رواية بعد فرقاك بهوى غيرك وانساك -3
جود دفته لعند الباب:براا..برااااا اشوووف لاانحرف الحيين..
نايف وهو ماسك الباب قبل لايطلع:تتوقعين كم بنت بتلحقني اليووم؟؟؟؟
جود دفته للحووش وهي تضحك..سكرت الباب واستندت عليه"اول مره اشوف نايف كيووت كذا..مو زي دايم ثوب وشماغ ودخاان..اليوم مرره كوول..عساه دايم يلبس كذا"
______________________________
..مر اسبوووع على ابطال قصتنا..
(مرام)كل يوم تحس انها تعجب بفيصل اكثر واكثر..
(ساره)تحاول تعرف وش سر مرام ومرام مو راضيه تقوولها..
(نايف)اسبووع كامل وهو يلبس بناطيل وتي شيرتات..جود تلبسه كل يووم غصب عنه..خخخخخخخ
(فيصل)حالته حاله سار يحس انه يشتااق لمرام يوم عن يووم..
(لينا)شافت فيصل ببيت جدتها بالصدفه..ومن بعدها حبته..
(خالد)زعلاااااااااان هالاسبووع..لان ابووه قاله قبل يومين..انه يبي احد يسافر لبريطانيا..يجيب الملفات للشركه..واخوانه كلهم مشغوولين..حجزله ابوه غصب عنه واليوم رحلة خالد..
___________________________
الكل مجتمع ببيت ابو محمد..حتى الجد والجده..
الساعه 7 المساا..خالد بغرفته يجمع مابقى من اغراضه بالشنطه..ويجمع احلى الذكريات الي سارت له بهالغرفه..لانه بيروح بريطانيا سنه كامله..عشان يخلص معاملة الشركه..
وامه وجدته عنده يراضووه..
الرجال كلهم بمجلس الرجال..ابو محمد معصب ان خالد ولده مايبي يسافر..بس هو اعطا ابووه واخوانه كلمه ومستحيل يتراجع فيها...
اما الحريم والبنات قاعدين بالصاله الي بالدور الي فووق..
مرام وساره يبكوون..والبنات يهدوهم..
مرام بقهر وهي تمسح دموعها:ابووي المجرم سنه كامله بيسفره..(ورجعت تصييح)
ساره عيونها حمرا:مااتخيل البيت بدون واحد من اخواني سنه كااااااامله..
جود بحزن:خلاص يابنات..كل شي بينحل..
ملاك تطالع فيهم:لاتوضحوو لخالد انكم تبكون او زعلانين..يكفي انه مغصووب على هالسفر..
مرام انفعلت ورمت المخده الي جنبها عالارض بقووه..:شلون لانوضحله..هو برووحه زعلان ومقهوور اصلن..كله من ابووي المتسلط..
مها بأسف:عيب يامرام..مهما كان هذا ابووك..
دخل فيصل الصاله وقال وهو عينه على مرام ومتقطع قلبه:ا..خالد وين؟؟؟؟
مرام مسحت دموعها من دخل فيصل وودها تقووم وتحضن فيصل وتنفجر فيه...
الحريم مع بعض:بغرفته..
فيصل وهو يطالع بمرام نظره ماتتفسر..وكانه يقولها لاتبكي عشاني..قال:اا..انا ب..انا بطلع اشووفه..
فيصل بعد مو سهله عليه يفارق خالد سنه..خالد توام رووحه
ام فيصل:فيصل..الحين الرحله الساعه كم؟؟؟؟؟
فيصل طالع ساعته:الحين الساعه 7 ونص المسا..والرحله الساعه 8 ونص..يعني بعد سااعه..
مرام وقفت تصيح بصووت عالي:يعني بعد ساعه خلاص..بيروح..بيساافر..؟؟؟!!!
فيصل تقطع قلبه..تركها وراح لغرفة خالد لانه لو قعد شوي بعد بينسى الكل..وبيروح يضم مرام ويهديها...
ام مشاري لمرام:لاتقوولين كذا يما..هو بيكلمكم كل يووم..ماراح يقطعكم..
التفتت ساره لام مشاري وقالت بصوت مبحوح:خالتي..تدرين يعني شنوو اخوك يفارقك سنه(نزلت دمعتها)يعني سنه كامله..يعني 12 شهر كامل مانشووفه..
ام مشاري بتفهم:طيب يمكن بس كم شهر .. مو سنه عااد..
مرام وقفت:وازيدك من الشعر بيت..ابوي قال له امس اذا ماخلصت المعامله هناك بسنه..راح اخليك سنه ثانيه بعد..
وراحت ناحية غرفة خالد وهي تركض..فتحت الباب بقووه وشعرها الناعم طار للجهه الثانيه على وجهها..طالعها خالد وهو يسكر الشنطه..وماسك دمعته بالقووه عن لاتنزل..مرام نسيت وجود فيصل بالغرفه..راحت وحضنت خالد الي وقف ورما شنطته وحضنها..الجده وام محمد يصيحون بعد..فيصل تقطع على هالمنظر..وهو ماسك عمره بعد بالقووه عن لايبكي..
خالد ابعد مرام عنه..بس هي حضنته من جديد..قال بغصه:خلاص يامرام..لاتخليني اصيح الحين.؟؟؟؟
مرام متعلقه فيه وتصيح:خالد..لاترووح..لاتسافر ياخالد..الله يخلييك..
خالد ماقدر يتحمل اكثر ونزلت دمعته الي مسحها بسرعه..اما فيصل اول ماشاف خالد بكى..نزلت دموعه لاشعوور منه ونزل راسه للارض..
الجده تحاول تغير الجو:الحين انتو رجال شكبركم تصيحوون؟؟؟؟
فيصل وقف وراح ناحية جدته:يماا مو سهل ابد توام روحك يفارقك سنه..
خالد ضحك من بين دموعه عالكلمه..وحضن امه بقوووه..
ام محمد تبكي:خالد ياعمري..كلمنا كل يووم..واول ماتلقى فرصه كلمنا على طوول..كل زين يماا..واتغطى زيين..وانتبه لعمرك..
خالد تنزل دموعه:لاتوصين يماا..اهم شي انتوو..انتبهي لعمرك يما..وانا مابسوي الا الي يرضيك..
ابتسمت ام محمد..ونزلو كلهم لتحت والخدامه تجر شنطة خالد وراهم بالدرج..واول مانزلو للصاله الي تحت..كان الكل موجود لوداع خالد..الرجال والشباب..والبنات بطرحهم..والحريم..والجد..و..وابووه..
اول ماجات عينه..على ابووه طالعه بكل كره الدنيا..
انتبه ابو محمد لنظرات ولده له..وحز بخاطره حييل..
اتوجه لجده..وسلم على راسه وايده..
الجد بصوته الغضرامي:انتبه لعمرك ياولدي..مو اول مره تسافر برا..يعني عارف كل شي..وابوك ماقصر معاك..اشترالك فله على قدك بابريطانيا..
خالد بابتسامه مجامله:زين لاتوصي ياجدي..
اتوجه لاعمامه وسلم عليهم كلهم..وسلم عالحريم باحترام..القى نظره على بنات اعمامه:يلا اشووفكم على خير يابنات..
البنات بحزن:انشاءلله..
وقف خالد عند باب القصر..مسكته جدته من كتفه:خاااالد..ليش ماسلمت على ابووك..
خالد بقهر:مابي اسلم عليه غصب هوو...
الجده حز بخاطرها:هذا ولدي ياخالد..واذا ماسلمت عليه انا مابرضى عليك..
خالد بقلة حيله:بس عشانك ياجده..
رجع للصاله الفخمه..واتوجه لابوه والكل يراقب هالمنظر..
وقال بدون نفس:توصي على شي ي..يبا؟؟!!!
ابو محمد مسكه من ايده:سلامتك..
ترك خالد ايده وجا بيروح بس مسكه ابوه من جديد:تأكد ماسويت هالشي الا لصالحك..انا ابيك تعتمد على نفسك ياولدي..ومستحيل اسوي شي يضرك..وو..وانا شفت ان مافي احسن منك لهالسفره..لانك قدها وقدود ياخالد..انا واثق من هالشي..ولو اخوانك مو مشغوولين..ماكان سار هالشي..
اتجمعت الدمووع بعيوون خالد ووده يضمه ويقوله مسامحك لاتكدر خاطرك يبا..بس قهره وحقده هاللحظه انه بيساافر ويترك اهله وربعه وبيتغرب سنه بالغرب..منعه من هالشي..
بس حاول يخفي دموعه الي نزلت من شاف ساره وعبدالله يحضنون بعض بزاوية الصاله وساره تبكي..راح ناحيتهم قبل لايطلع من البيت..وحضن عبدالله بقووه:انتبه على نفسك..
عبدالله بحزن:لاتوصي .. اهم شي انت ياخوي..
حضنو بعض بقووه وتركو بعض..واتوجه خالد لساره الي حاطه ايدها على فمها وتصييح..حضنها وباسها على خدها:سوسو خلااص..كلها سنه وبرجع..
ساره تشاهق:سنه مو قليل ياخالد..كيف بتدبر اموورك لحالك
خالد:ربي يحلها..استانسي بالاجازه اووك؟؟؟؟
التفت عالكل وابتسم:اشووفكم على خير ياجماعه..شكلي تاخرت ومحمد يستناني بالسياره..
ابو محمد طالعه اخر نظره بحزن..طلع خالد من القصر يجر وراه شنطته وحزنه انه بيترك الكل الي جوا يودعووه.. ومن نزل الحووش الكل نقزو الشباب والبنات عند الطاقه يشوفونه اخر نظره..سوالهم حركه بايده بمعنى بااي..مرام وساره يبكوون..وعبدالله حمر خشمه كانه بيبكي على توامه خالد على قولته..اما فيصل اصر انه يروح معاهم للمطارو وهو حابس دمووعه بعيوونه..
((في سيارة محمد))
دخلو خالد وفيصل السياره..خالد جلس قداام..وفيصل ورا ومحمد يسووق..
محمد التفت على فيصل:شلوونك فيصل؟؟؟
تنهد فيصل:مو بخير والله..
محمد بخووف:ليش سلامات!!؟؟؟
التفت على خالد الي كان قالب وجهه ويطالع الطريق بصمت..شغل السياره وفهم ان الكل زعلان على خالد..
فيصل حاس بالعجز:ليتني اقدر اسافر بدالك ياخوي..
خالد:....................
محمد يبي يغير الجو..حط ايده على كتف خالد وهو يسووق:المفرووض تستانس انك بتسافر بريطانيا لحالك من دون العائلة كلها..عشان تاخذ راحتك هناك..
طالعه خالد بنص عين .. وتنهد تنهييده طوويله لو اتوزعت بالمكان كان حرقته:عمرك شفت انسان يستانس على شي هو مغصووب عليه..ومو مقتنع فيه اصلن..
فيصل بقهر:صراحه ان كان في انسان كذا فهو مريض نفسي..
محمد ابتسم مجامله:خلاص عااد..خلونا نقضي اخر لحظات مع بعض من دون حزن..
فيصل ضحك بسخريه:محمد انت مستوعب ان خالد بيغيب عننا سنه..مين بيسهر معاي؟؟مين بشكيله ويريحني؟؟هاني وسافر هو واهله قبل يومين جده..الحين انا لحالي هنا بالشرقيه تدري هالشي ولا مو مستوعب..
محمد انصدم لمن عرف ان هاني سافر:ا..بصراحه فاجأتني..وهاني شعنده ف جده؟؟!!!
فيصل يقلد هاني بطريقه تضحك:يقول خوالي يقولو متى بتجون جده..كل يوم تقولنا ياهاني بكرا بكرا الين ماتخلص الاجازه ها؟؟؟
محمد فطس ضحك..خالد انفجر ضحك..فيصل استانس ان خالد ضحك..
وصلو المطار ونزلو الثلاثه..ودخلو المطار وقعدو على كراسي الانتظار..ينتظروون نداء الرحله..
..خالد قاعد بين فيصل ومحمد..
خالد لمحمد:محمد لااوصيك على مرام وساره..
محمد بهدووء:لاتوصي حريص..
خالد:وعلى نفسك وعبدالله...و..و(نزلت دمعته)امي..
محمد خايف لايصيح:كلهم بعيووني..بس انت استانس..
خالد ضحك مجامله..وفيصل ساكت خايف اذا تكلم تنزل البكوه..
:ارجوو من المسافرين الصعوود الى الطائره الراحله من الدمام الى بريطانيا..الطائره رقم 202 ..
وقفو الثلاثه..فيصل مو مستوعب:يعني الحين بتسافر؟؟
خالد العبره خانقته:ا..اي..
فيصل حاس انه بينفجر:يعني صدق الحين بتروح عننا سنه يالظااالم.؟؟؟؟
خالد مسح دموعه ببلوزته وضحك:والله مو بايدي..
فيصل حمر خشمه وحضن خالد بكل صدق..وقال:خلوود..لاتتهور وتسوي ببنات بريطانيا مثل ماسويت بستاربكس..
خالد ضحك من بين دموعه:هههه لاتذكرني هذاك اليووم..
محمد دخل غلط:اصلن بنات اوروبا ايزي عندهم متعوديين على الشباب..
فيصل وخالد طالعو ببعض وضحكو:اسكت انت مو فاهم شي..
ضحك محمد وحضن خالد..وراح خالد للطائره ..
ًًابرحل مع وجع قلبي!!وحزنـــه..
واعيش الــعــمــر ف ذكرى هيااامهـ..ًًًً
____________________________
سافر خالد وهو مايدري وش الايام مخبيتله؟؟
معقوووله مرام تحب فيصل؟؟وفيصل يبادلها الشعوور؟؟
ولا يمكن طيش مراهقه واعجااب بس؟؟؟؟؟
فيصل..كيف راح يتحمل فراق خالد وهاني بنفس الوقت؟؟ومين بيعوضه عنهم؟؟؟
نايف واللوك الجديد المغصووب عليه؟؟؟؟
$$توقعاتكم بلييييييييييز$$
______________________________
تحيآآتي لكم:^أميرة الشووق^
**الجزء الخامس**
الساعه 9 الصبح..وصل خالد للندن بسلام الحمدالله..وأول مانزل لمطار لندن..نزل وراه الاثنين الحراس الي ارسلهم ابووه معاه..حتى يحمووه ويعتنون فيه..وبينما ينتظرهم ينزلون شنطه..التفت لورا وصدمه منظر بنت بغااية الجمال وباين عليها بالــ18 بعمرها..بيضه وطويله شوي وجسمها حلوو..شعرها لنص ظهرها كثيف بني فااتح..عيونها عسلي..ومعاها ولد صغير يمشي وحرمه كبيره بالسن..تنح فيها وماشال عينه عنها ابدا..جلست هي وامها والولد الي معاهم بكراسي الانتظار..باين عليهم ينتظروون احد من اقاربهم بالمطاار..خالد"يوييلي وش هالجمال الذبااااح"
وظل يتبعها بنظره .. ويراقب حركاتها العفويه مع الولد الصغير والحرمه الي معاها..ماانتبه الا والحرااس الي وراه يقولون:سيد خالد..هذي الشنط جاهزه..
خالد وعيونه عالبنت:ا..روحو انتو..انا بلحقكم..
الحارس بخووف:لاء ياخالد..كيف تعرف طريق الفـ..
قاطعه خالد بعصبيه:اولا انا مو خالد..سيد خالد..ثانيا مالك شغل سوي الي اقولك عليه وانت ساكت..روحو للفله وحطو اغراضي فيها وانا بلحقكم..فاهم انت وياه؟؟؟؟
طالعو ببعض الحراس بخووف..ونفذو الي قالهم عليه..
اما خالد تم واقف يناظر بالبنت..بعد ساعه من مراقبتها..وصلت حرمه ثانيه رايحه لجهة البنت وامها والولد الصغير ومعاها شنط..سلمو عليها وقامو طالعين من المطار..خالد لحقهم لبرا المطار"والله ماافوتها مني"
ركب تاكسي مايليق بقدره..بس مافي غير هالحل..هو خلا الحراس يروحون بسيارته..
التاكسي التفت على خالد:wher u want go??
(وين تبي ترووح؟؟؟)
خالد وعيونه عالتاكسي الي يمشي قدامه:go neer they,,
(روح ورا ذولا الي قدامنا)
هز راسه التاكسي بالايجاب..وظل يمشي ورا التاكسي الي قدامهم..
وقف التاكسي الي راكبه فيه البنت واهلها قدام عماره قدييمه ومهجووره..ومر عليها الدهر..
خالد"معقووله يكون هذا بيتها؟؟!!لييش لاء؟؟هم كذا بنات الفقر مزيوونات"
انتبه على التاكسي:stop hear??(اوقف هنا)
خالد نزل من السياره بعد مااعطاه مبلغ عمره ماحلم فيه راعي التاكسي..وقال بمتنان:yes,,thanx(أي..شكرا)
شق الحلق راعي التاكسي..وحط المبلغ بجيبه..وراح بطريقه..
خالد وقف ورا شجره يراقب هالبنت الي طيرت عقله بجمالها..وهي تنزل الشنط من التاكسي مع اخوها الصغيير..
قرب منهم وكان لابس برموودا جينز وبلوزه سودا وكاب اسود..
وقف قدامهم:did u,r need help??
(تحتاجون مساعده)
التفت البنت على القمر الي يكلمها..وطاحت الشنطه من ايدها فجاه بلا شعوور..ارتبكت وهي تطالع بعيوونه:no..thanx
(لاء شكرا)
خالد حس بارتباكها..فجاه سمعوو صراخ الولد الصغير الي حامل الشنطه فووق راسه:oh my gad..thats very big
(ياالهي..الشنطه مره كبيره)
خالد شق الحلق"جات من الله"..راح ناحية الولد وسحب الشنطه وشالها..طالع بالبنت الي تطالع باخوها الصغير بقهر من تصرفه..وقال:where I keep thes??
(وين احط الشنطه ذي؟؟)
البنت طالعت فيه"يوييييييلي يكلمني بعد":gift me the bag
(اعطيني الشنطه)
خالد باصرار:no..i like help
(لاء..انا بدخلها..انا احب اساعد)
البنت تفشلت ودخلت تمشي لوسط الشقه الصغيره ودخل الشنطه عند الباب ووقف..البنت في خاطرها"شفيه واقف هذا؟؟ليش مايرووح شيبي؟؟"وقفت قباله تطالعه باستغرااب..
البنت:thanx for ever thing
(شكرا على كل حاجه)
خالد"تشكرني بعد..تبي تجنني":welcome eny time
البنت طالعت في ملامحمه ولبسه الكوول وتنحت فيه..
خالد حس بنظراتها..قال بجرأه:can I know u neem?
(ممكن اعرف اسمك؟؟)
البنت رفعت حاجب باستغراب:shoor..my neem is shoq..u??
(طبعا..اسمي شوق..انت؟؟)
خالد"شووق..شووق..ياحلوه من اسم"استغرب ان الاسم عربي.."حسيت من اول ان فيها عرق عربي..باين من تصرفاتها اخلاق..مو مثل الاجنبيات":khaled..
(خالد)
شوق ابتسمت"ياحلو اسمه بس":nise to meet u khaled
(اتشرفنا بمعرفتك خالد)
خالد ابتسم لابتسامتها:me to..
مدت شوق ايدها بتصافحه..طالع بايدها ومد ايده وصافحها..خالد"يانااااااس الحقووني بموووت"
خالد"الله يقطع ابليسي..طولت اسوولف معاها..وش بتقوول عني الحين"طالع ساعته..شوق:come breek whith we
(ادخل افطر معانا)
خالد:no..i cant I buse new..
(لاءماقدر وراي اشغال)
شوق بتفهم:ok..is u like
(طيب..براحتك)
خالد وخر من باب شقتهم..وجا بينزل الدرج..التفت اعطا شوق نظره اخيره..وبعدها نزل الدرج وراح لفلته وهو حالف انه كل يووم يجي هالمكان..
اما شوق من راح..دخلت لشقتهم الي على قد حالهم..وسكرت الباب واتسندت عليه"ياحلوه بس..اسلوب واخلاق..وولد نعمه بعد..انا وش اقوول؟؟اووف استغفرالله"
انتبهت لخالتها وامها الي يسولفوون بالصاله..هي لمن شافت خالد نست اهلها..راحت ناحيتهم وجلست تسوولف معاهم تحاول تنسى الي شافته من توو..ماتبي تعلق نفسها فيه لانها تدري انه مو من مستواهم..ومستحييل يكوون لها..
_____________________________
الساعه 11 الظهر
ام محمد تدور بتوتر بالبيت..وعيالها يهدوها..
عبدالله زهق:يماا خلاص عاد حولتيني .. اقعدي..
ام محمد تشبك اصابعها ببعض:شلوون تبيني اقعد واخووك من سافر مااتصل وو..
ماكملت كلامها لان جوال محمد رن..
رفع محمد السماعه:هلا خالد..وصلت؟؟أي كلنا بخير..انت شلون الوضع عندك؟؟دووم يارب..اها يلا بااي..
وسكر منه وقال:الحمدالله وصل بالسلامه..هو الحين بالفله الي شراها له ابووي..
عبدالله:الا وين مرام وساره ماشفتهم من امس؟؟
ام محمد بقلة حيله:بغرفتهم..من سافر خالد مايكلمووني ولا يردوون علي..وكاني انا السبب بكل شي..
وقف عبدالله..وطلع لفووق واتوجه لغرفة اخواته وهو معصب من حقرانهم لامه..وهي مالها ذنب بشي..
فتح الباب بقووه..لقى مرام فوق السرير جالسه..وساره تلعب بشعرها البووي عند المرايا..
مرام وعيوونها فيها آثار الدمووع:شصاير بعد؟؟مين سافر؟؟
عبدالله اتنرفز..طالعهم بعصبيه:ممكن اعرف وش ذنب امي؟؟ها؟؟
ساره مو فاهمه شي..طالعته وبايدها الشباصه:شقصدك!!؟؟
عبدالله دخل وترك الباب مفتووح:انتو فاهمين قصدي زين..
مرام اتعدلت بجلستها وقالت بقهر:أي..هي كل السبب..كان بامكان امي توقف ابووي وتخليه يتراجع عن قراره السخيف..هو مايرفضلها طلب..
عبدالله عصب من كلام مرام ومد ايده يبي يضربها..بس محمد مسك ايده وكان واقف وراه..قال بهدووء:ماينفع التفاهم باسلووب العنف هذا(طالع بمرام)حرام عليك تقولين كذا عن امي يامرام..هي سوت كل شي تقدر عليه..بس انتي اكثر وحده تعرفين ابووي شلون عنيد ومستحيل يتراجع عن كلامه
مرام فتحت عيوونها الي غمضتهم خوف من عبدالله..اما عبدالله تنرفز وطلع من الغرفه كان وده يكفخ مرام على كلامها لولا تدخل محمد..وراح لغرفته ودخل سكر الباب بقوووه..اما بغرفة مرام وساره..
ساره جلست عالسرير جنب مرام..ومحمد جلس يمهم..
محمد:كلنا مو راضين على سفر خالد مثل ماهو نفسه مو راضي..بس وش بايدنا نسووي..
مرام نزلت دمعتها:وحشني صووته..
ساره تتذكر:اتذكره بهالوقت دايما ينقز بالبيت ويسوي رجه شوي..ويجي يسوولف معانا..اما الحين..سنه كامله بنفقد هالشي..كله بسبب قرار غبي تافه..
محمد كاسرين خاطره خواته الي باين عليهم متعلقين بخالد حيل..
______________________________
(..الساعه 2 الظهر..ببيت ابومشاري)
الكل قاعد عالغدا ...
مشاري وقف:سفره دايمه انشاءلله..
ام مشاري:اقعد يابوك كل مااكلت شي..
مشاري نفسه منسده:لاء يما شبعت..الحمدالله..
وراح للحمام..غسل ايده ونشفها وترك الماي مفتووح وقعد واقف يتفرج بالماي وناسي كل شي ويفكر"لينا امس كان شكلها يخقق..المشكله اني اطالع فيها ولاحظتها تطالع بفيصل..دنيا عجييييييييييبه"
وقفت ملاك تطالع فيه مستغربه..شايفته واقف يتفرج بالماي وهو مفتووح..ملاك بصراخ:مشااااري..ليش تارك الماي مفتووح الله يقطع عدوينك..
مشاري انتبه..سكر الماي والتفت عليها:ها؟؟اولا كنت سرحان وافكر ونسيت الماي..ثانيا هذا شي مايخصك تركته مفتووح او سكرته..ثالثا اتركي عدويني بحالهم ولاتدعي عليهم..فاهمه!!؟؟!!؟
ملاك ماسكه الضحكه:لاء والله؟؟!!!!
مشاري بيقهرها:أي والله!!؟؟
ملاك:طيب انا اوريك..انت بدات الحرب فاتحمل نتايجها..
شمرت بلوزتها وراحت ناحيته وضربته بووكس خفيف على وجهه..مشاري ضحك ضحكه شريره وبعدها شد شعرها بقووه..ملاك:آآآي ياوحش اترك شعري..
مشاري بخبث:الظاهر انتي الي لازم تتحملي نتايج الحرب..
_______________________________
الساعه 5 العصر..
فيصل مهمووم مره ومتضايق ووده يكفخ احد..
متمدد على سريره وحزنان"اشكي لمين الحين..اقرب الناس لي راحو وتركووني..واحد بجده وواحد ببريطانيا.."
دق جواله باسم هاني..فيصل ضحك بسخريه:اذكر القط يجيلك نط..
رد ببرود:خيير..
هاني:افااااااااااا..الحين انا متصل عليك كذا ترحب فيني..
فيصل مسوي زعلان:أي واكثر بعد..اخلص شعندك؟؟؟؟
هاني زعل:ابد بس قلت اشوف شخبارك..بس الظاهر انت قالب وجههك هالاياام..
فيصل كشر وجهه:انت تدري ليش انا قالب وجهي هالايام..لانك انت سافرت جده وبعدك بيومين سافر خالد ولد عمي..وانا الحين لحالي اعاني هنا بالشرقيه..
هاني انصدم:خالد سافر؟؟؟متى؟؟
فيصل عصب:وانت شعليك متى؟؟المهم انكم رحتو وتركتووني..يالانذال..
هاني:بل بل..هذا كله حاقد..الله يسامحك بس..
فيصل وصلت معاه:اذا ماعندك شي ضروري..سلاام..
وسكر الخط بوجه هاني الي قعد يطالع شاشة الجوال بصدمه"هذا رفيق عمري كذا يكلمني؟؟؟؟ماهقيتها منك يافيصل بصراحه"
..فيصل بعد ماسكر من هاني حذف الجوال بقووه عالجدار"اووف..هذا انا تهاوشت مع هاني..هذا الي كان ناقص!!؟؟"..
_______________________________
الساعه 9 المسا..
كانت مها ببيت عمها ابومحمد عند مرام وساره يسولفون بغرفة مرام وساره..
وقفت مها:انا بنزل اشرب موويه..سويلي طريق ياساره..
ساره مو فايقه تقووم:ا..مافي احد بالبيت..محمد راح مع ابووي وعبدالله تلقينه طلع مع ربعه...
..طلعت مها من غرفة بنات عمها..والقت نظره على الصاله الي بالدور الي فوق الي جنب غرفة ساره ومرام..لقت ام محمد تتفرج عالتلفزيوون..نزلت مع الدرج لتحت..اتوجهت للمطبخ فتحت الدولاب وجات بتاخذ كاسه بس سمعت صوت وقفها عن الحركه..طالعت من باب المطبخ الخلفي الي يطل عالحديقه..شافت عبدالله واقف يكلم جوال ويتكلم بصووت واطي..ماقدرت تميز كل الكلام..
عبدالله بهمس:ياشهد ياقلبي..قلتلك الظرووف..والله هاليومين سارت مشاكل كثير بالعائله وماقدرت اجي الاستراحه..تدرين اني اشتاقتلك مووت بس الظرووف..يعني مو زعلانه؟؟..(ابتسم)ياعمري انتي..والله اني احبــك..باي..
مها وقفت تطالعه بدهشه وصدمه"شهد!!؟؟استراحه!!؟؟وش يقوول هذا؟؟الله يستر منك ياعبدالله؟؟؟كنت حاسه ان وراك داهيه.."
شربت مويه وهي ترجف من الي سمعته..هي كانت شاكه ان عبدالله وراه مصايب بس ماتوقعت انها توصل لهالمواصيل..
وبينما هي واقفه عند الثلاجه وتشرب موويه..دخل عبدالله وهو مبتسم ..دخل وسط المطبخ وشاف مها واقفه عند الثلاجه ومانتبهت له..كانت لابسه بنطلون جينز مخصر على جسمها وبلوزه بنفسجي علاقي والظهر عاري..وربطة شعر بنفسجي..وشعرها مفتووح..عبدالله فتح عيونه الثنتين وهو يطالعها"يوييييييلي..مين هذي؟؟؟ملاك؟؟ولا مها؟؟ولا لينا؟؟"
عبدالله انتبه لنفسه"استغفرالله العظيم..انا وش اسوي":احم احم
مها فزت من مكانها والتفتت وانعقد لسانها اتخبت ورا الثلاجه بثانيه..عبدالله يرقع:سوري مادريت انك هنا..كنت داخل بشرب موو..
قاطعته بارتباك:لاء عادي..بس سويلي طريق عشان بطلع..
عبدالله نزل راسه..وقبل لايطلع من المطبخ قال بجرأه:ا..بس انتي ميين؟؟؟؟
مها ارتبكت زياده وقالت وهي طالعه من المطبخ تركض:مها..انا مها..
عبدالله وقف مكانه يطالع الفراغ"ياويلي وربي تجنن..جسم وشعر واخلاق وادب..وشيااكه بعد..بس انا شلوون حكمت عليها بهالسرعه؟؟"..راح ناحية الثلاجه وشرب موويه..وراح للصاله يتفرج تلفزيوون وهو مستاانس..لان شهد سامحته..ولانه شاف قمر توه..
____________________________
الساعه 1 الليل..
رجع نايف البيت..دخل الصاله لقى جود تلعب بجوالها..
قال:وين امي وابووي؟؟
جود طالعته:وعليكم السلام..
نايف:ههه..السلام عليكم..اخلصي وينهم؟؟؟؟
جود:نايمين..
نايف جلس جنبها واتنهد..جود:شفيك؟؟؟
نايف طالع لبسه بقرف:جوود حرام عليك..وربي هاللبس مو داخل مزاجي..خلاص عاد ابي البس ثووب..
جود باصرار..تطالع لبسه باعجاب:لااااء..تعود عليه..وربي تهببل بهاللبس(تكذب)اصلن تصدق لمن وصلتني لصديقتي هذاك اليوم وانت لابس كذا..قالتلي انها شافتك من الشباك..وقالتلي بصراحه اخووك قمــر ماشاءلله..
نايف خق واتعدل بجلسته:احم ادري اني قمر..
جود تحاول تفهمه:اصلن بنات هالجيل مايحبوون الولد الي يلبس ثووب..يقولون عنه بدوي..لكن الولد الكوول يخقون عنده..
نايف:امااااااا!!؟؟؟!!
جود:والله..حتى اسأل ماما..
نايف ضحك:نعنبووك وش كبرك وتقولين ماما بعد..قولي امي اشووف..
جود اتنهدت:الحين انا اعلمه التحضر باللبس..بس الظاهر الحين بعلمه الكلام المتطوور..<<خخخخخ...
__________________________
)..نفس الوقت..(
مها رجعت بيتهم بعد ماقالت لريناد كل شي صار ببيت عمها..وقالتلها لاتعلم احد لو وش ماصار..وريناد قد الثقه..
ريناد بقهر:والله مسكين عمي..مااستفاد من اولاده..خالد يعانده وعبدالله وراه بلاوي..الله يعينه عليهم بس..
مها بنظرة خبث:ومحمد!!؟؟؟
ريناد:وش فيه؟؟؟
مها:يعني مو متعب ابووه؟؟؟
ريناد انحرجت:لاء محمد ماشاءلله عليه..هو الوحيد الكفوو فيهم..يساعد ابوه بالشركه..ومستحيل يعاند اهله..ويضغط على نفسه عشانهم..ويسوي الي يبوونه لو على حسابه..
مها فتحت عيوونها الثنتين:عشتوو..هذا كله مدح؟؟!!!
ريناد سكتت..
دفتها مها من كتفها بخفه:يلا عااد اعترفي قولي انك تحبيه..
ريناد اتنرفزت وحمر وجهها:وجججع مهاا..
_______________________
(لندن..الساعه 3 نص الليل)
بعد مارتبو الخدم ملابسه واغراضه..اتمدد عالسرير بتعب..وصورة شوق تمر من قدام عيوونه كل شوي..
خالد"انا وش فيني؟؟من شفتها مو على بعضي؟؟احس انها سحرتني بنظراتها وحركاتها واسلووبها الراقي..يارب صبرني"
كانت الفله الي اشتراها له ابووه عباره عن حديقه خارجيه صغيره بس مزينه بالورود وفيها مسبح .. اما الفله الي وسط الحديقه..الابواب والشبابيك كلها من زجاج..تطل عالحديقه..والفله من الداخل دورين..الدور الي فووق غرفة نووم فخمه ووسطها حمام..وقدام غرفة النووم صاله كبيره مرتبه مفتووحه على المطبخ..والدور الي تحت..صالات مفتوحه على بعض..وحمامين فخمه..وطاولة طعام كبيره..وملحق فيه غرف نووم الخدم والسواق..
_____________________________
عبدالله وش ردة فعله بعد ماشاف مها؟؟؟؟
مشاري..وش قصد بكلامه عن لينا؟؟؟؟
ساره ومرام..وحركاتهم المفاجاه مع اهلهم؟؟؟هل سببها سفر خالد؟؟؟وفتقادهم له؟؟؟
((ابو سلطان وعائلته هالبارت ماذكرناهم..بس انشاءلله راح يكون نصيب لهم بالبارت الجااي))
اتمنى يكون حاز على اعجابكم البارت..انتظروني باحداث ..جديده..
:تحياتي:
^أميرة الشووق^
**الجزء السادس**
صحى عبدالله بعد مانام متأخر امس من التفكير بمها..من شافها وهو حالته حاله..طالع ساعته..لقى الساعه 11 الصبح..استغرب من نفسه انه نام متاخر ويصحى هالوقت..
دخل الحمام واخذله شاور..ونزل من الحمام ولبس شورت ازرق وبلوزه نص كم بيضه..مشط شعره الناعم واتعطر...
وقبل لايطلع من الغرفه طالع بسرير خالد المرتب والي مافيه احد..اتنهد"وينك ياخووي ياخالد..اقوولك ع الي شفتها وجننتني بجمالها من اول نظره..ونستني شهد وطوايفها"
مرت صورة مها وهي تتخبى ورا الثلاجه وخجلانه قدام عيوونه.."فيها شبه كثيير من اخوها فيصل..ماشاءلله العائله كلها مزيووونه..استغفرالله العظيم انا وش اقوول..قزيت البنت قز ف ثانيه"
وأول ماطلع من غرفته سكر الباب..واتوجه لغرفة اخواته..
بس شاف ساره قاعده على الكنبه وتسمع اغاني بالآيبوود حقها..قرب منها وقال بهمس:وين مرام!!؟؟؟؟
نزلت ساره السماعات بأذنها..واستغربت ان عبدالله قايم هالوقت..أشرت عالحمام وقالت:تتسبح بالحمام..
عبدالله لقاها فرصه..جلس جنب ساره عالكنبه وقال بحرج:اقوول ساره..
ساره طالعته بابتسامه:هلا..
عبدالله"بقوولها والي فيها فيها":ا..مين جا عندكم امس؟؟
ساره"شكله مطوول هذا"..وخرت الآيبوود عنها وحطته عالطاوله الي قدامها..قالت:مها..
عبدالله:بس؟؟
ساره بشك:أي بس مها جات تسهر عندنا..ليش تسأل؟؟؟
عبدالله انحرج:مجرد سؤال..المهم..كم عمرها؟؟؟
ساره تطالعه باستغراب من سؤاله عن مها فجاه كذا..قالت:ماراح اجاوبك الا لمن تقولي ليش؟؟؟
عبدالله اتنرفز ووقف:بتقوولين ولا شلوون؟؟اقطع ابو المذله الي كذا..
ساره حست انه عصب خافت:لاء خلاص بقوول..ا..هي نفس عمري 17 سنه..وبصفي بعد..
ابتسم عبدالله"ممم صغيره حييل..انا اكبر منها ب3 سنين او اربعه بس..يعني تنفعلي..انا وش اخربط"ابتسم وطى عند ساره وباسها على خدها بقووه:مشكووره ياعسل..
نزلت مرام وعلى راسها المنشفه وشافت هالمنظر استغربت"شعنده رايق اليووم؟؟"مرام زعلانه من عبدالله عشان امس كان بيمد ايده عليها لولا تدخل محمد..طلع عبدالله من الغرفه وساره تطالع بالفراغ وانعقد لسانها..فجأها تذكرت عبدالله لمن عصب واول ماقالتله عن كل شي ساله عنها انقلب وجهه لابتسامه واسعه وضحكت..
________________________________
)..ببيت ابو سلطان..الساعه 4 العصر..(
دخل سلطان على اخته لينا فجاه بالصاله وكانت لحالها قاعده تتفرج عالتلفزيوون..وحس بالشووق يذبحه على جود اسبوع ماشافها ولا سمع صووتها..قال بصرامه للينا:ماتبين اوديك عند جود اليوم؟؟!!!
لينا طالعته بصدمه مستغربه من كلامه..هي كل يووم تقوله وديني لجود ويقوول مشغول هالمره هو عرض عليها هالشي..
قالت:ا..براحتك اذا فاضي..بس ليش شعندك؟؟؟؟
سلطان"ليتك تدرين بلي احس فيه يالينا..احس الشوق يجرني لها جر"يرقع:لاء بس عشان انا قلت بروح لنايف..وقلت اذ..
وقفت لينا وقاطعت كلامه بعد ماضحكت:طيب طيب خلاص خمس دقايق واكون جاهزه بس مو كانه بدري نروحلهم الحين؟؟
سلطان"والله شكلي بمووت ان مارحت الحين":لاء عادي..يلا انا بالسياره انتظرك..
لينا طلعت غرفتها تجهز وهي تضحك على شكل سلطان وهو مرتبك..وودها تعرف سر هالتغير فجأه..
..في السياره..
سلطان وهو يسووق يشووف صورتها لمن صقع فيها هذاك اليووم..ولمن كلمته مره بالتلفوون كان يسال عن نايف..
واتذكر كل مواقفه معاها..لاحظت لينا شروود ذهنه..
مدت ايدها وشغلت الاف ام لان الطريق طوييل لبيت عمها..
كان الوفى والشوق يموت فيني
هو دنيتي ملهم عيوني نظرها
هو غايتي هو راحتي هو ضنيني
هو مهجتي بالحب نفسي غمرها
ياحيف وقت حال بينه وبيني
وتبدلت الاحلام لحظة سفرها
واللي انكتب وانصاغ وسط الجبيني
لابد هالايام تكشف خبرها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك