رواية كرهتك في لحظة وحبيتك العمر كله -11
ندى رجعت لطبيعتها وصرخت بأعلى صوت : الله يعينك يا ناادر
نهى: استحي يا بنت
ندى :ههههههههههههههههههههههههههههه اوك اوك
في بيت أبو فيصل
فيصل كان جالس في غرفتو معلي صوت الأغاني أعلى صوت وجالس على مكتبو يفكر ويدخن دق جوالو بنغمة تامر عاشور _ تسلم
فيصل بصوت كلو تعب : هلا
شهد بكل مياعة: هلا عمري كيفك حياتوو؟؟
فيصل تنهد من قلب : ااااه مدري ايش اقولك انا تعبت خلاص أحبها والله احبها نزلت منو دمعة دمعة فاقد الحنان دمعة ندم دمعة حب دمعة رجل غالية
شهد طفشت من الموآل حق كل يوم : شوف لو تبغاني اجيبها لين عندك انت بس تآمر بس مايهون عليا اشوف حبيبي متعذب
فيصل سكت شوية يفكر عارف انو ممكن يخرب بيت وعارف انو ممكن يفرق قلبين بس مافي اقوا من الشيطان
فيصل : موافق بس ايش راح تعملي
شهد ابتسمت بخبث انت بس اعطيني رقمها وخليها عليا
فيصل : اوك 05******
شهد : خلاص حبيبي انا راح أوريك فيها انت بس اجلس تفرج
فيصل جا بيتكلم قطع علي دق الباب بقوة ونغمة مميزة
فيصل : دقيقة بس بشوف اختي ايش تبغا وبكلمك وفتح لها الباب شافها واقفة وكاشخة استغرب
جنى : فصووووول ممكن توديني اروح أخذ ندوش ونروح على القاعة بليييز
فيصل يفكر : امممم طيب بس اللبس وراح أنزل
عند نهى
نهى : اسمعي انا راح أروح اول مع فواز عشان الزفة الي على البحر متأكدة ماراح تجي
ندى : يووه والله نفسي بس لازم اشوف القاعة أول جاهزة ولا لا
نهى بابتسامة : في الزواج ان شاءالله
ندى : أكيييييييييد ماراح افوتها بتكون اكبر في ليموزين
نهى ضحكت على هبال اختها الي راح تشتاقلها كثير بعد الزواج
في بيت أبو راشد
راشد : لالا مانقدر على الجمال هذا
دلال استحت : يسلموو حياتي
راشد بخبث :ايش رايك ماتروحي الملكة ونجلس انا وانتي مع بعض
دلال فتحت عيونها : نعم نعم مستحيييل حبيبي لمن ارجع مستحيل تبغا الكل يتكلم عني ...الخ كلام كثير وراشد ميت ضحك عليها
عند نادر
لبس وكشخ وتعطر ونزل وهو نازل أول ماشافتوامو جلست تزغرط
أم راشد: كلللللووووش الف الصلاة والسلام عليك يا حبيب الله محمد
نادر ابتسم وراح باس راس امو وأبو
أبو راشد : أخيرا رفعت راسي واخذت شهادتك وعرست والله انك كفو رجال
نادر حزت في خاطرو الكلمة : يبة يعني انا اول ما كنت رافع راسك
أبو راشد: للأسف انت نزلتو بس انتهينا وبدينا صفحة جديدة والحين انت رجال وعاقل وراكز
نادر ابتسم يجامل ابو ومشي كاره عمرو ومايفكر غير في الي بتعوضو عن دنيتو التعيسة
في سيارة فيصل
ندى : هااااااي جن جن
جنى : هااايو ندوشو
فيصل يضحك : والله عليكم القاب زي وجهكم
جنى : هيي هيي وايش دخلك انت
ندى : بكيييييييفنا مالك أي أي دخل
فيصل : خلاص خلاص كلمة انقالت وندمت اني قلتها
ندى وجنى :ههههههههههههههههههههههههههههههههه
فيصل : ايوا صح نسيتوني مبرووك ندوش عقبالك يارب
ندى استحت : الله يبارك بعمرك
جنى باستفزاز : ندوووش من متى نقول ندوووش
هنا ندى خلاص كان نفسها تقتل جنى فيصل : اقلدك ولا حرام اناديها ندوش
ندى : اخوي عادي يناديني ندوش صح فص فص
فيصل لف عليها وشوية ويكفخها : فص فص يفص راسك نصين في عينك فص فص قولي فصولي فوفو مو فص فص
جنى وندى ميتين ضحك :ههههههههههههههههههههههههه
فيصل : هين هين يا عود الند
ندى برطمت : لاحرام مايصير كذا
فيصل ابتسم بخبث : الا يصير ونص كمان
وكملو باقي الطريق على هذا الحال اما بالنسبة للبقية الكل حضر الزفة الي على البحر لين وصلو للقاعة نهى طلعت الغرفة تتصور وطبعو البنات عندها
رشا: يااااي شكلك مرة حلو
نهى : تسلمي ياعيوني عيونك الحلوة حتى انتي خياال
رشا كانت لابسة فستان موف قصير كت مخصر على جسمها يعني طالع خيال
دلال: مبروووووك يا احلى عروس والله الولد بيروح فيها اليوم
نهى استحت : خلااص يا بنت استحي
الكل ضحك على خجلها
جنى : لا صح صح حرام عليكم تحرجوها
نهى نطت : أول كلمة حق تقولها جنو
جنى عصبت : هيي ادافع عنك وتقولي لي كذا
رشا : يلا بنات ننزل بعد شوية راح يدخل نادر
البنات : اوك
نهى بخجل :رشا حبيبتي خليكي معاي الله يخليكي لاتتركيني
رشا ضحكت بخبث : ههههههههه صدقيني اخوي ماراح ياكلك وطلعت ..
وكملت نهى تصوير والبنات تحت رقص وجناااان
وقت الزفة بدأت تنزف على موسيقى هادية وقفت شوية بعدين دخل نادر سلم على راسها ومشيو لين وصلو الكوشة
نسيت اوصف فستان نهى كانت لابسة فستان أحمر ناااااعم وتسريحة بسيطة مرفوعة طالعة جنان بسمارها البرونزاجي .
والبنات كلهم صراخ وتصفيق وشي
جلسو شوية بعدين قامو يرقصو على أغنية مي سليم احلوت الأيام و طبعا هي ماشاءالله فناانة في الرقص اخذت راحتها وبالذات فستانها كان مرة ناعم ويساعد على الرقص والكل تجنن عليها وصارو يسمو عليها وبعد ماخلصوو طلعو هي ونادر غرفة لوحدهم فوق ياخذو راحتهم مع بعض
نهاية الجزء الواحد والعشرون من رواية كرهتك في لحظة وحبيتك العمر كله
الجزء الثاني والعشرون والقبل الأخير
يايمه حبيته يايمه حبيته قلبي تعلق فيه زفوني لبيته >>نغمة جوال سارة
ردت بكسل وهي نايمة :الووو
:الوو معليش على الازعاج هذا جوال سارة
سارة استغربت من الصوت :ايوا نعم
:معاكي شهد أنا كنت أعرف زوجك خالد
سارة انصدمت:.....
شهد:يكون بعلمك خالد كان يحبني ويعشقني وكل يوم يجي عندي الشقة بس أبو غصبو على انو يتزوجك بس ترا للحين يكلمني ولو تبغيني أثبتلك تعالي الشقة عندي بكرة الساعة 9 العنوان .....وقفلت على طول
سارة ماقدرت تمسك نفسها وجلست تبكي مستحيل خالد كدا بس مااقدر اعرف لو صادقة ولا كذابة غير لمن أروح بس صعب أروح عند وحدة مااعرفها .
الجهة الثانية دق فيصل على خالد وقالو نفس الكلام عشان يجي الشقة بس راح تنجح الخطة ولالا
عند بيت ياسر
سناء تلعب مع بنتها سندس دخل عليها ياسر جلس يتأملها وهيا مو حاسة عليه ويقول في نفسو حرام الي انا جالس أعملو في بنت الناس اعذبها واعذب نفسي معاها بس لمن يتذكر أنو كان يكلمها قبل لا يتزوجها يحس انها نجسة في نظرو >لاتستغربو هذا الي حاصل في الزمن هذا
ياسر بحدة :سناء ممكن تلبسي بنتك عشان بطلعها الملاهي
سناء استغربت : طيب وانا اللبس ولالا
ياسر : لا بخرج انا وبنتي لوحدنا مو محتاجين وحدة زيك
جرحها كلامو ايش قصدو بوحدة زيك راحت لبست سندس وماسكة دموعها
سندس :ماما ليش ماتخرجي معانا
سناء ماسكة نفسها : انا تعبانة شوية يمكن أروح عند أمي يومين طيب ماما
سندس ضمتها طيب وانا راجعة بقول لبابا يجيبلك دوا عشان تصيري طيبة
ضحكت سناء على براءة بنتها وودعتها وأول ماخرجو جلست على سريرها تذكر قبل لاتتزوج كيف كان ياسر معاها
رجعت بذكرياتها قبل 5 سنين
أم ناصر :سناااااااء خالتك اليوم جاية يلا قومي كل هذا نوم
سناء وفيها نوم :خالتي مين عندي مليون وحدة كل يوم وحدة تجي ماتخليني انام
أم ناصر شقهت :خالتك أم ياسر ياقليلة الحيا كذا تقولي عن خالاتك قومي
سناء من سمعت ياسر على طول قامت على الحمام الله يكرمكم
ونزلت صلت ولبست فستان قصير وردي فاتح وكعب أبيض وفتحت شعرها ونزلت تستقبل خالتها
راحت سلمت على خالتها وبنات خالتها وكان معاهم ياسر الي تطوع يوصلهم عشان يشوف حبيبت قلبو
ياسر : كيفك سناء .؟
سناء استحت ونزلت راسها :تمام تسلم وماشاف الا غبرة منها
بعدين وهم جالسين سناء راحت المطبخ عشان تعمل القهوة وهي تجهز دخل عليها ياسر
ياسر :ياقلبي أمووت على البنكي الناعم
سناء : ياسر بليز خلاص بعدين يشكو أنو في شي بيننا
ياسر :خلي الكل يعرف عادي مو أنا بخطبك قريب
سناء :بس ..ما أمداها تخلص كلامها الا هو محوطها من خصرها وأنفاسو قريبة مرة منها هنا تجمدتت ماعرفت ايش تعمل
ياسر :أحــبـكـ
سناء سااكتة مصدومة من حركة ياسر وهو على طول طلع
نرجع لزمن هذا
عند سارة بعد مادقت على خالد الساعة 8 وجوالو مقفل قالت أكيد في شي وقالت وراحت بسرعة لبست عبايتها وهي طالعة
أم ياسر : سارة على وين يابنتي
سارة : بروح عند خالد بعملو مفاجاءة وطلعت على طول
أم سارة الله يسعدكم
في بيت أبو فواز
نهى :مامي ابغا أروح الردسي عشان نادر بيجي اليوم وابغا أشتري صندل وكيك وكدا
أم فواز : خلاص مين بيروح معاكي
نهى : انا وندى ومنال
أم فواز : خلاص انتبهي لنفسك ولا تتأخري
نهى :ثانكس مامي
رااحت طيران قالت لندى الي كانت ناوية تدشر هي ومنال ونهى تروح تشتري الي تبغا
نهى لبست عبايتها كانت عادية بس ماسكة أخر الكم ولونو فوشي ومو عاملة مكياج
ندى عبايتها الطبقة الأولى لونها أحمر والي فوقها شفاف اسود ومكياج ناعم وروج أحمر صارخ
يسرى بحكم أنو أبوها شديد مرة عبايتها كانت الأكمام وااسعة وفيها زي الشريطة ولونها أسود وعاملة مكياج خفييف وروج فوشي
راحو ويسرى وندى كانو يمشو لوحدهم
ندى : وييييييييييي منووولي ألحقي شوفي هداك مرررة يجنن
يسرى : شكلو مو غريب عليا
ندى طالعتها بنص عين :اعترفي من وين تعرفي
يسرى :عن السخافة أظنو طلال صاحب فارس
ندى استغربت : ايش عرفك بصاحب فارس
يسرى تلخبطت : لابس دايما اشوفو معا ومرة تقابلنا في الأندلس وانا مع عمتي ليلى
ندى شكت بس سكتت
عند فارس
أبو خالد : انا كلمت الدكتور وكذا وان شاءالله بنسافر بعد اسبوع
فارس وهو خايف: بس اخاف ما ما....تنجح ال..عم..لية
أبو خالد : توكل على ربك والي ربك كاتبو راح يصير
فارس كان فرحان وفي نفس الوقت خايف وشايل هم
نهاية الجزء
الجزء الأخير من رواية كرهتك في لحظة وحبيتك العمر كله
سارة وصلت للعنوان وجربت حظها تدق على خالد بس للأسف جوالو مقفل نزلت بخوف وراحت للشقة أول مادقت الجرس جا فيصل من وراها وخدرها ودخلها الشقة
و للأسف عقول تدمر بيوت حب ينهي حياة
أين عقل الإنسان هنا مسألة شرف هنا الحياة ليست مجرد لعبة
ولكن البعض لايهتم
اخذو سارة وفسخو ملابسها وتركوها في السرير وبعدها بدقائق وصل خالد شاف جوالو كان مطفي مافي شحن ودخل وهو يملأوه الخوف من المنظر الذي سيراه
دق الجرس وفتحت له شهد ودلته لغرفة سارة
كان فيصل معها في نفس السرير دخل عليهم خالد وصرخ ساااااااااااارة
**خالد **
لم أصدق ما أراه ولاكن عيني تثبت ما رأيت لم اتمالك نفسي واخذت بضرب فيصل بكل طاقتي ولاكن سارة لاتتحرك لماذا لاتتحرك اقترب منها فرأها نائمة ضربتها ضرب من كل قوتي ضربتها ضرب انا تألمت منو ولبستها واخذتها
في السيارة
سارة :راااسي خالد
خالد بعصبية : اسكتي فضحتينا الله ياخذك يا حيوانة ياحقيرة يا......
سارة : خالد حياتي أحبـك وبعدها لم يسمع صوت لسارة جن جنونه أخذها لأقرب مستشفى
بعد أسبوع
سارة جسمها لم يتحمل المخدر ومع الضرب والموقف الي صار دخلت في غيبوبة
فارس ذهب الى كندا يجرب حظه في العملية
طلال تقدم الى يسرى ووافقت
ورامي بما أن يسرى ذهبت لغيره خطب غزل
في بيت أبو راشد
رشا كانت لابسة جينز برمودا >نص الساق وتي شيرت أخضر لركبة طالع شكلها كيووت
نزلت تدور على نادر عشان تبغا يوصلها العرب مول عند البنات عشان يشترو اغراض الزواج
راحت شافت المجلس مافي أحد وفي مفاتيح على جمب راحت وقفت قالت ناادر وينك قام سعود الي طلع يجيب جوالو وكان داخل ميزها كان يبغا يكلمها من زمان بس ماقدر على طول دخل
سعود : رشاا
رشا خافت : هل.لآآ سـ..عود
سعود انا ماقصدي شي غلط بس أنا حبيت أني أقولك أنا بخطبك وأتمنى توافقي
رشا : بس انا مااقدر اتزوج مستحيل لاا
سعود : اانا عارف وانا راضي ماابغا عيال أبغاكي انتي وبس هنا رشا استحت وقالت خلاص كلم اخوي وشوف
سعود طار من الفرحة ولا اراديا : أحــــــبـــك
رشا خلااص ماتت من الخجل وطلعت
في المطار
رجع سعيدا رجع أخيرا داس على أرض مملكته بعافيته وكما خلقه رب العالمين اتجه وحضن أخوه خالد
فارس يبكي : انا امشي ياخالد انا امشي
خالد كان فرحان لأخو : الحمدالله الحمدالله يارب
أبو خالد : يلا ياخالد أكيد اخوك يبغا يرتاح خلينا نرجع البيت
فارس: طلال تبغا ترجع البيت ولا تجي معانا
طلال :لو ماعليكم زود توصلوني بيتي
خالد : ماتبغانا نمر على بيت أبو ياسر أول وغمز لو
طلال ضحك وتنهد : يااااااااااااااريت
فارس : هانت بعد كلها كم يوم وتملكو
طلال : ان شاءالله
في بيت أبو خالد كان الكل مجتمع ينتظر وصول فارس
رنا : فواز دق شوف يمكن صار شي ليش تأخرو
فواز ضحك على حماسها : يابنت الحلال اهدي الحين بيجو
يوسف : ياشيخة كان رحتي المطار احسن
رنا : كان ودي بس خالد قالي لاتعملي أفلام هندية في المطار
دلال : ماكذب عارفك
هنا دخل فارس وابو خالد وخالد
الكل فرح والي بكي لمن شافو فارس يمشي راحو حضنو وتحمدو لو بالسلامة
بعدها بيومين كان في عزيمة في بيت الجد بمناسبة رجوع فارس
ندى ركبت بريسسز >تقويم و عقلت شوية بس لسه لسانها طويل
وكانت عاملة لون أورنج طقم مع فستانها الأورنج الصارخ وبوت أسود واكسسوارات أسود وأورنج و روج لونو زي الفستان وشعرها كيرلي
ندى : انا الحمدالله الوحييدة فيكم الي لسه عايشة حياتي وعزابية
منال : ياكلبة وين طيرتيني ترا لسه على قلبك
سعاد : وانا على معدتك
روان > اذكركم فيها اخت زوج ليلى بنت عم منال
روان : حرام أكلتو البنت
منال وانتي معانا عزابية يابنتي
روان بصراخ : ياااااااااااارب زوجني وريحني منكم
سعاد : احمدي ربك مو في وجهك كل يومين
رشا :هههههههههه وانتي الصادقة كل يوم
ليلى بابتسامة خبث :بنااااااااااااااااااااااااااااااااااااااااااااااا اااااااااااااات
الكل : ها ..نعم .هلا ...خير
ليلى : رشو انخطبت
الكل صار يباركلها
منال :يالخايسة من ورانا ولاتتكلمي
رشا استحت
عند الشباب
: الحمدالله على السلامة
فارس : الله يسلمك خالي محمد
سامي : كيف شعورك قبل والحين .؟
فارس سكت فترة بعدين رد بهدؤ و ابتسامة : مستحيل شي يوصف شعوري لا أول ولا الحين
راشد : يلا يافارس والمشي ومشيت متى الزواج ان شاءالله
فارس :هههههههههههههههه لمن تكون في عروسة
نادر : عندي لك وحدة
فارس استغرب : مين؟؟؟!!
نادر : اخت صديقي سعود
ياسر : مو رامي خطبها
نادر : هما ثنتين وحدة كبيرة والتانية 19 سنة
فارس : سعود ولد أخلاق وماينعاب وأكيد أهلو بيكونو نفس التربية .
سامي : ياقلبي الكل خطب واتزوج وانا لسه شكلي بعنس
الكل :ههههههههههههههههههههههههههههههههههههههههه
في المطبخ
ندى : سيتي يابنت الذيين وين القهوة الي قلتلك من ساعة تسويها
سيتي بخوف :معلييش مادام انا في روه >روح صلي
ندى : يالكذابة انا شوفتك مع السواق برا
فهد دخل عرض : وانا كمان شوفتك ويلعب بشعرك
الشغالة هنا انهارت وراحت تبكي
ندى وفهد سكتو شوية وطالعو في بعض ومااااااتو ضحك
ندى : مشكور ياولد العم ماتقصر
فهد : العفوو يا برتقالة
ندى بعفاشة : برتقالة تاكلك ان شاءالله
فهد : كيف برتقالة تاكلني انا اكلها مو هي تاكلني
ندى : يوووه دمك ثقيل
وجلسو ساعة يتضاربو
دخل مشاري : وه وه وه ياقليليين الأدب جالسين مع بعض ولا..
فهد : مشاري يشوف انا احبها وبخطبها لمن أكبر يعني حلالي عاتي
هنا ندى ومشاري انصدمووو
مشاري : كنت بقول ولا تعزموني بس غيرت رأي
ندى وجهها حمر وطلعت
مشاري بتعجب : من جدك تحب الولد هذي
فهد بحالمية : آآآه واموت فيها بعد
مررت الأيام والعائلات السعيدة بين أفراح وأحزن توفي الجد بعد فترة قصيرة ولاكن الجدة لحقته بعد مرور سنتين
وبعد 4 سنوات
نهى & نادر
تزوجو وخلفو بنت سموها منى عشان قريب من اسم امها وتخرجت نهى من الجامعة واشتغلت معيدة في الجامعة
نادر :تصدقين مااتخيل انو في يوم كنتي بتروحي لواحد غيري
نهى: انت لسه فاكر خلاص احمد ربك اني معاك
نادر من كل قلبو : الحمدالله بس تصدقي انا
كرهتك في لحظة وحبيتك العمر كله
سارة & خالد
خالد كان في طريقو للمسجد لمن دق جوالو برقم غريب
رد خالد باستغراب :الوو
المستشفى : الأخ خالد ال....
خالد : ايوا نعم مين معايا
: معاك المستشفى حبيت ابشرك سارة ال.. قامت
خالد مو مصدق بفرح : صدق بالله الحين جاي اصبر اصلي واجي الحمدالله الحمدالله لك يارب
في المستشفى
خالد راح عندها : سارة عيوني
سارة تبكي :والله اسفه انا ماغلطت سامحني ياقلبي
خالد :اوووش انا مسامحك من غير ماتقولي شي بس ياسارة انا تعذبت سنتين من غيرك حرام عليكي بس الصراحة انا
كرهتك في لحظة وحبيتك العمر كله
سارة : وانا بعد احبك بس سنتين ماكنت حاسة أيش صار حكيني
وخالد قالها كل شي حصل
سارة جلست تبكي :فاتني كل شي ماشوفت جدي وجدتي ماحضرت أي فرح
خالد بابتسامة :اهم شي قمتي بالسلامة وان شاءالله تحضري فرحك
سارة استحت : ان شاءالله
يا عاشقين اسمعوا .. قصة غرام احكموا
لا تظلموا الغريم ..
بالله عن تظلموا .. عاشقين ارحموا
الحب شي ٍ عظيم ..
يا ناس شوقي لهم .. يخصهم وحدهم
بي زود عشق الغرام ..
قلبي سكن عندهم .. واهتوي وصلهم
وما اقدر اعبر كلام ..
يا شوق قلبي شديد .. في ود منهو عنيد
يا كم تحمل هموم ..
صبري ابد ما يفيد .. يا من غلاكم اكيد
لا تلوم قلب محروم ..
سناء& ياسر
ياسر كان جالس يقرا جريدة وسناء توها قامت من النوم وفي سريرها تتأملو وهو هادي وتحس بألم تحس بالقهر على معاملتو لها
ياسر انتبه انها صاحية ابتسم اول ماشافها بعدين فجاءة قلب قالها بسرعة قومي بعد شوية الغدا
سناء جلست تبكي : حرام عليك يا ياسر ليش تعاملني كدا انا مقصرة معاك في شي ولا غلطت في شي والله احبك وربي شاهد
ياسر بحزن : انتي خنتيني
سناء استغربت : متى مستحيل ياسر انا احبك ومستحيل اخونك
ياسر بعصبية : والأمير النائم الي في المسن
سناء جلست فترة تحاول تستوعب بعدين تذكرت وماتت ضحك
ياسر : انا قلت شي يضحك !!!!!
سناء : هذاك اخوي جاسم
ياسر : طيب ايش الي يثبت لي
سناء مسكت جوالها وطلعت رقمو الي مخزنتو باسم الامير النائم ومسكت جوال ياسر ودقت منو وطلع رقم اخوها
ياسر كأنو احد كب موية باردة فوقو سكت لحظات يحاول يستوعب بعدين قالها والله اسف والله ماكان قصدي والله انتي اخلاق انا حيوان يوم شكيت فيكي
سناء تبكي بفرح : الحمدالله انك عرفت قبل لا يصير شي يخرب زواجنا
ياسر: سناء والله اسف بس تصدقي
كرهتك في لحظة وحبيتك العمر كله
سناء استحت : وانا اكتر حبيبي
فواز & رنا
كناري الحب عندهم ولدين تؤام والبنت في الطريق جاية
فواز : تصدقي كل مااتذكر وحنا بزارين لمن خطبتك انا تزوجتك عشان كرامتي بس انتي يادبه خليتيني أحبك
رنا : بس في فايدة من انو كرامتك تنداس
فواز : هههههههههههههههههههههه حرام عليكي بس تصدقي
كرهتك في لحظة و حبيتك العمر كله
رنا : وانا أمووت فيك يا قلبي
وهذه نهاية روايتي كرهتك في لحظة وحبيتك العمر كله
اعتذر للكل اني ماخلصتها بسرعة و ان شاءالله ليا عودة
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك