رواية منهو يصالحني عليك -1

رواية منهو يصالحني عليك

الكاتبه : ميمآ

روايه سعوديه جريئه ~{ مين يصآإلحنيْ عليك .. !

للكآتبه ميمآ ..

بسم آلله آلرحمن آلرحيم

لكل شخص هوآيته

ولكل شخص آبدآعه

ولكل شخص مآيتميز به

هذه المره الآولى آنشر مآ أسميه هوآيتي وأبدآعي ..

كتآبآتي الخجوله لآ تهوى الظهور

الإ روآيتي هذآ ببسآطتهآ ودت تكون هي الآولى ..

قآبله كل أنتقآد هآدف ومآغير ذلك لتدفع الآخريآت للظهور ..

منهو يصآلحني عليك !

" السآعه 5 صبآحآ "

بأحد آلآحيآء الراقيه فلتين تبعد الأولى عن الثآنيه مسافه قريبه ..

بدآخل كل فله حوسه & حوسه .. الكل يفطر ويلبس ويتجهز لدوآمه ..

" بالجآمعـــــــه "

جوري : يارب عدي هآلمحاضره على خير ..

رهف (بكل هدوء ناظرتهآ) : جوجو روقي

جوري : أنتي مآشفتي شلون تناظرني !!

ألهآم (قاطعتهم) : أنا قبلك كنت أعآني منهآ ولآ نسيتي الحرمآن اللي جآني بمادتهآ ؟؟

طنشتهآ وصآرت عآدي معي ..

جوري (هدت) : شكلي بسوي مثلك وأطنشهآ ..

رهف : زين تسوين .. يلآ قومو للكلآس المحاضره بتبدأ ,,

(قآمو وحضرو بعد ساعتين طلعو وآلأمور تمآم)

" عند البوآبـــــــه "

رهف : وينه السايق كنه تأخر

ألهآم : أكيد عند مدرسة عبودي

رهف : جوري مشت ؟

ألهآم : لآ دآخل تدور كتابهآ

(على طلعة جوري وصل السايق)

جوري : للحين مآمشيتو ؟

رهف : لسى واصل السايق .. تعالي معنا نوصلك

جوري : لآ ياقلبي كلمت أخوي

رهف وألهآم : أوكي باي وأنتبهي لنفسك ..

جوري : أوك .. باي .

(بالسياره شافو عبدالله أخو ألهآم وضحك وسوالف معه لين وصلو .. طبعآ بيوتهم جنب بعض)

خلونا نتعرف على عائلآت البنآت قبل نكمل ..

"عائلـــــــــــــــة ألهآم "

ألهآم : 21 سنه تدرس 3جآمعه ملآمحهآ ناعمه كثييير وطفوليه .. هي بنت الوحيده لآهلهآ طبعآ الدلوعه بالبيت ..

أم ألهآم : حبوبه وأي شي يطلبونه عيالهآ ماتقول لآ حتى لو هي رآفضه هآلشي ترضى فيه كله لرضآهم ..

أبو ألهآم : رجل أعمال ودآيم مشغول .. له حيآته الخآصه .. حيآة رجآل الأعمال ..

مشآري : عمره 22 يدرس سنه أخيره بجآمعه بريطآنيا .. جمآله نسبة عآآليه جدآ .. طويل .. وجسمه كله معضل ..

عبدالله : عمره 7 سنوات .. سنه أول أبتدائي .. دبدوب شوي .. عيونه دائريه وسودآء .. بشرته بيضا .. شفايفه حمرا .. شعره أسود وكثير و نآعم ..

"عآئلـــــــــة رهف"

رهف : 21 تدرس 3 جآمعه جميييله بمعنى الكلمه .. رقيقه جدآ وهآديه .. بنت خآلة ألهآم وقرآب كثير من بعض كآنهم خوات ..

أم رهف : هي وأم ألهآم خوآت .. ماتبآعد أختهآ بالصفآت والطبآيع .. < طبعآ خوآت

ضحى : مملوحه .. تدرس ثالث ثآنوي .. بحالهآ وتحب الهدؤء .. تفكيرهآ أكبر من عمرهآ وذكيه ..

خآلد : 23 سنه .. متخرج من الجآمعه قسم أدآرة أعمال .. ويشتغل مع رجآل خآلته بالشركه .. حبوب وطيب .. فلآوي ويحب الضحك .. بس وقت الجد جد .. بشرته سمرآء ملآمحه حآده جدآ على جمآل ..

فهد : عمره 27 .. ملآمحه عآديه .. جمآله عآدي .. شديد جدآ وقآسي بمعآملته مع البنآت ( بعذر التربيه ) متزوج ولكن علآقته مع زوجته متوتره جدآ ..

أبو رهف : ماذكرنآه لأنه متوفي .. ومآيعرفونه عيآله الإ فهد لأنه توفى وهم صغآر < الله يرحمه ..

"عائلــــــــــــــــــــــــة جوري "

جوري : 21 سنه تدرس 3 جآمعه .. ملآمحهآ حاده .. نسبة جمآلهآ عاليه .. تحب الضحك وآلأستهبآل .. أقرب صديقه لرهف وألهآم ..

أم جوري : جدآ مسآلمه وبحآلهآ وتطلب الستر بس .. وهمهآ عيالهآ وحيآتهم ..

أبو جوري : رجل متقاعد .. فآتح له محل مفروشآت يتسلى فيه .. مدلع بنآته على الأخر ومآيرفض لهم طلب ..

فآرس : عمره 22 .. يدرس سنه 4 بالجآمعه .. أنسآن حساس جدآ .. ورومنسي .. نسبة جمآله عاليه .. عيونه خضرآء .. أبتسآمته حلوه .. له غمآزآت .. دآيم رآيق ..

رذآذ : عمرهآ 5 سنوات .. عروسه صغيره .. تجنن .. دلوعه .. وفيهآ حقهآ ..

" يوم الآربعـــــــــاء .. في بيت ألهآم "

تيلفون البيت يرن ..

ألهآم : آلو ..

مشآري : آلو أهلين ..

ألهآم وهي تحآول تعرف الصوت : هلآ والله .. مشآري ؟

مشآري : أهلين ألهآم .. كيفك ؟

ألهآم : بخير الحمدلله .. أنت كيفك وش أخبارك يالقآطع ؟

مشآري : أنا عآل العآل

ألهآم : علمني وش تحس فيه وأنت قآطعنآ

مشآري: أمممم عشآن تشتآقون لي

ألهآم (بأسلوب جآف) : ههه أحلف

مشآري : ماأشتقتولي ؟؟

ألهآم : حرآم عليك وربي مآلك حق

مشآري : أممم طيب وين أمي؟ بالبيت ؟

ألهآم : أيه .. كلنآ بالبيت ليش؟

مشآري : نآديهم كلهم ..

ألهآم (مو فآهمه شي) : طيب (وبصوت عالي شق أذنه) : مااااااااااااامااااااااااا .. عبوووووووود ... بابا

جآت أمهآ بسرعه : خير خير وش فيك ؟؟

ألهآم : مشآري على الخط

أم ألهآم (بلهفه) : مشآري؟؟ ورآحت تأخذ السمآعه .. آلو وليدي شلونك ؟؟

مشآري : -------

أم ألهآم : آلو آلو .. قطع الخط ( وبدت تبكي )

(مشتاقه لولدهآ وهي عآرفه أنه صعب يتصل

ومن زمآن عن مشآري ماصدقت على الله يتصل .. بالأخير يقطع الخط مآكلمته )

ألهآم : هآتي أشوف .. آلو مشآري آلو ( فقدت آلأمل أنه يرد وقفلت الخط ورآحت تحضن أمهآ )

فجأه وهم غافلين جت يد وضمتهم بلهفه وششوق

---- : ليش الدموع الحين ممكن أفهم ؟؟

أم ألهآم وبنتهآ وقف الدم بعروقهم وبدهشه فضيعه لفو : خاااااااااااااااااااااااااااااالد؟؟؟!!!!

مشآري : أي مشآري

وبدو يضمون بعض ويسلمون على بعض ويبكون ويمسحون دموع بعض ( مشهد جدآ مؤثر )

"بعد ماقعدو وهدوا "

مشآري : الإ وين أبوي وعبود ؟؟

أم ألهآم : أبوك بالشركه عنده أجتماع .. وعبود نايم .. لو يدرون عن جيتك كآن تلقاهم هآلوقت بالصاله معنآ ..

ألهآم (بلقافه) : لآيحب يلعب بأعصابنآ ..

مشآري (يضحك) : قلت لك عشآن تشتاقون لي ..

ألهآم (وهي تستحقره) : لآ ويسوي نفسه أن الخط قطع بينآ .. مدري ليش أحسك متعمد ..

مشآري (ومازالت الضحكه على شفاته) : أي متعمد عشآن أدخل عليكم بعد أنقطاع آلأمل ..

( الكل ضحك )

أم ألهآم : أهم شي وصلت لنا سالم وبخير ..

مشآري (يضم أمه) : وأهم من كذا شوفة الضحكه على شفآتك ..

مع السواليف والضحك وآلأكل جآء وقت النوم والكل رآح لغرفته عشآن يرتآح ..

" صبآح اليوم الثآني (يوم الخميس ) "

مجتمعين بالصاله يفطرون ..

نزل مشآري وسلم على أبوه وعلى عبدالله اللي مآشافهم أمس وأخذتهم السوالف ..

بعدهآ رآح أبو ألهآم لدوآمه .. وآلأم أنشغلت بالمطبخ .. وعبدالله طلع يلعب بغرفته ..

بآقي ألهآم ومشآري ..

ألهآم : وش مشآريعك اليوم ؟

مشآري : والله زمآن عن الشباب بطلع معهم اليوم وبنفلهآ (بستهبآل ) تخآوي يالحبيب ؟

ألهآم (بعربجه) : والله شوف أنآ موآعد الربع بعد .. بس أذآ مره ملزم ممكن أني أصرفهم لعيونك

مشآري (شآت عليهآ المخده) : لآتفلينهآ وآجد

ألهآم (تضحك) : ليتني ولد

[ البآرت الثآنــــــيّ ]

"مشى الوقت وصآرت الساعه 4"

( في بيت ألهآم )

ألهآم (ماسكه الجوآل تكلم جوري) : جوجو وش رايك نطلع اليوم

جوري : أوكي .. لآني جد طفشآنه واليوم خميس

ألهآم : طيب وين نروح !

جوري : مدري أي مكآن ..

ألهآم : بتصل على رهف ونشوف وين نروح وأرد لك .. باي

جوري : أوكي باي

وأتصلت على رهف وأتفقو يطلعون لـ أي مجمع يتسوقون ..

"صآرت الساعه 7"

لبسو البنآت عبياتهم وأتصلت ألهآم بجوري عشآن تقولهآ ..

ألهآم : جوجو يلآ بنمرك ..

جوري : الحين؟؟

ألهآم : لآ شوي على مايوصل السايق ..

جوري : طيب بستأذن من أمي وبلبس عباتي ..

ألهآم : يعني نمرك؟

جوري : أي .. يلآ بآي .

ألهآم : بآي ..

طلعت رهف من بيتهم تمشي على رجليهآ لبيت خآلتهآ عشآن تنتظر السايق مع ألهآم ..

وصلت بيت ألهآم وقعدو يسولفون بالصآله ..

رهف : وين خآلتي بسلم عليهآ ..

ألهآم : مره مقطعتك صلة الرحم .. أرتآحي أمي مو هنآ ..

رهف (بغرور) : آحم من يومي وأنا واصله

"بهآلوقت دخل مشآري "

مشآري (وهو دآخل لآهي بجوآله يغني) : كذا من ربي حبيته بسرعه يوم لآقيــــــ رفع رآسه وسكت يالله وش هآلملآك اللي مع أختي بالصاله !!!!

البنآت لآهيات بالسوالف وما أنتبهو ..

قرب مشآري وبخطوات مسموعه ( هو قآصد عشآن ينتبهون لدخوله )

مشآري : آحم آحم

رهف أنتبهت ورمت الغطآ على وجههآ ..

ألهآم (وقفت مآشيه لمشآري) : هلآ مشآري

مشآري : السلآم عليكم

الكل : وعليكم السلآم

مشآري : شكلي جيت بوقت غلط سوري ..

ألهآم : لآ عآدي ..

ورجعو يمشون للدرج ..

مشآري (بفهآوه) : أقول ألهآم مين هذي !!

ألهآم (بلكاعه) : ليش تسال؟

مشآري (أنتبه لنفسه) : يوه منك خلآص مو لآزم تردين .. أنا طالع أغير .. تشاو ..

مشآري (بغرفته وقف قبال المرايآ) : أنا بحلم ولآ بعلم .. يالله مين هآلملآك اللي ببيتنا .. من جد روعه ..

طلع مشآري فوق وألهآم رجعت لرهف

رهف (بأرتباك) : هذا مشآري؟؟؟؟

ألهآم (بأبتسآمه عريضه) : أيوه مشآري

رهف (بدهشه) : هو مايدرس برا ؟؟

ألهآم (تقلدهآ) : رجع أمس

رهف : ولآ قلتي لي

ألهآم : يعني شي ضروري تعرفينه ؟؟

رهف : أحم لآ من قال (سمعت صوت السياره ) يلآ يلآ السايق وصل

طلعو .. مرو بيت جوري وأخذوهآ معهم ..

"بالسيـــــــــاره "

ألهآم : بس مآشفتي وجههآ من الربكه شلون صآر

جوري (ميته ضحك )

رهف : (تستحقرهم) : خلصتو ؟؟

ألهآم : لآبآقي شوي ( وتكمل ضحك )

جوري (تضحك) : وأخوك وش سوى ؟

ألهآم : أخوي طارت عيونه يقول وش هآلجنيه في بيتنا ( وتضحك )

رهف (بأنفعال) : أحلفي قال كذا ؟؟؟

جوري وألهآم : (ماتو ضحك)

جوري (تناظرهآ بطرف عين وتستهبل) : ليش يهمك رايه يعني؟؟

رهف (حست على نفسهآ) : لآ .. مايهمني لآ هو ولآ رايه

ألهآم : حدك عاد الآ أخوي

جوري : مالت عليك وعلى أخوك معك

جوري ورهف : ( يضحكون )

ألهآم (بدهشه) : الحقيره قلبت علي

وكملو ضحك وسوالف لين وصلو ..

نزلو المجمع وصآرو يتمشون وتسوقون طبعآ ماتخلى من ضحك جوري العالي وأستهبالهم وتعليقاتهم

كآنو طول ماهم يتمشون فيه عيون تلآحقهم ووين مادخلو دخلت وراهم وتتصيد كل شي يسوونه

بعد مادخلو الكافيه وقعدو

مع السوالف مرت من عندهم نفس هآلعيون التفتو البنآت وبأبتسآمه قآمو يسلمون ..

البنآت : هلآ والله بحرم فهد

نجلآء (بنفس شينه) : هلآ فيكم

جوري : تفضلي حياك

نجلآء : لآ مستعجله بس جيت أقول لرهف وألهآم بطلو حركات المراهقات اللي تسوونهآ ..

البنآت بدهشه : ؟؟؟

نجلآء: كلآمي مفهوم .. يلآ عن أذنكم ..

طلعت وتركت البنآت مصدومات وفوقهم علآمة أستفهآم كبيره ..

جوري (تتدارك الموقف وتبي تلطف الجو) : ياحليلهم.. تصدقون دايم الحريم اللي أزواجهم مشددين عليهم .. يصيرون مثل كذا

البنآت (ضحكو) : بسلآمتهآ ..

وكملو يومهم وكآن شي لم يكن

( لما صآرت الساعه 9:30 )

رهف : بنآت وش رايكم نطلع قبل الزحمه ..

جوري : حتى أنا أفضل كذا لآني ماأحب الزحمه والقلق وأنواع المغازل ..

ألهآم : على قولتكم .. خلوني أتصل بـ أشرف < السايق ..

وأتصلو بالسايق ورجعو كل وحده على بيتهآ ..

ألهآم قعدت شوي مع اهلهآ وأستأذنتهم وطلعت تنآم ..

رهف كملت سهرتهآ بالصاله على فلم أكشن كآنت تتابعه أختهآ ضحى ..

جوري رجعت البيت لقت كل أهلهآ مجتمعين وكملت السهره معهم ..

___________________

ببيت رهف وبعد سآعه من وصول رهف دخلت نجلآء بدون حتى ماتسلم قربت من رهف وصآرت تتكلم بصوت عالي ..

نجلآء : أنتي الى متى تمآشين هآلآشكآل ؟؟؟

رهف (تنآظرهآ ببرود) : مين تقصدين ؟

نجلآء : ألهآم وجوري مين غيرهم ..

ضحى كآنت مستغربه من كلآم نجلآء لأنهآ تعرف ألهآم وجوري ومآصآر بيوم منهم خطأ ..

رهف (وقفت) : أسمعي يآنجلآء ألهآم بنت خآلتي ومو أنتي اللي تقطعيني عنهآ وجوري بعد مثل ضحى لي يعني مثل أختي ولآ تفكرين بيوم أني أتركهآ ..

نجلآء : بس أنتي معهم ماتلآحظون تصرفآتكم ..

رهف : وش فيهآ تصرفآتنا؟؟!

نجلآء : مافيهآ شي بس شوفي يارهف أنا أحذرك أذآ بتكملون كذآ أنا رآح أقول لفهد وهو يتفآهم معكم ..

رهف بشده : سوي اللي تبين واللي ماتطولينه بيدك وآصليه برجلك .. حنآ وآثقين من أنفسنآ وأهلنآ بعد واثقين فينآ ومآيهمنآ أحد ..

نجلآء حست بقوة رهف وأنهآ مستحيل تخآف ناظرتهآ من فوق لتحت وطلعت غرفتهآ ..

ضحى : خير وش فيهآ نجلآء ؟؟

رهف : يعني مآتعرفينهآ من يومهآ معقده ..

ضحى : قآبلتوهآ بالمجمع ؟؟

رهف : أيه

ضحى : طيب أنتو مسوين شي ؟؟

رهف : لآ أبد بس يمكن تقصد ضحك جوري اللي كآن بصوت عالي ..

ضحى : آهآ . جوري من يومهآ كذا .. وماتكون قآصده شي .. على نياتهآ البنت ..

رهف : وش يفهمهآ ذي عاد ..

ضحى : طنشي بس ولآ كأنك سمعتي شي ..

رهف طلعت غرفتهآ وهي مكتومه من حركة نجلآء وحست أنهآ بتعلم فهد بس عشآن تقهرهآ ..

فكرت وفكرت .. وأخذت جوآلهآ تعلم ألهآم .. يمكن تهديهآ شوي .. لأن طاري فهد يربكهآ ويوترهآ ..

" يوم الجمعــــــــــــــــه "

صحت ألهآم الساعه 9

أخذت جوآلهآ 13 مكالمه و 5 رسآيل ..

ألهآم بتعجب : من مين ؟

فتحت الرسايل .. كآن كلهآ وينك ، ردي ، الهآاأم ردي ،

شافت الرقم (رهوفه) خافت يكون فيهآ شي .. أتصلت فيهآ ..

ألهآم : الو صباح الخير

رهف : هلآ صباح النور

ألهآم (بخوف) : رهوفه فيك شي

رهف (بنبرة جآفه) : بدري

ألهآم : أسفه ياقلبي بس كنت نايمه .. علميني وش فيك ؟

رهف : أوكي لما أصحى أعلمك ..

ألهآم : أنتي للحين مآنمتي ؟!

رهف : لآ

ألهآم : لهدرجه الموضوع مهم ..

رهف : يمكن عندي بس ..

ألهآم : أوكي نآمي أول ماتصحين عطيني خبر ..

رهف : أوكي بآي ..

ألهآم : باي ..

قآمت ألهآم وغسلت وفطرت وقعدت عند التلفزيون ..

صآرت الساعه 4 وصحت رهف ..

رهف (تفتح عيونهآ ببطئ) : يالله وش هآلنومه الغبيه ..

قآمت وغسلت وجلست تأكل وهي تفكر ..

رهف : ياربي أنا ليش قلت لـ ألهآم الصبح الحين أكيد على أعصابهآ ..

وأتصلت على ألهآم اللي كآنت مشغوله مع عبود ..

ألهآم : عبود هذي ثمآنيه أنت ماتشوف !!!!

عبود بأصرار : لآ هذي سبعه ..

ألهآم : هذا اللي بيفقع مرارتي عبووووووووووووود بلآ استهبال وحل الواجب يلآ ..

عبود غرقت عيون بالدموع : ليش تصرخين علي ..

ألهآم بنفس الشده : لآنك تستهبل وقت الدرس ..

عبدالله : أنا مااستهبال خآلد (خآلد صديق عبدالله بالمدرسه ) يقول أن هذي سبعه ..

ألهآم (بقلة صبر) : أوكي سمهآ اللي تبي ..

رن جوآلهآ ( المتصل رهوفه )

ألهآم : هلآ والله ..

رهف : أهلين ..

ألهآم : صح النوم كآن طولتي بعد شوي ..

رهف : ( تضحك) وش فيك وش فيك على هونك ..

ألهآم : رهف اخلصي وش فيك اليوم مو على بعضك ..

رهف : ألهآم شوي شوي وش هآلآنفعال ..

ألهآم : كنت مع عبود أذآكر له رفع ضغطي مو راضي يفهم ..

رهف بضحكه : ياحليله أرسليه لي أفهمه ..

ألهآم (وهي تنآظر عبود) : بيشيب برآسك ..

دخلت أم ألهآم : وش فيك على وليدي ..

عبود رآح بحضن أمه : مآما ألهآم تصرخ علي ..

ألهآم : أكيد بصرخ وأنت تسمي الثمآنيه سبعه ..

أم ألهآم : أيه من يومه قالبهآ كذا ليش ماتفهمينه بأسلوب وبهدؤء عشآن يفهم .. تعال حبيبي أنا أعلمك ( ورآحت مع عبود )

ألهآم : اوف اخيرآ رآح ( تذكرت أن رهف معهآ ع الخط ) أيوه رهف وش كنا نقول ؟

رهف ببرود : خلصتي أنتي وأخوك؟؟

ألهآم : (تضحك ) أيه خلصت .. أنتي خلصي وقولي وش عندك ..

( وقالت رهف لـ ألهآم السالفه )

ألهآم : هذي مريضه ؟؟

رهف بضحك : تقدرين تقولين كذا

ألهآم : الله يعينكم عليهآ

رهف بتعب : أمييييين

ألهآم : أوكي رهوفه أنا بقفل الحين اكلمك بعدين .. باي

رهف : أوكي .. باي .

(وقفت ألهآم وهي تفكر بكلآم رهف .. معقوله هذي؟؟ ياربي ليش تفكير نجلآء كذا .. أقول لآمي السالفه ؟؟ ايه أقولهآ ..

لآزم احط أمي بالصوره من الأول سبحأن الله لو يصير شي تكون عارفه ..

أممم لآلآ وش أقولهآ !! خلينا ساكتين احسن ..)

طلعت غرفتهآ ..

مر اليوم طبيعي مثل كل يوم

[ البآرت الثآلـــثّ ]

" يوم السبــــــــت "

بعد نهآية الدوآم واقف أشرف بوسط الشارع المقابل لمدرسة عبدالله عشآن يأخذه ويروح للبنآت بالجآمعه كألعاده ..

مع زحمة السيآرآت صآر تصآدم بين أكثر من سيآره ..

من بينهم سيآرة أشرف السآيق بس جت سليمه بدون مآيتأذى أحد ..

لكن صاحب السياره اللي صدمهآ كبر السالفه وصآر يصآرخ ولم الناس وملزم الآ يجي المرور ..

بهذا الوقت البنآت ( جوري وألهآم ) ينتظرون السياره بس تأخر هآلمره بزود عن كل مره .. وقررو يتصلون يشوفون وينه ..

ألهآم : يالله وينه مايرد

رهف : خلآص ألهآم لآتوتريني بدأ قلبي ينغزني

ألهآم : لآتزيديني بكلآمك هذا

جوري : هدو هدو ياجمآعه وش فيكم أكيد رآحت عليه نومه ولآ مع الزحمه تأخر والحين على وصول

ألهآم : الله يسمع منك .. ورجعت تحآول تتصل

( بعد عنآء رد )

ألهآم : الو أشرف خير أن شاء الله وينك عن الموبايل

(حكى لهآ أشرف اللي صاير )

ألهآم بأنفعال وخوف : كنت حاسه .. كلمت بابا ؟؟

أشرف : لسى

ألهآم : خلآص خلآص خلك مكآنك ورآح اكلمه أنا

قفلت ألهآم وهي تحكي للبنآت اللي صاير أتصلت بأبوهآ

ألهآم : الو بابا

أبو ألهآم وبكل هيبته : اهلن .. خير مو بالعاده .. صاير شي ؟

ألهآم : أيوه .. أشرف داعم بالسياره قدآم مدرسة عبود ..

أبو ألهآم : وأنتي وش عرفك ؟

ألهآم : لآنه تأخر علينا .. وأتصلت عليه علمني باللي صآر معه ..

أبو ألهآم (بخوف) : صآر لهم شي؟؟

ألهآم : لآ أشرف يكلمني عآدي ..

بو ألهآم : أوكي أنا أرسله وآحد من اللي عندي يشوف وش صاير .. ورآح أرسل لكم مشآري يأخذكم

ألهآم : أوكي .. شكرآ بابا .. وآسفه على آزعآجك .

أبو ألهآم : مع السلآمه

ألهآم : مع السلآمه

بهذا الوقت وصل فآرس أخو جوري .. قبل تروح لفت على البنآت عشآن يجون معهآ وتوصلهم ..

طبعآ مثل كل مره رفضو .. على أسآس بيجيهم مشآري بعد شوي ..

بعد محآولآت من جوري .. وافقو ورآحو معهآ ..

"بالسيـــــــــآره "

يتبع ,,,,

👇👇👇