رواية كل يوم لك حال جديد يوم قريب ويوم بعيد -43
للعصر وماشفته وبعدين رحنا بيت خالتي علشان ملكة نورة بنت خالتي وشفته هناك بس ماعرفت اتكلم معه على انفراد....وهذا انا طلعت من هناك وجيتك؟
عبير يعني شنو بتعديها لنوف؟
عبدالله بكلم تركي...
عبير ماابي تركي...تركي ماله شغل بالسالفة ابي مرته هاذي اللي مدري وش عليه شايفة حالها...
عبدالله أي وانا بروح اتكلم مع نوف بروح اكلم تركي علطول....
عبير لاحبيبي انا ماابي تركي يدخل بالسالفة ابي نوف وبس!!
عبدالله انا مو فاهم انتي ليه مو تاركة السالفة بيني وبين تركي نحلها بروحنا؟
عبير لان تركي يمشي ورى كلام العقربة فعلشان نتختصرعلى روحنا الطريق نروح نكلم الاخت مباشرة...تركي وش بيقول...انت تدري انه يمشي ورى كلام مرته ماكانه رجال وله كلمة وش ماقالت له قال حاضر وماسمع لغيرها؟
عبدالله .
عبير بكرة بتفرقكم كلكم ها النوف ياعبدالله وبتذكر كلامي؟
تنهد عبدالله وماقال شي...
عبير بمسكنة هاذي بدايتها مو المفروض اكون انا موجودة معهم الليلة في بيت خالتك علشان ملكة نورة ليه ماعزموني؟اكيد لان نوف لفت ودارت على امك علشان ماتعزمني اروح معهم ...وكاهي هي بعد غريبة ويالله وماخذة ولدهم ليه رازة الوجه معهم من المغرب؟
عبدالله حبيبي خلاص لاتشيل بخاطرك؟
عبير اهلك مايبوني ياعبدالله...
عبدالله انا ابيك وهذا المهم؟
عبير شفت يعني صدق مايبوني؟
عبدالله قلت لك انا اللي ابيك وهذا المهم؟عبير انتي ملاحظة ان احنا مانجلس مع بعض ولانسولف مع بعض بسوالف خاصة فينا بروحنا؟
عبير متى العرس؟بنتزوج مع اخوك بنفس الليلة ولالا؟يالله هاذي سالفة تخصنا وتخص علاقتنا جاوب عليها؟
عبدالله بكرة بيجي ابوي من الرياض وبفتح معه السالفة وان شاءالله خير....
عبير اخوك بيقعد كم يوم وبعدين بيسافر؟
عبدالله ماراح يسافر...
عبير غريبة...ماهم مسافرين شهر عسل؟وش اللي صاير بالدنيا....ولاتبي تبين لهم نوف انها طيوبة وماتبي تكلف عليه بشي واذا بتجي السفرة منه ولاهي مالها أي شغل..
عبدالله لالالا نوف مالها شغل ابوي سئل تركي وقال انه مابيحجز لااي مكان ماراح يسافرون.....
طبعا مشاعل قبل لاتدخل البيت شافت سيارة فواز قبال البيت وطلعت مرايتها وحمرتها وضبطت شكلها وبس دخلت السيارة الكراج شالت عبايتها من السيارة ومسكتها بيدها..
نزلت هي وامها ومرام لان نوف كانت بترجع مع تركي..
دخلوا امها ومرام بعد ماسلموا على فواز اللي كان بالحديقة جنب باب الصالة...
ام تركي وانت غريب يافواز تجلس هنا؟
فواز تسلمين ياخالتي بس كنت بسولف مع مشاعل لو ماعندك مانع؟
ام تركي البيت بيتك يمه مايحتاج انت الداخل واحنا الطالعين..
فواز الله يعز مقدارك لاتحرجيني ياخالتي...
وقف يناظر بمشاعل اللي جت تتمختر وهي عيونها صادة عن عيونه..
مشاعرها متضاربة بذاك الوقت بشكل مو طبيعي....
كانت خايفة مووت من انه يقول كل شي انتهى خلاص...بس اتصالاته الكثيرة اليوم وكلام نوف طمنوها شوي انه اكيد مايبي ينفصل بس خايف عليها..وبنفس الوقت تبي ترمي نفسها بحضنه وتقوله انا معك طول الدرب وماراح اتنازل عنك لانك حبيبي..
بس شوية كبرياء جاها منعها انها تحط عيونها بعيونه حتى بعد مادخلت امها....
كانت تناظر بالارض وماانتبهت على همسه باذنها وهو شبه حاضنها تبين تحرميني من شوفة ها الثوب عليك؟
رفعت عيونها بعيونه ومالقت عنده غير الحب والحنان بس ماقدرت تشوفهم ..خايفة تكون اخر مرة تشوفهم فيها وتنحرم منهم بعدين...لفت وجهها بعيد عنه وجت بتمشي بس مسكها من خصرها وهمس لها برجاء مشاعل تكفين اسمعيني!!
وقفت مكانها وهي عاطيته ضهرها...
وكان ثوبها مفتوح بالظهر كله ومافي غير شعرها اللي رافعته ينزل يغطي..
كانت نظراته متوزعة عليها وهي عارفة ها الشي خصوصا ان ثوبها كان قصير ولفت له بهدوء وبعدها مباعدة عيونها عنه وشالت الخاتم من اصبعها بهدوء وبس طاحت عيونه عليها وهي تسوي ها الحركة مسك يدها بسرعة وقال بانفعال مشاعل لا..
رفعت عيونها له وقالت ببحة انت مو قلت ان احنا لازم نترك بعض.....تفضل خاتمك؟
فواز برجاء وندم مشاعل اسمعيني!!
مشاعل بحزن ماابي اسمع شي يتعبني اكثر؟
فواز تقرب منها اكثر وحست انها بتتجنن من وقفته كذا معها....
فواز بصدق انا احبك؟
مشاعل بانفعال لاتكذب على نفسك لانك ماراح تكذب علي بها الكلمة؟خلاص فواز انا عرفت قدري زين عندك ماله داعي تقول شي ثاني..
فواز صدقيني احبك.....مااقدر اتحمل اشوفك تتعذبين بسببي....ماابي اكون السبب بضيقك وبااني احطك بمواقف تحرجك وتزعلك وتجرحك.....مدري شقولك بس كل لحظة اذكر ان احد قاعد يهينك ولايجرحك واكون انا السبب احس اني نذل لاني حاطك بالواجهة؟
مشاعل بقوة تكلمنا بها السالفة وانتهينا من قبل؟انت تبي تنهي علاقتنا خلاص انهيها لاتطولها اكثر؟
فواز رفع وجهها بيده وقال انتي مو مصدقتني يامشاعل اني خايف عليك وماابيك تتعذبين بسببي؟
مشاعل بكبرياء لا....
فواز لا....وشو يعني لا..
مشاعل يعني فك العلاقة وريحنا؟
فواز بصدمة اريحكم!!!اريح منو يامشاعل حددي؟
مشاعل وهي بتبكي ونزلت منها دمعة مسحتها بسرعة مرت من جنبه على اساس انها بتدخل بعد ماتقول اللي تبيه
قالت بسرعة تريح قلبي وقلبك...لاتخليهم يظلون معلقين كذا حرام...هي كلمة قولها وامشي.....
جت بتمشي بس يده امسكتها بقوة وسط اعتراضها..
مشاعل اتركني ماابي اوقف معك..
فواز تحبيني؟
مشاعل بكت خلاص ماتبي تفقده تدري انها مابتلاقي مثله بها العالم..حبته وانتهت السالفة وش اللي قاعد يصير بس...
فواز باصرار سئلتك تحبيني؟
مشاعل من بين دموعها لا
تنهد بقوة ليش لا..
مشاعل وهي تمسح دموعها لان الحب ماهو غصب؟
فواز بس انا مو مصدقك...ليه بيرتاح قلبك اذا تركتك يامشاعل؟
مشاعل انت اتركني وماعليك لامني ولامن قلبي؟
تنهد وقربها منه يمسح دموعها ويقول بهمس مشاعل...تدرين اني احبك...وماابي أي شي يصير لك بسبب..
مشاعل بانفعال صرت قايلها مليون مرة يافواز..
فواز وبقولها بعد..انتي بذمتي يامشاعل انا ماخذك من وسط ها البيت مو ماخذك من شارع علشان افرط فيك؟انتي حبيبتي وعمري واي شي بيضرك بيتعبني...
مشاعل ابي افهم انت وش تنتظر منهم...قول لهم مالكم عندي شي..
فواز تعبت وانا اقول...حتى التعهد اخذته من راشد انه مايعتب لي وطردته من الشركة...
مشاعل خلاص انحلت ..ليه بعد تبي تتركني؟
فواز وانتي يامشاعل....انا خايف عليك انتي ادري انه بيحاول يضرك....وحركات رغد معك..
مشاعل ماعليك مني...مالك شغل بللي تسويه رغد انا قدها ومو متنازلة لها ومابخليها تتكلم عني بسوء وبسكت لها....وبعدين خلاص أي شي يصير ماراح اقولك عنه مرة ثانية؟
فواز بتهديد وهو يقربها منه مشاعل لا احنا متفقين أي شي يصير نكون مع بعض فيه؟
مشاعل اقولك علشان تجي وتشلع قلبي وتقول لازم نترك بعض؟
فولز بتنهيدة زين انتي سئلي نفسك انا اقوى اسوي ها الشي واتركك؟؟والله مااقدر؟
مشاعل وليه قلتها؟
فواز علشان ماتكون بذمتي اني غصبتك على القعدة معي وانتي عارفة اللي يدور حولي؟
مشاعل بس انت عارف وجهة نظري بها الموضوع يافواز...
فواز ولو لازم اخيرك مرة ومرتين قبل لانتزوج ويجونا عيال واخليك تتندمين بعدين؟
تنهدت مشاعل وهي تهز راسها وهمس لها بحب اموت فيك ....
ماردت عليه بس ناظرت فيه بحب...
فواز خلاص راضين علينا انتي وقلبك؟
مشاعل فكت يدها منه وقالت وهي تمشي للباب لا...بكرة تعال راضيني بروح انام اللحين؟
عند البحر ..
كانت سيارة تركي واقفة وهم جالسين داخلها....
تركي متاْكدة ماتبين ننزل مكان ثاني؟
نوف لا..الا اذا تبي تردنا البيت؟
تركي انسي...انا مو مصدق طلعنا منه؟
نوف بضحكة ليه..ماخبري فيك تعتبر البيت سجن...
تركي هو ماصار سجن الا بعد ماملكنا؟
نوف اممم
تركي بهمس جنبي ومااقدر اوصلك؟
نوف تنهدت ونزلت راسها وقالت بهمس وهي تلعب باصابعه اللي بين يدينها ماباقي شي على عرسنا كذا افضل لنا صدقني؟
تركي بلهفة بس انا محترق بناري؟
نوف طيب وش رايك تسافر لين العرس علشان لاتحترق بنارك؟
تركي بعناد لا طبعا ماابي افارقك...
نوف طب تحمل....
تركي بتنهيدة تعب وانا وش قاعد اسوي غير اني اتحمل.....
نوف ....
تركي بيكون عرسك احلى عرس يانوف...كل العالم بيحكون فيه؟
نوف باعتراض ماابي احد يحكي بعرسي.....
ناظرها باستفهام وكملت ماابيك تعطيني شي يحكون فيه ويروح مع الايام ياتركي...ابيك انت ابي قلبك ابي شهامتك ابي حبك..ابي رجولة تركي.....فاهمني...ماابيك تتخلى عني بيوم من الايام؟
تركي شد على يدها اللي كانت ماسكة يدينها وقال بهمس مشكلتك منتي عارفة من متى وانتي مزروعة بها القلب يانوف؟لو كنتي عارفة ماكنتي شكيتي للحظة انك بتاخذين واحد حتى الهوى بيقدمه لك هدية؟
نوف انا مو شاكة ياتركي...انا ادري لو لفيت العالم كله مستحيل اصدق ان احد بيحبني كثرك وها الشي مايخالفني فيه بشر...بس انا ابيه يدوم...ماابيها عشرة ورغبة تنتهي مع الوقت...ابي قلبك يخلدها طول الدهر ياتركي....حتى بعد ماتمشي فينا السنين ونكبر ابيك تظل انت وماتتغير....
رفع يدينها وضمهم لقلبه وقال بصدق وعد..وعد يالغالية قلبي مايتغير عليك ابدا ويظل يحبك لو شنو ماصار بها الكون...نوف ثقي دايما ان تركي معك بكل خطوة تخطينها ولاتترددي في انك تطلبين دمه لو احتجتيه؟
نوف تقربت منه وضمته لصدرها وقالت بهمس عسى الله مايحرمني منك ولامن كلامك يالغالي......
تركي ولايحرمني منك..
نوف تركي...
تركي قولي ياقلبه...
نوف ابيك تسامحني اذا بيوم ماقدرت حبك ولا بالايام اللي طافت ومعاملتنا كيف كانت....انا بس كنت مرتبكة من تحول علاقتنا فجاءة من اخوان عايشين ببيت واحد لرجال وزوجته فاهمني مو؟
تركي طبعا فاهمك وما الومك ابدا...انتي الغالية يانوف..انتي الحبيبة,,,,
كانت ترتب شنطة خالد بهدوء وافكارها مشغولة ...
رغم انه باقي اربعة ايام على روحته بس كانها تبي تشغل حالها عنه وجالسة ترتب اغراضه وفيها شي داخل متضايق...
كل مرة خالد يطلع فيها دورة تكون معه وماكان يرضى يتركها ابدا ولاهي كانت تخليه يروح بروحه الا ها المرة...بيروح وبيتركها,,
ماتدري ليش قلبها قابضها ها المرة...
هو حملها اللي بيخليها ماتروح معه...
ولا زعلهم من بعض هو اللي واقف عايق...
كانت كل ماتحط شي بشنطته ترفع عيونها وتناظره..
كان جالس بالفراش ينتظرها تخلص من ترتيب الشنطة اللي اصلا مو مهم لان باقي اربعة ايام ..بس ماحب يقول لها شي..
كانت عيونه عليها وعلى تحركاتها وكل مرة ترفع عيونها تلاقيه يناظرها....
حست انها ضعيفة وان روحة خالد بتذبحها اكيد..
سكرت الشنطة ودخلت الفراش ..
كان بعده يناظرها
..تقربت وصاروا قريبين من بعض..
خالد بعتب ماكان لازم تتعبين نفسك وترتبينها اللحين باقي وقت وبعدين انا برتبها؟
قالت وهي تناظر بالارض علشان ماتشوف عيونه لاتلعب على نفسك انت ماتعرف تسوي شي..وبتقلب الدنيا فوق تحت...
ابتسم لها وماعلق..
كانت حاسة بمرارة ابتسامته بس ماهي قاوية تقول شي حاسة بضيق مو طبيعي..فراق خالد مبين بيهدها عدل....
خالد تصبحين على خير,,,,
مسكت كتفه قبل لاينبطح وعدل قعدته بسرعة وناظرها..
خالد حياتي..
وضحى برجاء وبدون ماتناظره خالد...
خالد نعم..
وضحى ببحة ابي اروح معك الرياض؟
خالد
وضحى وهي تبكي خالد انت وعدتني ماتتركني ابدا...جاي اللحين تتركني انا واللي في بطني وتروح عنا؟
خالد بحنان وهي يمسح على شعرها انا مابتركك ياوضحى...منى عيني تكونين جنبي بس ابيك تفكرين على راحتك وبدون مااضغط عليك...
قالت وهي ترمي نفسها على صدره وتبكي بقوة خالد لا...انا سامحتك خلاص...مااقدر اعيش بدونك وانت عارف ها الشي...
تنهد بقوة وبعدها عن حضنه لا ياوضحى انتي مابعد سامحتيني...انتي..
وضحى باصرار ودموعها بعيونها صدقني سامحتك...والله سامحتك.... خالد انا مااعيش بمكان انت مو فيه ياولد عمي..بعدك يتعبني وانت تدري بها الشي لاتتخلى عني وتروح ..ارحمني...
ضمها لصدره وهو يبكي معها ...
بعدها جالسة بفستانها ومكياجها وماغيرت شي في نفسها...
ماغير دموعها اللي ماهي قادرة توقف...
اللعبة بدتها هي صحيح...بس ماتوقعت انه بمثل ها اليوم بيجازيها....
مستحيل مالازم تسمح له يكمل شماتته فيها....اساسا كيف بتقدر تدخل عليه زوجة بعد شهر وهذا وضعهم!!!
لازم ينفصلون...شخصيتها ماتقدر تتصنع حياة ثانية ولاتداري على احزان وهموم...طول عمرها تعيش بطبيعتها....
لازم يطلقها...
شالت الجوال بيدها ودقت على رقمه باصابع مرتجفة وغمضت عيونها...لازم يتعود قلبها ان يكره ها الصوت اللي بيجيه ومايحبه ابدا لو شصار....
ظلت تنتظر وتنتظر وتنتظر بس ماجاها أي رد....اتصلت مرة ثانية وثالثة وبعد مارد..معقولة نايم وتارك جواله صامت!!!
اوووف...رمت الجوال بعصبية...
ويجيه نوم بعد؟؟وش ها القلب ياولد الناس اللي عليك؟
كتبت له مسج ودزته وتسندت على سريرها تفكر بللي بيصير...ابوها وامها واللي لو تقول وتقنع من اليوم لين اسبوع قدام انها ماتناسب فارس مابيسمعونها وشلون وهم ملكوا خلاص وطاح الفاس بالراس؟؟؟
تنهدت بقوة وهي عارفة ان فارس مستحيل يطيح حطب راسه ويوافق على طلاقهم وانفصالهم....
***هو هناك جالس بغرفته....يسترجع شكلها بينه وبين نفسه...ويوم اتصلت ماقدر يسمع صوتها اللي يعشقه وهو يعاتبه ولايلومه...
غلطان أي نعم غلطان بس انه كان لازم ياْدبه بها الطريقة علشان تحس بشوية من الامه وتعبه يوم هي ترسل له رفضها بذيك الطريقة....
ماقدر يرد وهو اصلا ماسك الجوال ويناظر بالشاشة اميرة القلب يتصل بك...ها الاميرة اللي بس مجرد طاريها من زمان يرد الروح له ماهو قاوي يسمع صوتها..
فتح المسج اللي دزته له وهو يتنهد بقوة(طلقني!!)
أي هاذي نورة....مستحيل انها تتقبل الشي ولا حتى تحاول تتكلم فيه...الطريقة الوحيدة علشان تخلص منه انها ترفضه نهائيا!!
غمض عيونه بقوة وكانه يضمها هي لصدره وهو يفكر ببكرة وبللي بيصير فيه,,,
وقف على باب الغرفة اللي كان احمد نايم فيها وظل يناظرها عارف انها مو نايمة بس قاعدة تعامله بمثل ماعاملها اليوم...هاذي ياسمين يانواف انسى ترد وتكلمك وتعاملك مثل الايام اللي فاتت وانت اللي انهيت الهدنة وانت اللي تتحمل؟؟
فتحت عيونها وهي عارفة انه يناظر فيها رغم الظلام اللي كان سادي على الغرفة بس قالت مثل مابديت يانواف تحمل اللي بيجيك..
قالت بحدة عسى ماشر اشوف مانمت لسه؟لايكون بس تعودت تنام بطريقة معينة وانت مسافر وعلى بالك ان هنا مثل هناك؟
نواف بشماتة لاوانتي الصادقة بس هنا في وحدة تخدمني وتشوف طلباتي قبل لاانام وتجهز لي ثيابي وكانها تاْخرت وجيت اشوف وش فيها ؟
ياسمين عطته ظهرها وقالت على فكرة بكرة صار ماصار لاتصحينا من النوم نبي ناخذ راحتنا انا واحمد وروح نام خلاص انا نعسانة مااقدر اتكلم اكثر تصبح على خير,,,
فتح عيونه على وسعها من حركتها واحتقارها له
لاتنسوا تعليقاتكم الكريمة...
****
***
**
*
البارت الثمانين ,,
تقرب منها والشرر يتطاير من عيونه وسوت روحها بتغمض عيونها ومو مهتمة حتى لتقربه منها وهي بالاساس بتموت من الخوف منه اذا صار كذا معناته شرير ومايتفاهم...
قال بحدة اقول قومي بس لا..
لفت له وقالت بحدة بعد لاتصحي ولدك ترى هلكني لين نام واذا جلس مرة ثانية مافيني حيل ارجع انومه ومااعتقد انك بتتكرم وتنيمه انت!!
مد يده لكتفها بيسحبها وقالت بحدة انت شتبي اللحين؟
نواف بعصبية ابي كلمتي انا وبس اللي تمشي بها البيت؟
ياسمين أي وبعدين؟
نواف ....
ياسمين واللي بعده؟وش الخطوة الثانية بعد ماتمشي كلمتك على الكل يابو احمد؟
ابو احمد؟؟؟هاذي معناتها ان السالفة تغيرت كثير يانواف......
قال بشماتة ابو احمد..
قالت بلامبالاة ليش ماهو ولدك....خبري الرجال يحبون ينادونه باسم ولده الكبير ولاهاذي انا غلطانة فيها بعد؟
نواف لاتطولينها وقومي؟
ياسمين طيب من الاخر انت وش تبي؟
نواف ولاشي بس انك ماترقدين هنا؟
ياسمين أي ويعني؟
نواف ياسمين ترى تعب السفرة للحين ماارتحت منه لاتخليني اطلع شياطيني عليك باخر الليل؟
ياسمين بضحكة شماتة جد والله؟يعني لسه ماطلعت شياطينك؟وانا على بالي هذا كل اللي عندك وتقدر عليه.....طب يالله وريني؟
نواف بتهديد ادري انك تبين تستفزيني... بس مو راد عليك ...
سكتت وسكت وقاموا يناظرون بعض بنظرات مافهمها احد فيهم وبعده ماسك كتفه..ناظرت في يده وقالت شيل يدك بقوم....
بعد يده عنها وقامت من قدامه وطلعت من الغرفة وهو بعده واقف مكانه,,,
ماتدري نورة كيف جاها الصباح ولامن وين طلعت الشمس..
لانها من البارحة جالسة بنفس مكانها ماغيرته ولاغيرت ثيابها حتى..حست بثقل بصدرها مو قادرة تزيحه بشي...
لابكيها ولاتفكيرها خففوا عنها أي شي....
قامت وغسلت وصلت ولبست لها بيجاما خفيفة وجلست شوي بغرفتها بعدها قررت انها تطلع تفتح الموضوع مع امها وابوها لازم اليوم تكلمهم لو شيصير حتى لو اعترضوا بس لازم يفهمون انها ماتبيه وماهي مرتاحة معه,,,,
يوم بس اللي مر عليها وهي حاسة ان هموم الدنيا مكبلتها كيف تعيش باقي العمر معاه وهو يكرهها...شي لايمكن تفكر فيه حتى ولاباحلامها,,,,
مشت شوي بالبيت وكان هادى جدا مثل عادته مالقت امها لابالمطبخ ولا بالصالة..
غريبة امها وابوها مايطولون بالنوم وش اللي صاير ياترى؟
راحت غرفتهم ومالقتهم..وتذكرت بعدين ان اليوم الخميس وابوها وامها يطلعون من الصباح يتمشون ويفطرون وبعدين يردون ياخذوهم هي وسعد...
اوووف وسعيدان طبعا حضرته يافي بيت جدي ولا بسابع نومة؟
كانت غافية بحضنه من البارحة وهو النوم جافيه وكان بس يناظرها وعيونه تدمع....
ليش سامحتيني ياوضحى؟؟؟لانك تحبيني,؟؟لاني وعدتك مااعودها؟؟ولاعلشان اللي جاي بالطريق ؟؟لاني زوجك وولد عمك ؟؟؟لشنو بالضبط مو قادر افهم...اللي اعرفه اني جرحتك جرح ماراح يبرى ....
انا ادري اني غلطان وابيك تفهمين شي واحد ياوضحى اني ندمان...وقسم بالله ندمان كثر مافيني...
لذة وشهوة دقايق خلتني اهدم حياتي واكره نفسي وافقد ثقة اغلى انسانتين عندي...
ياربي انا تبت لك تقبل توبتي واصلحني واهديني وهدي سر وضحى علي ولاتجيب بينا زعل وفراق ابدا وقومها بالسلامة وخلينا نربي ولدنا بينا بالطيب واغفر لها مثل ماغفرت لي ها الزلة بحقها,,,
انتبه على اصابعها تمسح دموعها ونزل راسه لها..
وضحى مانمت ولاتوك صاحي من النوم؟
مسك يدها وقال بهمس صباح الخير..
وضحى صباح النور...ليه مانمت!!
قال بمرح والواحد يعرف ينام مع ولدك ها المزعج؟
ناظرت ببطنها وهي بحيرة وقالت وش تقصد؟
خالد جلس يضحك عليها ههههههههه
وضحى قول الصدق؟
خالد امزح معك...بس كنت اتخيل شكل وليد كيف بيصير بيشبهني ولا مافيه شي مني ولا شلون بالضبط؟
وضحى بس هذا اللي شاغل بالك عاد ياخالد ماتقول اهم شي يجي سالم معافى للدنيا؟
خالد اكيد سلامته عندي ابدى من كل شي...
سكتت شوي وقال لها وهو يقومها يالله قومي غسلي وفطري....
قام قبلها ويوم جت بتقوم قالت خالد...
كانت شاردة نوعاما وهي تكلمه وقال لها نعم..
وضحى بنفس الشرود طيب ولو جت بنت؟
خالد وهو يضحك ويمشي عنها ماابيها؟؟
فواز طبعا بعدك نايمة؟
مشاعل وهي مغمضة اكيد..
فواز طيب فيك تقومين تشوفين شي وتردين؟
مشاعل ليه وش ها الشي اللي مايتاْجل لبعدين؟
فواز مشاعل يالله قومي بلا كسل؟
مشاعل لاتنسى اني بعدني زعلانة منك يعني مالك حق تقول لي كسلانة ؟
فواز ياحييييييل طيب وش اسوي يعني ياشطورة....
مشاعل وش عندك...فواز انت سالفتك كل اسبوع يوم الخميس كذا!!لازم تقومني من نومتي مو قلت انك ماراح تداوم يوم الخميس وش اللي صار؟
فواز شسوي انا بالشغل اللي ماينتهي؟
مشاعل مو على اساس انك راعي الحلال ولاانا غلطانة؟
فواز وراعي الحلال مالازم يداري الحلال؟
مشاعل وش فايدة ان في ناس تشتغل تحت يدك اجل؟
فواز بس مالازم اني اثق في أي احد؟
مشاعل ول...
فواز ياقلبي مدام ان لك خلق تناقشين قومي طلعي كراجكم انا تارك لك شي هناك الصباح؟
مشاعل يعني اللحين الساعة تسع وربع...متى تركت ها الشي بعد صلاة الفجر؟
فواز هههه انتي قومي وبلا هذرة عجايز..
مشاعل بقوم بس والله ان طلع شي بايخ ولابس بيطير النوم من عيني ياويلك مني ياويلك ترى انا ماارحم كل شي ولانومي!!
فواز طيب منتظر ها الويل حقتك علشان نشوف وش بتسوين ياقمر....يالله باي...
سكرت من فواز وقامت غسلت ونزلت الكراج تشوف وش تارك لها حضرته,,,
راحت الكراج ومالقت فيه سيارة السايق لقت السيارة المرسيدس اللي حطها لها قبل كم يوم بس مافيها احد ..
وش قصته هذا....
فتحت باب السايق ومالقت فيه شي ولا اللي جنبه وفتحت الباب الخلفي...
ودخلت وسكرت الباب وراها بعد ماجلست فيها....
هالها كمية الورد الاحمر اللي كان حاطه لها بالسيارة وبكل وردة شريط اببض مكتوب عليه اسمها..
ابتسمت لرومنسيته...وفتحت الصندوق الذهبي اللي كان جنبهم,,,,,
نورة بملل وبعدين يعني بها الحالة لاجامعة اليوم ولاهم يحزنون يشغلني؟؟وامي وابوي كان لازم يطلعون من الصباح ماهم مغيرين ها العادة ابدا!!وسعيدان عساه البلى لو اموت ماصحى يجلس معي....
دخلت الشغالة من برى وتشفت فيها نورة...
نورة انتي شتسوين برى من الصبح ابي افهم؟
الشغالة يغسل الحوش؟
نورة وها الحوش كل يوم تغسلينه بها الوقت؟؟؟
روحي بس عن وجهي؟
الشغالة فتحت الباب اللي كانت توها داخلة منه ودخل وراها فارس اللي من شافته نورة وقفت مصدومة...
ظل يناظرها بتردد وبعدها تقرب منها وهي للحين تناظره بصدمة من مكانها وهي واقفة....
فارس بتردد نورة....
نورة بهدوء ماناسب نظراتها ابدا خير....
تنهد فارس وترك الورد اللي جايبه على الطاولة وقبل لايحطه هو والكيس صرخت فيه شيلهم!!
لف لها وقالت بنفس الحدة قلت لك شيلهم....
تركهم وتقرب منها ورفع يده بيمسك كتفها وقالت بحدة اكبر طلقني!!
تنهد وقال نورة....خلينا نجلس نتكلم مع بعض؟
نورة مااعتقد في بينا شي نسولف فيه؟
فارس باصرار لا بلى فيه....نورة انتي ابتديتي اللعب ونرفزتيني ولعبتي باعصابي وانا هناك وللامانة انا ماكنت عارف انك انتي لين انتي بنفسك قلتيلي..كنت متشفي بللي جالس يسوي حركة المراهقين هاذي وكيف يحكي فيك وبشرفك وبسمعتك وانتي عندي مامثلك بين ها البشر ...كنت حالف الا احرمه رقاده لو شيكلفني الموضوع...بس طلعتي انتي وهنا جتني صدمة ماتوقعتها ابدا...شسوي فيك؟شلون اضرك وانتي اغلى من روحي...كان لازم اعذبك علشان تفهمين معنى العذاب اللي انا عشته بذاك الوقت...
معك حق ماكان لازم اسوي ها الشي ولااقول ها الكلمة بس اللي صار صار وقسم بالله عيني ماذاقت النوم البارح ابدا وانا افكر فيك..وكل مرة ارفع الجوال علشان ادق لك اغير رايي...
كنت ابي نجلس ونتكلم برواق والجوال بيعقد بينا الامور اكثر,,,,
نورة خلينا نفتح صفحة جديدة ونعتبر اللي جرى ماكان يانورة....
نورة
فارس .........
نورة خلصت كلامك؟
فارس أي...
نورة طلقني...وماعندي غيرها...
تنهد فارس بقوة
تركي صباح الخير...
ام تركي صباح الانوار....
تركي وين ابوي غريب مانزل يفطر معك؟
ام تركي موجود بس قام يشوف اوراق داقين يبونها الشركة وبيرد....ومدامه ماهو هنا بغيت اسئلك وش صار بينك وبين اخوك؟
تركي بلااهتمام أي اخو...انتي على فكرة ماجبتي رجال غيري؟
ام تركي ......
تركي ماهو القصد يمه بس ولدك يبيله توقيف عند حده؟
ام تركي بتنهيدة كله منها بنت ابليس هي اللي وزته....
تركي مايهمني ولاتهمني هي بعد بس لايقربون صوب مرتي واحنا بخير....
ام تركي والعرس؟
تركي تخسي مثل هاذي تنزف مع نوف؟
ام تركي وي الحمدلله كنت شايلة هم ان العرس يكون سوى ماتدري شلون قالقني ها الموضوع ياتركي....
اصلا من قالوا لي خواتك عن اللي صار قبل امس هنا حسيت انها جاية وجايبة مشاكلها معها.....
تركي صبري لسه انا ماادبتها مو على بالها اني طردتها معناته السالفة انتهت..
ام تركي وش بتسوي ياتركي؟
تركي بفهمها منهي هي ومن هم احنا؟هي مو تبي العرسسوى...بيصير العرس بس اللي بتنزف نوف وبس هي بتدخل بدون عرس واذا تبي خل اهلها يسوون لها عرس بثلاثة اسابيع يالله...عبدالله بينزف معي بنفس الليلة بس هي تنسى ان احنا نسوي لها عرس واذا هي تبي خل اهلها يسوون لها شي,,,,
نواف ياسمين اصحي....
ياسمين بكسل ليه...مانمت الا متاخرة ومااعتقد ان عندي شي اسويه؟
نواف بترجي يالله عاد قومي علامك انتي كله نوم نوم؟
ياسمين بتاْفف اوووف انت وش فيك؟
نواف مافيني شي بس ابيك تصحين؟
جلست من نومتها وهي تتافف..
ياسمين هذا انا صحيت وش عندك؟
جلس قبالها وحط رجل فوق الثانية وقال ولاشي..
ياسمين بعصبية شنو يعني ولاشي...
نواف يعني انا مو متزوجك علشان تنامين وبس!!
ياسمين بعصبية يعني لعانة وبس!!!
نواف بحدة خير...
ياسمين ولاشي...
نواف قومي سوي لنا غذى..
ياسمين توها الساعة عشر وثلث؟
نواف على ماتسوينه جت وحدة.....
ياسمين مااعرف...
نواف وش اللي ماتعرفين؟ماتعرفين تطبخين؟
ياسمين لا
نواف أي والحل وش بناكل احنا...
ياسمين اقول جوالي فيه كل ارقام مطاعم االشرقية اتصل باي مطعم يجيب لنا اكل؟
نواف اقول قومي بلا دلع بنات....وبطريقك مسحي ارقام المطاعم.....
ياسمين مو قايمة وتعال لؤلؤة وينها؟
نواف ماراح تجي؟
ياسمين بنرفزة وان شاءالله بظل بروحي معك بالبيت؟
نواف شكله عندك اعتراض على ها السالفة؟
ياسمين أي طبعا..انت تخوف ..وانا مقدر اجلس معك طول الوقت بروحي!!
مشعل اللحين مو ياسمين ردت امس من السفر؟
ام مشعل أي وخير يعني؟
مشعل كان نامت معنا
ام مشعل وتترك نواف بروحه ؟
مشعل أي مو لان نواف احمد يخاف اذا جلس بروحه؟والله انكم حريم ماتحسبونها..
ام مشعل اقول بلا وجع قلب..
مشاعل أي وانا الصادق يعني اللحين رجال طول بعرض مايقدر يجلس بروحه....
ام مشعل قوم روح السوبر ماركت قبل لايسكرون صلاة نبي كم غرض حق الليلة؟
مشعل مو رايح مكان انا راجع من سفرة كانت مدتها يوم واحد واحس جسمي كله مكسر..
ام مشعل اه منك..
مشعل تصدقين يمه كنت بشتري لك هدية؟
ام مشعل أي وش اللي منعك ان شاءالله..
مشعل هذا الشاعر بيجاوبك.....يقولون العين بصيرة واليد قصيرة...
ام مشعل انت طول عمرك يدك قصيرة وفاضية ماتمتلي...
مشعل لالالاالصدق الصدق يمه ماكان في وقت اشتري هناك اشتغلت بذمة وضمير واثبت لجدي اني رجال وتعلمت اشياء كثيرة..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك