رواية ذنبي احبك موت وذنبك بالاحساس طفله -2
دايم اشوف نظرة الانكسار بنظرة امي بس مابييدي شي ولا اقدر اقول شي عن حسن .. !
...
حـــور ..
اخخخ صااااارليي شهر من تزوجت .. اكتشفت وايد اشياء بـ يوسف ..
اناني ..
مغرور ..
طمـــاع ..
حقـــير ..
شكــااااااااااااااااااك .. !
شــايب ..
واالاهم من كل هذا ..
ان انا وبكل اسف بديت اميييل له وفي مشاعر بداخلي تنولد له ..
بتقولون ليش وشلون وليش تحبين واحد وكل هالصفات قلت عنه ..
انا ااقولكم ليش هالصفات ماتطلع الا معاي انا .. انا احبيت يوسف بتعامله مع اهلي
مع اهله مع اصدقااء .. والموظفين والخدم مع الكل كاان طيب وحبووووب حيييييل
لكن ماكان يحبني وكله يشك فيني هالشي تعبني حييل .. !
لكني متحملة داايم احاول اكره نفسي فيه وانجح احيانا .. لكن مرات لمن اشوفه بموقف ثاني
قلبي يتأثر فيه يا قلبي تعبت ..
حبيته لان كبيير حسيته مثل ابوي خصوصا لمن نطلع مكان وكانت بس مرتين بالضبط .. !
لكن اهوا مايحبني ومايدري شيبي فيني .. !
مليت من حيااااتي ولله ان مرات اكون قاعدا بمكاان مثلن يقرب منيي حييل واحسه انفاااسه راح تقتلني
ويطالعني ويطالع اقوله شتبيي وخر عني اخر شي يقولي : شدعوى مييت عليييج بس كنت اتأكد من شي
لان شميت فيج ريحة عطر رجـــــــالي ... !!!!!! شوووووووووووووووووف الحقارة
ياربي شسوي اكره احبه اكره احن له اكره اعزه اكره ومابيه اكره وابيه موته :( افف
لبسني عبااايه وانا رافضه للحين رافضه لكن اهوا يهدد وهالشي كيفه انا ماراح البس لو شيصير
انا طبعا خلصت ثانويه وهالسنة راحت عليي ماسجلت بشي مع ان كاان ودي ادش
قر رت اكلمه واشوف رااايه ولان انا مليت ممن هالحياااة وان شالله بشوفلي حل معااه
..
يوسف ..
المطعم .. 2 الظهر
: فديتج يا عمري محلووة شمسويااا يالشيطاانه ..
نور بخجل اصطناعي : ماسويت شي
يوسف بشك : بلى فيج شي متغير ويهج احسه متفوخ بس بزيادة مو ؟
نوور بارتباك : سراحه قلبي تفخه مو سح حلو علي ؟
يوسف ويييعع يا شين السرج عالبقر : اي قلبي اكييد انتي يهبل ويهج تفتخي او لا
نوور بكل غرور : ادري ..
يوسف بجديه : شلون جاسم معاج .؟
نوور بملل : مليييق ..
يوسف : شلوون يعني مليق ؟
نووور : ماادري يحبني ومادري شنو وكل يوم مترزز لي بالبيت ويكلم ابوي على بو بيقعد معاي
الاخ مصدق ان ملجين وان حالنا حال الباجي متزوجين اكره يايوسف ماطيقه متى اتطلق منه واخذك قلبي
يوسف بسخريه : عن قريب حياااتوووو
نوووور بدلع جذب : ان شالله فديتك ..
نوور بغيرة خفيفه : اقولك يوسف شلون العيوز .. ؟
يوسف باستغراب ..: اي عيووز .. ؟
نوووور بقهر : مني بعد حووور ..
يوسف سكتـت :زينه .. ليش تغارين علي ؟
نووور : طبعا حياتي اكيد اغار بس انت من قتلي انها عيوز وجيكرة ارتحت خفت تكون صغيرة وحلوة
يوسف : لا لا تخافين مو صغيرة ولا حلووة جيكرة عيووز وعمرهاا 37 اكبر مني بجم شهر بعد
نووور بضحك : ههههههههههههههههههههه العانس ..
يوسف بعصبيه بس حاول مايبينها : ايي
نوووور اسكتـ وقالت : حياتوو تدري بقا على عيد ميلادي جم يووم .. ؟
يوسف ملل : صصصصج حياتي ..
نور بخجل كذب : ايي ولله
يوسف : وجم تصيرين يا حلووة ..
نوور بدلع : ماعلم ..
يوسف : لا لا صج جم ..
نووور : 22
يوووسف يالله بالجذب انتي عمرج 28 وقال : بس انتي قلتيلي ان عمرج 27 صح ؟
نوور بارتباك وبتسمت بتوتر : الشباب شباب الروح وانا جميلة وحلوة لو عمري مليون مو؟
يووسف رفع حااجب وقال : ادري وانا اصلن ماحب البنت الصغيرة ابي بنت قريب يم عمري
نوور ارتااحت شوي : فديتك يا قلبي .. وابي هديه عااد ..
يوسف : عيوني لج ..
استاذنت نور تروح الحمام وقعد يوسف وسرح بحوووور اليووم كاانت حييل حلوووة
صج كلمة حلوة بس عليهاا تنقال اما هالشيفه العيوز الي ويااه افف لاعت جبدي منها
شمسويا بوويهاا صايرا شكبرا يخرع مو مخليه عملية تجميل مو مسويتها ولا مسويتلي
تااان بعد الي يقولي قبل كااانت تلق من الشقااار جحله ملحه ومسويا تاان شحقى مالت عليج
بس مو هذا المهم المهم انتقم منج ياااا نوووور والاهم من جاااااااااااسم الي دمرني .. !!
..
..
حـــــــــــســــــــــــــن ..
السلام عليكم ادري طلليت عليكم بوقت متاخر بس شسوي ظروفي ماتسمح لي ..
( حســــن 35 مهندس كمبيوتر طوويل وعريييض حيييييييل اقرع كله مدشدش مملوح
حواجبه اعراض وسوود وقراب من بعض .. شكله مرتب وحلو .. مطلق واعتقد تعرفون منو
طليقته امــــل .. تزوجها عن طريق خطبه عااديييه والاهم ان اجباريه .. ماقدر يعارض احد
حاول حاول لكن ماكو فايدة تزوجها بالاخير وقرر ان يطفرها ويخليها تطلب اطلاق منه وبالفعل
صار الي يبي لكــــــــــن متى ؟
بالــوقت الغـــــلط .. ! )
رن تلفون البيت ومافي احد يشيله شلته انا : الوو
..: الووو السلام عليكم
حسن بابتسامه : وعليكم السلام هلا هلا ولله بوحمود شلونك..
صالح زوج عبير : هلا والله هلا فييك شخبارك
حسن : تمام وانت من زمان عنك
صالح : اي ولله انا تمااام
حسـن : هاا متى ان شالله توصل من السفر ..
صالح : مابقى شي كلهاا اسبوع او اقل وانا عندك الحمدلله الوالد تحسنت حالتها
حسن بطمئنان وخصوصا ان ولد عمه والوالد عمه : الله يريحك للحمدالله .
صالح : الا وين عبير وحمود ماشوفهم ..
حسن : اطلعت وي امي راحو السوق ..
صالح : يووه للحين ماوصلت اهيا دزت لي مسج وقالت لي ان بتودي حموود حق امل وماطول لحين مايت
اففففففف
حـســن بصدمة امـــل اي امل ؟ قلبي قام يدق بقوووة يوم نذكر اسمه وحسيت كان رجعني لايام قبل
حســن : امـــل ؟ اي امل ..
صالح وكأن توه يحس بحجم المصيبه الي سواها : اووه اسف حسن ماكان قصدي ولله
حســن بهدوء تاام : اي امل ؟
صــالح يالله شسويت انا : امــل طــليــــ
حســن بمقاطعه : اشششششش لاتكمل عرفتها خلاص
صالح : اسف ولله حسن مو قصدي
حسن بهدوء : ماصار شي
صالح : اكييد ؟
حسن : ولله
صالح ارتاح نوعا ما : اوكي عيل اذا يت عبير خلها ادق علي ويالله اسف ومع السلامة
حسن : لله يسلمك ..
..
اخخ لي متى بظل على هالوضع ملييت من الانتظار مليت من الصبر تعبت
اكرهج يا شوق اكرهج .. مابيج ومابي احد ثاني ابي بس امــــل .. !!
ابيج يا مل .. ااحبج يا امل جانج تسمعيين .. احتاجج يا امل جاانج تفهمين .. !
مسكتـت تلفوني بقهر ودقيت عليهااا ..
مرة مرتييين واخر شي ردت وقلت انا : الو ..
امـــل بهدوء : ييالله طولج يا روح .. ياخي لي متى بتظلون جذي يعني
للعلم ترى رقمج او رقمك ان اعطيته اخوي وراح اخلي يتصرف تصرف ثاني وياكم
ماتستحون على ويوهكم ..
حسن بشووووق كبيـــــير : امــــــــــــــــــــــــــــــــــــــــــــــــ ــل ..
امــــل : مــ ـ ـ نو
حســن بالم : نسيتني يا امل ؟
امــل بعصصبيه واهيا تنكر : نسيت منو انت منو ؟
حســن : انا انا حسن زوجج وحبـيــ
بمقااااطعه من امل : نننننننننعععععم اسفه اخووي انا انسانه مو متزوجة ولا عندي حبيب
ويالله عااد عن قلة الادب وصكرت بويهاا..
حسن للحيين التلفون باذوني حقها حقها تقووول كل شي لكن عصبتني كلمة ولا عندي حبيب
يعننيييي شقصدهاا ماتحبني مااااااااااااتحبنيييييييي مستحيل مستحيل اهيا حييل تحبني
ودايم تقولي جذي حتى لو غلطت عليها اهيا بتظل تحبني حتى لو طلقتها ماراح تكرهني
انا حسن حبيبها دايم تقولي جذي دااااااااااااااااااااااااااااااايم امللللللللللللللللللللللللللل
اخخ يا امل .. !!
سمعت صوت طفوولي : خخالوووووووووووووووووو حسسسسسسسسسسسسسسن
ابتسمت بالم والتفت له وانا اضمه : هلا بروح خالو هلا بحمووود شلونك قلبي؟
حموود بفرح كبير وعيونه تلمع وناسه : انا زييييييييييين اليوم شفت خالتوو امل
وناااااااااااااااااااااسه تغديت معاها وشرتلييييييييييييييييييييي لعبه كبيييييييييييير شوف شوف
والتفت حمود على امه عبير الا كانت تناظر حسن بنظرة ألم وقسوة ..
حموود : ماما عطيني لعبتي
عبير عطته اللعبه وراحت فوق تبدل هدومها ..
حموود راح عند خاله الا كاانت عيونه شوي وادمع حييل اشتاااق لها مو قادر مو قادر يستحمل
يبي يعرف اخبارها يبي يعرف اي شي عنهااا ... ماكان عندا احد الا حمود الياهل يعرف منه اي شي
حتى لو ياهل عالاقل بيقولي كل شي .. !
حسن بفرح مصطنع : لله حلوووة اللعبه من اي محل شريتها ..
حموود بفرح ويطالع خاله : خالتي امل شرتها لي من بروووي
حسن وقلبه يطق بقوة : خالتك امل اهنااك ..
حمود بكل اهتمام : اييي خالتي املل حلووووووووووووووووووووووووة انا احبها
انت تحبها بعد .
حســـن وقلبه يعوووره ويدق بقوة تحبها بعد ؟ شلون ماحبها وانا امووت عليهااا ..
شلووووووووووووووووووووون ..
حســن : ايييي احبها..
حمود بحزن : جذااب ليش مارحت لها وماتي تقعد عنندنا مثل اول
حسن بألم وكره للذات : اهيا تبي تقعد ابيت اهلها مع امها مريضه ..
حمود وكمل سوالفه : اليوم انا تهاوشت مع صبيي كبييير وزفيته واهوا خاف مني
حسن ضحك على براءة هالطفل : ههههههههههههههههه عفيا عليك وليش زفيته
حمووود بغيرة كبييرة وحقد : كااان يطااالع خالتي املللللل حيييييييييييييييل وانا سمعت خالتي امل
تقول حق ماما ان هذا الصبي كله يمشي وراها واهيا تخااف جااااااااااان انا اروح اركض وطقيته
بس اهوا طوويييل انا خفت حيييييييييييل بس سويت نفسي قوي واهوا ضحك وماخاف مني عطاني حلاو
وراااح
حسن .. !!
لا تعلييق على الكلام الي قاله حموود
ترك حموود من ايدا وقااام بكاااااااااااااااااااااااااااااااااااااااااااااامل عصبيته وغيرته
وبركاانه الي يثوووووووووووووووووور والقهر الي بقلبه وصعد على عبير وبطل الباب عليها بقوة
وااهيا كاااااانت تشوف التلفزيون قالت : بسم لله خوفتني حسن شسالفه ياخي
حســن والشرار يطاير من عيونه : منو الي كان يلاحق امل وشيبي منها؟؟
عبير بصدمه : من قالك انت
حسن : مو شغللللللللللللج قولي خلصيني
عبير : اول اعرف من وين عرفت .. حموودوو ؟
حسن بصراخ: قولي ليي عبير لا اقلب الدنيا على راااسج ..
عبير ارفعت حاجب : وانت شعلييك فيها يلاحقها الي يلاحقها انت شكووو
اخوها ابوها عمها خالها ريلها .. ؟
حســن ارتفع ضغطه : عبييييييييييييييييييييييييييييييييييييييييييييييير
عبير بهدوء : يالله يا حسن جد انت مالك علاقه فيها الحين البنت راحت فحال سبيلها ..
حسن بترجي : عبير لله يخلييج .
عبير كسر خاطرها حسن : زين زيين
حسن قعد وكأن يااهل : يالله قولي لي
عبير: ماكو شي ولله اهيا قالت لي ان هذاا واحد من فترة يلاحقهاا ماحاول يكلمها او شي
بس من فترة وتقول بعد ان اكو مكالمات تزعجهااا وتقول يمكن منه اهوا .. ولله اعلم
حسن سكت حس بركان غيرة بداخله اخخخ يا قلبيييييييييييي اخخخخخخخخخخخخخخخخخخخ
المكالمات كانت مني والمسجات لكن هذااا منو شيبي فيهاا وللله وللللللله لو اشوفها
ليكون موته على ايدي .. واي وااحد يفكر بس يطالعهاا ... !!
امــــــــــــــــــــــــــــــــــــــــــــــــ ــــل ليي .. !
..
حــــــــور ..
لا
لا
لا
يكللم
يكلم بنت
يحبب
خايين
يخووووووني
لاااااااا
ليييييييييييييييييييييييييييش
..
سمعته يتكلم مع وحدة ويقولها يا قلبي وعمري وحياتي .. زين وانا ؟
انا ؟
ضحكت على نفسي انا شنوو انا عالهامش عندا ولا شي
بس منو هااذيي وشحقى يكلمهاا مو اهوا يقول اكره الحريم وماحبهم
دموعي تجمعو بعيني الخاين الحقيير يخوني ويطقني ومعذبني انا ليش ذاله عمري عندا
لييييييييييييييييييييييييش
لي متى بظل على هالحال لي متى يعني ّ..؟
الكل عباله انا عروس مستااانسه الكل يحظج بالي عندج ومايدرون عنه .. !
تدرون ان عمرة مالمسني ..
وهذا الي ابيه انا قررت اني راح انفصل منه وبحاول بعد جم يوم اكلمه بالموضوع ..
..
قمت على غرفتي وطالعت نفسي بالمنظرة شفيني انا يكرهني ويسفهني ودايم يقولي
الياهل الجيكرة ماترحيكن فيني شي وييع لاحد يشوفج غطي ويهج :(
قمت وانا اجمع كل قوتي باني بكشخ .. لبست ثوووب اسوود ضيييييييج وبطلت شعري
وحطيت حمرة عنااابيه وكحل من فووووق وربطته حمرا على شعري
وكعب اسود في خط احمر من جنب .. واساسا اليوم ملجت بنت عمتي ريم انا صح ماقتله
وماكنت ناويه اروح بس اليوم راح ارووح اعنااد فيه كافي حبستي بالبيت لا يطلعني ولا شي
خلص من من الميكااج واللبس تعطرت ومسكت تلفوني ودقيت ..
حـــور بنعومه متعمدة : هلا يوووسف
يووسف بارتباك واضح : هلا هلا
حــور وفيها ضحكة كملت : يوسف اليوم بروح ملجة بنت عمتي ريم اوكي
يوسف باستغراب : نعم اي بنت عمه ومتى وشلون وانتي ماقلتي لي؟
حور بتافف : والله اهيا امس قالت لي ان غيرو الموعد حق اليوم وانا بروح
بنت عمتي الوحيدة وفوق هاذا ااانا لاطلعه ولا شييي
يوسف سكـت شوي : ومنو بيوديج ..
حوور بدلع : السايق يعني منو ..
يوسف واهوا مرتبك : لا انا بوديج يالله لبسي واانا ياي ..
حووور وكأنها اكسبت الهدف : اوووكي انطرك .. باي
صكرت منه وانا ههههههههههههههههههههههههههههههههههههه ضحك ميته ضحك
شكله الاخ مطيح مغاازل ويرتبك لوا دلع او انعم صوتي مالت عليه وعلى ويها
وعلى اتكلمه انا شكليي ينيت يوم فكرت اني احبه ولحمدلله ان وقفت وحاولت ادارك عمري
واعرف حقيقته الوصخه هع .. !
عدلت شكلي وغمجت الحمرة حيييل وحطيت فوقها قلووووووس يلمع كان شكلهمم حلوو
شوي والا اسمع صوت طق باب على غرفتي بطلت الباب وانا اشوف يوسف وبكل دلع قلت
: هلا ولله هلا يوسف وصللت
يوسف بصدمة قوي : ـــــــــ
حووور واهيا ترمش ورا بعض بسرعه : يوسف يوووسف ؟
يوووسف وكان انتبه : ها
حوور وتضحك : شفيك اكلمك ماترد
يوسف عصب : شتبين
حووور بتففف : يالله بروح
يوسف وطالعها من فوق لي تحت : بتروحين جذي
حووور وبكل دلع تفر عل نفسها : فديتني اهبل واخبل
يووسف عصب حيييييييييييل : يالله عاد قومييييييييييييييي غيري
حوووور وبضيقه : حرام عليك يوسف
يوسف بضيقه اكبر منها : حرام عليج انتي قووومي بدلي
اسكـت حور ماعرفت شقصدة وثم قالت : يوووسف لله يخليييك انا من زماان وانا اتعدل
اهوا ملجة حفله والكل بيلبس جذيي ماني طالعه حق رياييل انا برووح لحريم .. !!
يووووسف تخيل ان يشوووفها رياال جذي ومااااااااااااااااااااااااااااااااااااااااات
غيرة الدنيا تيمعت فييييييييييييييييه لا مستحيييييييييييل اذبح اي واحد يطالعهاا
وقال بكل قووة وعصبيه : قوووومي يالله بوصلج .. !!
حووور بفرح : صصصج
يوووسف واول مرة يبتسم : صصصج
قربت منه وبسته بخدا بسرعه ورحت غرفتي لبست عبايتي وملفعيي .. !!
..
يوووووسف ..
لا اطالعوني
مو قادر اتنفس من الي سوته شقصدها ؟ ااخ يا قلبي مو قادر يوقف
يدق يدق يدق .. واييدي للحيين مكان البوسه التفت على اقرب منظرة وكاان شفايفها
طاابعه على خديي
ممسحتهاا بسرعه وانا ابتسم بداخلي شحلاااتهاا اليوووم تهبل تهبل انوثه بانوثه
شهالجمال والنعومه والروعه اخخخخخخخخخخخ يا قلبي انا عفيا علي ريال مستحمل
وصااابر عليهاا ..
شوي واطلعت كانت لابسه العبايه والملفع وقالت باحراج تام : يالله يوسف ..
طالعتها بقهر : بتروححين جذي ؟
حور بغرابه : اي لييش ؟
يوووسف بصرااخ : شنوووووو لييييييييييييييييييييش بتطلعييين وانتي كااشفه ويههج
لا يا بابا قووووميييي غطيي وجهج يالله
حووور بقهر كبير راحت من قدامي والبست وردت ارتاااحت نفسي شوي وطالعتها بنص
عين وقلت لها : ترى الحركة الي سويتهاا ماراح تأثر فيني شيي ومااحب سوالف انج
تبيني تجذبيني لج فهمتي ياا ( التفت لها اطالع ويها الي مغطى ) حلــوووة ..
..
نــــــــــــــــور ..
افففف لاعت جبدي كلساعه يدق علي ملييت منه اففففففف ولله ملييت غصب الحب اهوا
من زينه عااد والله الي مصبرني عليه فلووسه ههههههههههههااااااااي والا اهوا الموت ياخذا
طبعا قاعدا ااسولف عن منو ؟
عن العله جوييسم لزقلي لزقه مادري شخلاني اكلمه .. كنت مسافرة مصر واهناك تعرفت عليه
وتطورت العلاقه الي بيني وبينه وحتى لمن رجعنا الديرة ظلينا مستمرين مع بعض كنت استعبط عليه
صحيح شكله عجبني وفلوووووووووووووسه بس ماتوقعت ان بييخطبني خطبني
ووافقت عليه .. المهم كاانت موافقتي صدمة لاهلي لان انا عمري بحياتي ماوافقت او حتى
تكلمت بموضوع الخطوبه والزواج لكن صار الي صار .. انا صراحه حاطه في بالي ان بعد
مااخذ الي ابيي اقوله يطلقني وافتك منه .. قبل فترة طوويلة كان في واحد يلاحقني بكل مكان
طبعا مو شي يديد انا اغلب الرياييل تراكض وراي .. بس هذا بزيادة قررت العب عليه
لكن القدر لعب لعبته وياي وحبيته بمعنى الكلمه .. !!
كان يوووسف حبيته بس حبيت فلوسه اكثر .. بس يوسف مو مثل ماكنت متوقعه صحيح
كاان يلاحقني من كل مكان لكن عققب ماتعرفنا على بعض والعلاقه اطورت بينه ماقام يدق علي
كنت انا اراكض وراه واتمنى من كلمه واهوا كله منطش اكتشفت عقبها ان متزوج ..!!
انقهرت مت من الغيرة الحين مخليني انا ويتزوج بس انا متزوجه .. !!
قالي انها عيوز وجيكرة واهوا له غرض من هالزيجة .. !!
اهني ارتحت لكن لازم ادمرهم وادمر يوووسف .. !!
كان يدري عن علاقتي وزواجي بجاسم وعادي عنده وانا لاعت جبدي زياددة من جاسم
اليي مّأذيني .. بسالفة احبج .. مشتااااق لج.. !! افففففففففففففففففففففففففففففففففففففففف
رد اتصل علي خلني ارد عليه وافتك .. !
نوووور بمللللل : هلا حياتي ..
...
حســــــــــــــن ..
مشـــتاق لك موت ..
مشــتاق لعيونك حبيبي .. !
مشــتاق لك مووت ..
خااايف اموووت .. !
خاف ماشوفك حبيبي .. خايف امووت . !!
على كلمات هالاغنيه كاان حسن يدور بالشواارع مشتااق لامل ولايامه مع امل كانت حبيبه
ومزوحه دايم تضحك تحملتني وتحملت مزااجي وانانيتي تفكيري بغيرها .. !!
مانسى يوم كنت اتكلم مع .. اخخ مو قادر انطق اسمها مع الخاينه الحقيرة .. شوق .. !
طبعا للحين انتم مو عارفين شي انا بقولكم كل شي .. !!
( انا كنت احب وحدة اسمها شوق اكبر مني بسنه بس ماكان هامني وقتها من الاكبر ومنو الاصغر
كنت ماشوف شي غير شووق كنت امووووت عليهاا صحيح كانت ايام تجاهلني بس ماحس
لان حبها كاااااان ساحرني وعامني عن كل شي ..تعرفت عليها يوم كنت ادرس بالجامعه
واستمرت علاقتنا لفترة طويلة ححيل .. ! .. قررت اتزوجها وكلمت امي وابوي لكن ابوي
رفض رفض بشدة وعصب علي وقالي ان تزوجتها راح اطردك واتبرا منك قلت ليييش صارخت وعصبت
واصريت على راااي قالي بس بدون ليش في انت ماتعرف عنها .. ابوي ماكان رافض فكرة الزواج
يوم قتله بتزوج فرحلي وقالي اخلي امك ادورلك قتله انا في وحدة ابيها مااعارض قالي من بنته
والخ يوم قتله عن اسمهاا اهني رفض رفض شديد وقااطع استغربت منه شمعنى اهني
وعااندت حييل وظليت مصر .. لكن ابوي وقتها تعب حيل وسافرنا علااج برا ..
وطلب مني اتزوج من ضيقتي على ابوي وافقت وقلت لامي دورلي اي وحدة مابي فيها مواصفات
امي فرحت واخطبتلي .. انسانه كاااانت بالنسبة لي عدوة .. وحقدت عليها وقررت في نفسي
اني اطفرها واخليها تكرهني .. !! ) ..
..
يعقــــــــووب ..
: وينك ياخي من متى وادق عليك ..
حســن بهدوء : انا اهني يا يعقوب امرني قول شتبي ؟
يعقوب بنفسيه : تعالي البيت ..
حسين ماسك اعصابه : ان شالله ..
يعقوب : لا اتأخر ..
حسن : ان شالله باي ..
يعقوب : باي .. !
صكرت من عند حسن وانا اتنهد بقووةة افففف انا دايم جذي ولله مو قصدي اتعامل معاها جذي
مو بيدي بس شسوي اهوا الوحيد الي اقدر اشتكي له واسولف ويااه ..
لفيت ويهي وطالعت الدريشه شفت حركة والعالم رايحه راده تمنيت اني معاهم .. !!
سمعت صوت قاهرني وودي اذبح صاحب هالصوت بيدي التفت ..
يعقوب بقهر : نعم .. !!
لــولوة بخوووف وتردد ودمووع بعينها : يــعــ ـ ـقوب ... !
يعقوب : نعم شتبيين ؟
لولوة بتردد وخوف طبعا : ابي ابي اروح المكتبه .. !!
طالعتها بعصبيه وصارخت : اسف .. !
لولوة تبكي : ليــ ـ ش ..عندي طلبات لله يخليك .. !
يعقووووب بعصبيه : انا قلت اسف يعني لا يعني مافي روحه مو ضروري الطلبات
ومو ضروري الدراسه .. !
لولوة تبكي : يعقووب لله يخلييك لله يخليييييييييييييك .. !
يعقووووب : دقي على شيخه وقولي لها شتبين اهي تيبلج .. !
لولوة بخوف : مو فشلة ؟
يعقوووب : اوووووووووووووووه لا مو فشلة ويالله طلعي من غرفتي لا طراق
انحاشت من الغرفه وانا اتنهد بقووة افف يا كرهي لها هاليااهل ليش ياربي بليتني فيها ..!
..
حــور ..
كنت مستانسه بالملجه ولويت البنات والرقص ونسيت يوسف او تناسيت وجوده للحظاات ..!
يا كرهي له ولعيشتي معااه ..
امــل : هاا حووووووووووووووووووور هووو وينج اكلمج انا ..؟
حور بسرعه : هلا هلا ..
امل تغمز لها : اي هلا .. سرحانه بالحب مو؟
حور بنقمة : حب بعينج يالله طسي عن ويهي
امل بغرابه : شفييج حوووورووه . ؟ شصاير
حور بحزن : ولا شي لله يخلييج..
امل بتنهد : على راحتج حياتي .. !!
تركتني وراحت وانا كل مالي وهاليوسف شاغلي بالي . !
اخخخ ياربي متى برتااح من هالهم الي على صدري .. !!
رحت قعدت مع البنات وحاولت اتناسه كل اللحظات الحزينه بحياتي ..
بعد تقريبا ساعتين او اقل قلت بطلع تلفوني والا انصدمت لقيت 5 مس كوول من يوسف
امبيي جم الساعه ؟
شفتها ويييييييييي كانت 11 ونص اوووخ ولله تأخرت يا ويلي منه ويلاه ..
مسكت تلفوني ودقيت عليه اول رنه والا يرد علي
يوسف بصراخ : لا لاا ليش رديتي ان شالله تبيني انطرج لي باجر مدام حووور
حوور بخوف : اسفه يوسف .. !
يوسف : وعمى حتى عمى يالله نزلي لا قسم بالله اذبحج الليله .. !
حوور بخووف كبير : انشالله ثواني ولله ..
وبالفعل باقل من جم دقيقه نزلت ..
وركبت السيارة وقلت : السلام علييييكم .. ( وياليتني ماركبت ) ..!!
........
يـــوسف .. !
نطرتها طوولت حييل وانقهرت منه ادق عليها ماترد علي افف منها سخافه ولله
لا انا شكلي بقلص المدة وبختصرها وبطلقها وافتك منها مالي عيشه معاها انا يوسف
انزل مستواي لهاا ولله حاله اقصاها حرمة خاااينه وحقيرة .. !!
اركبت وقالت السلام عليكم ريحة عطرها ترست السيارة التفت عليها
يوسف بصراخ : جعل للله ياخذج ويفكنا منج ان شالله انتي هم على قلبي اكرهج
وانا مو سايق عندج اتأخرين علي جذي ترى بالفعل اذيتني واخرتني على شغلي ..
حــــور تبكي ودموعها ماليه وجهاا وبصراخ : اذا انت تكرهني مرة انا اكرهك مليون مرة
ماحبك ماااااااااااااااااااااااااااااحبك انت حقير واناني وخااين طبعا اخرتك على حبيبتك
نور لا اتأخر عليها مالت عليك وعليهااا يالاناني يالخاين يالحقيييير ..
يوسف انصدمت من كلامها شعرفها بعلاقتي بنوور .. مادري ليش تضايقت يوم عرفت انها درت
امممممم بس ماعليه بوريج يا حور
يوسف بهدوء واستفزاز : ايي اكيد بروح لها ماتقدر تنطر مشتااقه لي حييل وانتي لازم اردج البيت
لانج مصيبة مالت عليج حتى .. !
حووور تبكي :: لله ياخذك ..
يوسف بقهر : وياخذج وياي .. !
اففف ردينا البيت وانا حدي مقهوور .. !
..
..
لـــولوة ..
تعبت ولله من التنظيف بهالبيت قصر مو بيت وفي مليون خدامه شمعنى انا لازم اسوي هالشي
اااه يا يما ويبا ليتكم مايبتوني حق هالدنيا والعذاب . !!
ليتني مت وانا طفله وماشفت مصايب وعشت بهالمكان .. !!
اكرهك يا يعقوب واكره ساعة قربي منك ذليت عمري عشان بس اعيش ..
ليش مايطلقني ويفكني لييييييييييييييييييييييش ماحبه ولا اهوا يحبني ولا طايق يسمع صوتي
ليش زين ؟
سمعت صوت التلفون يرن تلفون البيت انا ماعندي تلفون قمت ركضت بسرعه وشلته
.. : الوو
لولوة : الوو هلا ولله
... : ممكن يعقوب ؟
لولوة بتردد : وللله يعقوب نايم منو اقوله ؟
... : قوليله سلمان .. !
لولوة بغرابه : ان شالله ..
سلمان بتردد : انتي لولوة ؟
لولوة بصدمه شلون عرف اسمي : ايـي منو وياي ؟
سلمان بتردد : هاا .. ماكو شي يالله باي ..
لولوة بغراابه كبييرة : باي ..
صكرته منه شعرفه فيني ؟ منو سلمان عمري ماسمعت عنه .. هههههه وانا شدعوى اعرف احد عنه ربعه
بس صج اهوا من يوم يومه ماعندا غير حسن وعمره ماطلع ولا احد يزوره ولا شي ..
امممممممممممم يالله انا شعلي ..
شفت الساعه اووووووله 1 الا ربع اووخ شكلي وايد طولت
بروح انام وراي مدرسة وامتحان بعد يالله بروح اناملي جم ساعه ..
رحت غرفتي وانا اركض دخلت ودخلت فراشي حطيت راسي ونمت وقعدت افكر
يعقوب ماقصر معاي بشي صح يكرهني ودايم يذلني لكن مع هذا الحق ينقال
دخلني مدرسة خاصه للبنات الحين عمري 16 تقريبا وانا باخر سنه لي هههههه
فكه راح اخلص بسرعه .. وعندي كمبيوتر ولابتوب وتلفزيون وغرفتي كبيرة كل شي ابيه
عندي لكن عمري ماطلعت مكان لا سوق ولا اي شي عالمي بس غرفتي .. عمري ماسولفت معاه بشي
انا ماكنت جذي انا صحيح طوولي عمري عشت فقيرة ووحيدة وتعذبت بس ماكنت انذل بهالطريقه
انا تعودت اشتغل يوم كان عمري 9 سنين و10 و12 لييين قبل سنة يوم تزوجت يعقوب ..
دخلت عالم غريب .. كنت احب كل الناس وصحيح كنت ماتخيل ان بتزوج بهالعمر .. بس
قدر لله وماشاء فعل .. حاولت اكون وياه طبيعيه لكن من شفت صده وحقارته وياي كرهته
وماصار بيني وبينه سوالف او شي .. انا مشكلتي خواافه اخاف منه اهوا يخوفني حييل
مع هذا كان كاسر خاطري لحالته يعقوب مقعد .. انســــــــــان معاااق على الكرسي
عالويل جير .. وماعرف شالسبب .. !
..
حســــــن ..
حسـن : لي متى جذي يا يعقوب مايصير ترى حالتك كل مالها وتسوء ؟.
يعقوب اففف : وانت شعليك انت شكو ياخخي اذيتك بشي ضريتك بشي ؟
حسن بهدوء لان يدري يعقوب مو قصدة : يا يعقوب شلون شكو انت رفيجي
تعرف شنو رفيجي واخوي وكل شي مابي اشوفك جذي وشذنب هالمسكينه معذبها معاك
يعقوب بحده : وانا شسويت لها ؟
حسن : يعني عمرك ماحسـيت انك متزوج ولا شي لا تنسى انها يتيمه وفقيرة حرام عليك ؟
يعقوب بقهر : ولا راح تحس لولوة ياااهل يااااااهل تدري جم فارق العمر بيني وبينها؟
انا عمري 36 واهيا 16 طااالع الفرق 20 سنه منصجك انت شلون تبي يكون بيني وبينها
رابط او علاقه .ّ. وبعدين انا انسان معااااااااق ماراح اعيش مثل غيري ..
حسن : شهالكلام يايعقوب ولله بتزعلني منك .. انت تدري انك تقدر تعالج بس انت مو راضي
يعقوب بعناد : ولا راح ارضى .. انا معاق انا عاله عالناس .. ( بدموع ) هذا الصج
مو هذا الكلام الي قالته نوور مووو .. ؟ مو عشان هالاعاقه تركتني .. وكله من لولوة
كله منهاااا لو ان ابوي ماقالي تزوجها وتهاوش معاي .. جان ماطلعت من بيتنا معصب
ولا سويت الحادث اهيا السبــب انا اكرها لان اهيا السبـــب وبظل احقد عليها
طفله غبيه كريهة ماحبها .. ابي نوور احب نور انا .. :( ..
حــســن وذكرى امل في باله وعقله : لا اله الا للله يا يعقوب هونها وتهون .. الببنت مالها ذنب
هذا قضاء لله وقدره .. استغفرربك .. وكل شي بينحل انا بسئلك عن المستشفى الي بأمريكا
وكل شي بيكون بخير وبتعالج وترد احسن من اول ..
التفت يعقوب بحده وقوة : مابي اتعالج فهمت او لأ وان عدت هالسيرة ماكلمك ليوم الدين ؟
حســن تنهد بحرارة وقوة آآآه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك