رواية كل يوم لك حال جديد يوم قريب ويوم بعيد -29
نواف برواق وش قلتوا؟
ياسمين مسوية انها مو خايفة وصوتها يبين انها تبكي وها الشي ماغاب عنه بس سوى روحه يجاريها ولعبة الاعصاب عاجبته حييل,,,
ياسمين مافي شي بخصوصك لاتخاف؟
نواف اها.....طيب وين نروح اللحين؟
ياسمين البيت يعني وين؟
نواف ناظرها وقال بهمس خبيث أي بيت فيهم اللي ودك تروحيه؟
وقف قلبها من الخوف,,,,,وماعلقت بشي ورجع يسالها نفس السؤال بعد مامسك يدها بيده,,,
ياسمين بهمس نواف لو سمحت اتركني اروح البيت؟
نواف برواق لاتحاولين...
ياسمين وقلبها واقف خلاص شنو يعني؟
نواف بثقة يعني اشتقت لك؟
ياسمين ؟؟؟؟؟؟؟؟؟؟
نواف رفع يدها لشفايفه وطبع عليها بوسة رايقة خلت الدم يوقف فيها,,,,
نواف قولي شي ليش ساكتة؟
ياسمين بارتباك البنات نايمين عندي ولازم ارجع البيت؟
نواف بثقة محد له نفس اهمية نواف بقلبك مفهوم؟
ياسمين بنرفزة وكانها تناست خوفها لا مو مفهوم..ولاهو بكيفك اصلا!!!ردني البيت؟
نواف بحدة متاْكدة؟
رجعت ياسمين لخوفها,,,,
نواف بثقة اختاري ياانرجع البيت عندي يانروح أي فندق تبينه؟
ياسمين على صوتها بالبكي وقالت ببحة خلني اروح البيت..ماابي اروح معك أي مكان؟
نواف بحدة غصبا عنك بتروحين معي!!انتي زوجتي ولازم تسوين اللي ابيه!!!
رجعت مشاعل وامها البيت وكان تركي بالصالة ينتظرهم,,,وخاب امله يوم يشوفهم يسكرون الباب ومحد يدخل وراهم,,,
تنهد بقوة وهو فاقد وجودها بها البيت,,,غيابها اليوم بس سبب له قلق وحالة اضطراب,,الله يعين قلبه لبكرة بعد اذا ظلت على عنادها ومارجعت,,,
سئل عنها على الماشي وكانه مو مهتم وقالوا له انها في بيت جده نايمة,,,
كتم غيظه وراح لغرفته وهو بقمة انفجاراته ومسك جواله بيرسل لها رسالة,,,,
تركي(نوف اذا قاعدة ابي احاكيك)
بعد دقايق ثقيلة مضت عليه جاها منه مرسال..
نوف(معليش تعبانة وابي انام مالي خلق اسولف)
تركي بقهر رسل لها(انتي ليه تتعاملين معي ببرود كذا)
نوف(اسئل نفسك واسئل تصرفاتك اللي قاعد تسويها؟؟وكانك مراهق ماكانك اعقل واحد بها العالم)
تنهد وهو يقراْ كلامها.....
نوف معها حق...انا فعلا متغير..مو قادر امسك نفسي معها وها الشي خلاها تخاف على نفسها وتحاول تهرب مني...
كنت بعيونها عاقل وثقيل ومايهزه شي...وبس اعترفت لها حسيت اني لازم اتملكها وتكون تحت سيطرتي واشبع فيها....
بس لا ياتركي لا...ظل بثقلك لين تكون تحت يدك وش اللي جاك؟
رسل لها رسالة اعتذاربسيطة وبعدها دق على ابوه....
يالله يبى رد...رد.....هذا مو وقت نوم في ارزاق تتوزع بها اللحظات وانت نايم!!!!
اما مشاعل من دلت غرفتها شهقت...فكرت انها مضيعة بالعنوان وداخلة حديقة بالغلط من كثر الورد اللي شافته,,,,بكل الالوان والاحجام,,,
اكيد فواز ومن غيره بيجيبه...بس متى وليش ماقال لي!!
الا هو قال انه جا البيت وسئل عني ...
تركت عبايتها على الكرسي وراحت تحت لغرفة الشغالة تصحيها وتسئلها من ركب الورد وماخاب ظنها كان من فواز وعطاه الشغالة تحطهم بغرفتها,,,,
رجعت غرفتها وقفلت وراها الباب وطلعت جوالها ودزت له رسالة(اذا نايم فنوم العوافي واذا صاحي وش مسوي انت)
مضت ثواني معدودة الا وهو متصل فيها...
ابتسمت وردت عليه,,,
مشاعل هلا وغلا,,,,
فواز برواق هلا بالقمر اللي متعبنا معه...
مشاعل حرام عليك انا متعبتك معي!!خلاص زعلت منك؟
فواز لالالالا كل شي ولازعل حبيبة قلبي,,,,
مشاعل أي بعد فكرت بتقول اني متعبتك...بس الصدق الصدق ليش ها الورد كله انت كذا اكدت لي ان عندك محل ورد؟
فواز لعيونك...تبين محل ورد والله مايغلى عليك من بكرة نفتح لك محل ورد....علشانك وبس!!
مشاعل بهمس خفت انك تظل زعلان مني ...ماعرفت وش اسوي ظليت ابكي وبس,,
فواز بنفس الهمس يابعد عمري انت والله حرام دموعك تنزل...حقك علي انا اسف وغلاتك مااعيدها معك مرة ثانية ...
مشاعل لاحبيبي لاتقول كذا تحسسني اني ملاك..
فواز وانتي شنو مو ملاك؟
مشاعل .....
فواز أي قوليلي شلون يومك عسى بس ماخربته عليك؟
مشاعل خربت نصه بس عوضت تخريبك بعدين,,
فواز بغيرة مرحة أي اكيد شايفة بزارين السوء بتغيرين جوك وبتظلين زعلانة علشاني!!رفقتهم ماتتعوض؟
مشاعل هههههه الا الصدق الصدق يافواز انت صاحي ولانايم ولاشلون؟
فوازبرقة قلبك وش يقول؟
مشاعل بهمس يقول انك كنت تنتظرني ,,,,
بطريق مهجور وقفت فيه سيارة نواف وياسمين وكان الجو رايق بالنسبة لنواف اما ياسمين فكانت رايحة فيها ومن كثر دموعها ماكانت تشوف وين هي اصلا بس الاكيد ان مو بالبيت’,,,,,
ياسمين رفعت راسها بفزع وقالت نواف...واللي يسلم..
قاطعها وهو يفتح وجهها انا ابي افهم ليه تبكين ها؟
كان يتكلم ببرود شديد وهي النيران شابة فيها من كل جهة...
سكتت يوم صار قبالها وحست ان الخطر اكبر من اللي تتصوره ونواف اذا قال شي مايتراجع عنه فا الافضل لها انها تسكت وتنطم وماتقول ولاكلمة يمكن الحقران ياءثر فيه شوي ويحس بخوفها,,,
نواف وهو يمسح دموعها بااصبعه ويتكلم ببرود انا مو زوجك؟
ياسمين بشهقة بعدنا ماصرنا قدام العالم متزوجين؟
التقت نظراتهم يوم رفع راسه وقال بهمس وانا مايهموني العالم...اهم شي اني اكون انا راضي؟
ياسمين بس...
نواف اششششش ...مو كل وقت بنقدر نعيش ها اللحظات فلا تخلينا نضيعها؟
ياسمين برجاء لاتتقرب اكثر ...
نواف وهو وجها بوجهه انتي تخافين مني ولاشسالفتك بالضبط؟يعني قبل يومين ماكنتي كذا كنتي اكثر تجاوب؟
ياسمين بخوف نواف...
نواف تنهد وقال برقة وحشتيني ومو قادر امسك نفسي شسوي بالله!!!
كانت كل ماتمسح دمعة ترجع تنزل دمعة ثانية وقلبها يدق بقوة كبيرة...ونواف يتبسم بينه وبين نفسه عليها,,,
قال بهمس قربي...
ياسمين هزت راسها بلا.....
نواف بنفس الهمس قربي ويمكن اتغاضى عن سالفة النومة اذا طعتيني!!
ظلت تناظر فيه بخوف وتشكيك لانه لايصدق,,,
نواف تعالي بوسيني وقولي احبك؟
غمضت عيونها وهي بنفسها تقول وبعدها يانواف...بتتركني!!
عند شقة خالد ووضحى صرخت بقوة اول ماشافت المكان لا
خالد بتنهيدة والله ان كل زاوية فيه تفتقدك وتبيك؟
وضحى بحسرة وهي ماسكة دموعها الا ها المكان ماادخله!!!انا هنا انهنت وانذليت ودست انت على كرامتي!!!هنا كنت غبية وانا مصدقة كلامك المعسول وانت اصلا رايح لغيري وانا ياغافلين لكم الله,,,خالد لاتفتح لي جروح قاعدة احاول بكل مافيني اتناساها ومااتذكرها,,
خالد بتعب الله يخليك عطيني فرصة؟
وضحى بمرارة علشان تغدر فيني مرة ثانية
خالد بحسرة انا مااجبرك تسامحيني ياوضحى...انا غلطان واستاهل الموت وياليتني اموت وتترحمين علي ولا انك تقعدين بعيدة عني وتتركيني اموت بدونك؟وضحى خليني اظل جنبك الله يخليك وظلي فكري في انك تسامحيني على راحتك وحتى اذا ماسامحتيني ماراح اضغط عليك بشي ماتتحملينه...بس اتركيني جنبك يالغلا...خليني اتنفس هواك واذوب بهيامك,,خليني اخدمك باقي العمر انتي مع اللي ببطنك لاتحرميني من شوفتك مرتاحة ومو قاصرك شي,,,,انا احبك ووجودك بعيدة عني يذبحني...والله مااعيش بدونك ...هذا كل اللي ابيه...انك تظلين معي وجنبي لاتكلميني ولاتسامحيني بس لاتبخلين عليّ بااني اداريك انتي وولدي,,ووضحى تكفين لاتقولين لا؟
وضحى بمرارة وهي تمسح دموعها ويوم انك تحبني كيف هنت عليّك بلحظة من اللحظات وتناسيت وجودي بحياتك؟
خالد تنهد وقال بحسرة وهو يمسح دموعه غلطة ماراح اسامح نفسي عليها,,,,
ظلت تناظره وهو يمسح دموعها كان نادم فعلا نادم...بس ماتقدر تاْمن عليه وتسلم حياتها من جديد ويرجع يغدر فيها...
قالت بمرارة خالد انا تعبانة...
قاطعها بسرعة اوديك المستشفى؟
وضحى بتعب لا ابي اروح البيت ارتاح....
خالد بهدوء وهو ياْشر على شقتهم هذا البيت ياوضحى...
وضحى وهي تصد بعيونها عنه قلت لك الا ها البيت مقدر ادخله من جديد,,,على الاقل مو بالوقت الحالي!!!!
خالد بتفاؤل يعني ممكن تردين ها المكان,,,
اكتفت انها تتنهد وتلف عنه للجهة الثانية,,,
في الصباح,,,,
مشعل انتي ياجديدة عللامك تصارخين كذا من صبح الله؟؟
الجدة بانفعال محد له شغل فيني؟
مشعل علامها جدتي خرفت ياجدي؟
الجد بدون اهتمام وهو يقايس بناطلينه اللي من عند مشعل لاتشغل بالك تجيها ها الحالة كثير تبكي بروحها وتسكت بروحها؟
مشعل يعني تبي تلفت الانتباه بس!!
الجد زي كذا...ها وش رايك؟
مشعل اوه ه ه...ذكرني اليوم اشتري كاميرا..ولاليش اشتري ناخذ حق ولدك خويلد لازم اصورك مالازم افوت على نفسي ها اللقطات الثمينة؟
الجد بفرح من صدقك؟
مشعل طبعا...
الجدة لازم تطلع يعني لازم تطلع بيتي مو فندق؟
مشعل منهي؟علامك انتي!!
الجد تبي نوف تروح بيتهم!!
مشعل نعم نعم نعم!!! ان شاءالله متضايقة من قعدتها عندنا؟
الجدة أي.....
مشعل كلامي مو لك كلامي للرجال تسمعني ياجدي...
الجد يعني انا اللي مقصود؟وش تبي قول؟
مشعل نوف لازم تظل هنا علشان السالفة اللي بينا؟وغمز له بعيونه..
الجد بهمس ها...هي تعرف جميلة؟
مشعل هي اللي بتدبر كل شي بس اذا سمعت ولاشافت احد مضايقها هنا بتروح بيتهم وبتخسر السالفة ياجدي!!!
الجد لالالالالا نوف تقعد واذا تبي اكتب البيت باسمها..
مشعل أي هاذي الرجال الصح اجل الحريم اللي مايفكرون ولايحسبونها صح؟
الجد بنفخة سمعي ياحرمة اذا البنت سمعت منك كلمة لو شافت منك نظرة بتزوج عليك سمعتي!!!ها شرايك يابو مشيعل فيني!!
مشعل أي..هذا الشغل..وعلى فكرة الليلة بيجينا ضيف..
الجدة بقهر اكيد سعيدان ومنو غيره؟
مشعل أي ياجدي سعد عرف بالسالفة وقال لازم يساعدك ومساعدته تستلزم انه ينام هني فاذا جانا العصر تقوم انت تكلم ابوه اللي هو يصير زوج بنتك وتقوله خل ولدك ينام عندي يونسني ويسليني..ولانك شيبة بتكسر بخاطر الرجال ومابيعكر نومة ولده هني!!
الجدة شوي وتنفجر وماتبون احد بعد ينام هني؟
مشعل كني سمعت خالد ومرته جايين..بس الله اعلم!!
كانت طالعة من بيتها ومرت اخذت لها قهوة على راحتها لان اليوم محاضراتها متاْخر وانتبهت ان فارس من طلعت من البيت يمشي جنبهم,,,,,
كانت تناظر من النافذة كل شوي وهي تتمنى انها توهم نفسها بس لا السالفة جد,,,,,
مسكت جوالها وطلعت رقمه اللي رسله لها ودقت عليه...
فارس بروقان صباح الورد...مابغيت تتحنن علينا؟
نورة بجدية وش القصة؟
فارس وهو يضحك أي قصة فيهم؟
نورة في شي ممكن يخليك تلحقني من بيتنا!!
فارس ممكن نبدل اللفظة,,,يعني فيك تقولين اتطمن عليك..
نورة وخير ان شاءالله؟
فارس والله انا طالع طالع اشوف ديكور المكتب يعني من باب اولى اتطمن عليك وصلتي جامعتك ولالسه...ادل طريقها زين خوب بعدين انا بوديك بنفسي.....الا على فكرة القهوة كل صباح من د.كيف..ولايمشي أي مكان ثاني؟
تنهدت وهي تبتسم اصلا وقالت يالله باي..
فارس وين وين وين...توه الناس؟
نورة بجدية انت تسوق ومالازم تشغل نفسك بمكالمات سخيفة يافارس...انتبه على الطريق وعلى نفسك...
فارس بجدية انا بمر ابوك اليوم؟
وقف قلبها وقالت ليش؟
فارس وهو يضحك توقعتك تساْلين لانك ملقوفة؟
نورة .........
فارس تبي اجاوبك ولالا؟
نورة بكبرياء وهي ميتة تبي تسمع لاماابي ادري..
فارس خلاص بكيفك......
نورة طيب باي...
فارس يعني بكل الاحوال تبين تسكرين؟
نورة قربت اوصل خلاص...
فارس طيب ماعندك وقت فاضي بين المحاضرات؟
نورة يعتمد لمين ها الوقت...
ضحك ضحكة عالية خلتها هي بعد تضحك,,,,
مشعل انتي مارحتي الجامعة اليوم؟
لفت له ياسمين وقالت بهدوء لا....
مشعل ليه...
ياسمين بسوي وقف قيد.....
مشعل امممم
ياسمين ماحقدر اكمل وعرسي بعد ثلاثة اسابيع..احس اني بضيع السنة كذا....
مشعل تبين شي؟
ياسمين لا شكرا..بس من الليلة ان شاءالله جهز نفسك للسوق بنبتدي نتسوق انا ونوف وبكرة بتجي معنا نورة ومشاعل....
مشعل ياسلااام هاذي الايام اللي انا احبها...روحي ان شاءالله تعرسين كل يوم وتجهزين لك كل يوم؟
ياسمين بضحكة جعلك ماتربح قول امين...اعرس كل يوم علشان السوق والطلعة بس!!!!
مشعل هههههههه الليلة بتشوفين الفن والعجب نوف وسعد حيكملوا معنا السهرة....
ياسمين الا صدق وش سالفة اكياس محل ابو عشرة انا شايفة منهم كثير بغرفة جدي امس...
مشعل ههههه شاري لجدي ملابس؟
ياسمين من محل ابو عشرة عاد؟
مشعل وش دعوة جلد جدي متعود على الماركات!!!يبى ابو عشرة وهم خسارة فيه انا لو القى ابو ريال من زمان شريتهم؟؟؟
ياسمين وش عندكم ها الايام!!
مشعل سكتناه بجميلة من جديد؟
ياسمين مو قلنا بنسكر السيرة نهائيا..انت ماتمل وتتعب يامشعل...بتجيب لنفسك وجع راس,,,,,
مشعل يبى هذا جدك من اغبى المخلوقات كلمة توديه وعشر يجيبونه,,,
توها بتروح تلحق على محاضراتها الا اتصل فيها عبدالله,,,
تنهدت وهي تذكره وتذكر حبها الكبير بقلبه وتتحسر على تفكيره فيها بااخر الاوقات وبالكلام اللي صدقه من عبير...بس مع ذلك ردت...وردت عليه بثقة بعد..
نوف هلا عبدالله,,,,,
عبدالله صباح الخير..
نوف صباح الانوار...
عبدالله بالجامعة؟
نوف أي....
عبدالله اممم...كنت بقولك عن شي اذا عندك وقت تسمعيني!!
نوف أي قول..
عبدالله يعني هو اذكرك.....
نوف عن عبير...
عبدالله أي...مااشوفك قلتي لاامي وحركتي السالفة؟
نوف اسفة..
عبدالله بصدمة شنو؟
نوف بحرقة ماتناسبك ياعبدالله؟
عبدالله .
نوف صدقني ماتناسبك بتندم بلحظة انك اخترتها وساعتها ماراح يفيدك الندم...
تنهد تنهيدة طويلة وقال قالت لي وماصدقتها..قالت لي نوف بترفضني وبتشوهني بنظرك بس انا قلت لها لا..نوف غير...بس طلع معها حق؟
نوف بدفاع عبدالله لاتفهمني غلط انا ودي بسعادتك؟
عبدالله بحدة انتي مو رسمتي على تركي ووقعتي وكاهو خطبك؟.وش تبين بعد!!!
كانت تناظر بالجوال اللي قفلته بوجه عبدالله ودموعها تنزل بقوة هذا جن ولا قاعد يتظيرف....مو معقولة عبدالله وتفكيره ابدا...كيف يفكر انها كذا كيف؟؟؟
دق جوالها وجت بتعطيه قائمة شتم ماسمعها بحياته واللي يصير يصير بس دق قلبها يوم شافت اسم عمي ابو تركي يتصل بك,,,,
بس ردت بهدوء يمكن انه دق لها قبل شوي ولقاه مشغول...
نوف وهي تحاول ان صوتها يكون طبيعي هلا وغلا بالزين كله اللي منور الرياض ومظلم الشرقية؟
ابو تركي هلا بنوافتي شلونك يبى...
نوف بخير ياعمي الحمدلله..
ابو تركي نوف يبى بغيت اكلمك بسالفة وابي اخذ رايك فيها ويهمني تكوني صريحة معي وماتجامليني لان هاذي سعادتك؟
اشوفكم بكرة على خير,,,
****
***
**
*
البارت الستين ,,,,
وقف قلبها وهي تسمع كلام عمها...
ابو تركي انتي بعدك معي يايبى يانوف؟
نوف أي عمي معك...
ابو تركي شوفي يبى انا بدخل معك بالموضوع مباشرة بلا لف ولادوران..
نوف خير عمي صاير شي....
ابو تركي وهو يضحك لا يابنيتي تطمني كل خير ان شاءالله...يعني وش بيصير وانتي كبرتي وصرتي عروس,,,,
نوف .
ابو تركي في واحد خاطبك مني يانوف.....
نوف ..
ابو تركي وش قلتي؟
نوف بتردد الراي رايك انت ياعمي.واللي تبيه انت وتشوفه سويه انا مالي راي بعد رايك...
ابو تركي بارك الله فيك يابنيتي.......انا الولد ضامنه لك وانه بيسعدك وانتي بعد تعرفين تركي ولد عمك ومايحتاج تقولين اسئلو اعنه.. ومدام انتي مو معارضة انا بكلم اخوك الليلة وعمامك وبشوف وين بنلتقي علشان اخبرهم بالسالفة..
نوف
ابو تركي بس ها يانوف شروطك قبل كل شي ترى مثل ما تركي ولدي انتي بعد بنتي وتهمني مصلحتك؟
نوف ..........
ابو تركي ها عندك شي يابنتي...
نوف لاياعمي ماعندي شي.....بس ابي اكون قريبة منك لاهنت....
ابو تركي ومن قال اني بخلي تركي يبعدني عنك عاد!!يالله بشوفك الليلة ان شاءالله...عاد رجعي البيت خالتك تقول انتي عند ياسمين...
نوف ان شاءالله....
ابو تركي في امان الله.....
نوف الله يسلمك....
سكرت من عمها وهي بقمة الحيرة...صار الوقت اللي لازم تودع فيه ذكريات عبدالله نهائيا وتدوس على قلبها برجلها وتفتح قلبها لتركي اللي تشوف الحب بعيونه قبل لاينطقه...رغم تصرفات عبدالله باخر الايام معها واللي اخرها كان قبل شوي بذيك المكالمة واللي كانت تنرفزها بس معليش اللحين الخطوبة صارت رسمية وعلاقتها بتركي لازم تكون صافية له لوحده,,,,,
دق قلبها يوم شافت اسم سعود يتصل بك....
ردت بسرعة هلا سعود..
سعود شفتي وش سوى ولد عمك فيني!!!
نوف أي ولد عم؟
سعود أي ولد عم بعد!!!اللي كنتي معه يوم يهدد ويوعد.....قالت حصة انتي ساحرته ماصدقت غير يوم شفت بعيوني,,,لعنبو دارك اخوك انا من امك وابوك تبيعيني وتبيعين رزقي ورزق عيالي علشان شنو ابي اعرف؟
نوف بحدة سعود انا مالي شغل فيك ولابللي تقوله حصة,,,سامعني اذا عندك كلام تبي تقوله روح قوله لتركي انا مالي شغل؟
سعود اذا ماارد شغلي بنص ساعة مافي زواج انتي والباشا تركي.
نوف بحدة اكبر معناته كلمه هو لانه هو اللي يبي يتزوج مو انا!!!واذا عندك كلام خلك رجال وكلم الرجال مو تجيني انا وتتشكى!!
قفلت الخط بوجه سعود اخوها وهاذي اول مرة تسويها...وهي ماسوتها الا من الضيق اللي فيها...سعود صاير مو معقول وكل يوم تتراوى لها نياته السيئة شيئا فشي وهي ماعندها احتمال اكثر,,,,
تنهدت بقوة وهي تفكر بللي بيصير الليلة وبحصة اذا كانت موجودة وبكل شي,,,,
في الشركة اللي تشتغل فيها وضحى وتحديدا عند مكتبها رفعت راسها يوم شافت واحد واقف وكانت عارفة مسبقا من ريحة العطر اللي انتشرت بالمكان انه خالد بس مع ذلك رفعت راسها تشوفه....
وضحى تفضل اخوي...
خالد فهمها انها محرجة من وجوده لاسيما ان اللي معها بالمكتب كانت موجودة....
خالد بهمس وضحى....
وضحى بهمس لو سمحت خالد لاتحرجني....
خالد باعتذار انا اسف.......
وضحى سوت صوتها طبيعي داقين عليك يعني جاي بموعد ولابدون....
خالد ها...لابدون موعد..
وضحى معليش اخوي روح المكتب الثاني......على يدك اليمين,,,قول لهم انا جاي استفسر عن طريقة التاْمين عندكم,,,,
طلع خالد بعد ماتنهد........ووقف باخر المكان قريب الدرج,,,,
وبعد اكثر من عشر دقايق جته وضحى وقالت بحدة توقعتك ماتطلع ياخالد؟
خالد باعتذار انا اسف ماقصدت احرجك ابدا,,,بس كان ودي اسولف معك واشوفك اذا تبين شي...
مشت وضحى لغرفة قريبة وبعدها دخلت على الكافتيريا الموجودة هناك وخالد بعده لاحقها,,,,
وضحى بتعب في شي...
خالد كنت بشوفك كيف اصبحتي و..
وضحى خلاص خالد انت تحرجني بجيتك هنا...يعني محد يعرف منهو انت!!!لاتحرجني وتحرج نفسك...
خالد عن جد انا اسف والله ماقصدت يالغلا...
تنهدت ودق جوالها...
وضحى هذا بيت اهلك يمكن انها ام مشعل لانها تكلمني كل يوم,,,خل ارد عليها....
ردت وحطته سبيكر وهي مو قاصدة وسكت خالد..
ام مشعل هلا وغلا بالغاية وزوجة الغالي وام الغالي..
وضحى مسوية مبتسمة وهي تناظر بخالد اللي يناظر فيها هلا وغلا فيك وانتي....
ام مشعل انا مافيني الا العافية انتي شلونك انتي واللي عندك عساكم بخير؟
وضحى الحمدلله...
ام مشعل يالله هانت كل يوم يمر ينتهي بسرعة لاتخافين بتلاقين الموعد قرب بسرعة...الله يعطيك السلامة ان شاءالله,,,,
وضحى الله يسمع منك.....
ام مشعل وضحى....ياسمين كلمتني الصباح وقالت لي..
دق قلب خالد وارتبك ولاحظت وضحى ها الشي وهي بعد توترت....
وضحى خير...
ام مشعل قالت لي ان الحمل متعبك شوي وتداومين علشان تشوفين العالم لان قعدتك بروحك تضيق خلقك وانك شوي منتي طايقة خالد؟
ناظروا وضحى وخالد في بعض وماقالوا شي..
وضحى هي قالت لك....
ام مشعل أي قالت لي ..انتي يايمه بعد ليش مستحية مني وكل ماقلت لك شلونك قلتي ولاشي...
وضحى ها....
ام مشعل عاد واحنا نتكلم انا وابوه اليوم يوم قالت لنا ياسمين قلنا ليش ماتجون تقعدون عندنا هنا لين الله ييسرها عليك وتولدين بالسلامة....منها اداريك واتسلى معك وتشغلين حالك فينا انا وياسمين وحمود وامي ومنها نقوم بها الفقير اللي مالك خلقه....ها شقلتي!!!
كانوا يناظرون في بعض وكل واحد فيهم يقول ليش قالت ياسمين كذا!!!
ام مشعل عمك بيكلم خالد بيقوله بس قال بيكلمك اول يمكن عندك نية ثانية ولاشي ثاني تبين تسويه....
وضحى لا...بس انا...يعني..
ام مشعل يالله عاد وضحى طول عمرك مثل بنتي علامك مستحية مني...تعالي والله احطك بعيوني..حتى ياسمين تبيك تجين تساعدينها بحجوزاتها ....وهذا انا بقفل منك وبدق على خالد,,,
خالد بها اللحظة حس انه بيطير من الفرح وكان وده يروح يحضن ياسمين حتى لو ماهي طايقته..لان ها الجميل ماتوقعه ابدا يصير,,,,انهم يروحون عند اهله ويشوفها علطول ويقعدون مع بعض ويسولفون بدون حواجز قدام الكل شي ماكان طمعان فيه ابدا....
كان جالس بغرفته وهو يتذكر ياسمينه,,,
حتى اليوم من كثر مافكر فيها البارح ماقدريقعد يروح الدوام
اذا استمر معها كذا اكيد انه بيجن!!
فيها شي ها البنت متعبه ,,,كل ماحاول يبتعد عنها يرجع يحبها ويشتاق لها اكثر من قبل,,,
كل مانوى يعاملها بقسوة واجحاف ترجع اشواقه توديه لحضنها وتنسيه أي شي ثاني غير حنانها,,,,
كل احلامه انها ماتكون مثل ريم لاينصدم...والاكيد انها مو مثل ريم...بس ذيك الكلبة وش تبي فيها وليه داقة عليها تبيها؟؟
مسك جواله ودق لها وهو اصلا يبي الحجة علشان يكلمها ويسمع صوتها...
جاه صوتها مثل الملح اللي هيج كل الجروح...
ياسمين بهدوء هلا....
نواف اهلين فيك...
ياسمين في شي..
نواف يعني لازم يكون في شي ولامااتصل؟
ياسمين بخوف من تقلباته لا انا ماقلت كذا!!
نواف فكرت بعد؟
غمضت عيونها وهي تتنهد وتتذكره البارحة كيف كان بجراءته معها وماهمه ترجيها انها ترجع البيت واصراره انها تنام عنده بالبيت وبعد طلوع روحها وافق انها تروح بعد ماتشبع رغباته شوي...
فتحت عيونها وهي تسمعه يهمس وكانه ذكرها بهمسه البارحة..
نواف ياسمين وين سرحانة؟
ياسمين بارتباك انا مو سرحانة؟
نواف غريبة ساعة وانا اكلمك وانتي مو معي...
ياسمين بارتباك ها..
نواف بتقصد أي والله...
ياسمين شكنت تقول؟
نواف كنت اقول وحشتيني وبمر اخذك الليلة ..
قاطعته بصرخة خلته يضحك..
ياسمين لامستحيل...
نواف بضحكة ماحاول يبينها نعم...وش اللي مستحيل؟
ياسمين بخوف نواف...لو سمحت....انا صرت اخاف من وجودي معك بمكان بروحنا؟
نواف بهمس ليه؟
ياسمين لانك مو مدرك للشي اللي تسويه ...
نواف بهمس انتي زوجتي حلالي ومحد له عندي أي شي...
ياسمين بهمس ماصرت في بيتك بعدني!!
نواف مو مشكلة اجي اللحين اخذك واجيبك عندي البيت وتصيرين زوجتي...ها شرايك؟
ياسمين ........
نواف اشوف سكتي!!!
ياسمين انت وش تبي مني!!
نواف بجد سؤال غريب...يبى انا زوجك ولي حقوق..
ياسمين بعصبية قلت لك بعدك ماصرت....ولاتنرفزني لو سمحت واذا عندك شي ثاني غير ها السالفة قولها؟
نواف برواق أي بس انا عاجبتني ها السيرة؟
ياسمين مو رادة عليك....
كان يتخيل شكلها بها اللحظات وهي معصبة وابتسم وبعدها قال ياسمين احمد متعبكم...
ياسمين مانشوفه طول وقته مع مشعل....امي تحممه وتفطره وتغذيه وتعشيه وباقي الوقت لازق بمشعل....
نواف واذا مشعل بالمدرسة.....
ياسمين يظل منتتظر جيته ولايرتب غرفته..
نواف ياسلااام يشتغل عنده حضرة جنابه....المهم كيف بيكون الوضع..اخذه اللحين ولا بعدين...ولاشلون؟
ياسمين علشان شنو؟
نواف يعني اخذه معي قبل العرس ولابعده؟
ياسمين لا بليلة العرس؟
سكت شوي وقال ماسمعت!!!
ياسمين أي يعني انا بجي عندك وهو معي!!!
نواف غير السيرة دقت لك مرة ثانية؟
ياسمين منهي!!!!
نواف امه؟
ياسمين لا
نواف هي التقت بولدها وانتوا ماقلتوا لي ولاكلمته بالتلفون؟
ياسمين لا....احنا لاشفناها ولاعمرنا سمعنا صوتها حتى....
نواف ولا اذا طلع مع مشعل تكون التقت فيه..
ياسمين مستحيل كان مشعل قال لنا....
تنهد نواف وسكت...
ياسمين بتردد انت ماتبيه يشوف امه يانواف؟
نواف بحدة هاذي مو ام؟؟؟هاذي اصلا اسم ام حرام فيها.....
ياسمين ليه ؟؟هي وش مسوية؟
نواف .....
ياسمين معقولة ماتبيها تشوف ولدها يانواف؟
نواف بحدة سكري الموضوع ولاتعيدينها لو سمحتي....
ياسمين على امرك.....
نواف ......ياسمين انا عندي مؤتمر بالرياض...الاسبوع الجاي......وبرجع قبل العرس باربع ليالي....
حصة البيت فاضي....
ام تركي الليلة ان شاءالله ابوك راجع من الرياض..
حصة وشلون الاوضاع هنا؟
ام تركي والله يابنيتي البيت فاضي علينا ابوك بالرياض ومشاعل مع فواز لاهية ونوف عند ياسمين نايمة وتركي بس اللي صايرة اشوفه وعبدالله مايقعد بالبيت....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك