رواية كل يوم لك حال جديد يوم قريب ويوم بعيد -3
خالد بضحكة لاتحاولين بكل الاشكال وسيم وبنظرة مني ينذبحون....
وضحى عدال ياتوم كروز...
خالد تعالي اليوم السبت,,,
وضحى أي,,,
خالد اجل مافيها طلعة...انا مواعد الشباب اليوم؟
وضحى بقهر اووووف..خالد توك تقول بتطلع معي!!!
خالد والله نسيت ان اليوم السبت...معليش بكرة....
*
الجدة ام خالد نواف ماقال شي عن سالفة العرس اليوم؟
الجد ابو خالد ولاكلمة؟
ام مشعل شلون يعني؟تظل البنت معلقة..
الجد ابو خالد ياسمين مالها غير نواف ولد عمها يا تاخذه يا على قبرها..
ام مشعل اسم الله على بنيتي الله يحفظ شبابها يايبى...
الجد وانا شقلت؟
الجدة زين انت ماقلت له؟
الجد ابو خالد مو قايل له يمكن ماعنده فلوس ويطلب مني انا ماابي اعطي احد!!!
الجدة أي لاتعطي احد خلهم لي علشان اورثك انا بعد ماتموت؟
الجد المفروض تموتين انتي قبلي لان الحريم يموتون قبل؟
ام مشعل سكتت هي تحاتي هم بنتها وامها وابوها بشي ثاني,,
ياسمين بروحها كانت تمسح دموعها وهي ورى الباب تسمع كلامهم وراحت تفتح الباب اول ماسمعت الجرس ,,,
فتحت باب الصالة علشان تطلع للباب الخارجي وشهقت يوم لقت نواف واقف قبالها وبيده اغراض جايبهم معه,,
نواف حلو حلو...طالعة كذا تفتحين الباب؟؟؟ليش مشعل مو هنا ؟الشغالة مو هنا ؟ولاانتي تعودتي على الفل بدون حسيب ولارقيب؟
صدمتها بوجوده قبالها وهي كذا بدون عباية ماكانت كبر صدمتها بكلامه!!!
هذا وش مفكرها؟؟؟؟
نواف بصراخ اكلمك انتي بلا سرحان ومسوية لي فيها مستحية!!!
رفعت راسها مع كلمته وقالت له بحدة اطلع برى!!!اصلا انت مو رجال وش لك تدخل للصالة بدون لااحم ولادستور وتقوم تعطينا خبر انك جاي!!ولامفكرها وكالة بدون بواب يااستاذ؟اطلع برى؟
ماتدري كيف سكرت الباب بوجهه بقوة وكيف راحت غرفتها وقفلت عليها الباب علشان لااحد يدري وش سوت ولاشنو قالت لها النواف؟
********
في سيارة تركي,,,
نوف تركي ..
تركي بهدوء هلا...
نوف وش فيك؟صار لك مدة وانت ساكت؟
مشاعل ماظنتي ان احنا غصبنا عليك تجيبنه ؟
تركي بهدوء لاولاشي....بس كذا...تذكرت شي..
نوف بابتسامة طيب قول..مو توك كنت تسولف معي ومع مشاعل وغصبت علينا نقولك وسولفنا معك...صار دورك يالله تكلم..
مشاعل لاتخاف سرك في بير بس مو اكيد؟
نوف ههههه لابجد تركي قول وش فيك؟
تركي بس تذكرت واحد من الربع اليوم كان يقولي انه....
نوف شفيه؟
مشاعل لاتتكلم بكلمات متقاطعة؟
تركي هو بس يبي يعرف..والله مدري شقول خلوها لغير وقت..
اسكتوا ثنتينهم احتراما لسكوته...وظل هو شارد بفكره..اذا كانت نوف تعتبره مثل اخوها فهل في يوم من الايام بتوافق تاخذه؟؟؟ولاها الشي مستحيل؟؟؟
نورة خلاص ...هو بعد غلطان...
ياسمين كانت تبكي وماهي عارفة وش تقول من الخوف..
نورة صدقيني هو الغلطان,,,كيف يدخل البيت ومايعطي خبر؟
ياسمين وهي تبكي هو مادخل كان واقف عند باب الصالة من برى...
نورة يعتبر دخل؟وبعدين تعالي وش كنتي لابسة؟
ياسمين بقهر وانتي متفرغة تساليني بعد وش لابسة؟
نورة هههه يبى ابيك تروقين...محد يقدر يقولك شي...
ياسمين انا خايفة على نفسي من ردة الفعل اللي بتصير؟
نورة لا تكبرينها مااعتقد انه بيسوي ولابيقول شي لانه هو الغلطان؟
ياسمين يارب..يارب..تعدي ومحد يدري عنها,,,,
دق باب الغرفة وكانت ام مشعل تناديها ..
ياسمين ياربي..جاك الموت ياتارك الصلاة وش اسوي يانورة؟
***
ابي تعليقاتكم الكريمة وتوقعاتكم تتركونها وراكم يالغلا
****
***
**
*
البارت السابع
,,,,
دقت باب مجلس الرجال وحطت له تكملة الاغراض اللي قال يبيهم ووقفت بعيد شوي تنتظره يطلع,,,,
فتح الباب يشيل الاغراض وتلفت يمين ويسار ولقاها واشرت له يجي ودخلت لغرفتهم ولحقها وسكر الباب...
خالد في شي؟
وضحى برقة أي في...
خالد شنو؟
وضحى اني مشتاقة لك ومتمللة بروحي!!!
خالد ماعليه ياقلبي شوي وجاي لك,,,,
وضحى مسكته من ياقة ثوبه وتمايعت وتفكر مني لين تجي ها الشوي بظل ماسكة نفسي!!
خالد وهو ماسك نفسه خلاص وضوحي شوي وبيقومون الشباب,,,
وضحى بنعومة من زمان وانت تقولي شوي,,,
خالد خلاص كلها ساعة وبيقومون,,,
وضحى واذا ماقاموا في ها الساعة؟
خالد بطردهم وبجيك وش تبين بعد!
*
كانوا قاعدين بقهوة الليوان بالخبر وكل واحد يناظر بالثاني وهو ساكت وشايل همه بقلبه لين قطع تركي الصمت اللي بينهم,,,
تركي تغذيت اليوم في بيت جدي؟
نواف أي...
تركي صار شي؟
نواف .....
تركي يعني صار؟
نواف تنهد وسكت....
تركي جدي فاتحك بالموضوع؟
نواف بدون نفس لا..
تركي اجل شفيك ماد البوز؟
نواف صار موقف سخيف بيني وبينها؟
تركي شنو صار؟
نواف شفتها اليوم وطردتني,,,,
تركي اوووف...وشلون صاير شكلها؟
نواف بضيق اقولك طردتني وهذا الاهم وانت تقولي كيف صاير شكلها؟
تركي طيب ليه طردتك؟
نواف اسمع السالفة اللي صارت .........
تركي طيب انت الغلطان؟
نواف ........
تركي ولا ان شاءالله بتقول بعد ان مو انت الغلطان؟
نواف غلطان ماقلت لك شي بس مدري وش فيني مو قادر افكر بشي غير ها السالفة؟
تركي لانها هي اللي طردتك من البيت وها الشي حاز فيك,,,,
******
في غرفة مشاعل كانوا تاركين التلفون سبيكر وهم يكلمون ياسمين....
مشاعل وبعدين؟
ياسمين ولاشي طلعت امي جاي تسولف معي سوالف عادية,,,
مشاعل وماتتوقعين هو قال لهم؟
ياسمين مدري...
نوف مااتوقعه قال شي لو قال كان بان الموضوع من اليوم لان هو مو من صالحه يتركه يبرد,,,
ياسمين شلون يعني؟
نوف يعني اذا بيتكلم فيه وفي باله نية شر بيتكلم فيه حار ب حار....
مشاعل انا كذا بعد اقول...
ياسمين الله يسمع منكم ان شاءالله,,,
نوف وش كانت انطباعاتك يوم شفتيه كذا قبالك؟
ياسمين مت من الخوف...
نوف هههههه
مشاعل بتشكيك متاْكدة ماقزيتي من هنا ولامن هنا من ورانا!!!
ياسمين والله انك متفرغة!!!مابدور اقز الا نواف باشا؟
نوف ههههه وفي ها الموقف الحلو...
مشاعل على قولتك....
ياسمين تصدقون حاسة ها اليوم طويل ومو راضي ينتهي....
مشاعل قومي اللحين غسلي وجهك وحطي راسك على المخدة ونامي,,,
نوف مشاعل قصدها توفر لك جو تفكرين فيه في السالفة بروحك؟
ياسمين ههههه على قولتك...بس مو مسكرة من عندكم لين حسيت نفسي دخت وبنام....
******
نورة كانت تقولب بالمجلة اللي في يدها وجت امها جلست جنبها,,,
ام سعد نورة..
نورة هلا يمه...
ام سعد شلونك...
نورة بخير الحمد الله...
ام سعد وشخبار الجامعة؟
نورة ماشي الحال...
ام سعد وش تسوين؟
نورة اطالع بالمجلة...
ام سعد اقول نورة...
نورة هلا يمه...
ام سعد قربت رجعت فارس للدمام,,,
نورة بضيق أي واحنا مالنا ومال رجعته؟
ام سعد شلون مالنا ومال رجعته؟اذا رجع فارس..
قاطعتهانورة خلاص يمه قفلي ها السيرة واللي يسلمك..
ام سعد وانتي ليش معصبة ومتضايقة؟
نورة مو متضايقة ولافيني شي بس انا مالي شغل برجعته؟
ام سعد انتي الحكي معك يعور الراس....المهم يوم الخميس تراهم بيجون عندنا؟
نورة اووووووف وليش بعد؟
ام سعد ووجع ان شاءالله؟وش اللي ليش بعد!!عيب عليك يابنت اللي يسمعك تقولين ها الحكي بيقول امها ماعلمتها ولاربتها؟
نورة يمه انا مابي اكون موجودة؟
ام سعد باصرار الا اصلا خالتك ام فارس جاية تشوفك مخصوص....كيف ماتبين تكونيني موجودة؟
*
مشعل اقول جدي...
الجد ابو خالد شنو؟
مشعل صاحبي بكرة طالعين مشوار طويل وجدته ماتقدر على المشاوير هاذي ماتحبها...
الجد ابو خالد عساها مو جدتك لو بالشام قالت تبي تروح؟
مشعل المهم ..هو قال لو مافيها ثقل تجي عندنا البيت لين يرجعون من مشوارهم؟
الجد ابو خالد أي اكيد خليها تجي تتفضل نتونس معها؟
مشعل يعني مافي أي مشكلة؟
الجد ابو خالد لا طبعا...
مشعل وجدتي مابتقول شي اذا شافتها؟
الجد ابو خالد البيت بيتي ومحد له شي فيه حتى انت وامك واختك؟
الجدة ام خالد وهي داخلة وش اللي صاير؟
الجد ابو خالد بصرامة مالك شغل؟
الجدة وهي تكلم مشعل قول انت يالفتان؟
الجد ابو خالد سوالف رجال مايتدخلون فيها الحريم!!!
مشعل اعتمد يعني ياجدي واكلمهم يخلونها تجهز اغراضها علشان بكرة؟
الجد ابو خالد أي اكيد وهاذي يبيلها مشورة؟
الجدة بحلطمة قول انت لااذبحك مو بس اقفل عليك؟
مشعل مااكون رجال اذا قلت لك اسرار جدي؟
الجد ابو خالد كفو ياولدي كفو...
مشعل وهو يضحك يالله الاقيك على خير بكرة ياجدي,,,
*
بااخر الليل في غرفة عبد الله,,,,
دق جواله وشاف رقمها,,,كان متردد يشيله ولا لا...بس الاكيد انه بيشيله لانه مايقدر يقطع صوتها عنه اكثر من يومين!!!
رفعه وهو يتنهد وبداخله ارتياح مو طبيعي لانها هي اللي متصلة فيه مو هو,,,,,
عبدالله هلا...
عبير هلا فيك....رايق؟
عبدالله واحد يسمع ها الصوت ومايروق!!
عبير شلونك....تصدق واحشني!
عبدالله قولي والله؟
عبير لو ماكنت واحشني ماكنت دقيت علشان اسمع صوتك؟
عبدالله ياعمري انتي؟
عبير اقول حبيبي...
عبدالله قولي ياقلبي....
عبير بعدك زعلان مني!!
عبدالله مشكلتي معك ياعبير اني اذا سمعت صوتك انسى كل الزعل؟
عبير أي خليك كذا احسن؟وش لك بالزعل وعوار القلب...
عبدالله أي انتي بعد خفي عليّ شوي....
عبير وانا شسويت!!انت بس دايم تكبرها...المهم عطيني اخبارك وعلومك اللي ماسمعتها....
**
في غرفة خالد,,,
كانت وضحى قاعدة قبال المرايا وهي تتكحل وتتعدل ودخل خالد بدون ماتحس له وقام يغني لها,,,
خالد ياوضحى والله مايحتاج...تحطي مثلهم مكياج...
لفت له وهي تبتسم ها...انتهت سهرتك؟
جاها يركض قصدك توها بتبتدي؟
وضحى قامت من على الكرسي وقعدت على سريرها أي بس انا نعست وفيني النوم؟
خالد افا؟؟وش ها الحكي عاد!!
وضحى تعبانة والله..من متى وانا جالسة بروحي وغيري سافطني وهو مع ربعه؟
خالد وكاهو جاك يكمل السهرة معك؟
وضحى نام بس نام بكرة وراك دوام ولامفكرها حلاوة كل يوم بتسهر وماتروح دوامك؟
خالد وش اسوي في الدوام انا!!انتي اهم؟
وضحى لاوالله.؟وشنو اللي بيعيشنا وبياْكلنا انا ولا الدوام؟
خالد هههههه انتي اكيد ؟
وضحى ههه ياسلاام على عيارتك يالعيار؟روح نام بس روح نام...
خالد افا..اهون عليك ياماما وضحى؟
*
لؤلؤة نواف...انت لسه صاحي مانمت؟
رفع راسه ولقاها واقفة قباله وانتي ليش سهرانة؟
لؤلؤة انا نمت بس قمت اشرب لي مويه...انت وش مصحيك لها الوقت؟
نواف روحي نامي مافي شي لاتشغلين بالك؟
لؤلؤة متاْكد؟
نواف خلاص قلت لك روحي نامي مافي شي,,,
مشت لؤلؤة وجلس بروحه بعد ماطفى نور الاباجورة,,,
وقعد يستعرض صورة ياسمين في باله وهو يحاول يتذكر شنو شاف غير عيونها الضيقة,,,
******
***
نواف وياسمين وهل بيتجدد معهم شي ولا بتمر بينهم حالة ركود؟
خالد ووضحى وياعين الحساد انعمي ولا؟؟؟
نوف وعبدالله وهل بتكون في مصارحة له بمشاعرها اذا طلعت معه في البارت الجاي؟
حصة وموقفها من نوف وشنو بيصير؟
مشعل وسعد والجدة؟
اشوفكم في بارت بكرة ان شاءالله
****
***
**
*
البارت الثامن ,,,,
,,,
تركي زين اني شفتك؟
رفع سعود راسه وتفاجاء يوم شاف تركي ووقف بسرعةصحيح ان سعود اكبر بس هيبة تركي مايجي شي تحتها,وقال بارتباك تركي!!,,
تركي أي تركي ليه متفاجاْ كذا من شوفتي؟
سعود انا ماقلت شي...
تركي انت ماقلت شي بس تفاجاْت من شوفتي لانك متعود ماتشوفني غير بالعيد وبس ياولد العم!!!
سعود بلعثمة تفضل..
قرب تركي من سعود وقال بهمس فيه حدة فيك تاْخذ بريك سريع نطلع نشرب فيه فنجان قهوة ونتكلم....
سعود بصدمة نتكلم!!!في شنو؟
تركي في الشي الوحيد اللي صار يربطنا ببعض اكيد وهو نوف؟
*
وضحى ها عسى ماشر وش له ها الكشخة وها العطر؟
ضحك عليها وهو يعدل شماغه....
وضحى اكيد مو رايح الدوام؟!!
خالد وهو يضحك وين بروح يعني؟
وضحى بتشكيك وهي تضحك اساْل نفسك؟
خالد مسوي انه جاد انا ماكنت بقولك بس مدامك مصرة خلاص اسمعي اجل انا رايح لاام العيال؟
وضحى لا...اجل سلم عليها...
خالد هههه سلامك يوصل يالغلا,,,
ضربته على كتفه وقام يضحك وهي تضحك معه,,,
خالد اقول وضحى..
وضحى سم ياقلبي..
خالد بجدية سم الله عدوك بس كنت بقولك ورى ماتزورين امك اليوم من زمان مامريتي عليها وشفتي اخبارها؟
تلاشت الضحكة من وجهها وبان الضيق عليها وقالت خلنا رايقين ياخالد ماله داعي نجيب أي سيرة تكدرنا؟
خالد باصرار أي بس هاذي امك ياوضحى؟
وضحى حطت راسها على صدره وقالت بالم... انا ماابي غيرك من ها العالم ياخالد انت امي وانت كل شي...
*
دخل مشعل البيت ووراه سعد اللي كان لابس عباية على انه جدة صديق مشعل,,,
وراح للصالة مكان قعدة جده وجدته بعد ماتاْكد ان امه في السوبر ماركت,,,
مشعل يبى...هاذي جدة صاحبي...
فز الجد من مكانه وقال بسرعة الله يحيها...
الجدة نطت وراه وبيدها عصاها... منو انتي!!!
سعد وهو ينعم صوته بقد مافيه وهو شوي يموت من الضحك الله يسلمك...
الجدة بقهر وصراخ خلها تطلع من بيتي!!!
الجد ابو خالد اقول ترى المكان مكانك يا....ماتعرفنا؟
الجدة بقهر اكبر وش له تتعرفون بعد؟خليها تطلع لااذبحها؟
سعد وهو يتنيعم شيخة...اسمي شيخة..
الجد برومنسية والنعم في شيخة الحريم كلهم...شيخة اسم على مسمى...
سعد تسلم يا عبدالعزيز..
الجدة بضيق اسمه ابو خالد..
سعد بشلاخ لا,,,تصدق مايبين عليك عندك عيال؟
مشعل مات من الضحك وسعد لف للجهة الثانية يقال انه مستحي من الجد اللي خق وهو مكانه وهو فاطس ضحك مايدري شلون طلعت معه...
الجدة دفت الجد بعصاها وهي تصرخ استح على وجهك بس استح..الشيب مو تارك لك مكان وانت منثبر مكانك مو متحرك كاْنك تمثال؟
الجد يهمس لمشعل شوف يامشيعل هاذي جدة صاحبك شكلها انيقة كاهي لابسة مثل الجزمة اللي لابستها ياسمين اختك؟
مشعل وهو يجر سعد لاينفضحون وتطلع باقي اغراض ياسمين يالله انا بخليها تروح ترتاح فوق شوي؟
الجد بااعجاب وتقدر تركب الدرج بعد!!مشاءالله عليها الله يحفظ شبابها...
*
في بيت ابو تركي
جلست حصة جنب امها اللي توها مسكرة سماعة التلفون,,,,
حصة منو تكلمين يمه..
ام تركي هذا تركي فديته..
حصة جاينه شباب اليوم؟اسمعك تقولين الله يحيه...
ام تركي لا...يقول سعود ولد عمك جاي الليلة هو وعياله قلت له الله يحيه؟
حصة باستغراب وش الطاري سعود جاي؟بالعادة مايجي الا يوم العيد؟
ام تركي علمي علمك يابنيتي...الله يجعله خير ان شاءالله...
سرحت حصة بتفكيرها بعيد وتحديدا في نوف وفي بالها شي تسويه ...بس تنتظر رجعة نوف من الجامعة.,,,
****
في سيارة عبدالله اللي كان جايب معه نوف....
عبدالله نوف..
نوف بلهفة هلا..
عبدالله شلونك...
نوف بارتياح مدامي معكم انا بخير..
عبدالله بنفس الهدوء نوف انتي تعرفين حصة مو من اليوم ولاامس..تعرفينها من زمان..
نوف والمطلوب؟
عبدالله لاتشيلين هم كلامها وطنشي وش ماقالت لك؟
نوف عادي حصة اختي واي شي منها اكيد ماهو ضارني لانها تبي مصلحتي..
عبدالله ابتسم لها وذابت هي على ابتسامته..
عبدالله ياليت كل البنات يفكرون مثلك يانوف...
نوف ظلت مبتسمة له وهي ساكتة...
عبدالله اذا ضايقك كلامها مرة ثانية امسحيها بوجهي؟
نوف بعد تنهيدة انا ماازعل من احد فيكم ياعبدالله....انتوا اهلي..انتوا كل شي بالنسبة لي...
عبدالله بمرح أي خليك قوية ترى انا عندي موضوع وابيك تساعديني فيه؟
نوف بلهفة شنو؟
عبدالله جايك...بعد كم يوم بطلب منك خدمة وماابيك ترديني ابيك تساعديني بس ها مو تنكبين فيني!!!
*
في بيت الجد..
كان نواف ينتظر تركي بالحوش اللي دخل ينادي على جده لانهم متواعدين يروحون يزورون واحد من قرايبينهم,,,
وظل واقف عند باب الصالة من برى وهو يتذكر موقفه امس معها وبعدها ابتعد وراح وقف بالحوش لايتكرر معه موقف امس من جديد وهو تفكيره بياسمين..
وفي الجهة الثانية كانت ياسمين تمشي بالحوش وهي تكلم بجوالها..
ياسمين أي..اي معك..انا بعد اقول انه ماله داعي تكبر السالفة وعلى قولتهم الحقران يقطع المصران...اي...اي..لاتقولين!!والله...
وفجاْة سكتت وحطت يدها على فمها تكبت شهقاتها وطاح الجوال من يدها على الارض...
ظلت تناظر بوجهه وهو واقف قبالها يناظرها...ماتدري ليش قطعت تاملاتها فيه وانتبهت على نفسها ومشت قبل لايشوفها احد؟؟؟
*
قعدت مترددة بعد ماراح لدوامه وهي تفكر في كلامه....
(أي بس هاذي امك ياوضحى) انا ادري انها امي ياخالد وعمري مانسيت ولاراح انسى بعد!!!
بس معقولة هي لسه فاكرة انها امي ولانست؟
مات ابوي الله يرحمه واحنا صغار ..اكبرنا نواف اللي باولى متوسط..ومااهتمت فينا وبس طلعت من العدة تزوجت وكونت لها اسرة جديدة؟؟؟
نشوفها بالعيد ولا احيانا مانلتقي واذا قعدنا معها قعدنا كانا اغراب عنها...
تنهدت بقوة وهي عادتها كل ماجاها طاري امها....
معقولة ياوضحى بعد ها العمر كله اللي قضيتيه بدون ام تبين اللحين ام!!!تسمعك وتشتكين لها!!!
رفعت السماعة ودقت الرقم اللي حافظته عن قلب رغم انها ماتتصل فيه ابدا وقلبها يدق بسرعة من الخوف....
ماهي عارفة شتقول لاامها لو كلمتها؟ولاليش هي متصلة؟حست انها غبية وتسرعت...بس فيها شي كان يبيها تتصل...وقطع عليها تفكيرها الصوت اللي رد وقال الو...
***
ام مشعل بنفاذ صبر يمه مافي احد؟
الجدة بصراخ يعني انا اكذب عليك؟
ام مشعل الله يهداك يمه انا ماقلت كذا؟
الجدة بس شكلك تبين تقولينها؟
ام مشعل يمه صدقيني لفيت البيت كله ومافي احد موجود...
الجدة اقولك دخلت علينا وهي تتمايع وشوي وتذوب؟
ام مشعل ........
الجدة روحي سئلي ولدك ها الدعلة هو اللي جابها هنا واكيد هو اللي خشها؟
ام مشعل بنفاذ صبر يمه مشعل رايح عند اختي ام سعدومارجع البيت اليوم من طلعته من المدرسة؟
الجدة يعني انا كذابة؟اقولك دخل هو ومعها وركبها فوق؟
ام مشعل وقفت بنادي على ياسمين تدورها لك فوق من جديد علشان تتطمنين؟
********
دخلت غرفتها تحط اغراضها علشان تبدل ثيابها وتاكل لها لقمة...
وماانتبهت على حصة اللي دخلت بسرعة..
حصة نوف..
لفت وهي متفاجاْةوقالت هلا حصة...
حصة قبل كل شي جهزي اغراضك؟
نوف بذهول اجهز اغراضي!!!اي اغراض؟وليه؟
حصة سعود جاي الليلة البيت؟
طاحوا من يدها مذكرات الجامعة وقالت بصدمة سعود جاي؟؟؟غريبة ليش جاي؟
حصة وش اللي غريب اخو وجاي ياخذ اخته وين الغريب؟
نوف .........
حصة جهزي اغراضك وروحي مع اخوك الليلة قولي له انك مو مرتاحة هنا ولاانتي مريحة تركي وعبدالله في بيتهم؟
نوف جلست على السرير وبان عليها الضيق وافكار تاخذها وافكار تجيبها..
حصة وهي طالعة من الغرفة لاتتاْخرين ترى هو جاي بعد الصلاة....
*
دخلت غرفتها وقفلت الباب وراها وظلت تبكي بقهر منه...
لمتى بيظل معذبها؟لمتى بيظل احتقاره لها ملازمها؟كلمته حرقت قلبها؟سخريته منها ونبرته الجارحة طعنوها في الصميم...ليه....هي وش ذنبها علشان يعاملها كذا!!!ماتبيه اذاكان هذا الشي اللي يبي يسمعه فهي فعلا ماتبيه!!مو بس هو اللي مايبيها,,,
زاد بكيها وهي تذكر كلمته اللي قالها قبل شوي يوم تمر من جنبه وبعدها ترن في اذنها(اول مرة اشوف فلبينية متكحلة؟؟؟)
راحت عند المرايا تمسح الكحل من عينها وهي تشاهق بقوة وتدعي عليه من قلبها,,,
********
اشوفكم يوم السبت ان شاءالله ولاتنسون التعليق ياحلوين
****
***
**
*
البارت التاسع ,,,,,,,
,,,,,,,,
ام فارس هلا والله بنورة شيخة البنات,,
نورة وهي تتحلطم اووووف من ها الموال.....
ام فارس سمعينا صوتك عاد يانورة؟
نورة بهدوء هلا خالتي...عساك بخير؟
ام فارس بحب يوم اني شايفتك اكيد بخير...انتي بشري شخبارك وشخبار جامعتك؟
نورة الحمد الله ياخالتي كل شي تمام..
ام فارس بغمز أي ترى فارس قربت جيته...واذا رد مايبك تنشغلين عنه بدراسة ولاشغل يبيك له وحده؟
نورة بان عليها الضيق وام فارس وام سعد فسروه انه خجل من سيرة فارس..وقاموا يضحكون...
نورة بضيق يمه انا قايمة؟
ام فارس وين يمه ماشبعت منك؟
نورة بنفس الضيق اترككم تسولفون على راحتكم..
ام فارس لايمه قعدي ماعندنا شي نقوله بعيد عنك..
ام سعد قعدي يمه وين رايحة خالتك ام فارس ماهي غريبة عنا وبعدين هي جاية لك انتي مخصوص..
تنهدت نورة وظلت مكانها جالسة وانتبهت على روان اخت فارس وهي تكلم ريم وهي تقولها هذا ايميل فارس...
لفت بسرعة لهم وفي بالها تاخذ الايميل بس شلون وليش وشنو تقول لو اخذته؟؟؟؟
*********
ماتدري أي ضيقة حستها بصدرها وهي تناظر في ها البيت اللي عاشت فيه من وعت وفهمت الحياة زين!!
كيف بتودعه وبتودعهم!!!
الفراق,,,شي ماتقوى عليه اكيد بس لازم تقوي نفسها لان سعود مو كل يوم بيجي يطلب منها انها تروح معه البيت فلازم تغتنم ها الفرصة....
تنهدت بقوة وهي تفكر بكل فرد من بيت عمها وهي حاسة انها جزء من ها العائلة فعلا...
بس مثل ماقالت لها حصة لازم تروح مع سعود بيته لان تركي وعبدالله ماهم ماخذين راحتهم وهي صاير عائق لهم!!!
كيف بتودع مشاعل وشنو بتقول لها؟؟؟عمها شلون تناظر في وجهه؟؟خالتها ام تركي وجمايلها لها من صارت لها ام ثانية؟
لايانوف انتي مابتهاجرين انتي بتجينهم علطول بس سكنك هنا غلط مثل ماقالت حصة...
اللحين لازم تطلع اغراضها عند الباب علشان تسهل عليها الطلعة....
*****
مع دخلة خالد البيت كانت وضحى توها تمسح دموعها اللي من الصباح وهم ينزلون ,,,
شافها جالسة بنفس مكانها الصباح وماغيرته حتى ثيابها ماتبدلوا حتى نفس الاضاءة جاها بخوف وهو يركض ويسالها وضحى,,,علامك,,,من مزعلك؟
تنهدت بقوة وقامت من مكانها وقالت بهدوء ولاشي لاتشغل بالك...
خالد وهو يمشي وراها شلون مافيك شي؟وها الدموع حبيبتي؟
وقفت بنص غرفة نومها وصارت تمسح باقي دموعها...
لف لها خالد ومسكها من كتوفها ولفها لجهته وقال بحنان مين اللي نزل ها الدموع الغالية؟
وضحى بالم ياليتني ماسمعت نصيحتك وكلمت امي!!
تنهد خالد وشال يدينه من على كتوفها يعني السالفة فيها امك؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك