رواية شغب في مدارس الرس -13
طارق- جزاكم الله خير...وصلت لبيتها....
طالع بمها يبيها تمشي....
مها بقلبها- هذا يحسبن زوجته عشان اروح معه ....
مها بقلبها- هذا يحسبن زوجته عشان اروح معه ....
فيصل- للحين ما وصلت ...ما اتركها الا اذا دخلت البيت
طارق- ماتلاحظ انك تلقف اكثر من اللزووم
فيصل- والبنت كأنها امانه معي....انت مو اخوها ...
قرب من طارق وصارن وراه...
طارق- بنت عمي وانا اولى فيها...
استغرب فيصل من كلمته ....
مها- خلاص انا رايحه ...مع السلامه ندى ...
تركتهم وراحت ...طارق التفت يطالعها....وفيصل التفت يطالعها...
رجعت ندى شوي شوي للبيت ....
طارق طالع بفيصل وعصب....
وقال- انت وش تطالع ....
فيصل طالع فيها الى ما اختفت عن عيونه وطالعه وقال- وفيه فرق بيني وبينك....
طارق دفه على ورى وقال- قسم بالله ...لو تفكر مجرد تفكير فيها...ان تندم ....
ابتسم فيصل وقال- ايــه هين ....انت شفها من تبي....
عطاه ظهره وكان بس وده يحرقه مثل ماطيح وجهه وحرقه قدام العيال...
طارق عصب بقوووة ...وقال- ايه هين هاااه .....مستهين فيني ولاعب بعقلها.....انت اعمى ...والا وشلون تفكر بواحد مثلك...
فيصل انجرح من الكلمه التفت عليه وقال- المهم فكرت فيني ....ولا فكرت فيك
طارق انجرح وطالع بالارض بضيق ......
فيصل ابتسم واستانس انه شافه كذا .....تركه ورجع لبيتهم ....
طارق يطالع بالارض ....وهو ماسك دموعه ...واخذ نفس طويــــــــل...
وقال- ليش يامها...وش لاقيه فيه احسن مني ...ياليتني اعمى ياليتني اعمى ....بس تحبيني لو كنت اعمى ...
.......................
دخلت البيت وسكرت الباب واستندت عليه من الخوف ....كانت تطلع نفس وتاخذ نفس .....
مها- الله يستر الله يستر من طارق....هذا وش خلاه يجي .....ياربـــــي....
مسكت جوالها ودقت ندى .....طووووووط طووووووط طووو ...
-الو ....
مها- ندى ....رجعتوا للبيت ...
ندى- انا رجعت بس فيصل لا....ما ادري وينه...
مها بخوف- لا تستهبلين تكفين .....
ندى- ما استهبل....جد ...ما جاء...طيب عادي ....الحين يجي ان شاء الله ....
دخل طارق من عند باب قسم الرجال ...وهو يسمع صوتها بالحوش الثاني....
مها- لا جد والله خايفه عليه .....
..طارق وقف يسمع وش تقول...وقرب اكثر عشان يسمعها ..
مها- ياشينك ...تكفين لا تستهبلين وربي اني خايفه ....
ندى- والله العظيم ماجاء....ايــه هذاه دخل .....هذاه قدامي...
مها براحه- الحمد لله ...صراحه خفت عليه من طارق.....
طارق عض شفايفه
ندى- هع شوفيه مستانس ....اسكتي لا يدري عنك بس...
مها- غبيه ....انتي لا قلتي كذا بيدري....يللا باايو ...
سكرت واخذت نفس وقالت- الحمد لله الحمد لله ....
طارق وقف يفكر.......سمعها تدخل البيت ....ورجع للملحق ...
.......................
فيصل- مها؟؟
ندى- ايه..
فيصل ببتسامه- وش تبي فيك وهي توها طالعه
ندى بخبث- لا ياشيخ احلف ....وش اقول لها تو ...
فيصل- والله تسأل عن؟؟
ندى- ايه ....
فيصل نزل عيونه للارض وهو مبتسم ...بعدين طالعها وقال-من متى ...يعني ...متى حبتن..؟؟
ندى- وش قصدك ؟؟
فيصل بتردد- قبل ما اشوف وهي ....تحبن؟؟
ندى- ضحكت وقالت- ايـــه ...اذكرها يوم قلت انك بغيبوبه جلست تصيح...ايه قبل ما تشوف ....
فيصل ابتسم براحه وقال- هالبنت تجوز لي..
ندى ابتسمت وقالت- وش سويت مع ولد عمها الخايس هذا ...
فيصل- ابد ولا شيء...
ندى- اشوى ...هي خافت انكم تضاربون ....
فيصل- طيب...آآ..
سكت
ندى- شوو !!
فيصل- ولا شيء....
ندى- كيفك....
فيصل- هو ...يحبها صح؟؟
ندى ابتسمت وقالت- ادري انك بتقول ...على ما اظن ...ايه
فيصل- اكــــــيــــــد....؟؟!!
ندى- ايه..يحبها...
فيصل طالع بالارض وقال- ولد عمها هذا
ندى- بس هي ما تحبه ابدا....تكرهه كره اليهود ...
فيصل طالعها وقال- جد؟؟؟
ندى- اي والله ...
فايزة- من من ؟؟؟
ندى وفيصل- وعليكم السلام ..
ندى- وش اللقافه ....وش دخلك
فايزه- اوووووه ما كأني اختكم ...
فيصل- سر بيني وبينها
فايزة- سر في بطنك يا الدب...
ندى-خخخخخخخخخ
فيصل- خخخخ كل هذا قهر ..
فايزة- ومن انت عشان انقهر منك...
حاتم
كانوا جالسين .....
خالد ماسك الكوره بين يديه ويدحرجها يمين ويسار ...ويقول- بكره بروح لعنيزة الصبح...تروحون معي....
فهد- والمدرسه...انت انهبلت ...تراك بثالث ثانوي ....انتبه لنفسك ...
حاتم- وش بتسوي بعنيزة ...
خالد- التفحيط ...
حاتم وفهد- انت من جدك؟؟؟
حاتم- لا والله اللي انهبل ...
فهد- يا ابن الحلال ترى اول ماقلت لي توقعتك تمزح ...
خالد- يا اخي الى متى بتمسكني القوانين ....بروح كلها تفحيطتين وراجع ...
حاتم- رح لحالك...وش يوديني
خالد- لا ماعليك مو لحالي....معي منصور...
حاتم طالع فيه بتعجب...وقال- منصور ماغيره؟؟
فهد- وأنا اقول من اللي مغيره ....
خالد- وش فيكم عليه....
حاتم- ومن متى العلاقة ...
خالد- دايم اطلع معه ....
حاتم- عارف مادشرك الا هو
خالد- لا لا لاتظلمه ....
فهد- ومن متى انت تفكر كذا
حاتم- يا ابن الحلال ..انا عارف ان من ماشاه ما رجى منه خير
خالد- طيب لا تسبه ...
حاتم- انا اقول الحق...واحد عمره 26 لا وبكل سنه يرسب ...تبي اللي يمشي معه يشوف خير...انتبه على نفسك ...
فهد- ايه والله انا مع حاتم...
خالد وقف وقال- انا ما شفت منه الا كل خير....واذا انتم بتسبونه ...تراه عندي مثلكم ...يعني ما اسمح لأحد يسبكم...فاحترامن لي لا تسبونه...
حاتم- وش عندك انت طايح بالاحترام....يا ابن الحلا اجلس....حنا ما نبي الا مصلحتك....
فهد- عاد انت لا تاخذ السالفه جد
حاتم - تعوذ من بليس واجلس
خالد- بس احترموني ...
فهد- نحترمك بس انثبر انثبر ...
خالد-اصلا انا بمشي ...تامرون على شيء
حاتم يطالعه بنظرات خالد مافهم معناها ....
حاتم- سلامتك بس انتبه على نفسك ...
خالد طالع بنظرات نفس نظراته وقال- ان شاء الله ....
تركهم وراح
حاتم- ما ادري وش اللي خلاهـ يصاحبه ...انا من شفته وعرفته ما اعجبن
فهد- انا اعرفه ...مو بعيد عن بيتنا ....كل من صاحبه دشر...
حاتم- الله يعين ...ويهديهم ...
..............................
مها بعصبيه- انهبل انهبل ....
مرام- اكيد بيعصب ...يعني يشوفه يمشي معكن ...
مها- بس انا اصغر عياله....والا قولي انا زوجته ...يبيني امشي معه ...اقووول هذا والله ماعنده كرامه ...أكرهه...أكرهه ...
مرام- هو يدري انك تحبين فيصل؟؟
مها- ايه
مرام- وش درااه
مها- ما ادري....يوم افتش لابتوبه لقيت انه يدري ...بس وشلون درى ما ادري
مرام- اللي يحب صدق...يجيب اخبار حبيبه لو من تحت الارض ...ياليته يحبني ...آآآه يا انتي غبيه ....
مها تطالع بمرام وتفكر ...((هو يحبها صدق...خمس سنوات او اكثر يحبها ...لو تحبه وش صار...ماتشيل هم ...انها بتتزوجه او لا....))
مرام- يللا تعالي نحط العشاء ...ترى امي بتتعب...لا تنسين انها حامل..
مها وقفت وقالت -يالله ...
...........
دخل حاتم البيت وسمع اصوات بالملحق ...كأن أحد يلعب بالاغراض داخل....
قرب وطالع ....
كان يفتح الدواليب والخزنات ...ويطلع منها الملابس..ويسكرهن بقوه...
كان معطي حاتم ظهره ...ويشيل الملابس ...وبالشنطة .....
حاتم بتعجب- طارق!!!
تعدل بوقفته ولا التفت له ..... مسح دموعه وقال- وش بغيت
حاتم دخل وقال- وش تسوي؟؟
طارق- بروح لبريده
حاتم- بكره دراسه يعني عندك دوام؟؟
طارق- لا...ما ابي ادرس خلاص....
سكر الشنطة ...
حاتم- وش تقول انت ..يعني ماتبي تجلس...
طارق طالع فيه وقال- يا اخي انا ابي ارجع لاهلي...اشتقت لهم....مالي غنى عنهم...
حاتم- انت ضايق خلقك...ارتاح ...وخذ لك وقت قبل ما تروح ...
طارق بنبرة ضيييق- ما عاد فيها راحه ....
حاتم بخوف- وش فيك ياطارق....طيب على الاقللا تروح وانت بهالحاله ....اتسطح وخذ لك غطه بتقوم وانت مرتاح ان شاء الله ...
طارق- لا ...بروح لبريده ....سلم لي على الاهل ...
حاتم- لا الله يحفظك لا تروح هالحزه ...الساعه عشر...
طارق- بس تكفى ....ما ابي اجلس..مع السلامه ....
وقف عند الباب وهو يفكر...
طارق يطالعه بتعجب شدييييد ...
طارق طالعه وقال- سلم لي على الاهل...فردا فردا...أمانه...سلم لي عليهم...
حاتم- ان شاء الله
طارق- واعتذر لي من عمي....مع السلامه ....
طلع ....
.................
الصبح ....
بالفسحه ...
مها- الله يعين على طارق...من جد راحمته
ندى- اصلا انتي مالك ذنب....المفروض يجمع اللي بقى من كرامته ..
مها- ليته يفهم .....أشك انه دلخ ...
ندى-يستاهل هو وجهه امس احس طاح وجهي يوم قال جزاكم الله خير....وصلت
مها-ههههههههه ماعليك منه ...طقاق يطقه .....
-ندى ندى
التفتن ...
ندى- فايزة!!
مها- خبله انتي وش جابك ...
فايزة- تكفن تعالن معي....شلة غيدا الاولى مسكن غيدا بيضربنها.....تكفن تعالن معي
مها- يوه بنات والا عيال !!
فايزة- بويآت
ندى- لو تشوفك المراقبه قصت رقبتك ...انتي انهبلتي ...
فايزة- تعالن ساعدنها...
مها- يالله ....
ندى- اروح لمبنى المتو...
مها- امشي ياخبله ...
....................
فهد وحمودي ...ونصوري...
قدام غيدا
غيدا- انا كيفي ...مو انتي وياه تتحكمن باللي اسويه واللي ما اسويه ...
قربت منها فهد وقالت- انتي تخربين سمعتنا
غيدا- يا هالسمعه النظيفه .....الكل يهرب من قدامكن يخافن يختلطن فيكن ؟؟
دفته بقوة ....غيدا دفتها مثل ما دفتها واقوى ...طاحت ....
فهد- والله لا اخليك تعظين الارض وتقولين تكفين ...
وقفت وبكل ماعندها....ضربتها مع بطنها....
طاحت غيدا على ركبها وهي تتألم ....
ناصر- هه وش السالفه ....صارت نعومه
غيدا وقف وعطت ناصر كف بقوووة ....
كانت حاطه يدها على بطنها ...
ناصر- حيوانه ...
قربت منها بتضربها ....
- المديــرة ...
التفتن ...
وقفتن مها وندى وفايزة ...
مها- بننمسك...
فايزة- غيدااا...غيدااا .....تعالن بسرعه .....
ركضت غيدا لهن ....
فايزة- الحقني ....
راحن عند كان غرفة تاخذ على درج ورى المدرسه ...
فتحته ودخلن معه ....
ندى- الله يستر الله يستر.....
..................
فهد- الركضوا اركضوا ...
راحن يركضن مافيه مكان ...ولو بيرجعن ورى المديره وراهن ...
وقفن ولا بيدهن حيله ...
...............
طلعن على السطح وقالت فايزة- بآمان ان شاء الله
ندى- ياحماره كله منتس بتروح الحصه الرابعه علينا
غيدا- احمدي ربك انها انقذتنا
مها- اي والله صادقه ...شوي وننزل.....
ندى- اووووف وش اللي جابني
غيدا- اي والله وش جابكن
فايزة- انا ابيهن يساعدنك ...وللأسف...
غيدا ابتسمت - ياقلبي يا انتي ...
ندى رفعت حاجبها وهي تطالع ...
مها- ياسلاام غريب بالثانوي والمتوسط صداقه ...من متى وانتن صديقات ؟؟؟
غيدا ابتسمت وقالت- اسبوع
فايزة-ههههههههههه صح يمكن اسبوع
ندى- صداقة !!
فايزة طالعتها معصبه وقالت- كوووولي تبن ....
غيدا- ما عليك منها فايزة يقولون اللي يقولون ...
مها- ايه الله يخليكن لبعض
..................
فهد- مو بس حنا...فيه بنات هربن
المديره- اوووص وين يهربن ...تكلمين بزر قدامك
ناصر- استاذه ثلاث بنات من الثانوي ....انا شفتهن ...
المديره اقول ورى ما تسكتن
حمودي- استاذه بالله ما تعرفين تحترمين ؟؟
المديره ضربت الطوله وقالت- والله وطولت اللسان ...لا هين ....شوفن وش بيصير...
ناصر- طيب مو بس حنا...
المديره- اقول ما تسكتين ...وين هربن عشان اصدقك....اكيد جنون اجل...اختفن ...مالهن مكان يهربن له ...لا لازم تجي مديرة الثانوي ....
................
وعند مديرة الثانوي
ابتهال- والله انا ابي اوصلك خبر وبس ...اللهم اني بريئه
المديره- طيب بس هي....يعني بس رغد تاخذ الاسئله
ابتهال- ايه ....وبينهن علاقة حب...
المديره طيرت عيونها وقالت- انتي متأكده ...استاذه نهله ...
ابتهال- اذا كانت حصتها عندنا ....بكشفها لك ....والا وشوله ...اذا جت لفصلنا ونادت رغد وطلعت رغد لها ...بجي اقولك
المديره- انا ما اصدق ....
ابتهال- انا بخليك تصدقين ...يالله استاذه عندي حصه ...
طلعت وهي مبتسمه ...وتقول- يصير خير
مها - ابتهاال....
التفتت لهن وقالت- هلا...
مها-- عندنا احد
ابتهال- لا...
ندى- الحمد لله اشووووى
مها- بنرووح فيها..لو يقولن اسمائنا للمديره
ابتهال- وش مسويات انتن
ندى- سلامتك سلامتك ولا شيء خليها مستوره ...
غيدا- نشوفكم على خير بنات ...
راحت لفصلها
ابتهال- يالله ...لا تجينا معلمه ...
...............
حاتم ....
فهد- الله يستر على خالد والله اني خايف عليه
حاتم- الله يستر عليه ...التفحيط مشكله ...وان تعلق بالتفحيط بيندمر....
فهد- الله ياخذ بليس منصور ....هذا وش جابه له ....
حاتم- الله يعين ....
سكت حاتم وهو يفكر....طارق محيره ....ليش فجأة سوى كذا ....
...................
طارق متسطح بالحديقه ....وحاط السماعات باذنه ...ويسمع اغنية ...
ومغمض عيونه ....
قال بهمس- ليش تسوي فيني كذا ...والله أحبها...واللي خلقني وخلقها اني اعشقها....ابي اصير اعمى ...ابي اصير اعمى ...ياليتني اعمى مثله...وش اللي حببها فيه وماخلاها تحبني ...انا من ست سنين ومانا متعلق فيها ولا هي حاسه
قلبها من ايش هاذي...اي بنت تحب اللي يحبها....ليش هي غير....
ابتسم وقال- اي والله هي غير عن كل البنات ...ما اعتقد فيه بنت مثلها....فريده من نوعها...
جلس واخذ نفيس وقال- الله يشيل حبها من قلبي...يارب اني انساها ...
حاول انه يبعدها عن تفكيره ويفكر بشيء ثاني ....أبد مايقدر.....
..........................
الظهر ...
يمشن مع بعض راجعات للبيت ...حاتم وراهن وكان جدا عادي مافكر ان فايزة معهن او لا اصلا هو ناسي االسالفه ...
مها- ايه واضح ماشاء الله عليه مسوي فيها عاقل...
فايزة- ابي اشوفه...
مها- لا لا مو وهو كذا لازم يكشخ ....صح ندو؟؟
ندى طالعتها وقالت بدون نفس- ايه ...
مها - وش فيك؟؟
ندى- سلامتك مافيه شيء...
فايزة- آآآآ
التفتت وطالعت فيه ...
مها- هيه انتي ....اصلا هو من شاف الكيس اللي معك مارجى من وراك خير..كيس بقالات هع هع .
فايزة- صدز ...هو ما يحب...اصلا الكيس والله فيها اكسسوارات ...
مها- وش عرفه ان فيها اكسسورات او لا....اصلا واضح انه مو مهتم لك لا تحاولين تراه يحب له وحده
فايزة بتحطم- قهـــــــــر مايمديني اجل...
مها- وناويه عليه ...بعد بعد ......
مها التفتت عليه وكان مبتسم ويمشي شوي ...ودنق للراض ويشيل من على الارض اشياء صغيره ...
مها- اقول شكله ناوي يضربنا بالحصى اللي يجمعه
فايزة-خخخخخخخ تخيلي
مها طالعت بندى وقالت- وش فيك انتي اليوم مو طبيعيه انتي ...
ندى- تدرين ان أحمد بيجي اليوم ....ماراح اقدر اشوفه ...من جد خاطري ضايق عشانه ...
مها- ولو يا ندى ....المفروض ما تقولين عنه كذا ...
وقفوا عند بيت ندى ...
فايزة- اترككن لحالكن ..
دخلت للبيت ...
مها مسكت يد ندى وقالت- لا تضيقين خاطرك عشانه....لكن ادعي له ...ادعي له ...والله ماراح ينساه ...هذا امتحان لكم ...وله بعد....انجحي بهالامتحان ...وادعي له ...لعل وعسى تستجاب دعوتك
وتكونيني انتي اللي بعد الله خليتيه ينشفي...
ندى تطالع بالارض وتفكر....
مها- قولي الله يشفيه
ندى- الله يشفيه ...مع ان هذا شلل كامل...
مها- شلل كامل غيبوبه ..موت ...الله قادر على كل شيء.....
حاتم كان مار من عندهن وهو في غاية التعجب...وكمل طريقه للبيت ...
مها- ما تدرين ...يمكن ترجع له قوته وييرجع مثلاول ...مو الله اللي اخذ كل هالنعم منه....هو الوحيد اللي قادر على انه يرجعها له ...
ابتسمت ندى وقالت- صح...الله يشفيه ....
ضمتها ودموعها ماليه عيونها وقالت- عسى الله لا يحرمني منك...من جد انا فرحانه اني عرفتك...
مها قالت بخجل- بلا دلع ...خفي علي شوي تراي خقيت ....لا تخلين هالصداقه تنقلب حب
ندى-خخخخخخخخخخخخخخخخخخخخ ياحماره ....قويه كلمتك ...
مها- يالله بروح اخاف يتغدون عني ....
ندى- ناس ما تهمهم الا بطونهم ...
مها- ايه لو خلص الغدا ماراح تسألين تغديتي والا لا...اقول انقلعي ....يللا مع الثلااامه ...
ندى- مع السلامه ....
دخلت
........................
قبل الغداء ...
ابو حاتم- يالله حطوا لنا غداء ...اكيد طارق بيجي ...
حاتم- يبه ...طارق رجع لبريده امس....قال سلم لي على عمي واعتذر لي منه
ابوه- وش تقول انت ....لا والله انهبلت ....وشلون تتركه يروح ...
حاتم- انا قلت لا تروح بس كان متضايق وطلع ...
التفتت مها وقالت- واللي يتضايق يطلع ....
حاتم- يمكن ما ارتاح هنا....يقول مشتاق لاهلي
مها سكتت وهي تفكر باللي صار امس...كانت تطالع بالارض....التفتت لحاتم ...وقالت- طيب....
وسكتت .....كان حاتم يطالعها ويفكر...
مها بربكه- ضايع بوجهي شيء؟؟؟
حاتم انتبه وقال- سلامتك....يمه...طارق يسلم عليك...ويسلم عليكم كلكم نسيت اقولكم....
مرام- الله يسلمه ...
امه- الله يسلمه...والله عيب انه راح كذا ....حنا المتفشلين مو هو ...
مها- عادي هو قال اشتاق لاهله وش فيها...
حاتم- عطونا الغداء....
قامت مها على طول وقالت- الحين احطه ...
حاتم يفكر ويقول بنفسه- والله اني عارف انه عشانك ...بس ولد عمي ولو خطبها غصبن عنها بترضى ....ابوي ماراح يرفضه ...
..............
فيصل كان جالس على الكنب ويفكـــــر....من امس وكل اللي في باله ((مها مها مها مها مها ))
طالع يمين واخذ نفس وقال- لا اله الا الله وش جايها ماسكه معي ...
تذكر احمد انه بيجي اليوم ...تضايق...
جت عنده فايزة وجلست واخذت ريموت التلفزيون وبدت تدور بالقنوات ....
التفتت لفيصل وقالت- تدري ...ان اليوم صارت هوشه؟؟؟
فيصل طالع فيها وقال- بمدرستك...
فايزة- ايه ....تخيل صديقتي غيدا ...مع ثلاث بويات
فايزة عدلت جلستها بتقوله السالفه ....
فايزة- اول شيء هواش بالكلام ...أنا عرفت انها بتزود رحت اركض لمبنى الثانوي ....والقى ندى ومها يتمشن ...
ابتسم فيصل وقال- ايوه ...
فايزة- وراحن معي .....ويوم وصلنا عند البنات لو المديره كانت جايه ....واخذهن واهرب فيهن لفوق السطح ....انمسكن البويات احسن ....وسمعت انهن انفصل لمدة اسبوعين لانهن داخلات مبنى الثانوي
فيصل- وش سوت ندى يوم هربتوا فوق السطح....اكيد صاحت ...
فايزة- لا لا بس جلست تهزئن ....وغيدا ومها يقولن عادي عادي ...
فيصل- الحمد لله ما احد مسكهن ...
فايزة - بروح اصلح لي شاهي اخضر...تبي معي؟؟
فيصل- لا لا الحمد لله مو دب انا مثلك ...
فايزة عصبت وقالت- آآآه يانذلكم وياحبكم لتحطييييم
تركته وراحت ....
جت ندى وقالت- وش فيها عصبت ؟؟
فيصل- مثل العاده قلت لها دبه ...
ندى-هههههههه احسن ...
جلست عنده وقالت- اخبارك اليوم ...
فيصل- تمام...ايوم بروح للمدرسه العصر...انا بسادس ابتدائي...
ندى انفجرت ضحك وقالت- الله يخلف بس..خخخخخخخخ سادس يابزر...
فيصل- بس اسكتي ولا تعلمين احد....
ندى طالعته بنظرة شك وقالت- ومن متى تستحي انت ...آيــــــــــــه قل لا تعلمين مها ولا تقول لا تعلمين احد...
فيصل انحرج وقال- لا بس انتي لا تعلمين احد ..
ندى- اها طيب طيب.....ومتى بتتتعلم السواقه ؟؟
فيصل- عما قريب باذن الله ...
ندى- زين عشان نروح ونجي على راحتنا ...مو سامي اللي طايح بشقته مايدري وش اللي حوله ...ولا احمد ......
سكتت ....
فيصل- الله يشفيه ...
ندى- امين ...تدري اليوم ضايق خلقي عليه بس كلام مها رجع لي الامل....خلاني ارتاح....هالبنت عجيبه صراحه ما ادري من وين تجيب هالكلام ...
فيصل بفضول- وش قالت؟؟
ندى- يعني انا قلت ان احمد بيجي وضايق خلقي عليه ومن هالكلام ...هي جلست ترفع من معنوياتي وقالت اللي اخذ منه هالنعم يقدر يرجعهن له...وانتي معه بالدعاء ومن هالكلام المقنع ...
فيصل- ماشاااء الله عليها ...
ندى- اي والله ماشاء الله عليها ...
.........
بعد صلاة المغرب ......
كانوا جالسين حوله وندى خانقتها العبرهـ........
كان على سريره وهو كئيـــــــــــــب...
سامي بيلطف الجو- هاه فيصل متى بتدرس
فايزة ضحكت وقالت- بسادس ابتدااائـــي
فيصل- ما تدرين يمكن اعيد اول وثاني وثالث
ندى-ههههههههههههههههههه احلف ...تخيلوا فيصل يجبن ويقول ...ذاكري لي هع
فيصل- كولي تبن يا نذله ...يمه يمه يرضيك انها تضحك علي
امه بضيق- لا
ابوه- بس يا ندى ...عاد مايروح يدرس
ندى-خخخخخخخ ليش وهو بزر يصدق هالكلام ..
ابوه- أحمد ...تبي عصير...
احمد- لا سلامتك يبه...
سامي تضايق من احمد ليش لهدرجه كئيب....
دق جوال سامي....
سامي طالع بأحمد وقال- معاذ...
أحمد ضاق صدره أكثر....
سامي- هلا والله معاذ...
معاذ- هلا فيك..أخبارك واخبار الاهل
سامي- تمام ...
معاذ- بالله ما تعطين أحمد
سامي - طيب....
حطه عند أذن أحمد
أحمد- هلا معاذ...
معاذ- هلا فيك ...أخبارك...
أحمد- الحمد لله بخير...
معاذ- واخبرا الوجع اللي دايم يجيك ...ان شاء الله زال؟؟
أحمد- اللحمد لله ....
معاذ لاحظ ان أحمد ما يبي يكلم والكلام يصعب عليه ...
معاذ- كنت ابي اسلم ..تامر شيء ...
أحمد بتردد- سلامتك...
معاذ- يالله ...
أحمد- معاذ...
معاذ- أمر ياقلبي...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك