رواية كل يوم لك حال جديد يوم قريب ويوم بعيد -49
فواز جاوبيني بعيدا عن كل المشاعر اللي نكنها لبعض؟
مشاعل بخوف اكبر وش تقصد يافواز؟
فواز تعالي خل نتكلم...قربي ليش واقفة بعيد,,,
على الساعة تسع الا ربع الصباح جت عبير بيت ام تركي بعد ماشافتهم طالعين والاكيد انهم رايحين لمشاعل المستشفى لانها ماتدري ان فواز طلع فقالت فرصة تاخذ رقم نوف من الشغالة لان الرقم اكيد موجود بدفتر التلفونات...
جلست فترة وهي تنادي الشغالة اللي راحت تجيب الدفتر ولسه مارجعت وانفتح باب الصالة ودخل تركي ونوف,,
اول ماشافتهم عبير استغربت ماكان عندها خبر انهم جايين اليوم وحتى الباقين شكلهم مايدرون ولاليش بيطلعون ومابيستقبلوهم بالمطار,,,
شافتها فرصة وقامت تبكي وتشاهق وهي عاطيتهم ضهرها,,,,
لفت نوف بفزع اول ماسمعت صوت عبير وتركي وقف مكانه..
نوف بخوف عبير وش صاير؟
رفعت عبير راسها وقالت بصدمة نوف؟؟متى وصلتوا!!
نوف تونا واصلين...انتي شفيك عبدالله فيه شي؟
عبير كملت بكي ويلي على مشاعل وعلى ها الحظ اللي عليها؟ويلي على ليلة ها العرس؟
تركي بصدمة مشاعل اختي؟شفيها؟
عبير بصراخ ليش محد قال لكم؟معقولة يانوف ماتدرين وش فيها صديقة عمرك واختك؟
نوف بصدمة وانهيار وخوف شفيها؟
عبير كاهي بالمستشفى هي وزوجها صابهم حادث بليلتهم وماتهنوا؟
اشوفكم بكرة على خير ولاتنسون تعليقاتكم الكريمة
****
***
**
*
البارت الثامن والثمانين ,,,
فارس هديتي شوي..
نورة بهدوء اممم...
فارس نورة كوني اقوى من كذا علشان مشاعل...
نورة بتنهيدة هاذي كل القوة اللي فيني ...والله مافيني اقوي نفسي اكثر..احس اني بنهار بالاخير...
مقدر اشوفها تعاني كذا....
ترى هي خاشة مشاعرها عنا انا اعرفها لايغرك ها البكي اللي كانت تبكيه..اللي بداخلها اكبر..واكبر,,,
محد قادر يفهم معاناتها ويستوعب وش تحس فيه الحين....
فارس ماعليه بتاخذ لها وقت على ماتهدا هي بس اذا شافتكم انتوا يللي حوالينها وقريبين منها تحاولون تخففون عنها بترتاح نفسيتها اكثر...
نورة بتنهيدة مشاعل....والله ماتعودنا عليها غير تضحك ومتونسة وفرحانة ومضحكتنا احنا يللي حوالينها...صعب نشوفها كذا غارقة بااحزانها ودموعها...
فارس ان شاءالله فترة وتعدي يانورة...ادعي الله لايطولها عليها...
نورة ان شاءالله يارب....
انا اسفة اني حكيت كثير وتركتك تسمعني,,,
فارس بحب فارس بيظل يسمعك طول عمره يانورة...اي وقت تحسين انك متضايقة وتبين تتكلمين ترى انا موجود.. ابيك توعديني .وعد يانورة انك دايم تقولين لي اللي بخاطرك من فرح وحزن علشان نتشارك همومنا سوى...
علشان نظل جنب بعض..طيب يانورة..
تنهدت وقالت باسى بس انت ماتحبني؟
فارس بتنهيدة اكبر من قال ها الحكي...مو قلنا بنطوي صفحة الماضي يانورة وبننتظر المستقبل اللي بيجمعنا سوى في بيت واحد وغرفة وحدة..وماراح يبعدنا أي شي بها الدنيا...
تنهدت وماقالت شي...
فارس احبك...انا جنبك علطول يانورة ابيك تتاْكدين من ها الشي طيب...
في سيارة تركي..
تركي خلاص نوف اهدي شوي والله مو قادر اركز وانا اسوق..
نوف بانهيار شلون ماحسيت ان فيها شي...
كيف ماخطر ببالي ان يمكن يكون صار لها شي؟
ليش مااصريت اكلمها واسمع صوتها واحترمت ان لها ليلتها الخاصة,,,,
شلون ماجا في بالي ان صوت خالتي اللي متغير يعني انه فيه شي....
تركي حبيبي...خلاص...هذا انا دقيت على عبدالله وقال ان مشاعل مافيها شي وهذا احنا رايحين لها بيتها..وبتشوفين بعيونك....
نوف بانهيار تركي اسرع واللي يسلمك ابي اشوفها....
تركي تنهد...وقال بعد سكوت تراها اختي يانوف..واحبها بعد...انا بعد متضايق عليها بس هدي نفسك....
نوف ببكي اكبر كيف اهدي نفسي ياتركي كيف...انت ماتدري عن علاقتنا انا ومشاعل شنو؟من زمان واحنا مع بعض من كنا صغار...احنا مو بنات عم لا؟؟؟احنا اكثر من خوات تفهم وش يعني ها الشي....
صعب عليّ اتركها بموقف مثل هذا بروحها ..يعني لو ماقدمنا حجزنا لليوم كنا مو رادين الا بعد اسبوع وساعتها بحس اني مو طايقة نفسي...
طب ليه ماكلمونا ولاقالوا لنا....
تركي نوف خلاص اهدي..اصلا عبير غلطانة يوم تقول لك كذا بوجهك...انا لو كنت عرفت ماقلت لك انتي بروحك تعبانة ولازمك راحة؟
نوف أي راحة ياتركي أي راحة بعد اللي صار لمشاعل مافيها الدنيا راحة؟
تركي يابنت الحلال كلمت عبدالله وقال لي ان مشاعل مافيها شي وفواز تعور بس الحمدلله انه بخير ولو ماكان بخير ماكان في بيته اللحين؟
نوف انت شفت عبير ياتركي كيف تبكي؟؟؟شكلها يقول ان في شي بس اخوك ماحب يقولك ويخبرك...انا من شفت عبير قلبي مو مطاوعني ...وحاسة ان في شي كبير بعد,,,,
تركي لاحول ولاقوة الا بالله...الله ياخذ ها العبير,,,اللي ماوراها الا الاخبار الشينة زين ؟
نواف صباح الخير,,
لفت له بهدوء وبدون ماتقول شي..
احمد صباح النور...
جلس على طاولة الطعام قبالها وكان احمد جنبها..
كانت هي بحالة هدوء شديد وذبول وظل يناظرها...
احمد بابا يصير نروح الالعاب اليوم؟
نواف لا..
احمد ليه..
نواف علشان بنروح المستشفى لعمك فواز نزوره ونتطمن عليه...
ياسمين بهدوء مايحتاج رخصوه...
نواف ناظرها متى رخصوه؟
ياسمين اخر الليل؟
نواف باعتراض كيف يرخصونه كذا؟
ياسمين هو طلب يطلع...
نواف طيب وش طلعت نتايجه..ان شاءالله كل شي بخير...
ياسمين بشرود والله مدري...ماقال لااي احد عن اللي فيه...
نواف طب ليه..
ياسمين مدري...
نواف حتى مشاعل ماتدري...
ياسمين لا.......تقول ترجته طول الليل وماقال لها أي شي...
نواف الله كريم.....
احمد ياسمين ماتبين تاكلين؟
ياسمين بدون نفس لا..
احمد علشان مشاعل بالمستشفى هي وفواز وانتي زعلانة عليهم..
رفعت راسها وقالت بحزن أي..
نواف أي بس مالازم تظلين كذا لااكل وضيقة خلق ..بتتعبين..
ياسمين مسحت دمعة طاحت منها ونواف يناظرها مو مشتهية شي....ضايق خلقي على مشاعل...بليز خلص اكلك بسرعة ابي اروح اشوفها..
تنهد وقال طيب قومي لبسي عبايتك....
قامت بسرعة بدون ماتقول أي شي...وظل هو يناظر بطيفها اللي راح وبعدها حول نظره على ولده احمد اللي كان يناظره....
كانت بعدها جالسة بعبايتها ودموعها ماوقفت وهي بروحها بالصالة.....
امها كانت جنبها بس عجزت تواسيها اصلا حالة الشرود والسرحان والبكي ماهم مفارقينها...
طلعت الشغالة تفتح الباب يوم دق الجرس..
وبعد ثواني دخلت الشغالة ووراها نوف اللي كانت منهارة من البكي,,,
ظلت مشاعل تناظرها بجمود وهي مو قاوية تقوم من مكانها رغم انها كانت تبكي وبس شافت نوف شهقت وعلى صوتها...
حتى نوف اللي كانت ذابحة نفسها بالبكي يوم شافت مشاعل جالسة ماعرفت شتسوي ..
ظلت واقفة مكانها وحست ان رجلها مو شايلتها وتسندت على الباب اللي هي جنبه وطاحت تبكي على الارض وقامت لها ام تركي بسرعة...
كانت مشاعل بتقوم بس حست انها مو قادرة توقف...
قامت تزحف نوف لين وصلت للكنبة اللي فيها مشاعل وحضنوا بعض وقاموا يبكون مع بعض بصوت عالي حتى ام تركي بكت معهم..
نوف مشاعل.....
مشاعل بصوت باكي ماقضيت ليلتي مثل باقي البنات يانوف ماقضيتها..الليلة اللي كنت انتظرها بكل مافيها ضاعت مني يانوف...
وينك ليه ماظليتي جنبي ليه؟؟
نوف وهي تبكي وهم بعدهم حاضنين بعض.. اسفة يامشاعل والله مابعدت عنك بكيفي..
مشاعل بتاْنيب مادعيتيلي في بيت الله يانوف؟
نوف وهي تبكي وتشاهق دعيت الله يوفقك يامشاعل صدقيني....شقدر اسوي يابنت العم عاد..والله كل وقتي وانا ادعيلك وادعيله بالسعادة وكمال العشرة...
مشاعل بتنهيدة اه يانوف اه...حلم ماابي اصحى منه...ماابي اشوف تعبه ومرضه ..ابي فواز القوي اللي وعدني بالسعادة والحب...
ظلوا يبكون بقوة لين فرقهم تركي عن بعض واخذ مشاعل بحضنه يهديها ونوف حضنتها ام تركي تهديها..
مشاعل ببكي عالي وهي بحضن تركي وين السعادة ياتركي وين؟ليش يقولون اللي يتزوجون يسعدون وينبسطون؟انا ماشفت ها السعادة اللي يحكون عنها ياخوي؟ابي حبيبي ..ابي فواز..ابي شيخ الرجال بقوته وكماله...ليش صار كذا فيه ومن اول ليلة بعد!!
تركي وهو يحاول يتماسك قدامها ومايبكي اذكري الله يامشاعل اذكري الله....ربك فوق وهو العالم بحالكم وهو اللي كاتب لكم ها النصيب...
خالد اقول حبيي بلاش شغل ها اليومين خلك مرتاحة..
وضحى باعتراض خالد والله مافيني شي..لاتكبرها عاد؟
خالد قلت لا يعني لا ومابي نقاش فيها...
وضحى طيب على امرك وش تبي بعد؟
تنهد خالد وماقال شي...
وضحى بحنان حبيبي وش رايك تاخذ اجازة اسبوع وتجلس عند مشاعل..
البنت محتاجة احد تسولف معه وتفرغ شحناتها فيه وخبرك البنات كل وحدة وراها رجال ومي حلوة تتركه وتقعد عندها..
خالد باعتراض أي بس فواز عندها..
وضحى واذا كان.انت خالها وهي قريبة منك....واذا ظليت معها بتخفف عنها..انا عارفة علاقتك مع البنات وش مداها..
لاتتخلى عنها بها الموقف ياخالد تراها محتاجتك...
خالد تنهد كل لحظة يكبر احترامي لك ياوضحى..
وضحى غيرت الموضوع وش سويت على دورتك اللي بالرياض..بتروح وبتوقفها؟
خالد بضيق مدير النحس مو راضي ياْجلها شوي رغم اني قايل له عندي ظروف بس ينطق مو رايح والدنيا قايمة هنا...
وضحى الله كريم ان شاءالله,,,
عبير كيفها مشاعل اللحين..
عبدالله بتعب والله ماهي طيبة ياعبير ماهي مشاعل اللي احنا نعرفها..
شي ماهو بالخاطر ابدا..
عبير قدرها بعد انتوا شتسوون ....
تنهد بتعب اكبر وقال حاس ان خاطري مكسور...مو قادر اشوفها كذا..معورة قلبي...
عبير حبيبي خلك اقوى من كذا الشي قدر ومكتوب وصار لها لاانت ولاغيرك بترده....
عبدالله عارف ياقلبي بس بعد...علاقتنا مع بعض تجبرني اخاف عليها..مشاعل احنا مو متعودين عليها الا بوقت الفرح والضحكة...كذا ماهي مشاعل اللي نعرفها ياعبير؟
تنهدت بضيق وماقالت شي,,,,,
سكت هو بعد وبعدها قالت الحمدلله على سلامة تركي ونوف؟
عبدالله الله يسلمك...تصدقين الكل لاهي حتى تركي ونوف من عرفوا وهم هناك ولاكاْنهم جايين من سفر وتعب؟
عبير بحقد انبسطوا هناك؟
عبدالله بنرفزة بالذمة في وقت نسولف عن ها الشي ياعبير؟
عبير لاتكبرون الشي ياعبدالله..انا شفت فواز اليوم مافيه الا العافية قاعد يسولف معكم عادي يعني وش فيها ذا سئلتوا تركي اذا كان انبسط هناك ولالا؟
عبدالله بضيق ان شاءالله مفكرته رايح جزر الباهاما يتونس؟؟يبى راجع من حج وطواف وسعي...تعب في تعب...
عبير وانا شقلت عاد!!!هذا جزاي اني ابي اغير جوك المتضايق...ياكلمة ردي مكانك..خلاص بظل ساكتة ومو قايلة شي...
مشعل هلا..
ياسمين هلا فيك..
مشعل زوجك جنبك؟
ياسمين أي..ليه تساْل؟
مشعل البارحة مادقت لنواف بنت؟
ياسمين بخوف البارحة؟متى يعني؟
مشعل مدري بس بعد ماطلعنا من المستشفى اكيد..
ياسمين وانت وش عرفك ان في وحدة بتدق عليه بالله؟
مشعل مو واللي يسلم عمرك وعمري انا اللي عاطيها رقمه؟
ياسمين بنرفزة مشيعل وعمى ان شاءالله؟
مشعل لحظة لحظة لحظة لاتفهميني غلط؟
ياسمين قول اللي عندك خلصني...
مشعل سمعي السالفة .......... .
ياسمين وهي شكو بالله ان شاءالله تبي توصل لهم الخبر.....
مشعل عاد انا قلت خلها تاخذ لها غسلة شراع من نواف وهو ماشاءالله شاطربها الامور شغلته بس يصارخ ويغسل شراع الاوادم....قولي ان شا ءلله بس مايصارخ عليك انتي بعد!!علميني علشان اروح العب في سيارته احرقها اسوي فيها بلاوي... ....
ياسمين يالله اقلب وجهك ماتنعطى وجه انت بعد!!
مشعل يالله اشوفك بعدين بروح اشوف جدتي وينها علشان اطير عقلها شوي..
ياسمين وهي تضحك يالله بحفظ الله وقلبي معك مقدما ياعمري من اللي بيجيك منها....
مشعل أي والله كثري منها...
ياسمين يالله باي...
قفلت السماعة وقال نواف بسرعة كان طيرتي له بوسة بعد!!!
رفعت عيونها وقالت بلامبالاة اخوي هذا..واذا منت مصدق شوف الكاشف...
نواف ادري انه اخوك ليش كنتي بتاخذين راحتك معه بها المياعة وهو مو اخوك...وبعدين اخوك كبر عيب تتكلمين معه كذا!!
ناظرته بنص عيون وماقالت شي....
وهو كان يبي بس يتحرش علشان تظل تسولف معه وماترجع لسكوتها عنه...حتى لو تهاوشوا المهم يسمع صوتها.....
نواف وبعدين انا مو قايل لك اليوم بنقعد ساعة وبعدين نمشي وش له بعد تدقين لي وتقولين بعدين برجع...
ياسمين بنفاذ صبر مشاعل كانت تعبانة وكنا لازم نكون جنبها وين المشكلة لو قعدت معها وقت اطول؟
نواف كنا متفقين على مااعتقد..
ياسمين أي ..اسفة حقك عليّ مااعيدها من جديد وش تبي بعد يابو احمد؟
ناظرها وسكت...يعرفها اذا ماطاقته دايم تقوله ابو احمد..ومبين انها مو طايقته ابدا اليوم؟
قالت علشان تتستفزه اكثر وهي تكذب عليه اليوم دقت لك ام احمد ولاريم سميها مثل ماتحب ..
تغيرت ملامحه مرة وحدة وبان عليه الانفعال...
كملت بشماتة ان شاءالله كلمتها بس,,,
قالتها وقامت لسريرها ودخلت وتغطت وجاها مثل البركان...
نواف بعصبية متى كلمت؟
ياسمين ببرود ليه ماعندك خبر انها بتكلم...ماكنتوا متفقين على هالشي؟
نواف بحدة حسني ملافظك معي..وجاوبيني؟
ياسمين ببرود قهره اكثر وانا وش قلت عاد؟ها المرة اتفقوا على اوقاتكم من قبل؟
مسك يدها بقوة وصارت قريبة منه....
نواف بحدة انا مابيني وبينها أي شي فاهمتني,,,,
ياسمين ظلت تناظر فيه وهي شايفة الصدق في عيونه بس تبيه هو يتكلم ليش قالب حياتهم بسكوته وهو مايبيها ويكرهها...
نواف بقوة اكبر وهو يشد على يدها بقوة اكبر ومبين انه بينفجر من كثر عصبيته صدقتي ولابكيفك مو مشكلتي..ابي اعرف متى كلمت وش كانت تبي منك وشنو قالت لك؟
ظلت تناظر فيه وقالت هو بينفجر بينفجر خلي ينفجر بطريقة ثانية احسن لي وله لاني حاسة اني بروح ورى الشمس من كذبتي,,,
تقربت منه وباسته على خده بنعومة وقالت بهمس لاتشغل بالك فيها على اخر الليل..تصبح على خير....
ظل جامد بمكانه وهي بعدها قريبة منه وخدها على خده...
وحست بحرقة انفاسه ووقف الدم بعروقها..حتى بعد ماتزوجوا قربها منه يربكها...
ياسمين بهمس وهي مو مقاومة قربه لك ثلاث ثواني اذا مابتجي حضني لاتحاول تجي بعدين لاني مابفتحه لك....
باخر الليل ,,,
مشاعل بترجي يمه خلاص انا قادرة اشيل نفسي وبعدين هنا الشغالة وهو عنده الممرض...
ام تركي باعتراض مقدر اتركك بروحك يايمه...
مشاعل يمه روحي..انا بخير...صدقيني..وبعدين لو حسيت اني مو قادرة بدق لك لو اخر الليل وبصحيك من نومك بس الله يخليك روحي ارتاحي اللحين...
ام تركي لايمه مقدر اتركك بروحك...
مشاعل قول شي يابو تركي؟
ابو تركي بحنان متاْكدة بتكونين بخير يابنيتي؟
مشاعل بثقة مهزوزة أي..وبس احتاجكم بدق لكم صدقوني...
ابو تركي بتنهيدة خلاص ياام تركي امشي...
ام تركي لا مو رايحة بظل معها..
مشاعل يمه انا بقعد مع فواز....روحي مع ابوي ارتاحي...صدقيني مو ناقصنا شي....ياالله يمه روحي....وانتبهي على نوف ترى المسكينة تخرعت وهي توها رادة من سفرتها وتعبها...
ابو تركي اخلي اخوك ينام معكم..
مشاعل لا....
ابو تركي ديري بالك على نفسك يمه..وبس تحسين انك محتاجة أي شي دقي يبى طيب..
مشاعل عسى الله لايحرمني منكم,,,,
في بيت بو تركي..
ابو تركي منو اللي خبر تركي ونوف بالحادث؟
ام تركي بنرفزة عبير؟
ابو تركي وهي كيف قالت لهم...احنا مو متفقين مانقول لهم الا اذا جوا وارتاحوا...
ام تركي بضيق طيب روح قول لها ها الحكي انا عارفته..
ابو تركي ومنو امرها بالله تنقل لهم الخبر؟
ام تركي ..........
ابو تركي اصلا هي كيف شافتهم قبلنا؟محد يدري انهم بيجون اليوم انا لو تركي قايل لي كان رحت المطار بس ماقال لااحد انه جاي..
ام تركي شافتهم بالبيت وهي مفارقة من اول يوم انخطبت فيه وهي مرابطة هنا...
ابو تركي انا لي كلام مع زوجها عنها بس بعد ماتستقر امور مشاعل ان شاءالله لان تصرفاتها حييل مو عاجبتني....
*********
في غرفة تركي ونوف....
طلع من الحمام ولقاها جالسة على الفراش وهي حاضنة مخدة وتبكي عليها..
تقرب منها وجلس قبالها وشال المخدة منها وسط اعتراضها,,,,
تركي نوف...هدي يابنت الحلال..
نوف .تبكي ومالها باله...
تركي رفع شعرها عن وجهها وهو يواسيها محد منا تمنى يصير ها الشي بس البني ادم مايقدر يعترض على قدر كتبه له رب العالمين وانتي اكثر وحدة عارفة ها الشي وفاهمته..
نوف وهي تشاهق ندمانة اني ماكنت معها بيومها....
تركي ولو كنتي هنا وش كنتي سويتي؟
نوف كنت بوصلها لباب بيتها واتطمن عليها وبعدها برجع البيت..
تركي تتوقعين روحتك معها كانت بترد الحادث يعني!!نوف خلك مؤمنة...
كلنا زعلانين على مشاعل ومتاءسفين على وضع فواز...بس مانقدر نسوي شي...
نوف طب اللحين هو شفيه؟
تركي والله مدري بس شكلهم يقولون انه ممكن يكون.....
نوف بخوف شنو؟
تركي بتنهيدة هو ماقال لااحد بس هم متوقعين انه ماحيقدر يمشي من جديد؟
نوف بصدمة ماحيقدر يمشي؟؟؟شنو يعني؟منو اللي قال ها الكلام؟
تركي فواز مارضى يقول لهم عن شي ودكتوره هو صاحبه وبعد التزم الصمت ورفض فواز انه يروح مستشفى ثاني...
نوف طب يسافر برى لو الخبر صحيح هناك الطب متقدم اكثر..
تركي انا عموما ماجلست معه كثير اليوم بكرة بحاول اقعد معه وافهم منه وش صاير بالضبط؟
نوف امانة ياتركي امانة لزم عليه يسافر اذا كان يحتاج...مشاعل تحبه وتعبه ومرضه بيكسرونها اكيد....
تركي الله كريم.....يالله نامي ارتاحي انتي تعبانة..
نوف تركي ...
تركي قولي ياعمري....
نوف فيني انام بغرفتنا انا ومشاعل الليلة؟
تركي بهمس وانا؟
نوف ابي اظل هناك ابي اشم ريحتها بكل مكان بالغرفة....
مو كفاية انك ماتركتني انام معها هناك؟
تقرب منها اكثر وقال بهمس ومتى بتجي ليلتنا ان شاءالله؟
نوف بارتباك الله يخليك...
تركي اذا تعودتي تتركين ها الغرفة مرة يانوف بتسهل عليك تتركينها مرة ثانية وثالثة..
نوف بترجي طب تعال نام معي انت بعد...
تركي ياسلاااام..
نوف بتشجيع أي...انا انام على سرير مشاعل وانت تنام على سريري؟
تركي ماشاءالله...وكريمة بعد..زين ماقلتيلي نام على الارض بعد!!
مشاعل بصدمة شنو؟
فواز بتنهيدة وهو صاد عيونه عنها هاذي حياتك يامشاعل...
مشاعل بلعثمة ودموعها تسبقها انت جالس تحكي بوعيك يافواز...
فواز بتنهيدة ماابي اكون...
قاطعته بانهيار شنو ماتبي تكون شنو؟انا حبيتك فاهم شنو يعني حبيتك؟؟!!يعني اخترت اقضي معك باقي حياتي كلها...
مشاعل انا مايهمني وش فيك ولاابي اعرف ...بس ابي اظل جنبك...انا راضية اكون جنبك واخدمك طول عمري بس اشوفك قبالي وعيوني ماتنحرم نعمة شوفك..
مسك يدها وقال بحزم واذا ظليت طول عمري جالس على ها الفراش يامشاعل....بتحرمين نفسك من الشباب والوناسة والفرحة وتظلين مخنوقة معي!!!
فكرك اني بوافق على ها الشي..لايامشاعل..
احبك بس سعادتك ابدى عندي من أي شي..
مشاعل بانهيار كذاب..ماتحبني لو كنت تحبني ماطلبت مني ها الطلب..
فواز بضعف مشاعل افهميني...شبابك له حق عليك..حرام تدفنينه مع واحد مثلي يمكن يكون مامنه رجاء..
مشاعل بامل ويمكن يكون فيه امل..
فواز بحدة واذا اكيد مافي امل؟؟
سكتت وظلت تناظر فيه وحس بالضعف...
قال بحساسية لازم تشوفين حياتك ..لاتدفنين شبابك علشاني وانا انتهت حياتي...
مشاعل بدموع احبك....وابي اظل جنبك وش مشكلتك انت!!!
فواز بضعف ابي سعادتك..
مشاعل وهي تاءشر له انت سعادتي...قربك سعادتي...افهمني...انا اخترتك وماراح اغير رايي..
فواز تنهد وكملت هي بكيها..
فواز بكرة اذا ابوك جاني بكلمه بها الموضوع....وقت اللي تقررون متى..
انفجرت بها اللحظة تبكي بقوة وتنهد هو..
قامت تصارخ وهي قباله علطول ماتبيني..هذا اللي وصلت له..نسيت كلامك اللي كنت تقوله..مهما صار مالازم نفترق ولاياءثر فيني شي؟
فواز بتعب بس في اشياء تستوجب علينا نفكر بعقل مو بعاطفة...
انا مافيني امشي من جديد يامشاعل ولازم انا وانتي ننفصل علشان تعيشين حياتك...لاتتعبيني اكثر من تعبي اللي انا فيه؟؟
اشوفكم بكرة على خير ان شاءالله
****
***
**
*
البارت التاسع والثمانين ,,,
فواز بتعب تعالي قربي...
كانت مشاعل صادة عنه وعاطيته ظهرها وهي حاطة يدينها على وجهها وتبكي,,,,
تنهد بقوة وقال بضعف اكبر مشاعل...لاتفكرين ان ها القرار سهل عليّ اقوله ولاحتى افكر فيه...
بس انا ابي سعادتك قبل سعادتي صدقيني...
مشاعل من بين دموعها مو رادة عليك لانك عارف وفاهم شنو انت بالنسبة لي....
تنهد وقال بحنية طيب قربي ..والله لو فيني قمت ومسحت دموعك,,,,
لفت وجهها له وهي تمسح دموعها بيدينها واْشر لها تقرب اكثر وقربت ,,
صار يمسح دموعها بيدينه وهو يهمس لها بين كل ثانية واللي بعدها احبك,,,
وهي كل ماسمعت ها الكلمة منه بها الضعف حست ان روحها تطلع منها,,,,
يوم مسح كل دموعها قربها منه وسند راسها على صدره وقام يلعب بشعرها وهو حاضنها لصدره ,,
حط راسه على شعرها ومامنع دموعه تنزل بذيك اللحظات...
همست له بخنقة وهي بصدره ليش تغيرت كذا مرة وحدة؟
فواز بتعب ومقاومة ومن قال اني تغيرت؟
مشاعل يعني معقولة ماكنت اشوف حبك ذيك الايام وكنت اتوهم انك تحبني!!!
تنهد بقوة وماعلق وكملت هي بترجي اللي كنت اشوفه فيك الحب وماغير الحب يافواز ليه اللحين تبي تتركني وتكمل حياتك بدوني وانا اللي مافيني ابعد عنك ابدا,,,,,
اسمعها مني حتى لو ترمي علي الطلاق بظل هنا وبظل قربك ومو متباعدة عنك ولارايحة لااي مكان بالعالم....
دوسني برجلك اذا تبي بس خلني جنبك تكفى يافواز تكفى,,,,,
ضمها لصدره بقوة اكبر وكاْنه خايف تبعد لوثانية وحدة عنه,,,,
ظل سهران بروحه حتى بعد مانامت,,,,
شغل تفكيره في انه يظل يتاْملها ويكتشف الاشياء اللي ماكان يشوفها فيها,,,
معقولة في اشياء بياسمين انت ماتعرفها ولاشفتها من قبل يانواف؟؟؟
لامافي طبعا لانك صرت حافظ معالمها بالغيب وبادق التفاصيل وحتى شكلها النايم مايغيب عنك,,,
بياضها مثل قطعة الثلج كاهو ماتغير,,,
شعرها القصير الناعم واللي دايم طايح باهمال على وجهها كاهو مثل ماهو وشكله مابيطول بعد,,,
والله شكلها تقصه من وراك بس يانواف وانت ياغافلين لكم الله,,,بكرة لازم اسئلها وماانسى؟؟
حرك يده ناحية شعرها وباعد كم خصلة طايحة على عيونها...وابتسم...
حتى وهي نايمة يمر في باله شكل عيونها الضيقة,,,
صدق انها مو واسعة بس بالنسبة له احلى من كل العيون الوساع بالعالم,,,,
يحبها ويحب كل شي فيها..بس بينه وبينها حاجز مو قادر يتخطاه علشان يصرح بمشاعره ناحيتها,,,
يدري انه مابيتركها لو شنو صار..
ويدري انها مو نسخة عن ريم وحتى لو فرض وكانت بيخليها تحت جناحه بيظل ياْسرها بروحه وبسجنه وبيعذبها ومابيتركها تروح لغيره,,,
بس شلون تنفك ها العقدة بينهم وهو كل ماجا يتخطى شي يطلع له شي ثاني,,,,
هو ضامن حبها له..او على الاقل حاس فيه...
ياسمين ماعادت تكرهه مثل قبل..يعني من تزوجوا تغيرت مشاعرها ناحيته وهذا الشي ماخفى عليه...
ايام الهدنة وشهر العسل كانت حلوة وكل لحظة فيهم تمر على باله ويتعمق فيها ومايحب يزيحها عن خياله الا اذا حط غيرها...
مشاعرها معه كانت شفافة وواضحة وصادقة,,
اعترافها له بالحب كل ليلة بلحظاتهم الخاصة وحتى باليوم العادي وبمواقفها اللي تصادفهم كانت صريحة ومافيها أي تزوير,,
حتى هو مشاعره ناحيتها كانت صادقة ونابعة من قلبه بس عيبه ان قلب اللحين ولو ان بعض حركاته مفضوحة وتطلع نيته الحقيقية ناحيتها بس يقدر يسيطر على نفسه باغلب الاحيان,,,,
اه يانواف اه...تتوقع بتقدر انت وياسمين تعيشون بحب وبدون منغصات بيوم من الايام,,,
طيب وشكها فيك وفي ريم وفي ان بينكم شي؟
وهاذي المصيبة بعد تناسيتها انا..متى كلمت وشنو قالت لياسمين ياترى؟؟؟؟
اوووف ياربي اللحين ياسمين مستحيل تتكلم وتقول أي شي صار بينهم؟؟؟
صحت من النوم وتركي بعده نايم حاولت تصحيه بس التعب ماخذ فيه حيله وما توعى لها ,,
تركته وقامت تتحمم وتغسل ولبست عبايتها ونزلت تحت,,,,
كان عمها وزوجة عمها جالسين سلمت عليهم وجلست..
ابو تركي حيا الله نوف..
نوف الله يسلمك ياعمي....
ام تركي قومي فطري يمه ولا بتنتظرين تركي...
نوف لاخالتي مو مشتهية بعدين لابغيت اكل شي ,,
ابو تركي تركي لسه نايم؟
نوف أي....ماكان ينام هناك زين..
ام تركي وتكونين انتي اللي كنتي تنامين عدل؟اعرفك انا احنا معك وانتي من نفتح عيونا نلاقيك صاحية,,
نوف ابتسمت وبعدها قالت بالم مشاعل جوالها مقفل؟
تنهدت ام تركي وقالت أي ..قالت وقت اللي ينام فواز بتنام معه ووقت اللي يصحى بتصحى معه وبتفتح جوالها وهي بتدق علينا..
تنهدت نوف وماعلقت بشي...
ابو تركي تنهد وقال يبى نوف اللي صار مقدر ومكتوب وانتي اكثر وحدة عارفة ها الشي ...مو اذا شفتوا بعض اليوم ترجعون تفتحون مناحة....انا صدق خاطري مكسور عليها بس بعد محد يقدر يعترض على رحمة الله,,,
نوف بهدوء الحمدلله على كل حال.....
ام تركي بخنقة ماتهنت بها العرس...
نوف قولي الحمدلله ياخالتي...يوم انها طلعت بسلامتها ..ترى مافي شي يعوض غيابها لو فقدانها...بس الحمدلله رب العالمين كريم,,,
ابو تركي عاد يانوف اسمحيلي مو وقت اني اسوي لكم عزيمة انتي وتركي..
قاطعته بسرعة لاياعمي لاانا ابي ولاتركي يبي....
تركي من وراهم شفيه تركي؟
لفوا له ثلاثتهم..
ام تركي بحنان سلامتك يمه...بس كنا نسولف مع مرتك وعن الوضع كيف انه مايسمح نحتفل ونفرح فيكم وبرجعتكم...
نوف باصرار خالتي انا ومشاعل خوات لاتفكرين اني بفرح وهي حزنانة هذا من سابع المستحيلات,,,
ابو تركي يغير الموضوع شلون بيت الله...كيف تعبكم هناك؟
جلست قبل صلاة الظهر وانتبهت انها غفت على حضن فواز طول ها الوقت ولومت حالها..يعني هو قاصر اصلا انها تحط ثقلها عليه وهو حالته الله اعلم فيها,,,
قامت شوي شوي علشان لاتثير انتباهه..
ودخلت الحمام وركبت فوق بدلت وغسلت ورجعت الغرفة معه من جديد وظلت فترة طويلة جالسة بروحها..لين سمعت صوت الشغالة برى تتكلم مع احد شكله توه جاي لان الشغالة كانت بالحوش بس مااعارت الموضوع اهتمام لو واحد من اخوانها بيكلمها ولو هو غريب بتعطيها الشغالة خبر,,
بس بدون سابق انذار وهي بشرودها وسرحانها قطع عليها صوت راشد الشامت سرحانها وفزعها من مكانها..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك