رواية كل يوم لك حال جديد يوم قريب ويوم بعيد -39
وضحى انا ماادافع انا اقول اللي تشوفه عيني.....وهم ماشاءالله حبوبين والكل عارفهم....
الجدة ام خالد أي صح قلتيلي حبوبين...وبعدين تعالي وش ها القهوة مالها طعم!!
وضحى بذهول شفيها ياخالتي؟انتي شربتي فنجانين؟
الجدة مابين معي الطعم صح...شيليها ماابيها؟
وضحى اسوي لك غيرها...
الجدة وش الفايدة بترجعين تسوين مثل كذا...لالا ماابي من يدك شي؟
خالد يمه شحليلها القهوة مافيها شي...قربيلي الدلة بس ياوضحى انا بشربها...
الجدة اشربها عليك بالعافية انا بروح اجلس مع الحريم..
قامت الجدة ووضحى تناظر بخالد وهو يضحك..
وضحى اللحين القهوة مالها طعم ياخالد؟
خالد لا بلى لها طعم من يقول هههه
وضحى وليه تضحك انت بعد!!لايكون حطيت فيها شي بالغلط وانا مو منتبهة؟
خالد يابنت الحلال مافيها شي.....بس امي كله ولاينطرون العيال قدامها ماتقدر عليهم سيرتهم ثقيلة عندها...وحطت القهوة حجة علشان تقوم لاتسمعك تدافعين عنهم....
وضحى اممم وانا صدقت ان القهوة فيها شي...
خالد لاحبيبي مافيها شي...
ناظرته وضحى بنظرة عادية وهو فكر انها ماتبيه يقول ها الكلمة قال بسرعة اسف مو قصدي؟
وضحى مافهمت عليه وقالت بذهول اسف على شنو؟
خالد فهم انها مافهمت وضحك..
وضحى بحيرة خالد شفيك؟تتاءسف وتضحك بروحك قول الصدق شكلي فيه شي؟
خالد وهو يكتم ضحكته لاوالله اضحك على نفسي..
وضحى أي اضحك اجل لان شكلك صاير تحفة وانت تضحك ماتدري وش اللي صاير بالعالم؟؟؟
بجهة بعيدة عن مكان جلستهم كان واقف تركي وقدامه نوف قبال البحر,,,
تركي بهمس بعدها العلاقة بينك وبين البحر حلوة؟
نوف وهي مغمضة عيونها امممم
تركي ليه تحبينه؟
نوف ومنو اللي مايحب البحر بس ياتركي...
تركي أي بس انا حبيته بس لانك تحبينه يعني مافي اسباب خاصة فيني!!
نوف البحر شي حلو كثير..مدري احسه دايم يواسينا على كل العالم اللي حوالينه..
تركي تقرب اكثر وصار مايفرق بين صدره وظهرها أي شي..قال بحنان ذايب أي بس اللي حوالينكم يحبونكم وانتوا عارفين بها الشي...
نوف
تنهد وحست انها بتموت من قربه قالت بلعثمة بعدنا كثير عنهم!!
تركي فرصة علشان اشوفك بروحي وماتشوفك معي عيون اللي حوالينا؟
نوف خلينا نرد لهم؟
تركي لا...
لفت له وصارت شبه بحضنه وقالت بهمس تركي...
تركي بهمس احبك.....
تنهدت وسندت راسها على كتفه...
وبعد لحظات تباعدوا ومسك يدها وصاروا يمشون جنب بعض وهم ساكتين...
**اما بالجهة الثانية اللي كانوافيها فواز ومشاعل...
فواز شوي شوي وش له تركضين؟
مشاعل وهي تضحك انت مو جاي تمشي على البحر..خلاص لازم تسرع؟
فواز ياسلاااام داخلة ماراثون انتي!!
مشاعل ههههه
فواز بهمس هدي يابنت؟
وقفت مكانها ووصل لها ومسك يدها ومشى جنبها...
فواز أي كذا العالم يمشون؟
مشاعل وش رايك نتسابق؟
فواز وهو يناظرها من جدك؟
مشاعل وهي ميتة ضحك أي...
فواز اقول مشاعل وراكم اقتصادين بالعيال ماعندكم غير حمود الصغير؟
مشاعل من وين بيجونا عيال وتركي توه بيعرس هو وعبيد؟
فواز أي بس حتى حصة ماعندها غير واحد بس..وماشاءالله كاهو عمره ست سنوات يعني كبير؟
مشاعل والله الاخير ان حصة ماتجيب اريح لعيالها؟
فواز عيب يابنت هاذي اختك؟
مشاعل هههههه
فواز ترى انا ابي عيال واااجد يعني ستة سبعة ثمانية كذا..
مشاعل اممممم
فواز سايريني ...بتجيبيهم وغصبا عنك....
مشاعل وانا قلت شي اللحين؟
فواز شكلك مو متقبلة السالفة..
مشاعل ماعلينا انت شلونك؟
فواز قلبي يعورني ليش اني ماقدرت اجيب لك فيمتو؟
ياسمين الجو مرة يهبل؟
نواف وانتي طايحة لي ماابي اطلع الشرقية والشرقية واذا كلش كلش اخذ جولة بالمملكة...وين جوهم ووين جونا؟
ياسمين ماقلنا شي جوهم احلى من جونا بس بعد ديرتنا مامن ازين منها...
نواف ماقلنا شي يالوطنية وين تبين تتعشين؟
ياسمين خلينا من العشى ..ومدام احنا بهدنة بغيتك بسالفة؟
نواف بحذر خير؟
ياسمين ببتسامة الخير بوجهك..بس يتراواللي وش مابقول انا بامان لان بينا هدنة؟
نواف قولي...
ياسمين وعندي الامان طبعا..
نواف انتي تكلمي...
ياسمين طلع جوالك..
نواف ليه؟
ياسمين ابيك تكلم احد..
نواف منو؟
ياسمين انت طلعه علامك تناظرني كذا!!
نواف طلع جواله..
نواف منو؟
ياسمين ولدك احمد؟
نواف وكانه انتبه على شي كان ناسيه.. بس ظل ساكت ماتكلم...
ياسمين بتشجيع حاسة ان في فراغ كبير بعلاقتكم...احسكم بعيدين عن بعض ماكاْنكم ولد وابوه...
نواف تنهد وقال بصراحة جيته لها العالم كانت غلط؟
ياسمين بس انها صارت وطلع للدنيا؟لمتى بتظل علاقتكم كذا مايشوفك الا وانت تامره وتنهيه ومايحس بوجودك؟
نواف بس انتي ماتحبينه ليش تبيني اكلمه؟
ياسمين خلك من احاسيسي ناحيته مو هاذي وجهة كلامنا...المهم انك تكلمه وتغير نظرته عنك وتخليه يتعلق فيك...يحس انه عنده ابو يحبه بها العالم....اسئلني يانواف ترى احلى شي انه يكون عندك ابو..انا وانت واحد..يتامى ماعندنا ابو فلا تخلي فقدك لاابوك يحرمك من مشاعرك ناحية ولدك؟
نواف بس انا فعلا مااحبه....
ياسمين انت ماعشت معها طول عمرك يانواف...انت توك من قبل فترة قصيرة شلته من حضن امه وجبته يعيش معك بالاجبار...بحياتك ماشفته ولاسئلت عنه....بس انت اللحين قرييب منه صلح ها الغلطة...يظل احمد ماله ذنب يانواف باي شي كان بينك وبين امه....
كان متردد بس هي شالت جواله ودقت على البيت وهو واقف بمكانه وطلبت احمد علشان يكلمه...
اخذ منها السماعة وحس انه يتكلم بثقل وفوق مشاعره...وسكر السماعة بسرعة...
ياسمين مختصرة شوي المكالمة بس كبداية تعتبر رائعة؟
مارد عليها وضحكت وقالت شفت شحليلك وانت ماتعاندني؟
نواف ياسلااام واذا عاندت يعني وش بيصير؟
ياسمين برقة بظل احبك اكثر من أي شي بها العالم....
فارس(نايمة ولاسهرانة)
نورة(مدري)
فارس(شلون يعني)
نورة(اساْل نفسك)
فارس نفسي طمعانة تسمع صوتك)
نورة ليه)
فارس(لانها بتموت على ماتسمعه)
نورة(اجابة مو مقنعة)
فارس(خلاص نورة شيلي ثقلك شوي وردي علي)
نورة(ارد عليك شقولك)
فارس(قولي احبك)
نورة(احبك)
اتصل فيها علطول ورفعته وهي تبتسم...
فارس بلهفة قوليها؟
نورة كتبتها لك؟
فارس بالحاح لاابيك تقولينها وابي اسمعها؟
نورة ماتفرق..
فارس بلى تفرق...لمى اسمعها غير لمى اقراءها؟
نورة .......
فارس بترجي نورة تكفين؟
نورة ليه تبي تسمعها؟
فارس علشان ارتاح؟
نورة اتركها للوقت؟
فارس لا
نورة ماراح اقولها اللحين لاتحاول؟
فارس طيب توعديني؟
نورة بشنو؟
فارس الاسبوع الجاي اذا كتبنا كتابنا تقولينها بنفس الليلة؟
نورة اممم افكر..
فارس بجدية لا ابيك تقولينها تكفين؟
لهجة الالحاح بصوته خلاها توافق.....
فارس ريحتيني؟
نورة اللحين تبي تقنعني انك ارتحت بس لاني بقولها؟
فارس طبعا...
نورة بثقة انا نورة يافارس وعارفة انك تبيني اقولها لغرض بنفسك بس شنو مدري؟
فارس ضحك وماعلق...
نورة شفت ان وراها شي....
فارس ابي اطمن انك تحبيبني وشلتي ذيك الصورة عني ورفضك انزاح من طريقنا !!يافاهمتني!!
على اخر الليل عند بيت عبير كانت سيارة عبدالله واقفة وهو وهي جالسين بالسيارة مابعد نزلوا...
عبدالله مسك يدها ورفعها له وباسها...
عبير شفت اخوك وشقد رومنسي مع مرته ولا فواز اللي بيموت على اختك؟
عبدالله أي فواز ماشاءالله يحب مشاعل والكل يدري؟
عبير هي من وين صايدته؟
عبدالله شنو؟
عبير كيف قلبها قدر يصيده ويحبه؟
عبدالله هذا الله يسلمك ولد اخت ابو سالم رفيق ابوي...بتشوفينه كثير بالايام الجاية لان احنا نطلع كثير مع بعض ونسافر مع بعض؟
عبير اها يعني اخذته بعد علاقة؟
عبدالله لاابدا...يمكن المرات اللي طلع فيها فواز معنا ثنتين ولاثلاث...باغلب الاحيان مايجي.....
عبير وكيف خطبها؟
عبدالله ابد والله زوج عمته اللي هو ابو سالم رشحها له على اساس انه يعرف ابوي وصار النصيب....ماعلينا بنقعد احنا عليهم وعلى سالفتهم...بنسهر مع بعض؟
عبيرلاحبيبي خلاص ابوي شوي ويذبحني لاني توي برد البيت؟
عبدالله ادخل معك اسلم عليه واقوله اني انا اصريت تكونين معنا برحلتنا لايفهم الموضوع غلط؟
عبير لاماله داعي انا بقوله بس اذا بتنزل نكمل سهرتنا بيتضايق؟
عبدالله بهمس بتوحشيني؟
عبير وانت اكثر؟
عبدالله احس ان احنا ماقعدنا كثير مع بعض اليوم؟
عبير الايام جاية حبيبي...يالله تصبح على خير
عبدالله بدق لك لاتنامين طيب..
عبير لو صار في وقت ارد عليك لاني مااوعدك وش بيكون الوضع بالبيت تعرف انا من الظهر غايبة...
عبدالله بظل انتظرك لو الفجر...ماراح انام الا لين اسمع صوتك طيب...
وبصالة ابو تركي..
كانت نوف جالسة ومعها تركي اللي كان قبالها...
تركي اقدر اجي اجلس جنبك؟
ابتسمت له وقالت هذا استئذان ولاشنو؟
تركي ماابي اسوي شي يضايقك؟
نوف امممم من متى؟
ضحك لها...
نوف قول الصدق وش عندك
تركي قلت لك؟
نوف ليش منو اللي كان عند الكورنيش معي اليوم؟اخاف بس مو انت؟
تركي تنهد وقال نوف....بتكونين سعيدة معي!!
نوف بسرعة مافيها شك....ومنهي ماتاخذ السعادة وهي بجنبك ياتركي وانت سيد الرجال وشيخهم؟
تركي ماابيك تجاوبين بسرعة...ابيك تعطيني اجابة طالعة من قلبك؟
نوف معقولة منت مصدقني!!!
تركي لايانوف مو قصدي لاتفهمينها كذا!!!بس ابيك تفكرين شوي بالاجابة قبل لاتجاوبين عليها بسرعة..
نوف انا وانت واحد ياتركي وماعمري بحس اني افرق عنك بشي..
تركي وهذا اللي ابي اوصل له؟
نوف مافهمت؟
تركي يعني كل سوالفنا بتكون مشتركة يانوف...اقولك عن اللي يصادفني بيومي وانتي تقولين لي عن اللي تشوفينه ويضايقك ويسعدك..
نوف طبعا ياتركي...
سكت شوي وبعدها ناظرها وقال سعود اتصل فيك اليوم؟
سكتت شوي وقالت أي....
تركي مو قصدي اتدخل بينك وبينه بس ممكن اعرف وش يبي؟
نوف غريب امرك وش بيكون يبي يعني!!
تركي اكيد مايسال عنك وها الشي انا واثق منه؟
نوف بضيق ممكن تعفيني من الاجابة؟
تركي اذا ضمنتي لي ان الشي اللي يبيه منك مايضايقك؟
نوف لاابدا اساسا تسكرت السالفة بيني وبينه؟
تركي بحنان تبين تشوفين عياله؟
تنهدت وبانت دمعة بعينها بس قالت بكبرياء لا...
قام من مكانه وجلس قريب منها....
كانت بتبكي....لازم تبكي...طاري عياله دايم يبكيها وتركي عارف ها الشي علشان كذا تقرب منها,,,,,
تركي بهمس بيجي يوم وبيتصلح كل شي صدقيني؟
نوف بتقطع متى؟احس نفسي عدوة مو اخت ياتركي؟
تركي بحنان اخوك اعمى...بس صدقيني بيجي يوم وبيفتح عيونه وبيعرفك على حقيقتك وبيجيك نادم على كل لحظة ضيعها بفراقك؟
نوف .........
تركي نوف
نوف بهمس هذا اخوي ياتركي اخوي...تفهم يعني شنو انت واخوك تكون علاقتكم كذا!!وقسم بالله مدري ليش هو يسوي كذا فيني!!عمري ماقلت شي يزعله ولايتضايق منه؟ليش بس تبرى مني!!!
تقرب منها خطوة زيادة وسند راسها على صدره وجلست تبكي بهدوء وهو يمسح على ظهرها من فوق عبايتها,,,,,,
صباح اليوم الثاني ....
فواز صباح الحب والشوق والفيمتو ؟
مشاعل وهي تضحك ههه مابتنساها؟
فواز انساها؟؟مستحيل طبعا انا ماانسى شي تحبه مشاعلي؟
مشاعل على ها الحال ذاكرتك مابيبقى فيها غير الاكل وبس!!
فواز شكلك لسه نايمة؟
مشاعل أي؟
فواز والجامعة؟
مشاعل أي جامعة اليوم خميس؟
فواز اوووف مافي جامعة يوم الخميس وانا اداوم؟مايصير ...لازم نلغي دوام يوم الخميس..
مشاعل ليه؟
فواز للمستقبل.....تخيلي بعدين انتي يوم الخميس نايمة وانا اقوم اداوم تصير ذي؟
مشاعل أي..
فواز شوف النذلة؟
مشاعل .هههههه علشان انت اللي لازم تكدح وتوفر لنا الفلوس علشان نعيش؟
فواز وانتي حضرتك تنامين وترتاحين يالاميرة؟
مشاعل بدلع والله عاد فوازي عودني على كذا وانا مقدر اخالف اوامره...
بها اللحظة دخل راشد مكتب فواز وتسند على الباب وفواز كان يقلب بالاوراق اللي بيده وماانتبه له...
فواز وفواز يقدر مايدلعك ياقلبه....
مشاعل خلاص اجل اتركني انام وروح كمل شغلك؟
فواز مستحيل...تنامين انسيها هاذي....مو كفاية لاجامعة ولاشي بعد تبين تنامين وانا اشتغل على الاقل واسيني بصوتك..
مشاعل وش صار على الفيلا...
فواز ماتبين تجين تشوفينها...ترى الفرش كله وصل؟
مشاعل عطني المفاتيح علشان اجي؟
فواز وليه ماتجين معي؟
مشاعل بدلع اخاف منك..
فواز اممممم ليه وش اسوي انا؟
مشاعل بنفس الدلع ماتسوي شي بس شوي متوحش؟
فواز اها....تحسيني دراكولا يعني؟
مشاعل لا مو بالدرجة الاولى بس يقرب لك يعني شكلكم عيال عم؟
فواز زين.....
مشاعل قول الحمدلله انك صرت قريب من شخصية معروفة علشان تظل مشهور كل ماطروه طروك معه؟
فواز خلني بس اشوفك اذا ماوريتك حسابك يابنت الحربي؟
مشاعل تعال تغذى معي اليوم؟
فواز لاماحقدر عندي اجتماع على الساعة وحدة؟
مشاعل احد يسوي اجتماع يوم الخميس بس؟
فواز شسوي ياقلبي...صارت كذا...بس وينك جايك الليل؟
مشاعل لابطلع ماابيك الليل...انا ابيك النهار بيتنا كلهم موجودين؟
فواز هههههه واذا كلهم موجودين وش بيردوني عنه؟
مشاعل ........
فواز بشاعرية تحبيني!!
مشاعل بهمس اموت فيك....بس تكفى لاتتركني احبك وتروح؟
فواز ليه تقولين ها الكلام ياقلبي.....انتي تدرين انك صرتي الهوى اللي اتنفسه...انا صرت مااعيش بدونك يامشاعل.....
مشاعل تسلم لي حبيبي...
فواز اقول مشاعل متى بيجي عيد ميلادك؟
مشاعل ليه تسال ؟
فواز علشان اشتغل في هدية عيد ميلادك على راحتي..تعرفين انتي هديتك مو أي كلام.....
طاح الكاس اللي بيد راشد بها اللحظة ورفع فواز راسه والتقوا نظراتهم ....
مشاعل وش عندك...
فواز خلاص بدق لك بعدين طيب...
مشاعل وين اللي مستحيل تتركني اسكر ولاانام!!!
فواز خلاص معليش قلبي بعدين ادق لك جاني شغل...
مشاعل طيب باي حبيبي....
فواز سكر السماعة وقال بحدة خير..
راشد بقهر شكلك غرقان....تلاحق على عمرك بس لايضيع كل شي منها؟
فواز بحدة كيف تدخل بدون استئذان ياراشد؟
راشد وش مفكر تعطيها بعيد ميلادها ؟
يالله عاد لاتنسون التعليق ..ونلتقي بكرة ان شاءالله
****
***
**
*
هلا وغلا فيكم كلكم...
مشكورين كلكم على ذوقكم ياذوق وعلى مشاعركم الطيبة ربي مايحرمني منها ابدا....
وان شاءالله اكون دايم عند حسن الظن فيكم,,,
البارت الرابع والسبعين ,,,,
راشد جلس وقال بقهر اقول شكلك غرقان ياولد الاخو؟
فواز برواق واذا غرقت وين المشكلة؟
راشد بحدة فيه انك بتضيع وبتضيعنا معك؟
فواز بشماتة وانتوا شكوا تضيعون معي!!!
راشد ....
فواز دافعين لي ريال من توفى ابوي ولاصارفين على تعليمي ولااخذتوا الحلال وكبرتوا ولا شسالفة؟
راشد فواز..
قاطعه فواز للمرة الاخيرة بقولك ياراشد مالكم عندي شي؟
راشد حتى ان احنا نكون اهل ماتبي؟
فواز انا ماقصدت ها الشي....
راشد ياولد الحلال ابي افهم بس من مشيش قلبك علينا ومخليك تكرهنا....
فواز انتوا لو حبيتوني لقيتوني احبكم..بس من وانا مراهق وصغير مالقيت منكم الا البعد...ياترى ليه تبي تكون علاقتنا اكبر ياراشد؟حتى انت اللي بعمري وكنت معي زين وبصف واحد يوم صار تقسيم الحلال بعدت بعد مااخذت نصيبك وكرهتني وعاديتني يوم مارضيت اتنازل لكم...يبى هذا حقي ولو كنت انت بمكاني وابوك قبل لاياخذ الله امانته ظل يوصيك على الحلال انه يكون تحت يدك ومايطلع منه كنت بتتمسك فيه عدل ولاانا غلطان ياراشد؟
راشد اللحين من جاب طاري للحلال بس يافواز..موضوع وانتهينا منه من زمان؟
فواز بتنهيدة ياليت ينتهي ها الموضوع ياراشد ياليت...انا ابي استقر..بتزوج وبجيب عيال ..ماابي كل يومين وطالعة لي سالفة مدري من وين....على موضوع يخصني وماهو لغيري؟
راشد انا ماقلت شي بس اكيد بنت ابليس اللي كنت تكلمها هي اللي جابت لك ها الطاري وقست قلبك علينا ولاانت ماازين منك ياولد اخوي؟
فواز لو سمحت طاري مرتي ماابي يجي لابخير ولابشر؟
راشد ليه؟؟؟
فواز السالفة بينا احنا وهي مالها شغل...وبعدين اشوف محد دمه محروق بالسالفة غيرك وغير رغد ولا الباقيين تنازلوا وابتعدوا؟
راشد انا ابيلك الزين؟
راشد ورغد؟
راشد عاشقتك؟
فواز وبعد...الجزء اللي نسيتوه بالرواية اللي جالسين تاْلفونها انت وهي؟
راشد خذها من الاخر اترك مشاعل وتزوج رغد..
فواز بعصبية قلت لك طاري مرتي لاتجيبه على لسانك..
راشد كل العالم يدري ان بنت الحربي اسمها مشاعل..
فواز بضيق راشد اطلع برى..ولاتعتب مكتبي مرة ثانية وبذكر الامن بها الشي واذا عندك شي قوله بعد ماترفع سماعة التلفون؟
راشد قام وهو مقهور طيب يامشاعل طيب انتي الوعد...
لكن صدقني يافواز مدام ظليت على عنادك ماراح تتهنون بها العرس؟
فواز لاتقعد تهدد...غلطة وحدة بترتكبها بخليك تجلس طول عمرك بالحبس وماراح اتندم عليها ابدا لاني فعلا مليت منك ومن تصرفات المراهقين تبعك سامعني ياراشد؟
بعد ماطلعوا من مغارة جعيته....
ياسمين تصدق دايم اشوفها بالتلفزيون بس ولاعمري تخيلت ادخلها؟
نواف بشماتة وش دعوة داخلة البيت الابيض يياسمين؟
ياسمين بانحراج نواف لاتحرجني؟
نواف ههههههههه
كانت تتاْمله وهو يضحك...صاير كثير يضحك بعد الهدنة وكانه انقلب انسان ثاني...ياليته يدوم كذا علطول....
نواف هيه..وين سرحتي يابابا؟
ياسمين ها معك..
نواف وين اللحين؟
ياسمين مدري انت اللي ماسك البرنامج اليوم؟
نواف طيب تعالي نمشي هنا في اسواق خل نتفرج عليهم...
مشت جنبه وظلوا يسولفون يعلقون على هذا ويتشمتون في هذا ويناظرون بذاك لين وقفوا عند محل اطفال..
ياسمين خل ندخل نشوف..
نواف لايكون تحبين الدباديب وها الخرابيط؟
ياسمين واذا كنت احبهم وش بتسوي يعني!!
نواف لا ولاشي بس بحذفهم لك بالشارع اول مانروح...
ياسمين أي زين قلت لي!!
شالت قطار كبير كان معروض..
نواف بهمس وقطارات بعد!!!
ياسمين نواف خلك معي...
نواف ها..
ياسمين وش رايك ناخذه؟
نواف لمين؟
ياسمين لمين يعني؟اكيد لااحمد...
نواف .........
ياسمين شلناه؟
نواف بلااهتمام كيفك.....
ياسمين طيب خل يجيب لنا مثله....
بعد ماشروه وطلعوا من المحل...
نواف انتي ليش مهتمة باحمد ها الكثر خبري علاقتك مو كويسة مرة؟
ياسمين يكسر خاطري....
نواف ليه؟
ياسمين امه وابوه عايشين وهو يتيم منهم اثنينهم؟
نواف .....
ياسيمن لاتزعل مني بس انت سئلت وبما ان احنا بهدنة بقولك اياها بصراحة انت كثير مقصر مع ولدك يانواف....ياليت ابوي يرجع لها الدنيا واعيش بقربه كل ثانية تمر وماافارقه....الفلوس ماتعوض عن مشاعرك له وخوفك عليه يانواف صدقني....
نواف خلينا نغير السيرة..
ياسمين على راحتك.......تحب الورد؟
نواف ابدا!!
ياسمين اوووف
نواف ابتسم لها....
نواف بجدية بعد وش غير احمد تبين توصلين له ياياسمين..
ياسمين ببراْة طلاقك من ريم وش اسبابه ياترى؟
تغيرت ملامح وجهه كلها وظل ساكت وهي حست بالخوف...
نورة مابغيتوا تنشافون؟
نوف يالله عاد قبل ليلتين متلاقين ببيت عبير يوم الملكة وين اللي ماننشاف ماغير امس بس؟؟؟
نورة شسوي وحشتوني!!
مشاعل اقول بنات وش رايكم ندق على ياسمين؟
نورة لاانا بصراحة اخاف من نواف...
نوف ماندري كيف اوضاعهم هناك؟
مشاعل بس انا مشتاقة لها...
نورة يوم اكلم خالتي قالت انها كلمتهم مرتين بس...وانها بخير..
نوف بشماتة اذا كانت معه وش بتقول غير انها بخير يعني!!
مشاعل على قولتك..
نوف أي نورة هانم ومتى الملكة؟
نورة مسوية مستحية يوم الاربعاء..
مشاعل يعني ياسمين ماراح تحضر؟
نورة باسف لا....وانا مقدر اقول اجل اكثر لانه بيروح دبي ينهي اعماله ويسكر مكتبه ويادوب يرجع ويرتاح كم يوم ويصير العرس....
نوف بتحضر العرس ان شاءالله..
مشاعل بشماتة ماابيه...لو تحلمون مااخذته..شلون اتزوج بها الطريقة..انسان لايعرفني ولااعرفه شلون اتزوجه بس!!
نورة عرفته وعرفني وانتهينا؟
نوف هههههه
نورة الا شلون عبير معكم؟
مشاعل ونوف ضحكوا...
نورة علامكم...
مشاعل بتطلع عيونا؟
نورة ول...توكم امس بس ..
مشاعل احر التعازي اقدمها لاامي ونوف انا كم يوم وبتزوج ومالي شغل فيها...
نورة لهدرجة..
نوف مو طبيعية ابدا..
نورة ياربي احس حرام يعني عبدالله مايستاهل..
مشاعل عساه كلنا قلنا له انها ماتناسبه ليش اصر عليها وقال ابيها..خل يتحمل....
الجد بتقومون ولاشلون؟
مشعل اتركنا شوي ياجدي تعبانين مرة؟
الجد وش اللي تاعبكم انا ابي افهم بس!!!امس يادوب صبيتوا فنجانين قهوة وبعدها دقيتوا لي سوالف واللي موصينهم عليكم ماسووا شي وقاعدين يسولفون معكم...
سعد هم اللي سولفوا معنا..
الجد وش كنتوا تقولون؟
مشعل ولاشي بس نتكلم بالاسهم والعقار..وها السوالف يعني!!
الجد قوموا بسرعة غسلوا وافطروا ترى عندنا مشوار اليوم؟
مشعل لوين بعد؟
الجد انتوا قوموا ولاتكثرون اسئلة؟
سعد اهم شي مكان يرد الروح؟
الجد خمس دقايق وانتوا قبال الباب..
مشعل طيب وين..
الجد مزرعة صاحبي عبدالرحمن؟
سعد بصدمة وين؟
الجد سمعتوني؟
مشعل بخوف جدي عبدالرحمن صار لك فوق العشر سنين مقاطعه وماتكلمه وش اللي صاير؟
الجد شفت اني ظالم الرجال وقلت اروح اعتذر منه ونرجع علاقتنا؟
سعد بخوف وكيف بتعتذر منه وتصلح المجاري معه؟؟
الجد وهو يمشي للباب قال بلااهتمام باخذكم معي تشوفون البقر وتأكلوهم وتحلبوهم وتنظفون مكانهم ...والخيل ..والسمك وكل الحيوانات اللي عنده تديرون بالكم عليهم؟؟
في بيت ابو تركي...
بالمطبخ تحديدا..
حصة انتي دخلي ماعليك..
ام تركي وش بتسوين معها ؟
حصة انتي ماعليك..
ام تركي حصة اعقلي علشان اخوك؟
حصة باخذها لعند جدتي...مو مسوية شي ولو انها تستاهل الذبح ها المطيورة؟
الشغالة من وراهم يجي ماما عبير..
حصة خلاص انتي خلك بالمطبخ الخارجي علشان لو سئلت عنك بقول انك موهنا...
طلعت حصة وكانت عبير تتجول بالصالة وتناظر بالتحف والصور اللي موجودين..
حصة هلا..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك