رواية بعد فرقاك بهوى غيرك وانساك -10
ساره مالاحظت حركة ريناد:مين قال محمد بيروح؟
مرام:اكييد"وطالعت ريناد الي تطالعهم هي واختها"رنود وش فيك كذا تطالعينا؟
ساره توها تلاحظها:اهاا من جبنا طاري حموود جات نطت هناا
ساره+مرام:ههههههههههههه
ريناد تصرف:وجع مالت عليكم شفتكم تسولفون قلت اجي اشارككم ..
مرام:عليييييييناا ..
ريناد وقفت:اصلن انا الغلطانه الي جايه بونسكم وانتم ماتستااهلوون"وجات بتروح"..
مرام:رنود نمزح وش فيك"رجعت ريناد وهي تضحك وقعدت معاهم"..
ساره بهدوء هالمرهـ:ريناد كلنا ندري انو انتي ومحمد تحبون بعض من كنتوو صغار يعني ماله داعي تستحين من طاريه..
ريناد ماتت حيا من كلامها:لاء والله .. ومين قال اني احب اخوك؟
مرام:بااين بعيوونك ياريناد لاتخبي عليناا..
قامت ريناد ووجهها محممر وراحت قعدت مع ملاك ولينا تركوها مرام وساره تروح لأنها انحرجت...
ساره:ياحليلها تستحي..
مرام:حالتها نفس حالة محمد لمن نجيب طاريهاا..
ساره:القلووب عند بعض"وقامو يضحكون"
طالعتهم الجده:مرام سوير وجع وش هالاصواات؟
مرام وهي تطالع ريناد:لاء بس تذكرنا شي ضحكناا..
ساره تأشر على ريناد الي حمممرت وسار وجهها طمااطم وتتوعد فيهم بداخلهاا..
ملاك:لنو فهمتي شي؟
لينا:علمي علمك..
ملاك:قومي نتمشى بالحووش مليت هنا
لينا وقفت ووقفت معاها ملاك:يله.."وطالعت ريناد"رنود قومي امشي معانا..
ريناد وقفت وجات بتطلع الدرج:لاء انا بطلع فوق احس ضيقه هنا"وطلعت"
ملاك:وش فيها؟
لينا:مدري"وراحوو للحووش وقعدو يتمشون"..
<<<<<اليووم كلهم مجتمعين في بيت ابوناايف>>>..
"مرام+ساره طلعو يراضون ريناد وهي تتغلى عليهم..لأنها عصبت من كلامهم واستحت"...
××في الحـــــــــــــوووش××
توهـ طالع من غرفة نايف وطلع يتمشى بالحووش..وكان عند المسبح قاعد ع الكرسي ويطالع صورته معكوسه بالمسبح..التفت جهة أصوات"هذا صوت اختي ملاك بس مين الي معاها"..وناظرهم من بعيد..
عندهم هم..
توهم طالعين من الباب الداخلي للفله ونازلين للحوش..
لينا قالت:ملاك ماجبنا الطرح معانا..
ملاك بلا مبالاهـ:اصلن الشباب كلهم في غرفة "وابتسمت"في غرفة نايف يعني ماراح ينزلون الحوش هم يلعبون سوني وبلوت وكيرم <<<بعض الألعااب المشهوره بالسعوديه عند الشباب والرجال..
//لينا كانت لابسه بنطلون بيج وبلوزه نص كم اورنج وشوز<الله يكرمكم>لونه اورنج وتاركه شعرها مفتوح الي وصل لنص ظهرها نااعم وكثيف تركته مفتوح وجاي على وجهها بطريقه تجنن..وحاطه روج سايل ملمع وطالع شكلها كيوت مع جسمها الرشيق وطولها المناسب لجسمها..طالعه ولا احلى..<<<الله يعينك ياميشوو..
//اما ملاك لابسه برمودا جينز وبلوزهـ لونها بحري اكمامها طويله ورافعه شعرها كله على فووق وشعرها طول صار لخصرها نااعم وكثيف يجنن ومنزله خصلتين من قدام ولابسه شوز<الله يكرمكم>لونه سماوي وروج ملمع وهي جسمها وطولها نفس لينا..وطالعه ولا أحلى..
مشاري يطالع بهالشخص ومفتح عيونه ع الآخر .. هذي ملاك..اي ملاك..لكن الي معاها لينا..وطالعه قمر..مع انها دايمآآ ملابسها كذا بسيطه بس مشاري لو شافها بالبيجاما راح تعجبه..وقعد يطالعها يبي يكحل عينه بشوفتهاا..وحركاتها العفويه مع ملاك وشعرها الي كل شوي يجي على وجهها.."هذي تبي تطلع لي قروون من جمالها"..وراح ناحيتهم قال فرصه ماتتعوض:احم..
لينا سمعت الصوت التفتت له هي وملاك..لكن ملاك ماكان على وجهها أي تعبير عادي اخوها مشاري أما لينا استحت انها من دون حجاب قدامه..ومن نظراته بعد..لفت وجهها عنه وشعرها راح ع الجهه الثانيه ..
مشاري قلبه رفرف ويدق بسرعه وهو يشوفها مستحيه:لينا كيفك؟
لينا بحياا وعدم مبالاهـ:تمام...
مشاري مسكين لو تشوفونه حالته حاله يبيها تقوله انت كيفك بس ماصار هالشي..لأن لينا ماتعطيه وجه وهو عارف هالشي بس الي وده يعرفه ليه هو وش سوالهاا..غير انه حبها..وسلّم لها قلبه بين يدينها..
ملاك طالعت عيون اخوها حست انه يبي يتكلم مع لينا على انفراد قررت تنسحب:انا .. برووح اشرب مويه"ودخلت عند باقي البنات"..
لينا تطالع بملاك وهي رايحه ودها تذبحها"هذي شلون تروح وتخليني بروحي مع اخوها كذا"..
مشاري استغل هالفرصه..قرب منها ولينا ترجف ومنزله راسها..
رفع ردقنها باطراف اصابعه لينا غمضت عيونهاا وحست انها تبي تبكي من الأحرااج..
مشاري وهو يطالع عيونها مباشرة:لينا انتي ليه تعامليني كذا؟
لينا بضجر وهي بين نظرااته الي تتفحصها بأعجاب ماخفى على لينا:وشلون تبيني اعاملك يعني؟
مشاري وبعيوونه لمعة الحب:عامليني مثل مااعاملك انا..ليه دايمآآ تلفين ظهرك عني وتطنشيني..انا وش سويتلك؟
لينا رحمته بس هي تحب فيصل:مشاري انا اعاملك مثل مااعامل اخوي سلطان...انت ليه مو راضي تفهم؟
مشاري انفعل:وش افـــهـــــــم؟؟؟تكلمي وش افهم؟
لينا خافت من صراخه:لاتصاارخ طيب..
مشاري سكت وطالعها:وش افهم يله فهميني انا مو فاهم ؟
لينا طلعت كل الي بقلبها:لازم تفهم انك مثل اخوي وبس ولاتفكر في يوم اني بشوفك غير كذا...مشاري انا احب فــ"وصحت على نفسها وسكتت"
مشاري انجرح وبقووهـ:تحبين مين ها؟
لينا نزلت راسها ودموعها طاحت:انـــا احــــــب فيصل يامشاري..
انا احب فيصل يامشاري..
انا احب فيصل يامشاري..
ترددت هالكلمه في راس مشاري وصفقت افكااره وقطعت نص حباال الأمل الي كان معلقها بقلبه تجاه لينا الي جرحته بكلامهاا..ندم انه فكر يكلمها .. ياليته ماكلمها ولا فكر يصارحها بحبه لأنها هي تبي تفتك منه ومن حركااته قررت تقوله الحقيقه...بس الحقيقه مرهـ..اي مرـرهـ..
شلون هو يحبها وهي تحب ولد عمها الثاني فيصل وياليت فيصل يحبها ولايعبرهاا..شلون تترك حب شخص حبها بجنون وتروح لقلب شخص رافضهاا..
طالعها وبنظرة تحدي:بس انا مااراح اتركك لفيصل ولالغيره انتي لي يالينا..لي انا لوحدي..بالطيب ولا بالغصب باخذك..
لينا"وش يقول ذا":بس انا احب فيصل مااحبك انت ماتفهم؟
مشاري رغم الجروح الي تدخل قلبه واحد ورا الثاني الا انه قال بيقهرها:بس فيصل يحب مرام لازم تفهمي هالشي..
لينا هالكلمه دخلت اعماااااااااااااااااق قلبها وطعنته:ومن قال كان فيصل يحب مرام؟<<<بصوت مرتجف>>..
مشاري ابتسم بخبث:هو قال انه يحب مرام..لينا انا احبك والله احبك..
لينا ولا كلمه من كلامه اثرت فيها قد مااثرت فيها هالكلمه منه"احبك"..راحت تجري لداخل الفله وهي تبكي..
مشاري كان بيلحقها بس ماقدر لأنها دخلت عند الحريم والبنات يتغطون عنه...ومن القهر الي يحس فيه بداخله..
راح يجري لناحية المسبح وفصخ بلوزته وحذفها جنب سور المسبح وطمر<نقز>بالمسبح وغاااص جواا وطلع من المسبح وهو يتنفس بقوهـ..ضرب يده على حافة المسبح:وش هالحـــــــظ التعييس..
جا سلطان من وراه وهو واقف على حافة المسبح:ليه حظك تعيس؟
مشاري التفت لورا:هاه ولا شي..
سلطان كاشفه من عيونه وكيف مايعرف رفيق دربه:لاتخبي علي يامشاري..
مشاري في باله وهو يناظره"لأن اختك ماتحبني وانا احبها بكل مافيني"
سلطان وهو يمشي ناحيته وفصخ بلوزته وحذفها ع الأرض ونقز بالمسبح وهو يقول:باين من عيونك ان فيك شي ليه متضايق ياخوي قول لي يمكن القى لك حـل..ومافي مشكله الا لها حل..
مشاري تنهد ويقول في باله"وش اقولك ياسلطان ووش اخـلي"
وانقذه من سلطان محمد واقف قدام المسبح ومن بعيد يقول:مشااري و سلطان يقول عمي العشاا..
نزلو من المسبح وتنشفو ولبسو تي شيرتااتهم..وسلطان يقول:لاتفكر انك خلصت مني لاء مصيرك تقولي وش فيك"وراح"
لبس مشاري تي شيرته وهو طفشاان حدهـ ويقول في بالهـ"وش اقولك ياسلطان اقولك انا احب اختك..احسها قوويه"..وراح يتعشى وباله مو معاه بعد الي قالته لينا له..
وبعد العشاق قعدو الشباب والرجال مع بعض..ومشاري يطالع فيصل نظرات حقد"وش فيه زايد عني فيصل..جسمه نفس جسمي وطوله نفس طولي..واسلوبه مو احلى من اسلوبي..معقوله كلامي ماجذبها..معقوله ماتحبني وتحب فيصل الي مطنشها..معقووله..يمكن لأن فيصل مايعطي البنات وجه وهذا الي يعلقهم فيه زيادهـ"...
محمد دقه من كتفه:الي مااخذ عقلك ..
مشاري طالعه وابتسم من بين حزنــه..
ابومحمد بصوت عالي:وين عبدالله مااشوفه؟
نايف بهمس لمحمد:ومن متى اخوك يجي عندنا ولا عند احد طول عمره عند اصحابه..
محمد بنفس الهمس لنايف:حلو منه ان قعد بالبيت ساعتين ورا بعض..
ابومحمد:يامحمد دق على اخوك قوله يجي للعشا..
محمد رفع جواله:تم يبى.."ودق عليه"الوو..وينك انت؟....ابوي يقول تعال الحين للعشاا...اي ببيت عمي ابونايف.......وبعدين وش هالأصوات الي عندك؟..يله باي ننتظرك يويلك ماتجي....(وسكر منه)...
عند عبدالله قاعد بالاستراحه طبعآآ..وقاعد هو وصاحبه رامي جنب بعض..
رامي:هذا ابوك؟
عبدالله:لاء اخوي محمد..
رامي وهو يشرب بالكآآس الي قدامه ع الطاوله:وش يبي؟
عبدالله تنهد:يبيني اروح لبيت عمي العشا هناك وكلهم مجتمعين هناك...
رامي بخبث:ياشيخ طنشهم اقعد استانس هناا ...
عبدالله:مدري ابوي بيهاوشني..
رامي:هههه حتى انا ابوي دايمآآ يهاوشني بس سرت معتااد على هواشه وسار الوضع عادي عندي يهاوشني أو لاء..."وسكت شوي بعدين طالعه"اقول عبدالله...
عبدالله طالعه:هممم..
رامي مايدري عن سالفة عبدالله وشهد:الا وين شهد شهر كامل ماجات هنا<الأستراحه>..
عبدالله ارتبك:وانا وش دراني؟
رامي:لاء يعني يقولون ان بينك وبينها علاقة حب وكذا قلت يمكن تدري ليه ماسارت تجي للأستراحه لأنها قبل مده كانت دوم هنا وكل يووم..والله لها وحشه اشتاقتلها واشتاقت لسواليفها ورقصها و......
عبدالله يقاطعه وهو معصب:واشتااقت لحركاتها الوسخه ولمن تنام معاك صح..
رامي بجرأهـ:ايوهـ..
عبدالله وهو مسكر على اسنانه:وبعدين مين قال انو بيني وبينها شي أو حب وخرابيط..؟
رامي وهو يطالع كل الشباب والبنات الي يرقصون قدامهم:كل الي هنا يقولونه..
عبدالله وقف بعصبيه:كذاابين كل الي هناا..اذا هم يسوون الحرام هنا ويحششون ويرقصون شباب مع بنات شي طبيعي بيكذبون..."وطالع رامي بقهر"انا برووح من هنا قبل تطلع عليّ اشاعه اكبر"وجا بيروح"..
رامي يضحك ببرود:الحقيقه دايمآآ تزعل...
عبدالله ضغط على يده بقووه وراح تاركه يتكلم بكيفه لأنه لو قعد ثانيه زياده كمان راح يرتكب فيه جريمه ويذبحه.........وراح السياره ووصل لبيت عمه ابونايف...
<<<<<<<<<<<<<<<<<<<<
تحياتي:^أمـــيــــــرة الـــشــوووق^
**الجـــــزء الرآآآبع ع ـــــشـرـرـر**
<<في بيت ابونايف..الساعه 11 ونص..وقت العشآآآ>>
مها وقفت:مرام تعالي نتمشى في الحووش شوي..
مرام:مهووي وربي اني جوعانه..
مها:أي ادري حتى انا جوعانه بس بنحط لنا عشا في صحون وبناكل ع الكراسي الي عند المسبح..
مرام وقفت:اذا كذا يلاا<<<<ليته يبين فيك الأكل ههههه...
وحطولهم من العشا شوي في صحنين مع كاستين بيبسي...ونزلوو للحوش وكل وحده شايله صحنها وكاستها بايدهاا...وقعدوو على الكرسيين الي قدام المسبح وحطوو صحونهم فوق الطاوله الي وسط الكرسيين وكل وحده صحنها وكاستها قدامهاا..وقعدوو ياكلوو ويسولفوو..
مها:مرام مو كأن ليناا وجهها انقلب من رجعة من الحووش..
مرام تستهبل:لايكون في جني شافته في الحووش..
مها:مرام من جد اتكلم والله قبل لاتنزل الحوش كانت طبيعيه وبعدين دخلت ملاك من الحووش وجات عندنا وعادي وبعدها دخلت لينا ووجهها منقلب 180 درجه غيير..
مرام:أي والله انك صادقه يامحقق كوناان..
مها:هههههههه حلوه هذي...بس صدق والله وش فيها؟
مرام:علمي علمك..
مها:تتوقعين وش فيها؟
مرام تفكر:يمكن اخوهاا هاوشها لمن شافها في الحوش..
مها:مااتوقع لأن مافي احد غريب بمجلس الرجال بس اعمامي واولاد عمي وبعدين سلطان مايدقق في هالأموور.........
مرام:والله مدري صراحه..."وسمعوو طق ع الباب الخارجي للفله"...
مرام:مو كان جرس الباب الخارجي!!
مها:أي والله حتى انا اسمعه قومي نفتح الباب..
وطالعوو ببعض وبعدين قامت مها تجري ومرام وراهاا كل وحده تبي هي تفتح الباب..والحوش كبير ويجرون ورا بعض وهم يضحكون..مها سبقت مرام ووصلت لعند الباب الكبير وهي تفحط باستهبال وتضحك وفتحت الباب وضحكتهاا اختفت لملامح وحده مكشره ومصدومه بنفس الوقت...
<<<<<<<<<<<<<<<<<<<<
"عند الحريم"
ام نايف تحط لخالتهاا"ام مساعد الي هي أم زوجهاا"في صحن وقربته منها:تفضلي خالتي..
الجده:فيه ملح؟
ام نايف باستغراب:أي ليه؟
الجده:عشان انا مقدر اكل اذا فيه ملح عندي الظغط يرتفع...<<<<أو ينخفض...مدري والله هههه..
ام نايف بابتسامه:خلاص ياقلبي انا الحين بجيب لك بدون ملح"وراحت للمطبخ"..
الجده:لاتتعبين نفسك ماله داعي..
لكن ام نايف راحت المطبخ وجابت لها من نفس الرز واللحم والفطاير لكن بدون ملح....
<<<<<<<<<<<<<<<<<<
طالعهاا وعلى وجهه الجفااف والجديه:ليه تطالعيني كذا؟ وخري ابي ادخل..
مها مصدوومه وبقووهـ كانت تحسبه عند الشباب بغرفة نايف...
عبدالله بدأ يعصب:وخــــــــــرري عن طريقي ابي ادخل قلتلك..
مها:............................
عبدالله كان بيبعدهاا بايدهـ بس تراجع لان هالحركه مالها داعي هو لسه ماسار زوجهاا...مرام كانت ورا مها واقفه وحبت تنقذ الموقف وهي خايفه على مها ان اخوها"عبدالله"يعصب عليهاا..ولأنهم يطالعون بعض نظرات غريبه..مها تطالع عبدالله نظرات كرهـ وحقد شديد...وعبدالله يطالعهاا بعصبيه مخلوطه بنظرات تفحص وكأنه يبي يشووف عروسته المستقبليه..
مرام تسحب مها مع ايدهاا:مهاا يلا ندخل..
مها استجابت لكلام مرام بدون نقاش..وراحت معاهاا وهي تسحبهاا من ايدها سحب لدااخل...اما عبدالله يطالع مها لآآخر نظرهـ ويقول في باله وهو رايح ناحية المجلس"والله حلوهـ وبقووهـ بعد...معقوله انا بتزوج هالقمر...مو مصدق نفسي بصراحه...بس ليه تطالعني بهالنظرات الي مالها داعي وكأني ذابح ابوهاا..والله ماراح اضعف لها ولجمالهاا مهما يكون"...ودخل وسلم على عمامه واولاد عمامه...وقعدو يتعشون.....
<<<<<<<<<<<<<<<<<<<<<<<<<<
"بوصف لكم مها كيف كان شكلهاا..كانت لابسه فستان لحد الركبه لونه اسود وناعم مره ومافيه ولا أي تطريز..ومن عند الخصر حزام لونه أصفر<<تشجع الأتحاد>>المهم..وسندل نعوم مره لونه اصفر وفاتحه شعرهاا المدرج والي يوصل لنص ظهرها كثيف وناعم مره وطايح على وجهها مع لون بشرتها البرنزي الي معطيها جاذبيه اكثر وروج سايل ملمع وردي"<<<<ماألوومك ياعبدالله تخق ههههههههه....
<<<<<<<<<<<<<<<<<<<<<<<
"نروووووووح لعند العشاااااااااااق الحلووين"...
ع البحر...كانو قاعدين اثنين يهبلوون...ويتمشون على الرمل وامواج البحر تداعب اقدامهم .. وهم يتمشوون..وماسكين ايدي بعض وكل شوي يطالعون بعض بنظرات اعجااب وبعدها يستحون وينزلون عيونهم عن بعض...عرفتوووووووهم؟؟؟؟"خـــآآآلـــد&شــوووق"...
خالد وهو ماسك يد شوق ويطالعها ويتمشون على رمل الشاطي:شوق
شوق بدون ماتطالعه لانها راح تخق:هلاا..
خالد:بقولك شي وياليت ماتفهميني غلط..
شوق:تفضل..
خالد وهو يطالع ملامحها البريئه:تبين الصراحه...انتي...انتي مرـرهـ حلوهـ..
شوق هالكلمه تخلي وجهها احمر وكيف من خالد الي قلبها ينبض له..طالعته بعدين نزلت راسهاا تطالع الرمل تحتهاا لانها مستحييه:تسلم عيونك الحلووهـ..
خالد خلاص ذاب على شكلها وهي مستحيه:ماراح تقولين لي شي؟
شوق مسويه مو فاهمه:كيف يعني؟"وسارت ترتجف من نظراته"...
خالد:يعني أي شي...
شوق"والله وتورطت وش اقوله الحين انا استحي مقدر اقوله كلام مثل كذا"..وظلت ساكته فتره بعدين طالعت عيونه وابتسامته:اا..وانت بعد حلو..<<<<لاتستغربون الميانه الي بينهم لأنهم مع بعض اكثر من شهرين تقريبآآ يعني تعودو على بعض..
خالد خق ووسعت ابتسامته:تسلمين والله..
وسكتو شوي .. بعدين خالد قال:نشتري ايس كريم..
شوق:ماعندي مانع..
وقعدو يمشون الين وصلو لسيارة الآيس كريم...وفتح الرجال الشباك حق السيارهـ..
خالد التفت لها:شوكولاته ولا؟
شوق:هااه أي شي...
خالد:خلاص بجيب لك على ذووقي..
شوق سكتت وهي تطالعه وهو يكلم العامل الي بالسيارهـ:2 ice chocolate<<<اثنين آيس شوكولاته....
واعطاهم الطلب واعطاها واحد وهو اخذ واحد ورجعو يمشون عند الشاطي...شوق:شكرآآ..
خالد:ولــــكـــــــم..
بعدين خالد فكر يسوي حركة نذاله مسك آيس كريمه وطبعه على وجه شوق وراح يجري وهو يضحك...شوق مسكينه كانت سرحانه تفكر فيه وتاكل بالآيس كريم ومادرت الا وايس كريم مطبوع على وجهها..
"بقولكم وش كانو لابسين عشان تتصوروهم في خيالكم"..
//شوق لابسه بنطلون جينز ماركه حلو مره ضيق من تحت ولونه جينز غامق وبلوزه نص كم لونها زيتي وسندل نعوم زيتي وفاتحه شعرها الأشقرر الي وصل لآخر ظهرها ومن مقدمة شعرها مدرج بشكل يهببل..وجسمها طبعآآ مايحتاج وصف يخقق مثل عارضات الأزيااء..
//اما خالد لابس شورت جينز وبلوزه زيتي نص كم<<أتفقو يلبسو نفس الألوان>>وشوز سبورت رياضي لونه زيتي وشعره طولان شوي لحد كتفه نااعم ومدرج وجاي على وجهه ومع جسمه العضلي وطوله الي يذووب"..
شوق قعدت تضحك وهو تمسك خصل شعرهاا الي سارت كلها ايس كريم..وراحت تركض وراه وهي تضحك وشعرهاا يتطاير مع الهوااء وقربت من خالد وهو يركض بعدين تعب خالد وانسدح ع الرمل وقعد يتشقلب ع الرمل وهو يضحك...اما شوق قربت منه مرهــ وطاحت بدون لاتحس كان تحتهاا حجره صغيره ماشافتهاا وطاحت على خالد وبايدهاا الأيس كريم وهي متفشله..خالد وقف ضحك وقعد يناظرهاا ووجهها قريب مره من وجهه وخصل شعرهاا طايحه على وجه خالد...اما هي مسكينه كانت تتمنى الأرض تنشق وتبلعها ولا تنحط في هالموقف المحرج..بس بدون قصد طاحت عليه..ناظرت الحجره الي جنب رجلها بقهر بسببها سارت في هالموقف البايخ..
خالد لاحظها وهم لسه على نفس الوضعيه:وش تناظرين؟
شوق تحس بانفااسه تلفع وجهها .. وتحس بنبضات قلبه لأنها مرهـ قريبه منه...طالعته وخقت وجهه قريب منها مرهـ:هااه..لاولاشي..
وقامت بسرعه من الفشله وحبت تغير الموضوع لأنها انحرجت وبقوهـ:ههه كذا تحذف الآيس عليا اوريك ياخالد"وحذفت الآيس حقها على وجهه وهو مسدوح ع الرمل"...
هو يضحك ويمسح الآيس من وجهه وقف وقعد يلحقهاا الين ماامسكها وشالها بين يدينه وقعد يدور فيها وهي متعلقه فيه خاايفه وتصرخ:خالد يامجنون نزلني...واااااااههههههههههههه...خالد والله بطييح خااااالد..
خالد وهو يدور فيها:عشان مره ثانيه مااتتحديني..هههههههه..
شوق تمثل:خالد بدووخ وربي بدوخ..
خال خاف ومصدق انها بتدوخ نزلها بسرعه ومسك يدينها بحنان:شوق وش فيك؟صدق بتدوخين؟شووق شووق..
شوق فكت يدينها من يدينه وراحت تجري وهي تقول:تعيش وتاكل غيرها ههههه
خالد لحقها ومسكها .. وبعدهاا خلاص بطلو لعب وقعدو يسولفون ويمشون..
خالد ينفض الغبار عن لبسه:يمه منك عليك افكاار
شوق ببرائه:هههههه تستااهل ليه توسخني..
خالد طالعها بخقه:كنت ابي العب معااك..
شوق بعفويه:ههههه تصدق لعبك حلوو..
خالد ابتسم وبخبث قال:ليه لعبي حلو وش فيه زود عن لعب الناس؟
شوق ذابت من الحيا وسكتت..
خالد وقف ووقفها معاه وطالعها ثواني وبعدها رفع دقنها باطراف اصابعه وطالع عيونها مباشرة ومسك يدينها:شوق اناا..انا..انا احــ ــبـــ ـــك....
______________________________
عبدالله:اقول يبى متى بنرجع للبيت؟
ابومحمد بهمس له:الحين بس اطلع قول لأمك تنزل هي وخواتك..
عبدالله:اوك "ووقف وراح ينادي امه وخواته"..
"مراام ومهاا قاعدين بغرفة جود لحالهم ومها تبكي ومرام تهديهاا"
مها ببكا:اخوك ليه كذا ماعنده قلب ولااحساس وش سويتله انا يهاوشني كذا لاء ويبوني اتزوجه بعد يحلمون..اهئئئئئئ...
مرام حاضنتها وتهديها:خلاص ياقلبي انتي اهدي وصدقيني عبدالله قلبه طيب وحبوب بس هوو عصبي شوي وبعدين انتي وقفتي ساعه قدامه وهو كان يبي يروح عند الرجاجيل..
مها طالعتها بدموع:بس حتى مايهزءني كذا...
مرام:مهووي خلاص والله قطعتي قلبي واذا تبيني اكلمه ترا بكلمه وبفهمه ماعاد يهاوشك كذا..
مها خافت:لالالالا لاتقوليله ولاشي مرام يويلك تقوليله شي عني..
مرام:طيب مو قايلت له يله ننزل عند البنات.."غسلت وجهها مها ونزلو تحت عند الباقيين"..واتقهوو الحريم وبعد كم دقيقه كل عائلة راحت لبيتها..
<<<<<<<<<<<<<<<<<<<<<<<<
هالكلمه خلت كل خليه بجسمها ترجف..هالكلمه زادت من دقات قلبهاا وصبغت وجهها للون الاحمر..انصدمت..وبداخلها فرحت..ماتوقعت تسمع هالكلمه من أحد..ومن هالشخص بالذات..
خالد حس انها بتبكي:شوق وش فيك اقولك احبك احبببببببببببببك..
شوق خلااص شوي وتموت حالتها حاله مسكينه حست انها بتدوخ وهي تناظر عيونه وواضح فيها صدق الكلمه وانه قال هالكلام من قلبه..وظلت ساكته بس تناظر فيه..
خالد:قوليها ياشوق قوليهاا..ارجوك قولي هالكلمه وبعدهاا بنعيش احلى حياهـ..
شوق هالكلام وصل لقلبهاا وقعد يهاجمه وبين صراع الحيرهـ اقولها ولا لاء..وسكتت تحس الكلام ضااع منها وان لسانها انعقد هااللحظه..
خالد بترجي وهو يضغط على يدينها بحنان:ارجوكي قوليها ياشوق...
شوق غمضت عيونها ونزلت دمعتها غصب عنها:وانا احبك ياخالد..
خالد حضنها وهو طاير من الفرحه:طيب ليه الدموع؟
شوق وهي في حضنه:غصب عني والله غصب عني ..
خالد يمسح على شعرها:خلاص ياعمري لاتبكين كل شي ولا دموعك..
شوق تمسح دموعها وكلامه خلااها تبتسم غصب عنهاا..
شوق فكته:يله نرجع...
خالد:لهالدرجه مليتي مني...!!...
شوق:لاء وربي بالعكس انا متونسه معاك بس عشان امي في البيت وتعبانه وكذاا..
خالد:ههههه خلااص امزح معاك مسكتي خط ههههه..احم وماتشوف شر امك انشاءلله آجر وعافيه...واخوك شلونه الحين؟؟
شوق:تحسن كثير حتى سار يلعب مع اصحابه..
خالد:اهاا يله"ومسكو يدين بعض وركبو السيارهـ متوجهين لفلة شوق وأهلهاا"...
<<<<<<<<<<<<<<<<<<<<<<
فجر:شهد تعالي ابيك شوي"وطلعو لغرفة شهد"..<<<اليوم ام شهد عزمت اختها ام فجر وغسان وسعود طلعو يتمشون برا البيت وابوغسان وابوسعود في الشركه يشتغلون وام غسان وام سعود في الصاله يسولفون..
"في غرفة شهد"..
فجر قعدت وقعدت شهد معاها:جاتني فكره جهنميه بتطلعك من هالبلوه مثل الخيط لمن يطلع من العجينه..
شهد فرحت:نورينا...
فجر بتردد خايفه شهد ماتقتنع:شهوده اسمعي...بكراا الصبح نروح انا وانتي للمستشفى ويسوون لك عمليه وتنزلين الي ببطنك وترتاحين بعدهاا..
شهد بحسرهـ:قالي هالحل عبدالله النحس لمن سوا المصيبه ذي..بس انا رفضت فلوسه..فجر انا احس اني ابي ولدي ابيه..
فجر:بس ولدك هذا بالحرام ياشهد حرام تخلينه يطلع على هالدنيا يعيش مشتت انتي ماتقدرين تربينه وحدك وينحرم من ابوهـ الي جابه بالحرام والي هو سبب تعاسته بهالدنيا حرام ياشهد ا......
شهد تقاطعها:بس انا ماابي اقتل ولدي..
فجر:انتي لو تقتلينه الحين قبل لايطلع ع الحياهـ افضل لأنه لو خليتيه يكبر ويطلع على هالدنيا راح يموت في اليوم ألف مرهـ..فريحيه من الحين..
شهد بتردد:مدري مدري..
فجر:وشو الي ماتدري؟
شهد:يعني فلوس العمليه وكذا واهلي لاسألوني وين بروح الصبح وش اقولهم؟
فجر:قولي بنروح انا وفجر نفطر بالمجمع...
شهد سكتت ماتدري وش تقول تبي ولدها بس صعب اهلها يتقبلو فكرة ان يعيش معهم ولد بنتهم الي بالحراام..وممكن يقتلوها هي بعد قبل لاتجيبه..عشان كذا اقتنعت بفكرة انو تنزله بعمليه....
__________________________________
"يووم الخمييييس..الصبح..."
هذا هو يوم المزرعه..والكل محيوووس..نشوف حال كل بيت من عواائل روايتناا..
××في بيت ابوسلطان××
لينا نازله مع الدرج:ديما ماشفتي سندلي؟
ديما وهي تدخل الحزام في بنطلونها:لاء والله ماشفته..
لينا تجري للصاله:يمـه يمــــــــــه..
ام سلطان:هلا يمه ماجهزتي؟
لينا:لاء ادور على سندلي..
ام سلطان:روحي اسالي الخدامه بسرعه اخوك الحين بيصحى..
لينا:طيب"وراحت تجري للمطبخ"انتي هييييي ماشفتي صندلي؟
الخدامه ترتب الشنطه تحط فيها ثلاجة القهوه وكذا:الا في دولاب انتى..
لينا راحت تجري وفتحت دولابهاا ولقت سندله وابتسمت:واخيرآآ لقيتك ياسندلي العزيز...
<<<<<<<<<<<<<<<<<<<<<<<<<<
××في بيت ابومشاري××
مشاري توه قايم من النوم:خير ليه ناقزين بغرفتي من صباح الله خير..
ملاك لابسه العبايه وجاهزه من زمان:نبيك تودينا..
مشاري:وابوي وين؟
نواف:بالشركه ابوي يقول بيجي هناك بعد الظهر..
مشاري رجع انسدح:اجل خلوه يمركم..
ملاك انقهرت:يمه يمـــــــه يمـــــــــــــــــــــه ...
جات ام مشاري وهي شايله جنى بايدها الي تصيح:ها وش فيكم هواش؟
ملاك:مشاري مو راضي يقوم شوفي لك حل معاه..
جات ام مشاري وبسهوله كبت كاسه مويه بارده على وجهه..مشاري فز:يوووووه يمه ليه كذا حرام عليك..
ام مشاري:يله بسرعه قوم ودينا كلهم سارو هناك بس باقي حنا..
مشاري قام وهو يتأفف ودخل اخذله شاور ولبس بنطلون جينز وتي شيرت اسود وكاب اسود ونظاره شمسيه حلوه وقال:يله خمس دقايق واذا مانزلتوو بروح واخليكم..
كلهم نزلوو وراهـ بسرعه ..
<<<<<<<<<<<<<<<<<<<<<<
××في بيت ابومحمد××
عبدالله:قلتلك يبى مابي اروح كيفي..
ابومحمد:لاء موب كيفك بسرعه البس ثوبك بتروح معانا..
عبدالله كالعاده يعاند:وانا ماابي اروح..
محمد:عبدالله الحين تعاند ابوي انت ؟
عبدالله:لاء مااعاند بس مابي اروح غصب هو..
ام محمد:وليه ماتبي تروح ؟
عبدالله:بقعد هنا بروق ..
ابومحمد مايحب كلمته تنهز:اطلع بسرعه البس معاك خمس دقايق ان ماجهزت بأطلع اجرك وانزلك بالغصب فاااااهم..
عبدالله طلع الدرج وهو يتحلطم .. وجهز شنطته ع السريع ولبس ثوب وكاب بني ع راسه ونظاره شمسيه وركب السياره وهو مقهور..
<<<<<<<<<<<<<<<<<<<<<<<
××في بيت ابوفيصل××
ريناد:مهااااااااااااا
مها من فوق طلت ع الدرج:هااااا؟
ريناد:يقولك فيصل ان مانزلتي الحين بنروح ونخليك
مها وهي نازله وتلف مسفعها ع راسها:اففف وفيصل هذا دوم مستعجل..
ريناد تدفها لقدام:امشي امشي بس"ونزلو وركبو بسيارة فيصل وانطلقو"..
<<<<<<<<<<<<<<<<<<<<<<
××آخر بيت عندنا الي هو ببيت ابونايف××
نايف بيوصل امه واخته لأن ابوه عنده شوي شغل لاخلصه بيلحقهم على هناك...
نايف:يمه وين بنتك تأخرت هذا كله تلبس تراني مستعجل أبروح واخليكم ترا..
ام نايف:خلاص الحين بتنزل"وتطالع مع الدرج"ياجود وينك فيه؟
جود من فوق:يــــمـــــه البلاك بيري مدري وينه؟
ام نايف:خلاص انزلي مو لازم..
جود:الا لازم..
نايف:روحي بتلقينه بغرفتك ..
راحت جود تدور بغرفتها وفعلآآ لقته..وهي نازله:وش دراك انه بغرفتي؟
نايف:دوم تضيعينه تحت السرير ولا تحت الدولاب وتقعدين تدورين عليه..."ونزلوو وركبو سيارة نايف"...
//////////////////////////////////////////////////////////////
الي يسوقو السيارات..
فيصل..لأن ابوه عند شغل بيخلصه وبيلحقهم ع المزرعه..
نايف..لأن ابوه عنده شغل وبيلحقهم بعدين..
ابومحمد..خلص شغله قبل أخوانه وقال هو بيودي عياله معاهـ..
عبدالله..لأنه مقهور وراح غصب عنه قرر يروح بسيارته بروحه مايبي يروح مع ابوه ومحمد وامه وخواته..
سلطان نفس الشي هو وصل امه واخواته لان ابوه مشغول مع عمامه..
ومشاري بعد..
"في سيارة عبدالله"..
هو لحاله بسيارته الهمر ويسووقهاا بسرعه جنونيه لأن هو اذا عصب مايشوف من العصبيه...
محمد يسوق وراه بسيارته وقاعد جنبه ابوه وورا امه وخواته..
ابومحمد وهو يناظر سرعة ولده وهو يسوق قدامهم:شوف شلون يعاندني ويسوق بسرعه..
محمد تنهد على حركات اخوهـ المراهق:ولايهمك يبى انا بكلمه الحين"ودق عليه..اعطاه رفض ومارد عليه عبدالله"..
ام محمد شوي وتبكي من الخوف على ولدها:محمد دق عليه مره ثانيه بيصدم بالسياره شوف شلون يسرع...
محمد دق عليه مره ثانيه...
،،عبدالله عصب ورد ع الجوال وهو لسه يسوق بسرعه:نعم وش تبون بعد؟
محمد:بقولك خفف سرعتك هذي الجنونيه وبطل حركات مراهقين..
عبدالله:مو مخفف السرعه والحين ابفحط بعد ..
محمد خايف ابوه يسمع كلام عبدالله:عبدالله تعوذ من ابليس وخفف سرعتك احسن لك..
عبدالله:واذا ماخففت السرعه وش بتسوي يعني؟
محمد:عبدالله افهم ابوي معصب يويلك منه..
عبدالله قفل الخط في وجه محمد...وخفف سرعة سيارته شوي بس..
ام محمد:الله يهديه هالولد عاصي..
دق ابومحمد على فيصل:السلام عليكم.."وهو فاتح السبيكر"..
فيصل وهو يسوق:هلا والله بعمي..
ابومحمد:هلابك..
مرام سمعت ابوها يكلم فيصل وخقت..ساره دزتها بكوعها ع الخفيف..
فيصل:آمر عمي بغيت شي؟
ابومحمد:أي والله يافيصل نبي نوقف عند سوبر ماركت البنات يبون اغراض منهاا قول لأولاد عمك الباقيين...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك