رواية توصي شي انا بكره مسافر -24
عبدالله : أنا عارف إنك شايل هم عمي بس إنتوا ما كنتوا تدرون و عمي خله علي
أبو فراس : إنت أدرى بمصلحتك ما راح أضغط عليك أكثر
عبدالله : يبه أنا ما يهمني من هذا كله إلا إنك تكون راضي عني و بس
أبو فراس : الله يرضى عليك دنيا و آخره
عبدالله : آآآميين طيب يبه ما ودك تشوفها
أبو فراس : قوم معي
في الصالة .....
فجر : هههههههه حنان ما انتي بصاحية
حنان : والله ما أدري هذا اللي سمعته
لميس : إيه و أنا سمعت إن في وحدة كانت طول فترة حملها و هي تطالع بهالقرود والله لا يبلانا جاها ولد يشبه القرد
حنان تحط يدها على بطنها : يمه بسم الله على ولدي
فجر : ههههههههه حنان تخيلي إنتي قرد صغير يمشي وراك
حنان : هههههههه يمه الله لا يقوله خلاص بالله اسكتي
أبو فراس : السلام عليكم
الكل : و عليكم السلام
فجر : عمممي
أبو فراس : كيفك حبيبتي عساك بخير
فجر تبوس راسه و يده : الحمد لله تمام إنت كيفك و كيف صحتك
أبو فراس : اللهم لك الحمدأنا بصحة و عافية .. كيفك يا بنتي " يكلم حنان "
حنان خايفة : بخير عمي
فجر بهمس : روحي سلمي وراك واقفة
حنان تبوس راسه و يده : كيفك عمي
أبو فراس : الحمد لله .. ألف مبروك إن شاء الله و لو إني ما كنت راضي
حنان : أنا آسفة يا عمي زواجي أنا و عبدالله ما كان المفروض يصير من البداية بس ربي العالم
بالظروف اللي صارت لي و إلا وش ذنب فجر
أبو فراس : هذا نصيبك يبه و كل واحد بهالدنيا ما ياخذ إلا نصيبه أهم شي إنتي يا فجر راضيه بوضعك
فجر بابتسامة : الحمد لله يا عمي عمري ما راح أحصل زي عبدالله و إذا فكرت أتركه فأنا غبية عبدالله شي نادر
و حنان زي أختي و أكثر و عبدالله الله يحفظه مو مقصر علينا بشي
أبو فراس : الله لا يفرقكم بس أنا يا بنتي منحرج من أهلك و خايف من ردة فعلهم لا دروا
فجر : أهلي على عيني و راسي بس هذي حياتي ما أحد يتدخل فيها دامني راضيه بهالشي
أبو فراس : الله يكملك بالعقل يالغلا و إنتي يا حنان الله يحيك بيننا و إن شاء الله تحبينا و نكون مثل أهلك
حنان بابتسامة : دامكم أهل عبدالله فما عليكم زود و أكيد ما راح ألقى أهل أحسن منكم يمكن ربي
عوضني عن حياتي اللي عشتها مع أبوي و مرته .. تدري يا عمي أنا و عبدالله كنا ناوين
نسمي الولد حسام بس خلاص ما راح نسميه غير عبدالرحمن على اسمك
أبو فراس بابتسامة : الله يسهل عليك حبيبتي
عبدالله : إلا وينه هاني
لميس : أكيد مع باسل ولد عمي
أبو فراس : إلا ما قلت لكم
عبدالله : عن أيش
أبو فراس : بعض الناس كبروا و يبون يعرسون
أم فراس : ههههههه سبحان مغير الأحوال
الجدة : إييييه و إنتي صادقة
عبدالله يناظر لميس : ههههههه إنتي لموسه
لميس بحيا : لا تطالع فيني كذا
عبدالله يضربها بخفيف : صدق إنك بايخة و لا تعلميني
فجر : ههههههه ألف مبروك يالغلا عقبال ما تنفك عقدة سحر
حنان : الله يوفقك يا قلبي
الجدة : إيه هين تنفك عقدة سحر هذي عقدتها قوية
فجر : ما اتخيلها يمه تمشي ووراها عيالها هههههههه
عبدالله : مين اللي خطبها يبه
أبو فراس : راكان اللي يشتغل عندنا بالشركة
عبدالله : الله يوفقك يالغلا و يكتب لك الخير
أبو فراس : بكرة الشوفة تعال إنت و أهلك
عبدالله : إن شاء الله
لميس توها تستوعب : أي شوفة يبه
أبو فراس : وراك مستغربة بكرة راكان يبي يشوفك
لميس : وشو له يشوفني يبه ما أبي لا شوفة و لا غيرها
أبو فراس : لازم يالغلا هذا الشي من حقه و من حقك إنتي بعد
لميس بتسرع : ما يكفيه شافني أول مرة
أبو فراس مستغرب : شااافك
لميس ترقعها : إيه شافني بالحلم
الكل : ههههههههه
عبدالله : إيه هين شافك
لميس : والله يبه استحي ما اتخيل نفسي جالسه مع واحد غريب و لا احط عيني بعينه والله ما يصير
عبدالله يغمز : هذا إنتي و أختك سديم كنتوا لا شفتوا واحد مزيون بالسوق طالعي ذا وش زينه طالعي يا زين
سكسوكته يا زين جسمه يا زين مدري وشو .. والحين زوج المستقبل ما تبين تشوفينه تراه أولى من الغريب
فجر : هههههههه فضحهم
لميس : عبدالله بسك عاد
أبو فراس : وهو صادق
حنان : حرااام لا تحرجونها
الجدة : الله يذكر زماننا أول ما كنا نرفع عيننا بعين رجال و بنات هالزمن يبحلقون بالواحد
لميس : إيه يمه نظرة لك و نظرة عليك عاد وش نسوي غصب عنا يخلونا نشوفهم
أبو فراس : احلللفي
لميس : هههههه يبه ترى أمزح
عبدالله : إيه هين
لميس : يبه تكفى مو لازم الشوفة يحمد ربه إني وافقت
أبو فراس : هي كلها 5 دقايق و تروحين
لميس : هال5 دقايق كأنها سنة .. بعدين يبه أنا ما عندي لبسة للشوفة
أم فراس : هذي ملابسك ما شاء الله وش زينهادولابك مليان
عبدالله : تبي تتهرب بس ما في أمل هههههه
فجر : و لا يهمك إذا على اللبسة أنا بكرة أمر للسوق و أشتري لك
حنان : خلاص خليها علينا
لميس : يمممه منكم اسكتوا ثنتينكم
عبدالله : ما قلت لكم تبي تتهرب
لميس : فجر حنان وش رايكم نطلع فوق
أم فراس : روحوا يمه خلي حنان تشوف غرفتك
فجر : قومي حنان
لميس تفتح الغرفة : هذي يا حنون غرفة إخواني هذا سرير فراس و هذا سرير هاني و هذا سرير عبدالله
حنان : حلوة غرفتهم
لميس : بس مسكين هاني بعد قلبي صار ينام وحده أحسه بالمرة فاقدهم
فجر : دامه موظف ليش ما يتزوج
لميس : يقول باقي مو فاضي الحين .. هذي غرفتي وش رايك يا حنان
حنان : مررة روعة من مصممها
لميس : سدومة هي مختارة ألوانها و منسقتها
حنان : فديتها سديم من جد حبيتها
لميس مستغربة : و إنتي من وين تعرفينها
حنان بابتسامة : جت أمس عندي
لميس : جد وليش ما قالت لي البايخة هين أنا أوريها
حنان : أصلا أمس عرفت بالسالفة
فجر : عسل سديم
حنان : مررررة
لميس تتخصر : و أنا إن شاء الله
حنان : و إنتي يا قلبي
لميس : هذا سريرنا أنا و سديم
حنان : تنامون مع بعض
لميس : إيه بس بعد ما راحت سديم حسيت بنقص إحس إن السرير كبير علي مرة
فجر تغمز : و لا يهمك بيجي راكان و يعوض النقص
لميس : وجععع فجر وش هالكلام
فجر + حنان : هههههههه
فجر تفتح درج الكومدينة : لمين هالأغراض
لميس : لسديم ما أخذت شي خلتها هنا للذكرى تعالوا تعالوا أوريكم ألبوم الصور حقها
فجر : واو شكل الألبوم مرة حلو
لميس : هذي فيه كل صورنا إحنا و عيال عمي محمد ما نسافر أو نروح مكان إلا و تصور
فجر : إيه أعرفها سديم تحب التصوير
لميس : هذي صورتي أنا و سديم و غلا و ليان لما سافرنا سويسرا
حنان : هذي اللي عيونها زرقاء مين
لميس : هذي غلا زوجة فراس وهذي توأمها ليان بس ما تشبها
حنان : ثنتينهم حلوات ما شاء الله عليهم
لميس : وهذي الصورة لسديم و باسل ولد عمي
فجر بابتسامة : شكلهم مرة روعة
لميس : هذي صورتهم لما كنا بماليزيا
فجر : طالعي كيف حاضنها
لميس : أحس هالأثنين أحلى شي بعايلتنا ثنائي حلو
حنان : يعني هذا زوجها
لميس : لا ولد عمي كانوا يحبون بعض بس ربي ما كتب لهم نصيب ببعض و تزوجت واحد ثاني
حنان : حراااام
لميس : إنتي لو شفتيهم كيف قلبوها عزا بملكتها
حنان : لهالدرجة
لميس : و أكثر بعد هي تبكي و هو حاله أسوأ منها
فجر : من يوم وهم صغار و أعمامي يقولون إنهم لبعض بس ما ادري وش اللي غير راي عمي عبدالرحمن
حنان : النصيب
لميس : أكثر الصور لهم و هذي كمان بماليزيا
فجر : ههههههه رومنسيين
لميس : مرررة
حنان : بنات ما تلاحظون إنهم يلبسون زي بعض
فجر : إيه والله صادقة ما انتبهت
لميس : ههههههه إيه لما نسافر دايما يتفقون يلبسون زي بعض
حنان : يعني إنتوا ما تتغطون عن عيال عمكم
لميس : إلا سديم غطت قبل زواجها بسنة و أنا تغطيت هالسنة تعرفين إحنا دايما مع بعض بكل شي نسويه
حتى أبوي و عمي محمد بس عمي سلمان بعيد بالرياض
فجر : تتوقعين طلال لو يشوف الألبوم وش راح تكون ردة فعله
حنان : أكيد بيغار ويعصب
لميس : عشان كذا هي ما أخذته بس طلال عارف إنهم يحبون بعض
حنان : من جد
لميس : إيه و تخيلي إن باسل يشتغل عنده بالشركة
فجر : أكيد الحين حاقد عليه
لميس : إمممم لا كان أول يمكن بس الحين هو عارف إن سديم ما تحب غيره
حنان : الله يوفقهم شكله طيب
لميس : أيه طيب بس عصبي
فجر : كلهم الرجال
لميس : أخوي فراس عصبي بس مو بكل وقت بس هاني و عبدالله هادين و حنونين مررة
فجر : صح صادقة عبدالله مرة هادي
لميس : وهذي صورنا جماعية هذا عبدالله زوجكم تعرفونه وهذا اللي جنبه فراس و هذا إياد ولد عمي و هذا هاني
حبيب قلبي و هذا باسل و إحنا البنات جالسين قدامهم
حنان : ماشاء الله كلكم مزيونين
لميس : تسلمين
فجر : يا حليلهم عماني
لميس : ههههههه هذا ابوي جنبه أمي و هذا عمي محمد وجنبه عمتي حنان
فجر تفتح دولاب لميس : لميس
لميس :هلا
فجر : ملابسك مرة حلوة ليه ما تلبسين منها بكرة
لميس : يا شيخة عارفة إن عندي ملابس بس أنا أتهرب من الشوفة
حنان : هههههههه ما فيه مفر
فجر : إمممممم البسي هذا مرة روعة
لميس : لا حبيبتي ما حزرتي تخيلي البس قصير قدامه
حنان : عشان ياخذك من وقتك
فجر : هههههه يسويها ترى
لميس : لا لا دوري غيره
حنان تكلم فجر : فجر هالفستان حلوة مرة
فجر : أي واحد
حنان : النيلي و الأبيض
لميس : لا لا هذا قصير بعد ما يصلح
فجر : وبعدين معك يا بنت الحلال تدرين راح تلبسين هذا
لميس : بنطلووون مستحييييل
حنان : مرة روعة راح يطلع عليك الرسمي حلو
فجر : دامه كله أبيض البسي حلق أحمر طويل ماله داعي اكسسوار و شال أحمر و جلجلي شعرك
لميس : تحلمون إنتوا أنا و بالغصب وافقت عليه باقي أتكشخ له
حنان تنرفزت : دامك ما تبينه ليش تاخذينه
لميس : وش أسوي عاد
فجر : ما عليك منها حنان طنشيها بكرة بنستلمها
لميس : والله يا بنات إحراج ماله داعي
فجر : أجل تبين الرجال يهج منك
لميس ما صدقت خبر : قولي والله ههههه وناسة
حنان : لا بالله ماانتي بصاحية
لميس : هههههههه تدرون هالزواج غلط المفروض ما يصير لأني ماني قد المسؤولية و بصراحة جلستي ببيت
أهلي أحسن
فجر : إنتي و أختي سحر يبي لكم ذبح
حنان : ههههههه ما منهم أمل
فجر : ههه مررة
اليوم الثاني بعد المغرب .....
أم فراس : الله يحييكم يا أم ريان تو ما نور البيت والله
أم ريان : منور بوجودكم والله ..
أم فراس : ما عرفتينا يا أم ريان على بناتك
أم ريان بابتسامة : هذي غادة مرة ولدي ريان و هذولا ريم و رهف بناتي
أم فراس : ما شاء الله الله يخليهم لك
أم ريان : هالبنات كلهم بناتك ما شاء الله
أم فراس : هذي غلا مرة ولدي فراس وهذولا حنان و فجر زوجات ولدي عبدالله و هذي بنتي سديم
أم ريان : ما شاء الله أجل وينها عروستنا
أم فراس : وينها لميس يا بنات
فجر : شوي و تنزل يا عمتي
غلا تكلم حنان : وش لبست
حنان : قسم بالله بهذلتنا كل ما اخترنا لبسة قالت ما ينفع
غلا : هههههه أعرفها ما يحتاج
حنان : بس أصرينا عليها أنا و فجر وما وافقت إلا بطلعة الروح
سديم : إلا ياريم بأي سنة إنتي
ريم بابتسامة : آخر سنة بالجامعة
سديم : الله يوفقك يا قلبي
ريم : و إنتي
سديم : أنا أولى جامعة بس شكلي ما راح أكمل هالترم تعرفين الحمل متعبني شوي
ريم : الله يسهل عليك
رهف : تدرين لو أنا منك كملت دراستي و فليتها عند أهلي بلا زواج بلا بطيخ
سديم : ههههههه لييش ؟؟
رهف : لأني و بكل بساطة مقاطعة الزواج
فجر + غلا + سديم : ههههههههه
رهف انحرجت : قلت شي غلط
سديم : ههههههه لا يا قلبي بس عندنا نسختين بالعايلة نفس التفكير
ريم : ههههههه
سديم: أختي لميس و بنت عمي سحر
ريم : هههههه من جد
سديم : ههههههه إيه كانوا يقولون إحنا مقاطعين الزواج و إذا سألناهم قالوا منتج دينيماركي أستغفر الله العظيم
الكل : ههههههههه
رهف : أجل كيف وافقت على أخوي
فجر : تصدقين حتى إحنا ما ندري بس شكل الفيوزات ضربت عندها
غلا : هههههههه من جد لأنا كنا فاقدين الأمل منها
حنان : حرام عليكم
أم فراس : أقول اسكتوا لا تجي الحين و تسمعكم
الجدة : إيييه هين إذا ما علمتها ما أكون جدتكم
سديم + غلا + فجر + حنان : لااااااااا تكفييين
الكل : هههههههههه
رهف : تصدقون تحمست أشوفها
فجر : ههههههه إن شاء الله بأروح أناديها
ريم تدقها : اسكتي فشلتينا
في غرفة لميس .....
لميس :[ قل هو الله أحد . الله الصمد. لم يلد و لم يولد. و لم يكن له كفوا أحد ] [ قل أعوذ برب الفلق . من شر ما خلق . .... ]
فجر : واااو بسم الله عليك طالعة قمر يا حظ راكان فيك
لميس تناظر بالمراية : أحس مالي داعي
فجر : من جد روعة قريتي على نفسك
لميس : إيه فجر أحس إني مو قادرة أمشي رجليني ترجف
فجر تمسكها : بسم الله عليك يا قلبي لا توترين نفسك صدقيني لا شفتيه بيروح هالإحساس كله و كلنا مرينا بهالتجربة
لميس دموعها نزلت : فجر خايفة
فجر : لا لميس مكياجك بيخرب
لميس تمسح دموعها : يعني هو لازم هالشوفة
فجر : هذا من حقك و حقه يا لميس يالله حبيبتي سمي بالرحمن و انزلي
لميس ترش العطر : شكلي حلو
فجر تغمز : بتذبحين الرجال
لميس : وجع فجر
فجر : ههههههه يالله امشي قدامي
كانت لميس لابسة لبس رسمي بنطلون و جاكيت لونه أبيض و لفت على الياقة شال لونه أحمر وجلجلت شعرها و حطت فيه
وردة حمراء .. حطت كحل و ماسكرا و بلشر و روج أحمر صارخ " طالعة روووعة "
في الصالة ......
لميس : السلام عليكم
الكل : و عليكم السلام
أم ريان : هلا ببنتي بسم الله عليك قمر
لميس : ما عليك زود خالتي
ريم : كيفك لميس اخبارك
لميس بابتسامة جذابة : تمام الحمد لله
غادة : كيفك يا قمر
لميس : الحمد لله إنتي كيفك
غادة : بخير الله يسلمك
رهف : أنا رهف
لميس بابتسامة : هلا رهوفه كيفك
رهف : تمام الحمد لله
سديم : تعالي لميس
لميس تجلس جنبها : كيف
سديم : الله يحفظك يالغلا
لميس بابتسامة : رفعتي لي معنوياتي
سديم بحنان : والله و يا لموسه كبرتي وبتتزوجين شفتي كيف الدنيا
لميس : سديم لا تخليني أصيح
سديم : لا لا كلش و لا الصياح بعدين يخترب شكلك و يهج الرجال منك
لميس تقرصها : ولا كلمة
سديم : ههههههه
أم ريان : إلا يا أم فراس زوجتي عيالك كلهم
أم فراس : لا باقي هاني بعد قلبي أكبر من سديم بسنتين بس ما يبغى الزواج الحين
أم ريان : إيه كلهم الشباب كذا
أم فراس : الله يهديهم
سديم : هلا هاني
هاني : هلا هاني على طول ما تسألين عني يالقاطعة
سديم : يا حبيبي إنت و الله إني ما نسيتك بس أنا تعبانة هاليومين
هاني : سلامتك يا قلبي لي جلسة معاك اليوم بس خلي الضيوف يروحون .. أوكيه قولي للميس تجيني
راكان يبغى يشوفها
سديم : خلاص إن شاء الله
لميس خافت : وش يبغى هاني
سديم بحنان : يبغاك تروحين له
لميس : سديم خايفة ما أبي أروح
سديم : سمي بالرحمن يا قلبي و روحي
لميس قامت : ادعيلي
سديم : الله يوفقك مري المطبخ و خذي العصيرات من الشغالة
لميس : أخاف أكبها إيدي ترجف
سديم : إنتي ادخلي فيها و هاني بياخذها منك
لميس : طيب
هاني يطالع بلميس : بسم الله عليك ما شاء الله الله يحفظك يالغلا
لميس : ههههههه هاااني كأنك أول مرة تشوفني
هاني : لا تلوميني كل يوم أشوف لي كشة طايرة و الزين خليتيه لراكان
لميس عصبت : احلف
هاني : ههههههه امزح معك يا دبه يالله سمي بالرحمن و ادخلي
لميس : امش قدامي
هاني يفتح الباب : ادخلي
لميس بصوت واطي : السلام عليكم
راكان وقف : و عليكم السلام .. هلا لميس " يصافحها "
لميس تكلم نفسها : والله ما مديت إيدي لك واثق من نفسك بزيادة
هاني يدقها : الرجال مد إيده
لميس جلست و طنشته ..
راكان جلس : إحممم مومشكلة .. كيفك لميس
لميس منزلة راسها : تمام الحمد لله
راكان بابتسامة : دوم إن شاء الله
هاني : أخليكم 5 دقايق و أرجع
لميس : هااني
هاني : ما راح أطول
راكان : أي سنة يالميس
لميس : ثالث ثانوي
راكان : الله يوفقك .. في خاطرك شي ودك تقولينه
لميس : إيه
راكان : اللي تبينه أنا حاضر
لميس : الزواج ما يكون الحين
راكان : متى تبينه
لميس : بعد ما اخلص هالسنة ما أبي شي يشغلني أنا علمي و محتاجة مجموع
راكان : من عيوني ما طلبتي و غيره
لميس : بس خلاص
راكان : ممكن أسأل سؤال
لميس : نعم
راكان : الله ينعم بحالك بس إنتي دايما إذا تكلمتي تنزلين راسك بالأرض
لميس رفعت راسها : .....
راكان بابتسامة جذابة : حصني نفسك الله يحفظك قمر
لميس استحت : .......
راكان : طيب متى حابة تكون الملكة
لميس : براحتك
راكان بمزحة : أجل بكرة
لميس انفجعت : لااا ما يصير
راكان : هههههههه أمزح معك
لميس تكلم نفسها : يالله ليش قلبي يدق بسرعة ضحكته فيها شي غريب يا زينه و يا زين ضحكته
راكان : لميس وين رحتي
لميس تستهبل : للمريخ شوي و جيت
راكان : ههههههههههه
لميس : عن إذنك
راكان : إذنك معك
لميس وقفت و أعطته ظهرها : لا تضحك مرة ثانية
راكان : ؟؟؟؟!!!!!
هاني : السلام عليكم
راكان : وعليكم السلام
لميس بصوت واطي : بدري صارت ساعة مو 5 دقايق
هاني : هههههه سوري
لميس بصوت واطي : بعدين نتفاهم
عند الحريم .....
غادة : يالله عمتي ريان يقول يالله
أم ريان : يالله يا أم فراس نشوفكم على خير إن شاء الله والله يكتب اللي فيه الخير
أم فراس : الله يوفقهم إن شاء الله راكان و النعم فيه
أم ريان + البنات : مع السلامة
الكل : مع السلامة
غلا : وينها لميس
سديم : تعالوا أكيد بالمطبخ
في المطبخ .....
لميس تشرب العصير : ميري جوعانه أعطيني أي شي
ميري تعطيها صحن حلى : كولي هازا إنتي مررة يصير نحيف
لميس : إييه صح وش نسوي بهالدراسة
سديم : هاااه يا حلوة كيف الأوضاع
فجر : علق على لبسك
غلا : سولف معاك
حنان بابتسامة: شوي شوي عليها
لميس : وش تبغون تعرفون يعني
غلا تغمز : حلو
لميس : إممممم حلو مررة بس ما طالعت فيه كثير
سديم : سولف معاك
لميس : إيه يسولف
فجر : علق على شكلك
لميس : هههههههه تخيلوا يقول إنتي دايما إذا تكلمتي تنزلين راسك بالأرض عاد أنا لا شعوريا رفعت راسي
حنان : وش قال لك طيب
لميس : يقول حصني نفسك الله يحفظك طالعة قمر
غلا : أوووه يا حركات
لميس : سألني متى حابة تكون الملكة
سديم : وش قلتي
لميس : قلت براحتك قال أجل بكرة عاد أنا رفعت راسي و أنا مفجعوة و قام حضرته يضحك علي
البنات : هههههههههههه
لميس : بس يا بنات لما ضحك حسيت بشي غريب ضحكته رنانة أحسها حركت أشياء فيني
فجر : هههههههه أمداك حبيتيه
لميس :بنات لا تستهبلون من جد أتكلم أحس ضحكته مميزة لو سمعتوها راح تصدقوني
حنان : هههههه
لميس : و انا خارجة من عنده قلت لاتضحك مرة ثانية
سديم : من جدك
فجر : ما أنتي بصاحية
غلا : هههههههه الله يفشلك وش قال
لميس : ما أدري سكت ما رد علي
حنان : الله يوفقك يا قلبي هذا أهم شي
سديم : الحين يا لموسه تقدرين تنامين راح الهم لا تشغلين نفسك
لميس : على قولتك هاليومين ما كنت أعرف أنام
فجر : شي طبيعي من التفكير
في بيت أبو ريان .....
رنا : هاااه كيف العروسة عساها أعجبتكم
ريم : بسم الله عليها مرة حلوة
غادة : إيوه ما شاء الله واللي لاحظته بعايلتهم كلهم حلوين
رنا : هااه يا راكان أكيد مستانس
راكان بابتسامة : فوق ما تتصورين
رهف : من اللي شفته واضح إنهم ناس هاي هاي
أم ريان : ما شاء الله بيتهم قصر
رنا : أكييد الحين رافعين خشومهم بالسما
ريم : لا بلعكس مرة طيبين و يحبون الناس
رهف : تدرون توقعت لميس تكون مغرورة بس اللي شفته غير مرة حبوبة و طيبة
أم ريان : وينه ريان
غادة : طلع ينام بالغرفة تعبان مسكين
ريم تحمست : راكان قول لنا وش صار يوم شفتها
راكان : هههههههه أخذت لي فشيلة أول ما دخلت
رنا : من بدايتها
راكان طنشها : هههههههه أول ما دخلت مديت إيدي أصافحها بس ما مدت إيدها و لما أشر لها هاني تمد يدها جلست و طنشتني
البنات : هههههههههه
ريم : تستاهل وشو له تمد إيدك
راكان : و أنا وش دراني إنها بتسوي كذا
رهف : وش رايك فيها
راكان بابتسامة : حلوة بسم الله عليها بس تدرون استغربت من شي
البنات : وشو
راكان : وهي طالعة وقفت وقالت لي لا تضحك مرة ثانية
الكل : ههههههههه
رهف : هههههه إن البلا بالضحكة أكيد حست بإحساسنا
راكان : ههههههههه وش دعوة تراني أضحك زي ما يضحكون الناس
ريم : لا لا ضحكتك فيها شي غريب
راكان : لا لا ما أتوقع هالسبب إنتوا مهابيل
رهف : أوكيه لما تتزوجها اسألها و راح تعرف إن كلامنا صح
غادة : إلا يا بنات فجر مو هي اللي كان زواجها قبل شهر
ريم: إلا متزوجة عبدالله أخو لميس
غادة مستغربة : متى أمداه ياخذ الثانية ما شاء الله
راكان : من جدكم عبدالله متزوج ثنتين
رهف : إيه و زوجاته ما شاء الله يحبون بعض
أم ريان : ما تدرون وش السبب خلو الناس بحالهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك