رواية كل يوم لك حال جديد يوم قريب ويوم بعيد -4
مع دخلة خالد البيت كانت وضحى توها تمسح دموعها اللي من الصباح وهم ينزلون ,,,
شافها جالسة بنفس مكانها الصباح وماغيرته حتى ثيابها ماتبدلوا حتى نفس الاضاءة جاها بخوف وهو يركض ويسالها وضحى,,,علامك,,,من مزعلك؟
تنهدت بقوة وقامت من مكانها وقالت بهدوء ولاشي لاتشغل بالك...
خالد وهو يمشي وراها شلون مافيك شي؟وها الدموع حبيبتي؟
وقفت بنص غرفة نومها وصارت تمسح باقي دموعها...
لف لها خالد ومسكها من كتوفها ولفها لجهته وقال بحنان مين اللي نزل ها الدموع الغالية؟
وضحى بالم ياليتني ماسمعت نصيحتك وكلمت امي!!
تنهد خالد وشال يدينه من على كتوفها يعني السالفة فيها امك؟
وضحى .......
خالد وش صار؟
وضحى دقيت لها ومااهتمت قالت لي انها مشغولة وبتكلمني بعدين!!!حسيت بالاحراج من نفسي؟
خالد طيب وش فيها يمكن تكون صدق مشغولة؟
وضحى بحدة خالد!!ماهي ا ول ولابتكون اخر مرة اللي ادق لها وتقولي مشغولة وبكلمك بعدين؟
خالد هاذي امك ياوضحى..
وضحى بانفعال هاذي ماهي ام ياخالد ماهي ام؟
خالد لاتثقلين حكمك عليها ياوضحى لاتصيرين مثلها؟
وضحى انا اكرهها ياخالد اكرهها..
خالد بعناد وضحى ترى بتكونين مثلها وبيكون حرام انك تكونين ام؟
*****
ام مشعل يايمه ياحبيبي لاتاْذي جدتك وتلعب باعصابها؟
سعد خالتي اقولك تونا رادين من بيتنا انا وهو بعد وش ها السالفة اللي مسويتها جدتي؟
مشعل هاذي امك تبي بس تتبلى عليّ!!
سعد طيب جدي شيقول؟
ام مشعل وهي تتنهد ياربي ذبحتوني والله..انت بجهة وجدك بجهة وجدتك بجهة واختك بجهة رابعه!!!
سعد الله يكون بعونك ياخالتي تلاقينها من البزارين اللي هم عيالك ولااللي ابزر منهم واللي هم امك وابوك يعني جدتي وجدي؟
ام مشعل تسنع انت بعد يالله!!!ترى امي وابوي واحبهم..
مشعل اقول يالغلا لاتمدحينهم واجد ترى محد معيشنا بهم غيرهم؟
ضربته امه على كتفه وقالت بتانيب مشيعل وعمى اللي يعمي قلبك؟
سعد ان الهداية والضلال بيده سبحانه...
مشعل أي والله جبتها يالنسيب...
ام مشعل هزت راسها وطلعت وقاموا يضحكون على خبالهم....
*****
سعود ماسلمتوا على عمتكم نوف؟
قاموا شيخة وعبدالرحمن وسلموا عليها سلام بارد وكانهم اغراب وهي ذابحة نفسها اللي تبي تضمه واللي تبي تبوسه وبانت خيبة الامل على ملامحها وهي تشوف سلامهم,,وردوا مكانهم...وقبل لايقعدون جاهم صوت تركي من على باب المجلس
تركي اللحين عمتكم ومن زمان ماشافتكم كذا تسلمون عليها؟
ناظروا في ابوهم ينتظرون من عنده جواب وسعود تفشل من وجود تركي لانه كان قاعد بروحه مع نوف في المجلس لانه عمه مو موجود..وقال بتانيب لعياله كذا تسلمون على عمة؟
رجعوا عياله وقعدوا جنب عمتهم وهي تمسح على رؤسهم وجلس تركي جنب سعودوقال بحدة ماينلامون مايشوفونها الا بالعيد؟
سعود ..........
عبدالرحمن يعني اليوم عيد ولاماهو عيد؟
نوف بحب اكيد عيد مو شفتك اليوم يعني عيد؟
شيخة يعني بتعطينا عيدية؟
نوف اكيد بس بالاول تشربون العصير ...
*****
كانت تردد كلامه بينها وبين نفسها بقهر وضيقة....
زين ياخالد زين,,,,,,,,
انا حرام اني اكون ام؟؟؟حطت يدها على بطنها وهي تتنهد....
ودموعها يسابقونها....هذا وانت مادريت اني حامل ياخالد كيف لو دريت؟
اكيد بترفض اني اكون ام عيالك؟..
تنهدت بقوة وهي تناظر في باب الحمام اللي دخله خالد علشان يتحمم وشالت عبايتها ولبستها وطلعت من الشقة بسرعة....وفي بالها تقول لاتخاف ياخالد قبل لاتجيك لحظة وتطردني انا بطلع بكرامتي ادور للي في بطني على حل؟
*****
مشعل دقيت لي ياجدي؟
الجد بلهفة وينها؟
مشعل مسوي نفسه مو فاهم منهي؟
الجد بعصبية ترى غبائك طالع على جدتك ماهو علي!!!يعني عن منو بسال يافالح عن جدتك اللي ماتعرف تركب الدرج؟
مشعل ههههه توك تكتشف عيوب جدتي؟
الجد بتاسف لاتذكرني ياولدي وخلها مستورة؟
مشعل انا ماابي اقولك انها قاعدة ولابسة بنطلون جينز اللحيم مو مثل ثياب جدتي اللي مدري من وين طالعين؟
الجد تصنم بعد تلبس مثل اختك؟
مشعل جدي شقولك انا وشخلي...ترقص رقص مو طبيعي؟
الجد ببلاهة ها..سامري يعني!!!
مشعل أي سامري ياجدي الله يهداك؟؟هاذي ماترقص الا معلاية؟
الجد يعني شنو؟
مشعل اتركك تشوف بنفسك وانت تحكم...
الجد طيب وينها اللحين؟
مشعل ترتاح شوي وبعدين بتنزل لنا...تعال بس نقعد داخل علشان اذا نزلت....
****
طلعت بسرعة بعد ماقام سعود من المجلس وراحت لعند الباب الخارجي وانصدمت يوم مالقت اغراضها موجودين وهي متاْكدة انها حاطتهم بنفسها هنا علشان تطلع معه بسهولة...
لفت بعيونها لورى وتفاجاْت ان تركي وراها مباشرة؟؟
كيف ماانتبهت ان طلع وراها..ظلت واقفة مكانها بدون أي كلمة...
تركي تدورين شي؟
نوف وقفت من الصدمة وماعرفت شتقول...
فتح تركي الباب الخارجي..
تركي وهو ياْشر بيده شفتي انه مشى!!!من قال لك انه جاي ياخذك؟
نوف بصدمة وهي تناظر بالشارع مستحيل؟؟؟كيف يمشي؟هو جاي ياخذني معه؟
تركي هو قال لك ها الكلام!!!
نوف بعصبية يعني بذمتك ليش جاي اذا مو علشان ياخذني؟
تنهد تركي جاي يشوفك ويسال عنك....نوف شفيك؟
نوف بعصبية أي بس حصة قالت......يوم شافت نظرات تركي تغيرت سكتت..
تركي حلو حلو...يعني حصيص بالموضوع؟
نوف انتبهت انها انذلت ذل من سعود وحصة وقالت بالم تركي..طلبتك ياولد عمي...قول تم؟
تركي بسرعة تم..
نوف انسى السالفة حصة مالها شغل...لااحد يدري عن شي ياتركي...
تركي تنهد علشانك ولو اني نويت اذبحها..بس صدقيني بفوتها المرة ذي علشانك.....بس ابيك تعرفين شي واحد..ها البيت ماهو متخلي عنك لااي سبب من الاسباب يانوف..فلا تتخلين انتي عنه بعد!!!
*******
طلع من الحمام وفي باله انه يعتذر منها...غلط عليها بها الكلمة اللي رماها وهو عارف ان وضحى حساسة من ها الامور ..اصلا هي حساسة من كل شي وهو ماعرف يتفادى الغلط ها المرة....
ناداها وهو يلبس ثيابه وماردت عليه..طلع للصالة وماشافها وراح المطبخ والمجلس وكان كل شي هادى..
دق قلبه من الخوف وهو بينه وبين نفسه يقول معقول طلعت!!!
راح لغرفة النوم ومالقى عبايتها هناك....
رفع جواله ومالقى اي مكالمة من نواف...
اخذ مفاتيحه وجواله وطلع بسرعة يمكن يصادفها تمشي بالشارع...لان وضحى مدام ماقالت لنواف يمرها اكيد راحت تمشي...
*****
ياسمين والله مدري يانوف منهي اللي حالها احسن من حال الثانية؟
نوف بتنهيدة طبعا انتي حالك احسن من حالي...على الاقل نواف غريب عنك ومايعرفك ورفضه لك شي عادي لانه يمكن يكون يحب وحدة ثانية ولافعلا كره الزواج بعد طلاقه...بس انا ياياسمين انا,,,انا اخوي رافضني؟؟تعرفين وش معنى ان اخوك يرفضك من حياته ومن وجودك قربه؟,,قالتها بالم وسكتت ثواني...
تنهدت ياسمين وبدت تبكي انا ماحولي احد يانوف ماحولي...ماعندي غير خالي خالد وبس!!ومقدر اشكيله كل شي..هو بعد له حياته الخاصة مع وضحى...ساعات اتمنى الموت يانوف..
نوف اذا انتي تمنيتيه مرة فاانا كل يوم اتمناه ياياسمين..
ياسمين استغفر وشلون نفكر احنا..
نوف كله من ها الضيق اللي احنا فيه...
ياسمين احد غير تركي عارف انك كنتي بتطلعين؟
نوف لا.....
ياسمين احمدي ربك ان تركي هو اللي شاف اغرضك؟
نوف أي بس حصة هي اللي قالت لي انه بياخذني معه؟
ياسمين وانتي مافكرتي ليش ماجاب لك سيرة طول ماهو قاعد معك؟
نوف بتنهيدة انا غبية توقعت انه مايبي يفتح السيرة علشان هو مكلم بيت عمي وقايل لهم ومشيت على ها الاساس,,,,,,
ياسمين بتنفرج يابنت الناس بتنفرج.....تعالي شوفي مشعل وسعد شلون مهبلين في جدي وجدتي وبتصدقين ان الدنيا ماتسوى وبتموتين ضحك عليهم؟
نوف بسخرية وليش مامتي ضحك وانتي قاعدة بوسطهم؟؟
ياسمين بتنهيدة اكبر لان ضيقة نواف وكلامه مايستوعبها شي يانوف؟
********
طبعا بارت بكرة بيكون اخر بارت وبنوقف علشان شهر رمضان وبعد العيد بنرجع ان شاءالله وكل عام وانتم بخير مقدما والله يتمم عليكم الشهر بخير وسلامة يارب ولاتنسون تعلقون على بارت اليوم هههه
****
***
**
*
تسلمون كلكم يالغلا على متابعتكم وتعليقاتكم اللي منورتني,,,
,, ,,,
البارت العاشر ,,,,,,,
,, ,,,
مشاعل انا متاْكدة ان فيك شي....احسك منتي بطبيعية؟
نوف بشرود ولاشي,,,
مشاعل باصرار اكيد من جية سعود؟
نوف ....
مشاعل غثك بشي؟ضايقك بشي؟قال لك شي ينرفزك؟
نوف بتنهيدة لا....بس ساعات احس.....مدري شلون اقولك؟
مشاعل نوف...مهما صار تاْكدي اني جنبك وانك اغلى عندي من خواتي؟
نوف عارفة يامشاعل عارفة وهذا اللي مصبرني وجودك جنبي اللي يخفف عني,,,,
ابو تركي دق باب الغرفة ودخل بعد ماسمع اصواتهم قاعدين ويوم شافوه ثنتينهم وقفوا..
ابو تركي السلام عليكم..
وعليكم السلام والرحمة...
ابو تركي اشوف البنات اليوم ماورونا وجوههم لاعلى سفرة الغذى ولا اللحين؟
مشاعل نسوي رجيم يبى...
ابو تركي وهو يمسك يد نوف ويمشيها معه لباب الغرفة سوي رجيمك بروحك بنيتي نوف ماهي بحاجته مشاء الله حولها وحواليها....
مشاعل بقهر يبى؟
نوف هههههه
ابو تركي يالله طلعنا عنك احنا....
وصلوا للباب وتركت نوف يد عمها..
ابو تركي انا مو نازل الا معك يالله مافي اعذار؟
نوف بابتسامة بلبس عبايتي وحجابي وبجيك انتظرني....
*
كانت عيونه تدور بالشارع يمين وشمال على سواد يمشي بين ها البيوت,,,,
معقولة وصلت؟؟؟؟؟؟؟
ولايمكن انها ماهي جاية لعند اهلها؟؟
صار يروح ويرجع بالسيارة في الجهة اللي فيها بيت عمه وبعد دقايق طويلة مرت لمحها جاية تمشي..
وعلى ما لف لها كانت دخلت البيت..وقف سيارته بسرعة ونزل يركض يدق جرس بيتهم....
وفتحت له وضحى الباب وهي بعدها مارفعت حتى نقابها وتفاجاْت يوم شافته واقف قبالها..
ماخفى على خالد عيونها اللي كانت تدمع ..
خالد بلهفة وضحى..
قاطعته بسرعة وصوتها كان باكي بغيت شي ياولد عمي؟
خالد برجاء وضحى...تعالي...
وضحى وهي تعطيه ضهرها وتدخل البيت اسفة....هذا بيتي ياخالد ومالي غيره؟
*
كان سعد ومشعل فالينها في الرقص وهم مشغلين لهم اغنية عبد المجيد القوس قوسك وسعد طبعا بعباية امه الراس اللي رافعها لين النص ومبين بنطلونه الجينز من تحت والبرقع اللي على قولته كاتم نفسه...والجد يناظرهم من بعيد يقال انه ثقيل يعني ولارومنسي وهم في داخلهم فاطسين ضحك عليه,,,,
سمعوا صوت الجدة وهي تناديه وبسرعة البرق قام سعد يركض وطلع من الغرفة ومشعل طفى المسجل ولحقه وعيون الجد بغت تطلع وهو يشوف سعد يركض وازداد اعجابه مرات ومرات وش ها العجوز اللي عندها ها الصحة والرشاقة,,؟؟؟
جت الجدة والجد بعده عيونه على المكان اللي طلعوا منه سعد ومشعل وهي تكلمه وهو حاقرنها واخر شي لف لها وهو معصب..
الجد بعصبية خير ان شاءالله في شي؟
الجدة علامك انت تناظر في الباب وكنك مسبه؟
الجد وهو يمشي عنها انتي شيفهمك في الحب؟
*
نورة ياسمينوا...في راسي شي..
ياسمين اللي هو؟
نورة فارس...
ياسمين هههه فارس بكبره في راسك عاد!!
نورة بنرفزة هيه انتي اعقلي عني اشوف...
ياسمين انتي اللي قلتي مو انا؟
نورة انا قصدي اقول شي بخصوص ها الفارس..
ياسمين شنو؟
نورة اني اكلمه؟
ياسمين تكلمينه؟؟
نورة بتحدي أي اكلمه واقوله اني ماابيه ومو موافقة عليه وهم غاصبيني!!!
ياسمين وجبتي رقمه بعد!!والله منتي سهلة يانوير؟
نورة ماعندي رقمه...اليوم سرقت ايميله من عند اخته بدون ماتحس؟ها وش رايك؟
ياسمين امممممم....طيب لو قال لك انه هو بعد مايبيك وش بتسوين؟
نورة ...
ياسمين يالله قولي...
نورة بضيق بقوله خلاص كلم اهلك ترى اهم زاعجيني بها السالفة؟
ياسمين أي......بس على فكرة انا مااْيد انك تكلمينه وانتي ماتعرفين أي شي عن صفاته..الخوف انه يقلب السالفة ضدك يانورة؟
نورة طيب اكلمه بدون مااعرفه بنفسي؟
ياسمين شلون يعني؟
*
كانت عيون حصة بعيون نوف وهي مولعة قهر,,,كيف ماراحت وهي شايفتها بنفسها تحط اغراضها وتطلعهم برى البيت؟؟؟
بس لو ماراحت مع امها لجارتهم كان شافت وش اللي صار ولو الرفض كان جاي من ناحية سعود كانت بتكلمه بنفسها وبتقوله خذها معك مانبيها!!بس ماهي دارية وش اللي صار بالضبط؟
عيون تركي بعد كانت عليها وتناظرها بحقد...كيف ممكن تسوي في نوف كذا وتحطها بها الموقف المحرج ؟؟بس لو ماتفدتها نوف كان علمها السنع زين؟بس لا ياحصة لا...لاتفكرين انك بتفلتين مني..والله لاادور لك على زلة اصغر منها ولااكبر واطلع حرتي فيك؟؟؟
مرام وش فيكم كلكم ساكتين؟
ابو تركي ولازم نحكي ولايصير فينا شي؟
نوف لا مو كذا قصدت بس سكوتك انت وخالتي يعطي جو بالاكتئاب؟
تركي بس هو وخالتك اللي يعطون جو بالاكتئاب اذا سكتوا؟
نوف لا طبعا....مشاعل خوفا انها تطردني الليلة وعبدالله علشانه طيوب ومايستاهل وبس انت موت بحرتك؟
ضحكوا كلهم وهو ابتسم لها...اشكثر مشتاق ان نوف تتعامل معه طبيعي بدون حواجز؟امنية من زمان يبيها وان شاءالله تدوم له علطول؟
تركي بتهديد زين لكن اوريك انا...
ابو تركي وهو يضحك ها..وش عندك مع بنيتي قايم تهدد؟
نوف أي ترى انا وراي اقوى ظهر...
حصة الله يخليه ...ان شاءالله بس تدعين له في كل صلاة؟
نوف عندك شك بها الشي...
مشاعل وهي تلم الموضوع اقول يااقوى ظهر..منت ناوي تطلعنا يومين نغير جو؟
ام تركي بتاْيد أي والله يابو تركي ودي انا والبنات نطلع مع خواتي وبناتهم يومين نغير جو وش رايك؟
عبدالله يعني يمه احنا مالنا بالسالفة بس البنات؟
مشاعل بمرح انتوا نترككم مع ابو خالد وام خالد هههههه
ابو تركي حق قصر الاعمار
هههههههههههههههههههههههههههههه
ام تركي يالله عاد كل شي الا امي وابوي ماارضى عليهم...
*
بعد مامرت فترة طويلة وهو قاعد بسيارته نزل منها ودق باب بيت عمه وطلعت له لؤلؤة فتحت الباب..
لؤلؤة هلا وغلا بولد عمي؟
خالد هلا لؤلؤة شلونك؟شخبار الجامعة؟
لؤلؤة بخير.....
خالد سويلي طريق بدخل..
لؤلؤة شوي بس بلبس عبايتي...وبعدها اجيك؟
خالد اووووف..مشوار والله يابنت عمي...انتوا معكم احد بالبيت؟
لؤلؤة لا والله انا ووضحى بغرفتها..ونواف ماهو هنا؟
خالد اقول لؤلؤة ولاعليك كلافة طسي المطبخ الخارجي وانا بركب لمرتي غرفتها....
لؤلؤة ههه ماعليّ كلافة واطس بعد!!زين يابو وليد..مردودة لك ان شاءالله في مرتك...
خالد يالله عاد عطيناك وجه قالت بتردها لي في مرتي...خليها على بالك هاذي وضيحي محد يقربها وانا راسي يشم الهوا..
لؤلؤة عساك دايم ياخالد ..الله لايفرقكم....
خالد بعجلة يالله بلا معلقات ....
لؤلؤة ههههههه ........
جاه صوت لؤلؤة بعد ثواني خلاص خالد ادخل...
دخل وسكر وراه الباب ودخل الباب الرئيسي وركب فوق لغرفة مرته(طبعا خالد من كثر هواشه مع وضحى حافظ البيت)
وقف عند بابها ثواني يحاول يستجمع افكاره واللي بيقوله وبعدهادق باب الغرفة وفتحها ودخل..
كانت وضحى قاعدة على الفراش وعاطية الباب ظهرها ومبين عليها توها ماخذة لها دوش سريع لان شعرها كان مبلل وهو طايح عليها..
وضحى مين اللي جاي يالؤلؤة؟
خالد انا ياوضحى...
لفت له بسرعة والتقت عيونهم في عيون بعض...
*
اليوم الثاني,,,,,
نواف جدي كلمني البارح ياتركي؟
تركي أي....وليه متكدر كذا؟
نواف بتنهيدة طويلة ماابي اتزوجها...علشان لااظلمها..
تركي ترك اللي بيده ورفع راسه وقال بهيبة انت في شي في بالك ومنت قادر تتكلم...قول وش سالفتك؟ليش رافض الزواج يانواف؟لان سالفة انك تظلمها مو داخلة تفكيري ابدا!!!
نواف تنهد..
تركي نواف انا اسمعك؟
نواف هي اذا عرفت بترفضني وانا مااسمح لااي وحدة ترفضني فخليني ارفضها قبل لاهي ترفضني...
تركي اقول ..اختصر وعطني الزبدة يانواف...
نواف بعد تنهيدة طويلة انا عندي ولد ياتركي...
طاح القلم من يد تركي وبانت عليه الصدمة..
تركي قول غيرها يانواف؟؟
نواف باصرار ياتركي صدقني ماعندي مزاج امزح اللحين...انا يوم طلقت ريم كانت حامل....
تركي بنفس الصدمة وكنت عارف؟
نواف لا...ماقالت لي الا بعد الطلاق.....وكان من المستحيل اني اردها علشان الولد اللي بيكون بينا....
تركي يعني اللحين عمره قرابة الاربع سنين...
نواف أي....
تركي وقاعد عند امه؟ترضاها يانواف؟
نواف بحدة وش فايدة الام بالله اذا مااخذت عيالها عندها..خلها علشان يعوقها اذا بغت تعرس مرة ثانية؟
سكت تركي لانه عرف ان نواف متنرفز من ها السيرة....
نواف .
تركي تشوفه؟
نواف مو كثير....
تركي وليش ماقلت لي عنه؟
*
الجدة بصدمة شنو؟
الجد بثقة قلت لك بعرس....
قامت الجدة تدور حول ابو خالد اللي لابس بنطلون من سنين جدتي وقميص مشعل وصاير نكتة زمانه..
الجدة انت اكيد مو صاحي!!
الجد وهو يمسح الجل اللي يقال ان مشعل حطه بشعره ونصه على جبهته الا صاحي ونص؟وش فيها يعني انا ابي اشوف الدنيا مع غيرك يا بنت الناس؟
الجدة بصراخ لحقونييييييييييييييييييييييييييييييييي الرجااااااااااااااااااال تجننننننننننننننننن يممممممممممممممه لحقينننننننننننننننننننننننننننننننننني..
دخلوا مشعل وياسمين وامهم بسرعة..
ام مشعل بخوف يمه شصاير؟
ياسمين ناظرت بشكل جدها ولفت على مشعل وشافت ضحكته وفهمت السالفة بس سكتت...
ام خالد بيذبحني وانا توني شباب يابنيتي؟
مشعل أي شباب ياجدتي ؟؟؟خرفتي وانتي تقولين شباب؟
ام مشعل بعصبية انت اطلع برى؟
الجد وش قال هو عاد علشان يطلع برى؟ولاانتوا ماتبون رجال بها البيت يحكمكم....
الجدة بمسكنة يمممممممه لحقي عليّ
ياسمين ليش ياجدتي امك للحين عايشة؟
مشعل هههههه
الجد ههههههههههههه أي والله ضحكتيني يابنيتي الله يعطيك العافية اذا هي رجل بالدنيا ورجل بالقبر معقولة امها بتكون عايشة؟هههههههه جدتكم خرفت من زمان ضحكوا عليها ياعيال؟
ام مشعل بتاْنيب يبى شها الحكي؟
الجدة شفتي شفتي ابوك.....بيجنني بسواد وجهه؟
الجد بتحدي اللي بيضحك على جدتكم اكثر بعطيه فلوس....وطلع بوكه من جيبه...
مشعل هههههههههههههههههههههههههههههههههههههه
الجدة رفعت عصاها اللي بيضحك بطرده من بيتي؟؟
مشت ياسمين وطلعت من عندهم وام مشعل هزت راسها وهي مو عاجبهاوجت بتطلع وناداها الجد..
الجد تعالي يابنيتي ماعليك منها البيت بيتي انا ومفتاحها اللي عندها قديم من زمان غيرت القفل
مشعل هههههههههههههههههههههههه والله لااضحك لين الصبح ياجدي هههههههههههههههههههه
ضحك وحقر جدته اللي كانت تغلي وهي تناظره,,,
***
لاتنسون تتركون تعليقكم على البارت واشوفكم على خير ان شاءالله بعد العيد باسبوع يعني اول سبت بعد العيد ان شاءالله وكل عام وانتم بخير وسلامة
****
***
**
*
اولا وقبل كل شي مساء الانوار وصباح الخيرات للي بيقرون في النهار واللي بيقرون في الليل...
كل عام وانتم بخير وبصحة وسلامة...
اعجز اذا قلت لكم انكم وحشتوني لاني مابوفي بها الكلمة لانكم فعلا وحشتوني مووت وافتقدتكم وافتقدت تعليقاتكم....
*****
البارت الحادي عشر ,,,
*****
لفت ولقت خالد بوجهها وطاحت فرشة شعرها من يدها ولفت وجهها عنه وقالت بحدة خير ان شاءالله وش جايبك؟
تقرب منها وبس حط يدينه على كتوفها بعدت عنه بقوة..
خالد وضحى..
وضحى بحدة بعد عني ولاتلمسني لو سمحت..
تنهد وقال بهدوء حبيبتي انا جاي لك علشان اعتذر..
وضحى مايحتاج وفر اعتذارك لنفسك ماابيه..
بهدوء قال حبيبتي..
وضحى ماابي اعتذارك وماابيك...
تقرب منها وركع لمستواها ولفت وجهها عنه بنرفزة وقالت روح ماابيك وجودك مو مريحني ابدا...
خالد انا احبك واسف على اللي سويته ولاقلته وضايقك..صدقيني انا احبك ومدري شلون طلعت مني اصلا ها الكلمة؟
وضحى روح اضحك على غيري بها الكلمتين..
خالد وضحى صدقيني..
وضحى خالد لو سمحت لاتخلي اصواتنا تعلى ..انا هنا مرتاحة واعتقد وجودي قربك يتعبك علشان كذا بظل هنا علطول اريح لنا احنا الاثنين؟؟
********
في بيت ابوتركي كانوا كلهم قاعدين بالحديقة يتقهون ماعدا ام تركي اللي لحقت ابو تركي يوم دخل ونوف اللي كانت موجودة معهم بس عقلها رايح لبعيد..
مشاعل نف نف وين سرحتي؟
نوف
عبد الله ابتسم وهو يشوف نوف سرحانة وصدق مو معهم... ماهي معنا من جد مو تمزح؟
مرام اكب عليها مويه ولااصارخ بوجهها علشان تنتبه..
تركي بحدة خفيفة وسرحت وين المشكلة؟وش فيها يعني؟محد له حق يسرح شوي!!!
حصة بقهر على الاقل تحترم الموجودين؟
تركي بحدة قوية انثبري انتي احفظ لكرامتك ولاتخليني اغلط عليك...
سكتوا كلهم بعد ها الكلمة وبعد ثواني رفعت نوف راسها يوم انتهى شرودها وقامت تناظر فيهم وهم ساكتين وبهمس قالت لمشاعل ميشو وش صاير؟
ثواني بس وانفجرت مشاعل تضحك وهي تقول لعبدالله تساْلني الاخت وش اللي صاير؟
عبدالله وهو يبتسم صباح الليل توك صحيتي من شرودك يابنت!!
نوف استحت من عبدالله وابتسمت تداري فشلتها وجتهم ام تركي وهي تضحك..
مشاعل اشوف الضحكة مالية الوجه وش قايل لك الغالي؟
ام تركي وهي تجلس بينهم عطيني البشارة واقولك؟
مشاعل بترجي لاتكفين قولي بدون شي؟
ام تركي ابوكم يقول كلمي خواتك واخذوا البنات طلعوا غيروا جو ولاتحاتون شي أي شي بيكون على حسابه...يمه نوف شفيك؟
نوف بارتباك ها...ولاشي؟
ام تركي بس منتي معنا يايمه؟
نوف الا خالتي بس صفنت شوي...
حصة بضيق كثرانه صفناتك يابنت العم؟
********
الجد ابو خالد اقول مشعل...
مشعل نعم يبى...
الجد ابو خالد انت اللحين كبرت وصرت بئر اسراري..
مشعل بئر مرة وحدة عاد ياجدي؟
الجد ابو خالد اوووف انت دايم تقاطعني ماتخليني اقول شي مثل الاوادم؟
مشعل وهو يشرب بيبسي قول يبى قول ولاتزعل انا اسمعك..
الجد ويقال انه مستحي من مشعل انا طلبتك قول تم..
مشعل زين لشنو عاد؟
الجد بخجل انا ابي اتزوج؟؟؟قالها ونزل راسه بسرعة مستحي من مشعل وظل مشعل ساكت فترة طويلة لين رفع الجد راسه وقال بسرعة ها شقلت؟
مشعل بذهول شقلت على شنو ياجدي؟
الجد على موضوع زواجي؟
مشعل بلامبالاة وانا شكو ؟؟؟
الجد يعني موافق ولالا؟
مشعل ليه ان شاءالله انا العروس وانا مدري؟
الجد انت رايك يهمني؟
مشعل ليش؟
الجد لانك بئر اسراري؟
مشعل اوووف ردينا على محيط الاسرار هذا؟
الجد مشيعل لاتسخر مني يايبى..
مشعل ياجدي انا مااسخر منك بس اذيتني كل شوي وقلت لي بحر مدري نهر مدري بئر اسرار واسرار..يعني من زينها من اسرار؟
********
نورة انتي جايتني مغثة يعني؟
ياسمين شسوي فيك فرحانة لي بها الايميل اللي عندك؟
نورة مدري بس حاسة ان في تغيير بيصير؟
ياسمين بالله ماتقولين لي وش اللي بيصير؟
نورة .
ياسمين انتي اساسا فكرتي وش بتقولين ولاشبتسوين؟
نورة بضيفه عندي..
ياسمين واذا ماقبل الاضافة؟
نورة غصبا عنه يقبلها؟
ياسمين ليه هي السالفة بكيفك؟وش بتسوين ياحظي لو ماقبل..
نورة بدز له مسجات ورسايل..
ياسمين وش بتقولين فيهم؟
نورة يكلمني ضروري...لاني اعرف نورة؟
ياسمين طيب فيني اسالك سؤال؟
نورة شنو؟
ياسمين اذا قال انا مااعرف منهي نورة يعني بالعربي اهله يبونك ومو عاطينه خبر شبتسوين لحظتها؟؟
********
بتنامين...
لفت نوف لتركي اللي كان وراها وهي رايحة لجناحها هي ومشاعل وقالت لا..
تركي شفيك..
نوف ولاشي...
تركي أي بس سرحانك زايد اليوم؟
ابتسمت ونزلت راسها وظل يتاْملها وهو ساكت...
نوف تبي شي؟
تركي تنحنح.. ها..لابس كنت ابي اعرف وين ودك تروحين؟
نوف مدري أي مكان بعيدا عنكم..
تركي افا..
نوف ههههه هم قالوا كذا طلعة مافيها انتم..
تركي لاخلاص انا زعلان منك...
نوف اوووف زعلان مرة وحدة؟
تركي أي ولاتحاولين تراضيني!!
نوف ههه تريك لامااصدق انت تزعل مني!!
تعالي حضنيه بعد!!!!
لفوا اثنينهم لحصة اللي كانت متسندة على الجدار اللي وراهم...
********
كان مشعل بيطلع من البيت وانتبه ان جده يلحقه وين ماراح..
مشعل جدي في شي؟
الجد أي..
مشعل شنو؟
الجد مارديت عليّ؟
مشعل ارد عليك بخصوص شنو ياجدي؟
الجد ماقلت لي موافق ولالا؟
مشعل موافق والف مبروك بعد..
الجد يعني خلاص نروح نخطبها بكرة...
مشعل منهي؟؟
الجدوهو منزل راسه من الحيا جدة صاحبك اللي جتنا البيت؟
مشعل بصدمة شنو؟؟
الجد شفيك قايل شي انا؟
مشعل بس ياجدي...
الجد ولا بس ولاشي يابخت من وفق راسين بالحلال..
مشعل بارتباك جدي انت مو فاهم شي...
الجد اهبل انا مو فاهم الا فاهم ونص..
مشعل وهو يحاول يرقع السالفة جدي انا قصدي اقول انها متزوجة يعني كيف بتتزوجها!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك