رواية مجبورة فيك وحبيتك -11
جالس هناك
بطلين من أبطالنا
تركي ووتين
تركي : وتين أنا احبك
وتين سكتت مستحية
تركي : يالبى المستحيين ..... وتين وش فيك الفترة اللي راحت ؟؟ أسف على التدخل بس جد أنصدمت منك
تغير وجهه وتين وراحت الأبتسامة اللي كانت مرسومة على وجهها وبكذب : سوري بس ماما وبابا شوي تزاعلوا
تركي بتفهم : لا أن شاء الله يتفاهموا انتي لا تضيقين صدرك حياتي
وتين : طيب حبيبي نعست يلا نطلع
تركي أبتسم : يلا
نرجع للسعودية
في المستشفى
الدكتورة : لازم تهتمين بنفسك الشهور الأولى من الشهور المتعبة عشان كذا أهتمي بنفسك زين ونامي وأنتي مرتاحة وكولي وأشرب الحليب ترى مرررة زين للحمل راح أعطيك هذا الكتاب وشوفي النصائح وأمشي فيهم زين
رويدا والدموع تجمعت بعيونها : طيب البيبي بخير
الدكتورة : إيه الحمد لله
طلعوا رويدا وهتاف من غرفة الدكتورة
هتاف : اسمعي كلام الدكتورة وأهتمي بنفسك
رويدا : أن شاء الله
هتاف : اذا جبتي بنت وش راح تسمينها ؟؟
رويدا : مدري ما فكرت بس احس حلو اسم امل او غلا
هتاف : لااااااا توقعتك تقولي اسميها هتاف
ضحكت رويدا لكن سرعان ما أختفت الأبتسامة ورسم على وجهها علامات الحزن والصدمة
هتاف : رودي وش فيك ؟؟
وناظرت هتاف لوين ما تناظر وشافت اكبر صدمة
وليد مع لمار
هتاف : هذي لمار ؟؟
هزت راسها رويدا ودموعها على خدها
هتاف سحبت رويدا وطلعوا
عند وليد ولمار
لمار : حبيبي متى تطلع التحاليل ؟
وليد : بس خمس دقائق وتطلع
لمار بخبث : ما تفكر تطلق رويدا
وليد : مدري أفكر
النيرس : انتوا هذا نتيجة تحليل ( ومدت لهم ظرف )
فتحه وليد وشاف النتيجة متطابقة
لمار : واو أشوى
وليد أبتسم : الحمد لله يلا روحي تجهزي حبيبتي عشان الليلة ليلتنا بعد الملكة راح يجمعنا سقف واحد
لمار بدلع : هههههههه حبيبي بس لا تنسى ترسلي كوفيرة اوك راح يعجبك فستاني تشااو حوبي
وليد تنهد : الله يصبرني لليل
وراح للقصر
في القصر
في غرفة رويدا
هتاف : لازم تحظرين الملكة وتكونين قوية وتسوين نفسك مبسووطة أولي >> قوي >> مررة
رويدا بتفكير : طيب وش البس الفستان اللي ارسله وليد خرب وش ألبس ؟؟
هتاف : سهلة تعالي معي لدولابك أكيد عندك ملابس حلوة
وراحت هتاف لدولاب رويدا وطلعت لها فستان الى تحت الركبة لونه أسود ماسك الجسم ومفتوح من عند الصدر ماله أكمام
هتاف : واو هذا راقي ألبسيه والحين تجي الكوفيرة وتسوي لك ميك أب وشعرك خليه ستريت وتطلعين راقية وكشخة
رويدا : اوك راح ألبسه
انفتح الباب بقوة وبعربجية طبعا من اللي فتحه
ريم
رويدا : يا حمارة هبلتيني ما تعرفين تفتحين الباب بنعومة بأنوثة
ريم : اقول بلا نعومة بلا هم الكوفيرة جت وأمي تحت تحوس والخدمات كأنهم نمل الله يعين
هتاف : رودي بسرعة ترى شوي يأذن المغرب
ولا تخافين مو جايين كثير بس صحبات ماما وخالاتي حتى بنات خالاتي مو جايين
رويدا : اوك نادي الكوفيره
دخلت الكوفيره غرفة رويدا : لك شو قمر كيفك يا عسل ؟؟
رويدا ببتسامة : الحمد لله وانتي ؟؟
الكوفيره : منيحة يلا نبدأ
رويدا : اوك سوي لي ميك أب ناعم وشعري سويه ستريت
الكوفيرة : لك تؤمري أمر راح أخليك ملكة الحفلة
وبدأت الكوفيرة بالشغل
رويدا وكأنها تذكرت شيء: هتو ممكن جوالك ؟؟
ريم : لييش؟؟
رويدا : الظاهر قلت هتاف ما قلت ريم بس راح أشبع فضولك وأقولك انه بكلم صديقتي اللي في لندن
هتاف : وليش ما تكلمينها من جوالك ؟؟
رويدا : مافيه رصيد
هتاف تمد لها الجوال : خوذي بس مو تطولين ويخلص رصيدي
رويدا : هههههههه طيب
كتبت رويدا رقم شوق ودقت عليها
شوق : الوو
رويدا تجمعت الدموع بعيونها لما سمعت صوتها : هلا شوقا أنا رويدا أخبارك وحشتيني
سكتت شوقا وهي منصدمة : باي رويدا
رويدا : شوقا سامحني لو تدرين .......
قاطعتها شوق : باي باي رويدا
رويدا ودموعها تنزل : شوق لا تضغطيني شوق وليد اليوم راح يتزوج لمار
سكتت شوق وسكرت الخط بهدوء
وإنفتح الباب ودخل عبد الله : هلا شوق أخبارك ؟؟
شوق : وليد راح يتزوج لمار اليووم
عبد الله سكت شوي بعدين بفرح : طلق رويدا
شوق : فال الله ولا فالك يا دلخ
عبد الله يحك راسه : إيه والله أني دلخ
شوق : توك تدري يلا انقلع أبغى اقعد لوحدي
عبد الله وهو يتجهه للباب : باي
طلع عبد الله
وأنفتح الباب من جديد
فيصل : شوق
شوق التفتت وناظرته وأبتسمت بحب : لبيه
فيصل بجد : شوق بصراحة اما افكر لما أخطبك
شوق سكتت مستحية
فيصل : يالبى المستحين ..... راح أخليك تفكرين راح أطلع باي
شوق : باي
شوق (( الله يصلحك يا فيصل ما جيت تعلمني الى اليوم الحين أفكر فيك ولا في رويدا الله يعين ))
في أرض السعودية
بعد ساعتين
في قصر أبو وليد
الصالة ممتلئة بالحريم الكبار والصالة المقابلة موجود فيهم كم بنت ومنهم هتاف وريم
نزلت رويدا من الدرج لابسة الفستان الفوشيا الماسك على جسمها وشعرها القصير من جهه قصير ومن جهه طويل لونه البني ستريت ووجهها وبياضها الطبيعي على عيونها الضل الأسود وبلشر وردي وروج فوشيا ساطع كانت ملكة جمال وكل من شافها قال ( ما شاء الله ، الله يحفظها ، ملكة جمال ، بنت مين ، اخطبيها ، ليتي ما زوجت وليدي عشان ازوجه هذي )
دخلت صالة الحريم بمشيتها الراقية وثقت نفسها وبدأت تسلم على الحريم
بالباب الخلفي
لمار تكلم وليد بالجوال : وليد أنا بالباب الخلفي قول لوحدة من خواتك تجي تساعدني أنا مخلصة لابسة كل شيء بس اطلع
وليد : طيب يلا جتك اختي الصغيرة ريم
لمار : اوك يلا
سكر وليد وكلم ريم وقالها تروح للباب الخلفي
راحت ريم الباب الخلفي وفتحت للمار دخلت لمار وطبعا ولأول مررة لمار لابسة عباية طبعا مو من نفسها وليد أصر عليها تلبس فكت حجابها وريم اول ما شافت وجهها كشرت كانت كابه كل الميك أب على وجهها
ريم وهي مكشرة : وعععع مو مكياج بوية >> صبغة
لمار بدلع : أف انتي وش دراكي عن الميك أب
ريم : بسرعة أخلصي علينا عشان تطلعين للحريم >> وطلعت
اما لمار فجلست تجهز نفسها
عند الحريم
ام وليد وهي مستحية : هذي رويدا زوجة وليد الأولى
تجمعت الدموع بعيون رويدا وهي تشوف الناس تتغير نظراتهم من الإنبهار الى الرحمة وبعضهم الحقد وبعضهم الإستحقار وبعضهم الإنبهار بقوة رويدا وأنها جاية تحظر ملكة زوجها وبدأ الحريم يتساسرون بينهم
طلعت رويدا من صالة الحريم بإنزعاج وراحت لصالة البنات سلمت على البنات وجلست جنب هتاف
هتاف : ترى جت لماروه
رويدا : طيب
وكملوا سوالف
بعد ساعة
وقفت ام وليد : ابشركم توها وقعت العروس وملكوا
سكتت رويدا وهي الحين متأكدة ان اللي يصير مو حلم حقيقة وان وليد صار لغيرها من لها لحالها نزلت منها دمعة بهدوء لكن بسرعة مسحتها قبل لا ينتبه احد لكن على مين انتبهت هتاف وقربت منها وهمست : خليك قوية
ام وليد : والحين راح يدخل الزوج والزوجة
طفوا النور وتسلط نور على اول المنصة وانفتح الباب وخرج منه وليد ولمار وهنا نزلت دموع رويدا وهي بين الحظور طبعا من دون عباية وصلوا لأخر المنصة وقف وليد قدام لمار وباس جبينها وجلسوا تقدموا الحريم بعباياتهم يسلمون عليهم ويباركون لهم لما ابتعدوا جيش الحريم قربوا هتاف وريم وسلموا على وليد وعلى لمار بس عشان الناس جاء وقت رويدا تجي تسلم وتبارك صعدت رويدا المنصة برشاقتها وجمالها تقدمت لوليد وهي تحبس دمعاتها وترسم على وجهها ابتسامة مصطنعة قربت من وليد ومدت يدها : مبروك وليد منك المال ومنها العيال
وراحت للمار وسلمت عليها : مبروك لمار
ووقفت جنب هتاف
قربت هتاف من رويدا وهمست : عجبتيني هذي رويدا القوية ولا بلاش
لبسوا الشبكة واستأذنوا وليد ولمار وصعدوا لغرفهم
اما رويدا فصعدت لغرفتها
وهتاف جلست مع الحريم
في غرفة العروسين
لمار ووليد جالسين على طرف السرير
طبعا لمار فاسخة الحيا
لمار : وليد أقولك شيء بس ما تزعل
وليد بهيام : قولي يا بعدي
لمار : ماما ما عندها قضية ولا شيء بس أنا حبيت اكذب عليك عشان تتزوجني
وقف وليد بعصبية : لماار يعني كل هذا كذب
لمار : إيه >> شين وقوة عين
وليد : لما تعرفين خطأك وتعتذرين قوليلي وطلع من الغرفة
وهو متجه لغرفة
رويدا
فتح الباب شاف رويدا جالسة على السرير وتقرأ كتاب >>> طبعا وشو الكتاب كتاب نصائح الحمل
اول ما شافت وليد ارتجفت ودخلت الكتاب تحت الوسادة
وليد ناظرها بحدة : وش تقرين ؟؟
ارتجفت رويدا : اقرأ ااااا اقرأ كتاب خاص بالحريم ما يصلح تقراه
سكت وليد وجلس على الكنبة
استغلت رويدا الفرصة وقربت من وليد وجلست جنبه وقالت : وليد أنا حـــــــــــــامـــــل
أنا حـــــــــــــامـــــل
أنا حـــــــــــــامـــــل
أنـــتـهى البارت
توقعاتكم :
ردة فعل وليد ؟
وليد راح يزعل من لمار جد ولا لا ؟
شوق وهل راح توافق على فيصل ؟
وهل راح تسامح رويدا ؟
توقعاتكم
وتفاعلكم
فديتكم
وأنتظروني بالبارت الـ 23
مع
أحـــــــداث شيقة
أنتظروني
أحبببببببببببببببببببببكم
هلا حبايبي
يالبى التفاعل
سوري على التأخير
راح أنزل بارت
بس سووري قصير
لأني عدته
بس أن شاء الله البارت الجاي أطول
نبدأ
البارت الـ23
بعنوان :
أتركني لوحدي أداري همومي
رويدا : وليد أنا حامل
أنا حامل
أنا حامل
أنا حامل
سكت وليد لثواني
ووقف وهو معصب ناظرني وبعصبية : أيــــــــــش حــــامل يا بنت الـ ************* يا حقيرة ( وراح للشماعة وأخذ عباية رويدا ) ألبسي عبايتك بـــسرعة ننزل الولد والله أذا عرف أبوي راح يخليني أطلق لمار تسمعين يلا ألبسي
وقفت رويدا بخوف ماتبغى تنزل البيبي الأول وهو اللي باقي لها : لاااااااااااااااا الله يخليك وليد لاااااااا البيبي أنا أربيه أنا أصرف عليه أنا أصير له الأم والأب والجد والجدة أصير له الأخو والأخت لا تحرمني منه أنت روح للمار ما أبغى شيء ولا أبغى ليلة لي وليلة لها صير كل الليالي لها بس يظل البيبي أنا أقول لأبوك أنا أقوله أني راضية أنك تبقى مع لمار بس تكفى يظل البيبي ( ونزلت دموعها ) حرمتني من كل شيء وأغلى شيء حرمتني منه هو أمـــــــــــــــــــي وكل شيء أبتعد عني أمي وتين شوق وأنت , مـيــن بقى ( وصرخت ) مــــيـــــــــن ؟؟ ( ونزلت على الأرض تبكي )
وقف وليد منصدم من ردة فعلها لهدرجة متعلقة بالبيبي قرر الإنسحاب ومراجعة الموضوع مررة ثــانية
وطلع من الغرفة وهو متجهه لغرفة لـمـار
في المستشفى
شوق وهي تطلع مع البوابة ومعها كل صحباتها
أميرة : ورجعت قوش
شوق :ههههههه أيه
ميشو وهي تمشي بالعكازة لأن رجلها مكسورة : بنـات يلا للشقة تراني تعبانة حدي
ليان : أوك حبيبتي الحين نروح ..( ومشوا للشقة القريبة من المستشفى )... بنــات شوفوا هذا الريال اللي يخبل
شوق : هذا ذوقك الخايس أجل هذا حلو شعره أشقر وشفايفة حمر أستغفر الله يشبه مهند والله أن شباب الخليج أحـــــــسن بمليون مرررة من هلأجانب وأحـــسن من مهند اللي البنات منجنين عليه
ليان : حدج مليغة كيفي لج كيفي عايبني أنتي وشتبين
شوق طنشتها
ووصلوا للشقة وكل وحدة راحت لغرفتها ونامت
ألا
شوق
في غرفة شوق
( ياربي يا رويدا وربي أني أحاتيك يا قلبي عليك ويا كرهي لوليد الكريييييه أففففففف كذا أكرهه من الله خليني أنام بس )
ونامت
في غرفة لمار
دخل وليد وهو يشوف لمار جالسة على السرير ولابسة فستان نوم غير محتشم
كانت لابسة ثوب نوم لونه أبيض ماله أكمام وياصل الى نص الفخذ
ناظرها وليد وهو منجن على شكلها بس حاول أنه يكابر
وراح للدولاب يطلع بجامة له
أستغلت لمار الفرصة وقربت من وليد وحظنته من الخلف وبهمس :ما يصلح تخلي حبيبتك لحالها بأول ليلة مو أنت تحبني وأنا أحبك لــيش نخلي المشاكل وبعدين أنا ما سويت كذا الا عشان يجمعنا بيت واحد أنا وأنت مو
التفت وليد لها وهو ما يقدر يقاوم : لمار أنا أحبك بس لـيش تكذبـ...............
قاطعته لمار وهي تحط أصبعها على فمه : لا تخلي المشاكل بيننا
وبعدت أصبعها لمار وطبعت بوسة على شفات ولـيد
وووووووووو
مشفر *_^
صــبــاح يوم جديد
يتــبع
فتحت عيونها رويدا وهي منسدحة على الارض وماسكة بطنها وقفت بألم في ظهرها من النوم على الأرض وقفت قدام المرايا وهي تلمس وجهها وتشوف نفسها صفراء وعيونها منتفخة من كثر البكي تذكرت انها امس ما أكلت شيء بس اكلت الغدا ناظرت بطنها ودموعها تنزل : أسفة حبيبي ما أكلتك امس نسيتك تدري ليش ؟؟ ( وشهقت ) لان امس تزوج أبوك وأمس أبوك ما يبغاك بس لا تخاف حبيبي امك تبغاك وعمتك هتاف تبغاك وعمتك ريم تبغاك لا تخاف طيب يلا نروح عشان أفطرك
دخلت الحمام >> الله يكرمكم وغسلت وجهها وفرشت ولبست تنورة هاي وست سوداء وبلوزة بيضاء وتركت شعرها القصير وحطت بلشر وقلوس ومخفي العيوب حول عيونها عشان ما يبين انها باكية
نزلت من الدرج وشافت كل العائلة مجتمعة وومنهم وليد ولمار
شافوها
أبو وليد : هلا رويدا حياك يا بنيتي
رويدا : هلا عمي رايحة أفطر وأجي
توجهت للمطبخ وجلست تفطر ورجعت بعد دقائق للصالة وهي معها كوب حليب جلست جنب هتاف وقدام لمار ووليد اللي جالسين جنب بعض
ام وليد : أخبارك حبيبتي ؟؟
رويدا وهي تناظر كوبها : الحمد الله وانتي مامي ؟
ام وليد : يا فديت هلمامي من لسانك الحمد لله يا بنيتي اليوم راح يجي الدكتور ويفك الجبس
رويدا أبتسمت : مبروك مامي
ام وليد : الله يبارك فيك
ابو وليد : يا وليدي مو رايحين شهر عسل ؟؟
ناظرت رويدا وليد وهي تنتظر إجابته
وليد : لا يبه بنجلس عندكم
هنا رويدا تنهدت
ابو وليد : طيب والدراسة ؟؟
وليد : أنا كلمت الإدارة وقلت لهم اننا أنا ورويدا ولمار مو مداومين اربع اشهر وبعدين يا يبه قالوا انه عادي اهم شيء نحظر الإمتحانات
ناظرته رويدا بعين قوية : ومين قالك اني بجلس هنا ؟؟
ابو وليد : بتروحين يا بنيتي ؟؟
رويدا وهي تناظر كوبها : لا بس ليش ما سئلني ؟؟
ام وليد : إيه يا وليدي ليش ما سئلتها ؟؟
وليد : نسيت
رويدا وهي تاقف : لو سمحت مررة ثانية لا تنسى لأني ما أقدر أتحمل غبائك >> وطلعت بسرعة
عم الهدوء وهم منصدمين من رويدا اللي كانت ضعيفة اما هتاف وريم فبتسموا بنصر
ومرت الأيام يوم ورا يوم ورا يوم
ومرت أربع أشهر
راح أقولكم كل بطل وأيش صار له
نبدأ
برويدا : كبر بطنها ووضح بس الى الأن مخبية الموضوع واذا سئلها احد عن كبر بطنها تخبره انها سمنت صارت رويدا بشهر الخامس تهتم بالبيبي كثير وتحبه ومستغربة انه الى الأن ما تحرك مع انه كل الحريم الحوامل يتحرك البيبي بالشهر الخامس صارت قوية بس لازم تنهار قدام وليد اذا طلب منها تنزل البيبي وخاصتا انها تعلقت فيه ما تشوف وليد كثير واذا شافته أقنعها بتنزيل البيبي وانهارت رويدا وبس
وليد : مهتم بلمار وحبها بجنون يحاول يقنع رويدا بتنزيل البيبي طول الشهور فرحان انه راح يصير ابو بس ما يبغى البيبي من رويدا وبس
شوق : تحاتي رويدا كل ليلة ما تنام زين بس اللي سوته رويدا بحقها مو شوية ما تفكر بسالفة الخطبة أبد ودايم فيصل يسئلها وتقواه انها ما قررت ما خبرت أحد بسالفة الخطبة وصارت تفكر كثييير
فيصل : طول الشهور يسأل شوق عن رأيها وشوق ترد عليه انها ما قررت صار يشك ان شوق ما تحبه وما تبغاه وما ينام الليل من هذي الفكرة وكمل الدراسة ببيرطانيا
عبد الله : يحاتي رويدا خايف لا يكلم رويدا وتصده عشان كذا ولا مررة جربها معجب بثاقفت ليان وشخصيتها صح وكمل الدراسة ببيرطانيا
ناصر : فال الدنيا ورجة ودجة مبسوط مع أميره لان اميره تقريبا مثل تفكيره وإستهباله وكمل الدراسة ببيرطانيا
راكان : رجع بعد الإختفاء بس مو راكان الأول رجع راكان الهادي اللي ما يتكلم يبكي كل ليله وهو يشوف صور وتين ما شاف وتين ابد من يوم هم بالمستشفى وكمل الدراسة ببيرطانيا
اميره : نفس ناصر عايشه حيتها فله ورجة وإستهبال وشعرها (( فلها وربك يحلها )) مستغربة من شوق ومن كثر تفكير شوق بس فالتها
ليان : تقرأ كتب كثير وروايات معجبة بتفكير عبد الله وانه من الرجال المتفتحين مو المتخلفين صارت من البنات المثقفات وقريبا راح تعطي درس بالجامعه تجريب
مشاعل : تفتحت شوي مع البنات والشباب بس ما زالت مشاعل المملة اللي ما تتكلم كثير الا نادرا تستهبل بس بأوقات يعني بإختصار مزاجية
وتين : عايشة حياتها مع تركي وكل يوم حبها يكبر ويكبر تفكر براكان بس مو كثير
تركي : شوي كارهه وتين بس شوي مع انه يحبها بس دخل بالحب شوي كرهه
لمار : منزعجة من هتاف وريم ورويدا وكارهه بيت اهل وليد تطلب من وليد دايم انهم يروجوا لبريطانيا بس وليد يرفض
ريم : ريم مبسوطة من رويدا وهتاف لانهم صاروا كلهم مع بعض يسوون مقالب للمار تعرف ان رويدا حامل ومبسوطة أوي >> قوي
هتاف : توأم روح رويدا صارت تحب رويدا بجنون وتحب البيبي مهتمة برويدا وتخاف عليها من الهواء
في بيت ابو وليد
رويدا : طيب وش تبغون نسوي اليوم مقلب
ريم : أنا عندي فكره لمار اليوم راح تطلع وحمام هتاف المغسلة جنبها الدش فحمام هتاف ضاربة فيوزاته فإذا شغلتي المغسلة أشتغل الدش وترطبت لمار وخرب الميك أب حقها والتسريحة والفستان
هتاف : لبى اختي هذي الأفكار ولا بلاش
رويدا برحمة : مدري أحسها قوية
ريم : لا قوية ولا شيء بسرعة تلقين الحين لمار مخلصة
هتاف : يلا أنا رايحة انتوا أمشوا معي بس لا تدخلون الحمام
وطلعوا من غرفة رويدا شافوا لمار راقية الدرج وهي مسوية ميك أب وتسريحة ولابسة فستان
ركضت لها هتاف : لمار حبيبتي يا قلبي تعالي حمامي المغسلة حقتي خربانة وجربت ريم ورويدا وما قدروا يفتحونها تعالي جربي
لمار : طيب وين ولودي ؟؟
هتاف كشرت من دلعها : مو موجود بليز لمار
لمار : طيب
وراحوا دخلت هتاف ولمار للحمام ورويدا وريم برا الحمام
فتحت لمار المغسلة وانفتح الدش وترطبت لمار بالكامل مكياجها خرب وشعرها خرب ولبسها صار رطب
طلعت هتاف تركض لغرفت رويدا وريم تلحقها اما رويدا صارت تركض على خفيف عشانها حامل
وقفها صوت
بعصبية : رويدا
أنتهى البارت
توقعاتكم :
مين اللي صرخ بأسم رويدا ؟
البارت الجاي بكرا أن شاء الله وبحاول قد ما أقدر أخليه طويل
هلا حبايبي
أخباركمـ" أن شاء الله بخير
حبايبي اللي قال أنه ما عجبه البارت أنا أحترم رأي كل شخص
واللي قال أن الرواية سخيفة ومدري أيش أعيد وأكرر أني أحترم رأي كل شخص
بس بنات أرجوكم ألا الإساءة لي أنا أحترمكم أحترموني
واللي قالت أني بزر أنا عمري 17 ما أعتقد أن هذا العمر صغير
وأشكر كل اللي من ساندني من البنات واللي جاملني وقال أنه البارت مو قصير
وأنــا أكرر أعتذاري عن البارت اللي فات
جيت بالبارت مو طويل ولا قصير وسط
عندي طلب خاص بعد ما تقرون البارت
روحوا لأمهاكم وبوسي راسهم وقولوا : الله لا يحرمني منك يالغالية
لا تنسون
البارت الـ 24
بعنوان :
حبيب أمه
بعصبية : رويــــدا
التفتت رويدا وشهقت : ولــيد
والتفتت رويدا وهي تناظر لمار تطلع من الحمام
وليد قرب منها ومسك شعرها : يا بزر يعني أنقهرتي عشاني تزوجت لمار وأحبها أيه أحبها وأكرهك ولا راح أحبك
تجمعت الدموع بعيون رويدا ناظرته : مشكور ما تقصر عادي يجي منك أكثر
وليد بقهر : لااااااا أنا رحمتك صراحة أن شفتك مقربة من لمار يا ويلك
رويدا بقوة : من زينها ومن زينك أقول أنقلع عني أذا تحبها أرسلي ورقة طلاقي وو (سكتت رويدا وهي تتسوعب الكلمة اللي قالتها لا وليد تكفى لا تطلقني يووووه وشلون طلعت من أفمي (
وليد : أطلقك ياليييييييت بس مين أبوي اللي يوافق
رويدا : ممكن تترك شعري تراني أكرهك وأكره حتى قربك ( وقصرت صوتها ) وتنزيل ماني منزلة البيبي وأعلا ما بخيلك أركبه ( وفكت يد وليد والتفتت وهي تشوف هتاف وريم واقفات عند باب الغرفة أبتسمت رويدا تطمنهم أنها ما فيها شيء ودخلت غرفتها وقفلت الباب (
أنسدحت على السرير وهي تبكي
وفجأة حست بـ
نروح لأراضي لندن
عند شوق
جالسة بغرفتها
رن جوالها شافته فيصل
شوق : الوو
فيصل : هلا شوق
شوق : أهلين
فيصل : ما قررتي
شوق : باي فيصل قلتلك أني ما أفكر الحين عقلي منشغل بشيء ثاني أذا فضى قررت
فيصل : تراك طفشتيني كل شوي ما قررت ما قررت تراني ما أطلبك الجنة
شوق : لا تعال أظربني بعد وش بقى باي فيصل >> وسكرت
عند فيصل :
وهو يناظر الجوال ( وش غيرك علينا بس صدق أنا زودتها أقول أطلع مع ناصر أحسن (
عند وتين
في شقتها
نايمة
رن جوالها ردت بدون لا تشوف الرقم : الوو هلا
...........: وتـين
عدلت جلستها : راكــــــــان
راكان : أيه راكان اللي يعشقك اللي شراك وأنتي بعتيه
وتين ودموعها تجمعت : أنساني راكان أنا ما أستاهلك روح ودورلك البنت اللي تستاهلك وتحبك
راكان : لا ما أقدر راكان يعشق بنت وحده اللي هي وتــين
وتين سكرت الخط
وبكت على راكان حبها اللي يتعذب الحين
وبكت لين نامت
نرجع لأرض السعودية
عند رويدا
وفجأة حست بـ
بالبيبي يتحرك
فزت ودموعها على خدها وسجدت لرب العالمين شكر
ووقفت من جديد وطلعت من الغرفة وهي تصرخ وتبكي من الفرحة
رويدا بصراخ ودموعها على خدها : ريــــــــــــــــــــــــــــــــم هتـــــــــــــاف ولـــــــــيــــــــد تحرك حبيب أمه تحرك
طلعوا كلهم من غرفهم
أم وليد
أبو وليد
لمار
وليد
ريم
هتاف
قربوا ريم وهتاف وحظنوا رويدا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك