رواية كل يوم لك حال جديد يوم قريب ويوم بعيد -44
ام مشعل أي وش اللي منعك ان شاءالله..
مشعل هذا الشاعر بيجاوبك.....يقولون العين بصيرة واليد قصيرة...
ام مشعل انت طول عمرك يدك قصيرة وفاضية ماتمتلي...
مشعل لالالاالصدق الصدق يمه ماكان في وقت اشتري هناك اشتغلت بذمة وضمير واثبت لجدي اني رجال وتعلمت اشياء كثيرة..
ام مشعل شنو يعني...وش اللي تعلمته بالضبط قولي؟
مشعل والله مااذكر وش اللي تعلمته بس تعلمت درس ولاتسلئيني مدري شنو ها الدرس؟
ام مشعل ياخلاف..اقول قوم قابل كتبك صار لك ثلاثة ايام غايب وماتدري وش اللي صار بالدراسة؟
مشعل وين بنروح من ها الدراسة الملعونة ورانا ورانا....
ام مشعل احمد ربك غيرك يتمنى يعرف يقرا ولايكتب..
مشعل كل العالم يعرف يقرا ويكتب اللحين يمه..
ام مشعل لامو كل العالم..
مشعل اجل وين محاربة الامية اللي يقولون عنها لو بس يكذبون؟
ام مشعل وقفت انا اروح اجهز في العشى ابرك لي من مقابلك؟
مششعل ليش انتي وش بتسوين ها الاسبوع؟
ام مشعل مدري بروح وبشوف .....وبعدين الحمدلله على النعمة انت كل شي تاكله انت وولد خالتك يعني ماعندك مشكلة؟
مشعل اذكري الله يمه شفيك بتنظريني بعين!!صدق مايحسد المال الا صاحبه؟وماياكلك الا دود بطنك؟
عبير صباح الخير حبيبي...
عبدالله وهو يعدل شماغه صباح الانوار....صاحية بدري اليوم على غير العادة؟
عبير شسوي بعد قلت لازم اصبحك بالخير واسمع صوتك علشان يروق يومي!
عبدالله يابعد طوايفي انت!!
عبير شكلك لسه ماطلعت للدوام؟
عبدالله أي والله هذا انا نازل افطر وبعدها بمشي...
عبير اوووف يعني بتلتقي اللحين مع اهلك ها المغثة؟
عبدالله بحدة عبير...
عبير نعم..
عبدالله انا مااسمح لك الا اهلي هذولا تاج على راسك سامعتني!!
عبير ياسلاام يعني هم تاج على راسي وانا صفر على شمال حياتهم مااحد منهم يهتم بمشاعري....
عبدالله انتي من دخلتي بينهم ماضروك بكلمة ياعبير...
عبير بلى..يكفي رفضهم لي!!
عبدالله هذا شي انتي ماتعرفينه لو ماقلت لك انا عنه...هم لاقربوا صوبك ولاانتي قربتي وقالوا لك شي..وتركي سالفة تركي على جنب...
عبير عبدالله علامك قلبت عليّ
عبدالله انا ماقلبت بس الا اهلي ياعبير لازم تفهمين انهم اغلى شي عندي ومااسمح لمين ماكان يجيب طاريهم بشي مو حلو قدامي واسكت؟
عبير أي يالله هاوشني علشانهم وروح افتح لهم موضوع العرس وشوف وش بيقولون لك؟
مشاعل مسكت جوالها ودقت لفواز اللي رد عليها بسرعة..
مشاعل حبيبي,,
فواز قول ياقلبي...
مشاعل ليه كذا عاد والله احرجتني انا ماابي ولاشي ابي بس نبقى مع بعض ونكون مرتاحين كثير ها الشي؟
فواز وانا وش جبت لك...شي ان شاءالله يلوق بمقامك يالغالية وبعدين انتي زوجتي حرام الرجال يهدي زوجته؟
مشاعل لامو حرام بس كان شاورتني كنت بقولك اكتب لي عمارة باسمي على الاقل؟
فواز هههه تفداك يالغلا العمارة وراعي العمارة...
مشاعل ههه عساك سالم....
فواز اقول مشاعل وش رايك تروحين معي البحرين اليوم....
مشاعل اليوم؟
فواز أي عندي توقيع اوراق هناك مابياخذ عشر دقايق وبعدها ماعندي أي شي..ها مشيتي معي!!
اشوفكم بكرة على خير وادري بتكتبون بتعليقكم البارت مرة قصير خخخ
****
***
**
*
مراااااااحب للكل..شلونكم عساكم بخير ان شاءالله...
البارت الواحد والثمانين ,,,,
عبدالله صباح الخير...
لفوا له امه وتركي وكمل تركي اكله وماكاْنه يشوفه وامه ردت عليه...
جلس قبال اخوه وقام يناظره....
ام تركي كانت تبي تكسر حاجز الصمت شوي بينهم..
ام تركي الا متاْخر اليوم مالك بالعادة...
عبدالله لاوالله مو رايح اليوم كلمته وقال ماعنده شي يعني مالي لزمة اروح اتمركز بالشركة بروحي...
ام تركي امممم
عبدالله تركي....
رفع عيونه عن الجريدة اللي كان يقراها وقال بحدة نعم..
تنهد عبدالله لانه بطبعه حساس لازم نتكلم...
تركي أي اكيد بنتكلم ومن قال ان السالفة بتعدي عاد؟
عبدالله .......
ام تركي وهي قايمة انا بروح اشوف ابوكم شعنده طول بالمكتب؟
بعد ماقامت امهم قال عبدالله انا كنت مكلم نوف بسالفتي مع عبير علشان تتوسط لي وتكون هي اللي اختارتها لي بس مااتفقوا الثنتين ومدري وش اللي صار بينهم كل اللي اعرفه ان كل وحدة فيهم مو طايقة الثانية...
تركي أي وياترى مافكرت بالاسباب؟
عبدالله كل وحدة تقول ان الثانية ماتتناسب معنا..نوف تقول ان عبير ماتناسبني ليش مدري وعبير تقول ان نوف ماهي مثل مااحنا شايفينها؟
تركي وطبعا انت مصدق عبير؟
عبدالله مو مهم منو اللي اصدقه لان هاذي مو هي القضية؟
تركي ووين القضية برايك؟
عبدالله انا وانت ياتركي؟مو معقولة نوف وعبير يفرقونا لو شنو ماصار؟
تركي .....
عبدالله انت اخوي وتاج راسي وكلمتك تسري علي وماابيك تشيل بخاطرك مني وانا ادري انك ماطردت عبير ذاك اليوم الا وانت شايف انه صح ياخوي وانا والله مو جاي اعاتبك ولاالومك ابدا انا اصلا منحرج منها كيف رفعت صوتها كذا قدامك ومااحترمتك...
تركي وقف وشال مفاتيحه وقال بتحذير لاتركبها فوق راسك ياعبدالله لانك انت اللي بتطيح بعدين....
اسمعها مني الحب له حدود واهلك بكفة مالازم تخلي ايا كان يزحزهم عنها...
عبدالله برجا طيب قولي شسوي ياتركي...انا ماابي اخسركم ولااخسرها؟
تركي بعناد هي مو تحبك....لازم تضحي وتتحمل؟
فارس برجاء نورة جلسي..
نورة كتفت يدينها وقالت بعناد قلت لك طلقني؟
فارس بنفاذ صبر محنا اطفال علشان نتعامل مع بعض كذا يانورة؟
نورة وانا اقولك غير ها الكلمة ماعندي...
فارس شلون ماعندك....يبى انا غلطان بس بعد انتي كنتي غلطانة ولاتنسين؟بس صدقيني حقك على راسي يالغالية وشنو ماتبين انا حاضر....
نورة خلاص معناته طلقني؟
فارس بعصبية وقفتها مكانها قلت لك لاتقولين وتعيدين ها الكلمة سامعتني؟
نورة ..........
فارس لاحول ولاقوة الا بالله....انتي ليه مصرة تنرفزيني وتعصبيني عليك كذا من الصباح....
كانت مخنوقة من عصبيته عليها وحست انها بتبكي هاذي اول مرة تشوفه فارس العصبي الحاد بالعادة
دايم اسلوبه في اللباقة والذوق وحلو الكلام يسبقونه....
تقرب منها وهي مشت لقدام بس مسك يدها بسرعة...
ولفها لعنده وصارت قريبة منه حيل غمضت عيونها لانها ماتحملت تكون بها القرب منه وريحة عطره تخنقها ببطء...
فارس بهمس نورة حبيبتي اسمعيني...احنا مصيرنا واحد...انا لك وانتي لي وكل العناد اللي قاعد يدور بينامايفيدنا ابدا!!
نورة وهي مغمضة انا ماابيك؟
فارس بقهر يعني انتي على بالك ها الكلمة ماتقهر لمى تقولينها يانورة؟وقسم بالله انها تجرح....انا بس قلت لك اكرهك وانتي ولعتي الدنيا شلون لو اقولك انا ماابيك شبتسوين؟
قالت بسرعة وحدة لو تقولي ماتبيني بيكون في علمك اني مابوقف معك دقيقة زيادة؟
فارس بهدوء طيب ...منتي قلتيلي ماابيك؟
سكتت نورة وقامت تناظره..
فارس انتي قلتيها وانتي اللي جالسة تعيدينها...مافكرتي ولا للحظة ان ها اللي واقف قبالك ممكن تكون عنده مشاعر واحاسيس يانورة وان ها الكلمة بتذبحه؟
نورة كانت تناظر بالارض ليه ماتدري كل اللي حسته انها مو قادرة تناظر بفارس ها اللحظات لان كل حرف قاعد ينطق فيه صحيح مية في المية وان هو اللي قاعد ينجرح منها ومع ذلك متمسك فيها حتى مع رفضها...
قالت بدون مقدمات وكان السؤال طرى على بالها فجاْة ويوم انك منذبح مني ليه كملت؟ليه ماتنازلت ورفضت وقلت ماابيها؟
تنهد بقوة لدرجة انها حست انها بتحترق من انفاسه لانه مال عليها اكثر وقال برقة وهمس لان هني المشكلة يانورة...شفتي ها القلب اللي بين ضلوعي قاعد يكبر يانورة,,,,
كل مايسمع بطاريك يتعلق فيك اكثر واكثر لاشعوريا ويوم شافك زاد جنونه فيك,,,,
رفعت راسها وظلت تناظر فيه نظراته كلها صادقة ومافيها أي كذب كل الحب اللي قاعد يقول عنه موجود بعيونه...
جت بتتكلم بس صوت سعد وراهم خلاهم يلفون له بسرعة
سعد انتوا واقفين شتسون؟
كان سعد توه قايم من سريره وحتى ماغسل وجهه والنوم مسكر له عيونه وهو واقف يتاْملهم وحست نورة بالاحراج من وجوده ومن شكله؟؟؟؟
نوف اشوف وريني؟
مشاعل شوفيه في يدي احلى...
نوف اقول شيليه بس قالت بيدها احلى,,,
مشاعل أي وانا الصادق بيدي احلى...
نوف متى مداه يجيبه صحيح؟
مشاعل اسرار مانقول عنها....
نوف ليه مارحتي معه البحرين؟
مشاعل بتفكير مدري....بس قلت اثقل نفسي شوي يعني اسوي روحي شخصية ولو اني نفسي اروح من زمان عنها..
نوف أي والله شرايك نقول لخالتي اليوم ونروح بكرة...
مشاعل على يدك تريك مابيقول لا اذا درى انك بتروحين؟
نوف أي بس انتي مو معنا؟
مشاعل باعتراض ليه؟؟؟
نوف توه فواز قايل لك وقلتي ماتبين شلون بكرة تجين معنا فشله شبيقول الرجال ماتبين تروحين معه؟
مشاعل لالالامستحيل تروحون اجل ..
نوف لابنروح بس ماحناخذك معنا..
مشاعل هذا اخر كلام عندك؟
نوف بثقة طبعا وماعندي غيره....
مشاعل طيب انا اوريك شغل النذالة قلتي اخر كلام وماتغيرينه..
مسكت جوالها ودقت على تركي ونوف طبعا ماتدري انه تركي ..
مشاعل هلا تركي...
ناظرتها نوف ومشاعل مسوية انها ماتناظر فيها....
مشاعل أي معك بس اقول ترى فواز جايب لي سوارة هدية ومرتك حضرتها من حطتها في يدها عجبتها وماهي راضية تردها لي شوف لك صرفة بتشتري لها وحدة بتسرق لها دبر امورك يعني سوارتي ترجع ترجع؟
نوف بصدمة شوف النذلة!!
مشاعل وخرت السماعة عن اذنها وقالت لنوف قلت لك محد يوصل لمستوى نذالتي!!!
احمد انا جوعان؟
ياسمين انا بعد جوعانة...
احمد ليش مانروح نقعد في بيت ام العم مشعل علشان ناكل هناك..
ياسمين بيت ام العم مشعل شوي قوية؟
احمد شقلتي؟
ياسمين شتبيني اقول...راح ابوك يجيب لنا غذى...
احمد قوليله خل نروح هناك هني مافي احد؟
ياسمين وليش ماتقوله انت؟
احمد انتي زوجته...
كان نواف وصل بها اللحظات ووقف يسمعهم قبل لايدخل لهم الصالة....
ياسمين وانت ولده؟
احمد بس انا مايحبني؟
ياسمين ولاانا يواطني بعيشة الله؟
احمد شنو يعني؟
ياسمين تنهدت وقالت مدري...
احمد خلاص نخلي العم مشعل يقوله لان العم مشعل كل الناس تسمع كلامه شرايك؟
ياسمين انت مو مبسوط هنا؟
احمد بضيق لا
ياسمين ليه؟
احمد مو مبسوط..
ياسمين بس هذا بيت ابوك وانت لازم تكبر في بيته وهو اللي يربيك؟
احمد ماابيه انا برد بيت امي ريم ابوي مايحبني ومايكلمني ..
ياسمين وامك تحبك؟
احمد لا
ياسمين بصدمة وليه تبي ترجع لها..
احمد لان هناك جدي وحمد خالي دايم انا معه نطلع وهناك اولاد الخالة روان رندة ورنا وانا العب معهم طول اليوم...
ياسمين قريب بتولد العمة وضحى وبتلعب مع ولدها اذا كبر واليوم اذا رحنا بيت ام العم مشعل على قولتك بتشوف محمد ولد حصة وبتلعب معه اللي شفته ذاك اليوم....
احمد اللي دايم العم مشعل والعم سعد يطقونه يقولون ننتقم من امه؟
ياسمين بتنهيدة الله ياخذ العم سعد والعم مشعل هذولا بحد ذاتهم ارهاب؟
احمد وين العمة لؤلؤة؟
ياسمين بحزن جالسة في بيت خالها....
احمد بترجع ولاماهي راجعة؟
ياسمين والله مدري....ياليت ابيها تكون هنا اليوم قبل بكرة؟
احمد طيب ليه ماتجي العمة وضحى والعم خالد ويسكنون هنا معنا انا احبهم اكثر من ابوي؟
ياسمين ناظرته فترة طويلة بدون ماتقول شي وقرر نواف انه يدخل لهم وتوه بيخطي الخطوة الاولى الا ياسمين ماسكة يد احمد وهي تناظره وتقوله غلط يااحمد...مايقولون مانحب البابا مايجوز..هو يحبك..
احمد باعتراض مايحبني..انا يوم اسئله انت تحبني يوم ياخذني من بيت امي قال لا...
ياسمين تنهدت وقالت تدري ليش هو قال لك لا...لان ماهو مصدق انك تسئله ها السؤال يااحمد كل ابو بها العالم يحب عياله ويتضايق اذا سئله ولده انت تحبني ولالا...انت تشوفه يروح من الصباح يشتغل ويجيب لك فلوس علشان تاكل وتلبس وتلعب صح ولالا...لو مايحبك ماشرى لك شي ولاعطاك أي شي....
احمد بس هو كله يصارخ؟
ياسمين لانه يجي من العمل تعبان..
دق التلفون وراح احمد يركض له وضحكت ياسمين وقالت بصوت مسموع والله دنيا ابرر لك تصرفات نواف يااحمد وانا ابي من يفهمني وضعي معه شنو وتصرفاته ليه كذا معي!!!
مشعل انتي اللحين كذا تلفين السموبسة؟
وضحى وهي تلف اجل وشلون يلفونها؟
مشعل مدري انا اعرف بس اكلها؟
وضحى اصبر زين خل نقلبها مو تاكلها كذا نية ماتصلح؟
مشعل تنقلى داخل المعدة لاتخافين عليها..
ام مشعل وهي تقطع الدجاج هاذي الله يسلمك ياوضحى وراثة من خاله خالد ماياكل عجيبنة السموبسة الا كذا تحلى بعيونه من يشوفنه نلفها وحدة رايحة ووحدة جاية الله يذكره بالخير..
وضحى ابتسمت وقالت لاام مشعل مو فشلة اقول للحين هو كذا ماتغير ..ولاغير ها الطبع اللي فيه؟
مشعل شوف ها تبي بس تحرمني انا قولي لزوجك اللي طول بعرض وهو بعده ياكل ..انا ادري ماتبين ياكل واذا هو جا اللحين وقال يبي بتقولين من عيوني خذ العجينة كلها؟
وضحى لاوالله ماراح اقوله بقوله يضرك وانتظر وانا بقوم اقليه لك..
مشعل بتحدي بنشوف..وينه زوجك؟
وضحى جالس مع مرة عمي يتقهوى؟
مشعل وهو عنده شغلة ثانية يايتقهوى يايتعشى يايحلي..غير الاكل والنوم ماعنده..
وضحى اذكر الله وصل على النبي..
ام مشعل خخخخ اللهم صلي عليك يانبينا محمد...
طلع مشعل لخالد الصالة وبعد لحظات رجع ومعه خالد....
ام مشعل وانت ليه جاي معه بعد ياخالد؟
خالد قال في اشياء حلوة هنا تسوونها...
وضحى خالد ماعليك منه..
خالد اوه ه تلفون سموبسة يعني..
تقرب ومد يده..
ام مشعل انت ماكبرت ياخالد بتصير ابو وانت شغل البزارين ماتركته؟
خالد خخخخ لاالا عجينة السموبسة مااتركها..
وضحى خالد ردها لاتاكلها كذا..
خالد بس وحدة ..تكفين...
وضحى لا
خالد معليش نص...
مشعل يالله قوليله لا انا حتى الربع ماعطيتيني؟
وضحى وتشوفني قلت له أي...انا قلت له لا...وهو بكيفه بيسمع الكلام ولالا..
خالد بسمع الكلام بس بعد ماتعطيني وحدة ولا ترى باكل من ذولا المحشيين الجاهزين..
وضحى اقول خالد روح طلع المقلاة اللي بنقلي فيها..
ام مشعل لاوضحى خليه لبعد الصلاة مابنقليه اللحين؟
وضحى تاْشر لاام مشعل انها بس تبي خالد يوخر ويشغل نفسه..
مشعل شفتكم ها وادفعوا يالله لاافتن!!!!
نوف بتشوفين يامشاعلوا..
مشاعل خخخخخخ
نوف بجدية الا ها السوالف انا مااحبها وش بيفكر اللحين تركي؟
مشاعل مابيفكر بشي لاتشغلين بالك؟
نوف الا بيفكر ..انا ماابيه يفهم أي شي غلط..ورفعي سماعة التلفون وقوليله ان الحكي من راسك ولاانا لالبست اسوارتك ولاقلت ابيها؟
مشاعل انتي علامك صايرة حساسة....
نوف أي ماابيه يفكرني مادية ولا...
قطع عليهم صوت الباب اللي اندق وتوها مشاعل بتقوم تفتح الا وتركي يدخل..
مشاعل ماقلنا لك تفضل؟
تركي لاوالله!!اقول لااطردك اللحين قالت شنو قالت ماقلنا لك ادخل؟
لفت لهم نوف وكانت لابسة بنطلون جينز فاتح وبلوزة برتقالية وناظرها تركي وجلس جنبها..
مشاعل وهي واقفة على راسه أي وبعدين..
تركي وين القهوة؟
مشاعل اخاف مضيع ياالحبيب مو هنا المقهى هاذي غرفتنا ..اي صدق نوفوا وش تتوقعين يسوون بغرفتنا بعد مانتزوج انتي بتروحين بجناح تركي طيب وهاذي؟
نوف بتظل مثل ماهي طبعا؟
تركي وليه؟
نوف علشان اذا اختلفنا وبمعنى اصح تهاوشنا اجي هنا؟
تركي أي زين قلتيللي علشان اغلقها بالشمع الاحمر..
مشاعل جلست على الطرف عند تركي وقالت ول...
تركي انتي ماتتركينا بروحنا شوي..
مشاعل ابدا والله..
تركي هذا من قمة الذوق اللي فيك؟
مشاعل اقول اخلص وش جاي تشوشر باذن مرتك وماتبيني اسمع؟
تركي سلامتك بس جاي أشوف العرس وش صار فيه وش اللي قاصركم وشنو اللي مابعد كمل؟
مشاعل لاتطمن كل شي تمام..
نوف احس مالي لزمة شرايكم اقوم..
ابتسم لها تركي وقال هاذي بالله احد يقدر يتكلم بحضورها....
مشاعل اقول تركي وين بتسافرون شهر العسل؟
تركي ماحنسافر شهر عسل...
مشاعل ليه؟
تركي لان مالك شغل؟
مشاعل اها عرفت علشان تحضرون عرسي وبعدها تسافرون معي بنفس اليوم..اعرف ها الحركات...
تركي والله ماحنسافر شهر عسل ...وبعدين انتي بتسافرين؟
مشاعل طبعا بسافر انا مشاعل الحربي وزوجة فواز السديري ماتبيني اسافر؟
نوف تعرفهم ذولا ياتركي؟انا ماقد سمعت فيهم من قبل؟
مشاعل شهقت وضحك تركي عليها..
مشاعل زين انتي اللي بديتي تتنيذلين معي!!!اقول تركي تصدق حتى الورد اللي جايبه لي فواز ومكتوب عليه اسمي كاهي صادرته وحطته على فراشها؟
نوف لاحوول...يبى اخاف اشحت منك بس وانا مدري؟؟؟
تركي هههههه...
نوف الصدق تركي وش رايك بكرة نروح البحرين زمان عنها..خل نشوف وش برنامج خالتي ونروح بكرة انا وانت وخالتي؟
تركي بهمس وليه انا وانت وخالتي؟انا وانتي وبس خالتك مع عمك مالنا شغل فيهم؟
نوف .......
مشاعل وش تقولون ؟
نوف اقوله ابي ادخل السنما زمان مادخلت..
تركي بهمس في اذنها وطبعا الفلم مرعب..
نوف ليه..
تركي علشان اذا خفتي اضمك انا لصدري؟
ناظرته وكان يناظرها وابتسمت له وماعلقت بشي..
ياسمين منو على التفلون؟
احمد واحد يبي فهد قلت له مو بيتهم هذا..
ياسمين اممممم...طبعا انت السنة هاذي بتدخل الروضة؟.
احمد باعتراض ليه؟
ياسمين شنو اللي ليه ماتبي تتعلم؟
احمد بس على شرط ابي الروضة اللي تروح امي فيها؟
ياسمين ليش امك تدرس بروضة اللحين؟
احمد أي....
ياسمين مااعتقد يمكن البابا مايوافق يااحمد اذا ماوافق لاتقعد تبكي مثل الصغار انت كبير اللحين وبس تتغذى تقوم تتحمم علشان العصر بنروح بيت جدي ...اللي هو بيت العم مشعل......
احمد جبتي ثيابي اللي هناك؟
ياسمين عندك شوية اغراض هنا من قبل...وبس يفضى البابا بعد كم يوم بنروح نفصل لك غرفة انت تختارها ونشتري لك كل اغراضك اللي تحتاجها...
احمد طيب واغراضي اللي هناك في بيت امي ريم؟
ياسمين ياولد الحلال لاتمشكلني مع ابوك سيرة امك مايحب يسمعها ومو بكل كلمة قلت لي بيت امي ريم انا مالي شغل؟
احمد طيب هي بتجي هنا معنا؟
ياسمين
احمد يوم البابا اخذني قالت لي بتجي....قالت بتكلم ابوي علشان يجيبها هنا وتكون قريبة مني؟
سرحت شوي بافكارها لبعيد وماسمعت باقي كلام احمد...معقولة ريم على اتصال بنواف والحجة احمد؟؟؟؟ياترى هل تكلمه فعلا ولالا؟
رجعها للواقع صوت نواف اللي دخل عليهم واللي ملامحه كانت ثايرة من الكلام اللي سمعه بينهم من بداية حكيهم...
نواف جلس على الكنبة وقال بامر الاكل بالمطبخ اذا تبون تاْكلون؟
ياسمين يالله احمد اسبقني..
مشى احمد للمطبخ...
ياسمين تبي نحطه هناك ولاهني؟
نواف كيفكم....
ياسيمين ليه منت ماكل معنا يانواف؟
نواف بدون نفس لا مو مشتهي؟
ياسمين ننتظرك؟
نواف لا..كلوا بروحكم...
ياسمين حست بتغيره لانه يوم طلع ماكان فيه شي وكان طبيعي بس اللحين الضيق مبين عليه...
ياسمين نواف فيك شي..
ناظرها بدون مايتكلم وهي فهمت انه بيغسل شراعها وقالت وهي تطلع من الصالة نسيت ان مالي شغل ومو من حقي اسئلك عن شي؟
تنهد بقوة يوم طلعت من الصالة...شي واحد بس كان يدور في باله ليش حسنت صورته قدام ولده؟وشنو تقصد بكلامها انها تبي احد يفهمها تصرفاته معها ووضعها معه شنو؟
في سيارة عبدالله...
عبير مااشوفك حركت السالفة؟
عبدالله اي سالفة؟
عبير ان ست الدلال تعتذر لي ولامو هامك؟
عبدالله انتوا حريم وانتوا كلموا بعض انا مالي شغل بها السوالف يابنت الناس؟
عبير ياسلااام...وش يعني ها الحكي؟
عبدالله يعني تشوفينها عدلة ادخل انا بالنص؟وانتوا ثنتينكم حريم؟
عبير وتخليها تاكل حقي,,
عبدالله انتي كلميها مو حلوة هي تكلمك من جهة وزوجها بعيد وانا اجي اتكلم عني وعنك...
عبير حبيبي شفيك حاستك مو طايق تتكلم بالسالفة؟
عبدالله يعني...
عبير يعني طردتي من بيتكم كانت حلوة..
عبدالله انا ماقلت ها الشي...وانا اعتذرت لك بالنيابة ..
دق جواله وكانت حصة اللي مكلمة..
عبدالله هلا حصة...اي...طالع...ليه...وين بتروحين...طيب مو مشكلة انا قريب من بيتك ..ثلاث دقايق وطلعي....
عبير وخير ان شاءالله تاكسي وانا مدري..
عبدالله عبير...اختي هاذي ومتورطة ماعندها احد يوصلها بيت جدي ودقت لي شفيها بالله؟
عبير فيها ان الشي مو مهم لذيك الدرجة تقدر ماتروح اذا ماعندها احد يوصلها....
عبدالله يعني انا مااشوف لها سالفة لان المشوار على طريقنا احنا رايحين بيت جدي راييحن..
عبير وين؟
عبدالله اليوم جمعة بيت جدي؟
عبير أي...
عبدالله انا مكلمك وقلت لك عندك ارتباطات وقلتي لا فقلت لك بمرك باخذك معي مشوار ماقلتي لا...
عبير أي بس مو بيت جدك لو ادري انه بيت جدك ماجيت؟
عبدالله وليش يعني؟
عبير يعني اني بشوف اللحين امك ونوف وبتمشي السالفة طبيعي بدون اعتذار منها حضرتها ..
عبدالله وقف عند بيت حصة وقال سكري السيرة بعدين بنتكلم فيها كاهي حصة طالعة لنا...
اشوفكم بكرة على خير ان شاءالله...
****
***
**
*
مرحبا ياحلوين..
كيفكم..اخباركم..وحشتوني(تحسون مالها داعي بس زيادة كلمات خخخ)
وش جايكم تبون تعرفون كم باقي على النهاية(تمللوا العالم بعد وش جايهم يسئلون)
يعني باقي لها شويات (اي كم يعني ها الاجابة مو مفهومة)
البارت الثاني والثمانين ,,,
في سيارة عبدالله...
حصة السلام..
عبدالله وعليكم السلام....
حصة عسى بس مازحمتكم ولاعطلتكم...
عبدالله لا اصلا احنا كنا رايحين بيت جدي...
حصة اممم...
محمد انتي نوف...
عبير بدون نفس لا انا عبير....
محمد قام يبكي يبي نوف..
حصة بقهر الله يهداها بس نوف واعدته يوم الخميس بتروح معه البقالة وحضرتها راحت تشوف ثوب عرسها ونست وهو طبعا كانه مايروح ولايجي من يشوف احد قال انتي نوف ولالا؟
عبدالله خلاص يابابا محمد اللحين بنوقف عند البقالة قبل نروح بيت جدي...
حصة خلاص اسكت كاهو بيوديك خالك عبدالله...
وقف السيارة ونزل عبدالله ووراه محمد وعبير كانت بتنزل بس حصة علطول قالت وين بتنزلين وراهم البقالة طولها بعرضها ماتجي متر في متر ولاعلى بالك التميمي على غفلة؟
عبير زوجي ومااحب اتركه باي مكان احب اكون دايم جنبه؟
حصة اقول ثقلي بس ثقلي قالت ماتتركه باي مكان....يعني لو نزل يسلم على رجال بتنزلين وراه بعد؟
عبير أي..
حصة ووجعة وش اللي أي هاذي بعد؟
عبير لازم اشوف اصحابه واتعرف عليهم علشان لو ماعجبوني يتركهم...
حصة بنات اخر زمن...
عبير على قولتك بنات اخر زمن...انتي زمنك انتهى وولى خلاص لاتخلي بنات ها الزمن شغلك الشاغل ترى كل وقت له جيله اللي يعيش فيه؟
حصة ماقلنا شي بس اللي يبقى المعدن الاصلي والاخلاق وهاذي ركزي عليها......واحنا ناس اسمنا ماينطرى الا بكل خير احنا وتوابعنا واللي مو على دربنا نمشيه على دربنا لين يعتدل ...
توها عبير بترد الا دخل عبدالله السيارة ومعه محمد ومحمد مصدق حاله نط بيقعد بحضن عبير..
عبير بنرفزة روح عند امك شوف المكان حوالينها فاضي انا مااحب احد يضيق مكاني...
ناظرها عبدالله بذهول بس ماعلق واخذ محمد بحضنه...
حصة جيبه عنك ياخوي مابتقدر تسوق وهو بحضنك..
عبدللله لا خلاص مو بعيد بيت جدي وبعدين حمود عاقل....
ظلوا ساكتين طول الوقت وحصة اللي كانت ناوية تتكلم شافت ان عبدالله ساكت ومتضايق فسكتت لين وصلوا بيت الجد ونزلت هي وولدها,,,
لف عبدالله لعبير وقال مو كاْنك قلتيلي تحبين العيال؟وتموتين اذا شفتي حمود في بيتنا وطلع الشارع وتناظرينه من غرفتك؟ولا انتهى الحب خلاص؟؟؟؟
في بيت الجد...
ام سعد متى بيروح خالد...
وضحى المفروض بعد اربعة ايام بس اجلها اسبوعين علشان عرس تركي لانه لو راح ماحيقدر يحضر بعدين فقال بياخذ العرس وبيمشي..
ياسمين أي وخالد بعد لااحد يجيب جنبه طاري عرس ووناسة وطقطقة يموت لو ماحضر,,,
ضحكوا الباقيين عليها...
ياسمين صدقوني انا اعرفه خويلد...
وضحى رمت عليها علبة الكلينكس اقول عقلي عن زوجي ترى ماارضى عليه مو انتي واخوك دوبكم ودوبه...
مشاعل طيب لو تركنا السوالف عن زوجك الكريم وش نسولف فيه؟
وضحى امممم مثلا الاخت تقول لنا وش سوت في سفرتها؟
ياسمين ها بنشتغل شغل الحماة وزوجة ولدها؟؟مالكم شغل بسفرتي..
مشاعل شفتي تربيتي ها البنت ماحتقول لكم شي ...
حصة اجل نتكلم بعرس اخوي وش بنسوي خوب ماباقي شي غير اسبوعين..
رفعت نوف راسها تناظر بحصة وحصة كانت نظراتها متوزعة على الكل..
ام سعد أي صدق ترى صايرين مرة باردين انتوا...مو كل يوم بيصير عرس؟
نوف بهمس لنورة لاعادي اذا تبون كل يوم عرس حاضرين وش ورانا..
نورة بالله!!!في ناس بتطلع عيونهم وانتي اذا تبون كل يوم عرس يالمتفرغة..
نوف لاحظتي انها سلمت على الكل الا انا!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك