رواية شوفوا الزمن كيف قاسي مخلي راسه براسي -17
ملك تطالع فييهم ومااسكه ضحكتها:خلاص يلا اخرج
مختار طالع فيها:خيــر..!
ملك ماقدرت تمسك نفسها:هههههههههههه..صااادووه..يلا بايوز (وارسلت بوسه بالجو لنيهاد وغمزتلها وطلعت)
مختار:الـف مبرووك ياحياتي
نيهاد وهي مستحيـة مررره:الله يبارك بعمرك (وبدأ يتـصورو..عاد لا اقلـكم حركات المصورات المنحـرفه *_^)
المصورة المصريه:حط يدك على خصرها (طبعا هيا تكون مديتو ظهرها)وحط فمك على رقبتها (ونيهاد ماتنحسد على الموقف سااكته وعيونها ع الارض وتـتمنى الارض تنشق وتبلعها هيا والمصورة..اما مختار ولا على بااااله ومندمج مع حركات المصوره >عاجبتو ^^)
ـــــــــــــــــ
عـنـد المعـآزيــم
المغنية:ياجماعه العريس حيدخل (وقامو الناس يجيبو عباياتهم)
((ملك كانت لآبسة فستان رصاصي توب من فوق وفيبو شريطة بنك فااتح وفيها فيونكا من ورا ومن تحت ساده ومخصر على جسمها ومطلعها خيآآآل
ريهام كان فستانها لونو اصفر شيالات وبعدين طبقات ومديلو زي السمكه وإلين تحت الركبة بشويا مفتوح على قماش اصفر ساده ومطلعها نعووومه
بشاير كانت لابسة فستان لونو خربزي من فوق توب وعليه كرستلات ناعمه ومن تحت ساده ومطلعها اكثر من روووعه))
انـزفـوا على موسيقى رومنسيه هاديه مره
ريهام:ملوك ههههه تبو تنيمونا
ملك:ههههههههه اختيار مختار (لا اوريـكم لمن وصلو البلكونه كيف التصفيق والزعاق والحماس..رمو الورد على اغنية وياك وبعدين نزلو وقطعو الكيكة ومشيو للكوشه)
طبعـآ كل العيون كانت على نيهاد وكل ماحد يشوفها يذكر الله..لانها طالعه من جد ملكـة جمآآل
(فستان العروس كان لونو ابيض توب من فوق وماسك لين الخصر وبعدين نفشه خفيفة وفيه كرستلات بيضه صغيره مع لونها البرونز وشعرها ومكياجها النآعم لانو مايحتاج ماشالله..والورد كان لونو احمر)
جات جدته وسلمت عليهم ورقصو العرسان وملك وام مختار رقصو مع نيهاد ومختار..وكان الزواج اكثتر من فلـه
ملك بهمس:اقوول مختار
مختار:هلا
ملك:عاجبتك القعـدة عندنا
مختار:هههههه حلوة الطـردة..بس والله لسه ماكحلت عيوني بحياتي (وهوا يطالع بنيهاد إللي مستحيه مره)
ملك:خلاص ؤش شوف البنت كيف وجهها احمر هههههههه يلا بس قوم ترا الناس انخنقو يبو يفكو العبايات
مختار:ؤف ؤف خلاص طيب (باس نيهاد بجبهتها وطـلع مع ام مختار للبرا)
فسخـو الناس عباياتهم وكملو طقطقه ورقص ووناسة اهل العرسان المقربين والباقين راحو يتعشو
بشاير:الف الف الف مبرووك ياأحلى بنت عم
نيهاد:الله يبارك فيك..وعقبالك ياقلبي
بشاير بمزح:يسمع منك
نيهاد:ههههههههه
بشاير:يلا قومي ارقصي معايا والله طرباانه انا اليوم
نيهاد:ليش لا حتى انا متحمسه ولا كأني العروسة هع هع
بشاير:ياشيخه عادي..هيا ليلة العمر يعني سوي إلي تبي
نيهاد:ترا بتخلص الاغنية وانتي لسه تثرثري
بشاير:ههههههه طيب طيب
(ع الساعه 4ونص الفجر راحو المعازيم وبقيو المقربين مره)
ملك:هيا نهوود مو ناويين تمشو
نيهاد بخجل:ؤك يلا
ملك:ههههه كويس ترا مختار صجني كل شويا داق يقول يلا
نيهاد ولـع وجهها وسكتت
ملك:يااااقلبي انا
نيهاد رفعت راسها:سلامة قلبك..!
ملك ضحكت:ههههههه الله يعيين اخويا بس على هـ الخجل يانااس
نيهاد:هههههههه على بالي عندك سالفه
ملك وهي تديها عبايتها:ؤك يلا موفقيـن
نيهاد:تعالي صح
ملك:ها جيت
نيهاد:ههههههه..مافي زفة سياراات مو
ملك:إممم شكلو لا
نيهاد:يكون احسن
ملك:طبعا عشان يفضى الجو
نيهاد:شفلك التفكير
ملك:هههههههههه طيب يلا يلا مختار بيدبحني روحيلو
ببيت ام ياسر
بشاير :والله الزواج عندنا كان مره فللله
ام ياسر:ايوا والله..معنـي جلست قليل وروحت بس انبسطت
سامي:اهاا
باسم:والله حتى نحنا كان فله واحسن شي كل الزواج شباب
خالد جا:بسووم
باسم لف:هلا
خالد:بنتك تبكي..قوم شوفها سوتلي رجه وصحتني
باسم:هههههههه احسن..نومك ثقيل
خالد:طيب طيب (راح باسم يشوف بنتو إلي صحيت بالفجر..وزوجتو دارين تعبانه وماقدرت تروح زواج نيهاد)
باسم:صبآح الخير ياقلب بابا
رنا بصوت باكي:بابا وين ماما
باسم شالها:هناك بالغرفة يلا نروح عندها (دق الباب ودخلو)
باسم شافها صاحيه:صباح الفل والياسمين والعنبر
دارين ابتسمت بتعب:صباح النور
رنا:ماماا..(وراحت عندها حضنتها)
دارين:هلا ياحياة ماما
باسم:وه بقيلي كلام حلو..ترا بدأت اغيـر
دارين:ههههههه..انا كلي فدوه لك
باسم خق معاها:والله لو كنتي مو تعبانه كان متهور من زمان
دارين استحت:اجل الحمد الله اني تعبانه
باسم:هههههههه والله إنك...(حط يدو على بطنها)..إلا كيف حبيب بابا إللي هنا
دارين:ومن قالك إنو ولد
باسم:ههههه انا حاسس
دارين:لاتكفى لاتحس..ترا في واحد حس مات
باسم:تعبانه وتنكتـي هاا..يعني ينفع اتهـور صح
دارين ولع وجهها:بسووووم
باسم:اااه ياروح بسوم
دارين:اطلع يلا وخلي رنو عندي بتنام
باسم:شوفلـك الطـردة..بس احسن لاني لو قعدت هنا ثانية كمان بروح فيها
دارين استحت
باسم قام بسرعه:خلاص باي باي (وطلع)
دارين وهي تبوس رنا:ههههههه عليكي ابو (طالعت فيها لقتها نامت بحضنها..حصنتها ونامت معاها)
ــــــــــــــــ
بالفنـدق..جناح العرسان
مختار:هههههههه ياربي بلاه ارفعي راسك..والله مشكلة الحيا الزايد
نيهاد بصوت خفيف يلا ينسمع:إللي يدو بنار مو زي إللي يدو بمويه
مختار:افااا..يعني دا كلوو عشان.........
نيهاد ولـع وجهها:خلاص مختار لا تحرجني تراني بنت
مختار:ههههههه طيب طيب..يلا تعالي نتعشى (بعد العشا ونيهاد اكلها زي العصافير)
مختار:انا شاك انك اكلتي
نيهاد:وي خلاص انا شبعت الحمد الله
مختار:وانا اقول ليه كدا نحفانه بزيآدة (مسك يدها) هيا طيب دامك اكلتي على قولتك (غمز)تعالي ننام
نيهاد تمنت الارض تنشق وتبلعها,بلعت ريقها:دحين
مختار وهوا يسحبها لغرفة النوم:يب دحييييين و.................*_^
ـــــــــــــــ
فـ مليزيآ ماصارت تطورات كثير لان الاء راحت الجامعه مع مها وياسر نفس الشي وماسار موقف يجمعهم مع بعض
ـــــــــــــــ
ببيت ام ياسر - جناح البنات
الساعه 3 الظهر
ريناد توها تصحى من النوم:صباح الخير
بشاير:صباح النور..بدري..انا إللي رحت الزواج صحيت قبلك
ريناد والنوم بعيونها:فااضيه تثرثري ع الصبح
بشاير تبا تقهرها:إلا صـح امس خرجت مع خييو
ريناد طار النوم من عيونها:جـــد..؟!
بشاير:يب يب
ريناد:افاا يالجاحده ولا تقوليلي تعالي معانا
بشاير:على خبري إنك كنسلتي الروحه وقلتي نعست
ريناد:ههههههه كانت حجج بس..وفين رحتو؟
بشاير:مالك دخل
ريناد:بشووووور قولي يلا
بشاير:ماافي..إلا صـح فاااتك نص عمرك بالزواج إللي قلتي (تتريق عليها)مابا احـضره تعرفيني مااحب الزواجات واكيد ملل..والله كان فلللللللللله ورقص ووناسة من جد حماسيشن
ريناد تحمست:من جد
بشاير:والله اسألي امك حتى
ريناد منصدمه دا كلو صار وهيا نايمه:ماما راااحت..؟!
بشاير:ايوا بس شافت الزفة شويا وبعدين راحت بس انبسطـت
ريناد:حركتااات والله..وانا آخر من يعلم
بشاير:خلي النوم يفيدك
ريناد:خلاص خلاص ادق على ريوم ابركلي من زمان عنها (ودقـت على ريما وقعـدو يثرثرو)
ــــــــــ
........
انتـهـى البآرت الـ 24
قـرآءة ممــتــعة يالغوآلـي..
إن شااالله البآرت الجآي احلى واحلى..^^
|||..الشوؤق ذبحـني..|||
تذكير بالبارت السابق..:
...الاهالي رجعو من الاستراحة ...
...ياسر وصل الاء لسكن مها وخزن رقمه بجوال الاء...
...ملك رجعت من بيت عمها...
...مها شافت نيم ياسر إللي سما نفسو فيه وورتو الاء وعصبت منه..وطنشت ماغيرت اسمه...
...ريناد رجعت وراحت تجلس مع بشاير بنت خالها...
...خالد وسلطان سوو مقلب على ريناد وبشاير...
...الاء بالشهــر التالــــت..!...
...سـآرة انخــطـبـت...
...زواج مختار ونيهاد...
...انـور شاف ملك بالزواج..بس هيا ماشافته...
...باسم وزوجتو دارين إللي حامل بالشهـر التالـت..وعندهم بنت اسمها رنا...
...........
البـآآرت الـ خامس والعشرين / 25:
ببيت ابو فيصل - غرفة ريما
ريما منسدحة على سريرها وتلعب بشعرها وتكلم ريناد:اقوول ريناد بعدين حكيني..دحين وحشتيني منتي جاية عندي ولا كييف
ريناد:هههههههه والله من جد انك قديييمة
ريما:اقول هيا بس قومي كلمي ؤمك..وخليك ع الخط ابا اسمع ردها..عشان ماتبكشي عليا..اعرفك كسوله
ريناد تقوم وفيها ضحـك:بس عشان مرا بكشت وكنت تعبانه مسكتيها عليا..طيب دحين بروح اسألها (راحت غرفة امها وسألتها وقالت طيب)
ريما:بشري؟
ريناد:طيب بعد المغرب
ريما:لالالا يلا دحين العصر خلاص..
ريناد:هههههه عشان ماما تبا تزور امـك فماينفع نجي العصر..خليها المغرب وانا اصلا دحين بروح اخد شاور واتجهز وع المغرب اجي عندك
ريما اقتنعت:إأآأممممم ؤك..استنآآك
ريناد:سي يوؤ
ريما:سي يآآ (وتقفل وتخرج من غرفتها)
ريما بصوت عالي:عزووووووز
ام فيصل:بس بس..رجيتي البيت
ريما:ههههه فينو طيب وحشني
ام فيصل:عند اصحابو خرج قبل شويا
ريما:اهاا..وفيصل؟
ام فيصل:بغرفتوو نايم
ريما اشتغلت اللقافه عندها:اييوا امس متى رجعوو؟؟
ام فيصل:ههههههه ماتسيبي لقافتك.. الصباح ع الساعه 8
ريما:ماشااالله..إلا ماما بتجي عندي ريناد
ام فيصل:حيآها والله هـ البنت لها وحشه
ريما:ههههه طبعا..وصح حتيجي امها معاها
ام فيصل:اهااا..ينورو البيت والله..متى قالتلك ريناد؟
ريما:ع المغــرب
ام فيصل:اهااا..انا طالعه اتجـهز
ريما:ههههههه خلاص ياماما والله إنك قمر
ام فيصل:هههههههههههه عارفه
ريما:ههههههه والله عندك الثقه 100%
ام فيصل:بس دحين يروح الوقت وانتي تثرثري (وتطلع غرفتها..للعلم انو ام فيصل مررره حلوة حتى الي يشوفها مايقول متزوجه واولادها شباب..)
ــــــــــــــ
بمليزيا - سكن الاء
الاء وهي جنب باب الغرفه:رنآآد
ياسر جاها قدامها تمام"خليني اشوف ايش بتسوي ":مو موجودة
الاء"يآآآآربي..الله يخلييك بعد مني":اهاا (لفت يسار من جنبو عشان تخرج بس تفجأت ياسر سوا نفس الحركة ولف معاها)
الاء"يافششششلتي" (لفت يمين لف معاها يمين..والاء وجهها الواان من الاحراجات).."يااربي ماستحمل..وخـــر" (مالقت ولا حل إلا انها تزعق عشان يبعـد من قدامها..فتحت فمها تبا تزعق..ياسر كان حاس قرب اكتر عشان يحط يدو وماتزعق..بس الاء فهمت الحركة غلط ودخلت الغرفة بسرعه وقفلت الباب)
ياسر رافع حاجب"اشبها دخلت..ؤؤف..لسه ماكحلت عيني":......
الاء تتنـفس بسرعة ووجها الوان × الوان "ياربي ايش قصدو من حركتو هادي..؟!..الله يصبـرني بس..ومابخرج عشان الاقيه بوجهي..خليني لمن تجي رناد وافتح الباب عشان اضمن مايسوي شي..(اخدت نفس عميق وفتحت شنطتها واخدت جوالها)
الاء:إأآمممممم بمين ادق..اااه بس وحششتيني ريهام (دقت عليها)
_________
ببيت ابو ريهام - جناح ريهام
كان الجوال يدق وهيا في البلكونه تتغدى مع امها وابوها
ابو ريهام:كلي يابنتي ماكلتي شي
ريهام لها يومين اكلها خفييف مرآ:لا الحمد الله شبعت
ابو ريهام:براحتك (وقامت من الطاولة وطلعت لغرفتها)
ابو ريهام بإستغراب:اشبها ريهام مو على بعضها..؟!
ام ريهام:علمي علـمك والله
ابو ريهام:غريبه..إلا ايش اخبار عيوني الاء
ام ريهام:والله هادي البنت سافرت وولا عبرت احـد
ابو ريهام: شكلها مشغوله بالدراسة
ام ريهام:بس برضو ماتقطـع..يعني انا دقت عليا مرتين بس من يوم ماسافرت
ابو ريهام:خلاص عادي اعـذريها
ام ريهام:إلا متى اجازتها هيا..؟
ابو ريهام:إإممممم بعد 4 شهور واسبوع تقريبا..ليه؟
ام ريهام:بس وحشتيني بنتي
ابو ريهام بضحك:من جد البيت هدووء بدونـهآ
ام ريهام:هههههههههههه
(عند ريهام دخلت غرفتها وهيا نعسسآنه..امس مانامت كويس من كثر التفكير انها خلاص اتـزوجت وحلال على فيصل..رمت نفسها ع السرير بتعب ونامت وماشافت جوالها إللي 4 مكالمات من الاء..)
ــــــــــــــــــ
ع المغــرب
ببيت ابو فيصل في المجلس
ريما رايحه جايه تستناهـم..(دق الجرس)..طبعا خرجت على بالها ريناد وامها فتحت الباب:هلاااااااا برنوودتي
عبد الرحمن:اححلفي بس
ريما بفشله:ؤما انته
عبد الرحمن يستهبل:لاشبيهو..فينك انتي من زمان عنك
ريما:خلاص ماتشوفني كبرت
عبد الرحمن يطالعها فوق تحت
ريما استحت:هيييي لاتطالع
عبد الرحمن:ياشيــخه..شكلك كبرتي من جد..(يبغى يحرجها)..يعني بتتغطي مني؟
ريما من كثر الاحراج ماعرفت ايش ترد..انقذها دق الجرس:اقوول يلا ادخل سريع عندي ضيوف
عبد الرحمن وهوا يمشي لداخل بضحك:ياهوؤو..لا من جد كبـــرتي ههههههههه (وراح عند فيصل)
ريما وهي مبتسمه تفتح الباب:هلآلآ والله
ريناد تدخل:اهليييييييين وحششتيني (وتحضنها)
ريما:هههههه وانتي اكتتر..اخببارك؟
ريناد:تمام وكيفك انتي؟
ريما:تمام دامك تمام (طالعت بؤم ياسر إللي تطالعم وفيها ضحكه كأنهم ماشافو بعض شهور..سلمت عليها بإحراج)..كيفك ..اااه "ياااربي مو عارفه ايش اسمها..فشلله"
ؤم ياسر ضحكت:الحمد الله ..وانتي كيفك؟
ريما:كويسه..يلا ادخلوو (وضيفتهم للمجلس وسلمو على ام فيصل )
ريما:امشي رنود نطلع فوق
ريناد:ؤك يلا (وطلعو وخلو امهاتهم يتكلمو..)
ريناد:ايوا ايش اخبآآرك..احوآلك..علومك؟
ريما:كويششة..يلا حكيييني ترا امس ماكان في فرصة..ابا من اووول مارحتي مع امك
ريناد طلعت عيونها:تحللللمي حكيتك خلاص
ريما:ههههههه لا اقين
ريناد:مع زآآتك والله .. بحكي من اول مارحت بيت خيلاني
ريما بدأت تتحمس وعدلت جلستها على السرير:ايوا يلا حكي
ريناد:هههههههههه ياربي ع الحمآآس (تربعت ع السرير)..الموهم والله كان فللله كدا يكون عندك عايلة تانيه ماتعرفي عنها شي يااااي
ريما:يلايلايلا ..اصلا كم عندك خال..وحكي حكياتهم من الالف للياااء
ريناد:طيب طيب ..عندي خالين واحد توفى هوا وزوجتو
ريما:اهاا الله يرحمهم..طيب ومين عيالهم؟
ريناد:خالد وبشاير..خالد عمرو 25 وبشاير 23
ريما:اهااا كبآآر يعني
ريناد:ايوا..ووو يب والخال التاني هادا حكااااية
ريما:يلا قوولي
ريناد:هادا الخال متزوج ام رازان
ريما:لحزه لحزه..مين ام رازان دي..؟
ريناد:زوجة ابويا التانيه
ريما فتحت عيونها:ؤمااااااا
ريناد:يب..الموهم
ريما قاطعتها:اقول لا تقولي ام وام قولي الاسم
ريناد:ههههههه طيب اسمها عبير..
ريما:هادي ؤم رازان؟
ريناد:ايوا..هادي زوجة خالي اساساً جابت ولدين وبنتين
ريما:صغار؟
ريناد:ههههههههه متزوجين
ريما:امااااا
ريناد:هههههه لحزه اقولك..اول شي باسم متزوج وعنده بنت اسمها رنا عمرها 4 سنوات ودحين زوجتو حامل بالشهر التالت..إممم وبعده نيهاد هادي إللي كان زواجها امس
ريما:اماااا امس زواجها..وااو يعني امس زواج بنت خالك..وليش ماتروحي ياهبله؟
ريناد:انا من متى اروح زواجات انتي التانيه..وتوقعـتو ملل لانو الناس ماعرفهـم..بس البيت كلو يقول كان فللله..حتى ماما راحت في النهاية
ريما:اهااااا
ريناد:وبعـدين سامي دا عمروو تقريبا 23..وبعدين نوره...هادي إللين دحين ماشفتها عمرها يقولو 22
ريما:اهااا وينها دي نوره؟
ريناد:بمليزيا مع اختها رازان ..إللي هيا اختي
ريما:لحظه لحظه..رازان الكررريهـة ديك اللي شفناها بالمزرعة هي ونورة اخواااااات..!!!!!
ريناد بتكشيرة:ايوا ورازان اختي انا وهيا نفس الابو
ريما:وااااااو..ورازان دي عندها اخوان
ريناد:ايوا عندها سلمان دا سنه رابع..عرررفتيــه مين هادا؟
ريما تتذكر:لا مين؟
ريناد:هادا إللي شفناه بالمزرعة وكان يبكـي
ريما نطت:واااااااااااو هادا اخوكي كمان
ريناد:ايوا..وياسر طبعا تعرفيه
ريما:تف تف ماشاالله كثرو اخوانك
ريناد:ههههههههههههه
ريما:تعالي يعني إللي فالبيت عندكم محد يغطي ع التاني دحين صح ..لانو نيهاد اتزوجت وراحت ونورة مسافرة مافي إلا بشاير
ريناد:وانا وييين رحت يامالت
ريما:ههههههه وانتي
ريناد:بشاير بس تتحجب..اما انا اصلا مااطلـع كتير من غرفتي ولو خرجت جناح ماما ولو كثثثرت اشوف باسم بس
ريما:ووين خالد وسامي ليش ماتشوفيهم
ريناد:سامي احسو 24 ساعه برا..وخالد بالشغل مايقعد بالبيت مرآ ولو قعـد بغرفة اختو بشاير
ريما:اهااا..(زعقت)وايش اخبار يااااااااااسر
ريناد انفجعت:وه يامخبوووله خوفتيني حبه حبه
ريما:ههههههه قسم من الحمآش..طيب كيفوو
ريناد بنص عين:تمام يسلم عليك
ريما:ياششششيخه..ههههههههههههه..من جد مايتصل عليك
ريناد:مدري اضن ماعندو رقمي ولا انا ماعندي رقمو
ريما تتريق:والله حآآآلة اخوان وماعندهم ارقام بعض
ريناد:منآآآك بس
ريما:هههههههههههه وكيف لولاش معاه
ريناد:قالولك عايشه معاهم
ريما:ؤؤؤف رنود انتي ماتعرفي شي
ريناد:اااه بس وحشتني الدوبه هادي..ههههههههه اتخيل كيف دحين بيكون عندها كرشه كآآآآآي
ريما:هههههههههه من جد مااتخيل
ريناد:هاتي لابك نفتح المسن تلاقيها فاتحه
ريما:اممم هما كم الساعه عندهم؟
ريناد مافيها تحسب:مدري
ريما قامت تجيب اللاب:stupid
ريناد:هههههههه والله مافيا
_______
ببيت ابو فيصل - جناح فيصل
عبد الرحمن:فيصل بتقوم معايا ولا لا؟
فيصل:مافيا ياشيخ
عبد الرحمن:احسن كمل نومك..وبعدين لو فيك شده تعال مع اهلك بعد لمن يروحو الضيوف
فيصل بإستغراب:مين ضيوف؟؟؟
عبد الرحمن:مدري..اسأل ريما اختك
فيصل اخد جوالو ودق على غرفة ريما
عبد الرحمن:ياررربي ع الكسل إللي انته عايش فيه
فيصل:ايش رايك تسكت
عبد الرحمن فيبو ضحكه:محترررمة
فيصل:من جد انك رجه..الوو
ريناد:هلا
فيصل:هلا فيك..مين؟؟
ريناد عصبت:داق ويتفلسف
فيصل ماقدر يمسك نفسو:هههههههههههههههه رنووود
ريناد انصدمت مين إللي عرفها:هااه
فيصل يضحك:انا فيصل ياهبله
ريناد استوعبت انو نفس صوته ومن الفشله سكتت
فيصل:كيفك ايش اخبارك واخبار امك واهلك
ريناد بصوت واطي:تمام
فيصل:خلاص يلا سلام
ريناد:سلام(قفلت)
عبد الرحمن:ضحكنا معاك
فيصل:الضيوف دول على قوولتك هادي رنود اخت ياسر
عبد الرحمن:امااااا رنود هنا..قسم لها وحششه البنت دي
فيصل:خلاص مافي شوفه ترا ماهي اختك زي اول
عبد الرحمن:هههههههههههههه مالت
فيصل:يلا خلاص مو بتخرج اختك؟
عبد الرحمن بنص عين:ؤؤف ع الطردة
فيصل:هههههههه يلا روح وبعدين لو جاتلي الشده بجي
عبد الرحمن وهوا يقفل الباب:مستحييييل (وخرج من بيت عمو لعند اختو ساره يونسها)
عبد الرحمن دق باب غرفة ساره:ممكن
ساره بصوت فيه نووم:ادخل
عبد الرحمن دخل وكانت الغرفة باااردة ومافي إلا نور الابجوره:يووو ايش الجو دا
ساره وهي تقوم:ايش عندك جاي؟
عبد الرحمن:ياربي اشبهم الناس اليوم يطردوو
ساره:ههههههه لا اقول غريبه مو مع اصحابك اليوم جمعة وايجازة عندك
عبد الرحمن:كح كح طيب عشان كدا جاي اخرج اختي الغاليه
ساره:لا وراها شي
عبد الرحمن:ههههههههه لا مافي شي..بتخرجي معايا ولا كيف؟
ساره:طيب خلاص انا اليوم من الصباح طفشانه..يلا انقلع بتجهز
عبد الرحمن:اخلالالالاق
ساره:حسناً هيا اذهب يااخي العزيز
عبد الرحمن:حاضر يااختي العزيزة
ساره وهيا تقفل الباب:كأننا علقنا على عزيز وعزيزة
عبد الرحمن:هههههه بقوووة (ويروح غرفته عبال ماتتجهز ساره..شويات وساره جاية غرفته ومعاها عبايتها)
ساره:يلا ولا شكلك مطوول
عبد الرحمن يقوم من السرير:لا مو مطول ولا شي
__________
ببيت ابو فيصل - غرفة ريما
ريما وهي تحوس بالمسن:ؤؤف مو فاتحه
رينادوهيا تجي وتجلس جنبها:ههههه مصيرنا نتصل عليها..(تتذكر)صووح
ريما:ايش في؟
ريناد:دق فيصل عليك
ريما:ايش يبا؟
ريناد:مدري قالي مين قلت داق ويتفلسف
ريما:هههههههه اما ماعرفتو صوتو..؟!
ريناد:إلا اعرفو بس مدري ايش صارلي ساعتها..المهم بعدين قالي انا فيصل ياهبله وقال كيفك وايش اخبارك واخبار امك واهلك قلت تمام وقال يلا سلام وقفل
ريما:ؤماا بس كــدا..؟!
ريناد:هوووع .. بس
ريما:طيب يلا هاتي جوالك دقي على الاء قوليها تفتح المسن
ريناد تجيب جوالها من شنطتها:ؤك
_________
بمليزيا - سكن الاء
الاء جالسة ع الكنب ومسرحه "اشبها ريهام ماتـرد غريبه..لايكون صاير شي بالبيت.!؟..لالا ان شاء الله مافي شي...إلخ"قطع تفكيرها صوت الجوال بيدها ..رنود يتصل بك ..
الاء ردت بفرح ونسيت كل إللي كانت تفكر فيه بمجرد اتصال حبيبتها:هلآلآ
ريناد:هلا فيييييك
الاء:كيفك وحشتيني
ريناد:تمام..مايوحشك غآلي
الاء:ؤف طيب قولي وانتي اكتر
ريناد:والله ماتستآآهلي
الاء:افااا
ريناد:تقهررري ولا اتصال يعني يانحنا نتصل يابطقااق هاا
الاء:هههههههههههههههههه تعجبيني لمن تعصبي
ريناد:فاضيه تنكتي..المهم الاخبآآر عندك..كيف الجو..والطلاب هناك وكيف صحبتك مها مع اني حااسه انو هيا إللي اشغلتك عننا
الاء:ههههههههه حرام عليييكي إلا مهموها..المهم كلنا كويسييين والجو مرره حلللو
ريناد بتنهيده: اااه بس ياحظك..عندنا مع دا الحـر قررف
ريما:اقول بس زودتي ابوها هاتي بكلمها (وتاخد الجوال من ريناد)
الاء:هلا والله بريووم
ريما:اهلييين اخباارك
الاء:الحمد الله وانتي؟
ريما:تمام تمام ..دووم
الاء:تدوم ايامك يآآرب
ريما:إيوا يالقاطعة اهرجي
الاء:خلصت علينا السوالف رنود
ريما:ههههههه من جد (وسكتو)
الاء:بتتكلمي ولا كيف
ريما:ههههههه إلا بتكلم..تعالي كشفتي وايش طلع بنت ولا ولد...؟؟
الاء:لا ماكشفت لاتتعبي نفسك
ريما:امااااا ليه؟!
الاء:مابا اعرف
ريما:نحنا نبا نعرف
الاء:لا مو لازم
ريما:إلا لازم
ريناد:اقوول هاتي بس بتقعدو على لازم ومو لازم (واخدت الجوال من ريما)..ايوا وكيف السكن والطلاب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك