رواية حبك تمادى وازدهر -9
بس كان هم الا فوق ظهري متعبني اكثر وهم خواتي وامي كنت كل مره احس بالتعب والارهاق والكلل والملل من هالحياه الصعبه
بس من اذكر امي وخواتي اريج و ورد تقوى عزييمتي وكنت دائم اقول ماخليهم يعيشوا ذي العيشه او حتى يمدوا نظرهم لغيرهم ويطالعوا شنو عند غيرهم وهم ماعندهم لين وصلت الا الا انا عليه اللحين
وكان انتقامي اني بتقرب منج وبزوج منج بس اول ليله بطلقج وبخلي العالم كلهم يتكلمون
عنج وعن اهلج والبنت عرض ابوها واهلها وشرفهم فاذا سئلوني الناس ليش طلقتها
وهي بنت عبد الحي السّلام وووو بطلع فيج الف عيب وعيب وبخلي ابوج يحترق من داخله عليج مثل ماحرق قلبي وانا اشوف خواتي بموتون من الجوع وخاصه انه ابوج رجل اعمال مشهور ومعروف
والصحافه والاعلام واعدائهم اكيد يبموا اي خبر ينشروه فبتكوني انتي على لسان كل واحد من هالبشر
بس بعد ماتعرفت عليج وعلى اخوج نادر تغيرت نظرتي وعرفت ان الله هو الا ياخد حقوق الناس
وهو الى كل ظالم ويسمع كل مظلوم وقررت اتزوجج لاني ابيج انتي ابي اخلاقج الا سحرتني
وابي عفويتج الا خلتني اعرف انه مو كل ظالم ينجب ظالم وان الله كتب علييّ الشقاء
لامر يمكن انا اجهله بس الحمدلله الله وفقني واحس برضى عن حالي وخاصه ان امي راضيه عني وشف الزوجه الا بتريحني باقي حياتي
جوري(مصدومه):............................
بدر: انا قلت لج هذا كله عشان ابيج تكوني معي على نوور وما ابي حد يخرب علي
واذا عن سناء فا أنا بقلج انا كنت اعاملها معامله سئيه عشان لاتتعلق فيني بأي شكل من الاشكال
لاني مابيها وما ابي وحده تبيع صديقتها لاجل فلس ولو كانت محتاجه بس عرفي يا جوري
انه اتصلت عليّ وقطعت كل شيء متعلق بها معي لانها عرفت غلطها اخيرا
والله يسامح فعشان كدي انتي بعد سامحيها بس خدي حذرج منهاا
جوري: بس ليش ابوي حرمكم من ورثكم؟
بدر: اممممم مدري سئلي ابوج اذا ماكنتي تصدقيني
جوري: نووو اصدقك لانه ابوي منعنا من ان احنى نعرفكم
بأي شكل من الاشكال يمكن لانه حرمكم من الورث وهو ماحاب ان احنى نعرف هذا الشيء
بدر: الحمدلله انج صدقتني بس ماقلتي ليي انتي موافقه
جوري (تستهبل): على شنو!
بدر(يستعبط): على شنو تتوقعيني
جوري: امممم مدري
بدر: ليش ماكلمج اخوش نادر
جوري: الا كلمني
بدر: وشو جوابج
جوري(تستندل): والله اسئل اخوي ... صراحه اول مره اشوف واحد
يسئل وحده انتي موافقه او لا اني اعرف انه يسئل اهلها
بدر: هههههههههههههههههههههههههههههههههه
جوري:ههههههههههههههههههههههه
بدر: يلا اسلم عليج اللحين
جوري: سلمك الله
[بيت ريان ]
كانت العائله كلها جالسه تشاهد تلفزيون عدا ريان كانت شابكه على لاب توب
وتكلمي جوري على الـmsn وعمها الا ماكان موجود بالبيت
رجاء: يمه ابوي وينه
بسمه: واني شدريني علمي علمج
سعود: ماما
بسمه: نعم
سعود: ماما لعبي معي (ومد لها لعبه ono)
بسمه: روح اللعب مع اختك رجاء
سعوود(يبكي): لالا انا امبى اللعب معاج لالا مابي رجااؤ
رجاء: اسمي رجاء وثم الا مايبيني ما ابيه
شوي الا بفتحه باب الشارع وكان ابو سعود داخل ومعه وحده
ابو سعود (يبتسم): السلااام عليكم
الجميع (يطالعوا مع الحرمه الا معه):.............
ابو سعود: علامكم ماترودون السلام تراه واجب
بسمه(بعصبيه): تخوني يا ابو سعووود
ابو سعود: استغفر الله (اشر على الحرم هالا جنبه): اعرفكم على ساره زوجتي
رجاء وريان (بدهشه): زوجتك
ابو سعود: ايه هذي زوجتي ساره
بسمه: انت تتزوج عليّ يلي ماتخاف ربك عشرة عمر معاااك واخر شيء تتزوج عليّ
ابو سعود(بحده): خلي هالكلام بعدين وثم الشرع حلل لرجال 4 حريم (يأشر على رجاء): ساره هذي رجاء
ساره(بصوت ناعم كله دلع): كيف حالج ؟
رجاء: بخيييير
بسمه(تمسك يد بنتها بعصبيه):وتردين عليهاا قومي لغرفتج سعووود يلا مع اختك على غرفتها ريااان يلا اشوف قووومي عندي سالفه مع عمج
ابو سعود: مايقومون وسويره هني لازم يتعرفون عليها وتتعرف عليهم
ساره: .........................
بسمه: والله ماخلي هالزواج يتم واني ام سعووود وانتي (تأشر على ساره) مصيرج يزوج عليج مثل ماخاني و زوج عليّ
[بعد عدة ايام بيت ابو حسام ]
ام حسام :ياهلا فيك ابو حسام بيتك نورت واسفرت!
ابو حسام(بتعب شدييييد): ياهلا فيج
جوري(تبوس راس ابوها): وحشتني يابعد كل من لي
ابو حسام(يحتضن بنته): انتي اكثر .. (يأشر على 3 شنط من الحجم الكبير)
هذي هذايا جبتها لج من المانيا
جوري(تدلع): عسى الله مايحرمني من خيرك (يوم قالت كلمة خيرك تذكرت بدر واهله وكيف نحرموا من هالخير)
نادر(يبوس راس ابوه): نورت يابو حسام والله وحشتنا
ابو حسام: ياهلا فيك ياوليدي شريت لك سياره من هناااك اخر موديل توصلك بعد كم يوم
نادر(طار من الفرح لانه صار عنده 4 سيارات): ماننحرم منك يابوي
منير(يبوس راس ابوه): نورت يابوي والله البيت مايسوى بدونك
ابو حسام(يبتسم): هلا بأصغير عيالي
منير(يقاطعه): وين الهذايا الا ليي عسى شيء راهي
ابو حسام: ههههههههههههههههههههههه انت نسيناك مدري كيف
منير(يعبس) ياهلا بأصغير عيالي على خرطي عجل
جوري: هههههههههههههههههههههههههه
نادر(بسخريه شديده من اخوه منير): الله يصبرك ياخوي على معصيبتك ههههه
ابو حسام: لا يوليدي انت ما انساك شريت لك جهاز لاب توب متطور
وشريت لك جوال مانزل عندنا بالسوق وشريت لك كوره على توقيع رونالدو
منير(والفرح مو سايعنه): كوره عليها توقيع رونالدو لوووووووووووووووووول انا اسعد واحد فيكم
ابو حسام: وانتي يا ام حسام طبعا مانستيج واعرفج تحبي الاطقم فجبت لج 10 اطقم اللماس
و4 اطقم لؤلؤ وطقمين ذهب
ام حسام: جعلني مانحرم منك يابو عيالي
[بيت بدر]
الكل نفسي نفسي .. في ساعة خطر
الا انا .. " انت " ثم " انا وباقي البشر "
يا ابدى علي مني مهما يكون
تجرح او تداوي انا ممنون
ولد العم يتصل
بدر: اهلا وسهلا
نادر: ابشرك يالخوي
بدر: قول اسمعك
نادر: ابوي وصل اليوم تقدر تجي بكره شرايك
بدر: اخاف يردني ياولد العم
نادر: لا ان شاء الله مايصير الا كل خير
بدر: ااااااااااه تتوقع انه يرضى بعد مايعرف اني ولد اخوه وثم مستواي مو من مستواكم
نادر: شهالكلام بدر جوري تتنتظرك وانت تتراجع
بدر(يوم سمع اسم الجوري فرح وكأن احد مأكلنه سكر ): جوري!
نادر: يسس جوري اختي الا عن قريب تصير زوجتك يابدر
بدر: خلاص اليوم اكلم هلي واروح معاك بكره واذ رضى ابوك اجيب هلي نخطبها
نادر: وتأكد اني بوقف معك بكل خطوه تخطوهاا ولو صدك ابوي انا اقنعه
بدر(إبتسم): ما انسى لك هالموقف ياخوي
نادر: ولو (وضغط على اسنانه)يازوج اختي
[في بيت أبو سعود ]
ريان تتصل على جوري كالعاده عشان تجلسها الصباح للمدرسه
ريان: شغلت الجوال يعني قعدت
رجاء: يابختها ابوها عنده فلووس وااااااااااااجد وبيتهم كبير موو
ريان: يسسس بس ترى الفلوس مو كل شيء
رجاء: من قال لج يقدروا يشتروا السعاده بالفلوس
ريان: شيلي هالافكار من راسج
رجاء: نونو امي بسمه تقول السعاده نقدر نشتريها بالفلوس واحنى تعيسين لانه إحنى فقراء
ريان: من قال في ناس اقل منه حاال ومع ذالك سعييدين في حياتهم
رجاء: مدري هذا كلام امي وانا اردده دووم
ريان: بس لاتقولي أي كلام مو مقتنعه فيه
رجاء: اوووك
ريان: يلا تأخرنا وانتي ماجهزتي للمدرسه
رجاء: بفك شعري مراح اسوي فيه أي شيء يعني ما بتأخر
ريان: اما اني برفعه اليوم حر ويش ليي بفكاك الشعر
[بيت سناء]
سناء: ايمن يلا قوووم مدرسه
ايمن(وهو بين النوم واليقضه): ماقدر اداوم اليوم بغييب
سناء: شلون مابتقوووم ايمن يلا مدرسه
ايمن (يأشر بايده): روحي انتي قلت لج مابرووح
سناء(تناظر بإيد اخوها وتشوف تكتل الدم والجروح عليها): ايمن من شنو هذا
ايمن(انتبه وغطى يده باللحاف): مالج شغل
سناء: شلون مالي شغل انت شفت يدك شلون الدم متكتل فيها
ايمن(وهو يقوم من السرير بقمه العصبيه): قلنا مالج شغل فيني يعني مالج شغل
سناء( وهي تناظر اخوها): ايه ياخوي جار الزمن علينا الفقر والحاجه وثقل العمل الا تشتغله بالليل عشان تصرف علينا وترضي امي تتحمل كل شيء ياليت ياخوي عندي الفلوس عشان اقدر اساعدك بس اني بنت والبنت عندنا من بيتها لبيت زوجها او لقبرها
[في المدرسه حيث سناء وجوري وريان]
جوري(كانت حييييييييل فرحانه اليوم بجيبي حبيبها يخطبها): اليوم فطوركم عليّ
ريان: الله الله شنو المناسبه!
جوري(تتمايل الدلع): لسبب براسي وبس؟
سناء:.........................
ريان: ياحليلج جوريو يناسبج الدلع
جوري: ههههه شتبي اكثر من كدي رشيقه وبشرتي بيضاء وشعري طويل وناعم فأكيد ابو الدلع يناسبني
سناء(كانت تناظر بجوري):..............
ريان: سناء علامج اليوم ساكته وخامله من غير عادتج
سناء: اني لالا مافيني شيء
جوري: الا ماقلتي شحال اخوج ايمن مع شغله الجديد
سناء(واخيرا بنت العز ذكرت عيال الفقر ): بخير الحمدلله
جوري(حبت تساعد صديقتها وتمتثل لامر بدر ): امممممممممممممم سناء سئلي اخوج ايمن اذا حاب يشتغل مع ابوي بشركه انا اتوسط ليه
سناء(ايه عيال العز يساعدوا بعدين يمننوا): هههه لا مايحتاج هو مرتاح بشغله (وذكرت ايده المجرحه والدم المتكتل والتعب الا كان باين عليه والهالات السوداء حول عيونه)
شوي الا تقربت بنت دبدوبه شوي وبيضاء شعرها ناعم وطوييييييييل مره يوصل لنصف فخدها
اريج : السلام عليكم
جوري وسناء وريان: وعليكم السلام
اريج(تمد ايدها الى جوري): اني اريج بنت عمج اخت بدر
جوري(بفرح وبغير شعوور اخدتها بالاحضان): هلا فيج كيفج انتي الا بديير قال لي عنج
ياحليلج (تلتف لريان وسناء): ناظروا بنت عمي تشبهني
سناء(الصدمه شلت تفكيرها):.................
ريان: ايه تشبهج ياحليكم مع بشرتكم البيضاء
جوري: اقوول ارووج انتي ماتشبهين اخوج
اريج: يقولون اشبه
جوري: قصدي في الحلاوه انت احلى بحكم انج بنت
ريان: دائما البنات احلى هههههههههههههههههه
جوري: بس بدر حلووو بعد مانافصه شيء
ريان: بدر وبدر صجتينا ترى
جوري(انتبهت لحالها): فرحانه ان عندي عيال عم
اريج: يلا اخليكم بروح لشلتي
جوري: لا قعدي معاناا
اريج: ايام الله وااجد
[في بيت ابو حسام]
نادر: ابوي ابيك بموضوع
ابو حسام: تكلم شعندك
نادر: ابوي واحد من الشباب من اصحابي يعني اممممممممممم
ابو حسام(يقاطعه): يبي شغل موو؟
نادر: لا يبوي مافهمتني بيتقدم لختي جوري
ابو حسام(عطى الموضوع اهتمام قوي): الساعه المباركه من هو!
نادر(تردد شوي): اسمه بدر
ابو حسام: وبعد
نادر: شنو
ابو حسام : عطيني اسمه الكامل
نادر: ليه هو بجينا اليوم
ابو حسام: ليه يعني ما نسأل عنه تبيني اعطي اختك أي واحد يزوجها لا ترى ذي جوري بنت ابو حسام ذي الغاليه المدلـله
نادر: هو شكله يصير لينا من بعيد او ان تشابه اسماء مع عائلتنا اسمه
بدر السّلام
ابو حسام: بدر السّلام امممممممممممممممممممممممممممم شأسم ابوه
نادر: مدري يبه خله يجي اليوم وتتعرف عليه من قرب افضل
ابو حسام: خلاص خله يجي
نادر: انبسسسسسسسسسسط وعلى طوول راح يبشر بدر
بدر: احلف ابوك وافق اجي
نادر: وربي
بدر: خلاص بعد الصلاه انا عندكم
نادر: ان شاء الله
*************************
[في بيت سناء]
سناء كانت تفكر في اريج هل هي اخت بدر
سناء: اذا كان بدر ولد عم جوري فأريج اخته يابختهم عيال العز ياليت عندي ربع الا عند جوري آآآآآآآآآآآآآآآآيه اني وين وجوري وين خليها على الله بس ياسناء رااحت عليش والله لو اني صدت بدر وخليته يحبني ويتزوجني كان اللحين اني عايشه بعز
اسبح بالفلوس وعيش بفلل وقصوور (وتناظر بيتهم )مو في بيت شوي ويطيح على اهله لكن الله بعوضني بزوج غني وبصيروا عيالي اغنياء ..ايه اني مابتزوج الا واحد عنده فلوس مكدسه بالبنك عشان اصير مثل جوري لالا شنو مثل جوري افضل منها ايه افضل
(يقطع حبل افكارها دخول ايمن اخوها وباين عليه التعب):سناء حطي لي غداء بسرعه
سناء(كسر خاطرها اخوها): ياخوي ماتشوف شلون حالتك صايره الا يشوفك يعطيك اكبر من عمرك ياخوي بـ50 سنه
ايمن: خليها على الله
ام ايمن: يمه ايمن لا تروح الليله شغلك انت تعبان ومرهق وتحتاج راحه
ايمن: مو بيدي يمه وثم اذا مارحت مره مرتين ثلاث بيطروني وبعدييين من يصرف عليكم ومن وين لي شغل
وثم يمه 2500 نعمه وتستحق كل الا يصير فيني وانتون كلو واشربوا ولا عليكم مني
ام ايمن: شلون يمه ماعلينا منك امس فقدنا ولي امرنا زوجي وابوكم تبينا بكره نفقدك
ايمن(يصعد الدرج): يمه ماحد يموت ناقص عمر .. انا برتاح شوي بعدين بنزل اتغدى
سناء: اركب لك دواء يمكن تصير احسن
ايمن: لا ماينفع اللحين انا ما اكلت شيء من الصباح تبيني اشرب دواء
ام ايمن: ليه ما أكلت شيء من الصباح ليه مافطرت ياولدي
(ايمن ماحب يقول لامه انه يحاول يقتصد بقدر الامكان لانه مصاريف البيت ماتكفي الراتب والوالد عليه ديوون يبي يسددها ومو عارف كيف)
********************
[في بيت ابو سعود]
صاحبي ياحبني لك
اجلس وخل الاماني تبتديك وتنتهي بك
ماللنجوم اوطان دام السما عيونك
بعثرت هالحنان بلقاك وبدونك
توأم روحي تتصل
ريان: هلا جوري
جوري: اهلا وسهلا
ريان: هاا شصار
جوري(والفرحه مو سايعتها): ابشرج دكو بالمجلس شويات وبكلم ابوي بيصير لي بالحلال ياريوون
ريان(فرحانه لفرح الجوري): عسى الله يتمم لج على خير يارب
جوري: عقبالج
ريان: يصير خيرات داك الوقت اني مو مستعجله مثلج بعدني صغيرونه
جوري: عذااااااااااااااال البنات بهالزمن ينخطبووون وهم صغار مثل زمان اول
ريان: لا مابي اعرس زين
جوري: مو بكيفج
ريان: ليش الخطيب على الباب
جوري: ايه ما اني اشتغل خطابه لج نشرت صورتج بالجرائد والمجلات وكتبت مطلووب عريس ودكو صفه رجاجيل يطلبونج
ريان: هههههههههههههههههه صايره ترمي صواريخ اقول روحي شوفي شأخر اخبار رجلج
جوري: رجلي والله عجبتني الكلمه ههههه
ريان: باي ياهبله
جوري: تعلمت الهبال منج يلا بايات
~> بالمجلس حيث بدر ونادر
بعد شويات من الانتظار دخل ابو حسام نظر الى عريس بنته الا كان لابس ثوب ابيض وغطره وطالع كشووووخه مررررره وبالمثل كان بدر يناظر بعمه وتذكر ايام مكان يجي ويترجي
عمه ويبوس رجلينه يبي فلس واحد يعيل اهله وهو لارحمه ولاشفقه
بدر(وقف): السلام عليكم
ابو حسام(وهو يناظر بدر): وعليكم السلام
جلس ابو حسام ودام صمت طوييل لين تكلم ابو حسام
ابوحسام: انت الا جاي تخطب بنتي
بدر: ايه طال عمرك ولي الشرف
ابو حسام: ويش تشتغل
بدر: اشتغل محاسب بفرع شركتك الا بالظهران
ابو حسام: ايييييييييه شسمك الكامل
بدر(كان خايف من رده فعل عمه بعد هالسؤال): بدر احمد بدر السّلام طال عمرك
ابو حسام(رجع فكره على طووول لورى تذكر): انت ولد احمد
بدر: ايه طال عمرك ليه كنت تعرفه
ابو حسام وقف بعد ما تأكد ان الموجود ولد اخو هالا حرمهم من مالهم
ابو حسام(بحده): ماعندنا بنات نزوجهم
نادر(تفاجأ): بيه شقاعد تقول
ابو حسام: نادر اطلع بره لي كلام مع صاحبك
نادر: يبه..
ابو حسام(يقاطعه): قلت لك اطلع بره
نادر(ماقدر يناقش ابوه اكثر):ان شاء الله يبه على امرك
طلع نادر من المجلس وكان خايف على بدر من الا بصير عشان كدي بقى واقف ورى باب لمجلس عشان يسمع كلامهم
ابو حسام: اسمع يابدر اذا كنت جاي تنتقم انا اعطيك ضعف ورثك
بدر(نصدم من كلام عمه): لا ياعمي انا مو بجاي انتقم وانا محلل لك كل فلس اخته منا
ابو حسام(بغضب): انا ما اخدت شيء
بدر(بخوف):ياعمي انا جاي اخطب بنتك على سنة الله ورسوله وابي القرب منكم وبس
ابو حسام: بنتي مخطوبه
بدر( حس ان احد كب ماي بارد عليه) : مخطوبه!
ابو حسام: ايه وعن قريب عرسها
بدر: لا ياعمي
ابو حسام: اطلع بره وبكره توصلك ملكيه وحده من الشركات الا عندي
وان شفت رقعة وجهك قريب من بيتنا لاتلوم الا نفسك فاهم .. يلا بررره
ترى مالذي سيحصل لايمن وهل سيخير نفسه بين العمل والدراسه
هل ستيمكن بدر من خطبت الجوري رغم عناد ابو حسام وما الدور الذي سيقوم به نادر
ماذا ستكون ردة فعل جوري بعد معرفه ماحصل لبدر
ماذا ينتظر ابو سعود من زوجته الثانيه ساره من بسمه
بنتظار تعلقاتكم وانتقادكم
البارت الحادي عشر [ قدري ـألخوآإنْ ]
[في بيت بدر ]
يمسك بدر ورقة ملكيه الشركه الا بولايه مانشستر ببريطانيا بعد ماوقعها في المحكمه مع عمه
وكان حيييييييييل ضايق انه ماقدر يستبدل ورقة ملكيه الشركه بورقه ملكته على جوري
ام بدر: خلاص ياوليدي يابدر كون حالك ورجع خطب بنت عمك جوري
بدر: جوري ....(زاد الهم على وجه) يقول ابوها مخطوبه
ام بدر: مخطوبه شلووون
بدر: يعني يا يمه افهميها بعد الا صار هو بعرسها بأقرب فرصه
ام بدر (حست بولدها): ياولدي بدال جوري وحده اني اجيب لك عشر
بدر: انزين يمه شلوون اقدر اروح اكون حالي وهالشركه ببريطانيا وطبعا عمي متعمد
يبعدني بقدر الامكان عن بنته فختار لي بلد اجنبي
ام بدر:..................
بدر: وثم كيف اقدر اخليكم واروح
ام بدر:.....................
بدر: انا ضايق خلقي يايمه عمي رد سكر بوجهي ابواب الحياه مثل ماكنت صغير يايمه
احس حالي مخنوووق ومحتاج اقعد لحالي يمه تكفي خلي بروحي شوي
ام بدر(فهمة ولدها): ان شاء الله ياولدي
(طلعت ام بدر من غرفه بدر وهم مهمومه لشوفت ولدها زهره حياتها مهموم)
اريج: رفضوه يمه مووو؟
ام بدر: مو بس رفضوه يابنتي الا المصيبه عليه اعظم خليها على الله
اريج: ياربي ليه يصير كذا لاخوي (ترفع راسها لسماء) يارب انت ادرى بحالنا
*********************
[في بيت ريان ]
تتصل ريان بجوري بفرح تتنتظر البشاره منهاا عشان تفرح في صاحبتها
الا وقفت معاها وقفات اخويه وتتصل مره ومرتين وثلاث واربع ومامن مجيب
ريان: يمكن الفرحه مو سايعتها لدرجه مانتبهت لرنين جوالها
بسمه(تقاطعها): من ذا الا الفرحه مو سايعتها ... عسى حزن ينزل عليها من السماء
ريان(عصبت): وانتي بحياتج ماقلتي كلام عدل
بسمه: مالج شغل فيني وفي حياتي فاهمه
ريان(وهي تقوم): والله احسن حاجه سواها فيج عمي انه تزوج عليج
بسمه(ماتمالكت اعصابها ومسكت ريان من شعرها): انتي تقولي ذا الكلام ياحقيره
ريان(تحاول تفك حالها من زوجة عمها): اتركيني افضل لج
بسمه(تترك شعر ريان لكن تباشرها بكف على خدها): هذا الكف عشان تتعلمي كيف تتحترميني وانا بحسبة امج
ريان(تمالكت حالها وجمعت قوتها وتفلت بوجه بسمه): تفو عليج اذا كنتش انتي حسبت امي ... وثم مستحيل توصلي لمقام امي ياحقيره
بسمه(بغضب عارم): انتي يالماتحشمين احد لين ما صارت نهايه بسمتك وجرئتك دي على يديني ماكون اني بسووم
(فجأه يقطع شجارهم وجود ابو سعود) ابو سعود: شصاير صوتكم العالي يوصل للمجلس
بسمه: ياااااي آسفيييين خربنا جلستك الرومنسيه مع زوجتك الثانيه
ابو سعود(يجاريها بلهجتها): لالا يازوجتي الاولى انا وزوجتي الثاني بكل الاحوال مرتاحين
بسمه(عصبت من كلامه وسخريته): كله طيش شباب ومردك ترجع لي
ابو سعود(حقرها): ريان شصاير؟
ريان(وهي تلملم خصلات شعرها المتناثره على كتفها): زوجتك المصون شدة شعري وعطتني كف على ولاحاجه
ابو سعود(يتجه لبسمه): ان مديتي يدك او فكرتي حتى تمديها على بنت اخوي ماتلومين الا نفسج فاهمه لو افهمج بطريقتي الخاصه
بسمه: اسمع انت اذا كنت تظن اني بطلب الطلاااق لاا ياحبيب قلب امك اني قاعده على قلبك
لين تجيك الجلطه وتموت انت مع زوجتك ساره ولاتظن اني بفتح لك المجال بحياه سعييده لا لآلآ تراك اكبر غلطان بالدنيا ولاتظن اني بخلي هالجاهله تستولي على بيتي وتتودد لاولادي لا كمان انت غلطان واسمع اذا شفتها هنا في بيتي لاتلوم الا نفسك وقد اعذر من انذر فاهم
ابو سعوود(بقهر شديد من لهجه كلامها ومضمونه): سمعي انتي اذا كنتي تفكري اني بخليج على دمتي تراج اكبر غلطانه لانج لو وقفتي نصف وقفه سمعتي نصف وقفه مو وقفه كامله بعدبتوصلج ورقة طلاقج بالثلاث لاني تحملتج حيييييييييييييل واولادج الا هم اولادي لاتظني
بخليهم معاج لا بخليهم عندي مع امهم الجديده والحنون سويره وبمنعج من شوفتهم ولو على قص رقبتي وهذانا قلت وانتي جربي!
بسمه(بعد ماراح ابوسعود): لا بالله لعبت بعقله ونقلب عليَ هذا مو عزام زوجي وابو عيالي
لازم اختلق خلاف بينهم واحاول احافظ على نفسي
**********************
[في بيت ابو حسام ]
جوري(بفرح شديد تجر اخوها لجناحها) نادر ياخوي ابشر شصار مع ابوي
نادر(كان حييييييل مصدوم والصدمه اخرسته):................
جوري: ندوووري تعرفني ما احب حركات الاكشن وخاصه في مثل هالمواقف
نادر: مدري شقلج ياختي مدري!
جوري: اووووو بلاها هالتمثيل الممل وقولها ابوي وافق مووو باين من شكلك
نادر(اختنق بعبرته وهو يذكر كلام ابوه لبدر): ابوي طرده وقال ليه ماعندي بنات لزواج
جوري(من صدمتها طاحت على الارض تبكي): شلون يعني شلوووووون!
نادر(نزل لعند اخته):سمعيني ياختي بدر وانسيه ابوي بزوجج واحد ثاني ويمكن افضل
جوري: لا لا انتي شقاعد تقول اني بروح لابوي بروح بقله اني ابي بدر بقله اني احبه وابيه
ابيه بروح له
نادر(حس انه اخته مو حاسه لحالهاومسكها):انتي ارتاحي اللحين بعدين يصير خير
(جوري كانت تصيح بقوه وتصرخ بإسم بدر )<~ مدري ليش ساحرنها بس صحيح الحب اعمى
***********************
[بيت ابو ايمن]
ام ايمن: مدري شفيه ايمن خايفه عليه وحاسه قلبي ناغزني بابنيتي ابوج راح وحط عليه هم وهو بعده صغير
سناء(بينها وبين نفسها): ايه من قبل لايشتغل تقول له انت كبير و مو رجال وماتتحمل مسؤوليه واللحين خايفه عليه
ام ايمن: سناء علامج اني اكلمج
سناء: هلا يمه اني معاج شكنتي تقولي
ام ايمن: ايه باين انتي معي اقول لج قومي شوفي اخوج قلبي ناغزني عليه شوفيه زين او لا وقولي ليه يبي غداء تحت لو اركبه ليه فوق بعد ما فطر ومايتغدى مايصير كدي
سناء(بتململ): زين يمه على امرج
(تركب سناء الى غرفه اخوها ايمن وتلاقيه نايم )
سناء: ايمن ايمن
ايمن(بلا وعي): اللحين قايم
سناء: ايه امي ناغزها قلبها عليك قوم تغدى
ايمن(بين النوم واليقضه): ان شاء الله
شويات الا نزل ايمن ومن كثر التعب الا حاس فيه ماحس بحاله يطيح مغمى عليه
ام ايمن: اييييييييييييييييييييييييييييييييييييييييييييمن لا
سناء(خافت على اخوها وبحركه سريعه راحت ليه على طوول ): ايمن ايمن
ام ايمن (بين دموعها الغزيره ): اطلبي الاسعااف (ترفع راسلها لسماء): يارب خد من عمري وعطيه ترى مالنا غيره بالدنيا
*******************
[بيت ابو ساري (اهل بسمه)]
ام ساري: من زمان ماسمعنا اخبار بسمه اختك
مشاري: ايييييييييييه هي تقطعنا وقت الحاجه تذكرنا
ام ساري: اني دللتها يوم هي صغيره لين صار الا صار
مشاري: لا منتي بغلطانه يمه بس هي عااقه وشايفه حالها
ام ساري: الحمدلله على كل حال
مشاري: هي بس لو تعدل اسلوبها وتترتب لزوجها بصير ماكو مثلها بالحريم بس هي الله يهيدها مدري ويش فيها
ام ساري: وانت ماتفكر تخطب
مشاري: لا بعد سوالف بسوووم ماظن اعرس
ام ساري: خلي بسوووم على جنب وقلي ماكو بنت معلقه بعقلك مني لو مناك
مشاري: لا يمه لاتخافيني ماطز عوايني في خلايقه الله عشان تعجبني وحده
ام ساري: استغفر الله واني قلت لك طز عواينك في خلايقة الله عشان تعجبك وحده بس انتون الشباب بالهزمن بالكم على طووول يرروح بعيد غير شباب اول محترمين وخلوقين ومايعرفون شيء بذي السوالف بس انتون القنوات الفضائيه والانترنت ماخله بعقلكم شيء مادخله الحمدلله والشكر على نعمه
مشاري: يمه اسجل محاظرتج هذي في اسطوانه واسمعها كل يوم افضل ترى انا زهقت كل يوم تعيدي نفس الموال عليّ يايمه ارحميني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك