رواية كل يوم لك حال جديد يوم قريب ويوم بعيد -25
يدها على الجيب وقالت برواق أي نسكرها...خلنا نشوف شي ثاني نسويه...قوم ننزل تحت وش رايك ناكل لنا شي؟
ماتدري ياسمين انها بها القعدة بالذات وبها الوضع فجرت فيه باقي البراكين اللي ماانفجرت وضاعت علومه كلها...وهي اصلا بعد راحت فيها وحست انها قربت تشب فيها نيرانها ..ماتوقعت اصلا انها اذا قعدت عليه كذا بتجيها ها الاحاسيس وقررت تقوم بسرعة,,,
بس على مين على نواف اللي مسك يدها على صدره تبي تشيل المفتاح من جيبه وقال بلهفة وين بتروحين؟
ياسمين حست صدق ان ساعة المنية قربت غمضت عيونها وقالت له بهمس وهي تقرب راسها من اذنه نواف ترى انا دمي نشف من حركاتك بلاها واللي يسلمك اتركني اطلع من ها الغرفة؟
نواف اخذها فرصة وقربها له وحضنها بقوة وصار يبوس كتوفها العاريين وهو ناره مشتعلة فيه وقال بهمس مااقدر انا نيراني كلها شبت يابنت الناس!!!
لانه كان ملازمها وملازم باب بيتها اول ماشافها طالعة من البيت وراكبة سيارة تاكسي مشى وراها بسيارته وهو يتمنى تكون وجهتها للشقة ولابيت اهله ولاعند وحدة من خواته بس خاب ظنه يوم وقفت السيارة على الكورنيش,,
نزلت تمشي على هونها وهو يمشي وراها....
نزلت لمستوى البحر وهو بعده يمشي مثل ظلها....
انتبه انها لابسة كعب عالي....والاكيد انها متعمدة علشان تاْذي نفسها..وكل مايجي بيتقرب منها يتراجع,,,مايدري وش يقول...حاس ان كل كلامه ماله أي فايدة ولابتسمع له بعد!!!
رفع عيونه يوم شافها تبكي.....
انتبه انها جلست على االارض وقامت تضرب بطنها وهي تشاهق انزل...انزل..ماابيك..انزل....ابوك هدم حياتي وهدم كل عشرتنا انزل...انا مااقوى اربيك بروحي واتحملك يوم تخلى عني ابوك...ياليتك ماجيت بها الوقت ياربي .....ياربي ساعدني....انزل مالك مكان بها العالم...لاتجي لاتشوف ظلم اقرب الناس لي ....
تقرب بسرعة لها وضمها بقوة من وراها وصرخ بصوت عالي وضحى انا معك وجنبك..ووليد بنربيه اثنينا صدقيني!!
بعدت عنه بقوة وهو ماعطاها مجال بس بعد اصرارها وصراخها عليه تراجع وقفت مرة وحدة ومشت عنه وهو قام ولحقها,,
خالد بترجي لاتسوي ها الشي ياوضحى واللي يسلمك؟
لفت له وقالت بخنقة بصدرها ليه!!ليه تبيه يجي ها الدنيا؟وش اقوله لو سئلني عنك وينك؟وليه غبت عن حياتي؟
خالد انا جنبك وماراح اغيب ياوضحى.....بنربيه اثنينا وبيعيش بينا,,,تكفين عطيني فرصة.....خليني اشرح لك..مو يمكن انتي..
وضحى بحدة وهي تمسح دموعها خالد لاتمشي وراي ولاتلحقني سامعني!!!ماعدت طايقة اسمك بس لاانطرى مابالك بشوفتك ياخالد؟؟
خالد من بين دموعه وضحى من وين جايبة قساوتك...ليه كذا تتعاملين معي ليه!!ماخبري فيك بها القساوة؟
وقفت مكانها وكانها تترجم كلمته ولفت له بهدوء وهي تبكي وقالت بهدوء وهي تاْشر على نفسها قساوتي!!!انت تتكلم عن قساوتي ياخالد؟؟؟متاْكد؟؟اخاف بس مضيع بالعنوان؟؟اذا انا قاسية انت وخيانتك شتطلعون بالله!!
حس بالاحراج من نفسه لكلامها اللي قالته..كانت تتكلم بهدوء مجروح ودموعها تسيل بدون ماتوقف ,,,
قال بعبرة مخنوقة انا احبك والله احبك..بس لو تقعدين وتخلينا نتفاهم,,,,,وضحى انتي فاهمة الموضوع غلط؟يعني...
وضحى ناظرته وقالت بجرح وغصة خالد لاتحاول تكذب كذبة ثانية علشان تسترضيني فيها لانك بتطيح من عيني اكثر واكثر بعد!!!
كانت قافلة باب الغرفة ومتسندة عليه وانفاسها متسارعة حييل,,,
رفعت يدها تتلمس وجهها بكل مكان وهي حاسة ان النار لامحالة طلعت منها بعد سواة تركي,,
ياربي هذا شقاعد يسوي؟؟وش اللي يبي يوصل له بالضبط معي!!!
والله اني مو قاوية احط عيني بعينه خلاص؟
تركي.....هو بالذات اللي ماتوقعت نفسي حتى بالحلم اكون بحضنه ولا يبوسني ولايكون بينا أي شي!!!
مو مصدقة حاسة اني قاعدة بوهم وحلم واني بصحى منهم باي لحظة؟؟
غمضت عيونها بالقوة وهي تتذكر همسه....ونظراته,,,ولمساته,,,وبالاخير كملها بها البوسة؟؟؟؟
لهدرجة تركي يحبني من زمان مثل ماقال وانا مو حاسة؟؟
أي يحبني كل تصرفاته معي ماكانت تدل على شي ثاني غير الحب اكيد بس انا حب اخوه كان معميني!!
اخوه.....تنهدت وضحكت بشماتة على نفسها ونزلوا منها دمعتين,,,
وش ها الدنيا العجيبة...ثلاثة ببيت واحد...هي وعبدالله وتركي,,,هي تحب عبدالله وهو مايدري عن هوى دارها وغرقان بوحدة ثانية...وتركي يحبها ويبيها وهي ماتدري عنه؟؟؟
يعني لازم تدفنين حب عبدالله بقلبك للابد يانوف....انتي قدرك تركي مو عبدالله؟
مسحت منها اخر دمعة دمعتها تودع فيها حب عبدالله وتفتح قلبها لحب تركي,,,,,
فتحت عيونها بشويش ,,,
يتراوالها لو قسمت ذيك اللحظة ان قلبها وقف عن الدق خلاص فهو من بعد اللي سواه نواف فعلا وقف!!!
غمضت عيونها بقوة اكبر وشدت عليها غطاء السرير وهي تبي تمنع دموعها ينزلون من جديد وهم اللي نزلوا وماهموه وسوى اللي براسه,,,
رفعت نفسها بشويش علشان تقوم بس يد الشخص اللي جنبها واللي كانت تتاملها اصلا مسكتها وقال بهدو وين؟
ياسمين بشهقة وهي مغمضة عيونها ابي اطلع...اتركني...مو خلاص اخذت اللي تبيه!!
نواف بهمس وهو يقرب راسها من صدره العالي أشششش ارتاحي شوي وبعدها بنقوم؟
كانت تبكي بحرقة...اللحين وصلها الاحساس بس وادركت اللي سوته وقامت تضرب صدره بانفعال وحرقة وهو ضامها بقوة اكبر واكبر لاتبعد عنه..
ياسمين بحشرجة ودموعها خانقتها وهي بصدره ليه...ليه سويت كذا يانواف ليه!!
نواف وهو يهمس لها بطلي بكي عاد,,,انا زوجك ياياسمين محنا ..
قاطعته بانفعال وعصبية انت مجنون والله العظيم مجنون؟شسوي انااللحين!!!قولي شسوي بالله!!!
نواف وهو يهمس باذنها حياتي وش فيك....ماصار شي...والله ماقدرت امسك نفسي اكثر من كذا عنك!!احبك صدقيني احبك...
ياسمين انا عارفة انك تكرهني وانك قاعد تكذب عليّ ...انت ماتحبني لو تحبني ماسويت اللي سويته!!نواف قوم ردني بيتنا ماابي اشوفك قوم...
نواف ياسمين شفيك...بعدها ماصار الساعة ثمان المغرب وانتي تبين تروحين بيتكم!!امك دارية انك معي خلنا جنب بعض وبعدين بردك؟
ياسمين ماابيك..ماابيك بعد عني!!
مشاعل وهي تكلم فواز يعني معقولة توصلني لباب بيتنا وماتنزل تتقهوى؟
فواز باعتذار ياقلبي انا والله مقدر تدرين انا لاغي الاجتماع وماْجله علشان اجي اتطمن عليك بنفسي وهذا وصلتك لباب البيت يعني لازم ارد؟
مشاعل واذا انا مصرة؟
فواز معناته بنلتقي الليلة نسهر بمكان انتي تختارينه؟
مشاعل لاماحقدر اطلع الليلة لان ابوي بيرجع من الرياض اذا مارجع وبنجلس مع بعض,,,,
فواز أي والحل...
مشاعل طيب فنجان قهوة واحد بس وبعدها امشي..
فواز وانتي اللي بتسوينه بيدك؟
مشاعل لاانا مااعرف اسوي قهوة؟
فواز هه معناته لاتعزمين ها المرة؟اعزمي على شي تعرفين تسوينه؟
مشاعل والله اذا انت مو مستعجل ورايق بتفنن لك انت بس تامر؟
فواز عيوني انت يالغلا.....بس ليه ها الحظ الاقشر تجي تاْمر وتفنين واللي ابيه بالوقت اللي انا فيه مشغول؟
مشاعل لهدرجة ها الاجتماع مهم جدا وماتقدر تلغيه؟
فواز أي والله,,,,,بس اطلع من الاجتماع بدق لك بشوف اوضاعك وشنو ممكن نسوي واذا قدرنا نلتقي..
مشاعل ماشي ولو اني زعلت لانك مابتدخل معي وانت واصل لباب البيت....
فواز بهمس مشاعلي...ياليت تنسين سالفة اليوم وتعيشين بطبيعتك وماتفكرين بالموضوع نهائيا لاني فعلا احبك وبحارب كل العالم اللي ممكن يضرك وياْذيك؟
تنهدت مشاعل وقالت نسيته..بمجرد انك حطيتني بحضنك نسيته يالغالي,,,يكفيني انك تكون مرتاح وراضي...
فواز غالي!!طيب اذا الغالي قال لك قولي احبك بتقولينها؟
مشاعل بنشوف اذا تكلمنا الليله ونسقناا مورنا تطلع معي ولالا؟؟
فواز بخيبة امل لازم تخربين النهاية يعني!!!
بروحه ظل واقف عند باب غرفتها مثل الحارس وكانه يتنفس هواها اللي قاعدة تتنفسه...
شي غريب قاعد يجتاحه بمجرد صارحها,,
هو شعور بالرضا والارتياح انها عرفت اللي يختلج صدره,,,ولا ان موضوع ارتباطهم وانها تكون اميرة مملكته قرب وانها عارفة بها الشي,,,و لا ليش مايدري؟؟؟
كل اللي يعرفه انه كل ثانيتين يغمض عيونه ويتذكر كيف باسها بسرعة ومشى,,,,
يتذكر شعرها يوم يلعب فيه ويحوس فيه,,,
تنهد بقوة وانتبه على صوت مرام اللي راكبة الدرج تغني وبعد عن غرفة مشاعل ونوف ونزل الدرج والتقوا...
مرام هاااي..
كان سرحان شوي بس رفع راسه وقال هلا...
مرام ابوي وصل وكاهو جاي بالطريق..وام تركي بالمطبخ تجهز لكم عشى فاخر والاكيد انه علشان خاطر الغالي ومشاعل واقفة تسولف معها وعبدالله ماهو هنا بس امي دقت له يجي علشان ابوي وحصة بتجي بعد شوي,,
اخر اسم بس هو اللي شده وتذكر انه لسه ماشاف حصيص وبرد خاطره فيها,,,,بس اللحين لازم ياءدبها بس مافي وقت طالما انها جاية بعد شوي,,,
نزل بسرعة وهو يفكر بفركة اذن على الماشي لها,,,,علشان تعرف منهي العمة نوف وشنو الحدود اللي لازم تكون بينهم؟؟؟
خالد بترجي وضحى خلنا نقعد مع بعض شوي؟
بحدة قالت في مكملات بالقصة نسيت تسويها ولاتعطيني خبر عنها؟
خالد وهو يمسح دموعه ليه ماتبين تسمعيني!!
وضحى بتنهيدة قوية لاني تعبت!!فاهم شنو يعني تعبت؟؟انت تتخيل انك تنام بحضني ليل نهار وتسمعني كلام والله استحي اذكره حتى في بالي رغم اني زوجتك واللي بينا كله بالحلال..واقعد على واقع اسمه خيانة؟؟
خالد انت لو سامع اني خنتك مع رجال ثاني ولااسباب ممكن تكون سخيفة وماهي مهمة لاني اتوقع اللي مومرتاح مابيعيش بطبيعتك اللي كنت عايشها معي!!!شبتسوي لحظتها؟
خالد ....
وضحى سئلتك وش بتسوي لحظتها؟بتكمل معي حياتك ولامابلزمك خلاص؟
خالد بمرارة واذا اكتشفت ان الغلطة اللي غلطتها كانت اصلا ماهي مقصودة وانها مستحيل تتكرر واني فعلا مو قادر اتنفس وانا بعيد عنك شسوي؟
ظلت تناظر وهو يناظرها بدون مايقولون شي...
كانت تشو ف فيه شي غير عن اللي تشوفه دايم,,,تشوف خالد الحبيب والصديق والسند قاعد ينهار شيئا فشيئا قدام عينها...
كانت تشوف الاعتذار والصدق بكل نظراته وبكل همسة تطلع منه,,,,
ماكانت تبي تشوفه بها الموقف ابدا بيوم من الايام ومع أي احد حتى مع نفسها...هذا خالد ويظل خالد,,,حبيب قلبها مهما جرحها,,,
تنهدت ومشت ويوم وصلت قباله قالت بمرارة اكبر من مرارته يكون اكتشف ها الشي متاْخر حييل ياخالد وماعنده وقت يصلح اغلاطه ولا يتراجع عن اللي سواه ويعتذر لانه مابيعنيلي أي شي!!!
دخلت غرفتها وقفلت وراها الباب ...
كانت الدنيا كلها سودة حوالينها.....
رمت نفسها بزاوية الغرفة وحضنت نفسها وقامت تبكي بمرارة وصمت,,,
شريط يومها انعاد من بدايته بداية باتصالها فيه يوم تستأءذن تطلع مع خالد تتغذى وكلامه كيف كان هادي,,,وسالفة خالد اللي تضيق الصدر؟
وروحتهم لبيت نواف؟؟؟
نزلوا دموعها بحرارة ووقف قلبها......
كل ماتتذكر اللي بينهم واللي صار وانها وقت اللي صار مااعترضت بقوة كبيرة وكانت مشجعة انه يسوي ها الشي تنزل دموعها اكبر واكبر...كانت متجاوبة معه...اي متجاوبة...ليه ماتدري!!
اللحين بس تندمت انها طاعته واعترضت اعتراض اطفال ومااصرت بموقفها انه لا.....
ليه ياربي ليه....
امي اذا درت شبيصير وشبتقول لي!!
نواف اللحين شبيقول عني وشنو بيفكر؟؟؟
لانواف قال انه يحبني,,,,,اساسا كل كلامه اليوم كان حب بحب...
حب بعينك يالغبية علشان ياخذ اللي يبيه اكيد بيقولك كلام حب؟؟
لاحتى يوم طلعنا ظل ماسك يدي طول السيارة واصر ينزل معي بس انا رفضت!!
كان يتنهد بصدق وخوفه علي! بعد كان صادق وهالشي لايمكن اغلط فيه ابدا!!
بس ليه صار ها الشي اللحين ليه؟؟؟
لو يقول نواف انه مايبيني واني ماعدت الزمه وش بيصير؟؟؟
كانت جاية بتدخل البيت وطلعت مفتاحها ويوم حطته مادخل استغربت وشالت المفتاح تناظره وتاْكدت انه هو مفتاح البيت..
جاها صوت تركي الشامت وهو واقف جنب البوابة وبيده مفاتيح وقال لها مفتاحك قديم...هذولا المفاتيح الجدد لاني غيرت القفل؟
وقف قلبها لهجة تركي هاذي تدل على ان خطر جاي بالطريق,,,
قال لها بحدة بعد ماطال سكوتها خير في شي؟
حصة تركي شفيك؟
تركي انتي اللي جاية بيتنا وانا اللي لازم اساْل؟
حصة شنو يعني بيتنا!
تركي وهو يبعدها علشان يفتح الباب يعني غيرنا مفاتيح الباب علشان يكون بيتنا عائلي ويجمعنا احنا بس...اللي تفكيرهم اسود وميال مايلزمونا ويرجعون بدربهم الله معهم!!
حصة بصدمة هاذي طردة رسمية؟
تركي بدون اهتمام ياليت تفهمينها عاد لانك صايرة ميح....حصة رجلك لاتعتب باب ها البيت لين ترضى عنك صاحبته؟
طاحوا مفاتيحها على عتبة الباب وقالت بصدمة ولايكون نوف صارت صاحبته؟؟
تركي برافوا صايرة تفهمين بسرعة؟؟
حصة بصراخ تخسي تصير صاحبته!!تركي ترى انت فعلا ...
تركي بحدة لاتغلطين عليها لا بجد بجد بسوي لك شي مايعجبك؟
حصة انت بتطردني من بيت ابوي وتقول لي ان نوف صارت صاحبته وتبيني اوقف مكتفة لاوستين الف لا؟
تركي بهدوء ولامبالاة سمعي حصة ها السالفة الصغيرة واللي مانا مجبور اقولها ابدا....قبل خمس سنين ومع نزلت السوق تدرين ان ابوي كان من ضمن المتضررين وخسايره كانت كبيرة حيييل...لدرجة انه فكر يعرض البيت للبيع..وفعلا عرضه ومنو اللي اشتراه...انا قلت لازم اشتريه علشانكم وعلشان مانفترق ونظل مجموعين فيه ومن شريته كتبته باسمها ويوم استعاد ابوي نشاطاته رجع يشتري مني البيت وانا قلت له اني كتبته باسمها وهو انبسط كثير لانه اعتبر انه نوف بتكون ماْمنة بعد عينه بعد عمر طويل,,سمعتي ولالا؟
ظلت حصة بس تناظره وقالت بصدمة شريت البيت من ابوي وكتبته باسم نوف!!!!نوف ماغيرها؟وش مسوية لك ياتركي؟
تركي بهمس احبها...فاهمة شنو يعني...واذا تبين تلفين وتدورين ترى اللي وظف زوجك بشركته انا وانا بعد اللي اقدر افصله مثل مافصلت سعود اللي انتي رايحة تتعاونين معه؟ففكري صح احسن لك لاني حاضر باتصال واحد اهدم بيتك وبيته؟واذا درى انك انتي اللي قطعتي رزقه شوفي ساعته يردك هنا ولامايردك؟واذا ردك تكونين خسرتي كل شي...زوجك وبيت اهلك اللي هو اساس بيت نوف لانها ماتبيك توطينه؟؟
ماكانت تقدر تمنع نفسها من انها تنزل لهم لان عمها كان رجع من الرياض واكيد بيسال عنها,,,
تحممت علشان تشيل تعبها وتنسى ها الجو المشحون اللي هي فيه,,,
لبست عبايتها وشافت اغراض مشاعل اللي اكيد وصلت وهي تتحمم,,
نزلت وهي تقدم رجل وتاْخر الثانية ,,ماتبي تلتقي بتركي...ولو مابتصير لها سين وجيم بالقضية كان غطت وجهها ولاتنقبت بس بعد ها العمر اذا سوت ها الحركة بتثبت للكل ان في شي صاير ,,,
تنهدت يوم وصلت لااخر درجة واول مارفعت راسها لقته جالس قبال الدرج وكانه ينتظر وصولها...
ماعرفت شتسوي...ترجع ولاتكمل دربها...لاترجع اكيد لانها مو متحملة نظرات تركي القتالة ابدا!!
توه بتلف تركب من جديد الا صوت ام تركي يقول وهاذي نوف ونزلت يالله قمنا تعشينا..
تنهدت بقوة وراحت ناحيتهم ونظرات تركي ماانشالت من عليها ابدا....
دنقت على راس عمها وباسته وسلمت عليه..
ابو تركي هلا ببنيتي..تحبي الكعبة ان شا ءالله؟
مشاعل أي صحيح على طاري الكعبة انا ابي اروح ازور بيت الله وبعدها بروح للنبي من زمان مارحت دبروا حالكم؟سمعتني ابو تركي...
نوف تكلم عمها قوم تعشى عنها بس ترى اذاعتها مفتوحة وماتنهي بثها ابدا!!
ضحكوا الباقيين عليها وهي بداخلها نار تغلي بس انها لازم تتجاوز نظراته وتعيش مع الباقيين طبيعي,,,,
عبدالله نتعشى وحصة ماجت؟
تركي بحدة انتبهت لها نوف وخلتها تلف تشوفه ماراح تجي لاتنتظرونها...
وقف وكانه يقول لهم لاتسئلون عن شي وفهموا الباقي انه صاير شي بينه وبينها وماسئلوا وقاموا وماغاب عن نظر تركي عبدالله اللي همس لنوف تجي وراه المطبخ قبل تروح السفرة’’’’
مشى وراهم وهم ماانتبهوا له,,
نوف خير في شي,,,
عبدالله اشوف ماقلتيلي عن اللي سئلتك عنه؟
نوف شنو؟
عبدالله انتي تدرين؟
نوف اها..تقصد عبير مو؟تبي الصدق...ماتناسبون بعض؟
عبدالله ...ليه تقولين ها الحكي؟انتي في بالك شي يانوف؟
نوف بحدة وهي تذكر تركي وش تقصد؟
عبدالله ليه قلتي عنها كذا!!
نوف بانفعال لانها ماتناسبك...عبدالله انت طبقة وهي طبقة ثانية؟؟؟كيف بتجتمعون ماتقولي؟؟
عبدالله بحذر اخاف في بالك شي ثاني بس يابنت العم؟
نوف بانكسار وش تقصد؟
جاهم صوت تركي من وراهم خير في شي مهم يخليكم تسولفون وتتركونا ننتظركم؟؟
لفوا اثنينهم لتركي اللي كان واقف ومتسند على الباب يسمع كلامهم,,,وسكتوا اثنينهم..
تركي وهو يناظرهم اثنينهم وشياطيبنه تلعب فيه فيه شي,,,,؟؟؟
هل بتنقلب العلاقة بين الثلاثي نوف وتركي وعبدالله ولالا؟وهل بيتغير شي بين خالد ووضحى بسبب ياسمين وهي اصلا وش بيصير لها ...
بنتظركم يوم السبت مع بارت مولع ناررررررررررررر وبيقلب لكم احداث كثيرة,,,
****
***
**
*
سلام لكل الغوالي...وين ماكنتم ومتى ماقريتوا,,,,
شلونكم وشخبار الاجازة معكم..ان شاءالله طلعتوا وانبسطتوا وهيصتوا..يالله قرب العيد وقرب الهبال معه(على بالك كل الناس مجانين مثلك)
المهم ترى بارت اليوم طويل لاتقولون بعد انا مااعطيكم بارتات طويلة,,,,يعني اعطوني تعليقات طويلة انتوا بعد,,
البارت الخامس والخمسين ,,,,,,,,
دق جوالها يمكن للمرة السبعين والمتصل واحد ماغيره,,,نواف,,,
صار لها اكثر من ساعتين من وصلت البيت وهو مارحم جوالها من كثر مادق وهي مالها أي قدرة على انها تكلمه لسبب بسيط جدا انه نواف,,,,,
وانه بيفسر استسلامها له بشي ثاني وان اكبر المصايب اكيد ولاشك جايتها بالطريق,,,,,
شالت الجوال بتدق على وحدة من البنات تبي تشغل نفسها باي شي عن نواف والتفكير فيه بس مسكت الجوال كان رجع يدق ها المرة غمضت عيونها وهي تتذكر اللي صاروهمسه واعترافه بالحب اللي ماصدقت منه حرف واحد؟؟؟؟
ردت بعصبية وانفعال وقالت خير تبي مني شي؟خبري انك اخذت كل شي وش تبي بعد!!!
ماسمعت غير صوت تنهيدته وبس وها الشي خلاها تسكت وتبكي بهدوء,,,,
نواف برقة كنت ابي اتطمن عليك.....
ياسمين بعصبية طيبة..عايشة لسه مامت تطمن؟
نواف بهمس ياسمين هدي ...علامك صايرة كبريت؟
ياسمين من بين دموعها وش تبيني اصير ان شاءالله..كتلة جليد علشان ترضى عني!!!اي عمرك مارضيت!!
نواف بشوية حدة وهو اللي واعد نفسه بيكون هادي رغم أي ردة فعل تجيه منها ياسمين....الشي صار وانتهى..وبعدين احنا مرتبطين بلا ها الحساسية الزايدة..انا كبير وعاقل وانتي منتي صغيرة تحطين يدك على خدك وتبكين,,,يبى خلينا نتفاهم وش المرحلة الجاية وشنو بنسوي؟
ياسمين نتفاهم!!نتفاهم على شنو بالله!!!اقول انا ترى حاطة راسي على المخدة وبنام...بنساك وبنسى همك زين؟
قالتها وسكرت بوجهه وقامت تبكي بحرقة,,,,,,,ماتدري وش اللي بيجيها من نواف ؟؟؟
تركي بحدة سئلتكم مرة وش فيكم وبرجع اسئلكم من جديد,,,في شي ؟
نوف بسرعة لا,,,,
قالتها ومشت للباب وطلعت وسط نظرات تركي عليها طبعا...
بعد مامشت لف تركي لعبدالله خير انت قايل لها تبيها وش عندك معها؟
عبدالله يعني حرام اسولف معها ياتركي؟
تركي لا بس باي خصوص بالضبط رايحة سوالفكم!!!
عبدالله تنهد بس كنت ابي اتاْكد من شي واحد...
تركي بحذر اللي هو؟
عبدالله وهو ماشي ويوم وصل لعند تركي قال بشوية همس ماخفى على نوف اللي بعدها مابعدت واقفة عند باب المطبخ ابي اتاْكد اذا كانت تلاحقني لو لا,,,,,يعني بالمختصر هل هي راسمة عليّ!!
كان عبدالله مشى عن تركي بها اللحظات ونوف طاح قلبها بين يدينها..معقولة ياعبدالله عبير دخلت ها الشي براسك وانت صدقتها؟؟طب ليه؟؟انا ماقلت لك شي ولاسويت أي شي وكسرت حبي بقلبي...خسرتك وبتخسرني حب تركي بعد!!!
كان بركان تركي ثاير بها اللحظات ولف ومسك ذراع عبدالله بقوة ولفه لجهته وسط خوف عبدالله من عيونه اللي كان الشرر منها يطلع واللي هو عارف مقدما عصبية تركي,,,,
تركي بشراسة خير ماسمعت ان شاءالله!!!
عبدالله ..
تركي لو سمحت احترم حالك واحترم البنت اللي بتكون زوجة اخوك عن قريب ولاتسوي لي ها الحركات الطايشة؟
عبدالله باحراج تركي انا ماقلت لها شي بس.........يعني صار كلام وجاني كلام وقلت بتاْكد بس....
كان يتكلم بلعثمة وارتباك وماهو قادر يركب جملتين على بعض,,,,
عبير...
ها الاسم اللي خلاه بس يلتفت لورى ويشوف نوف واقفة عند باب المطبخ يعني قريبة حييل منهم,,,
لف تركي بعد يشوفها..
كانت تدعي الهدوء بوقفتها بس لانه تركي عرف انها حييل مضطربة ومو قادرة توقف وخاف انها تطيح عليهم باي لحظة,,,
نوف وهي تناظر بعيون عبدالله ومتجنبة عيون تركي لها عبير صح...هي اللي دخلت في بالك ها الشي؟
كانت نورة رايحة مع سعد للسوبر ماركات القريب منهم وانتبهت وهي طالعة ان فارس كان جاي بيتهم ويوم شافها طالعة مشى معهم وهو بعيد لين دخلوا السوبر ماركت وبعدها رجع,,,
تنهدت ماتدري وش تسوي...فارس شي غير عن اللي توقعته وحطته في بالها نهائيا...بس ياترى هل فعلا هو غير بحياته هناك ولاقاعد يستميلني ناحيته وبعدها بنصدم هناك؟
طيب هو للحين ماحكى في موضوع الخطبة معقولة نسى الموضوع ولاسكره نهائيا!!
أي بس امي ماعطتني خبر ولاقالت شي وكاهي طالعة داخلة مع خالتي ام فارس وماتغير شي بينهم,,,,
ماتدري هي وش اللي اخذته بالضبط من هناك لان تفكيرها كله رايح لولد الجيران اللي بيحيرها وبيجننها,,,,
طلوا ورجعوا بيتهم وانتبهت ان فارس لسه واقف برى ومن شافهم راح لبيتهم يسبقهم ووقف قلبها..اكيد جاي يسولف معها ولايكلمها,,,,وقفوا عند الباب وسعد كلم فارس ونورة طاح قلبها..
سعد هلا فارس..
فارس وانا اقول ليه محد فتح لي اتاريكم برى البيت؟
سعد أي ...ابوي طالع مع المدام اللي هي امي على بالها لسه مراهقين وانا واختي مساكين قلنا مالنا الا السوبر ماركت نغير فيه جو..
فارس وليه ماخربتوا عليهم الجو ورحتوا معهم...
سعد وهو يحط المفاتيح بالباب شنسوي عاقلين احنا بس الظاهر ماينفع بنتجنن علشان نلحقهم...حياك فارس تفضل.....
سعد دخل ودخل وراه فارس وهو مطنش اللي تمشي وراهم وهي لاهمس ولاتنفس وكانها فارقت الدنيا...
فارس أي بس ماشكلكم تسوقتوا عدل يعني ماغير كيسين..
سعد ناظر بالاكياس وقال بصدمة نوير وين باقي الاغراض؟
نورة وكانها نتهبت أي اغراض؟
سعد انتي ماشلتي باقي اغراضي!!
نورة ببرود ليش ان شاءالله السايق انا اشيل باقي اغراضك؟انا رحت معك مرافق وماخذت لي شي بعد تبيني احمل اغراضك؟
سعد وهو يسب ويشتم شوف البقرة اللي يسوي فيها خير ويطلعها؟
نورة وكانها تناست وجود فارس مابقرة الا انت ياوجه العنز!!انا ماني شغالتك احمل اغراضك وراك؟
سعد بتهديد قولي مرة ثانية طلعني ياسعد وتكفى وبتشوفين؟
تسند فارس على الجدار وهو يتابع مسرحيتهم بمرح ويبتسم بين وقت والثاني بس علامها ذي مارفعت نقابها للحين ؟؟
نورة الله واكبر مدري موديني فرنسا وانا مدري !!!يبى كلها بكلها سوبر ماركت النجوم؟
سعد زين زين يانوير...
قاطعته نورة بعصبية لاتقولي نوير مااحب ذا الاسم؟
سعد نوير زين..وعلى اسم جدتي الملقوفة بعد زين!!
نورة سعيدان تاْدب عني!!
فارس بهدوء على فكرة سعد لك خمس دقايق لو تاْخرت يمكن اللي حاسبك يروح بيتهم ويبتدي شفت جديد وتخسر اغراضك روح الحق عليهم بس!!
لفوا له اثنينهم وانتبهوا انه موجود ونورة طاح قلبها مرتين وهي ماخذة راحتها ونسيت انه واقف,,,وصار وجهها قد السمسمة من الفشيلة؟
سعد أي والله على قولتك.....
طلع بسرعة وفارس سكر وراه الباب الخارجي...
نورة بخوف خير ان شاءالله اذا مغلط بالعنوان ترى هذا بيتنا مو بيتكم!!
فارس مابغينا نسمع ها الصوت وهو رايق!!
نورة بحدة انت ليه واقف معنا بالله!!
فارس بهدوء قلت يمكن استفيد والحمدلله ماطلعت خايب على الاقل عرفنا اذا نبيك تتضايقين وتزعلين نقولك نوير؟
سكتت نورة وتفشلت..
فارس بجدية نورة ش ها العباية؟
نورة بصدمة نعم!!!
فارس بجدية اكبر انتي شايفة انها حلوة تطلعين فيها كذا!!تصدقين فكرتها بالبداية فستان من فساتينك طالعة فيه؟وش له عاد هذا كله؟بجد بجد ملفتة حييل؟
نورة ........ابوي راضي البسها انت وش لك عندي؟
فارس بهدوء وهو يتقرب منها بس انا مو راضي تلبسينها؟
نورة كان قلبها يدق بقوة....هذا مو صاحي وش اللي موقفه بوسط بيتنا كذا وسعيدان الله ياخذه راح وتركني...
لفت مسوية بتدخل داخل وهي تمشي بهدوء ويد فارس مسكتها ولفتها عنده بقوة وماصار يفصلهم عن حضن بعض أي شي,,,
نورة بخوف اعقل بلا ها الجنون وفك يدي...
فارس مو قبل...
قاطعته نورة فارس اطلع برى لو سمحت....
فارس تنهد وقال بطلع لاتخافين بس غمضي عيونك....
نورة كانت عيونها تساله ليش ولسانها سكت وماطاعها ينطق بشي..
فارس بترجي غمضيهم شوي بس!!
ماطاعته وظلت تناظره بخوف..ومد يده وفك نقابها وطاح على الاض...
فارس بهمس ابي اقولك اني اشتقت لك واشتقت لها الوجه القمري..صدق ماشفته غير مرة بس مو طايع يفارقني ويفارق خيالي!!!
نورة وعيونها بالارض والدم وقف بعروقها اطلع برى..
فارس ماسئلتيني كيف عرفت انك انتي اللي دزيتي لي الرسايل؟
غمضت عيونها وماقدرت تقول أي شي,,,,
رفع وجهها له بيده وقال بهمس لمتى بتظلين تهربين من كلامنا مع بعض؟
بهمس قالت اطلع برى...
فارس بطلع بطلع لاتخافين ولو اني مو قاوي افارق وجهك,,,,نورة ابي اكلمك بالتلفون لو سمحتي!!!
نورة .........
تقرب منها وهمس لها بطلع بس بوقف ورى الباب انتظر سعد لين يجي وبعدها بمشي والليلة بدق لك فياليت تشيلينه لان عندي كلام كثير ابيك تسمعينه بخصوص علاقتنا!!!
كانت متسندة على باب البيت من داخل وهي عارفة ان اللي وصلها لحد باب البيت مثل حارسها الشخصي واقف عند باب البيت يكمل حراسته لها,,,
شي واحد بس خلاها توقف ورى ها الباب....علشان تتنفس هواه اللي حرمها منه طول ها المدة اللي راحت,,,,
غمضت عيونها وتنهدت بقوة,,,,
حبه بقلبها شي ماممكن تعيش بدونه,,,دموعه واعتذاره وترجيه حسروا قلبها عليه,,,,
تبي ترجع لحضنه وماهي قاوية...تبي ترمي نفسها عليه وتخنقه بيدينها وتقوله بس ليه سويت كذا!!!
حطت يدها على بطنها تتحسس اللي قاعد يكبر داخل وسط ها النفسية السودة,,,,معقولة بيظل عايش فيني ومابيغيره أي شي ؟؟
اه ياقلبي اه..والله ماعدت اقوى قعدتي بروحي بها البيت...مشكلتي نواف..لو عرف اني زعلانة من خالد علشان ها الشي ممكن تتاْثر علاقته هو وياسمين وها الشي هو اللي موقفني اني مااروح عندهم,,,حرام هم يتضررون بسببي انا وخالد,,,
دق جوالها بذيك اللحظات وناظرت الاسم مرة ومرتين وثلاث وهي متاْكدة ان الاتصال جاي بالغلط ولاان اللي متصل يبي منها شي,,,اسم المتصل كان امي,,,,بس ياترى هل هي فعلا بتكون ام لو شكيتيها ياوضحى؟؟؟
نوف بثقة مهزوزة عبير ..صح ياعبدالله؟
ظلوا ساكتين واثنينهم يناظرونها وهي كانت تردد النظر في مابينهم بس نظراتها لعبدالله كانت كلها لوم وعتب ,,,
تركي بهدوء يفتت الاعصاب ومنهي ها التعبانة ان شاءالله؟
نوف بدون ماتناظره فكه ياتركي....فك يده.......
تنهدت وبعدها قالت لعبدالله على فكرة ياعبدالله انا مو ماصار عندي وقت اقولك عن اللي دار بينا...ومو بر وحي شفتها شافتها معي نورة...بس ماحبيت انقل لك الجانب الاسوا من شخصيتها واللي انت اكيد عارفه ومغمض عيونك عنه,,,تراها ماتناسبك وبتفرقك عن كل اهلك بيوم من الايام,,,طبقتها غير الشي اللي انت عشته ومتربي عليه,,,لاتفكر اني قاعدة اذمها..الحمد لله.. رب العالمين مايخلق شي شين والجمال ماهو موضوعنا..انا اتكلم عن صفاتها وطبايعها واللي بتسبب لك شرخ كبير بعلاقتكم لانكم ماراح تتفقون...وبالنهاية القرار لك انت...وروح قول لها..مو نوف اللي تلاحق احد..نوف طول عمرها تمشي وهي رافعة راسها واللي يبيها يجيها ذليل يركع تحت رجلها!!!!
دخلت غرفتها وقفلت وراها الباب وتسندت عليه....هذا شناوي عليه بالضبط؟؟؟
وش حكايته معي!!
ليه اسكرها وتنفتح بوجهي من جديد؟؟وش اللي يدور براسك يافارس ؟؟
وحركاته هاذي وش لها داعي من الاساس؟وكيف يسمح لنفسه يفك نقابي ويوقف في بيتنا وكانه...وي مو قادرة احس قلبي بيوقف لاوفرحان بعد ويقولي اذا بغيت اضايقك بقولك نوير؟؟
ياجعلك العمى ياسعيدان كله منك؟؟؟
اوووف ترى فارس سمع كل هواشنا مع بعض كنا بزارين اللحين وش بيقول عني!!!كني متقصدة اسبه واشتمه وهو واقف ماله حشيمة ابدا!!!!
ياربي والله بطني يعورني من ها الفارس اصلا هو اللي غلط كيف يدخل بيتنا بدون استئذان وكاْن الموضوع عادي ويوقف يسمع حكينا,,,,
وشنو الكلام اللي يبي يقوله لي بخصوص علاقتنا!!!
وشلون عرف اني انا اللي دزيت الايميلات؟؟بس هو عرف صدق ولابس يتلاعب فيني ويبيني اقوله واعترف؟؟
انا مو قادرة فعلا مو قادرة افكر بشي...احسن شي اقفل الجوال علشان لايتصل ويوترني اكثر وانام!!
وقفت وشالت عبايتها وهي تناظرها وتتذكر كلامه ورمت عبايتها بالقوة على الارض وراحت سريرها,,,,
نواف بروحه كان جالس بغرفته اللي بعد ماوصل ياسمين رجع لها من جديد وكانه يقراْ الحكاية مرة ثانية وهو يستعرض صورة ياسمين بكل مكان وقفت ولاجلست عليه,,,
تنهد بقوة وهو يمسح على المكان اللي كانت نايمة فيه....
تهوره الكبير معها اليوم قالقنه بشكل كبير...
هو صدق كان يبي من زمان ها التهور..من يوم الحفلة وهي بذاك الثوب اشتهاها..وكل يوم يمر ويشوفها بشكل جديد يقاوم نفسه لاياخذه بس اليوم ماقدر يضبط نفسه ووصلت معه للنهاية....
وبعدين هي زوجته ومحد له أي شي....
يبيها ويحبها وماهو قادر يوصل لها الشي ومايبيه يوصل..بس يوم قال لها انه يحبها كان متأكد انها ماراح تصدقه فماشال هم كبير يوم قالها رغم انها كانت طالعة من قلبه,,,
بس علامها مو راضية ترد عليه وعلى اتصالاته!!
يتبع
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك