رواية كل يوم لك حال جديد يوم قريب ويوم بعيد -52
كانت واقفة بروحها بالمطبخ,,,
ماتدري شلون طلعت منها ها الكلمة,,,,ولاليش قالتها,,,
كل اللي تعرفه انها كانت بقمة قهر وبقمة انفجارات,,وان راشد له دور بالحادث ويوم شافته حست انها تبي تقهره,,,,,
رجعها للواقع صوت تكرهها كان يكلمها ولفت بسرعة وعدلت لثامها..
راشد وهو متسند عند الباب تكذبين صح؟
مشاعل نعم...
راشد سمعتيني؟
مشاعل لاماسمعتك ولاادري وش عنه تتكلم بعد!!!
راشد بحدة بس بصوت واطي فواز مادخل عليك...
مشاعل يكذب عليك......
راشد .........
مشاعل سئلته وقال لك لا....معناته يكذب عليك يابابا....
راشد بنرفزة لاتلعبين معي لعبة اعصاب يابنت الحربي...
مشاعل بثقة اسمي حرم فواز السديري واذا ماتبي فا من اليوم تقدر تناديني ام محمد عادي ماعندي أي مشكلة...
راشد لاوالله...
مشاعل تهقى انه بيقول لك اني حامل وهو داري انك ناوي له نية شينة؟
راشد انتي شقاعدة تخربطين...انا عمه يابابا اصحي؟
مشاعل واذا كنت...تظل بعيد عنه بكل شي.....حبيبي روح لغيري انا عارفتك زين وعارفة نواياك....وعارفة وش سبب الحادث ليلة العرس انت بس اصبر؟
راشد بعصبية خير ان شاءالله وش اللي عارفته بعد..
مشاعل لاترفع صوتك عليّ وانت في بيتي....
راشد بنفس اللهجة قولي اللي عندك خليني اسمع...اخر زمن حرمة بتفرق بيني وبين ولد اخوي؟
مشاعل بشماتة مقدر عليك ياالحنون انا!!!
تقربت رغد من الباب ووراها فواز بكرسيه..
فواز وش صاير؟
راشد بنرفزة شوف مرتك وشلون تراعي ضيوفك يافواز...والنعم والله؟
مشاعل شدعوة ياراشد منت ضيف انت راعي البيت ونفسنا كلنا وحدة على مااعتقد,,,
سكت راشد وماعلق وكانت رغد تتفحص شكل مشاعل وبس...
مشاعل قالت وهي تناظر فواز يالله نروح داخل مو حلو نوقف بالمطبخ,,,,,
راشد انا طالع يافواز...
فواز وش عندك؟لايكون مشاعل زعلتك بشي...
مشاعل بحدة لاتطمن يافواز ام محمد ماتزعل ضيوفك فمابالك بااهلك اكيد بتحطهم فوق راسك..
راشد بحدة وهو يناظرها بدق لك واتفاهم معك لان مزاجي قلب يافواز...يالله يارغد مشينا....
طلعوا وراح فواز للمجلس اللي يقعد فيه بدون مايقول ولاكلمة ولحقته مشاعل بسرعة ,,
بعدت نفسها عنه وهي انفاسها تتلاحق..
فارس باعتراض نورة..
نورة وهي تستجمع نفسها منه,,, فارس خلاص قوم؟
فارس باعتراض اكبر لاماهو بكيفك انا مو قايم..
نورة أي بس يافارس ..
فارس شنو؟
نورة تنفست بقوة وماقالت أي شي...
حط يده عليها يقربها منه من جديد وسط اعتراضها..
نورة بهمس فارس...
فارس بهمس اكبر وهو حاضنها من ورى حبيبي..
نورة لا
فارس ليه...
نورة ..........
فارس ماتحبيني!!
نورة ماله شغل بالحب؟
فارس بلى ....تحبيني ولالا؟
نورة احبك...
فارس خلاص اجل اتركيني على راحتي...
نورة ماابيك تتهور..
فارس بلهفة واذا تهورت انتي زوجتي وانا محروم منك,,,,
نورة اخوي بالبيت وابوي وامي بعد افرض احد منهم قال بيمرنا ..ترى الباب مو مقفل...
فارس أي واذا كان يعني نقفل الباب اذا هذا اللي مخوفك؟
نورة لا..
فارس نورة لاتضيعين علينا الوقت...
نورة فكني بقوم..
فارس تقومين من حضن فارس وين تروحين؟؟
كان حاضنها من ورى وهي جالسة بحضنه ويوم قال لها لفت له وحضنته وحطت يدينها على رقبته وقالت له بهمس مو مجنونة اقوم من حضن فارس بس اللي نسويه غلط ياعمري...
فارس اشششششش
نورة تنهدت وهي بعدها بحضنه ويده تلعب بشعرها...
فارس نورة..
نورة اممم
فارس غيرت رايي...
نورة عن شنو؟
فارس ماابي ااْجل العرس؟
بعدت عنه وقالت وهي تناظره شنو يعني مابتاْجل العرس؟توك مكلم ابوي قبل نص ساعة؟
فارس بمسكنة غيرت راايي..
نورة أي...
فارس بشغف احبك وانتي حارمتني قربك واذا تاءجل زواجنا بظل محروم فترة طويلة فخلينا نتزوج اريح لنا...
نورة فارس اذا بتظل كذا مجنون ومتهور ماحنلتقي اصلا بنظل نكلم بعض بالتلفون وبس...
بعدها عن حضنه شوي وقال لها بتحدي وهو يهمس لها يالله بعدي ووريني اذا قدرتي...ترى محد متهور غيرك بالسالفة؟
اخذته بحضنها بقوة وقالت له مقدر ابعد لو اقدر بعدت....
لف يدينه حولها يكمل ضمها لصدره هو بعد وكاْنه يبعد فكرة انها تقوم من حضنه اصلا!!!
كانوا يتمشون بالكورنيش....
تركي باعتراض والله نرجع البيت احسن؟
نوف ليه؟
تركي تعرفيني مااحب الاماكن العامة؟
نوف ياسلااام...وشونو بنسوي بالبيت بالله؟
تركي نقعد انا وانتي!!
نوف أي نقعد...
تركي كاْنه مو عاجبك ان احنا نقعد....
نوف خل نسولف هنا افضل....
تركي نوف...وش اللي مو عاجبك فيني!!
ناظرت فيه وظلت تتاْمله لثواني وبعدها قالت يصير نتكلم بصراحة مع بعض؟
تركي بثقة انا مافتحت الموضوع الا لاني ابي اتكلم معك بصراحة..
نوف بخبث أي بس انا اذا تكلمت بصراحة مااستحي وافلها فل يعني عادي من كثر انفعالي بالموضوع احضنك واحنا نمشي؟
تركي بتهديد علشان اذبحك لو تسوينها بالشارع وقدام الناس؟
نوف هههههه
تركي لا بجد خلنا نصفي اللي عندنا علشان نرتاح انا اعرف وش اللي مو عاجبك ولااللي مضايقك وانتي تعرفين وش اللي مااحبه؟
نوف بتفكير تركي...مافي شي فيك مايعجبني كامل والكامل الله....كلك على بعضك تجنن...بس فيك بعض الحركات اللي تضايقني لمى تجي تعطيني فوق حقي قدام أي احد احس انهم بيكرهوني بيوم من الايام على كثر ماتدافع عني وماترضى علي...يعني لو تخف شوي بكون مرتاحة اكثر...ادري انه من حبك لي بس معليش انا عارفة حبك لي بس خف شوي بعدين يضربوني بعيون...
ابتسم لها وقال طب ولايهمك بخليهم يدفنونك وانا مابحرك ساكن اذا كان هذا اللي تبينه؟
نوف باعتراض لاعاد مو لذي الدرجة تصير تمثال وماتحرك ساكن لو تكلموا فيني قلنا خفف ماقلنا تبراْ نهائيا؟
تركي أي....
نوف طب قول انت وش اللي مضايقك؟
تركي انك ماتغطين وجهك....
ناظرته نوف وقالت أي بس انا طول عمري وانا مااغطي وجهي ...انا كنت متربية معكم من وانا صغيرة ومحد فيكم قال لي غطي وجهك ..وانت تعرف ها الشي ليش اللحين ضايقك؟
تركي كان مضايقني من زمان بس ماكنت اقدر اتكلم..
نوف ليه؟
تركي بهيام لاني كنت ابي اشوفك علطول.....
نوف بخبث ويوم صرت لك ..خلاص اغطي اللحين؟
تركي لايانوف هذا الشي راجع لك انتي انا اخذتك وانا عارف انك ماتغطين وجهك وراضي بها الشي بعد بس حبيت اقولك عنه بس مايعني ها الشي اني زعلان ولامتضايق بس اني مااحب اطلع أي مكان واشوف احد يناظرك احس اني على اعصابي.....
نوف بس معنى كلامك اني اغطي وجهي...
تركي قلت لك مضايقني بس ماقلت لك انه فرض عليك ولاواجب انك تغطين وجهك...
سكتوا ثواني وبعدها تنهدت وقالت تركي.....من زمان وانا اكشف ويمكن يكون صعب اني اغطيه بين يوم وليلة بس اوعدك اني اتغير ...يعني يمكن تشوفني غطيت مرة وحدة...
سكت وماعلق..
نوف بمرح يعني هو يعتمد على نوع المغريات اللي تقدمها لي...
تركي مافيها مغريات اصلا لاني قلت لك هذا مو فرض افرضه عليك هاذي حريتك انتي!!
نوف بخيبة امل ول ..مااحبك اذا صرت صريح كذا ,,,
وضحى بارتياح بعد يومين بنستقر في بيتنا....
خالد وهو يحط راسها على رجله ويلعب بشعرها أي ...يعني انتي اللحين مو مرتاحة؟
وضحى لاخالد مو هذا القصد...بس اكيد ان احنا نبي ناخذ راحتنا وهم يبون ياخذون راحتهم..
خالد تدرين ليه ابي نطلع من هنا..
وضحى وهي تغمض عيونها ليه..
خالد بهمس علشان تلبسين لي على راحتنا..بدون قيود..
ابتسمت له وهي مغمضة وهو يناظرها وقالت له لاتحلم وااجد...
خالد باعتراض ليه..؟؟
وضحى حطت يدها على بطنها وهذا....
خالد وش باقي وتولدين...ماباقي كثير..
وضحى أي...واذا ولدت وين بيكون هذا مو بالنص؟
خالد لا...بالنهار بيكون معنا وبنحبه بس بالليل بنعطيه منوم ومانبي نسمع صوته ليوم ثاني..
ماتت عليه من الضحك وضحك معها..
وضحى شوف الشراني...خوش ابو والله..
خالد أي وانا الصادق...مو احسن من نجيب له شغالة ونتركه معها ماندري وش تسوي فيه؟
وضحى ليش وانت فرقت عن الشغالة بشي اللحين ..مانفس الحالة ونفس الحل بعد!!هي بعد تبي تنام وماتبي تسمع صوته...
خالد خلاص اجل نرميه على ذولاك المراهقين..
وضحى منو؟
خالد وهو يضحك اللي صدناهم اليوم من غيرهم...
وضحى وهي تضحك تقصد نواف وياسمين....لاحبيبي ان راح مع نواف جاني يوم ثاني وعنده صدمة واحتمال مايبكي اصلا...اخوي واعرفه زين مايتحمل صوت العيال وبكيهم هو ولده كبير وهو مايتحمله تبي ها الساع يتحمل ولدي....
خالد احس ان حياتي بتتغير....مدري كيف بصير ابو...احساس غريب..
وضحى بتحب اللي بيجينا ياخالد؟
خالد طبعا..هذا وليد ياوضحى..وليد..
وضحى وغير وليد بتحب ياخالد ..
خالد خلينا اول نشوف وليد وش بيسوي بحياتنا بعدين نشوف اذا جانا غير وليد نحبه ولالا...
جلست على الارض قباله وفكت شيلتها وقربت خدها له...
فواز بدهشة شنو؟
مشاعل اضربني...عطني كف...طلع قهرك ماراح اقولك لا..هذا حقك؟
قرب يده منها ولامست خدها بحنان
تقرب منها شوي شوي وباسها على خدها وهاذي اول مرة يسويها من تزوجوا ..
غمضت عيونها وهو يبوسها وظلت مغمضتها...
كان مقابلها ويوم ابتعد قالت له بهمس قولي انه حلم!!!قول انك مابستني يافواز....
رجع حط يده على خدها يلامسها بشغف وهو يناظر فيها بدون مايتكلم....
مشاعل باعتذار انا اسفة...والله مدري شلون طلعت معي الكلمة بس حسيت اني مقهورة من رويشد وانا ابصم لك انه سبب الحادث بس انت ماتبي تقولي!!
ابتسم لها وماعلق بشي..
مشاعل بحزن تضايقت مني!!!
فواز لا..
مشاعل اكيد...
فواز شوفي مشاعل لو كنت تضايقت ماكنتي هميتيني وقلت قدامهم انك كذابة ...
مشاعل طب وليه سكت....
فواز مدري......
قالها وبعدين شرد شوي وتنهد وبعد يده عن خدها....
مشاعل بخوف شفيك؟
فواز بالم ليه جبتي سيرة الحمل عاد يامشاعل وانتي عارفة ان..........
غمض عيونه وماكمل كلامه...
غيرت الموضوع بسرعة قبل تنزل دموعها راشد سبب الحادث صح؟
فواز
مشاعل انت ماعندك ثقة فيني!!
فواز انا ماقلت كذا؟؟؟
مشاعل ليه ماتبي تقولي؟
فواز راشد ولاغيره بياخذ جزاءه بالوقت المناسب صدقيني...
مشاعل بالم وتعب لمتى عاد.....لين تنهار باقي حياتنا يافواز..
مسك يدها وقال مشاعل هذا الشي مو هين واذا كان راشد سبب الحادث فتاْكدي انه مو سهل علي ارميه بالسجن يظل هذا عمي وانا معه شايلين نفس الاسم...
مشاعل وطب وليه هو مافكر مثل منت تفكر يوم يخطط لها الحادث يافواز؟
فواز انا ماعلي من نيته...انا تربيتي تقول اني امشي معه لنهاية الخط علشان اكون عطيته كل الفرص اللي المفروض اني اعطيها اياه....
مشاعل بمرارة وحياتنا انا وانت اللي قاعدة تنهار ماهي نهاية المطاف يافواز؟
تنهد ومارد عليها وفضلت انها تسكت يكفي المعاناة اللي قاعد يعانيها ماتبي تزيد عليه شي خلاص مهما كان,,,
كانوا بالسيارة بروحهم بعد ماطلع عيونهم احمد بالبكي علشان ينام مع العم مشعل وبالواسطات يالله رضى نواف يتركه ينام رغم انه كان مرتاح داخليا علشان ينفرد بياسمين بروحه الليلة,,
ظلوا طول الطريق ساكتين وياسمين مقهورة منه وماتبي ترد معه بس ماباليد حيلة سوت روحها هي بعد تبي تنام مثل احمد بالعيارة بس مامشت مع احد واضطرت تمشي مع نواف اللي صارت تعيد وتزيد في رفضها انها تمشي معه بس مامنه أي استجابة كان حاقرها حييل..
وصلوا البيت ودخل السيارة بالكراج وطفى السيارة علشان ينزلون بس هي ظلت بمكانها وماتحركت بالعكس تسندت على كرسيها..
نواف وهو يناظرها وصلنا..
ياسمين وهي تناظر بالنافذة عارفة..
نواف طب قومي نزلي..
ياسمين ومن قال اني ابي انزل معك عاد؟
نواف بنرفزة لاوالله...
ياسمين بانفعال بيت وطته هي برجلها لاتحلم اني ادخله!!!
تنهد وقال لها نزلي خل نتفاهم..
ياسمين ماابي انزل ولاابي اتفاهم...مرتك مدري طليقتك مدري وش تصير لك مايهمني وش اللي بيصير بينكم اللحين بس بيت هي دخلته قلت لك ماابي اسكن معها فيه؟
نواف بحدة وانا قلت لك عاد اني رجعتها علشان تقولين لي ماابي اسكن معها فيه؟
ياسمين مايحتاج تقولي انك رجعتها لان الباين انها رجعت خلاص....
نواف طب قومي نتفاهم داخل...
ياسمين بعناد ماابي...
نواف أي......
ياسمين خلني اروح عند اهلي...ياربي انت ليش تحب العناد كذا....
نواف شوفي يابنت الناس اذا انتي عنيدة مرة فيكون بعلمك بس انا راسي يابس واعند منك بعشرين الف مرة...سمعتيني؟
ياسمين بعناد لاماسمعت....ونزلة مو نازلة؟
مسكها من كتفها بقوة وقال بحدة خوفتها ويكون يعني مااقدر انزلك بالقوة,,
ماقالت شي ولاحتى اعترضت بس ظلت تناظره وها الشي تعبها وزاد عصبيتها انها سكتت وقال بشراسة اكبر انا محد يمشيني على كيفه سمعتي...وبتنزلين وغصبا عنك....
فتحت الباب باليد الثانية وتركها وهو متنرفز ونزلت ونزل وراها,,,,
بغرفة عبدالله ..
كان جالس وعبير بحضنه..
عبير برواق زين اللي فضيت نفسك لخطيبتك شوي...
عبدالله وش دعوة عاد يالغالية..
عبير اسئل نفسك كم صار لك تاركني ومفضي حالك لغيري؟
عبدالله حبيبي اختي صاير لها حادث واكيد بنشغل معها ....
عبير بهمس ماقلت لك لا..بس بعد لي حق عليك ولا مالي حق!!
عبدالله وهو يضمها اكثر واكثر لك حق طبعا ....بس والله انك بالقلب..
عبير سندت راسها على حضنه اكثر اصلا كلنا لاهي ياقلبي ومحد محترق غيرك....تركي لاهي مع نوف ولاهو حارق دمه..حصة يوم تمر على اختها وعشرة لا..وامك تروح علشان تلتقي بام سالم هناك ويضربونها سوالف وابوك بعد ومشاعل واللي هي مشاعل صاحبة القضية سوالف وضحك ووناسة مع بنات خالاتها...انا احترق دمي عدل يوم شفت الوضع كذا,,,ماغيرك ماْزم نفسيته ومتعب حاله وهم ولالهم بال يحزنون اصلا,,,,
سكت عبدالله وماعلق بشي...
عبير انا اللي يقهرني مشاعل اذا جت تدعي دور البراءة قدامكم وتسوي انها مسكينة ومالها خلق شي...يااخي اللي يشوفك مع بنات خالاتك مايقول ان اللي صار له الحادث زوجك يقول مايقرب لك..وسبحان الله من تشوفكم قلبت دموع وهم وماْسي!!!
عبدالله لاياعبير مشاعل تعبانة ومتضايقة حييل..
عبير بكرة اصورها لك اذا تبي علشان تصدقني....اصلا حتى قايلين ها الاسبوع بيطلعون الصباح يتسوقون هي وهم علشان تضمن ان محد يزورهم الصباح وزوجها يكون نايم مايستقبل احد...بس اسمع أي يوم حددوه بعطيك خبر وشوف بنفسك علشان تصدقني مو طايح لي انت روحة وجية عليهم وهم مو شايلين هم...اقول خلنا نفكر بعرسنا بس اللي ماتحدد للحين....
بغرفة نوف وتركي ....
كانوا جالسين قبال التلفزيون وهو محوطها بيدينه...
نوف والله مليت ياتركي كل المحطات اللي انت تشوفها ماتناسبني!!
تركي وش تبينا نحط بالله اغاني ولاافلام؟
نوف أي شي بس مو اخبار ولااسهم راسي انفجر منهم؟
تركي وش رايك نطفيه احسن؟
نوف أي والله احسن....
تركي بعد يدينها عنه وقام يتمغضط..
نوف شوف..لايكون نعست وتبي تنام؟
تركي انتي ماتعبتي اصدق!!
نوف باعتراض قايلة انا بتلعب علي!ّ سهرة وسهرة وخل نرد البيت وبتشوفين ويوم ردينا قلت لي سهران؟؟
ضحك عليها
نوف قوم نطلع؟
تركي نطلع وين نروح؟
نوف مدري عنك أي مكان بس تكون صاحي مو نايم؟
تركي يابنت الحلال مابعد نمت شوفيني كاني اسولف معك...
نوف أي مااعرفك يعني شوي وبتقولي قومي ننام...
تركي وش احسن من النوم؟
نوف جت وجلست بحضنه وقالت باعتراض مافي نوم..
تركي وهو يضمها مو قلتي اليوم جلستي متاءخر وتبين بكرة تقومين بدري...ماتقولين لي كيف بتقومين اذا مانمتي بدري؟
نوف بحط لي منبه لاتخاف....
تركي اه منك....وش تبين بالسهر يابنت الحلال ترى انا انام بدري...
نوف لا ياباب مو تلعب علي....اقول تركي سولف لي عن حياتك قبل كم بنت تحرشت فيها؟كم بنت حبيتها؟كم بنت رقمتها؟
تركي قام يضحك وقال اوه ه كثير..
نوف صدق!!وكلهم حلوين؟
تركي والله عاد الماضي ماضي صح ولالا..خلاص مانتكلم فيه؟
نوف وهي تحط راسها على صدره معناته انا بعد مابقولك عن حبيبي الاولي لان الماضي ماضي ومالازم نتكلم فيه وخلنا بالحاضر..الماضي خلاص بح؟
حضنها بقوة وحست انه متضايق...
رفعت راسها له وهي تبتسم وقالت له بحب توك تقول عندك بنات كثير حلوين ومرقم وعندك سوالف انا ماقلت لك شي يوم جيت اقولك ان عندي حبيب قديم وصار ماضي تضايقت ,,بالله وين الانصاف بالسالفة؟
تركي بهمس وهو يشد حضنه عليها اغار عليك يانوف فاهمتني ...حتى لو كان الشي ماضي ماابي افكر فيه حتى؟لو كان مزح ماابي اتخيله,,,
تنهدت بقوة وحطت راسها على صدره وبلعت الدمعة اللي كانت بتطيح منها وقالت تركي..اقسم لك اني احبك..والله احبك وماابي أي شي ياءثر على علاقتنا انت وبس اللي تكفيني عن ها العالم...لاحبيبي قديم ولا أي شي بها العالم ..انت وبس ياتركي؟
بغرفة نواف وياسمين..
كان الجو متوتر ومشحون للغاية,,,,,
دخلوا وهم ساكتين وكل واحد بدل ثيابه وقعد بدون أي كلمة ..
نواف كان بحالة مزاجية متعكرة للغاية يبي أي كلمة..اي حركة بس مامنها أي شي..لو الصخر بينطق كان نطق بدالها بذيك اللحظة لانها كانت اشبه بصخر جامد..
بدلت ولبست لها البيجاما السودة اللي لبستها اول ليلة واللي من شافها نواف انكتبت في بالها كلمة اكرهك رغم انها ماقالتها بس مايدري ليش ربط الكلمة باللبس,,,
أي حركة ياياسمين أي حركة ابي انفجر وابيك تنفجرين سكوتك بيضيع علينا ان احنا نتفاهم,,,
قرر هو يبدي بالكلام طالماهي ساكتة ومالها نية تتكلم...
كانت هي قاعدة بنص الفراش ومتربعة وهو وراها ومتسند بعدم ارتياح..
نواف بهدوء ياسمين...
مالفت له ولاكلفت على خاطرها تسوي أي حركة يفهم منها أي شي..
تنهد وتقرب منها وقال وهو يلمس كتفها خلينا نتكلم ونتفاهم..
بعدت عنه كتفها وهي بقمة جمودها..
صرخ فيها وهو يلفها لناحيته قلت خلينا نتفاهم,,,
قالت له ببرود وانا عندي شي علشان اتفاهم عليه؟
نواف بعصبية لاتصيرين لي بها البرود وقولي اللي عندك وخل اقول اللي عندي!!
ياسمين ببرود اكبر ماعندي شي اقوله....
نواف بتنهيدة قهر شنو يعني ماعندك شي..
ياسمين يااخي اذا عندك شي قوله انت!!
سكت وحس بالاحراج لانه هو اللي المفروض يتكلم مو هي...
قال بعد فترة سكوت انتي على بالك اني بردها؟
قالت بلامبالاة طالعة من ورى قلبها مايهمني اذا كنت رديتها ولالا؟
نواف طيب واذا ماكان يهمك ليه بعد قالبة خلقتك عليّ كذا!!
ياسمين لاني ماابيك...
نواف اشتغلت نيرانه وقال بحدة قلت لك انا رجال ماتقول لي ها الكلمة أي حرمة بها العالم سمعتيني!!
ياسمين بعناد اكبر اجل اسمعها مرة وعشرين بعد...ماابيك...مااحبك...اكرهك..ماابيك....
قالتها وغمضت عيونها استعداد للنفجار اللي بيجيها من نواف لان ها الليلة اكيد ماحتعدي على خير بينهم!!!!
اشوفكم بكرة على خير ان شاءالله
****
***
**
*
البارت الثالث والتسعين ,,,
مشاعل ممكن نتكلم مع بعض بصراحة؟
فواز تعالي جلسي جنبي وبنتكلم...اذا ظليتي بعيدة عني ماراح نتكلم؟
مشاعل فواز انا اتكلم جد؟
فواز وانا ماامزح..
تنهدت وتقربت منه..
فواز باْمر هنا...تعالي جلسي جنبي هنا,,,,
جلست جنبه بدون أي اعتراض وحط يده حولها وقربها منه..
فواز اول شي ليه مانمتي!!
مشاعل حطت راسها على صدره وقالت بتعب وكيف انام وانت بعدك سهران ماقدرت انام وانت بعدك صاحي...قلت لك نومتي بتكون مع نومتك ومو مغيرة كلامي ابدا!!
فواز ياحبيبي......طب وش عندك ياام الصراحة؟
رفعت راسها واعترض هو..
فواز بهمس ماتقدرين تحكين وراسك متوسد صدري ولامستكثرتها عليّ!!
مشاعل لا حبيبي مو قصدي....
فواز طب كملي كلامك وانتي كذا بها الوضع....
مشاعل ماراح تقولي شنو فيك؟
فواز ...
مشاعل ولا راح تاْكد لي اذا كان راشد سبب الحادث وانت شاك فيه ولالا؟فواز شفيك ليه منت واثق فيني ومخليني بعيدة عنك...
ماسوى شي ولا قال شي بس اكتفى انه غمض عيونه...
وهي يوم طال سكوته ورفعت راسها له وشافته مغمض على بالها انه نام وقالت بهمس ياحبيبي التعب ماخذ فيه حيل بس هو يكابر,,,,
سندت راسها هي بعد وغمضت عيونها وطال الوقت بينهم كذا هي مغمضة وهو مغمض وكل واحد فيهم على باله ان الثاني نايم...
يوم فتح فواز عيونه وشافها جنبه كذا اول شي جا في باله انها نايمة.....
تنهد بقوة واعتدل بجلسته علشان يشوفها عدل....
وهي حست بالخوف صدق ان فواز مريض ومايقدر يتحرك بس خافت..والخوف طبيعي...
حست بالارتباك اكثر يوم يده جت فوق وجهها تلامس خدها وهو يتنهد...
حست انها بتبكي.....
حاسة فيه وبللي يحسه بها الوقت وهو رجال وعاجز حتى يقوم بنفسه,,,
بس يوم حست بحركته تقوم وتجيب لها الغطى يغطيها وقف قلبها صدق وحست ان السالفة مو طبيعية!!!!!
بس ماقوت تفتح عيونها وهو رجع يحضنها بقوة يمكن لانه متطمن انها نايمة بس بوساته عليها كانت بتقومها باي وقت تساله بس قررت انها تظل ساكتة وتفكر بحل منطقي ...لانها بدت تتخربط صدق وماهي عارفة الوهم من الحقيقة,,,,
دق تلفونها وشافت اسم المتصل ورفعته بسرعة..
نورة بارتياح هلا
فارس بلهفة اشتقت لك موت ياقلبي..
نورة مداك تشتاق لي,,,على حسب خبري توك رايح بيتكم قبل اربع ساعات,,
فارس باشتياق ماتدرين ان الثانية في بعدك تعب وهلاك..
نورة وبعد يالشاعري...قول شعندك؟
فارس بتنهيدة عندي كثير اذا ودك تسمع...
فارس طبعا ابي اسمع بس قبل كل شي عندي شي ابي اقوله لك ولازم تسمعينه..
نورة شنو..
فارس ماابي شنو...ترى ها الشي ضروري حييل وبياْثر على حياتنا يانورة؟
نورة بخوف فارس...وش عندك تكلم؟
فارس تنهد وسكت...
نورة بخوف اكبر قول......
فارس بعمق بديت احبك اكثر من قبل...مو قادر امسك نفسي عنك...
نورة بعد تنهيدة ارتياح طيحت قلبي من كثر الخوف واخرتها تقول احبك وماقدرت امسك نفسي,,,,
فارس وانتي مفكرة هاذي سهلة يانورة؟
نورة لامو سهلة ياقلب نورة ...
فارس قولي شسوي بنفسي اللحين بعد ماغرقت فيك؟
نورة باستمتاع وتوك اللحين غرقان...وينك من زمان ورى ماغرقت؟
فارس كنت نص غرقان بس اليوم حضنك خلاني اغرق بالكامل...
نورة ..........
فارس وين رحتي؟
نورة معك؟
فارس بخبث اخاف غرقتي باحضاني بس وبالتفكير فيهم!!....
تنهدت وماردت عليه..
فارس بهمس قولي الصدق اشتقتيلي؟
بلا مقدمات وبصراحة تامة قالت موت والله...
فارس بارتياح يعني اجيك اللحين؟
فارس ها نورة...السكوت علامة الرضا؟
نورة بس يافارس.....
فارس من غير بس يانورة انا زوجك ومشتاق لك وانتي زوجتي حبيبتي ومشتاقة لي وش فيها بالله؟؟
نورة فيها ان احنا مجانين والله...
فارس محنا مجانين الشوق واللهفة غريزة طبيعية بكل البشر يانورة...
نورة أي بس لسه زواجنا ماتحدد يافارس...اجلناه لموعد مو ثابت ..
فارس بتشجيع ماحنسوي شي ....بظل بحضنك وبتظلين بحضني بس!!
نورة كذاب...
فارس طب جربيني وبعدها احكمي اذا كنت كذاب ولا صادق.....
نورة مايحتاج اجربك باينة واضحة من صوتك...فا من غير مطرود تصبح على الف خير اشوفك بكرة ان شااءلله,,,
لانها ماقدرت تخلص نفسها منه لابالطيب ولا بالقوة استسلمت له..
وهاذي حياتهم اشبه بمعركة مافيها لارابح ولاخسران...
بعد ماانتهوا من تصفية الحساب عطته ظهرها وهي تمسح في دموعها,,
وكل تفكيرها بجملة وحدة بس ..مستحيل تكمل حياتها هنا معه؟بس وش الحل؟
قررت تكلم خالد وتدردش معه شوي بما انه اليوم جلس يسولف معها سحبت الجوال من على الكميديون وبس قامت بتفتحه جاها صوت نواف الحاد منو بتكلمين اللحين؟
تنهدت تنهيدة حارة وقالت خالد..
سحب الجوال منها بلاتفاهم..
ولفت له بسرعة وهي اللي كانت اشبه بقنبلة بتنفجر ها المرة
قالت بعصبية حادة وش ها الاسلوب بالله!!!رد الجوال لو سمحت؟
نواف اسف ..تاْخر الوقت على المكالمات اللحين؟
ياسمين بعصبية أي تاءخر الوقت انت بعد ماجت الساعة عشر ونص وانت تقولي تاْخر الوقت؟
نواف بلامبالاة كنتي معه اليوم يوم تطلعين من هنا بغير شوري...كان سولفتي معاه براحتك؟
توها بتفتح فمها تتكلم سكتت وشالت روب نوها وجت بتقوم بس يده سحبتها بالقوة وردها مكانها..
نواف بحدة قومة من فراشي مافي الا باذني سامعتني!!!
ياسمين بدموع اكرهك..
نواف وانا بموت اذا ماحبيتيني يعني!!ما انا بعد اكرهك؟
ياسمين مدام شعورك ناحيتي متبادل لشعوري ناحيتك فليش بالله ها الحركات البايخة,,اتركني اعيش بعيد عنك وريح حالك وريحني؟
نواف اذا حلمتي يابنت الناس...
ياسمين عطته ظهرها وهو بعده حاط يده تحتها وبس لفت للجهة الثانية رجع حركها ناحيته وقالت له بصراخ ماابي اشوف وجهك غصب هي يعني؟؟
نواف ببرود وانا ماتجيني كوابيس الا اذا شفت وجهك تصدقين؟وجاي في بالي مااحلم احلام حلوة الليلة ابي احلم باشياء مرعبة؟
في بيت ابو تركي اليوم الثاني....
كانت نوف ومرام جالسين وام تركي رايحة وجاية بينهم وبين ابو تركي,,,
نوف متى الامتحانات تبتدي؟
مرام لسه باقي اسبوعين...ليش انتي مابتداومين؟
نوف لابلى السبت بداوم مع تركي بنفس اليوم...
مرام ماكلمتي مشاعل اليوم؟
نوف بلى..كان صوتها حلو اليوم وتقول ان فواز افضل ونفسيته حلوة بعد..
مرام أي انا بعد يوم اكلمها قالت لي....نوف هو وش فيه؟
نوف مدري...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك