نوير..
نورة مو رادة عليك...
فارس لاتحاولين منتي معصبة مرة...
اول مرة شفتك تردين على سعد يوم يناديك بها الاسم كنتي مولعة وعجبتيني موت...
نورة ياسلاااام...
فارس باعجاب أي والله...
نورة صدق متفرغ...واذا تبي السلامة على عمرك لاتعيدها ثاني لاني مااحب ها الاسم...
فارس معناته اذا انتي رايقة مستقبلا وحبينا ننرفزك علطول نقول ها الاسم وتشبين فينا!!
نورة مو رادة عليك..
فارس ههه يكون ماعرفنا نقاط الضعف حقك للحين...
نورة اترك يدي لو سمحت بنزل بيتنا!!
فارس مو سامح وش بتسوين؟
نورة بصارخ بقوة..
فارس يعني بما ان احنا واقفين عند بيتكم مافي أي مشكلة لو صارختي لان امك وابوك يدرون انك معي وان احنا بالسيارة وشغالتكم مستحيل تقوم وراعي المشاكل سعيدان ماهو هنا؟
نورة ياربي على ها الرجال اللي مايخاف...اتركني بنزل نعست..
فارس بجدية نورة..
نورة هلا..
فارس بما ان فواز الحمدلله بخير وقادر يمشي وبكرة هم مسافرين ورى مانحدد عرسنا الشهر الجاي؟
ناظرت بالارض فترة طويلة,,,كل استفساراتها اللي كانت شاغلتها شافت اجوبتها منه بلحظات,,,
طيب وبعدين ياياسمين...وش راح يصير؟؟
بعد ها الاعترافات من نواف وش راح يصير بينكم!!!وش راح يكون موقفكم من بعض؟؟وليه هو اعترف اصلا!!!
رفعت راسها ولقته يناظر فيها بهدوء وبعيونه كلام كثير بس قال بهدوء مو مصدقتني!!
ياسمين بدفاع انا ماقلت شي؟
نواف اشوفك سكتي وماعلقتي بشي ابدا!!
ياسمين شتبيني اقول؟
نواف أي تعقيب...
ياسمين احمد...
نواف باستغراب احمد؟؟؟وش له بالاحداث يعني!!
ياسمين مدري...بس اذا ظل وضعك معه كذا بتخسره وبيضيع منك للابد يانواف...
احمد واقع...احمد شايل اسمك ومسؤل منك....ماهو ماديا بس..لا...انت مابينك وبينه أي كلمة غير السلام وصراخه عليك وخوفه منك وبس!!!
تنهد وماقال شي....
ياسمين نواف لاتعتبره تدخل مني بحياتكم انت وولدك..انا فعلا مالي شغل بس انا ابي له الزين..
انا عشت وانا محرومة من ابوي صحيح بس كانوا حواليني كثير عوضوني غيابه...
بس احمد معك ماهو محروم منك وماحوله احد يعوضه..واذا ظل مع مشعل وسعد راح فيها؟
مسك يدها بدون مايناظرها وقال ياسمين انتي تحبينه!!
ياسمين بصدق مافي شي يخليني اكرهه؟
نواف بثبات وعيونه بعيونها بس هو ولدي وانتي تكرهيني فيعني اكيد بتكرهينه؟
تنهدت وناظرته بنظرات تمنى انها تتشجع اكثر وتنطق اللي فيهم وتترجمهم لكلام منطوق بس انها سكتت...
نواف شد على يدها اكثر وقال بتشجيع صح ولاانا غلطان!!
ياسمين بتحدي انت تكرهني!!
انقلب السحر على الساحر وهو اللي ظل محتار وماهو عارف شيجاوبها فيه وكانه بلجنة امتحان صعب...
الاجابة كانت جاهزة على طرف لسانه..اي احبك...بس كبرياء نواف يظل كبرياء نواف ومايتغير ولابيتغير حتى رغم اعترافاته لها,,ظل ساكت وهي ظلت ساكتة,,,,
وكل واحد فيهم معتبر انه الطرف الثاني هو اللي لازم يبتدي بالتصريح عن مشاعره ومن كثر عنادهم ومكابرهم ابتسموا لبعض بدون مايقولون شي؟
كانت يده تلعب بشعرها وهي بحضنه,,
تركي بهمس قولي شي ليه ساكتة؟
نوف غمضت عيونها وقالت بهمس ماابي اقول شي..
تركي ليه!!!
نوف شايف وش صاير بحياتنا كل يوم سالفة وزعلانين من بعض ومدري شنو؟
تركي بحب اوعدك ان احنا نكون احلى اثنين وش تبين بعد؟؟
نوف بدلع وهي تضحك حدد وين احلى اثنين بالضبط؟ بالشرقية ولاالسعودية ولاالعالم!!!
نزل راسه لمستواها وصاروا قبال بعض وقال لها بحب كبير وهو يهمس بقلب تركي...
نوف بحب وهمس وماراح اكون الا انا فيه؟
تركي بهمس مستحيل تسكنه غيرك؟
نوف توعدني؟
تركي ظل يناظرها بحب بدون مايقول أي شي...
نوف بتكرار سئلتك ياتركي...توعدني مايكون في قلبك الا انا!!
تركي لامااوعدك؟
جت بتقوم كااعتراض على كلامه ومسك راسها بيدينه وبعدهم لازقين ببعض..
تركي على هونك وين بتقومين...
نوف باعتراض تقول ماراح اكون بقلبك لحالي!!
تركي أي طبعا بيشيل قلبي غيرك...بيشيل عبدالرحمن ومحمد ولاتبين عيالي منو يحبهم ان شاءالله؟
نوف اذا بتحب حصة مو مشكلة بس عبدالرحمن ولامحمد لا..
تركي أي حصة؟
نوف بضحكة حصة بنتنا....
تركي ومنو قرر يسميها حصة ان شاءالله؟
نوف انا!!
تركي ليه؟
نوف على اسم عمتها وين المشكلة؟
تركي المشكلة ان ابوها ماعنده خبر فما هو موافق!!
نوف أي اذا وصلت يصير خير اذا اعترضت؟
في المستشفى,,
خالد بخوف شنو يعني انا ..
الدكتورة وضع طبيعي ومايخوف..
ارتفع الضغط عندها وهي تحت الملاحظة...
خالد ومتى بتودوها غرفتها؟
الدكتورة بس يستقر وضعها؟
خالد وكل شي تمام بس الضغط اللي مرتفع انتي متاْكدة؟
الدكتورة فيك تدخل تشوفها اذا بدك؟
خالد مارد عليها ودخل على الغرفة اللي اشرت عليها..
وكانت وضحى نايمة والتعب مبين عليها...
جلس وقت طويل بدون مايقول أي شي وبعدها قام وطلع يكمل الاجراءات اللي تركهم وكان ناوي يطلع عنهم,,,,
شربت المويه اللي كانت متحججة فيهم انها نازلة تشربهم!!
فواز بهمس من وراها شربتي المويه وبعد!!
مشاعل لفت له وقالت باعتراض ماابي انام في الغرفة؟
فواز ليه؟
مشاعل ماابي كرهت ها الغرفة وماابي حتى ادخلها؟
فواز تنهد بتعب وقال طب وين بتنامين؟
مشاعل انت روح نام وراك حارق دمك عليّ انا بدبر اموري....
فواز مشاعل...مسويتني بزر وراك ادور من مكان لمكان...يالله عاد استقري ماصارت ..وراك بكرة سفر وتعب الرحلة طويلة وابيك ترتاحين هنا علشان لاتتعبين بكرة؟
مشاعل انت قلت بتتركني بروحي؟
تقرب منها وحضنها بيده وقال بهمس هناك بتركك بروحك..هني لامو تاركك بروحك؟
مشاعل وش الفرق؟
فواز الفرق ان عطرك الليلة حلو وابي انام جنبك علشان اظل اشمه طول الليل؟
مشاعل بسرعة خلاص بروح احط غيره علشان لات..
رد بسرعة وهو يضحك أي هاذي مشاعل الشريرة اللي اعرفها....
استحت وناظرت بالارض ومشاها معه وطلعوا الغرفة,,,, ,,,,,
ام تركي عبدالله
لف لها وظل ساكت,,,
ام تركي بحنان شفيك يمه...
عبدالله بتنهيدة ولاشي...
ام تركي متضايق علشانها...
عبدالله بتنهيدة تعب متضايق على قلبي اللي حبها ومو راضي يصدق فيها..
ام تركي ادري يمه انك انصدمت بس صدقني انتوا مو مناسبين لبعض...وكذا اريح لبالك يمه....
عبدالله عارف يمه عارف...اساسا محد جبرني اطلقها منكم وانا طلقتها بارادتي....
ام تركي طيب ليه مكدر خاطرك..
عبدالله يمه لاتحاتين هي فترة وبتعدي ان شاءالله...تنهد وكمل وبشيلها وبشيل كل ذكرياتها من بالي وببتدي حياة صافية عنها..
ام تركي أي هذا عين العقل يمه... شفت يوم تجي تتبلى عليك؟؟هذا وانت تحبها وهي المفروض تكون تحبك؟بس شنقول يمه...الله يعطيك على قد نيتك ويريح بالك ويسعدك ان شاءالله....
عبدالله أي يمه كثري منها...
ام تركي كلمك اخوك تركي..
عبدالله أي..
ام تركي طب انت وشرايك...
عبدالله مدري..
ام تركي انا معه يمه...سافر لك اسبوع ولااسبوعين غير فيهم جو وانسى كل شي وارجع وانت فاتح صفحة جديدة...
عبدالله يصير خير ان شاءالله....
صباح اليوم الثاني,,,,
مشعل احلى شي بالدنيا ان بكرة العيد
احمد علشان نجيب فلوس كثير..
نواف أي هذا اللي هامكم بس تجميع الفلوس...
سعد بالله اذا ما الواحد جمع فلوس وش له عايش من الاساس؟
مشعل انا معك اصلا الدنيا بغير فلوس مالها معنى؟
نواف ماشاءالله هذا وانتوا بعدكم بمتوسط شلون تكبرون شويتين بعد وتصيرون تشتغلون؟
مشعل انا وظيفة باقل من عشرين الف ريال مو متوظف؟
سعد وانا كذلك..ومن شروطها اني اداوم على كيفي باي وقت واكون مدير ولي تذاكر اسافر أي مكان و..
نواف اقول احمد يابابا روح شوف ياسمين ليه طولت ...
احمد ليه بابا وين بنروح؟
نواف وين تتوقع بنروح؟
احمد مدري..
نواف بنروح لعمة وضحى نزورها؟
مشعل وسعد بصوت واحد ولدت؟
نواف بفرح أي..البارح جابت بنت..
مشعل بحسرة خسارة..
سعد بحسرة اكبر راحت علينا نروح معهم المستشفى؟
نواف بذهول تروحون شتسوون ان شا ءالله؟
مشعل نلعب باعصاب خالد علشان يعطينا ...كل شوي ونقوله بس تولد عليك عشى..وبس تولد عليك خمس مية وبس تولد تودينا وتجيبنا وتعطينا...وهو بيكون خايف ورايح فيها من الخوف فعلطول بيوافق على كل طلباتنا؟
سعد اقول نواف متى بتحمل ياسمين؟
نواف علشان تنظمون اموركم من اللحين للنصب والاستغلال؟
فواز نروح المستشفى اول ولابيتكم اول قبل المطار؟
مشاعل وليه المستشفى بعد!!ماخبري اذا لك موعد تاخذني معك؟
فواز بنروح لخالد ومرته؟
مشاعل فزت لاتقول وضحى ولدت؟
فواز بلى....
مشاعل وكيف انت تدري وانا اللي خالد خالي ماادري؟
فواز اسم الله علي...مو حضرتك كنتي تتحممين يوم يتصل خالد فيك ومارديتي عليه فااتصل فيني وبلغني وانا قلت له اني ببلغك....
مشاعل وش ها الحظ...بسافر ووضحى ولدت وبكرة العيد؟
فواز بهمس لاتخافين مابتروح عليك العيدية؟
مشاعل بحلطمة شلون مابتروح؟هناك انا وانت بس!!هني كلهم بينسون اني موجودة..الواحد قدامهم وهم يسوون مايشوفونه كيف بعد يسافر يخسر؟
فواز يبى والله بعطيك ضعف المبلغ اللي انتي تاخذينه كل سنة؟
مشاعل بخبث أي بس انا كل سنة مبلغي يكبر اكبر من السنة اللي قبل..
ابتسم فواز لانها بدت تروق شوي وتاخذ وتعطي معه...
مشاعل بجدية فواز...
فواز هلا..
مشاعل وين بنسافر؟
فواز بتشوفين لارحنا المطار...
يالله لانتاْخر ولاواحد من المشاوير مابتشوفينهم...
في المستشفى...
دخل بعد تردد كبير من انه يشوف البنت معها بس قلبه كان عليها وكان لازم يشوفها ويتطمن انها بخير,,,,
يوم سمعت صوت خطواته دق قلبها ولفت له بهدوء والتعب باين عليها..
تقرب منها وباسها على جبينها...
خالد بهمس الحمدلله على سلامتك..
وضحى بتعب الله يسلمك..
خالد شلونك الحين..
وضحى الحمدلله..كل اللي يجي من رب العالمين خير,,,
خالد ماعليك باس ان شاءالله....
ظل الصمت ثالثهم بعد ها الكلمة لفترة دامت اكثر من ربع ساعة...
وضحى بخوف شفتها؟
خالد بلا مبالاة كان الاهم عندي اني اتطمن عليك انتي..
وضحى بتعب انت ماتبي تشوفها صح؟
خالد بنرفزة وضحى وش له ها الكلام عاد؟
وضحى تنهدت وماقالت شي....
خالد اجيب لك شي تاكلينه..
وضحى بدون نفس لا....
خالد مايصير انتي تعبانة والدكتورة تقول لازم تاكلين علشان تطيبين....
وضحى كلمت نواف ياخالد..
خالد كلمتهم كلهم وكلهم يسلمون عليك...
وضحى هي بخير..
خالد ........
وضحى ابي اشوفها ياخالد انا ماشفتها...
اشوفكم بكرة على خير ان شاءالله
****
***
**
*
البارت المئه وواحد ,,,,,
مشاعل ياربي والله تشبهني....
سعد وخري اقول وخري قالت تشبهها؟من وين بيجي الشبه انتي مع وجهك؟
مشاعل لاتنسى يالذكي ان امي وابوها اخوان فااكيد بنكون نتشابه!!
مشعل اذكري الله يابنت الحربي تبين البنت تكون تشبهك علشان العالم يروح فيها؟
فواز ببتسامة أي والله تكفينا وحدة مشاعل مانقدر يكونون ثنتين يعورني قلبي بعدين؟
سعد هو انا ماقصدت كذا بس يالله مابفشلكم والليلة عيد؟
مشعل اقول مشاعلوا...العيد بكرة كيف بيكون وانتي مو هنا؟
مشاعل بحزن قوله والله عجزت وانا اوصف شعوري وهو مو فاهمني؟
خالد الحمدلله والشكر..
ابتسم له فواز..
خالد والله هو الخسران النصبة بتصير فوق راسه؟
فواز راضي فيها...
مشعل ودني معكم اجل...
فواز وخالد ههههههه
مشاعل عطني اياها ياخالد ..
خالد وين بتوديها...
مشاعل بخليها تسافر معنا...
سعد ماعندها جواز..
فواز خالد ارحم الصغيرة وشيلها عطها امها ...مو لانها ماتشوفهم تاركهم على راحتهم...
سعد باعتراض لالالا...احنا اهلها بعد!
فواز طب خلوها ترتاح انتوا مو تاركينها اللي يشوفكم يقول اول مرة بحياتكم تشوفون بيبي...
مشعل وسعد بصوت واحد واحنا اول مرة نشوف صدق!!
فواز بجدية شيلها ياخالد شيلها....وانتي يالله مشينا ترى بنتاءخر...
مشعل بنحاسة لاتوها وقت جلسوا تضيفوا وخذوا حلاوة السلامة وعطونا العيدية وبعدها امشوا!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك