رواية كل يوم لك حال جديد يوم قريب ويوم بعيد -24
خالد بنفس الانفعال انا اقصدها هي ياياسمين,,,
سكتت شوي وقامت تناظره وبعدها قالت تحبها...وتحبك..والحمدلله انكم صرتوا نصيب بعض وتزوجتوا؟وين المشكلة ياخالد؟لاتتكلم معي بالالغاز!!
خالد بدا يبكي ياسمين والله ماكان قصدي اجرحها...كانت غلطة...انا احبها مووت وربي يشهد..مو قاوي على غيابها عني ابدا!!
دق قلب ياسمين بقوة شتقصد بكلمة غيابها عني ياخالد؟؟؟وضحى ماهي عندك بالبيت؟
خالد هز راسه وقال لا
ياسمين راحت عن اخوها.....وش اللي صار؟
خالد ياليتها عند اخوها كان ارتحت وارتاح بالي وقدرت انام ليلي؟؟
ياسمين قربت راسها منه بخوف شتقصد؟؟يعني لاهي عندك بالشقة ولاهي عندهم؟؟؟؟تحس اني بسالك سؤال غبي اذا قلت لك وينها؟
خالد ببكي ابي اتطمن عليها وعلى اللي ببطنها...قالت لي انها نزلته..تكذب عليّ صح؟
ياسمين نزلته؟؟مو معقول الصبح احنا داقين لها...يعني احنا كل يوم نكلمها انا وامي ونتطمن على حملها وهي تقول انه متعبها شوي..حتى انا البارح قايلة لها اني بزيارتها ها الشهر للمستشفى بروح معها لانها بتسوي اشعة ووعدتني تاخذني..
خالد انا ادري انها تكذب عليّ وتبيني بس ابعد عنها...
ياسمين بتاْثر خالد...هي شايفة حالتك كذا!!!وتاركتك..ماتبي ترد عليك؟
خالد زاد بكيه وقال والله احبها والله...ياسمين اللي بينا ماابي احد يدري عنه...انا حايس مو عارف شسوي ابيك تساعديني واللي يخليك لاتتخلين عني!!قولي لها اني مقدر اعيش بدون مااتنفس هواها بيومي!!قولي لها خالد غلط وهو عارف غلطته ومابيعيدها...قولي لها ماتملي عيني غيرها ,,
قاطعته ياسمين باهتمام خالد...انت وش مسوي؟
قام يناظرها وقال ودموعه تسابقه ابيها ترد لاتسامحني خل تاخذ راحتها بس اظل متطمن عليها...خلني احلف لها ليل نهار اني مااعيدها وان عيني ماتشوف غيرها وان اللي صار..
قالت له بحدة خنتها؟
تلعثم بكلامه من حدة كلمتها اللي طلعت وقال بدموع والله مو قصدي..
قالت بحدة اكبر وبعاطفة محروقة خنتها ياخالد وتبيها ترجع لك؟تف عليك من رجال ماعندك مشاعر....
قالتها ومسكت شنطتها وقامت وتركته بروحه يكمل مسح دموعه,,,
رجع البيت وهو اللي كان باله طول الوقت منشغل بياسمين ,,
مايدري أي مشاعر متلخبطة جاته يوم سمع صوتها...
اساسا هو من البارحة مو قاوي عليها..هذا حضن وسوا فيك كذا يانواف,,,,لا,,خلك اثقل انت الرجال مايصير تخق وراها ام عيون ضيقة,,,ابتسم بعد مامرت على باله ها الكلمة وقال في باله والله انها احلى عيون شافتها عيني,,,,صحيح ضيقة لكن موتي فيها؟
تنهد بقوة وتلاشت بسمته...لو تكون ياسمين مثل ريم وش بيصير ياترى؟
لا..مستحيل مهما كان ياسمين بنت عمه ومتربية على يد عمه والبنت ماعليها زود وماقلبت معك الا بعد ماانت قلبت,,,ولاهي ماكنت تسمع لها صوت,,,,ومن سابع المستحيلات تكون مثل ريم,,,
انا ياسمين من حيروها لي وقالوا لي هي لك وانا عايش بعالم ثاني,,
حاس ان الدنيا مو شايلتني..حبيتها قبل لااشوفها واتكلم معها...وكل ماعاندنا بعض بشي احس ان حبها بقلبي يكبر اكثر واكثر,,,,
بس خايف...انا فعلا خايف......ياترى هل ممكن ياسمين تحبني وتعيش معي وترتاح ولالا؟
قطع عليه سرحانه صوت لؤلؤة اللي تناديه,,,,
لؤلؤة الو....سلام..بو احمد وينك؟
لف لها...
نواف هلا لؤلؤ..كيفك يابنت..
لؤلؤة تمام....احط لك الغذى؟
نواف لاوالله ماكل مع الشباب بالشركة...الا لابسة على وين...
ابتسمت له وجت جلست جنبه وشبكت يدها بيده وسندت راسها على كتفه وقالت بدلع طلبتك قول تم..
نواف وهو يمسح على شعرها اكيد السالفة فيها مصلحة؟
لؤلؤة قايلة لك اني بروح عند بيت خالي ..رحمة مسوية جمعة للبنات كلهم من اسبوع واخذت موافقتك؟
نواف أي ذاكر.....وين المشكلة؟
لؤلؤة اللي استجد بالموضوع اني بنام هناك.....تكفى لاتقول لا...
نواف سكت شويوبعدها قال ومتى بتردين البيت؟
لؤلؤة بكرة بالليل,,,,
نواف صفن صفنة طويلة وبعدها قال طيب انا موافق بس اخذي الشغالة معك لاتتركينها بروحها بالبيت.....وانا اللي بمرك بكرة تعرفيني مااحب احد يجيبك ويوديك..
باسته على خده بفرح وقالت شكرا يالغالي عسى ربي مايحرمني منك...
نواف مسك يدها وقال بجدية قاصرك شي ..تبين شي...
لؤلؤة لاياخوي ماتقصر...
نواف واختك وضحى مو قاصرها شي؟اذا عرفتي انها تبي شي ولاخاطرها فيه تعالي قوليلي...
لؤلؤة عسى ربي يخليك لنا...
نواف يالله قومي لبسي عبايتك انا بالسيارة,,,,
قالها وافكاره رايحة لبعيد,,,,
كانت قاعدة بغرفتها وهي تتذكر قرب تركي منها وكلامه وحنيته والكلام اللي قاله بالتلفون ذاك اليوم عنها وخطوبتها من ابوه وعبايتها وقعدتها بحضنه يوم ملكة مشاعل والمستشفى,,,
كلهم مخلينها بس تفكر وتفكر وتفكر بدون مايطلع معها أي شي,,,
جتها رسالة من سعود اخوها يبيها تكلمه ضروري,,,,ودق قلبها,,,سعود اكيد مابيعدي روحة تركي له على خير لانها عارفة سعود وطبايعه ولانها عارفة زين تركي مابيرحمه ..
تنهدت ودقت لتركي اللي رد بسرعة,,,
نوف مشغول..
تركي لاطبعا
نوف باخذ من وقتك لو قلت لك ان سعود....
تركي بعصبية دق لك؟
نوف لا...بس رسل لي رسالة يبيني اكلمه ضروري,,,,
تركي وينك انتي,,,
نوف بغرفتي...
تركي طيب انا جايك...
قفل منها قبل لاينتظر رفضها ولا قبولها وبعد ثواني دق باب الغرفة,,,
تنهدت وقامت لبست عبايتها وشيلتها وفتحت الباب...
تركي خير...
نوف مدت له الجوال وقراْ الرسالة,,
تركي وانتي رديتي عليه,,
نوف لا...
تركي بنظل واقفين.؟
نوف بعد تردد البيت بيتك وانت الداخل وانا الطالعة؟
تركي بنرفزة ياتسحبينها يامن جد بزعل منك؟تعرفين ان هذا بيتك ومحلك وكلنا تحت امرك....
نوف بتنهيدة تفضل,,
راحوا لقسم الصالة اللي بجناحهم واللي كان قريب من الباب وفتحت نوف الباب كله وتنهد هو على ها الحركة,,
جلس وجلست قباله..لانه الصالة كانت صغيرة ماهي كبيرة وكل الجلسة قريبة من بعض,,,
تركي دقي له وحطيه سبيكر ومالك شغل بللي بقوله ولابسويه اذا سمعت منه شي ضايقني؟
نوف وش بتسوي...
تركي نسمع بالاول وش عنده الاخ سعود ....
نوف تنهدت وقالت تركي ترى الامور تنحل بالتفاهم,,,,
تركي دقي...
دقت لسعود وحطته سبيكر على الطاولة بينها وبينه...
جاها صوت سعود القاسي...
سعود هلا وغلا بالاخت الحنونة؟
نوف ناظرت بتركي وقالت بهدوء هلا سعود...
سعود ياشينك من بنت!!!تدزين لي ولد عمك ....هذا اللي قدرتي
قاطعته نوف سعود..تركي..
قاطعها سعود بس يالله لاتجيبين لي سيرته!!!سمعي انا عطيت سالم كلمة وماابي اطلع مو رجال قدامه؟وبعدين عمي ماكلمني عن ولده اخاف بس مثل ماقالت حصة انك انتي تلاحقينه وهو مايبيك؟
نوف بصدمة انا الاحقه!!
التقوا نظراتهم بعض لان تركي ماقال لها عن حصة يوم تروح لسعود,,,
نوف بنرفزة لو سمحت انا مااسمح لك ياسعود؟
سعود اخته جتني البيت وقالت وعادت وزادت...سمعي انا ماابي احد يتكلم عنك يااختي...وبعدين جهزي نفسك انا بجي اخذك عندي بالبيت بلى ماتقعدين علة عند احد؟
تركي بعصبية اقول ماسمعت زين ياسعود سمعني!!
سعود ..
تركي وين رحت؟اذا انت رجال حاكيني رجال لرجال وخلي نوف على جنب...
سعود بقوة مهزوزة اختي ومن حقي اخذها عندي...
تركي ومن قال ان احنا بنعطيك اياها عاد؟
سعود محد يقدر يقول لا..وبعدين هي تبي تجي عندي ماهي مرتاحة عندكم ولاانتوا تبونها ....
تركي علشان تعطيها سالم؟
سعود يبيها وبيحطها بعيونه...
تركي اقول سعود لاتحط نقرك من نقري لاني بسوي لك شي مايعجبك....
سعود باخذ اختي عندي يعني باخذها ومحد يقدر يقول لا..وبينا المحاكم,,,,
تركي طيب...انا بختصر عليك الطريق..يعني على ماتقوم وتلبس تبي تروح المحكمة..نص ساعة ولااقل وبيجيك اتصال ...بتجيك مفاجاْة مني ياسعود؟
قالها تركي وسكر الخط بوجه سعود وناظر بنوف اللي صارت اقرب للتمثال الجامد...
نوف ببرود اللحين يقول اني اخته ويبيني اروح عنده..
تركي اللي طلع جواله من جيبه وقام يحوس فيه قال بلااهتمام حليت له اللعبة؟
نوف انت مصدق كلام حصة؟
رفع راسه ولقاها اتناظر فيه وتنتظر منه اجابة..
تركي انا مو ناسيها بادبها ذيك الكلبة بعد!!
نوف شبتسوي لسعود؟
تركي سمعي....
كلم مكالمة مختصرة مافهمت منها نوف حرف واحد ويوم خلص رجعت سئلته وش سويت؟
تركي صاحبي رئيس الشركة اللي يشتغل فيها...وبيجيه اللحين اتصال من الشركة وبيقولون له ان في قائمة مفصولين ها الشهر وان اسمه بيكون ضمنهم؟؟
نوف شهقت لاياتركي لا...تكفى..هذا راعي بيت وعيال..كله ولاقطع الارزاق؟
راح بيت عمه وهو في باله ياسمين...
فتح له مشعل الباب ودخله الصالة لان عمته بالمجلس,,,, وجلس معه ومع ولده احمد....
نواف مطولة عمتك هنا؟
مشعل عادي تنام هاذي مايمنعها شي؟
نواف تاْدب بس؟
مشعل تدري من متى جاية؟من ظهر الله شوف الساعة كم اللحين؟
نواف من زمان ماشافتكم واكيد وحشتوها؟
مشعل انا سلمت عليها من الباب ولاقالت بعدها بتشوفني؟وياسمين قاعدة بينهم ديكور لايقولون ماتبي تجلس معهم؟مالهم الاجدتي كل ماقالوا كلمة ردت بعشر...
احمد عمي مشعل بقالة...
مشعل اول ندق على عمك سعد...هو قايل بيجينا؟
نواف بحلطمة عشتوا والله العم سعد والعم مشعل؟
مشعل تقول شي..
نواف لاسلامتك....احمد بابا انت ماتعاند هنا؟
احمد اسئل عمي مشعل؟
نواف لاانا ابي اعرف منك انت!!
احمد بعناد انا مااتكلم لااحد لازم يستاْذنون من عمي مشعل؟
نواف انت شمسوي فيه؟
مشعل بنفخة ولاشي محبة ربانية؟
نواف بينه وبين نفسه انا اجل متبري منه متبري لامحالة اذا انت وراه اكيد بيطلع عربجي؟؟
دق جوال مشعل وكان سعد اللي متصل وقاموا مشعل واحمد وناظرهم نواف....
نواف وين ان شاءالله؟
مشعل طالعين نفتر شوي بالشوارع...نغير جو ونتنفس بدل هوى بيتنا اللي يبيخنقنا !!
احمد عمي مشعل جزمتك تفضل..
نواف يكلم احمد وانت بتطلع ماتستاْذن مني!!
احمد اشر على مشعل العم مشعل بياخذني ماتقدر تقول له لا..
مشعل بناديلك مرتك اللحين لاتخاف مابتجلس بروحك,,,,
راح لعند الباب ونادى بصوت عالي ياسمين...ياورد...ياجوري....يالغلا...
نواف ماشاءالله وقدامي بعد!!
مشعل جلس على الارض يلبس جزمته وقال اختي هاذي اختي....
طلعت ياسمين وشافته جالس يلبس جزمته وماانتبهت على نواف اللي جالس باخر الصالة قبال الباب...
كانت لابسة ثوب قصير بلون العنابي الغامق يوصل لين بعد الركبة وبدون اكمام ولاخيوط ومزموم حييل من فوق وشعرها كله على جنب,,,,
هو الثوب قصير وكانت هي رافعته من قدام وواصل لفخدها وهي تمشي وتتمختر وكانها بترقص....
وبس شافت مشعل يلبس جزمته شهقت ووجعة وين رايح وتاركني!!
مشعل مشوار رجال مايروحونه الحريم؟
ياسمين بدلع تكفى يالغالي نفسيتي تعبانة خذني معك...
مشعل احجزيلك موعد معي على الاسبوع الجاي....
ياسمين بصوت عالي تعبانة ياناس تعبانة...من وين اخذها ولامن وين؟
مشعل لاتصارخين لايقعد جدي الا ماصدقنا انه ينام علشان لايلحقنا؟
ياسمين ههههه كان بيلحقكم من صدقك؟
مشعل أي والله كل ماقلنا له وين نوديك قال معكم يعني معكم...
المهم مااوصيك على البيت وعلى اللي فيه....
ياسمين خذوني معكم الله يخليكم...
مشعل يالله انرزي مكانك بس البنات مايطلعون يقعدون بالبيت!!
احمد لا مايطلعون يقعدون بالبيت؟؟
ياسمين وهي تناظر باحمد انت اسكت بس اسكت مايحتاج طوالة اللسان شاطر فيها وراثة من الوالد صح؟
مشعل وهو يضحك قام يمسح على كتفها العاري وقال يالله ان شاءالله مايلعب عليك العقال بالقوة....
قالها واخذ احمد وطلعوا...
ياسمين بذهول أي عقال!!تجنن هذا!!
بروحه من شاف ثوبها راح بعالم ثاني وماعرف حتى يتحرك من مكانه,,كل اللي كان يسويه انه يحفظ شكلها بها الصورة ويركز عليها علشان لايضيع منه أي تفصيل لو بغى يتذكرها بعدين,,,
كل اللي ركز في باله صورتها اول ماطلعت يوم كانت رافعة ثوبها لفوق,,,,,
حس ان النار متجمعة فيه...وبس سمعهاتكلم احمد رهف حسه عدل علشان يحاسبها على كل كلمة تطلع منها...وبس طلعوا احمد ومشعل قال لها بصوت ثابت ورايق ماشاءالله!!
لفت له وشهقت.......
ياسمين بخوف انت!!!!انت من متى هنا؟؟؟
اشر لها بااصبعه تجي لعنده وصارت تقدم خطوة وتاخر الثانية وهي حاسة ان قلبها بيوقف من كثر الخوف وانها مو قده ابدا...وبين كل لحظة والثانية تغمض عيونها...اي اللحين فهمت وش معنى العقال يبي يلعب عليها,,,,
صارت قريبة منه وعدل هو قعدته اكثر وتقرب منها ومسك يدها وسحبها لعنده وظلت واقفة قباله...قال وهو عيونه عليها وش عندك على ابو احمد ان شاءالله!!
بدفاع قالت بلهجة خايفة يعني هو صراحة ولدك لسانه طويل ويبيله قص؟
نواف وهو شاد على يدها وليه ماتقابلينه انتي بدل ماتتركينه على مشيعل؟
ياسمين هو مايحبني ومايسمع كلامي!!!
نواف بهمس مو قايل لك لاتلبسين قصير قدام احد غيري!!!
ياسمين لاماقلت؟
نواف وهذا انا اقولها....
ظلوا ساكتين وهي حست ان نواف فيه شي صاير رايق وللحين ماسك يدها وماعصب ,,,,
قطعت عليه صمتهم بعد ماشافت ان عيونه قاعدة تاكلها اكل وهو يناظرها..
ياسمين عن اذنك ببدل ثيابي وبنزل؟
نواف بسرعة لامايحتاج ,,,
ياسمين ليه؟؟
نواف ها.......لا بس جيبي عبايتك,,,,
ياسمين ليه!!!
نواف توهق وبعدها قال علشان باخذك البيت لؤلؤة تبيك تروحين لها عازمة بنات خالها وبيجونها اليوم؟
مرت فترة صمت قطعتها بعد ياسمين يوم تنحني عليه ويصير وجهها قريب من وجهه وهي بعدها واقفة قباله وقالت بهمس أي بس لؤلؤة قالت لنا انها بتروح عندهم ها الاسبوع...امس قايلة لنا بالجامعة؟
ارتبك حييل بس ماحب يبين خصوصا ان كلام ياسمين معناته انا مو مصدقتك,,
نواف قلبوها هالاسبوع عندها والاسبوع الجاي عندهم...
ياسمين بثقة أي بس هي مادقت لي!!!
نواف لاني كنت معها بالبيت ويوم قالت لي انها بتقول لك وانا قلت لها مايحتاج انا بمرك اقولك ,,
ياسمين بهمس وهي تناظر بعيونه أي بس انا مو مصدقتك؟
نواف بحدة هامسة نعم!!!!
يوم قلبت لهجته تراجعت وقالت بخوف خلاص عشر دقايق بلبس وبجيك؟
نواف قربها منه اكثر وقال لابسة مايحتاج تبدلين جيبي عبايتك وبس!!!
ياسمين قربت منه وقالت بهمس وهي خدها يلامس خده أي بس توك تقولي لاالبس قصير قدام احد؟؟
نواف وهو علومه ضايعة من قربها انتي لابسته لابسته مافرق عندك شي...يالله لاتاْخريني ترى وراي مشاوير؟؟؟
ماتدري ليش ماهي مصدقته بس اضطرت تمشي معه الوضع طبيعي وركبت تجيب عبايتها,,,
اول ماركبت حس انه قاعد يتنفس بقوة كبيرة ووقف بسرعة بيلحقها لغرفتها بس تراجع باخر لحظة ورجع مكانه...حس ان المكان مو ملائم ابدا..يمكن تجي امها باي لحظة’’
تنهد ورجع ينتظرها بمكانه وهو يتخيل شكلها بها الثوب القصير,,,
كانت راجعة هلكانة من محاضرة اليوم اللي تاْخرت وزودها عليها تاْخير السايق بعد...
حست انها تعبانة حييل وماودها بشي غير المخدة وبس!!!
كانت رايحة بافكارها لفواز والكلام اللي قاله لها بعد ماقالت ليه مايوقف اعمامه عند حدهم ويعيشون حياتهم بدون خوف من شي(انا ماقلت لك انهم بيسوون شي ولاهم قالوا بنبعدكم عن بعض ولابنسوي لكم شي..بس انا اقولك ها الشي من باب الاحتياط يامشاعل..ماابي يصير لك شي واكون انا بالواجهة ابي اعطيك كل شي يخوفني ونرتاح احنا الاثنين علشان ماتقولين اني خبيت عنك شي...بس انا فعلا احساسي يقول ان راشد ماهو تاركني وبيظل يلف ويدور علشان يضايقك ولايضايقني...بس حريمته هذا ماله حق عندي وحقه اخذه من زمان...وانا ابي امسك عليه شي كبير واروح فيها مو بس مجرد كلام وتخويف)
تنهدت بقوة...ياترى انتي اللي جبتيله وجع الراس يامشاعل ولا لو ماكنتي انتي كانت غيرك!!!
مشاعل محي الدين..ليه غيرت طريق البيت؟انا مو رايحة مكان واذا بتمر على احد بعدين انا تعبانة وبروح انام!!
محي الدين بخوف لا ماما مشاعل هذا في سيارة من يطلع من الجامعة وهو يمشي سوا سوا انا يخاف؟؟؟
مشاعل بخوف شنو؟؟؟
لفت للنافذة تشوف السياة اللي كانت تمشي جنب سيارتهم وقالت بخوف انت متاْكد انها لاحقتنا!!يعني قاصدتنا احنا!!
محي الدين أي ماما...هذا يسوي سرعة يخاف انا...
مشاعل بدت تبكي انا اللي خفت مو انت!!!
طلعت جوالها ودقت على عبدالله مقفل وتركي مارد وخالد مارد..قالت مالي الا فواز دقت عليه وهي تبكي...
بعد شويات رد عليها هلا ....فيك شي..
مشاعل وهي تبكي فواز انت مشغول؟
فواز يعني انا بالشركة....فيك شي صوتك ..تعبان ولايبكي؟
مشاعل وهي تبكي انا اسفة اذا ازعجتك بس انا خايفه انا بالطريق راجعة من الجامعة وفي سيارة تلحقنا من طلعنا واخواني ماردوا عليّ يوم دقيت لهم وابوي مو هنا وانا ميتة خوف قلت مالي الا ادق لك...
فواز بخوف شنو؟؟؟مضايقنك؟
مشاعل وهي تبكي فواز انا خايفة؟
فواز خلاص خلي السايق يكمل ولايوقف لو شصار طيب انا جايك اللحين...انتوا باي شارع اللحين؟
مشاعل مدري...
فواز قولي له يضل على الشارع الرئيسي ولايدخل شوارع فرعية...وينه جيبيه بكلمه...
تركي خل يعتبرها فركة اذن لين يعقل ويحل عن دربك وقبل كل شي يعتذر لك عن كل دقيقة فكر يضايقك فيها ولايزعلك وبعدين يصير خير؟
نوف سكتت وماقالت شي...
حست ان نظراته قاعدة تحرقها,,,شدت على عبايتها بقوة...
تركي وين مشاعل؟
نوف دقت قالت بتتاْخر محاضرتها شوي؟
تركي بهمس خوفي ان استاذ المحاضرة اللي هي حاضرتها بس فواز!!لان اذا هو مابترد؟
نوف ابتسمت له بخجل وقالت لا فواز اذا بيطلع يعطي عمي خبر...اكيد مو هو..
تركي ....
نوف ..
تركي تبين شي..
نوف لاسلامتك....
قام تركي بيطلع وتنفست الصعداءيوم سمعت صوت الباب يتسكر....شالت شيلتها وفتحت عبايتها وتنهدت بقوة,,,
ماحست الا وبيد فاتحة شعرها كله جمدت بمكانها وشهقت...
هذا كل اللي طلع منها...
تركي نزل لمستواها وهو كان وراها اصلا وقال بهمس باذنها احبك....هذا الشي اللي مقاوم نفسي اقوله من فترة طويلة يانوف...
غمضت عيونها تبي تجمع السالفة في بعض وبالموت قدرت توصل لحل اقنعها ان تركي يوم قام وسكر الباب ماطلع سكره ويمكن قفله بعد ورجع لها وهي ماانتبهت لانها مالفت له ولان تركي مو راعي ها الحركات علشان تخاف منه,,,,
حست بدقات قلبها تدق بقوة وانفاسها شبه انعدمت وماعادت قاوية تسوي أي شي,,,
تركي وهو يلعب بشعرها ويتنهد,,كان يهمس لها وكانه في احد ممكن يسمع كلامهم من زمان كان ودي اشوف شعرك والعب فيه....
من وانتي صغيرة..من تحجبتي عني ومنعتي عني كل شي,,,,,
نوف بصعوبة تركي قوم....اطلع برى.....
تنهد بقوة وتنهيدته حرقتها وهي مكانها...وماحست فيه الا وهو قايم من وراها وراكع عند رجلها وبعده يهمس لها اللي ماتعرفينه اني احبك موووت يانوف من زمان من وانتي صغيرة,,,,,
نوف تركي اطلع برى..مايجوز تشوفني كذا..اطلع وبنتفاهم بعدين!!
تركي تقرب منها وقال فتحي عيونك ابي اشوفها قبل لااقوم!
هزت راسها بالنفي وانها مابتفتح عيونها,,,
تركي بس انا مصر ابي اشوف عيونك...
نوف تركي انا بروح بيت سعود صدقني اذا...
قاطعها تنهده بقوة وتقرب منها وباسها بسرعة وقام وتركها مكانها اشبه بتمثال يحترق!!!
وصلوا البيت اللي كانت الحياة فيه شبه معدمة وحست ياسمين بالخوف...
مافيه احد اصلا !!!
هذا يكذب عليّ؟؟
دخلت الصالة ودخل وراها وحمد ربه انه ماطفى الانورا قبل لايطلع ولاانفضح قدامها اللحين,,,
ياسمين بحدة وينهم!!
اشر لها بساعته توها الساعة خمسة ونص!!قايل لك بيجونها الليلة مو العصر؟وبعدين هي اكيد بغرفتها تتجهز روحي لها...
سوى روحه بيمشي بعدين لف لها وقال وينك اذا بغيتي....ولااقولك خلاص...
ياسمين بشك نواف انت متاْكد لؤلؤة هني؟
نواف وين بتروح بالله وبيجونها صاحباتها؟
ياسمين طيب دق لها تنزل لي انا ماجبت جوالي!!
نواف انا طالع ومحد بالبيت صعدي لها فوق..غرفتها تدليها على مااعتقد وبعدين مافي الاغرفتها انوارها مفتوحة وصوتها يلعلع بتعرفينها...
وقفت مكانها ثواني وهي حاسة انه يكذب عليها بس ماهي قادرة تواجهه الخوف انه مايكذب وتكون سوت لنفسها سالفة بروحها سالفة خالد شاغلة تفكيرها ومو قادرة تفكر بشي ثاني وهي اللي كانت حاطة لخالد صورة مالها مثيل بس حطمها بكلمة وفعل سواهم!!
تنهدت وركبت الدرج وظل واقف يناظرها..راح لعند الباب وتطمنت يوم شافته بيطلع وكملت صعودها فوق..
بس نواف يوم يروح للباب راح يقفله مو علشان يطلع ياياسمين!!!
صعد وراها بسرعة وهو يتمنى تروح غرفته اللي كانت هي الوحيدة اللي انوارها شغالة وفعلا وقفت عند الباب ودقت دقتين وقالت بصوت هادي لؤلؤة...انا ياسمين..فيني ادخل....
ماسمعت أي جواب بس دخلت لانها قالت يمكن تكون بالحمام وبس دخلت دخل وراها نواف وقفل الباب ولفت له ووقف قلبها....
ياسمين بخوف نواف....وش عندك؟
كانت نظراته تدور على ثوبها وقال بهيجان فتحي عبايتك؟
حست بالخوف .....شكله وتصرفاته قاعدين يخوفونها,,,
بس ماحبت تبين له انها ضعيفة وانها خايفة لايستسهلها..
ياسمين اتركني اروح للؤلؤة...
ابتسم لها بخبث وقال لؤلؤة في بيت خالها وماكو غيري وغيرك هنا !!
ياسمين بنرفزة اتركني اطلع؟؟
كان متسند على الباب اللي قفله ويوم قالت له تبي تطلع شال المفتاح وحطه بجيب ثوب وراح لفراشه وشال شماغه وجزمته وتمدد وقال لها اذا تبينه تعالي اخذيه ومنو بيردك عاد ّّبس قبل شيلي عبايتك ابي اشوف ثوبك مرة ثانية؟؟
ياسمين طاح قلبها رسمي...نيته وبانت خلاص....بس انها تضعف لا..يمكن يكون لها امل لو كانت قوية وبينت له انها مو مهتمة بحركات المراهقة حقته؟
تقربت منه بهدوء وهي اصلا لو يمسكها تذوب من خوفها ووقفت قباله وقالت وهذا انا جيت اخذه؟
نواف وهو يناظر ماشاءالله قوية يابنت الناس ماتهابين!!
مدت يدها وقالت له عطني المفتاح؟
مسك يدها وقربها منه وباسها بنعومة وقفت شعر راسها وظل ماسكها بقوة وبيده الثانية شال شيلتها وسط اعتراضها وقام يفتح بعبايتها,,
ياسمين باعتراض انت شتسوي؟..
نواف بلهفة واضحة ولاشي بس ابي اتذكر شكل ثوبك؟فيها شي؟
يالله ابي تعليقاتكم بكل صراحة وش رفع وشنو نزل بالضبط هههه
اشوفكم بكرة يالغلا ولاتنسون تعليقاتكم الكريمة
****
***
**
*
مرحبتين كبار للحلوين,,,
بصراحة تمنيت اني اكتب لكم ببارت امس ان مافي اليوم بارت بس راحت عليّ(هههههه اشتغل عرق الشر عندها)
عموما بارت امس ماهو بخطورة وحماس بارت اليوم بس مايجي شي تحت بارت بكرة اللي انا متاْكدة انه بيعجبكم احلى من هذا ,,مابنقول شي لان بكرة مافي بارت بس تعالوا يوم السبت وشوفوه(طيب وليه تحكين اجل)
تسلمون حبايبي على تفاعلكم والله والله اني احبكم واموت فيكم بعد,,,
البارت الرابع والخمسين ,,,
بس وصلت سيارة فواز الشارع اللي كانت تمشي فيه سيارة مشاعل حست مشاعل بالهدوء والامان وبالخطر والخوف عليه بنفس الوقت...
وبس انتبهت ان السيارة اللي كانت جنبهم تمشي راحت عنهم بمجرد شافت سيارة فواز تنهدت بقوة,,,,,ياربي الحمدلله....
اشر لسايقها يوقف على جنب وهي قالت له يسمع كلام فواز ويوم وقفت سيارتهم وقف سيارته جنبهم ونزل بسرعة وجاها وفتح الباب اللي جنبه ودخل,,,
جلس جنبها وقال بخوف مشاعلي فيك شي؟
فواز محي الدين انزل شوي..
نزل السايق وبس نزل انفجرت تبكي ورمت نفسها على صدره وتنهد هو..
فواز فيك شي ..ضايقك بشي....
مشاعل من بين دموعها ليه لمى شافك انسحب.....تعرفه...
فواز تنهد وشال جواله من جيبه وهي بعدها تبكي على صدره وقال هذا راشد...مسوي انه اذا غير السيارة مابعرفه...
مشاعل علشان كذا من شافك راح!!
فواز بحنان حبيبتي انا اسف.....حقك عليّ!!
مشاعل انا خايفة يافواز..شوف الحظ اليوم نوف ماهي معي!!!
فواز توه بيتكلم بس راشدرد عليه بها اللحظة ومسوي انه رايق بس صوته فيه شوية ربكة...
راشد هلا بولد اخوي الغالي...
فواز بعصبية خوفت مشاعل وخلتها تبتعد عنه قسم بالله ياراشد اذا مشاعل شعرة منها بس تتضرر والله ماتشوف خير سمعتني!!
كان حاطه سبيكر وطلع صوت راشد اللي مبين انه خايف بس مسوي انه مايدري وش السالفة أي مشاعل؟وش السالفة؟
فواز بنفس العصبية سمعتني,,,اذا تكرر موقف اليوم وسويت لها شي يضايقها والله ماتلوم الا نفسك....اذا مفكر انك مغير سيارتك مابعرفك فاانت غلطان!!!اذا لك شي عندي روح المحكمة وهو بيجيك اما مشاعل مالك شغل فيها....
تنهد راشد وقال انت ماتناسبها يافواز؟
ناظرت مشاعل فيه بسرعة وجت بتتكلم بس الكلمة اللي قالها راشد وقفت لسانها وصدمتها بجد
راشد مشاعل هاذي وحدة اخلاقها مثل وجهها...كل الشباب يعرفونها ياولد الحلال...يعني بالعربي مخاوية غيرك عشرين وانت مسوي لها هيبة وحاسب لها حسابات بعد!!!
فواز بعصبية زلزت السيارة ووقفت دم مشاعل بتجيب بشرف مرتي ياراشد؟؟؟والله ان عدته وقلت شي مثله مرة ثانية بتروح ورى الشمس...فهمتني..ورى الشمس وتعرفني اذا قلت يعني اسوي,,,ومااتراجع؟
سكر السماعة بوجه راشد ولف لمشاعل اللي فتحتها مناحة وقالت تدافع عن نفسها أنا!!!انا اللي يتكلم عنها ها الحقير؟
فواز وهو يمسكها من يدها ويقربها منها انا قلت لك لازم تتحملين يالغلا لان بجد بتجيك ايام تسمعين وتشوفين من راشد بالذات اشياء ماممكن تتصورينها,,,,
وانا كنت ابيك تسمعين بنفسك اليوم علشان كذا حطيته سبيكر علشان تحكمين بنفسك...بتقوين تتكملين معي!!
وقفت بكي وقامت تناظره ,,,,حبه...واهتمامه وحنيته..وكل شي فيه..فوق كل شي عندها..حتى فوق ها اللي صار والكلام اللي سمعته...قالت بسرعة وانت ماراح تصدق فيني أي حكي يحكونه؟
فواز شد يدها بقوة وقال وليه اصدق وانا اشوفك غير عن ها الناس كلها يابنت الحربي....انتي هنا...انتي خلاص ملكتي هذا كله؟,,,وأشر على قلبه...
تنهدت وماقالت شي...
وقرب راسها من صدره وقال بهمس روقي خلاص....يالله روقي...يابعد طوايفي كلهم....انا احبك ومايهمني احد بها العالم واللي ابيه منك انك تحبيني وتنسين اللي عايشين بها الدنيا وهمهم يفرقونا؟؟؟
تقربت منه بهدوء وقلبها واقع اصلا بس قاعدة تدعي دور البراْة قدامه ووقفت قباله...
مدت يدها وقالت ببرود مايناسب وضعها نواف عطني مفتاح الغرفة؟
نواف اشر على جيبه اللي فوق وقال هنا..تبينه شيليه من هنا؟
رفعت عيونها تناظره...انصدمت يوم شافت نظرات كلها رغبة تتنقل بين كل مكان بجسمها بدون خجل ولاحيا...
لعنت الوقت اللي طلعت فيه ها الثوب ولبسته..والوقت اللي خلاها تصدق كلامه وتجي معه لهنا؟؟؟
نواف وهو يستحثها تتقرب قلت اذا تبينه تعالي اخذيه؟
ياسمين بجدية انت وش تبي؟
نواف مافهمت عليك؟
ياسمين بلى فهمت...خلنا نوصل لااتفاق....انت وش تبي مني!!
نواف وهو يتنهد بقوة كبير ة نشفت دمها اعتقد انك زوجتي وكل شي ابيه منك لازم اخذه؟
ياسمين وهي تبي تداري دمعتها لاتنزل وتدري اني من شفت مرتك بالمول امس حسيت اني موطايقتك وابيك تعتقني!!
ماتدري ليه جابت طاري مرته اللحين بالذات؟يمكن لانها عارفة انه دايم اذا جابت طاريها يتنرفز ويعصب فقالت ذي فرصة يغير رايه اذا في باله شي...ويمكن لانها كانت تشوفه اللحين بعيون انثى قاعدة تشوف فارس احلامها ينتظرها وتبي تبين غيرتها عليه من مرته القديمة وتقوله انها هي وبس اللي لازم تاخذه؟ولاعلشان تسمع منه كلمات رفضه القاطع لريم وها الشي بيريحها نسبيا على الاقل بها الفرصة والوضع,,,,,
نواف بهدوء ماتوقعته انتي علامك..من شفتيها امس قلبتي خلقتك ؟
ياسمين والحشرجة بصوتها ولاشي...
نواف مو صحيح....انتي من شفتيها تركتينا ومشيتي...قولي شعندك؟
ياسمين تبين تبين له غيرتها ماتدري ليه مافيني شي...عيلة وقلت بتقعدون مع بعض تتفاهمون انا وش يدخلني بالله!!انت وهي وولدكم؟ليش اصير الحشرية بينكم!!!
نواف سكري السيرة ياام عيلة وحشرية؟بنتكلم فيها بعدين..
ياسمين وهي في بالها..ياربي حتى سالفة ريم مانرفزته ولاضايقته ولاغيرت منه شي..وش اسوي اكيد مو بالعصبية والعناد لانه بيزيد...اي بس لقيتها مالي الا اخذه بالطيب والسياسة هم قالوا لي جاريه وسايسيه وبتوصلين للي تبينه لانه يكون هادي مثل الاطفال وانا مجربته من قبل وفعلا رضخ لي تماما,,,
تقربت منه وجلست بحضنه وهو فتح عيونه على وسعها ومدت يدها لجيبه اللي فيه المفتاح وصارت يدها على الجيب وقالت برواق أي نسكرها...خلنا نشوف شي ثاني نسويه...قوم ننزل تحت وش رايك ناكل لنا شي؟
ماتدري ياسمين انها بها القعدة بالذات وبها الوضع فجرت فيه باقي البراكين اللي ماانفجرت وضاعت علومه كلها...وهي اصلا بعد راحت فيها وحست انها قربت تشب فيها نيرانها ..ماتوقعت اصلا انها اذا قعدت عليه كذا بتجيها ها الاحاسيس وقررت تقوم بسرعة,,,
بس على مين على نواف اللي مسك يدها على صدره تبي تشيل المفتاح من جيبه وقال بلهفة وين بتروحين؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك