رواية شغب في مدارس الرس -11
احمد- هلا بك....اخبارك.....
صديقه- تمام....
احمد- المفتاح....
صديقه- والله انك صريح ...رحب فيني قل شيء بعدين قل المفتاح...
احمد-هههه مستعجل .....انت من بتروح معه...
صديقه- اخوي وراى ينتظرني اخلص...تامر شيء؟؟
احمد- سلامتك.....
صديقه- مع السلامه....
تركه وراح....
احمد يطالع بالسياره وقال- صح ....لازم اليوم نستانس...
.....................................
مها ومرام يجهزن العشاء ........
مرام- اقول مها.....بسألك....وش اللي ما يخليك تحبين طارق....صراحه غريبه واحد له خمس سنوات يحبك....
مها- اربع.....مو خمس
مرام- ومن قاله ....يمكن اكثر....بس انتي الدلخه تحسبينه اربع ....
مها طالعتها وقالت- وش دراك....
مرام- اذكره اذا ماكنتي معنا بالكشتات ....يروح ويجلس لحاله ....واذا صرتي معنا ..يكوون قريب منا.....هذا الكلام قبل خمس سنوات وانا ادري عنه ....كنت اسمع امه تقول لامي- ولدي عاشق من بناتك ...والله هالكلمه مانسيتها ....
مها سكتت وماردت عليها
مرام- طيب ليش ما تحبينه ....يعني ماتملين له ؟؟
مها بضيق- لا...
مرام- ولا عمرك فكرتي فيه؟؟
مها بضيق اشد- لا
مرام- ليش؟؟؟
مها شوي وتصيح وتطالع الصحون اللي بيدها وتقول- انا مثلك ما ادري....احس لا احد جاب اسم طارق يجيني شيء يكتمني....كذا ما احب طاريه ولا احب اشوفه ......
مرام – ليش متضايقه طيب...ماعليك...ماتحبينه لا تحبينه
مها- بس خايفه منه ...اذا كان يحبني لهدرجه ...وشرب من الكاس اللي شربت منه ...اكيد انه يحبني بقووة ....ما ابي لو بكره بتزوج اللي في بالي ...يجي ياقف قدامي ويقول لا ماتزوجه انا ابيها .....
مرام- لحظه ....لحظة ....متى شرب من كاسك
مها سكتت شوي ....بعدين قالت- مالك دخل.....خلاص خلاص انسي انسي ....
مرام- الله يوفقك قولي لي وش السالفه
مها- ولا شيء ........
مرام- مهاا...الله يخليك لا تخبين علي شيء...
مها- خلاااص ...ما تفهمين ....
تركتها وطلعت من المطبخ وهي معصبه ....مرت من جنب حاتم وقال- هه هاذي اللي قبل شوي مستانسه .....
مها بصوت عالي- انت وش دخلك بعد استااانس ما استانس ما احد يتكلم اوووه .......
سمعوا ضربة باب قويه
حاتم- وش فيها هاذي ؟؟
مرام- علمي علمك !!!
......................................
دخل وجلس قدامها ....وقال- اسف تأخرت ...
خلود بخوف- احمد...انا خايفه ...امي اتصلت وقالت لي نص ساعه وتعالي.....اخاف نوره تطول
احمد- يابعد هالدنيا لا تخافين .... انا وشوله موجود.......
خلود- طيب اتصل خلها ترجع ...
احمد- انا واصلك ولا تخافين ..اهلك ماراح يشوفونك....انزلك بعيد شوي...واقف الى ماتدخلين البيت ....
خلود تفكر ((هو يحبني ....ماراح يسوي لي شيء ...قبل شوي يدعي اني اكون من نصيبه ...))
قالت بربكه وتردد- اوك...
احمد وقف بسرعه وقال- طيب ياللا لا نتأخر على اهلك .....
وقفت وهي تلبس الطرحه وتعدل النقاب....
...احمد- يالله ...
مد يده لها ....مدت يدها بخجل ومسكت يده ...
.............................................
كانت جنبه وهي مستحيه وتدله الطريق ....
قالت – تاخذ الدوار هذا ...وتروح يمين .....
اخذ الدوار وراح يسار ...تغيرت ملامح وجهها وقالت- وين رايح
احمد- والله مانتأخر بأخذ لي غرض من استراحتنا وارجعك ...
خافت زياده وقالت- استراحه
احمد- لا تخافين دقيقه ......
دق على واحد من اصدقاه وحط ع السبيكر
احمد- الووو معااذ ...
معاذ- هلا ......
احمد- فيها احد الاستراحه
معاذ- لا ...حنا طالعين نلعب طائره تعال انت ومحمد....
احمد- يالله ربع ساعه واجي ....مع السلامه ...
سكر....وقال- شفتي مافيها احد...انا ما ابيهم يشوفونك ...اخاف انهم...يحاولون يأذونك او يضايقونك ...
ارتاحت وعدلت جلستها ...
احمد ابتسم وهو يطالعها وقال- فكرتي اني اسوي لك شيء؟؟
خلود سكتت
احمد- يارب اموت اذا سوي لك شيءء....انتي الغاليه ....
شغل لها اغنيه هاااديه .....
.....وقفوا عند الاستراحه وقال- تراها فاضيه اذا تبين تنزلين تشوفينها ....من داخل انا مصلحها على ذوقي....
خلود- لا لا......بنتظرك ...
نزل وسكر الباب ...
كان اللي حولها كلها استرااحات وضلااام ....خافت وهي تلتفت يمين ويسار...
فتحت الباب ...التفت احمد وقال- تعالي اذا خايفه ....
قربت منه ووحط يده على كتفها وقربها منه بقووة حتى هي خافت ...
دخلوا قال- هاذي الصاله ...وش رايك فيها ....
فتح الانوار
خلود بسرعه- حلوه ....هاه وش اغراضك
احمد- تعالي بوريك المطبخ عاد المطبخ على ذوق محمد...عشان تعلمين نوني ان ماعنده ذوق ...
خلود طفشت تبيه يخلص بسرعه ....
احمد- شفتي المطبخ ...اصبري هنا بدخل الغرفه هاذي ....هاذي خاصه بالنوم ...اللي بينام يجي هنا....
دخل وسكر الباب .....وبسرررعه يفتح الادراج ويقول وينه وينه ........فتح الدلاب الكبير وطلع الكاميرا ......وطلع الاشرطه ...
..................................
خلود انتظرت وانتظرت ....وقالت- احمد...احمد...تكفى بسرعه والله تأخرنا .....
احمد من داخل – طيب تعالي ساعديني ...ما لقيت الاغراض ...
دخلت وقالت- وش دوور عليه؟؟؟
احمد يفتح الدواليب ويقول- على علبه صغيره لونها اسود...
خلود – طيب....
احمد- نزلي طرحتك....ما شبعت منك ....
خلود ابتسمت بخجل وقالت- طيب....
نزلت الطرحه وبس تركت العبايه ...احمد يطالعها ويبتسم لها....
عطته ظهرها وهي تفتش بين الاكياس ....
جاء من وراها ومسك اكتافها ....التفتت بخوف وقال – وش فيك ....بسم الله عليك...بس كنت بقول ياليت ....العبايه ....تنزلنيها
خلود- طيب تأخرنا...
احمد- اوعدك اوعدك اذا نزلتي عبايتك نفتش الدرج هذا واذا مالقينها نروح .....
ابتسمت بخجل وقالت- طيب....
نزلت العباينه وكانت لابسه جينز وبدي .....
احمد نوم مغناطيسياااا .....
قالت بخجل – يااللا فتش ....
احمد- هااه ...لا لا انتي كملي....بس كملي درجك هذا ونروح...
عطته ظهرها وهي تكمل التفتيش بسرعه .....
و...و......
.................................................. ...
محمد ونوره كانوا راجعين من عنيزه
دق الجوال....
محمد- هلا احمد....
احمد- اقول اذا بتستانس لا تجي الا واانت مستانس...تراي ستانست ....
محمد ضحك وقال- والله انك ملعوون ....خلاص دامها درت اللي عندك ...بتدري الحلوه اللي معي .....انا بجي الحين فرغ لي المكان ....يالله مع السلامه اكلمك بعدين ...
سكر ....التفت لنوره وابتسم
........................................
احمد رمى عبايتها عليها وقال -قومي اوديك....
خلود طايحه على السرير...وهي ما تتكلم عيونه ذبلاااانه من الدموع ...وهي مصدوومه ...مو قارده تتكلم .........
احمد- قومي بسرعه مو فاضي لك....حاولت تمسك نفسها وتاقف وتغطي نفسها بالعبايه ....شهقت وهي تصيح بقوة وتقول- حقيييير والله حقيييييير ....سافل....
احمد سحبها بقوة مع يدها وقال- ايه هين ....اخلصي علي ....
......... دفها بالسياره ورى وهي تصصيح ......وتقول- الله ينتقم منك ...ياكلب يامنحط....الله لا يوفق نوره ولا اللي يعرف نوره ...
ركب السياره ...وهو يصرخ عليها ويقول- اسكتي ....انطمي ياحيوانه .....
وهي تزيد بشهقاااته ....الى ما اختفى صوتها من قوة بكاها ....صوت شهقات خفيفه ....وهذا اشد البكاء ....من النار اللي بقلبها تطلع هالشهقات .....صعب انها تشوف نفسها باهالموقف ...وزياده على ذالك يهينها
وقف عند السوق وقال- انقلعي ...بسرعه انززلي ....
مو قادره تحرك.....صاارت ثقيييله ...
نزل وفتح الباب وسحبها ودفها بنص الشارع .... حاولت تمسك الطرحه وتغطي وجهها .....
احمد- والصور والفيديو عندي...لا تحسبيني ما اعرفك ...انتي خلود عبد الله الـــ... واخوك اسمه سالم والثاني سعد.....واذا ماسمعتي كلامي ....ترى الفديو بيطيح بيديهم .......اووه نسيت الكاميرا ....
ركب السياره وهو مبتسم وشغل اغنيه ....وطوولها لا خر شيء ....
......................
محمد ضحك وقال- احبك.....قويه هاذي.....اقول قومي ضفي وجهك.....
نوره وهي بتموت من الصياح- الله لا يوفقك.....
محمد- ولا يوفقك....قومي ضفي نفسك خليني ارميك بالمكان اللي اخذتك منه ...عند صديقتك...
هااه ....صدق انكن زبايل
نوره صرخت وهي تصيح- ياوسخ ....الله لا يوفقك لا دنيا ولا اخره ....
......................................
احمد يغني- وبلا حب وبلا وجع قلب ..
والصوووت عااالي وبسررررعه جنووونيييييه ....وهو متجه للاستراحه ....طلع بوجهه محمد.....
يحاول يتحكم بالسياره وصرخة الكفراات مزعجه ومرعبه ...و....و......
تصادمواا .....
.............................
خلود بين شهقاته كانت تكلم امها- يمه انا بالسوق .....تعــ.. تعاالوا ..خذ ونــ...ـي
امها بخوف- جايين جايين ...
...........دخل البيت وهو يضربها بالعقال ......
وهي تصارخ وتصيح .........
.................................................. .
سامي بالمستشفى
سامي- هااااه ....دكتور....
الدكتور- وللاسف البنت والشاب ماتوا ....
سامي بصدمه- تكفى دكتور....قل غيرها....
الدكتور- اسف ماعنديش كلام تاني ....
سامي – لا حول ولا قوة الا بالله .....
الدكتور تركه...دخل الغرفه بهدووء ...كان متسطح على سرير ابيض ...الشاش في كل مكان في جسمه ...
فتح عيونه وقال بصووت مبحووح من كثر ما بكاء – ساامي....سامي ...ليش ما اقدر ..ليش ما اقدر اتحرك..
شهق احمد بقوه وماكان يقدر يحرك شيء الا ملامح وجهه .....عيون فم وبس ....
سامي نزلت دموعه وقال- اذكر الله ....اذكر الله ....
احمد يصيح كانه بزر .......
.........................................
من بكره ........ عرف الكل بحادث احمد....حادثه مع صديقه ....صديق عمره ...
ام حاتم- الله يعينهم....
مها- كل ما فرحوا بواحد شالوا هم الثاني.....
حاتم- مع صديقه الحادث....صديقه مات ...
مها- الله يرحمه يعني صديقه كان معه؟؟
حاتم-لا ...صديقه بسياره وهو سياره ....
مرام تأثرت- يالله .....يعني سبب وفاة صديقه هو ...وشلون بيعيش ....كل ماتذكر صديقه يقول انا السبب بموته ...
مها- حاتم وشلون عرفت ؟؟
حاتم- قابلت اخوه ......والله ماكان مرتاح...واضح انهم متضااايقين...
مها- اخوه من؟؟؟
قالتها بعفويه ماكانت قاصده .....
حاتم- اخوه الكبير....
امه- المتزوج...وين قابلته ...
حاتم- لا لا فيصل.... قابلته بالبقاله ....
مها مااظهرت شيء ....خلت الوضع عادي...
حاتم يطالعها وابتسم ...
مها طالعته وقالت- خير...
حاتم- انا بطلع مع خالد.....تبون شيء ...
امه- سلامتك ...
قام وطلع ...
مها- ابي من هرفي عشاء ...
امه- طيب قولي لحاتم....
مها قامت تركض وتقول- حاااتم...حاتم....فتحت باب قسم الرجال ووقفت ما تقدر تتجاوز هالمكان .....طارق موجود
مها- حاااتم....
.....................................
فتح باب الحمام بشويش وطلع .....وقف يطالع بمرايا المغاسل ....كانت قدااامه ...كان يتأملها ....
مها – اوووف ....حاااتم....
رجع حاتم وقال- خير...
مها- اببي عشاء من هرفي ....
حاتم- وش تبين؟؟
مها – اممممممممم ابي تورتيلا ...
حاتم- اقول هنااا .....وين ترتيلا ....ما معي الا 15 تبين تاكلينه .....تبين شورما بريلين خير وبركه ....
مها- ياشينك....ما ابي لك شيء.....فيه احد المجلس؟؟؟
حاتم- لا ...ضفي الاغراض ....
مها- طيب.....اتجهت للمجلس ...
وكان يطااالع...طلع حاتم وسمعه سكر باب الشاارع.....
طلع حاتم وسمعه سكر باب الشاارع.....
......
مها دخلت المجلس وكان فيه لابتوب طارق مفتوح..... لقافه ....جلست قدامه .....وعطت الباب ظهرها
دخللت على الصور ......كانت اكثر الصور أحبك m واضح ان هو مصلحها ....
وفيه صورة .....عليها شعر
((حبيبتي او للاسف حبيبته
وشلون بنسى لاصرتي العين وجفوني البرواز))
ابتسمت وقالت- والله ياهو روماانسي .....
كملت الصور .....صور عليها مها وعليها m.....
مها فتحت ملف خاص كله مقاطع فديو .....فتحت مقطع
كانت اغنيه .....وعرض صور وكلها مكتوب تحتها ((مجنونــــك m))
مها كتمت الصوت ......وهي تتفرج على المقاطع .......
كلهن اغاااني ...
اخذت نفس وقالت- الله يهديه ...مجنون اغاني مو مجنون إم .....
لقت ملف اسمه مذكرات ......
بسرررعه اتجهت له وفتحته ......لكن طلع لها رقم سري.....
مها- قهر قهر...وش اكتب..طارق...
كتبت طارق ....ولا نفع ...
مها- اكتب مها....
كتبته ما نفع ......
مها – اجل....مهاوي .....
كتبتها ....وانفتح .....
مها ابتسمت وقلت- يس....
...كان واقف يطالعها .....
طارق بنفسه- هه تدري اني احبها ....خلها تقرا المذكرات يمكن تحس فيني ....
...مها لقت ...ملف مستند ورد ....اسمه ....ذكرياتي القديمه ....
دخلت ......
كان كاتب ....
(( اليوم وانا جالس اتذكر الماضي ....جت في بالي مها...جت في بالي حبيبتي ....قلت اتذكر كل المواقف اللي جمعتني فيها من صغرنا ........
تذكرت موقف ...ياليته يتكرر الحين ......
كان موقفي ........اإنا كنا عند عمي ......وانا واقف على الباب .....
كان عمري يمكن 15 سنه......وبالتحديد هذا وقت بداية حبي لها .....
كنت واقف اطالع البقاله وهي قدام البيت......جت ومعها ايس كريم ...وقفت قدامي وقالت لي احمد ليش ما تدخل ....قلت لها انتظرك ترجعين ....ضحكت وقالت لي شكرا ...تبي اايسكريم ..
قلت لها معك ثاني ...قالت لي لا بس ناكل مع بعض .....
مها حطت يدينها على وجهها وقالت- انا قد سويتها .....آآآه مني يوم كنت بزر ...والله ما استحي على وجهي .....وهو يتذكرها للحين....آآخ فشله ...
كملت ..
(( وقتها جلسنا على عتبة الشارع اكل بالملعقه اللي تاكل منها ....وبعدها هي تاكل بعدي ...
ياالله يازين ذاك اليوم ....ليته ينعاد علي وانا بهالعمر .....معقوله هي تحبني ....؟؟
ليت لي اخت عشان ادري هي تحبني او لا .....))
مها – ياحليله ....شكله كاتبها من زمان ...ايه وش بعد ...
فتحت ملف اسمه خواطري ......
ومكتوب ...
(((جرحتني ......ضننتها تحبني كما احبها .....ما اقسى الجرح منها ...
كنت اعتقد بأنني انا من يملك قلبها وعقلها ....
للاسف لم اسمع منها الا ((أنا أحبه ))
هل تقسى علي ....ام انها نسيت أنني اعشقها بجنون ....
لكن حتى وان علمت انها تحب غيري .....اريدها ان تعلم أنها
هي وحدها ...من امتلكت مساااحت الهوى ....ورمتني على شواطئ العاشقين مجروح منها ...
حبيبتي ......اعلم انك لا تحبينني....لكن انا اقسم لك .....بأن في داخلي حب عظيم ...
حبك جعلني كالمجنون ....جعلني بالهوى مسجون .....عشقتك....فوضعتك في داخل قلبي..
مها ....يامن امتلكتي قلب عذبتيه وجرحتيه ....قلب انسان ...يحبك ...ويعشقك ...وفي كل ثانيه يتذكرك ....))
مها انصدمت- معقوووله هو كاتبها .......والله اسلوووب ....
سكرت الخواطر ورجعت للمذكرات ....
وفتحت مستند ثاني .....
((قهر قهر من جد بداخلي نار ....معقوله تحب غيري......
سمعتها باذني تقول حبيبي ......
اكيد مايستاهلها .....انا بس استاهلها ....مها لي ....مو لا لفيصل ولا غيره ....
ومن فيصل هذا ....))
حطت يدها على فمها وشهقت....وقالت- وش عرفه لفيصل ...ومتى سمعني ....انا حتى ما اعترفت لندى .....
سكرت الملف بخوووف .....ووقفت ...والتفتت على ورى .....
--------------------------------------------------------------------------------
سكرت الملف بخوووف .....ووقفت ...والتفتت على ورى .....
وعيونها بعيونه.....جتها قشعريرها بجسمها .....كانت تطالع بعيونه....لهدرجه جرئ ....ياقف ولا هامه ....
قال- عرفتي الباسورد ....
مها شوي وتصيح ....له عين يتكلم ....
طالع بالارض وقال- فيصل....
سكت .......وهو يطالع الارض .....
مها التفتت يمين يسار ....وش تتغطى فيه ...ابد ابد مافيه شيء تتغطى .....
رفع عيونه وقال- ما يستاهلك.......
مها كأنها مصفوقه كـــــــــف ..........تطالع فيه وهي مطييررررره عيونه..
مسح دموعه بسرعه وطلع .......
مها قلبها ينبض بقووووة......ماقدرت تاقف اكثر من كذا .....جلست على الكنب ...وللحين مصدومه ...
............................
طلع وكأن اللي على صدره جبل مو هم وضيق....جلس على سيارته وهو يطالع الرايح والجاي....ويفكر ....
طارق- مهما صار .....مها لازم تصير لي....لازم......
اخذ نفس وقال- اروح اتعشى .....
تذكر انها اطلبت من حاتم ولا راح يجيب لها....
ركب سيارته.......
..................................
ابتهال وصديقتها حنين ....
ابتهال- انتظري يوم السبت وشوفي وش يصير....والله لا أعلمها الزباله مين...
حنين- ما توقعتك حقوده ...
ابتهال- انا تهينن بهالطريقه...من هي عشان تهينن ....
حنين بتعجب- وش ناويه تسوين؟؟
ابتهال- اصبري هاليومين......والله لا اخليها ترجاني وهي تصيح
حنين- هاذي كانت حبيبتك....
ابتهال- هه كانت .....والحين لا....اكرهها....
حنين – يوه...وهذا وكنتي انتي اللي تزعجيننا فيها ....
ابتهال- اووووه منك انتي .....خلاص ...لو جت بدالك افراح ...كان احسن منك .....
حنين- الله يسامحك وهذا لاني جايه اونسك.....خلاص زعلت ....
ابتهال ابتسمت وقالت- انتي الحلا كله.....عاد مو تصدقين كلامي اذا عصبت ....
حنين- ايه خلاص رضيت ....خخخخ
.................................................. ....
ندى وفايزة......جالسات بغرفتهن....
فايزة- الله يعين....ياقلبي عليك يا احمد......
ندى امتلت عيونها دموع وقالت- الله يشفيه.....ابوي شفتيه بعد ما عرف ؟؟
فايزة- لا والله....كنت اشوف سامي يقوله....وانا للحين ما ادري وش سوى ...الله يعينه.....
ندى قامت
فايزة – وين؟؟
ندى- لفيصل......
تركتها وطلعت لصاله .....ولا لقت احد.....
طلعت للحوش لقت فيصل جالس يطالع بالسماء....قربت منه وقالت- اجلس والا اروح؟
فيصل- تعالي...
جلست جنبه ورفعت عيونها لنجوم وقالت- يقولون العشاق والرومانسيين يطالعون السماء..ياحليلك يا انت عاشق او رومانسي.....
فيصل طالعها وقال- طيب المتضايق والحزين وش يطالع ؟؟
ندى- البحر ......
فيصل- ههههههه والقصيم فيها بحر؟؟
ندى بتعجب- وانت متضايق....
فيصل اخذنفس وقال- احمد ...الله يعينه .....شفته اليوم....ما توقعته كذا ...طول الوقت يصيح ..واضح انه للحين مو متقبل او ان فيه شيء يخليه كذا
ندى- مثل ايش؟؟
فيصل- ما ادري.....اذكر كنت اسمع احمد ومحمد....واضح انهم مع بعض بقوة....اكيد عشان كذا ..
ندى اخذت نفس وقالت- أي والله صادق...هو اللي تسبب بموت صديقه...والله صعبه...
فيصل- الله يعينه...
ندى تطالع السماء ..وتتأمل النجوم...
فصيل- حاس بصداع....بروح اتسطح شوي....لا تطولين بالحوش الجو بارد....
ندى- طيب....
...........................
خلود.......
كانت بغرفتها تشااهق.....
وتقول بصوت مبحووح – الله لا يسامحك احمد...الله لا يساامحك....
دخلت عليها امها ومعها اكل...وكانت امها خايفه ان احد عيالها او ابو خلود يشوفها...
امها وهي تمسح دموعها- بسرعه كولي.....قبل لا يشوفك احد خوانك...
خلود تطالع بامها ....وهي مو حاسه بنفسها ........
قالت وهي تصيح- يمه...ابي اموت....
امها ضمتها وهي تصيح وتقول- الله يخليك لي....الله لا يقوله......انتي ليش تسوين كذا ليش..
خلود وهي تصيح تقول- قسم بالله ان نوره هي تركتني لحالي....انا ماكنت ناويه اروح....
امها- نوره....
طالعتها وقالت- صديقتك.....
خلود وهي تمسح دموعها- ايه...
امها- الله لا يوفقها...ومالقت الا انتي....هالبنت ماتربت ....
انفتح الباب....
التفتن ....دخل اخوها ...سعد...
طالع فيها بحقد...وقال بعصبيه- يمه ...طلعي عنها...
خلود رجعت تصيح...
امها- وش تبي فيها......
سعد- يمه الله يخلتس لي اطلعي....
امها بخوف – هاذي اختك...
سعد- مو اختي....هاذي وحده ماتستحي على وجهها....اطلعي يمه ...بتفاهم معها....
خلود بتتكلم تقول لامها لا تطلعين .....مو قادره تكلم من الخوف....تنطق حروف وتاكل حرووف..
امها – ان شاء الله...بس تراها اختك...تكفى لا تسوي لها شيء.....
سعد- طيب...انتي اطلعي....
طلعت وهي خاايفه على خلود...سكر الباب وقفله.....
سعد يطالع بخلود....
اتجه لها ...ومسكها مع شعرها ....وهي تصيح .....
وقال- انتي التربيه ماتنفع معك.....انتي حثاله....
خلود- آآآه .....تكفى سعد...والله...والله اني...
ضربها كف...طاحت على الارض منه...وقال- نزلتي روسنا ياحيوانه .....
...............................
امهم تسمع صراخ بالغرفه .....سمعت صراخ خلود يعلااا ...وفجأة ....سكتت .....
هدت الغرفه...ولا صوت ...لا صوت سعد ولا صوت خلود.....
امهم اتجهت ...للباب.....حاولت تفتح.....طقت بقوه وقالت- سعد ...سعد افتح...
بدت تصارخ بخوف- افتح ياسعد....افتح.....
وتطق بقوووة .....
جاء سالم وقال- تركيها الحيوانه....
امه وهي تصيح- سعد عندها....ياويلي كانه ذبحها....
سالم قرب من الباب وهو يطق ويقول- سعد .....سعد...افتح.....
ضرب الباب برجله وقال- افتتح.....
سالم- لازم اكسره ....
رجع شوي ...ودفه برجله....ويضربه بكل قوته بكتفه .......وضربه برجله مره ثانيه وثالثه ورابعه ....الى ما انكسر القفل....
دخل ..وقف عند الباب يطالع بصدمه...
امه دخلت ....وشهقت....بدت ترجف....وطاحت مغمى عليها....
سالم- سعد...
كان كل مكان بالغرفه ..مليان دم......
والسكين بصدر سعد....
وخلود نص صدرها مفتوح والدم مغطيها كلها ....قتلها وهو يدري انه مو متحمل انه قتل اخته بيده .....فقتل نفسه معها ...
.....................................
مها متسطحه على كنب الصاله وهي تفكر......
دخل فارس وقال- العشاااء ....
جلس على الارض وهو يفتح اكياس هرفي ...طلع البرجر وقال – بسم الله ...
مرام جت وكانت حاطه السماعات باذنها ....طالعت فارس وقالت- عشاء......من مين؟؟
فارس- من طارق .....
التفتت مها وطالعته....وقالت- ايش......
فارس- العشاء من طارق......
مرام ومها طالعن ببعض ....
فارس- ايه...الترتيلا لمها.....
مها !!!!!!!!
مرام- هيه انتي لا يكون قلتي له مو قلتي لحاتم....
مها- لا انا قلت لحاتم....بس يمكن سمعن ....
مرام- ايه جزاه الله خير...
جلست وقالت- تبين الترتيلا....
مها اخذتها وقالت- ايه.....
اخذت علبة ديو ....وطالعت بالترتيلا وتقول بنفسها((غريب هالطارق......الا انا الغريبه.....سبحان الله ....ليش ما اميله بس...انا احب فيصل ....مع اني شفته مرتين...وهذا دايم طايح قدام خشتي ولا حبيته.....وادري انه يحبني...وادري انه يبي يشوفني دايم...هذا وانا ما احبه يسوي كذا ....اجل لو حبيته وش بيسوي .....))
مرام- هيييه ياعسل...وش فيتس؟؟
طالعتها وقالت بتعجب واااضح على وجهها- ليش يحبني وانا ما احبه...وليش انا ما احبه وهو تعامله معي كذا؟؟؟
فارس-هااااااااااااه ....
مرام غمضت عيونها وقالت- مطب طب طب طب طب طب مطبااات ......مطبااات توجهنا تجي فجأة بدون انذار ...
مها ضحكت وقالت- اقصد الـــبسه اللي بالشارع....هي تحبن وانا ما احبه ....
فارس- ياحليله ذاك القطو ....بالله يحبك....
مها- ايه ....ذاك اليوم دخل ويجي عند رجولي ....بس انا طردته ...
فارس- احلفي....وشلون يحبتس ...انتي تقصدين الاسود؟؟
مها- ايه...
فارس- أيـــه ووع ....
مها ابتسمت لمرام ...
مراام- منعووونه ....اووخص يا ذكيه ...
فارس- اييييه تكذبن علي...
مرام- اقول كل وانت ساكت .....
سكت فارس لانه يخاف من مرام ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك