رواية شغب في مدارس الرس -4
الجو مو حار...والشتاء دخل ....
ابوها – ايوالله انها زينه.....خلاص بكره الصبح القاكم جاهزين.....وين فارس وحاتم
مها- مع امي .....رايحين لجدتي ....
ابوهن- وليش مارحتن معهن عشان تسلمن .....
مها- بكره نبيها تروح معنا هي وخالتي وخالي ....
ابوهن- وعمكن ؟؟
مها- لااااا
مرام- الا
ابوهن بعصبيه- أيــــش
مها – يبه كلهم عيال ....نمل ماشاء ومامعه الابنت وصغيره يعني ماراح نستانس......
مرام- خليهم يجون نتجمع ونستانس ...بعدين حنا ماتجمعنا من زمان ...بلا تجمعات البيت ...نتجمع بالبر احسن
ابوها- بدق على عمك ....وعياله كلهم بيجون ...
تركهن وراح
مرام- ايووووووه.....
مها- يانذله مستانسه هاه .....
مرام وهي تغني- طارق وينك تعال ابغاااك
مها تصارخ- ووووووع ....اكرهه اكرهه ....
مرام- استانسي معه.....بعدين والله الولد حليو ليش ما تحبينه دامه يحبك
مها- ما اطيقه هو وحركاته البايخه ....واحد غزلنجي .....مسوي فيها رومانسي
مرام- ايه واضح ما تحبينه...
مها- ما احبه...
مرام- الا انتي تحبينه
مها- ما اواطنه
مرام- انتي تحبين واحد بس مين ما ادري...
مها- ما احب احد...انا قلبي فاضي...
مرام- مو للاجار حتى
مها- لا اجار ولا بيع
مرام- اتحداك اذا ماكان فيه احد....مو شرط تحبين ...يمكن معجبه....
مها تفكر وقالت- ولا معجبه ...يمكن فيه واحد استلطفه ....
مرام فتحت فمها وقالت- شووووو
مها- ياغبيه استلطفه يعني احس انه طيب واذا شفته استانس .....لايروح فكرك بعيد....
مرام- منهو؟؟
مها ابتسمت وقالت- فيصل.....
جلست جنب مرام
مرام- اخو ندى؟؟
مها- ايه...
مرام بتعجب- الاعمى!!!او الكبير اللي مافيه الا العافيه
مها- لا الاعمى اصلا ما شفت الا الاعمى ...
مرام- الحمد لله والشكر .....تكلمين جد.....
مها- مو حب ولا اعجاب ..استلطااااف
مرام- آآآها ...طيب وش بعد الاستلطاف
مها- اعجاب ...بعد الاعجاب حب ...بعد الحب ..هيام ...وبعد الهيام عشق وبعد العشق جنون..وبعد الجنون موت....
مرام- يارومانسيه انتي .....
مها-ههههههه افا عليك انا بس لو القى لي حبيب....
مرام- لا تحبين الا زوجك.....وشوله خرابيط الحب
مها- ايه هذا اللي في بالي ...اصلا ماراح احب الا زوجي العزيز
كملتها مرام – طارق
مها- اووووه....
..................................
فايزة- والله فشله لازم نسوي لهم عشاء لانهم صاروا جيران .....
امها- خلاص انا بقول لابوك واخوانك....وهم يحددون اليوم ونعزمهم .....
فايزة- اشوى...
ندى- ايه فايزة اللي بتطبخ كل شيء....بتجيها حالة حب الشغل
فايزة- يادبا اسكتي
ندى- من الدبه انا والا انتي ....
فايزة – انا انحف منك
ندى- ومن قاله ...انتي دووووبه...
فايزة – لا ...يمه من اسمن
امها- ما ادري عنكن .....
فايزة- قومي ندى شوفي من اسمن
وقفت ندى ووقفن جنب بعض وقالت- هاه .....
امها- ندى انحف....ياعمري يا بنيتي قاضيه وانا ما دريت عنها
فايزة- لا ندى دبه انا انحف منها....
دخل ماجد وهو ماسك فيصل .....
فايزة- ماجد ماجد....
طالعها وقال-هاه
فايزة- من انحف انا والا ندى
ماجد- امممممم يطالع بينهن وقال- كلكن مثل بعض ...بس ندى اطول....
فيصل ابتسم وقال- من الصوت احس ان فايزة انحف
ام سامي وندى تضايقن انه يقول كذا ...
ماجد- ليش؟؟
فيصل- صوت فايزة ناعم مآآآره ....انعم من صوت ندى ...وندى صوتها ناعم ..بس فيافي انعم
فايزة- لا الاصوات مالهن فايده ...عندنا بنت صوتها يالله ينسمع من نعومته ....
بس والله ياهي كبر الباب
ماجد- اخطبيها لي.....
ندى- خلاص بنخطبها لك....بس ماتروح تزوج عليها ثانيه
ماجد- لا ماعليك....
.............................................
اسماء – حددتوا الملكه؟؟
حمد- ايه....بعد سبوعين ....
اسماء- اشوى ....مع ان خطيبتك هذي خبله ومهبوله بس وش نسوي
حمد- من الحين بتمشكلين ...ترى ان قلتي لها شيء بذبحك
اسماء- يعني تهون عليك اختك...........
حمد- خلاص لو اخطيتي انتي بكفخها...
امهم- ايه هذا الكلام.....اجل مرتك تقدمها على اختك...ما صارت ...
حمد- كلهن مثل بعض ...بعاملهن نفس المعامله ....
امه- لا لا الأولى اسماء
حمد- لا والله انا ماعندي دلعك لها انتي وابوي
اسماء- اوووه انت متكبر على ايش.....ايه يدلعوني فيها شيء
حمد- وانا ادلع زجتي ولا ادلعك....
..............................
الصبح
مرام بالسياره نايمه .....مها تصفق وتقول وناااااصه وناصه ...من زمان عن الركض في البران
التفت حاتم عليها طبعا هو جنب ابوهم وقال- اشوفك راكضه قدام العيال......تفضحينا مثل الطلعه اللي راحت بقص رجولك
مها- ما علي منهم....وانت مالك دخل..
ابوها-هي طالعه للبر يعني لو تنزل عبايتها كيفها ....
مها- بس مشكله لابسه بجامه....لو لابسه قميص انزل عبايتي
حاتم- انتي ما تستحين على وجهك....يابه انت بتخربها علينا...بتفشلني قدام عيال عمي
امه- والله اني مانمت ....
ابوهم- ما اسمع فارس وينه
مها- تبيه يصحى ....والله مثل دب الباندا ...بس نايم.....
حاتم- مالها طعم الروحه اذا ماتفرجوا على البر.....
مها- يمه ....خالتي منال بتجي؟؟
امها- ايه ...
مرام بصوت كله نوم- اووووه باللهي مها ابلعي لسانك...مقوميني من الصبح ...وجالسين يسولفون....
مها- مالي دخل انا طالعه للبر....
مرام بصراخ- الساعه تسع ...تسع وانا ما نمت الا اربع الفجر....
حاتم- ليش سهرانه
مرام معصبه- مالك دخل
مها- تتباع فيلم مثل وجهها
فارس نااايم ما يدري وش السالفه
ابوهم- تبون هنا ....
مها- لا
حاتم- الا...
امهم- مو كأنه بعيد عن الجبل...
مها- ايه بعيد
حاتم- احسن عشان مايروحن للجبل....
مها- ليش
حاتم- كل طلعه لازم يطيح وجهي وهم يضحكون عليتس وانتي تركضين وتنطين.....ياتصيرين عاقله ولا تركضيــ...
ابوه- حاتم....انا موجود....واشوف بناتي....بعدين بالبر خلهن يستانسن ....
مرام تمغط وتمد يدها وتضرب راس مها وهي تقول_آآآآآآآآه......حلو الجو اليوم....
مها- ابعدي يدك....
كانت مها بالوسط ...مطلعه راسها من بين ابوها وحاتم....ومنزله غطاها .....
حاتم- ومتى عمي ناوي يجي.....
وقفوا ونزلوا
وابوه يقول- بيجون الحين ....بس خالك وجدتك وينهم ...بيضعون ....قوموا فارس....
كان فارس نايم بالصالون ورى ....لحاله متسطح وشبعاااان نوم...
امهم- نزلوا العزبه......حاتم شب النار....
فايزة- ندى اصحي ....يالله اصحي....
ندى – انقلعي ...
فايزة- الساعه تسع....
ندى-اوووه وتصحيني بهالوقت ...
فايزة- طفشانه لحالي.....نايمه امس بدري...
ندى- انقلعي...
فايزة- يادبه
طلعت وهي طفشاانه ....
جلست على التلفزيون ......فتحت اسرار الباب ودخلت
فايزة بوناسه-هلااااااااااااااا
ركضت لها وضمتها .....
فايزة- بابا وين؟؟
اسرار- بابا نايم ...
فايزة – افطرتي ؟؟
اسرار بطفوله- لا...
اسرار عمرها 3 سنوات ونص
فايزة- تعالي نسوي فطور ..وناكل.....يللا تعالي ....
دخلن المطبخ ...
.................................
مها – خاالــــــــــــــــــــه ... تو مانور البر
خالتها- هلا بك.......
مها – لموو
ضمتها ولمى تقول- لك فقده يادبه
مها- ماتفقدين غالي يانحيفه
لمى- احلفي
مها ابتسمت وقال-ايه.... وين فارس ؟؟؟
خالتها- عند ابوك....
راحت للفرشة الرجال تركض ...وكان ابوها وحاتم وفارس خالها وفارس اخوها....
مها- فروسي ...
فارس قام وقال- اهلييين مهاوي ...
سلمت عليه..
مها- عاش من شافك
فارس- تعيش ايامك الحلوه ..وش هالحلى ...حتى وانتي بالبر تجننين
مها- اكيد ...
فارس الصغير- نصااابه قبل شوي تحط كريم
فارس طالعها بنظرة شك وقال-افااااا
مها- حطيت واقي شمس .....ما ابي بشرتي تتضرر
فارس- اشوى
حاتم- يالله ضفي وجهك ....عمي جاء ...وتغطي....
فارس- كيفها
مها- شفت كلهم يقولون كيفها الا انت ليش....
حاتم عصب وقال- انقلعي وتغطي...
.................................................. ......
بعد السلام .....الحريم تجمعن والرجال تجمعوا .....
عند الحريم
مها- لمى ...نروح للجبل طفشت ...
لمى- ميخالف....مرااام
مرام التفتت لهن وقالت- هلا
لمى- بنروح للجبل ....تجين؟؟
مرام- بجي وراكن روحن انتن والله ماروقت
قامت لمى ومها وراحن للجبل....
مها- ايه مرام بتجلس عند مرت عمي تبيها تخطبها
لمى-هههههههههههههه ياويلك من الله
مها- اجل وشوله تجلس .....
لمى- قالت مو رايقه ....المهم انتي اخبار المدرسه
مها- حليوه ....بس ياحوبي لمدرستنا الاولى مافيها بلاوي مثل هالمدرسه
لمى- المدارس تختلف على حسب المديره ......
مها- ايه مديرتهم خوااافه ......قلت لها... اها بس...قالت حاضر
لمى- يادوبه...
مها- وتخيلي....عندنا بنت .....تجيب اسئلة الاختبار ...لان فيه معلمه معجبه فيها وتجيب لها الاسئله والبنات مرتاحات مايذاكرن
لمى- اعوذ بالله ....
..........................
لا الــــــــــــــــــــــه الا الله
..........................
الرجال....
كانت اصواتهم عاليه هذا يتناقش بهواش وهذا ينادي وهذا...و...و...
طارق كان يطالع الجبل....فيه بنتين راحن اكيد انها مها ومعها وحده ....يعرف مها زين تموت على الجبل....
كان اخوه جنبه واخوه كبر مها ...يعني عمره 17 ........
طارق- ابيك تقول بنروح للجبل ...
اخوه عزام- لا ...وشوله نروح كلنا ....
طارق- قل ومالك دخل ....بسرعه....
عزام طالع للجبل وقال- أيـــه طيب طيب....
عزام بصوت عالي- شباب من يروح معنا يتمشى ؟؟؟
حاتم- مو الحين
الخال فارس- نطلع بعدين كلنا....
طارق- انا اروح معك
وقفوا ...فارس وولد عمه اللي بخامس كانوا يلعبون كوره .....
طارق وعزام راحوا يتمشون مثل ماقالوا .....
طارق- الحين تضف وجهك عني ...انا مو رايق لك....
عزام- والله ما اروح ...مقومني من الرجال وتبين ما اروح معك....
طارق- انت امسك الجهه اليسرى ....وبجيك بسرعه ....بس بشوفها تكفى ...
عزام- طيب.....
..............................................
مها ولمى...
مها نزلت طرحتها والهواء كان يطير شعرها على ورى وهي ماسكته بربطه ...
لمى- آه تعبت
مها- يجنن الهواء .....
رفعت يدينها وتقول- ياحوبي للبر....ياشينها مرام ماجت ...
جلست ....
لمى- الظاهر مانامت زين...
مها- نامت بالسيراه وامس نايمه الساعه اربع ...تستاهل هذا ارخر السهر...
لمى- وانتي متى نمتي
مها- بعد صلاه العشاء
لمى-هههههههههههههههه يادجاجه
مها- شوفيني نشيطه ....
وقفت وقالت- بكمل الطريق وهذا انتي تعبانه ...
ركضت بتروح تكمل الطريق وتصعد...وقفت مصدووومه ...جتها قشعريره ....كان يطالع بعيونها وابتسم بخفه ......ما تحرك وهي ما قدرت تحرك.....
لمى وقفت وقالت – مرام ماراح تاصلنا...
طبعا لمى ما تشوفه بس تشوف مها انها واقفه ....لانه ورى حجارة كبيره ...
مها التفتت للمى ورجعت على ورى وتغبت عنه وتغطت ...
لمى تطالع فيها ......وتقول- وش فيك....
مها بصوت خفيف- اوووص....
لمى- وشو؟؟؟
مها- طارق...
طاررق سمع اسمه وابتسم وقال- يازينه من شفاتك....
رجع وراح للعزام...
لمى – وش فيه....
مها تغطت وقالت- هنا ....والله مايستحي على وجهه...
لمى تطالع مافيه احد...وقالت- تخيلين؟؟
مها- لا
لمى ابتسمت –ومن الحب ماقتل....لهدرجه تخيلينه
مها- وجع....كولي تبن ...
مشت قدامها ومافيه احد....
مها- والله كان هنا
تلتفت يمين يسار مافيه احد......طلعت بوجيههن مرام ...مها انهبلت وقالت- قولي ياولد مو تخوفيني
لمى –ما خفت بس انتي خايفه يطلع حقيقه
مها- كولي تبن يانذله
مرام- وش السالفه....لا مها متغطيه بالبر؟؟
مها- ماتدرين وش سوى ولد عمك الصايع ......جاي يتسمع وطلعت بوجهه ...لا واخذ راحته وهو يطالع
مرام-ههههههههههههه اصلا هو عندهم تحت بس تخيلينه
مها- وووع ما اتخيل الا طارق......
............................................
طارق- عزام....
عزام- هاه نرجع؟؟خلصت
طارق- والله ماشبعت
عزام- ابتسم وقال- المهم من قدك شفتها ...
طارق- قوم بنرجع...
رجعوا ونزلوا......
........................................
الساعه وحده الظهر ....
كانوا على الغداء....
مها- يجنن الجوا اليوم
خالتها-ايوالله بس الله يغيثنا ....
مها- امين ...
ام حاتم- يهبل الجو ....
مرت عمهم- الله يبارك بالجوا اللي جمعنا ...ماشفنا بعض لنا شهور
مرام- ياخاله لنا شهرين بس مو شهور
مرت عمهم- وهذا اللي اقوله...
مها- الحمد لله ...
قامت تغسل ....وبعدها لمى ....كانن يغسلمن من جيك
مها -صبي لي
لمى- انا اول
مها- كولي تبن ...انا قبلك...
غسلن وجلسن وكانوا يسمعون اصوات الرجال والرجال يسمعونهن .....
مها- اخر المقاطع ياعسل...
لمى- افتحي بلاتوثك....
.............................
من اول ماسمع بلاتوث نط وغسل.....وجلس وهو يطقطق بجواله
جاري البحث عن مستخدم .....
لمووووو
*_^
ابتسم وقال- اكيد انها هي .....وان صارت اختها؟؟
.........................
لمى- مها...عندي نكين مثل بعض .....ايهم انتي ....
مها- من اللي فاتح بلاتوثه ومثلي....
لمى- غيريه مها بسرعه
مها – دقيقه .........غيرته...
..............................
ابتسم وقال- عارف انها مها ....
هو سواها عشان تغير نكها ومتوقع انها بتكتب اسمها سواء كانت مرام او مها .....
ارسل لها وبكل جراءه ....
مقطع اغنيه .....ومها ماتسمع اغاني .....
...........................
مها(( استقبال ))
استقبال
استقبال
استقبال.....
ما تدري من وين يجيها بلاتوث تستقبل دون ماتفتح .....
لمى- تفرجي عليهن
مها- لا لا ابي اتفضى لهن بالبيت .....
مرام- نحرق الدهون ونروح للجبل ......
مها- لا ياشينه...
لمى- الا....انا بروح...مشينا مروومه....
مها- وانا وشوله اجلس...
قامت .......
...........................
العيال كل واحد متسدح....
فارس- ما احد ركب على قمته؟؟
حاتم- صعب
طارق- لا ....
عزام- اتحدى اللي ياصل له ..
فايز اخو طارق – تبونا نتسابق
فارس قام وقال- يالله .....
طارق قام وهو يطالع شاف البنات راحن مع جهه ....قال- خلاص وكل واحد يختار جهه ومن اول واحد بياصل....
فارس- لا صعبه واحد لحاله...انا وحاتم وفايز ....وانت وعزام وسالم.....
طارق- خلاص.....
مع ان ماوده بسالم لانه اكبر منه وبيهاوشه لو بيسوي أي حركه مالها داعي....
.........................................
ندى معها كاس حليب ....وتطالع التلفزيون
سمعت صوت خطوات خفيفه ...وقفت ونزلت كاسها وركضت ....كان فيصل يمشي بهدوء
مسكته وقالت- صبااح الخير
فيصل- هلا صباح النور
فايزة طلعت من المطبخ وهي تقول- فيصل....يا اخي ليش ما تسمع كلام ابوي وتاخذ العصا اهون من انك تتعب ندى
ندى بعصبيه- وانتي وش دخلك من قال اني تعبانه عشانه...بالعكس استانس اذا ساعدته
فيصل ابتسم وقال- فيافي ...انا ما احب العصا ...خلاص ما احبها...بعدين اذا مشيت بدون عصا استانس ...
ندى تطالع فيه وتحس ان ودها تصيح ...ودها تذبح فايزة....
ندى- اجلس...
جلس
ندى تأشر لفايزة تجي للغرفه .....راحت للغرفه وفايزة وراها ...
سكرت الباب
فايزة- شو؟؟
ندى- انتي ما تحسين ...ماعندك احساس ....لا تقولين لفيصل كذا ....هذا يجرحه
فايزة- طيب هو متقبل انه اعمى ليش ينجرح...
ندى- ينجرح بس يبتسم ....عشان مايحسس احد انه جرحه
فايزة- طيب هو اعمى ايه هو اعمى كلنا تقبلنا هالكلمه وش فيها
ندى- بس مو قدامه قدري مشاعره ....
فايزة- لو بينجرح بيقول لا تقولين كذا ...
ندى- وليش يقول....حطي نفسك بمكانه ...بجي واقول استعملي عصا تعبتيني وانا اساعدك...
فايزة سكتت حست ان مالها داعي
ندى- عامليه بشويش ....ترى فيصل حسااااس ...
طلعت من الغرفه وراحت ...
فايزة تفكر بكلماتها اللي دايم تجدعهن على فيصل....هن عندها عاديات بس يمكن عنده لا
جلست جنبه وقالت- بكلم مها ....
فيصل- ماشفتيها بالمدرسه؟؟
ندى- الا بس امس تقول ان عندهم كشته ......
اتصلت......
دوووووووووود دووووود دووو......
-هلا
ندى- هلا وغلا ...
مها- اهلين ...ياخبله فااااتك الجو....خقااااااق يجنن...
ندى- قهر ...ياليت نكشت
مها- ان شاء الله بعدين نكشت مع بعض ....
ندى- ما احد صحى من البيت الا انا وفيصل وفايزة
مها- أيـــه فيصل...ياحوبي له ...
ندى – افا يا مها ...وش هالكلام.....
مها- والله انه جايز لي....
.............................
ابعدن عنها مرام ولمى وهي جلست وكملت سوالفها
مها- يوم شفته ذاك اليوم ارتحت له ....
ندى ضحكت وقالت- اجل حب من اول نظره ....
مها- ههههههه ايه ايه احبه ....اذا نمت اتحلم فيه ..واقول آآآآآآه ياحبيبي يافيصل.....
هالكلمه كانت باذن طارق......انصدم......
مها- اقول ضفي وجهك .....لا تصدقين عاد.....
....................
طارق وقف يفكر بكلمتها ......
تحب واحد اسمه فيصل ....
عزام – يالله.....
طارق- تعبت ......
سالم- الحقنا حنا بنسبقهم......انتبه ترى اسمع اصوات البنات ....
طارق جلس.....الى ما ابعدوا .....
.......................
كانت جالسه تفكر ......وتشم هواء ....هي تفكر بفيصل
كانت حاطه الطرحه على شعرها بس ...ورافعه عبايتها ورابطتها عند خصرها
طارق لقى مكان يقدر يطالعها منه دون ما تشوفه ....كان يطالعها
ويقول بنفسه- وكل هالسنين اللي راحت ما حبيتيني وانا اهين نفسي عشانك....تحبين غيري...بس مستحيل تروحين من يدي ....انتي لي ...ومن فيصل اللي بياخذك مني...يخسى ما يخذك...
وقفت وهي تنشد- مهما الليلي والزمان متحني
لحقت مرام ولمى .......
.................................................. ..
طلعت من الحمام وهي متروشه وعلى راسها منشفه ....
دخلت غرفتها ونشفت شعرها واتسطحت وامسكت جوالها ..تفتح المقاطع ....
انشوده انشودة وصوره وصوره
اغنيه...مقطع كله حروف (ام )احبك واغنيه وراها .......
انصدمت لمى ماراح ترسل لها اغاني ....تذكرت الغمزه اللي نفس نكها ....
مها- معقوله ......
شهقوت وقالت- من غيره .....والله ما يستحي على وجهه .....
مسحت المقطع ونزلت الجوال ولا كملت
.......................................
وطارق من رجع للبيت وهو متضااااايق وشايل هم......
ولا قدر ينام .....كله مها قدام عيونه وصوتها وهي تقول – آآآآآه ياحبيبي يافيصل......
............................
الجمعه ......
كانوا متجمعين ...دق جوال ابو حاتم .....
رد- هلا ....وعليكم السلام ...هلا بك ...عاش من سمع صوتك .......
مرام – اقول قومي جيبي الغداء
مها- وانتي ملاك ماتشتغلين ...امشي معي
مرام- لا انا اكبر منك
حاتم- اوووص ...ابوي يكلم
مها- وش فيها ؟؟؟
حاتم- كولي تبن
مها- اوووف مسوي فيها شخصيه ....
ابوهم- ان شاء الله ....ان شاء الله ...الوعد الخميس الجاي ...مع السلامه...
سكر .......
ابوهم- هذا ابو خويتك يامها
مها- ابو ندى....
ابوها- ايه....مسوين لنا عشاء يوم الخميس الجاي....
مها صرخت بوناسه- يــــــــــس
مرام- والله الفاضين
ابوها- عيييب هذا لانهم اكرموك
مرام- سوري ...
ابوهن- وش تسون جالسات ....قومن جيبن الغداء امكن تشتغل لكن....
مها- ايه عادي ...
ابتسمت بخبث وقالت- لا هي حامل ولا شيء....
ابوها بتعجب- علمتكم؟؟؟؟
الجميع- ههههههههههههههههههههههههههههههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك