رواية مجبورة فيك وحبيتك -12
رويدا بصراخ ودموعها على خدها : ريــــــــــــــــــــــــــــــــم هتـــــــــــــاف ولـــــــــيــــــــد تحرك حبيب أمه تحرك
طلعوا كلهم من غرفهم
أم وليد
أبو وليد
لمار
وليد
ريم
هتاف
قربوا ريم وهتاف وحظنوا رويدا
أما وليد فبتسم بفرحة
لمار وأم وليد وأبو وليد واقفين ومو فاهمين شيء
أم وليد : وشو اللي تحرك يا بنيتي
رويدا راحت أبتسامتها من هذا السؤال وعلطول ناظرت لوليد
أبو وليد بحدة : وشو اللي تحرك ؟
ريم وهي تفكر بقصه : أيه يبه هذي رويدا تحب ولد صديقتها........ وهو معاق وتحرك بس
لمار بشك : طيب وش دخل حبيب أمه ؟
ريم توهقت : هاه أيه أيه عشان صديقتها تحبه موت
هتاف همست لريم : يلعن أم الترقيع يا شيخة
ومسكت يد رويدا وريم ودخلوا غرفة رويدا
ريم وهي تلمس بطن رويدا : جد تحرك حبيب عمته
رويدا : أيه الحمدلله والله أني كنت أحسب أنه معاق
هتاف : فال الله ولا فالك يا ربي فديته حبيب عمته
رويدا وهي تبوس ريم مع خدها : تدرين أني أموت فيك على الترقيعه اللي تو
ريم وهي ترفع ياقه تيشرتها : أحم أحم عارفة أصلا من دوني ما تقدرون تسوون شيء
رويدا وهي تدف ريم على خفيف : مالت عليك
أنفتح الباب وكان خلفه
وليد
قرب وليد من رويدا وهو مبتسم : جد تحرك البيبي
رويدا بخوف : أيه
مد يده وليد يبغى يلمس بطن رويدا بس رويدا ضربت يده : أبعد ولدي ما يبغاك
وليد كشر : من زينك >> وطلع
هتاف : أيوة يا رويدا خليك قوية
رويدا أبتسمت
دخل أبو وليد
أبو وليد : رويدا
رويدا بخوف أنه يسألها عن بطنها ولا على تحرك : هلا عمي
أبو وليد : بكرا راح تروحوا للندن
رويدا براحة : طيب
وطلع أبو وليد
هتاف : رويدا بتروحي ؟
ريم : يووووووووووه راح نشتاقلك
رويدا : وأنا راح أشتاق لكم وأستهبالك والمقالب أكثر شيء راح أشتاقلها
ريم : بس مو تنسيننا
هتاف : يا ويلك
رويدا : لا تخافون أنتوا هنا ( وتأشر على قلبها ) ريم هتاف أنا أحببببببببكم
حظنت رويدا ريم وهتاف بحب
رويدا : يلا عاد تعالوا جهزوا معي أغراضي شريت كثير ملابس من هنا يبغى لي شنطتين
هتاف : شريتي ملابس للحمل
رويدا : أيه بس مو كثير
هتاف : أهم شيء شريتي أنا كل ما أروح للسوق راح أشتريلك وأرسلهم لبريطانيا
رويدا وهي تطلع ملابسها : شكرا هتو
وجلسوا يرتبون أغراض رويدا
يـــتــبع
في غرفة وليد
وليد : جهزي أغراضك حبيبتي بكرا رايحين للندن
لمار : طيب ... وليد رويدا حامل صح ؟؟
وليد : هاهـ أيه حامل
وقفت لمار بعصبية : وانا ما قلتلك لا تدخل عليها
وليد : حبيبتي انتي رويدا شككت بأني رجل فحبيت اوريها اني رجال بن رجال
لمار : لا والله وما لقيت غير انك تدخل عليها
وليد : لمار لا تصيري كذا حبيبتي ماكنت ادري انها راح تحمل
لمار : اففف ناد لي الخدامة عشان ترتب أغراضي
وليد وهو طالع : اوك
في غرفة رويدا
رويدا : اخخ تعبت
ريم : طيب البيبي ما تحرك مررة ثانية
رويدا : لااا ( وناظرت بطنها ) حبيب ماما يلا تحرك عشان ماما تفرح لان ماما تحبك
ريم بإستهزاء : لا إله الا الله الولد يسمعك
رويدا : إيه يسمعني انت وش دخلك بولدي
هتاف : اقول رويدا نامي حبيبتي عشان بكرا السفر من الصباح
رويدا : أنا خايفة على البيبي أنا أخاف من الطيارة عاد وشلون وانا حامل
هتاف : الله يعينك بس ان شاء الله وليد راح يصير معك
رويدا برتياح : إيه وهذا اللي مريحني
ريم وهي تسحب هتاف : يلا باي انتي نامي
وطلعوا اما رويدا فراحت لسريرها انسدحدت ولمست بطنها : حبيبي بكرا مسافرين راح نشوف صديقات امك شوق واميرة ومشاعل وليان وفيصل وناصر وعبد الله وراكان إيه وخاله وتين
تذكرت رويدا وتين وجلست تفكر ( وينك يا وتين وش غيرك علينا في يوم ولليلة اشتقتلك بس انتي عايشة بدنياك مع أصدقائك وناسيتني حتى ما قلتلك أني حامل اربع شهور ولا رفعتي السماعة ولا كلمتيني الله يهديك )
رجعت رويدا للواقع ورجعت لمست بطنها : حبيبي تعال اغنيلك اغنية عشان تنام يلا
وبدأت رويدا تغني بصوتها العذب اللي بجد يجنن :
لما الشمس تروّح ويجي بدلها نجوم
يبقى توقت أيه يبقى توقت النوم
نامي يا عصفورة ونام يا عصفور
ويلا بينا يلا يلا نطفي النور
ويلا بينا يلا ويلا نطفي النور
رويدا : يلا حبيبي الحين نام
ونامت رويدا
صباح يوم جديد
قامت رويدا بنشاط وهي تجهز اخر أغراضها لان طيارتهم الساعة 11 الصباح لبست عبايتها ونزلت تحت عشان تفطر شافت هتاف وريم يناظروا التي في >> التلفزيون
ولمار ووليد يفطرون وأم وليد وابو وليد بالصالة يسولفون
نزلت الدرج وراحت للطاولة وجلست جنب وليد من جهت اليسار ولمار من اليمين جلست رويدا وهي تحط في صحنها أصناف الفطور وبعدين جلست تأكل بهدوء وهي ما تكلمت الى الأن
وليد : جهزتي أغراضك رويدا ؟؟
رويدا : إيه
وليد قام وهو يقول : اجل طلعوا اغراضكم وركبوا السيارة
هزت رويدا راسها بطيب
اما لمار : حبيبي ولودي ناد الخدامة وخلها تنزل شنطي
وليد هز راسه بملل وطلع لغرفته
رويدا أفطرت وقامت وهي تنادي خدمتها تنزل الشنط سلمت على ام وليد وابو وليد وراحت لريم وهتاف : ما ودكم تسلمون علي قبل لا اروح
فزوا ريم وهتاف وحظنوا رويدا
رويدا : شوي شوي البيبي لا تموتوه
هتاف : لا حبيب عمته هذا ( وقربت هتاف وباست بطن رويدا )
ريم : اذا ولدتي علمينا
رويدا : ان شاء الله يلا بطلع باااي
الكل : الله معك
وطلعت رويدا وركبت السيارة وهي تنتظر وليد ولمار وبعدها طلعوا رويدا ولمار وركبوا السيارة وهم متوجهين للمطار
في لندن
في شقة البنات
كل البنات مجتمعات بالصالة يناظرون فلم البوب كورن موجود بصحن كبير وحولينه البايسن
شوق : بنات قلبي يدق بسرعة حاسة بيصير شيء
وقفت أميرة : واو وناسة عاد انتي قلبك اذا دق فأنه بيصير شيء حلو
مشاعل : أنا مالي خلق لأشياء حلوة ابد
ليان بحزن : بنات أشتقت للكويت
شوق : ليييش ما تروحين لها ؟؟
ليان : ما أبغى اترك دراستي
شوق : ومن قال تتركين دراستك بأيام الويك اند روحي
ليان : مدري افكر
وجلسوا يكملون الفلم
نرجع للسعودية
جالسة بطيارة وهي تربط حزامها وتكتم دمعاتها
ربطت احزامها وتسندت على الكرسي وغمضت عيونها ونزلت دموعها وهي تتذكر كلام وليد اللي الى الأن صداه بإذانها كان وليد يقول : رويدا انتي اركبي طيارة عادي وانا ولمار بالخاصة
راح وترك رويدا اللي خايفة على نفسها وعلى البيبي نادت المضيفة ودموعها تنزل : ( طبعا المحادثة بالإنقلش بس أنا راح أترجمها : المعذرة هل يمكنني ان اجري مكالمة هاتفية قبل اقلاع الطائرة
المظيفة : نعم سيدتي لكن اسرعي
طلعت رويدا جوالها ودورت بين الأرقام ولقت رقمها رقم الحنونة الغالية أمها اللي وليد رفض ان رويدا تروح وتودعها : الوو ماما
ام رويدا : هلا ماما وشفيه صوتك ؟؟
رويدا : مافيه شيء ماما أنا اتعب اذا كنت راكبة طيارة
ام رويدا : لا حبيبتي لا تخافي يمكن تتعبي شوي بس عادي ما راح يضر البيبي بس انتي سافرتي ليش ما ودعتيني يا ماما
رويدا انهارت على صوت أمها الحنون صارت تبغى تروح وتحظنها أمها اللي حملت فيها 9 اشهر اللي ربتها أمها اللي علمتها الصح والخطأ أمها اللي ياما دافعت عنها اذا أبوها ضربها رويدا حست بإحساس الأمومة وهي حامل وشلون اذا ولدت امها
رويدا وهي تبكي : أسفة ماما وليد رفض أجيم لأننا مستعجلين رتبنا اغراضنا أنا ولمار وطلعنا.....
قاطعتها المضيفة : سيدتي سوف تقلع الطائرة أغلقي الهاتف
رويدا : ماما يلا باي تبغى تقلع الطيارة ماما اذا صار شيء بموضوع بابا قولي لي ماما احبك
ام رويدا : باي حبيبتي وانتبهي لنفسك وانا احبك حبيبتي فمان الله
سكرت رويدا وبدأ الخوف يتسلل الى قلبها لما سمعت كابتن الطائرة يعلن اقلاع الطائرة لمست بطنها وغمضت عيونها وأقلعت الطائرة رجعت رويدا للواقع وهي تسمع المضيفة : سيدتي سيدتي
فتحت رويدا عيونها : نعم نعم
المضيفة : لقد أقلعت الطائرة هل انتي حامل ؟؟
رويدا : نعم
المضيفة : هل تريدي عصيراً او طعاماً ؟؟
رويدا : لا شكرًا
وغمضت عيونها ونامت
في طيارة وليد
وليد : تتوقعين يصير بالبيبي ورويدا شيء؟؟
لمار : مو أنت قلت انك ما تبغى البيبي
وليد : مدري مدري
نروح للندن
في شقة وتين
تكلم تركي
تركي : وتين ما شفتي هاجر من زمان ما شفتها؟؟ >> تذكرتوها البنت الكويتية اللي تحب تركي
وتين بغيرة : ما شفتها ولا أبغى أشوفها وإذا كنت تبغاها روح لها
تركي بعصبية : افففف منك وانتي تفسرين كل شيء على كيفك >> وسكر
وتين : تركي تركي ( اففف أنا غبية هو ما قال شيء )
في المطار
وصلت طيارة وليد وجلس ينتظر طيارة رويدا
في طيارة رويدا
قامت من نومها وهي تسمع صوت الكابتن يعلن وصولهم
ناظرت الحزام وشافت اثرها ما فكت الحزام أصلا يعني نامت والحزام عليها
ناظرت ساعتها اللي عليها توقيت لندن وشافت الساعة 10 بالليل نزلت من الطيارة ومعها شنطها شافت وليد واقف راحت له وهي مقررة انها تطنشه
وليد : هلا رويدا ما تعبتي ؟؟
رويدا : وش دخلك بسرعة ابغى اروح أنام بكرا وراني دوام
وليد : طيب يلا
وراحوا
رويدا راحت لغرفتها
ولمار ووليد ناموا بغرفة وليد
صــبــاح يوم جديد
أنتــهى البارت
التكملة في صفحة 158
توقعاتكم :
كيف راح يكون لقاء رويدا بشوق ؟
وشوق راح تسامحها ؟
أختفاء أبو رويدا ووينه ؟
شوق هل راح ترفض فيصل وصدق ما تحبه ؟
مين الغلطان تركي ولا وتين ؟
أنتظر توقعاتكم
البارت الجاي يوم الجمعة
أنتظروني
أحببببببببببببببببببكم
هلا حبايبي
جيت بالبارت سوري تأخرت
البارت 25
بعنوان :
الأمل في عيوني
قامت رويدا وأخذت شور سريع ولبست شافت شعرها القصير ووجهها اللي خف بياضه من تعب أخذت حجابها وطلعت من غرفتها راحت للمطبخ أخذت كوب حليب وطلعت للصالة شغلت التي في وجلست على الكنبة وجلست تشوف التي في وتشرب حليب
انفتح باب غرفة وليد
ناظرت رويدا الباب وشافت اللي فتحه لمار
ناظرتها رويدا من فوق لتحت وهي محتقرتها على لبسها
كانت لمار لابسة فستان نوم احمر الى نص الفخذ وبدون أكمام
لمار انتبهت لنظرات رويدا: وشو ؟؟ أعجبك جسمي
رويدا : أقول يا واثقة روحي بس ( ورفعت رويدا يدينها يعني نفس اللي تدعي ) يارب عافنا ولا تبتلينا يارب لا تسخط علينا
طنشتها لمار وراحت للحمام
وطلع وليد من الغرفة
وليد : رويدا قومي صلحي لي فطور
رويدا : لا أحلف أقول اذا كنت تبغى تفطر فسّر عن كمومك وأطبخ لك ولا لماروه الشيفة تصلح لك أنا وحدة حامل وماني فاضية لأشكالكم
وليد من بين سنونه : رويدا ترى طولتيها من زمان وأنا ما تكلمت وأقول راح تتعدل لكن ما ينفع معك اذا كان لسانك طويل ترى أقصه
رويدا : هذا اذا قدرت تقرب مني لا تحلم يا بابا مو مخليتك تقرب مني ولا خطوة
وليد : الله يلعن الساعة اللي تزوجتك
رويدا بستهزاء وقهر وغيرة : والله انت اللي جبت لنفسك اذا كنت ما عندك شخصية ومو رجال وخليت أبوك يتحكم فيك ويزوجك مجبور ترى بس الحريم اللي يتحكمون فيهم الرجال وما أظن انك حرمة
عصب وليد وقرب ومسك شعر رويدا : والله لو أنك مو حامل كان ضربتك ضرب ينسيك أسمك وأسم اللي جابوك رويدا تدرين شكثر أنا أكرهك كثر حوبي للمار ووللمعلومية أنا اموووت على لمار أكرهك رويدا ليش انتي ما تفهمين ازعلي اذلفي عني يعني نشبة
رويدا بقهر وصدق : بس اولد اترك لك البيت واللي فيه ممكن تترك شعري أبغى اروح للجامعة
وليد ترك شعر رويدا وهو منقهر من قوتها
اما رويدا رتبت شعرها ولبست حجابها وطلعت وركبت للسيارة وهي متجهه للجامعة وقلبها يدق من الخوف و الشوق
وصلت للجامعة نزلت وهي تشوف الكل يناظرها
تقدمت ودخلت مبنى الجامعه وراحت لمكان أجتماع قروبها قربت من مكانهم ووو.....
في جامعه اخرى
(( جامعه وتين وتركي ))
نزلت وتين من سيارتها الحمراء المكشوفة وهي متحجبه دخلت المبنى وشافت صديقتها لمى سلمت عليها وعيونها تدور على تركي شافت قروب تركي قربت منهم : أهلين شباب ما شفتوا تركي
فهد : تركي غايب ما جاء
وتين بقهر : اوك >> وراحت
طلع تركي من الغرفة اللي تخبى فيها لما شاف ان وتين جاية
متعب : الحين أبفهم مو انت تحبها ليش الحين تكرهها وتتخبى عنها
تركي : تصدق أنا بعد ما أعرف الجواب بس احس أني مليت منها أنا احبها بس مليت من حبنا اللي مافيه شيء جديد
فهد : طيب تزوجها ويصير فيه جديد ؟؟
تركي : لا حبيبي أنسى اتزوجها أنا واحد أبغى وحدة واثق فيها اذا وتين وهي تمشي معي تسولف مع الشباب وتضحك وشلون لما اتزوجها أكيد راح تخوني كل الحريم اللي يتزوجون من حب يصيرون كذا
متعب : اصابع أيديك نفس بعض ؟؟
تركي بإستغراب : لا أكيد
متعب : اجل الحريم مو نفس بعض ولا تظلم وتين وهي تحبك
تركي وهو يقوم : اقول لا تحلمون تاصل للزواج اصلا من قالكم أني بتزوج
فهد : وين رايح ؟؟
تركي : رايح لوتين أنا ما أقدر ازعلها >> وراح
متعب : الرجال مجنون ولا أيش تو يقول أحلموا أتزوجها والحين ما يقدر يزعلها ؟؟
فهد : تركي حالته صعبة ما يبغى يتزوجها عشان لا ينصدم فيها ولا يبغى يتخلى عنها بس تصدق أنا احس انه راح يتخلى عنها بس حرام أكيد وتين راح تتعب منه.
عند تركي ووتين
قرب تركي من وتين ولمى
تركي : وتين ممكن شوي ؟؟
فرحت وتين انه راح يعتذر منها وراحت معه : نعم وش تبغى >> تتغلى
تركي : آفا قلبي زعلان علي وش دعوى
وتين بتغلي : خل هاجر تنفعك
تركي : خلاص وتين انسي الموضوع
أبتسمت وتين وهي عارفة ان تركي مستحيل يقول أسف : اوك سامحتك يلا باي عندي محاظرة
تركي ببتسامة : باي قلبي
نرجع لرويدا في الجامعة
تقدمت ودخلت مبنى الجامعه وراحت لمكان أجتماع قروبها قربت من مكانهم ووقفت قدام قروبها وهي تشوف مشاعل وأميرة وشوق وليان وعبدالله وناصر وفيصل وراكان يسولفون ومندمجين
التفتت مشاعل وهي تشوف الناس وطاحت عينها على رويدا صرخت بأقوى ما عندها : رويـــــــــــــــــــــدا
التفتوا كل القروب للجهه اللي تناضر فيها مشاعل وأنصدموا بوجود رويدا ركضوا ليان واميرة ومشاعل وحظنوا رويدا اما الباقي فكانوا واقفين في مكانهم
بكت رويدا بحظن صديقاتها بكت من
المها
قهرها
اشتياقها
غيرتها
بعدوا صديقاتها وهم يمسحون دموعهم اللي نزلوا من اشتياقهم لها اربع شهور ما شافوها
اما رويدا فما زال الدموع على خدودها وهي تشوف شوق تجتنب تناظرها
قربت من شوق وفتحت يدينها ودموعها تنزل : ما تبغين تحظنيني تحظنين صديقتك اللي تعبت اللي راحت عشانها مظطرة لأنها تعبت تعبت من زوجها تعبت من حملها تعبت من الدنيا كلها سامحيني يا شوق وخلينا ننسى كل شيء نفتح صفحة جديدة أنا أحبك وربي وما نسيتك ولا دقيقة حتى ( وضحكت من بين دموعها وهي تلمس بطنها ) هههههه أنا حتى علمت ولدي أني أحبك وأنك مرررة طيبة وأنك راح تحبينه شوق تدرين ان وليد تزوج علي ( سكتوا فيصل وراكان وناصر واميرة وليان ومشاعل من الصدمة اما عبد الله فنزل راسه ) وكملت رويدا : تزوج لمار تزوج اكره إنسانة بالحياة لمار وراح صوت رويدا من البكي
قربت شوق وحظنت صديقتها توأم روحها وأطلقت لدموعها العنان ونزلت دموع شوق بشتياق وألم وسعادة وصارت تشد على رويدا ورويدا تبكي بقوة وشهقاتها تعلى
وتسامحوا اغلا الغالين >> اللي قريبين مني كثير ( شوق و رويدا )
وجوا اميرة وليان ومشاعل وشاركوا رويدا وشوق الحظن
وعادت الشلة وأجتمعوا الخمس بنات وهم يبكون اشتياق لهذا الحظن الغالي الحظن الذي لا يقدر بثمن حظن الصديق >> نزلت دموعي صديقاتي ليتنا نجتمع مرررة ثانية وأشوفكم
ابعدوا عن بعض وهم يشوفون الناس كلهم يشوفونهم
قربت رويدا من الشباب ومدت يدها لهم ودموعها الى الأن ما وقفت سلمت على راكان وفيصل وناصر ووصلت للإنسان اللي كانت نظراته كلها حب شوق ولهفة تكلم وهو مبتسم : الحمد لله على سلامتك اشتقنا لك
ناظرته رويدا ( اخخخخ يا عبدالله ليت قلبك مكان قلب وليد قلت لك أني احب وليد وما زلت تحبني وراح تضل تحبني بس راح ارجع له ولا لا ؟؟ ) مسحت دموعها : الله يسلمك
ولفت على البنات قربت منهم وهي مو مصدقة انها رجعت لهم : بنات أخباركم ؟؟
أميرة : قبل أخبرنا وكل شيء فيه سؤال أحس جسمي يعورني فلازم اعرف الجواب انتي متزوجة وليد !!؟؟
رويدا سكتت من صدمتها للسؤال وبعدين تذكرت هي وش قالت لهم ورتبكت وتوترت : ......آآاآآآآآآ............إيه ......... لا آ.....آآآ ..مدري
ليان بقلة صبر : إيه ولا لا ؟؟
رويدا ودموعها تعلن النزول : إيه أنا متزوجة وليد ( ونزلت دموعها ) وحامل من وليد وعايشة مع وليد وكاذبة عليكم مع وليد ( التفتت لشوق وعبد الله اللي كانوا جنب بعض ) اشرحولهم موقفي أنا رايحة للمحاظرة اشوفكم بعدين باي
مشاعل : باي ( وبسرعة ) الحين فهمونا وشلون اجتمعوا رويدا ووليد ؟؟ وليش ما قالت لنا ؟؟ وصدق تزوج لمار ولا لا ؟؟ وليش قالت لكم وحنا لا ؟؟ ووليد يحب رويدا ولا لا ؟؟ ورويدا تحبه ؟؟
شوق : أفّ عليك كل هذي اسئلة راح ارد بختصار على أسئلتك وبعدين اقص القصة اجتمعوا انهم تزوجوا وترى كلهم مجبورين ببعض
ما قالت لكم لأن وليد قال لها لا تعلمين
إيه تزوج لمار
وقالت لنا مدري بس يمكن ارتاحت لنا وترى مو لازم تعلم كل الناس ويمكن فكرت أنها بس تعلم شخصين او تفضفض لنا
هو ما يحب رويدا وهي تحبه
وووووه خلصت المهم القصة وما فيها ان رويدا تزوجت وليد وهي مجبورة من أبوها وبليلة الزواج ( وكملت القصة لكن بختصار )
ليان اللي بكت من ألم رويدا : يا قلبي عليها وكل هذا متحملته في قلبها
أميرة : والله ان رويدا ماهي بسهلة ما عمري لاحظت انها حزينة ولا عندها هم بس يا كرهيله وليد
مشاعل وهي مو معهم : تتوقعون وش لبست رويدا بزواجها فستان ابيض ولا لون غير ؟؟
التفتوا كلهم عليها انتبهت مشاعل : أقصد يا قلبي عليها
فيصل : صدق رويدا قوية وبطلة جد جد ما بينت لنا
راكان ساكت وما علق
وعبدالله بعد
ناصر : ممثلة وربي ما عمري حسيت ابد انهم حتى يقربون لبعد بس هذا وليد أنا أصلن من زمان ما مشى من هنا ( وأشر على بلعومه )
شوق : اقول فارقوا كل واحد لمحاظرته
راحوا كلهم أخذت أغراضها شوق ومشت تبغى تروح وقفها فيصل وهو يناديها :شوق شوق
شوق بزعل: هلا
فيصل قرب منها : ممكن أكلمك
شوق وافقت لأنها هي بعد تبغى تكلمه وتقول قرارها
فيصل : ممكن الحين أسئلك عن قرارك ؟؟
شوق بجد : فيصل انت كامل والكامل الله انت حلو وجميل وولد ناس ورجال شهم ورزه وراعي مواقف بس .................
نروح لمكان ثاني
.......: اعترف أحسن لك لا تحط راسك براس طويل العمر
......وهو يتلوى من الألم ......: والله مدري والله
.....وهو يرفسه ...: اقول تكلم وين حطيت ....
قطع عليه وصول شخص الكل يهابه : اسكت انت ( والتفت على اللي يتلوى من الألم ) وأنت ما راح تعترف ترى اللي يحط راسه براسي ما عاش تفهم ( والتفت على الرجال ) اضربوووه >> وطلع تارك المكان
نرجع لشوق
شوق بجد : فيصل انت كامل والكامل الله انت حلو وجميل وولد ناس ورجال شهم ورزه وراعي مواقف بس أنا أسفة ما أبغى اتزوج الحين توني صغيرة ( وتجمعت الدموع بعيونها هي تبغى فيصل بس توها صغيرة على الزواج وهي عارفة انها اذا تزوجته راح تتطلق بعد يومين لأنها مو قد المسؤولية فما حبت توقف حياة فيصل ) الله يوفقك مع غيري انت تستاهل كل خير
فيصل : أنا مالي الا غيرك وانت مالك الا غيري
شوق انقهرت انه يحدد مصيرها : وش دراك أني مالي الا غيرك يمكن أبغى اتزوج او أحب احد ثاني >> طبعا هي ما تحب أحد
فيصل وهو ياقف : خلاص فهمت انك تحبي أحد الله يوفقك مع ( وبغصة ) غيري >> وراح
شوق : فيصل فيصل ( وجسلت وهي تفكر بقرارها وبعدين راحت لللمحاظرة
اوك نقدم بالوقت شوي وتمر ساعتين
وتخلص محاظرات الكل
اول من طلع رويدا اتجهت للكفتريا عشان تأكل وتأّكل البيبي افطرت وطلعت اكلتها او خضارها المفضل اللي تقريبا صارت تتنسى فيه وما تأكل الا هو طبعا هذي الخضرة غالية علي كثير وانا أموت فيه اللي هي
الفلفل
طبعا مو أي فلفل بعد فلفل احمر وبدأت تأكل وهي مبسوطة طبعا ومعها عشر قارورات موية عشان حرارت الفلفل
دخلوا شوق واميرة ومشاعل وليان
جلسوا مع رويدا
ليان : رويدا حبيبتي وشفيج ؟؟ تاكلين هذا
رويدا : الوحام وما يسوي ولدي مشتهي فلفل
شوق : والله اشك ان ولدك راح يطلع هندي
الكل : هههههههههههههههههههههههههههههه
دخل وليد ومعه لمار وحل الصمت
قامت وحدة من البنات وقربت من وليد وعطته كــــــــــــــــــف
أنتـــهى البارت
سوري وربي أني أعرف أنه قصييير
بس وربي تعبت وأنا أكتبه
صار فيه حدث حلو مو
أعذروني بنات
يلا
توقعاتكم :
مين اللي عطت وليد كف ؟
مين الناس المجهولين ؟
وتركي هل راح يترك وتين ويتخلى عنها ؟
وفيصل ورفض شوق له ؟
أنتظر توقعاتكم
أحببببببببببببببببببببببببببكم
وسووري
هلا حبايبي
جيت بالبارت سوري على التأخير
مـبـروكـ للكويت
وللسعودية خيرها بغيرها أن شاء الله
مررة تحمست بالمباراة ولما خلصت المبارة جيتكم أركض
أشكر كلي أناقة وأميرتهم 22 على وقوفهم معي والله يكثر من أمثالكم >> حسيت أني عجوز هع
المهم مشكورين كلكم ولا خلا ولا عدم منك
حبيت أقولكم أن الرواية بقى لها كم بارت وتخلص يعني قربنا للنهاية
فأرجوا تكثرون الردود عشان النهاية تصير سعيدة
نبدأ بالبارت26:
بعنوان :
لهب النار
مشاعل وهي ترجف من العصبية : يا حـقـير تدري أنك أحقر أنســـــان شفته أنت نذل وكـ******* وحـ****** جاي أنت ووجهك قـدامـ رويــــــــــــــدا تستعرض بهلشيفة القبيحة مستانس فيها يعني ( والتفتت على لمار ) أنتي ********* رويدا أحسن منك بمليون مرررة يا بنت الـ******** روحي شوفي خشتك وبعدين تعالي رزيها ( ونزلت دموعها من قهرها وهي تناظر ولـيد ) أكرهـك يا وليد أكرهـك ( وضربته كف ثاني ومشت تاركته )
أما البنات فأخذوا شنطهم وطلعوا
ورويدا جمعت أغراضها وطلعت معهم وهي تبكي
أمــــــــــــا
ولـــيـد
فـكانت صـدمة
كل شيء صار بسرعة ما أستوعب اللي صار
الـكف
الـكلام
الـدموع
الـكف الثاني
التفت على لمار وشافها توزع أبتسامات
ناظرها وبهدوء : أضربيني كف أنا مو مستوعب
لمار ناظرته صدمة ومدت يدها وضربته كـف لا ينسى
أختلفت نظرة ولـيد
من
الهدوء والسكون
إلى
الشر والغضب
ترك لمار
وركض لبرى الكفتريا يدور على مشاعل ورويدا
وقف في نص الصالة
فـجــأة
ســــمـعوا
صوت
أنتشر في كل أرجاء الجامعة
سمعوه
اللي في الكفتريا
والحديقة
والمحاظرات
آآآآآآآآآآآآآآآآآآآآآآآآآآآآآآآآآآ
صــوت صــراخ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك