رواية كل يوم لك حال جديد يوم قريب ويوم بعيد -30
حصة البيت فاضي....
ام تركي الليلة ان شاءالله ابوك راجع من الرياض..
حصة وشلون الاوضاع هنا؟
ام تركي والله يابنيتي البيت فاضي علينا ابوك بالرياض ومشاعل مع فواز لاهية ونوف عند ياسمين نايمة وتركي بس اللي صايرة اشوفه وعبدالله مايقعد بالبيت....
حصة وليه ان شاءالله الاخت نايمة في بيت جدي على بالها بيت جدها هي بعد!!!
ام تركي بحدة انطمي زين!!!
حصة أي وانا الصادقة..
ام تركي بحدة الليلة عمامك بيجون هنا..
حصة ليه؟
ام تركي علشان يباركون لتركي ونوف ويحددون موعد الملكة والعرس؟
حصة عرس منو وملكة منو؟
ام تركي تركي يبي نوف وكلم ابوك وكلمني..
حصة بقهر وطبعا لاانتي رفضتي ولاابوي رفض؟
ام تركي وليه نرفض ان شاءالله!!!بنتنا ماعليها زود ياحصة ولو نلف العالم مابنلاقي مثلها..والاهم هو اختارها بنفسه؟
حصة بقهر هو مااختارها الا لانها ساحرته وتعب من كثر ماتطلع له بكل مكان بوجهه وقال الزم حدودي واخذها ....
ام تركي بعصبية حصيص اذا سمع اخوك ولاابوك ها الكلام تدرين شبيصير؟
حصة بانفعال يمه هاذي بتفرقنا...معقولة انا بنت ها البيت اجي بعد ماابوي يسافر واخوي بدوامه علشان اشوفك وماكان البيت بيتي!!!وهي الغريبة تطلع وتدخل والبيت ينكتب باسمها ؟؟
عبدالله من وراهم أي بيت هذا اللي انكتب باسمها؟
لفوا له ثنتينهم.....
ام تركي وهي تغير السالفة انت رجعت....ليش راد بدري؟
عبدالله يمه أي بيت هذا اللي منكتب باسم نوف؟
حصة بتشييش أي بيت بعد هذا اللي احنا ساكنينه؟
عبدالله بصدمة أي بس هذا بيت ابوي؟
حصة كان بيت ابوك اللحين بيتها واحنا بننطرد بكلمة منها؟
تركي وانتي ليش عادة نفسك من اهل ها البيت وانك ماانطردتي؟؟؟
حصة بتلعثم ها...
تركي جلس جنب امه وقال اذا بدلنا البيت ورحنا مكان ثاني بنبطل نشوفك يعني!!
ام تركي يمه...هاذي اختك وجاية تعتذر لك وتبارك لك بالملكة؟
حصة انا!!!!
تركي وعسى بس اخذتي هدية سنعة لمرتي!!!!!
حصة وقفت عبدالله وصلني البيت؟
تركي بحدة لاانا جايب عبدالله معي عندي له شغل بخليه يمريوصي على عشى وبعض الشغلات ويمر الشيخ و.....قعدي وش عندك خوب ماعليك عزومة يمكن نملك الليلة؟
عبدالله تركي...
لف له تركي وانتبه انه يغمز له
....
تركي أي يمه...هذا عبدالله يقولك يبي يخطب هو بعد!!!
ام تركي بعد ماننتهي من سالفتك انت ياتركي..
عبدالله ناظر تركي وانتظره يتكلم...
تركي يمه انا ونوف منتهية سالفتنا ومايبيلها شي عمامي بيجون وبيقولون على بركة الله وبيجي الشيخ وبيكتب العقد وكلا بيروح بحاله بس عبدالله حالته غير,,,,,
ام تركي وش فيها حالته بالله!!!
تركي يبي ياخذ وحدة من بنات الفالح بنت جيرانا؟
ام تركي بحدة لا.....
عبدالله بانكسار ليه يمه...
ام تركي يمه...ماتناسبنا باي شي....انا شايفة بناتهم اكثر من مرة...هذولا غير عنا....وان شاءالله منهي فيهم اللي حضرتك تبيها...غدير ولاعبير؟
تركي بشماتة ليش منو الاسوا فيهم!!!!
عبدالله بتنهيدة يمه انا ابيها!!!
ام تركي يايمه هذولا غير عنا بكل شي ماراح ترتاح معها صدقني..انا شايفة امهم وشايفة اسلوبها وبناتها بدل مايكونوا جامعيات ومثقفات ويعقلونها ويعلمونها صاروا اردى منها...بتعيشك وبتعيشنا بقلق ومشاكل وضيقة خلق...
عبدالله
حصة خوش والله عشنا احنا وزوجات ها الاخوان اللي ..
تركي بحدة اللي شنو؟
حصة
ام تركي بتغير السالفة تركي دقيت لفواز تعزمه؟
تركي ماكلمه الوالد؟
ام تركي بلى ابوك كلمه...بس انت بعد يايمه كلمه وقوم بواجبه,,,,
تركي بعد شوي اللحين اكيد بالشركة.....
ام تركي انا بقوم اتصل في امي واشوف شخبارها...
حصة اخذيني معك؟
يوم قاموا لف تركي لعبدالله وقال بجدية اذا انت تبيها ومصر عليها مالازم تخسرها...
عبدالله بانكسار أي يعني شسوي؟
تركي اترك السالفة شوي وعيش طبيعي وبعدين ارجع كلمهم...وخلك متمسك بكلمتك؟
عبدالله انت رايك كذا...
تركي أي...
بعد فترة سكون مرت قال عبدالله تركي...البيت لنوف؟
تركي حريم شوف عقولهم لوين تاخذهم اذا دبت بينهم الغيرة!!!!
قالها وقام لغرفته يرتاح وهو ينتظر الليلة تجي بسرعة,,,,
نورة أي بس نوف ماتدري يمه...
ام سعد الا بيكلمها عمها قبل..
نورة امممممم
ام سعد لبسي عبايتك وتعالي المجلس؟
نورة رفعت راسها وقالت بتردد فارس هنا؟
ام سعد وهي تبتسم أي...
نورة وش يبي؟
ام سعد سلامتك بيسلم علينا قبل لايسافر؟
نورة بصدمة بيسافر؟؟وين يبيروح؟
ام سعد ايطاليا يقول بيسافر ثلاثة اسابيع عنده مؤتمر وبعدها بيرجع هنا وبيقعد له كم يوم وبعدها بيروح دبي....
نورة بشرود ليه؟
ام سعد شغل بعد ليه؟
نورة
ام سعد كان وده يملك قبل لايروح وكلم ابوك قبل ليلتين بس ابوك قال اذا رديت تعال املك لان نورة كذا روحة وجية وبتضيع عليها السنة خليها مرة وحدة تزوجوا وبعدها خذ مرتك وتيسروا وين مارحتوا..
قامت لبست عبايتها ومشت وهي سرحانة....
كان تفكيرها فيه....صار لها مدة تشوفه وتسمع كلامه وهي حاسة معه باحساس غريب واللحين بيسافر وبتحس بفراغ بحياتها بعد ماعودت نفسها عليه وتقبلته,,,,,
وصلت لعند باب المجلس وكان فارس يقول لاابوها مااوصيك على نورة عاد ياعمي؟.
ابو سعد ههههه بتوصيني على بنيتي اللي ماعندي غيرها بعد يافارس؟
فارس أي هي بنتك بس انا بالنسبة لي امل المستقبل....
ام سعد الله يجيبك بالسلامة ويتمم لكم على خير..
فارس ها ماغيرت رايك وبتعطيني اياها قبل امشي...
ابو سعد خلص شغلك وهي منتظرتك...يعني معقولة تنتظر ك طول هالمدة واللحين بتجي على ها الكم يوم...
فارس والله اني مستعجل ياعمي...قبل ماكنت اشوفها اللحين خلاص شفتها وتعلقت فيها..
ابو سعد خلص وتعال خذها تنتظرك ومابتاخذ غيرك يافارس...
تنهدت بقوة ومسحت دمعة نزلت منها هي حاسة بفراق شي عزيز...رغم ان الايام اللي بينهم قليلة بس يمكن مواقفهم وكلامهم مع بعض اكبر من الشي اللي هي تتخيله؟؟
كانت تقدم خطوة وتتراجع خطوة..ماتبي تشوفه وتودعه...هذا اللي كان بتفكيرها بس....
ابو سعد بعد ماانتبه انها واقفة عند الباب لانه كان جالس قبال الباب...
ابو سعد تعالي يبى نورة ماكو احد....
دخلت بعد ماتورطت......وسلمت وجلست جنب ابوها وراسها بلاارض...
فارس شلونك نورة....
نورة بدون ماتناظره بخير...
ابو سعد فارس جاي يسلم عليك قبل لايمشي....
نورة ..........
ابو سعد وهو يوقف البيت بيتك عاد يافارس.....
فارس وقف يسلم عليه الله يسلمك ياعمي...يالله عاد تعال بالاجازة دبي علشان تشوف البيت...
ابو سعد ان شاءالله نشوف العيال ونجيك....
طلع ابوها وحست بالاحراج وكانت بتقوم بس فارس وهمسه خلوها ترفع راسها تشوفه
فارس بهمس انتي ليه بالتلفون شي وبغيره شي ثاني؟؟؟
نورة .........
فارس بهمس يعني بالتلفون شوي وتذبحيني واذا شفتك تقلبين مية وثمانين درجة لاانسان ثاني بريْ
نورة بهمس انا بريئة؟
فارس وهو يضحك لها أي زين قلتيلي!!
نورة ........
فارس تجين معي ايطاليا....
نورة تروح وتجي بالسلامة...
فارس بتشكيك متاْكدة؟
نورة .........وش تقصد؟
فارس بتنهيدة ونظراته عليها مدري بس قلت يمكن ماتبين سلامتي!!
ببحة مقربة للبكي قالت وليه ماابيها!!!
فارس بثقة لانك ماتبيني!!
سكتت وقامت تناظر وسامته ونزلت منها دمعة مافاتت فارس وقال بسرعة حبيتيني!!
انصدمت من كلمته ومن جرئته بنفس الوقت وماقالت شي بس نزلت راسها بالارض...
فارس غريب ها الحب بسرعة يجي ويروح.....
نورة بترديد بسرعة يجي ويروح..
فارس أي....ساعات تحبين ناس قبل تشوفينهم واذا شفتيهم وعرفتيهم يروح حبك لهم!!
وقف قلبها من كلامه وحست انها المقصودة..
نورة بتردد وش تقصد؟
فارس وقف وقال اشوفك على خير ....واذا تبين شي من هناك لاتستحين ترى بظل اتصل فيك.....
كانت تناظره وهي تبي تعرف اجابة سؤالها قبل لايمشي...
في غرفة مشاعل ونوف..
كانت مشاعل قاعدة قبال نوف وهي تناظرها ونوف مستغربة منها..
نوف في شي..
مشاعل أي..
نوف خير
مشاعل ابي افهم وش اللي صاير؟
نوف مافهمت؟
مشاعل تريك كيف خطبك وشنو صار وويني انا من ها الاحداث؟
نوف قلت لك عمي اليوم كلمني و
حصة كذابة!!
لفوا ثنتينهم لحصة اللي دخلت بشرها وبدون استئذان ومبين انها كانت تسمع كلامهم ,,
نوف بحدة حصة لو سمحتي!!!
حصة بتشويش لمشاعل هذا لانك مو دارية للي يصير حواليك...
مشاعل حصة...
حصة هي واخوك من زمان علاقتهم مع بعض وانتي اخر وحدة تدرين؟
مشاعل شنو؟؟
نوف مشاعل ماعليك منها انا وتركي..
حصة قولي...كم مرة شفتك مع بعض وانتوا تسوون الوضع طبيعي...كم مرة ؟؟؟قولي لها بملكتها وش صار وقبلها قبلها؟
مشاعل وقفت وهي مصدومة انتي وتركي يانوف؟؟؟وليه ماقلتيلي ؟؟
حصة لانها كانت تبي..
نوف بصرخة انتي طلعي منها واحنا سالمين...مشاعل انا مابيني وبين تركي أي شي....
حصة أي صح...ونسيتي سعود يوم يجيب لك معرس وش سوا فيه تركي علشانك فصله من وظيفته!!!ولعلمك مشاعل بعد ترى أي لحظة بتنطردين من البيت لان اخوك راح كتبه باسمها؟؟؟
ناظرت مشاعل بنوف وهي مو مصدقة ان نوف وتركي تجمعهم علاقة وهي اخر وحدة تدري عن ها السالفة واخذت بعضها وطلعت...
نوف بقهر انتي ليش نذلة؟
حصة عندك وقت واحد ياتراضين مشاعل وانتي عارفة ان زعلها كايد وانصدمت فيك؟ولاانك تروحين تملكين لان الشيخ قال يبي يسمع موافقتك وابوي ينتظرك؟
ياربي والله بتوحشوني مووت لان هذا اخر بارت قبل العيد وان شاالله كل عام وانتوا بخير وبصحة وسلامة وبنلتقي بعد المدارس ان شاءالله يعني مو الاسبوع الاول بالمدارس الاسبوع الثاني من المدارس يوم السبت,,,,
لكم كل الشكر والتقدير,,
****
***
**
*
يتبع
تجميع زهور حسين
رواية كل يوم لك حال جديد .. مره قريب و مره بعيد
الكاتبه المبدعه والمتألقه : ملح الحياة وسكرها
((2))
لو اقول لكم شقد انا مشتاقة لكم ماراح اوفي ها الكلمة حقها,,,
بس بجد بجد وحشتوني موت والله وكل عام وانتوا بالف خير وصحة وسلامة وان شاءالله تكونوا انبسطتوا بالاجازة وبالعيد ..ياعسى ايامكم كلها اعياد وافراح..,,,,
البارت الواحد والستين,,,,
ظلوا واقفين يناظرون ببعض وكل وحدة منهم لها نظراتها الخاصة اللي تعبر عنها وعن الموقف اللي هي فيه...
حصة بنظرات الثقة والتحدي مخلوطة بالكراهية,,,
ونوف بالنظرات الحايرة المتسائلة واللي ماخلت من ثقتها الزايفة بنفسها,,,,,
بعد تنهيدة طويلة طلعت من نوف سئلت حصة سؤال مايمر شهر ولااسبوع ماتردده عليها,,,
نوف بتنهيدة ليه كذا ياحصة؟ليش تسوين كذا معي!!
حصة بحقد ببساطة لاني اكرهك...
نوف بس انا ماسويت لك شي يضايقك بالعكس انتي مثل اختي واعتبرتك دايم مثل اختي الكبيرة....
حصة انا مااحبك يانوف وبظل اقولك اياها دايم انتي دخيلة علينا وماْخذة ابوي وامي منا....
نوف دمعت عيونها ومسحت دمعتها بسرعة وقالت ليه...قاصرك شي وانا السبب ياحصة؟عمرهم ماجابو لك الشي اللي نفسك فيه علشان يعطوني اياه؟؟
حصة مو رادة عليك؟
نوف ببحة لان ماعندك شي تقولينه,,,همك تطرحين افكار سودة مالها أي اساس....يابنت الناس انا فلوس العالم ماتهمني ولو كانت تهمني ماكنت تنازلت عن حقي وخليته باسم عمي!!!
حصة بقوة انتي واخوك مخططينها لبعيد اكيد؟
نوف بتنهيدة تدرين انا غلطانة في الوقت اللي لازم ادور مشاعل واتكلم معها فيه جلست اضيع وقتي معك بحكي مامنه نتيجة,,,
حصة بشماتة روحي دوريها...بس حطي في بالك الوقت يمشي وتاْخيرك عن كتب الكتاب يمكن يعتبروه انك رافضة؟
نوف وطبعا هذا الشي اللي انتي تتمنينه؟
ماردت عليها حصة بس ناظرتها من فوقها لتحتها ومشت,,,
ياسمين ونواف حالتهم ماكانت مستقرة ابدا....
الدورة هاذي وقفت قلب ياسمين من سمعت عنها وشي واحد ظل في بالها اللي هو ان نواف ماراح يحضر ليلة العرس وبيكسرها قدام نفسها وقدام الكل...
بعكس نواف اللي كان متمني يلتقي فيها كل ليلة ويشيل عن قلبه وتصرفاته قناع الامبالاة فيها وهو اللي غرقان فيها كلها....
كانوا يكلمون بعض بالتلفون علشان يكملون سوالف العرس واللي يبونه وبدون مقدمات وبتردد كبير منها سئلته بخوف..
ياسمين نواف كم بتقعد بالرياض؟
نواف بحاول ارد قبل ليلتين ثلاث من العرس لاتخافين...
ياسمين بضيق بتحاول؟؟؟
سكت وماعرف شيقول لانه حس انه قال كلمة ماهي بمكانها وما المفروض يقولها,,,,,
قالت برجاء وكانها تستعطفه اكيد بتجي ليلة العرس يانواف ولامنت بجاي وبتعلقني!!!!
مافهمت ذيك اللحظة التنهيدة الحارة اللي طلعت منه وسكتت
بعدها قال بانكسار بعد مافهمته وين رحتي؟
قالت بلهجة باكية ماراح تجي ليلة العرس صح؟
ذبحه انكسارها..حس انه مخنوق ولازم يقولها ويدري انها ماراح تصدقه وخصوصا بها الموقف بس لازم يقولها حتى لو مابتصدق بس تكون واثقة من جيته ليلة العرس...
بس انكسارها موته وذبحه وقرر يسكت ومايرد لانه حس انه معذبها ومحملها فوق طاقتها وهي انتبهت على نفسها وتندمت انها بترمي نفسها عليه كذا وقالت بشموخ مغاير لاانكسارها اللي قبل شوي مايهم...اصلا لو ماتجي احسن بعد!!!
ولانه نواف وماحد يتحداه بكلمة قال بشماتة ومن ورى قلبه اللي مقرر يعترف لها مو علشانك راح اجي وانتي عارفة ها الشي..علشان عمي وبنت عمي انا اعرف بالاصول يابنت عمي!!!
تمنت انه يظل ساكت ومايرد ها الرد اللي فعلا خلاها تبكي بصمت وقهر.....
وتمنى هو بعد انه ماقاله لانه حس انها قاعدة تكرهه مع كل سؤال ورده.....
اول مانزلت لقاها تركي بنص الدرج وظلوا يناظرون في بعض كثير...
تنهد وقال بلهفة تاْخرتي!!!زمان وانا قايل لهم ينادونك؟
صدت عيونها عنه وقالت بقوة مشاعل زعلانة مني ياتركي؟
تركي بذهول وش يعني انها زعلانة؟وش يدخل زعلها بكتب كتابنا؟
نوف اللي وصلها ان بيني وبينك قصة حب ازلية وها الشي ضايقها كثير,,,
تمنى بها اللحظة يقولها ياليت تكون بينا فعلا قصة حب ازلية,,,بس اكتفى انه يتنهد ويناظر بنوف اللي كملت بنفس الثقة وانا رايحة افهمها ان الموضوع مو مثل ماهي متصورة...
تركي بعصبية خلي مشاعل لبعدين يانوف ماهو وقتها ابدا!!
عصبيته كانت من شي واحد بس!!! كلمتها اللي قالتها(بفهمها ان الموضوع مو مثل ماهي متصورة!!حرقته ها الكلمة وكانه ذنب عظيم بترتكبه نوف لو حبته بيوم من الايام)
نوف بتحدي تركي مايهمني كتب كتابنا بقدر مايهمني ان مشاعل تفهم الحقيقة؟
تركي بدم ثاير نوف...مشاعل بتفهم اللي تفهمه وانتي تعالي ابوي يبيك بالمجلس ولاحقة عليها بعدين فهميها كل اللي تبينه على راحتك!!شدد على اخر كلمة وهو عصبيته مشتعلة منها..
قالت بلامبالاة وهي اصلا بدت تخاف من عصبيته لانها ماكانت تاخذ منها ولو جزء بسيط,,,,
نوف تركي انا مشاعل عندي بالدنيا كلها ...ويهمني تفهمني صح ومايجيها عني بالنيابة أي شي يفرقها عني ولايشككها بمكانتها عندي وانها اخر من يعلم بحياتي...وتقدر تقول لعمي انك ماشفتني ماهي صعبة ترى؟؟
قالتها ولفت تمشي ومسك يدها بقوة كبيرة وقال بهمس نوف..
غمضت عيونها وسكتت وماتدري وش اللي كان اقرب لها ذيك اللحظات ريحة انفاسه ولاعطره؟؟؟
تركي وهو يتاْملها وهي بين يدينه ومغمضة عيونها خوف منه قال برقة انتي وش تبين اللحين؟
نوف وهي بعدها مغمضة عيونها ابي اراضي مشاعل ماابيها تظل زعلانة مني!!
فك يدها بشويش وهو يتنهد وقال خذي راحتك وحطي في بالك اني بظل منتظرك علطول يانوف...
مشت اول ماخلص كلامه بدون ماتعطيه أي مجال يعلق بحرف زايد لانها ماتحملت كلامه اللي يقوله لها وموقفه كبره بعيونها اكثر واكثر ....بس مشاعل وعشرة العمر اللي بينهم هم اللي خلوها تمشي بذيك اللحظات,,,
من بعد مامشى فارس حست بضيقة مو طبيعية,,,,
دخلت غرفتها وقفلت وراها الباب وظلت تفكر بكلامه على مهلها....
وش يقصد بكلمته اللي قالها ياترى؟؟
معنى كلامه واحد مايختلفوا فيه اثنين عاقلين,,,
انه كان يحبها هي وهو بدبي ويوم رجع وعرفها غير رايه؟؟
بس لا...فارس والى اخر اللحظات ماحست مشاعره مبدلة حتى سئلها اذا تبي شي من ايطاليا بيجيبه لها ولااذا كانت تبي تروح معه؟؟لايانورة هو سئلك من باب الذوق ليس الا؟؟؟
لامو معقولة هذا فارس وهاذي اطباعه من وطت رجله ارض الشرقية وعرفته ماتغير فيه أي شي؟
وش اللي صاير ياترى؟؟؟؟
وش اللي قلب تفكيره فجاْة وغير كيانه ناحيتي!!!
مو معقولة ابدا....
اصلا لحد الصباح كان مخاويني على طريق الجامعة وقال بيوصلني بنفسه وسولف معي عن قهوتي؟,,,,,ليش تغير فجاْة وحس انه مايحبني!!!
طيب يانورة انتي مو تبينه يغير رايه عنك ويقول مايبيك وتخلصين من ها السالفة...كاهي جاتك باردة مبردة وقال لك انه مايبيك يالله افرحي وش تبين بعد!!!!
لا ياقلبي لا..في شي غلط بالتوقيت كنت ابيه يقولها لاني ماكنت اعرفه.....اللحين انا ابيه وابيه بقوة بعد ماابيه يروح ويتخلى عني!!!!
وضحى لا
خالد ليه طيب؟
وضحى خالد لاتحاول مقدر...
خالد مو لازم افهم ليه؟
وضحى لاني مقدر اظل معك بمكان واحد ؟
خالد تنهد وقال لها بهمس يمكن تكون فرصتي علشان تسمعيني!!!
بحدة قالت واذا سمعتك؟
خالد ..........
بحدة اكبر قالت واذا سمعتك وش بيصير يعني؟
خالد بتعب وضحى حرام عليك اللي تسوينه فيني!!!
ناظرت بعيونه مباشرة وقالت بتشكيك متاْكد حرام؟
تنهد وسكت وكملت هي تاْنبه بتجريح واللي انت سويته فيني مو حرام ياولد عمي!!!
خالد ..
وضحى يالله رد ليش ساكت؟؟؟خلنا نشوف منهو فينا يعرف الحلال عن الحرام ويفرق بينهم!!!
خالد وهو يمسح دموعه عاتبيني,,,حاسبيني...اذبحيني...لاتسامحيني...بس عطيني فرصة اخيرة ياوضحى تكفين؟
وضحى بحرقة لشنو اعطيك اياها ياخالد؟
خالد علشان....
وضحى علشان شنو يالله تكلم انا اسمعك؟؟وش بتقول؟بتعطيني مبرراتك لخيانتي!!!طيب بدوس على نفسي وبسمعك...يالله قول؟
خالد ببكي وضحى لاتسوين كذا تكفين,,,لاتقولين ها الحكي؟؟
وضحى انت تقول اعطيك فرصة....وهذا انا عطيتك اياها يالله قول وش عندك.....ليش خنتني!!!ماكانت مالية عينك؟؟ماكنت ارضيك؟؟تحبها؟؟كنت عايق بينكم؟؟؟كنت تمثل عليّ الحب؟؟كنت مفروضة عليك؟ابي افهم بس وش اللي كان يصير وليش كنت معي غير وبالنهاية رحت لغيري...يالله تكلم قول عطني اللي عندك انا عطيتك فرصة تتكلم؟؟؟
مايدري ليش قرر انه يحمل حاله ويمشي.....لان كلامها كان قاسي وفوق المتوقع ولا نه مالقى أي اجابة عليه!!!
تنهد وراح بعيد يفكر بللي جاي وهل بيعيشون مع بعض لو يوم واحد في بيت اهله وبيقدر يقولها ...وش اللي يقوله مايدري بس يبي يتكلم معها ويشيل ها الحاجز الاسود ويعيش معها باقي عمره بس كيف؟؟؟
كانت مشاعل واقفة بالحديقة وهي تتنهد وافكارها كلها عند نوف وبالها مشغول....شي مستحبل؟؟شي مو معقول؟من متى صار اصلا ها الشي,,,نوف طول الوقت معي كيف ماحسيت على شي!!!
لفت بتروح فوق ولقت نوف جالسة قبالها ومكتفة يدينها وقالت بهدوء يوم شافت مشاعل تناظرها لاتشيلين هم ترى مو كاتبة كتابي على احد وانتي عندك فيني شك واحد بالمية؟
بتهيدة حارة قالت مشاعل نوف انا اسفة الفكرة خلتني اتضايق
يعني مدري كيف اوصف لك بس حسيت اني سراب بحياتك وشي لايذكر...انا عارفة ان ها الشي من خيال حصة ومافي شي موجود بس برجع اقولك اياها ها الساعة اللي فكرت ان الشي ممكن يكون صحيح ضايقتني وبس!!
نوف ماعندي أي تعليق!!!
مشاعل تنهدت وقالت وين تركي؟
نوف بلامبالاة مدري عن احد طلعتي من الغرفة وطلعت وراك علشان اشوف سالفتك واذا كنتي بتصدقين ولالا؟
مشاعل هههههههه
نوف جنيتي انتي!!!وش عندك تضحكين بروحك؟
مشاعل صادوه بليلة الملكة...يالله هاذي اول الهدايا اللي جاتك من حصيص شوفي وش بتعطيك بعد!!
تنهدت نوف وابتسمت..
مشاعل جرتها من يدها وقالت يالله قومي تلاقي تريك اللحين قالب الدنيا ومو بعيدة يذبحني اذا عرف انك معي!!!
جاهم صوت تركي من وراهم انا من ناحية بذبحك بذبحك بس بالاول بكتب كتابي!!
مشاعل مسوية خايفة يمه يايمه نوفوا طلبتك الا رقبتي لاتسلمينها؟
نوف بصدق مشاعل انا خايفة...ماابي اكتب كتابي خلاص؟
التقوا نظرات تركي ومشاعل ها المرة ووقف قلب تركي...
مشعل كلمتي خالد يمه....
ام مشعل أي كلمته...
الجدة انا مو مرتاحة؟
مشعل خير خير سمعيني!!
الجدة صار البيت فندق؟؟
ام مشعل يمه شها الكلام؟
الجد بعد ماغمز له مشعل استحي هذا ولدك ومرته؟
الجدة ولدي يجي اما هي لا...
الجد هاذي بنت اخوي....
الجدة أي قول كذا تبي تعطي الحلال بنت اخوك وتطلعني من السالفة,,,,,
ام مشعل هزت راسها وراحت لياسمين اللي كانت قاعدة مع احمد يسولفون ..
مشعل انتي عادة نفسك شنو بالله انتي ضيفة هنا حالك من حالنا والبيت لجدي؟
الجدة انت اسكت؟
الجد لا هو يتكلم وانتي تسكتين؟
الجدة لامو ساكتة ماابي احد يورثني غير ولدي خالد
مشعل يعني تبين تذبحين جدي وهو حي يرزق!!
الجد خلها خلها هذي ماراح تتاْدب الا اذا اعرست عليها وكسرت راسها؟؟؟
اشوفكم بكرة على خير
****
***
**
*
يا سبحان الله ,,كنت عارفة ومتوقعة ردة الفعل ذي وان الكل بيقول ملوحة حرام عليك بعد ها الانتظار كله توقعنا بارت طول بعرض مو ذا البارت اللي صغنون مرة(هههههه) عموما انا لو احط لكم صفحكة كاملة بعد بتقولون البارت قصير فشنو الحل معكم(؟؟؟)
بس مع هذا قلت لازم اعاند واحط لهم بارت قصير خل يعرفون ان مو كل عيدية تبرد القلب(ههه ابتدى العرق الشراني)
المهم بارت اليوم بيكون طويل مو علشانكم ولاعلشان عيدية بس لاني بالايام الجاية مابطول شي خلاص راح الدلع اللحين ايام برد مافي غير كلمتين تقرونها وتقومون تدفون ابرك لكم,,,,
والصراحة الصراحة ان جزء من بارت امس مانزلته وماانتبهت الا توي انه مانزل مع بارت امس,,,
*********
البارت الثاني والستين ,,,
الجدة بفزع بتتزوج على منو؟
مشعل بثقة اكيد مو على امي؟
الجد ههههههه
الجدة بصراخ انت اسكت لااطردك من البيت؟
مشعل على كيفك هي تطرديني؟
الجد البيت بيتي واذا ماعقلتي عن مشعل انا اللي بطردك؟
مشعل مو بس عني ...ترى سعيدان جاي بالطريق خل تحسب له حساب..تراه هيبة بس مايبين عليه؟
الجد أي...
الجدة زين يامشيعل زين......ام مشعل ياام مشعل لحقيني,,,
مشعل لو تصارخين من اليوم لبكرة مابتجي امي لانها ملت من سوالفك كل خمس دقايق,,,,,
الجد أي انا موصي عليها اذا سمعت صوتك تحقر ولاتجي لانك ماعندك سالفة؟
الجدة انا ولاانت يالشيبة؟
مشعل شيبة بعيونك يالعجوز..
الجدة انت اسكت لاتتدخل..
مشعل بتشوفين ها الشيبة اللي تقولين عنه وش بيسوي؟
ابتسم الجد ونفخ ريشه لمشعل,,,
ياسمين هيه يابنت وين رحتي؟
نورة موجودة..
ياسمين وش تفكرين فيه؟
نورة فارس سافر ايطاليا ياياسمين..
ياسمين وشنو بيجيب لنا من هناك..
نورة بضيق حرام عليك انا وين وانتي وين؟
ياسمين ههههه علامك انتي...
نورة بتنهيدة حاسة اني متضايقة..
ياسمين من شنو من سفره...
نورة يمكن بس الاكيد من كلامه...
ياسمين كلامه؟
نورة أي قبل لايروح جانا البيت وسلم عليّ وقال كلام حيرني...
ياسمين بخصوص علاقتكم يعني...
نورة اممممم كانه بيفك الارتباط اللي بينا....
ياسمين وش اللي بيخليه يفكه عاد!!!انتي مو تقولين كل المواقف اللي صادفتكم كانت تنصفك دايم وتحسينه متعلق فيك...
نورة والى سلامه عليّ ماتغير ها الاحساس فيني بس ها الكلمتين اللي قالهم قلبوني فوق تحت كان يتكلم عن الحب ياياسمين وكيف ان الواحد يعيش طول عمره يحب ناس وبا النهاية اذا التقى فيهم يحس انه مايحبهم!!بالذمة مو انا المقصودة واللي مفهومة من كلامه؟
ياسمين ..
نورة بحزن شفتي ان معي حق....
ياسمين نورة يمكن هو يبي يغايظك علشان كذا قال ها الكلام انتي بعد سوالفك ماقصرت فيه كل يوم ودازة له رسالة وبعدين انتي تبينه يتركك ليش زعلانة؟
نورة لاني عرفته..
ياسمين بجدية بس انتي ماعرفتي الا الظاهر لسه ماعرفتي حياته الصدق وش فيها.....شفتي شكله واسرك واسلوبه وعذبك وقلتي ياناس حبيته!!!مايصير وين اللي ماتبي واحد ماتدري عن حياته هناك شنو وكيف صايرة,,,
نورة والله مدري ياياسمين حاسة بخنقة مو طبيعية من ها الموضوع..
ياسمين ادعي اذا فيها السالفة خير لك وله تكمل واذا مالكم فيها غير التعب توقف,,,
مشاعل يمه سوي هلاهل وها الحركات حق الاعراس...
ام تركي لو اعرف ماانتظرتك من زمان سويت....يمه تركي مااوصيك على نوف لاتقولي بعيونك تراها غالية عندي وماابيها تكون بعيونك ابيها تحطها بقلبك وتسكر عليها...
تركي وهو يناظر بنوف اللي ماكانت معالم فرح مبينة عليها وكانها تمثال جامد نوف غالية عندي يمه ومايحتاج توصيني عليها...عارف مقدراها زين ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك