رواية اه يادنيا -1
رواية آه يا دنيا
الكاتبه : آحاسيس مبعثره
منتديات غرام | أقلام لا تتوقف عن الإبداع
بسم الله الرحمن الرحيـــــــم
.. ..
اخيــــراً ياقــلمي نطقت
اخيــراً يا قريحتي جدتــي ..
.. ..
اخيراً يا اناملي سطرتي . .
روايــة ..
•? ..[ ?? آآآآهـ يادنيـــا ?? ].. ?•
..
نقشت لكم حزني وفرحي .. ضحكاتي ودمعاتي
روآيتي هذه تحاكي الوآقع والأيام التي نعيشها بكل بساطه
..
ارجو انت تنال اول تجربه لي على اعجابكم
..
اختكمـ : احاسيسـ مبعثــرهـ
الجــــــــــــ 1 ــــــــــــــزء
......................................
كانت متمدده على ظهرهآ فوق السرير
شوق تتنهد بقوووووه ومع هذي التنهيده
سرت دمعه حاااره على خدهآآآآ
قآمت من على السرير
فتحت باب البلكوووون وكاااان الهواء يهبهب
استندت على الجدار بعدت فكت شعرهآ
وما صدق وتنآآآآثر في كل مكآآآن
شوق : ياارب والله احبهآآآ احبهآآآآ لي راحت ليش
وبدت تصيح وتشآآآهق
وبعد شووووي سمعت احد يدق البآب
شوق : ميـــــــــــــــن
سونيآ : فوكي باب يا سوق هدا ماما ابي انتي
شوق : اوكي شوي ونآزله
سونيآ : خلي سرعه
شوق : قلت طيب يله طسي عن وجهي
راحت شوق غسلت وجههآ وطآلعت بالمرآيه
وجه ابيض عيون يحآوطهآ السوآآد
تنهدت بعمق ورفعت شعرهآ نزلت التي شيرت وعدلته
ونزلت تحت
دخلت الصآآآله
هتوون : يمــه علي الصوووت والله احب هذي الأغنيه
الأم : اقوول انثبري بنآت اخر زمن
هتوون : يمـــــــــه تفكين تفكين
الأم : اسمهآ تكفين يالخبله
شوق طالعت فيهم وابتسمت : السلام عليكم
هتوون قآآمت : هلا بالطش والرش والبيض المفقش
وراحت وحضنتهآآآآآ
شوق: ههههههههههههه بدعي يالمنتفخه عصرتيني
هتوني وهي تدف شوف : ماااالت على هالخشه صدق ما تستحين
شوق : اقول طسي
هتون : شفتي يمه ما تحترم عمتهآآ
الأم : تعاالي يابعد هالدنيآ
هتون استحت وجت : سمي يمه
الأم : انتي انثبري ما ناديتك
هتوون : والله يمه طيب طيب
واخذت الرموت وجلست قدآم التلفيون وعلت الصوت
شوق : هههههههههههههه لقطي وجهك عمتووو
هتون : انطمي
وراحت شوق لحضن جدتهآآآ
الأم : شوق ابوك اتصل اليوم
شوق بعدم اهتمآم : طيب
الأم : يقول انه يبي يجي ومعه حنآن وبنتهآ
شوق: ياااااليل وليش يجوون هاه
هتون : ياحمآره هذي اختك وماعمرك قعدتي معهآ
شوق : كم مره اقوولكم مهيب اختي تعرفوون وش يعني مهيب اختي اوف
هتون : حرام عليك وربي البنت مالها ذنب
شوق وفيهآ الصيحه : وانا وش دخلني فيهآ هي وامهآ
هتون : هذي مثل امك
شوق تقوم وهي خلااص : تخسي والله هذا الي بآآآقي
وطلعت مع الدرج وهي تصيح
الأم : شفتي وش سويتي
هتون: يمه هذي البنت لازم تفهم ما يصير كذا
الأم : والله ان حنآن وشموخ وش حليلهم ما منهم شر
هتون : اهم شيء شموخ وربي حرام اخت ماعمرهآ جلست مع اختهآ
الأم : الله المستعآآآن
هتون : يمه متى بيجون والساعه كم ووين بينومون
الأم : هو شوي شوي يامال الضربه
هتون : يله قووووولي
الأم : بيوصلون على السآعه 8
هتون : ووين بينآآمون
الأم : بينآمون هنا
هتون : طيب كم يووم
الأم : يومين
هتون : طيب ... وقبل ما تكمل كلامهآ
الأم : وجعن يووجعك بس خلااااص صدعتي راسي
روحي نادي سونيآ والي معهآ
هتون : ليـــش >> تموت في اللقآآفه
الأم : الله يصبرني . عشآن اشوف وش نسوي قبل لا يجي وليدي
هتون : يمه بتعزمين اخواني وخواتي
الأم : ايه اكيد بنآت عماتك وعمآنك يبون يشوفون شموخ بنت عمهم
هتون : وآآآآآآآآآآآآآآو وربي حمآآآآس
الأم : وليش كل هالحمآس
هون : نتعرف على بنت عمنآآآ
الأم : الله يصبرهآ ويصبرني عليكم
هتون تقوم وتهوي على راس امهآآ : آموآآآآآآآآآآآآآآآآآآآه
الأم : شوي شوي شفطتي مخي
هتون : بروح اشوف شوووقوووه الزفت
الأم : يكون احسن
وراحت هتون لغرفة شوق
هتون وهي تطق البآب : هيــه انتي فكي البآآآآب
شوق : خير وش تبين
هتون : اقول فكي لا اتوطآآآك
شوق : انثبري
هتون فكت الباب ولقته مفتوح
هتون وهي تطب فوق السرير بجنب شوق
شوق : شوي شوي ابي سريري
هتون وهي تلعب بشعر شوق : يااااطول هالشعر
شوق: بسم الله من هالعيوون
هتون : هههههههههههههههههههه حرام عليك ترا عيوني باارده
.................................................. ........................................
شوق بنت عمرهآ 18 ســنه وهي بثآآلث ثآنوي
كانت بيضآء وكان شعرهآ طويل الين ركبهآ
لونه اسود فحمي كثير ونآآآآآعم جسمهآ حلو ومفصل
وكان شكلهآ يتميز بالبرااءه لأن عيونهآ كبآآر ومكحله ورموشهآ طويله
وفمهآ صغير
يعني كااانت بمعنى اصح تآآخذ العقل
.................................................. .........................................
هتون تصير عمة شوووق الصغيره
عمرهآ 20 ثآآني جآآآآمعه
شعرهآ كان بني الين كتوفهآ
بيضآء وحلووه
فرفوووشه وما عليهآ في احد
تمووت على شوق وتحبهآ
.................................................. ......................................
الأم اسمهآ نوره تصير جدة شوق وام هتون
طيبه وقلبهآ كبير ربت شووق من كان عمرهآ 16 سنــه
تحب شووق بشكل كبير
حنووونه وتحب عيآلهآآآآآ
.................................................. .......................................
عبد الله هذا ابو شوق واخو هتون
كان وسيــــم وشوق كانت طالعه عليه
غآآآآمض وكتووم
يحب شووق بشكل جنوووني والي يعذبه
ان شوق من يوم ماتت امهآ وهو تزوج ما صارت تجلس معه
وهذا السبب خلآه يسآفر
وهو صااحب شركات في بريطآنيا يعني شبعآآآن
.................................................. ..................
الساعه 7 كانت الجده محتره ومعصبه
على هالشغآلات ازعجوهآ وطلعو الشيب برآسهآ
نوره وهي تصآرخ : هتووووووووووووووووووون . هتووووووون ووجع
هتون تطل على امهآ من فوق : هآآآآآآآآآآآآآآآآآآآآآآآه يمه
نوره : هآآآويه قولي امين
هتون : يؤ يؤ وراااك معصبه يااا نوير
نوره : نوير هاه ياللي ما تستحين تعالي اشوف
هتون وهي نازله : طيب جآآآيه
نوره : روحي قولي لشوق تلبس وتتجهز وانتي بعد خلاص عمانكم على وصول
هتون ولأول مره : طيب
وطلعت عند شوق
هتون وهي تتكلم مصري : شؤشؤ يا حببتي يله بينآ لازم تلبسي عشآن باباك جي
شوق : ههههههههههه وش البس محتآره
هتون وهي تفك دولابهآ : اممممممممممممممممممم شوفي
هالجنز كوووووووووووشخه البسيه
ورمته على السرير وطلعت
شوق تنهدت وقامت على الحمام تبي تاخذ شور
على الساعه ثمنيه كان كل شيء جاهز
كانت شوق لابسه جنز رمآآدي ضيق مبين تفآصيل جسمهآ
بشل مبهر وكان فيه نقشآت بالأحمر نعوومه وفيهآآ لمعه
وتي شيرت كت لونه احمر ويه كتآبات بالرمآدي
فكت شعرهآآ وحطت على الجنب ورده جوري حمرآ
وكانت هذي عآدتهآ دايم الورد الطبيعي على شعرهآ
كحلت عيونهآ على خفيف وحطت غلوس خفيف بعد
وطلع شكلهآ رهيب وفضيع بشكل ملفت
وطلعت واول ما طلعت لقت سونيآ بوجههآ
سونيآآآ : وآآآآآآآآآآآآآآآآآآآآآو والله انتي مره مره هلو
شوق : شكرا حبيبتي
طبت عليهم هتون
وكانت لابسه تنوره بيج قصيره لنص السآق
ومربوطه من عند خصرهآ بشريطه بنيه ولابسه تي شيرت لونه بني
فيه من الجهه اليسار ورده نعومه بيجيه
وكانت مجعده شعرهآ بطريقه وااااو وحاطه عليه من قدام شريطه بيج
يعني كانو ثنينااتهم يهبلون
هتون : شووووقوه يالدبآ شكلك رهيب
شوق : عااارفه
هتون :: وععععع شكلك يجيب القرف
شوق : هههههههههههه وش هالكشخه هتونه وربي قمر
هتون : عسى زوجة ابوك تخطبلي واحد بريطآني آآآه يااقلبي
شوق : ههههههههههههههههههه طسي بس
ونزلو تحت
....
نوره : هتون روحي افتحي الباب اكيد اختك جت
هتون : يووه يمه وهالخدامات الي عندك مو مالين عينك
نوره : يآآآآآربي انتي ماعمرك قلتي طيب
شوق : يمه ماعليك منهآ انا بروح افتحه > وقآمت
وراحت شوق للبآآآب تبي تفتحه
واول ما فتحته شآفت واحد واقف قدآآآمهآآ
عيونه كبآر ومكحله كان جسمه ريآآآضي
وكان بقمة كشخته شوق تطآلع فيه وهي مصدوومه
من ذا لا يكون عبد العزيز ولد عمتي
عبد العزيز كلمة انجن قليله وش هالملاك الي وآقف قدامه
قعد يطآلع شعرهآ الي واصل الين ركبهآ
طآلع بجسمهآآآ وهو مو مصدق معقوله هذي شوق بنت عمي
شوق انتبهت لنفسهآ وقلبت وحههآ وجت راجعه
عبد العزيز : لحضه
شوق وهي وجهها طايح : نعم
عبد العزيز : مين
شوق وهي شويه تقوم تضربه : مدري
عبد العزيز : ههههه شوق صح
شوق هذا شلون عرفني : ايه
وراآآآآحت
عبد العزييز : آآآآه فديت هالعيون
شوي الا نطت عليه هتون
هتون بصوت عالي ومتصنعه الغضب : عزييييييييييييييييييييييييييييييييييييز
عبد العزيز فاق من احلامه : هلا والله بعمتي الموقره
هتون : وجع ان شاء الله وش مسوي بشووقه
عبد العزيز خفق قلبه من اسمهآ : هاه لا ما سويت شيء
هتون ماقدرت تتحمل شكله : ههههههههههههههههههههههههههههههههاي
اقول اقول وين امك ووين اخوآتك
عبد العزيز : اقول اقلبي وجهك بس
وطلع وسكر الباب ونسى الي جاي عشآنه
هتون : خييييييييييير وش يبي ذا الله يشفيه
ودخلت
.........................
..
شوق بدت تحس بضيقه
الموقف صعب عليهآ
لهآ سنتين ما شآفت ابوهآ واختهآ من اول يوم ولدت فيه
وهي ما عمرهآ شآفتهآ
شوق : آآآآآآآآه بس
هتون : سلامتك من الآه ما توقعت عزيز له هالتأثير
شوق فتحت عيونهآ على الأخر : هيه هيه انتي وش دخل ولد اختك هالحين
هتون وهي تغمز : اسألي نفسك
شوق : هتين وربي موب راايقه لك اسكتي زين ؟
هتون وحست بضيقة شوق : زيـــن يا قمــر
شوي والا طبوو عليهم بنآت فاطمه >> عمت شوق
رهف : بوووووووووووووووووووووو
شوق وهي تقوم : هلا والله وغلا برهووفة قلبي
رهف وهي تحضنهآ : هلاابك يابعد هالدنيآ كلهآ
روان وهي تسحب رهف : اقول بعدي دوري الحين
شوق : ههههههه هلا والله برورو
هتون وهي تحط يدينهآ على خصرهآ : يا سلآآآآآآآآآآآآم وانا ولا وحده معبرتني
رهف : الحبآآآيب اول
هتون : مآآآلت عليكم .. وجت تبي تطلع
روان وهي تسحبهآ الشريطه الي على خصرهآ : تعااالي اشوف .. وضمتهآ
هتون : هيه هيه شوي شوي ذبحتيني
روان وهي تدف هتو الي طارت *ـ* : هذا جزآآتي يله اشوف ابعدي عن وجهي
شوق ورهف : هههههههههههههههههههههههههههه
هتون : عمى ان شاء الله حشى اشك انك بنت
روان : ايه انا كوشكيل
رهف : الله يخلف على امي بس
ونزلوو البنات تحت يستقبلون عمآتهم
لأن ابو شوق على وصول
فآطمه وهي تطآلع بشوق : الله الله اموت على الجمآل انا
شوق : تسلمين عمتوو *ـ*
فآطمه وهي متعمده : خلاص شوقه اليوم بخطبك لعزيــز
هتون : ههههههههههههههههههههههههههههههههههههههههههههههاي
شوق ماتت من الحيآ : يمـــــه نوره شوفيهم
هتون : هههههههههههههههههههه آآآه يا بطني هههههههههههههههههههههههه
نوره : هتين اهجدي
رهف وروان يطالعون موب فآهمين وش السآلفه لأنهم كانو بالمطبخ
فآطمه : خير هتون وش قلت انا
هتون : لا لا ما قلتي شيء ههههههههههههههههههههههه
شوق مسكت المخده ورمتهآ على وجه هتون : وجـــــــــــــــــــع
سونيآ دخلت عليهم : ماما هذا ابو سوق ازي
شوق بدت نبضآت قلبهآ تتسآآرع وكأنهآ طبول
ياربي الحين ابوي وش بيقول
ولا انا وش اسوي لو شفته
وقآمت بسرعه وطلعت على غرفتهآ
صكت البآب وبدت تصيح وهي ما تدري وش السبب
لا ياشوق السبب ابوك ايه يبه انت السبب انت انت يبه
....
روآن : وش فيهآ ام الشبآب
هتون : والله مدري عنهآ دلووعه هالبنت
رهف الي حاسه بشعور شوق : حرام عليكم .. وطلعت وراها
..
..
..
..
..
روان وهتون ونوره وفآطمه وسآره عمتهم الي جت ورهف الي نزلت لأن شوق
موب راضيه تفتح .. كلهم كآنو وآقفين عند البآب يستنون دخولهم
اول شيء دخل عبد الله ابو شوق وبعده دخلو ثنتين لآبسين عبآيات وفآكينهآ
ما كأنهم بسعوديه
نوره دمعت عيونهآ يوم شآفت ضنآهآ : هلا هلا والله بوليدي
عبد الله وعيونه تدور بينهم يدور طيف شوق : هلاابك يمه
وما صدقت نوره واخذته بحضنهآآ وقعدت تصيح
عبد الله : بس بس يمه الله يخليك لا تصيحين
..
هتون وران ورهف كانو فآآكين عيونهم وفمومهم على الأخر
ويطآآلعون بشموخ شعر طويل لونه بني فآآآتح كثير وناعم
عيون كبار ومكحله فم صغير ومليآن
روآن : وآآآآآآآآآآآآآآآآآآآو بنآت وربي نسخه من شوق
هتون : بس ذي احلى وربي
رهف : بنآآآآت شوفو حنان وش لاابسه وشوفو بعد شموخ
رواان : خخخخخ شكلهم ناسين انهم بسعوديه
طبعاً هذا كله من ورا البآب
هتون : يله يله طلعنآ
روان ورهف : يله
وطلعووو
واول ما طلعووو اتجهت عيون عبد الله لهم وخاب امله لأنه ماشاف بنته
وخاف تسوي مثل كل مره يجي فيهآ ما تطلع من غرفتهآ الا اذا راح
عبد الله : هلا والله بأختي
هتون وهي تصيح : عبوووووووووووووود
وطاحت بحضنه وبدت بدوامه من الصيآح
روان وهي تكلم رهف في اذنهآ : اول مره اشوفهآ تصيح ذي النسره
رهف : هههههههه حرام عليك
روان دفتهآ وراحت تسلم على شموخ وحنان
قبل عمهآ
مستعجله ام الشبآب
روان : احم احم هلا خالتي
حنان بصوت خافت : هلابك
روان وهي تسلم : معك روان بنت فطيم
حنان : ههههههه والنعم
روان وهي تتجه عند شموخ
روان : هلاااا والله ببنت عمي القآآآطعه
شموخ بصوت ياله ياله يبآن : هلا
راحت روان بدون اي مقدمآت حضنتهآآ
روان بصوت عالي : وحشتييييييييييييييييييييني
حنان وهي مبسووطه : وانتم بعد وحشتونآ
شموخ طبعاً مستغربه ووجههآ صاير طماط
وبعد ما اخذ الكل نصيبه من السلام والأحضآن
وطيف شوق لسع مابان دخلوو داخل الفيلا
..
...
وش راح يصير لشوق ؟؟
بتطلع لأبوهآ الي ما شآفته اكثر من سنتين
ولا ماراح تطلع؟؟؟
راح تتقبل شموخ اختهآ شوق؟؟
وشوق هل بتتقبل اختهآ شموخ ؟؟
استنى توقعآآتكم *ــــــ^
كآنو جالسين ومستآآنسين بالسوآليف
طبعاً بعد ما اكتملو كلهم وجو عمآت شوق
امآ عمآنهآ ما عندهآ غير عم واحد وهو اساساً ما يدري ان اخوه بيجي
> ههههههه منتهي هذا العم
عبد الله كان شوي ويصرخ ويـــــــــــن شوق لكن مستحمل
لعل وعسى تطلع له
عبد الله وهو يكلم هتون باذنهآ : هتيــن وين شوق
هتون : يوووه تصدق نسيتهآ
عبد الله وهو خلاص بيموت : وهي وينهآ يا اخت
هتون : فوق بغرفتهآ
عبد الله : روحي نآديهآ ولو ما جت راح اطلع لهآ هتون وربي موب قآدر استحمل
هتون حنت عل اخوهآ وقآمت : من عنـــوني
هتون : رهـــف روآن تعالو شوي ابيكم
روان : لا لا لا انا ابي اقعد مع شموخه انتو روحو
هتون : رهف يــله
رهف : يله
وطلعووو عند شوق
وهم عند الدرج لقوهآ بوجههم نآآزله وكان خشمهآ احمر
هتون : هلاا والله اخيراً
رهف ما قدرت تستحمل وطبت عليهآ وضمتهآ بقووه : ليــش تسوين كذا
شوق : ههههههههه رهيــف بعدي عني وربي خنقتيني
رهف وهتون مسكو يدينهآ وسحبوهآ ونزلوو
...
عبد الله حس انه في ناس مقبلين وتعلقت عيونه
على البآب
دخلت اول شيء هتون وهي مسويه نفسهآ متضآيقه
وبعدهآ رهف وهي منزله عيونهآ بالأرض
عبد الله خلاااص فقد الأمل وبغى ينجن
وغمض عيووونه
لكنه فتحهم بسرعه لأنه شآف طيف وحده ثآلثه
قآم بسررعه وبدت دموعه تطيح بدون ما تحس
والمجلس كله سكــــــــــت وعيونهم معلقه بينهم الأثنين
...
شوق وهي بمكآنهآ بدت تطآلع بأبوهآ وتشآآهق
يعني حآلتهآ صعـــبه *ـ*
عبد الله تقدم نآحيتهآ وهي بعد راحت تجري نآآآحيته
شوق : يبــــــــــــــــــــــــه
وطآحت بحضنه وبدت تصيح صيآح مو طبيعي
وتمسكت فيه بأقوى حيلهآ وهو بعد
وطبعآ كل الموجودين ما قصرو لأن الموقف مره محزن ومفرح بعد
وخآآآصه رهف >> حسآآسه مثل شوق *ـ*
اما شموخ كانت تبي ابوهآ يبعد عشآن تقدر تشوف
اختهآ الي وحشتهآ بدون ما تشوفهآ
....
عبد الله : حبيبتي وعمري وحيآتي ولهت عليك ولهت عليك
شوق وهي تضمه اكثر : وانا بعد
هتون: عبيـــد بعد عن البنت خلهآ تشوف اختهآ
عبد الله بعد عنهآ ومسك يدهآ وتقدم لشموخ واخذ يدهآ
وضمهم الثنتين وشموخ تطآلع بشوق وهي مصدوومه ونفس الحآله شوق
فكهم عبد الله وجلس ينتظرهم يسلمون على بعض لكن ولا وحده تحركت
وعيونههم معلقه ببعض ... صدت شوق بوجههآ وطآلعت فيهم وكتفت يدينهآ
وراحت مسكت يد ابوهآ وجلسته وجلست بجنب هتون
طبعاً عبد الله ما فتح فمه من الصدمه
وشموخ شوي وتصيح لأنهآ تعرف ان شوق متبريه منهآ على قولتهم
وسحبت نفسهآ وجلست بجنب امهآ الي ربتت عليهآ توآسيهآ
وبدو يسولفون
>> هذرة الحريم ما تخلص *ـ*
....
بعد فتره <
كانو البنآت جآلسين بغرفة هتون ومستآآنسين
بعد ما اكتملت الشله بوجود شهــــد
شيبسآت وعصيرآت واخر فـــله
( روآن وهتون وسآره ) الثلاثي المرح كانو جالسين
على السرير ويغنون
شهد الي ما صدقت تلقى شموخ جآلسين على الكنبه
شوق ورهف جالسين على المكتب حق هتون
روآآن : اقووووول ياااهووه تعالو نجلس كلنآ على الأرض
سآره : ايه ايه تعالو نلم هالشتآآآآت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك