رواية شغب في مدارس الرس -5
مرام- سوري ...
ابوهن- وش تسون جالسات ....قومن جيبن الغداء امكن تشتغل لكن....
مها- ايه عادي ...
ابتسمت بخبث وقالت- لا هي حامل ولا شيء....
ابوها بتعجب- علمتكم؟؟؟؟
الجميع- ههههههههههههههههههههههههههههههههه
مها- صدناهم ....ليش ماتعلمونا
مرام- قوييـــــــــــه
ابوهم انحرج وقال- كنا بنطلعكم لمطعم ونقولكم ....
مها –لا لالا ماسمعنا شيء نهائيا...مرام اومي حامل؟؟
مرام- من قاله ...
حاتم- العبن غيرها....راحت الطلعه ....
مها- نقوم نساعدها الحين ....بس اذا بنت اسمها صيته
مرام- ووووووع ....
دفتها وقالت- قدامي للمطبخ...
................................
ندى- الخميس الجاي.....
ابوها- ايه ....وترا الخميس اللي بعده ملكة ولد ابو حمد
فيصل حس بألم في راسه .....ومسك راسه
ندى لاحظت...
ندى- وش فيك..
امهم- ميخالف بس من بيروح معـــ.....؟؟
التفتوا كلهم له .....
فيصل- ولا شيء...بروح انام ...
وقف وهو يمشي بشويش ويمد يديه لقدام خايف من أي شيء قدامه....نطت ندى ومسكت يده ....
فيصل- ارجعي اجلسي تعبتك..
ندى-تعبك راحه ......
استغربوا....هو تعبان او بس دايخ؟؟
....................
من بكره الصبح ......
مها تسحب البطانه وتغطى وتقول- الله يخليك يمه ما ابي اروووح...
امها- وشوله ماتروحين .....اكيد عندكم اختبارات
مها- لا ماعندنا
امها- السبت ومايصير عندكم...مو معقوله...
مها- عادي يمه من بكره يعدونه ...الله يخليك يمه ما ابي....
امها- خلاص.....
طلعت وسكرت الباب
بالمطبخ.......
حاتم يفطر .........- وين مها؟؟
امه- ماتبي تروح
حاتم- ليش ما تروح.....
امه- ما ادري...كيفها ماعمرها غابت...
مرام- السلاااام عليكم....
جلست ....وقالت- مها ؟؟
امها- ماهي برايحه .....
فارس دخل وقال- مو على كيفها ما تروح...أنا ما ابي اروح...
امه- اقول يالله ....على كيفك...انت غايب يوم الاربعاء
فارس- ماشبعت نوم....بعدين اذا تغيب مها ...انا....
من وراه ابوه- وش عليك من مها.....
فارس بخوف- لا كنت امزح
حاتم ابتسم وقال- ايه واضح......
..........................................
طلعت ندى من البيت وهي تمشي متوقعه تشوف مها .....لكن ماشافتها....دخلت للمدرسه .....
فيروز من بعيد- ندووووو
التفتت وهي تنزل عبايتها ....
جتها تركض ووقفت عندها وقالت- توقعت مها بتجي......
رغد جت من ورى وقالت-احسن ياليتها ماتجي...
ندى وفيروز بتعجب- هاااه
فيروز-بالعكس مهاوي حبوووبه...وونيسه
رغد- يوه ياكرهها
ندى- لا تغتابينها ....قولي هالكلام بوجهها مو بظهرها ...
اخذت عبايتها وشنطتها وراحت لفصلهم...
فيروز- ياخبله تدرين ان علاقة ندى بمها حلوة....ليش تسبينها ...
رغد بدلع –انا اقول اللي ابي.....
فيروز- انتي تكرهينها لانها دينه وماتحب حركاتك بس....
رغد- معقده .....اصلا ايمان ومها غلط انهن معنا.....حتى ندى صايره مثل الخبله مها...
فيروز-خخخخخ الصاحب ساحب...
وقبل ماتبدا الحصه اسابعه...
فايزة- مو رايقه لهالحصه ....
مريم وعبير بصوت واحد- نهررررب
فايزة ابتسمت وقالت-نوره خلود معنا
نوره –لا ما ابي....
خلود –خلاصــ....
قاطعتها نوره- خلووود...
كانت تطالعها بنظرات مو مفهومه ....
سكتت خلود وقالت- لا ماراح اروح....
فايزة عصبت وقالت- تخلين نوره تستقوي عليك....
نورة- وش دخلك
خلود طالعت الارض وسكتت ....
فايزة –مالك شخصيه ياخلود
نوره- وش محرق رزك
فايزة- انا ما اكلمك ...اكلم خود...
نوره- اصلا انتي اخر من يتكلم....
عبير- بس صبايا اللي تبي معنا ...تمشي...واللي ماتبي تجلس.....
فايزة تطالع خلود وهي منقهره انها تخاف من نوره ....
طلعت من الفصل....
مريم بصوت عالي للفصل- بنااااااات حنا غايبات خلاص....
بنت من الفصل- انتظروني بهرب معكن ...
طلعت معهن كان اسمها الماس.....
................................................
كانن بالساحه الخلفيه
الماس- يا اختي صديقتكن نوره هاذي ما اهضمها ما ادري وشلون تهضمنها
فايزة- انا اكرهها وتدري اني اكرهها ...
عبير- عاد احس انها طيبه ماعمري شفت منها شيء...
مريم- والله انها حبوبه ...لا نغتابها ....
فايزة- اصلا لازم تتركنا...
مريم- لا مستحيل نورة عسل
عبير- أي صح نورة مستحيل...
فايزة- راح تكشفنها على حقيقتها....
الماس-نروح لسطح ...؟؟
فايزة-مشينا..
...................
بنص الحصه...
وقفت نوره وقالت- استاذه ...تسمحين اروح للمديره ....
المعلمه- وشوله
نوره- ابي اروح لها
المعلمه- روحي
خلود- وش بتسوين؟؟
نوره- مو شغلك...
طلعت وراحت للمديره .......
.....................................
.....................................
بالسطح
الماس- لا تطيح....
كانن يلعبن كوره بعلبة مويا...
مريم- انا هلاليه احسن من لعبكن كلكن ...
الماس- يالبى الهلالين ....
عبير – ياحوبي للاهلي...
فايزة- اقول خوذي الكوره ....
طررررخ باب السطح.......
التفتن ونصدمن ........
...........................
ندى جالسه طفشانه وكانت جنبها ايمان .....جالسه بمكان مها
ايمان- وشفيك...
ندى بصوت خفيف لان عندهم معلمه- ما ادري...تصدقين تعودت على مها ....
ايمان- صح ..مها لها فقده ....
ندى- افكر اني اطلع من الشله انا ومها ...واذا انتي تبين عادي...تعالي....لانهن يأثرن علينا...
ايمان سكتت وهي تفكر....
ندى- طبعا انا فكرت ولا حتى قلت لمها ...
ايمان- رغد هي اللي بتوهقنا لو بيمسكونها مع نهله ...
ندى- انا مو هذا اللي اقصده ....
-ياللي ورى...وش عندكم ...
سكتن وقالت ندى بصوت اخف – اقصد مها ...ما ابيها تتأثر منهن ...مها ما تغش ماتسمع اغاني...اخاف انها تنقلب منا ....
ايمان- ماتسمع اغاني ؟؟؟؟!!!!
ندى- ايه....وانا فكرت اتركهن ..دام صديقتي ماتسمع فأكيد انا ماراح اسمع.....ولا اتحمس
ايمان بتعجب- فيه احد مايسمع اغاني
ندى- الله يهدينا ....فيه ناس ماشاء الله عليهم مايسمعون ...صراحه اتمنى اتركهن ....
.................................................. .......
بالاداره
المديره- لا وتلعبن كوره...عيال والا بنات
الماس- الكوره مو لعيال بس
المديره- لا تراددين
الماس- طيب لا تعاملينا كذا
فايزة تفكر وش عرفها انهن هربن مو معقوله بنات الفصل قالن للمعلمه ...دايم يهربن ....
المديره- لا علومكن زينه انتي.....
طلعت اوراق تعهد....
مريم- استاذه اخر مره....
عبير- تووووبه ياوخيه استاذه....
المديره- اقول اكتبن.....
كتبن ووقعن
فايزة اخذت القلم وهي تقول بقلبها- مافيه غيرك يانوره .....
وقعت وقالت- استاذه اللي قالت لك طالبه صح؟؟
المديره- وش دخلك
فايزه- مجرد سؤال....
المديره وانتي يا الماس....اذا ماعقلتي عن حركاتك هذي...ترى بتصرف معك تصرف ثاني ...
الماس تطالع السقف وهي مو مهتمه ....
المديره عصبت وقالت- روحن لفصلكن ....
طلعن من الاداره
وفايزه معصبه وتقول- من غيرها ...ادري انها هي ....
مريم- من؟؟!!!
فايزة- نوره .....لو هي اللي قالته ....
عبير- مستحيييل نوره حبوبه
الماس- كثري لي....نوره شيطان بهيئه انسان ....
فايزة- شوفي وهي ماتعرفها تقول كذا ....انا اصلا كنت اتعامل معها عادي...بس هي اللي تغيرت ...مغروووره...
درررررررررررررررررررررن انتهت الحصه السابعه .....نزلت المعلمه اللي كانت على فصلهم ....وراها الطالبات ونروه تكلم خلود وتضحك.....التفت لهن وابتسمت ....
خلود طالعتهن بشفقه .....يعني مو راضيه باللي سوته نوره ...بس نوره تمشيها ...
فايزة بقهر- اكيد هي .....
عبير ومريم يطالعن بعض مو مصدقات ...وش معنى النظره هذي
الماس- انا اوريكن فيها
اتجهت لها ووقفت قدامها وقالت- خيييير ليش التحريش انتي وجهك.....
قربن فايزة ومريم وعبير ...
نوره بابتسامة تكبر- انا كيفي....مالحد دخل فيني ...احرش ما احرش وش دخل امك ياشيخه..
الماس- ماتستحين ...جد والله انك شيطان ...
فايزة بنظرة استحقار- الغيره تسوي اكثر.....
نوره- أيـــــــــش انا اغار ...ومنكن...
مريم وعبير منصدمات
عبير- والله وطلعتي على حقيقتك....ولنا ثلاث سنوات مع بعض ولا هامك شيء بيننا....
نوره- اصلا انتن من اول ماعرفتكن ...وجودكن مثل عدمكن .....
مريم- يامنافقه...تضحكين بوجهنا ومن ورانا ....
قاطعتها فايزة- النفاق طالع منها
الماس- قطع لسان لك ان شاء الله .....بسهذا وجهي ان ارتحتي وانتي تسوين شيء بالمدرسه ...
نوره- اعلا مابخيلك اركبيه.....
الماس دفتها عن طريقها وراحت نوره- ياحقييييره ...
الماس- ما الحقير غيرك....
ورااحت لصديقاتها...
فايزة- وانتي ياخلود....
قاطعتها نوره- انتي وش دخلك بخلو...
قاطعتها فايزة- انا ما اكلمك....ماعندك كرامه....انسان مايكلمك لا تكلمينه...
نوره- شوووو ...انتي اللي مالك كرامه...
فايزه- كرامتي فوقك ......خلود لا تصيرين خاتم بيدها ...والله بتضيعين ....
راحت ...
عبير- منافقه...
ولحقت فايزة
مريم واقفه تطالع فيها..
نوره- خير ...وش عندك كلمه بتقطينها بعد؟؟
مريم- انتي مالك امان...ولا لك عشره....الخبل اللي يفكريصادقك....
.................................................. ...
دخل حاتم ....
ومها جالسه على الارض ....وحولها اللوااان والكراسه على الارض وترسم....
حاتم وقف فوقها يطالع وش ترسم
مها- خترعوا شيء اسمه السلام
حاتم- السلام عليكم....وش ترسمين.....
مها طالعته ...وجلست وهي تعبانه وقالت- لهدرسه مو واضح.......يووووه ما اعرف ارسم ما اعرف ....
حاتم- وش هذا ؟؟
مها- حديقه.....
حاتم-ههههههههههههههههههههههههههههههههههههه تصدقين ما عرفتها ...والله العظيم ...
مها- وش اسوي اتدرب على الرسم وانا دجه فيه ...
حاتم- قولي لفارس يرسم لك...تراه احسن من رسمك.......رجعت مرام
مها بعصبيه- فارس هاااااااه هين يانذل......مرام عندها محاضره ما تخلص الا وحده ونص ...يعني الغداء انسى الحين....
حاتم- طيب جوعان...ابوي هنا...
مها ابتسمت وقالت- تغديت مع امي وابوي ...
حاتم بهمس- خربتي الجو ..
مها- ايش؟؟
حاتم- سلامتك...
مها ضحكت وقالت- علينا....سمعتها...
حاتم – ايه وانا صادق...المفروض ما تغدين معهم ...
مها- كل يوم يتغدون مع بعض ماشبعوا من بعض....
حاتم جلس عندها وقال- شمي ريحة العطر....حطه الولد المزيون اللي قلت لك....
مها بسرعه قربت وهي تشم ...وصرخت وقالت- وووووووووووووووووع.......
حاتم يضحك ويقول- هذا عطري المفضل...
مها- وسخ وسخ وسخ....رح تروش....اكيد لاعبين رياضه
حاتم-ايه رياضه ...مع مضاربه ....
مها- ابعد عني...ووع ريحتك تقرف...
حاتم وقف وقال- بروح اتروش...
..................................................
فايزة- تخيلي هذا ما يقهر.....المنافقه الانانيه ....
ندى- شوي شوي قطعتي البنت ...
فايزة- اكرررررهها......مو لهدرجه تسوي كذا .....
ندى- بزارين ...
اتسطحت ...
فايزة- لا ياشيخه من كبرك انتي....غريبه انتي مو مع فيصل....مير فيصل وينه؟؟؟
ندى- عند خالي .....
فايزة- رايح لحاله؟؟؟
ندى- ايه...قلت بروح معك قال لا....يحب يعتمد على نفسه...
فايزة- وهو ماياخذ عصا .. يمكن احد يشوفه مو اعمى وبالطريق....
ندى- لا ان شاء الله....يسمع زين بسم الله عليه.....
فايزه- مو كل شيء بالسمع..
ندى- الله لا يقوله ان فيصل يجيه شيء....بس انتي لا تفائلين عليه كذا
.................................
العصر......
مها- ابي حمضيات....
فارس- انا مالي دخل.....
مها- تكفى اعطيك الفوس بس تروح تشتري لي...
فارس- لا لا لا ....
مها- يانذك......حاتم مو موجود ياعومري.....
فارس- روحي انتي ....
مها- مير فرصه ....اروح وامر ندى ....
طربق طربق طربق......
اخذت عبايتها ومرت من عند امها وقالت- يمه بروح اشتري من البقاله ....
امها- قولي لفارس...
مها- مو راضي يروح....انا عادي اروح...با اخذ الواجبات من ندى ....
امها- من متى الشطاره واجبات ...
مها- من زمااااان...
امها- روحي...
..............................
كانت تمشي بالشارع ..مستانسه ماعمرها طلعت بهالحزه ....كان فيه رجال بيدخل البقاله قدامها وهي متجهه للبقاله كان طوووويل وعليه جسم كبير......وقفت تنتظر يطلع ....شد نظرها اللي يمشي بهدوء ويطالع الارض....
حست بقلبها يدق بسرعه....بس مو عشان انها تحبه ....لا لانها تشوفه يمشي لحاله ..ومامعه عصى ...
متجه للبقاله يمشي بهدوء .....
يلمس الجدار لانه قرب من باب البقاله ....طلع الرجال بوجهه ...وصدمه ...فيصل نحيف...وهذا جسمه كبييير....
طاح على الارض ......
الرجال- ماتشوف......
فيصل- اسف...
مها تشوفه قدامها كذا رحمته...
الرجال- انتبه ....
تركه....
فيصل...وقف وهو ياخذ نفس......دخل .....
هي تنتظر تصير البقاله فاضيه ...مروا من وراها بزارين يركضون ....طلع وصدمه بزر بعمر فارس....
طاحت الكيس اللي بيده....وتفرقت اغراضه ....
الولد- اسف...وكمل ركضه....
انحنى يلمس الارض ....بيجمع الاغراض...
نزلت دموعها ....واخذ اغراض بسيطه وفيه اغراض طايحه ...راح يمشي..مابعد...مها مشت وجمعت اغراضه وهي تصيح....يسمع وراه صوت ....التفت وكأنه يشوف....صوت خطوات بنت ووحتى يسمع شهقات خفيفه مو لولد... لبنت ....
مها رفعت عيونها وحست ان الدم وقف ....بقلبها- يشوف....لا مايشوف.....ليش يطالع كذا ....
قال – تحتاجين مساعده اختي؟؟
مها وقفت من الصدمه.....
قال- احس انك بنت ...صح؟؟
مها بارتباك – لا شكرا.....بــ...بــس هاذي اغراضك طاحت منــ...منك..
عطاها ظهره وقال- حلالك...........جزاك الله خير...
وراح.....كانت تطالع مو مصدقه....تطالع اللي يبدها كان فصفص جالكسي وحلاو وعلك وتتأمل فيهن
رجعت للبيت من دون شعور وعلى غرفتها......
...........................................
فيصل دخل........واسرار وابوها كانوا بيطلعون ...
اسرار- عموو...
مسكت رجليه وهي تطالعه فوق...
فيصل- اهلييين عمو....
سامي- لحالك ماشاء الله؟؟
فيصل- ايه ...افا عليك....
سامي- حنا بنروح لسوق...تبي شيء؟؟
فيصل- ياليت تشتري لي جزمات جديده..
سامي- ان شاء الله...
طلعوا ..دخل ....كانت فايزة وندى يسولفن
فايزة نطت واخذت الكيس من يده وقالت- شوكريا خيو
فيصل- عفوا...
فايزة- مالك شيء؟؟
فيصل- ما ابي.....
ندى- وش فيك؟؟
فيصل- سلامتك...
جلس عندهن ويسمع سواليف البنات ....هو الوحيد من اخوانهن فاهم البنات وعارف طريقة تفكيرهن ....
..........................................
كانت متسطحه وتفكر....
اللي قدامها عيون فيصل....اخذت نفس عميق
دخلت مرام وهي تقول- مهاوي ...قولي لاخوك هذا يودينا لسوق...ماعندي لبس للكليه
مها طالعتها وقالت- وش ماعندك لبس....انتي ماتبين تعيدين....
مرام- لا مو قصدي....بس ابي اشتري شتوي ....الصبح يصير بررد...
مها- روحي قولي له
مرام- يؤيؤ وش السالفه ماتبين السوق....
مها- ما ابيه....لو نروح لبريده احسن من سوق الرس....ملينا من السوق هذا
مرام- عندك اختبار بكره؟؟
مها-ما ادري..
مرام- لو عندك امي ماتوافق ابوي يودينا....بعدين امي لا تشتغل....حنا نشتغل
مها- فيك حرة شغل ...اشتغلي...انا متى ما فكرت اشتغل اشتغل....ولو بجي عند امي اقول لا تغسلين تقول لا عادي روحي .....امي تحب الشغل....وافيد لها
مرام- لا ياشيخه ....المهم- اقنعي ابوي انتي عندك اسلوب....لا اله الا الله...
دخل فارس وقال- مها...وحده تبيك على التلفون ...
مها بربكه-ندى ...
فارس- ما ادري....
قامت وراحت لصاله رفعت السماعه وقالت- الو...
ندى-هلا والله
وقف قلبها اكيد فيصل قالها ...علاقتهم مع بعض حلوه ....لو بتسألها وش بتقول.....
كانت خايفه على شيء ماله داعي
مها بربكه-هـ هلا...
ندى بتعجب- تعبانه ؟؟؟
مها- لا ابد....
ندى- داقه اشوف ليش غايبه بدون سابق انذار ...
مها- تعيجزت اصحى الصبح..
ندى-اجل وناسه بس
مها- ايه...اختبرتوا؟؟؟
ندى- يس...تقول ان بكره اختبارها....يعني انتي عليك ثلااث اختبارات وحنا لا...بس اختبارين
مها- اها....
ندى- انتي مو على بعضك
مها- مافيني الا العافيه ...بس اني تعرفين امور بنات
ندى-خخخخخ اها قولي انه هيك......عسى ماتتعبين ؟؟
مها- لا لا ....الحمد لله
ندى- اجل تعالي بكره ...ترى لك فقده مآآآآره فضيعه...ياليت تجين...
مها- ان شاء الله.....
ندى- ايه وفايزة تقول حاتم يجي معك الصبح...
ضحكت مها وقالت- ووع وش تبي فيه ....
فايزة من ورى- نصااابه والله ماقلته
مها- يالله بقوله لازم يروح معي بكره ...فيه بنت بتشوفه ...لازم يغير لوكه ويكشخ ....بس ياليت مايلبس جينز ...يطرده المدير...
ندى-خخخخخخخ شوفي فايزة منحرجه....شكلها بتقوم علي...آآآآآآي مع السلامه...
طررررررخ سكرت بوجهها...
مها سكرت وهي مبتسمه واخذت نفس وقالت- اشوى شكله ماقالها....طيب انا ليش خايفه...يووه ماله داعي خوفي....
................................................
كانت عند نوره ...
خلود- تكفين فكيني من شرك....شوفي البنات استقون علي وكله لانهن يشوفني ضعيفه قدامك...
نوره- وش اسوي لك...تدري حبيبي يقدر وهقك ويخلي اهلك يقصون رقبتك...والرقم عندي...ورقمك عنده ..انتي اللي قلتي بتصل عليه
خلود- كانت لحظة غباء
نوره- وانا خبله اخليك تروحين بسالفه لي مثل كذا ببلاش...خلينا بالهواء سوى ...اقولك ترى له صديق حبوووب وشكله حليو...تبينه كلميه ...ونصير انا وانتي اصحااااب ما فيه احلى منا...
خلود- ولو دروا خواني....
نوره- انتي غبيه بتقولين هيه انت شفني اكلم ....كل شيء بالسر...بعدين مو تقولين انهم واثقين فيك مره
خلود- اخون ثقتهم ....ما اقدر...
نوره- اجل استمري كذا ...وانا بستمر اهينك.....
خلود سكتت وهي متردده ...
نوره- استانسي وش لك بالضيقه والملل....توك صغيره اذا كبرتي اتركي السوالف هاذي...
((توك صغيره اذا كبرتي اتركي السوالف هاذي))
هالكلمه تتردد بتفكير خلود قالت بقلبها- صح...هي وناسه ...وعصفورين بحجر واحد...
يعني افتك من اهانة هالمنافقه ....واستانس ....بعدين اتركهم ......
نوره –هاااه؟؟
خلود- خلاص.....
نوره- اجيب رقم صديقه الحين.....طبعا تراه هو بالرس...وش تبين باللي برا الرس...
خلود- خلاص....
اتصلت على حبيبها
رد- هلا وغلا ...هلا بنوني الحلوه ...
نوره بدلع- اهلين حبيبي...كيفك؟؟
ركان- بخير دامني اسمع هالصوت ....
نوره-دووم...حبيبي ممكن طلب...
ركان- لو تطلبين روحي جتك هديه ...
نوره- صديقتي اللي قلت لك عنها .....خلود.....تبي رقم صديقك احمد....
ركان- اووه وش مغير الحوال
نوره- اقنعتها ...
كان يقول بقلبه- ادري انك شيطاااان ....والا بعمرك تسوي كذا .....صدق ماتنفع التربيه لك...
ركان- ياعيني عليك.....آآآخ يا انا مشتااااق لك...
نوره- وانا اكثر.....يللا عطني رقمه ....
.................................................. .....
مها كانت بالمطبخ وبفمها حلاوة مصاص...وتجفف الكاسات والفناجيل....
فارس دخل وقال- ابي ...من وين لك الحلاوه...ابي...
مها- عندي ...انت اليوم مارحت تشتري...
فارس- تكفين عطيني....
مها- لا ....
فارس- كش عليك...اروح اشتري احسن من حلاوك....
طلعت الحلاوه من فمها وهي تطالع فيها وقالت- مافيه احسن من هالحلاوه ابدا....لو تموت...هذي غيييييير
فارس- ايه صدقت...
طلع .....رجعت الحلاوه وحطتها بفمها وهي تجفف بالمنشفه ....
دخلت امها وقالت- الله يعطيتك العافيه....خلاص تعبتي ....
مها- تعبك راحه يامو .....انتي ارتاحي.....
جلست على الكرسي قدامها وقالت- ياحليلك....
مها – يمه.....لو ولد وش بتسمونه؟؟
امها- ما ادري.....
مها- وش رايك فيصل...يعني فارس وفيصل....
امها- فيصل حلو....بس يمكن ينظلم الولد باسمه
مها- بالعكس يجنن اسم فيصل...شوفي من زمااااااان وهم يسمونه وللحين فيه بزارين اسمائهم فيصل....
امها- وش الطاري؟؟
مها- بس كذا معجبني هالاسم...
امها- طيب وان كانت بنت؟؟
مها- ان كانت بنت ....اسمها آآآآ كِنانه
امها- لا لا وش هالاسم...
مها- هذا رايي....
امها- باقي سبع شهور ويحلها الف حلال.....
مرام دخلت وقالت- يومااااااه تكفين قولي لابوي يودين لبريده
امها- قولي له
مرام- ما وافق....اتي مدلعه ..تعرفين يدلعك...ولانك حامل مو رافض طلب ...
امها- لا لا انا مالي دخل...
مها- عندي اختبار....
امها- اجل بتروحين يامرام لحالك....يامها معك يالا ...
مرام- نذله والله قبل شوي تقول لو فيه اختبار بروح.....
امها- عاد غيرت رايها
مها مبتسمه ومستااانسه ....
مرام- هين هين ....
.................
.................
بالليل الساعه 12 ونص.....
ما احد منهم نام...كانوا جالسين حول بعض ....
سامي وزوجته ....واسرار تلعب مع فايزة ...وندى واحمد وفيصل يسولفون....
ندى- الله يعيننا ...نسبه ...ويصعبون المنهج...واختبارات تضغط علينا ...
احمد- الحين الدراسه دمآآآر ...ماتمشي الا بالواسطه ....حتى اللي بيذاكر بيمل اخر شيء
ندى- مهاوي ...تذاكر قبل الاختبار بالمدرسه ....وماشاء الله عليها تحل...
احمد- يمكن حفظها سريع
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك