رواية حبك تمادى وازدهر -11
[في بيت ابو سعود ]
بسمه(كانت هي الوحيده بالبيت لانه رجاء وريان في المدرسه وسعود بروضه): اففففففففففففف وين راح ذا من متى واني انتظر حظرته على الفطووور بقوم اسبح واستشور شعري واترتب ايه لازم اصير احلى من ساارووو وحتى لو هي اصغر مني
(بسمه تسبح وتلبس لها جلابيه حمراء مطرزه بالذهبي وتلبس ذهبها الا ماطلعه الا في الحالات الطارئه جداً وستشورت شعرها وفكته وحطت لها مساكه على شكل ورده فوق اذونها وحطت ليها ميك اب ثقيل شوي وهو عباه عن احمر وذهبي يتخلله بني فاتح وروج احمر غامق بلمعه فضيه)
(وبعد طوووول انتظار تقرر تتصل على ابو سعود)
بسمه(بصوت ناعم): الوووووووووووووو ابو سعود وينك انتظر اني
ابو سعود: نعم شتبي
بسمه: شنو شأبي ابي افطر معك مو انت زوجي
ابو سعود(بينه وبين نفسه): لا والله نهبلت.. دي مو بسوووم الا اعرفها
بسمه(بلهجة رجاء): علامك ابو سعوود ساكت رد عليّ
ابو سعود(يناظر في ساره): ماعليه ام سعوود راجع بعد شويييات اللحين انا مشغول
بسمه: افااا ماظنتي تنشغل عن زوجتك
ابو سعوود: الظروف يا ام سعوود بس بتغدى في البيت ولايهمك
بسمه(تكتم غضبها): خلاص انتظر على الغداء يابو عيالي
(بعد ماسكرت بسمه من عند ابو سعود اتصلت على اخوها مشاري)
~>حيث مشاري
مشاري(والدهشه اعمته): بسوووم تتصل لي انا
بسمه: الووو هلا ياخوي كيف حالك
مشاري: لا ما اصدق وااجد علي يابسووم انتي تسئلين عن احوالي
بسمه: ايه واسئل عن احوال هلي ليه حرام
مشاري: كلنا بخير انت بخير مصخنه مريضه بتموتي شيء
بسمه(تكتم غضبها الشديد): يعني اذا الواحد صار طيب يعني بموت او مريض
مشاري(حس لحاله): ههههههههههههههه لا امزح كيف حالج انتي
بسمه : بخير امممممم طلبتك ياخوي قول تم
مشاري: تم
بسمه: ابيك بعد صلاة الظهر تجيب لي غداء محترم من لمطعم وتمر المدرسه وتأخد بنت اختك رجاء وسعود من الروضه وتوديهم بيتكم يقعدون معاكم شوي واذا تصلت عليك ترجعهم
مشاري(ضاربنه العجب): ليه
بسمه: ابي اولادي يقعدون معاكم كم ساعه ليه حرام يعني
مشاري: ابركها من ساعه اللحين اقول لامي واسوي الا قلتي لي به
(سكر مشاري الخط و ضاربنه عجب العجااب )
مشاري: يمه يمه
ام ساري: هلا وليدي شفيك علامك تصارخ من صباحة الله
مشاري: يمه بسووم نهبلت
ام ساري: ليه تفاول على اختك
(مشاري قال لامه كل الا قالت ليه بسمه)
ام ساري: ايه والله وصج بنيتي نهبلت عجل تجيب اولاده بيتنا وهي كانت ماتبيهم يختلطوا معانا عشان لانخربهم وتبي غداء محترم من المعطم اكيد وراها شيء ياوليدي لكن اليوم بفلوس وبكره بلااش
[في المستشفى حيث جوري وابو حسام وحمد]
(بعد ماخلصوا تحليل قالت الممرضه لابو حسام انه النتيجه بتتأخر لانه عنده زحمه بس ابو الوسايط تخلي التحليل يطلع بحينها)
المرضه: تقدر تجي بعد ساعه يكون التحليل طلعت نتيجته
ابو حسام: لا ننتظر
حمد(يناظر بحوري): عمي اذا كانت جوري تعبانه خلها تروح البيت .. لانه التعب باين على محياها
ابو حسام(يناظر بنته الا ماكانت طبيعيه): اووك خلاص
( طلع ابو حسام و جوري الى قصرهم وبقى حمد ينتظر نتيجة التحليل )
ابو حسام: جوري علامج تعبانه
جوري:..................
ابو حسام: جوري اكلمج انا علامج حاقره
جوري: نعم يبه ماكنت منتبه لك
ابو حسام: لهدرجه منتي بفرحانه لانج بتعرسين
جوري(تبتسم ابتسامه فاتره): الا يابوي بس افكر بالمستقبل المستقبل هامني يابوي
ابو حسام: لا حمد والنعم فيه رجال مو مثل أي رجال
جوري(كانت تعيد شريط ذكريتها لورى وتذكر كلام بدر الاخيرلها الا وصله نادر- بينها وبين نفسها ): مو بيدي يابدر زوجوني غصب عني وقتلوا كل معاني الفرح بقلبي موبيدي (طاحت دموعها)
ابو حسام(ناظر بنته الا كانت سرحانه لدرجه انها مانتبهت لدموعها): جوري فيج شيء
جوري:.............................
ابو حسام: جوري فيج شيء
جوري: لا يبه
ابو حسام: شلون مافيج شيء وانتين تبكي
جوري(حست بدموعها على خدها بعد مانبها ابوها وتمسحهم بينها وبين : فقدت كل معاني الاحساس بعد يابدر قلبي
ابو حسام: انتي متأكده انج مو مريضه
جوري(بينها وبين نفسها): الا مريضه يابوي واتقطع من الالم ودواي رايح بريطانيا يابوي
ابو حسام: جوري شفيج تحقريني
جوري: يبه تعبانه شوي بلييييييييييز لاتكثر بالاسئله
~> داخل بيت ابو حسام
نادر: جوري راحت تحلل وبتعرس على حمد سكرتير ابوي
ام حسام(بفرح وهي تبخير البيت بأنواع البخور): ايه وعلامك تصارخ
نادر: وهي وافقت
ام حسام: السكوت علامة الرضا ناادر هي سكت وكانت مستحيه ففهمنا انا وابوك انها موافقه
نادر: لا مستحييييييييل تكون موافقه
ام حسام: انت شفيك من تعرفت على عيال احمد السّلام وحالك فوق تحت
نادر: جوري مستحيل تكون موافقه يمه انتون قاعدين تقتلوا جوري وانتوون ماتحسون
ام حسام(بغضب شديد): اطلع بره الغرفه وخلي اجهز لحفله جوري لاتنكد عليّ اكثر يلا نادر بره
(شويات الا بدخله ابو حسام البيت)
ابو حسام(بفرح): وينها امك
نادر: بالمجلس
ابو حسام: رحنا نحلل ياوليدي وبعد ساعه نعرف النتيجه حقت تحليل اختك وحمد
نادر:...................
ابو حسام: اخيرا بشوف بنتي عروس
نادر: جوري وينها
ابو حسام: مدري هي دخلت لبيت قبلي
( نادر خمن انه اخته في جناحها فركب ليها بسررررررررررعه وطق باب الجناح وطق وطق وطق لكن مامن مجيب وباب الجناح كان مقفل )
**************************
[في بيت ابو سعود]
ساري: ياختي جبت الغداء الا قلتي ليه به ورجاء وسعود اللحين بوديهم البيت معي
بسمه: مشكور ياخوي
ساري(يصفر): الله الله شهالزين لايكون عندكم عزومه
بسمه(ماحبت تقول ليه الا بالها):اييييه
ساري: وانا اقول هالتجهيزات كلها ليه
بسمه: زين يلا اطلع بره بسرعه قبل لايجون المعازيم
ساري: اذا احتجتي شيء خبريني
بسمه(حست انه اخوها ينشد به الظهر مو مثل ما كانت تتوقع): يصير خير
ساري: يلا مع السلامه
بسمه: الله يسلمك
************************
[في بيت ابو ايمن]
( سناء كانت تفكر في كلام ريم (ريم وحده من زميلات سناء بالمدرسه بس ريم غيير مشهوره بالسمعه السيئه بالمدرسه))
سناء(تفكر): اتوقع ماكو الا ذا الحل بس هذا الحل يمكن يوديني بداهيه اذا ما احسنت استخدامه وماتصرفت بحكمه ولازم بالاول وبالاخير احافظ على سمعتي لانه اذا راحت سمعتي راحت سمعت هلي واذا راحت سمعت هلي بقينا بدون قيمه ... لالا ريم متعوده على الكلام الجارح من البنات لان هي سلكت طريق منحرف من البدايه امممممممممممم يارب ارشدني لطريق الصحيح عشان اساعد ايمن ونسددت ديون ابوي
(تقطع حبل افكارها امها)
ام ايمن: ابي اروح المستشفى اليوم ابي اشوف ايمن
سناء: يمكن ما اقدر اليوم يمه اروح لانه عندي امتحان خليها بكره وعد مني اروح واوديج معاي
ام ايمن(ماعجبها كلام سناء): يعني الامتحان اهم من اخوج
سناء(ماحبت تسوي لنفسها سالفه):خلاص يمه العصر ان شاء الله نروح
ام ايمن: ايه كدي انتي بنتي
***********************
[في بيت ابو سعود]
(تسمع بسمه تسكيرت الباب وتخمن انهو ابو سعود وتروح شخيييط اليه وتتفاجأ انها ريان جايه من المدرسه)
بسمه: ريووون بلييز اليوم ابيج تقعدين فوق طول ما عم جابو سعود بالبيت
ريان(مستغربه من كشخت بسمه): ان شاء الله
(شويات الا بدخلت ابو سعود البيت)
بسمه(بإستقبال حار): هلا بزوجي وابو عيالي
ابو سعود(تفاجـأ من هالكشه الا ما شافها من سنيييييييييين): اهلا ام سعوود
بسمه(تدور حول نفسها): شرايك بجلابيتي
ابو سعود(وهو يناظرها بالكامل): حلوووه
بسمه(تتصنع الحياء):..............
ابو سعود(وهو مو مستوعب): حطي لنا الغداء انا جوعان
بسمه: على امرك
ابو سعود(يلمس جبينه): شكلي انا المريض مو بسمه
بسمه: تفضل ابو سعووود
ابو سعوود(يناظر الغداء الا كان موجود بغرفة نومهم وحوله لشموع الحمراء): هنا بنتغدى
بسمه: ايه شفيها مو عابجنك التغييير
ابو سعود(حس حاله بيغمى عليه من الصدمه هو جاي يطلقها تطلع ليه بشكل يسحره):.............
ياترى مالذي سيحصل لعلاقة بسمه مع ابو سعود وهل سيستطيع ان يطلقها بعد التغيير الجدري الذي احدثته بسمه؟
مانتيجه تحاليل حمد وجوري وهل ستكون سليمه؟
كيف سيتقبل بدر نبأ خطبت جوري ومالذي سيحصل له؟
ماذا سيفعل نادر لاهل عمه وكيف سيعينهم في محنتهم ؟
مالدور التي ستقوم به جوري لمساعده سناء؟
كل ذا بنعرفه بالبارتات الجايه
انتظر انتقادكم
البارت الرابع عشر [ دفنوني وانا اتنفس]
(ريان كانت مررره ملانه وزهقانه وخاصه انه زوجة عمها امرتها ماتنزل دام عمها ابو سعود بالبيت ففكرت تتصل بسناء وتسئل عن احوالها واحوال امها واخوها)
ريان: السلام عليكم
ام ايمن: وعليكم السلام
ريان: كيف حالج خالووو
ام ايمن: هلا بنيتي عذريني ماعرفتج
ريان: لا معذوره خالووو اني ريان صاحبت سناء
ام ايمن: ياهلا فيج عيوني
ريان: الله يسلمج.. ممكن اكلم سناء لو مشغوله
ام ايمن: لا سناء موجوده انتظري اناديها
(بعد شويات) سناء(وباين على صوتها الضيق الشديد): الووو
ريان: الووو اهلييين سووني كيفج ويش مسويه غلاي
سناء: بخير
ريان: شفيج ماتجينا بالمدرسه وكأنج ما تعرفينا
سناء: لا بس كدي
ريان: ايه اشوفج مصادقه نجلاء وريم وثم انتي تعرفي انه ريم سمعتها بالارض ليه تماشينها
سناء:...................
ريان: انتي زعلانه منا او شيء
سناء(اخدت السماعه بعييييد عن امهاا): بس عندي ظروف مخليتني مشتته اعذريني هالايام غلااي
ريان: انزين احنى اهلج وصاحباتج مايصير يعني نشاركج همومج تكلمي قولي لي شفيج يمكن اقدر اساعدج
سناء: مستحييييييييل ماتقدرين
ريان: الا اقدر ونصف لو ريم الا سمعتها الحمدلله والشكر ونجلاء نقالت الكلام
سناء(فكرت تقول لها لانه بالنسبه ليها الامر عاادي وتدري انه ريان ماتقدر تساعدها): السالفه وما فيها ريوون انه ابوي قبل لايموت كان مدين 20 الف ومات وهذا الدين على رقبته وحاليا صاحب الدين يطالب اخوي ان مارجع ليه فلوسه بدخله السجن..(قامت تبكي)تخيلي راح ابوي وروح اخوي واني ما اقدر اسوي أي شيء واني خايفه ريااان خايفه
ماعندي الا حل وااحد عرضته عليّ ريم وما اقدر اسويه ما اقدر لاني حتى لو حصلت فلوس شرفي وعرضي وسمعت اهلي كلها تروووح كلها
ريان: مافهمت شلي قالته لج ريم علميني فهميني
سناء(بإضطراب شديد): قالت ليي اني ابيع حالي وشرفي لاولاد الحرام مقابل الفلوس الا بسددهم عن رقبة اخوي
ريان(وفهمت كامل السالفه): النذله الحقيره وانتي صدقتيها لا ياسناء الا هذا ترى انتي بضيعي اخوج ضيعه اعظم من ضيعته اللحين وامج ياسناء مافكرت شلي بصير لها سمعيني عدل وحطي اذنج معي ساعات بس واجيب لج الفلوس 20 الف كااامله ياسناء
سناء: من وين لج
ريان: اذا جبتهم سئليني يلا مع السلامه
سناء(بلهجه تملائها): انتظرج رياان
ريان: لاتحافي احنى صديقات ولينا بعض
سناء(حست بالاطمئنان): بأمان الله
*************************
[في المستشفى حيث حمد وهو بنتظار نتيجة تحليله مع جوري]
الممرضه: استاد حمد للاسف نتيجه التحليل سلبيه
حمد(نصعق من النتيجه): سلبيه
الممرضه: ايه استاد للاسف الشديد النتيجه سلبيه
حمد: مستحيييل نعيد التحليل
الممرضه: بس النتيجه مضمونه استاد
حمد(بتفكير شديد) : امممم اعرض عليج شيء واذا وافقتي بغمرج بأموااال ماحلمتي ولاتحليم تحصلينها وبخلي عيشتج الكل يتمناها
الممرضه: مافهمت استاد!
حمد(يلتفت يمين يسار ويتأكد انه ماكو حد يسمعه): يعني طلعي نتيجه التحليل ايجابيه
الممرضه: بس ذي مسؤوليه استاد
حمد: عندج ثواني تفكري وانتي الخسرانه بعطيج 40 الف على ورقه انتي تكذرين تجيبها بالساهل
الممرضه(وعجبتها الفكره): اووك انتظر شوي واسلمك النتيجه الجديده
حمد(بخبث): ولـ40 الف بتشوفيها برصيدج
*******************************
[بيت بدر]
( نادر ومنير كانوا رايحين بيت عمهم احمد يشوفوا احتياجات بيت عمهم)
نادر(يطق الجرس):.................
منير: افففف لمتى بيفتحوا زهقت انا
نادر: يا اخي انتظر يمكن الوقت الا جينا فيه مو مناسب
منير(يناظر بأكياس الفاكهه و الشيبسات و الحلويات و...الخ): بس انا تعبت وانا حامل الا كياس انت حامل اقل مني مع انك اكبر مني
نادر(بغضب): لا تعال اضربني بعد
(يقطع حديثهم صوت خلف الباب)
ام بدر: من؟
نادر: انا
ام بدر: من انت
نادر: انا نادر ولد حميج عبدالحي
ام بدر: ياهلا فيك تفضل
نادر: يالله يالله ... منيروو حط الاكياس هنااا وتعال معي المجلس
(كانت ام بدر واريج ورد يسمعوا كلامهم)
اريج: يمه مو بس واحد ثنين الجايين
ام بدر: ايه بدر قال بجي نادر ما قال بجي حد معاه
~> في المجلس
منير: بيتهم صغير ليه عايشين بذا البيت والفلل والقصور بكل مكان وثم شنو هالمكان العايشين فيه البيوت كلهم صغاار والناس جرافله
نادر: وانت شدخلك بيتهم وبعيشتهم يا اخي خل الناس بحالهم
منير: لا ما اصدق ذا نادر الا كان يتشمت على الرايح والجاي
نادر: الواحد يكبر ويعقل
منير: لا والله احلف انت غير البشر
نادر: احقرك افضل لي ...(يناظر الساعه) اقول ترى طولنا يلا خلنا نقوم حبسنا اهل البيت
نادر(بعد ماقاموا من المجلس تكلم بصوت عالي ): ام بدر اذا احتجتوا أي شيء انا حاضر ومايردكم غير لسانكم مع السلامه
ام بدر(من الورى الباب): ماتقصر نادر يحفظك الله
(بعد خروج نادر ومنير من بيت عمهم طلعت ام بدر مع بناتها من الغرفه الا كانوا فيها وتفاجأوا بكميه الاكياس الموجوده عند الباب)
ورد: ماما شكولاتااات وحلويااات وشبسات
ام بدر: شهذا كله فواكه وخضار واجبان واللبان وفطائر ليه متعبين حالهم
اريج : يمه ذا الكيس فيه دفاتر وكتب واللوان ومساطر ومساحات
ام بدر(ترفع ايدها لسماء بفرح وسرور): الحمد الله ياربي على نعمك ورزق هالولد الشهم كل مافيه خير يارب
***********************
[في بيت ابو حسام]
(يرن جوال ابو حسام وكان المتصل هو زوج بنته المستقبلي حمد)
ابو حسام(بفرح وسرور): اهلا وسهلا بصهري
حمد: هلا فيك عمي
ابو حسام: هاا بشر
حمد: النتيجه اجابيه
ابو حسام: بشرتي بشرك الله ... والف الف الف مبروووووووك
حمد: الله يبارك فيك عمي .. هاا متى الملكه
ابو حسام: السبوع الجاي على ماتجهز العروس حالها
حمد: لا ياعمي بعيييده
ابو حسام: اصبر كلها اياااام وتصير لك
حمد: ههههههههههههههههههههههه
ابو حسام: يلا بروح ابشر الاهل
حمد: اووك بأمان الله
ابو حسام: سلمك الله
(طلع ابو حساام من المجلس لصاله يبي يبشر ام حسام الا ام حسام كانت واقفه مع ريان الا كانت متلثمه وباين بعيونها الكحل الاسود الغامق والظل الورد الناعم والا كانت لابسه عبايه ضيقه نوعاً ما ومزركشه بزغارف ورديه فاتحه مع الرصاصي وحامله شنطه ورديه)
ابو حسام: احم احم
ام حسام( انتبهة لوجود ابو حسام ): جوري بجناحها ريوون روحي لها
ريان(بصوت واطي ونعومه شديده): اووك خالوو
(تركب ريان لجوري وتطق باب الجناح وتطق وتطق لين تعبت لكن مامن مجيب شويات الا سمعت بصوت وراها )
نادر: اذا كنتي تبين جوري جوري مابتفتح باب الجناح اتصلي عليها تفتحه لج
ريان(طلعت جوالها وتفاجأت انه الجوال بطاريته فارغه وناظرت بنادر): جوالي مطفي البطاريه فارغه
نادر(وهو يحاول يتذكر هالصوت الانه ابد مو غريب عليه): اممممم اللحين ادق عليها واقول لها انج عند جناحها
(نادر يتصل لجوري)
جوري: الووو
نادر: هلا جوري وحده من صاحباتج على باب جناحج فتحي لها الباب ايدها تقطعت من كثر ماتطق الباب
جوري: من بجيني بهالوقت
نادر: وانا شدريني ..(يخاطب ريان) تسئلج من انتي
ريان(عصبت من جوري بسبب الموقف الا هي فيه): قول لها ريان
نادر(واستعااد شريط ذكريااته هذي هي البنت الا اخدها من بيت عمها بعد ماكسر باب غرفتها ): تقلج ريان
جوري(وقامت بسرعه فتحت الباب): ريووون هلا فيج
ريان(دخلت الجناح): اهليين ساعه على الباب
جوري(ببتسامه فاتره): شسوي بعد
ريان: جوري ابيج بموضوع وابيج تاخدي هالموضوع بمحمل الجد وتفزعي ليه عدل
جوري: شنو
( ريان شرحت لجوري حال سناء بالكامل ونصيحه ريم لها انها تبيع شرفها لاجل المال وهي مو عارفه شلون تتصرف واخوها منوم بالمستشفى وصاحب الدين يهدده وراتب اخوها مايكفي حتى مصاريفهم )
جوري: كم على ابوها
ريان:20 الف
جوري: 20 الف ما كأنه المبلغ كبير شوي
ريان: كبير شوي عليج انتي بس هم بنسبه ليهم ذا كبير واااااجد وااااجد
جوري: اووك اكتب لج اللحين شيك وقولي لها تصرفه من البنك
ريان(تحتضن صديقتها): مشكوووره ادري طوول عمرج طيوبه وحنونه وكريمه
جوري(تمد الشيك): ما سويت ليها كل ذا الا لعيون بدر
ريان(عبست لاشعوريا): بدر بدر بدر شفيج ياجوري كل حياتج بدر واللحين هالشيك لعيونه بعد يعني مو لعيون سناء ومحنتها
جوري: بدر قال لي اساعدهاا رغم الا سوته فيني
ريان: ماظنيتج حقوده
جوري:....................
(شويات الا بطق على الباب وكانت ام حسام تزغرط وهي تغني وتطق الباب وتطق وتطق)
جوري(طاحت دموعها لانها فهمت انه نتيجة التحليل ايجابيه): .....
ريان: افتح الباب
جوري(بين دموعها):ايه
ريان فتحت الباب لام حسام الا كانت حامله البخور والعوود وتبخر جناح جوري
ام حسام: مبروووك مبروووك عيوني
جوري(مسحت دموعها وحاولت تبتسم): الله يبارك فيج يمه
ام حسام: منه المال ومنج العيال ياربي
ريان:ههههههههه باقي ماعرسوا خالوو لتي منها العيال شكلج خالوو مستعجله على شوفة احفادج
ام حسام: مابغينا نفرح , ولدي حسام يوم بنخطب ليه قال انه مو بفاضي و الله كاتب نفرج بجوري قبل حسام سبحان الله
*********************
[بيت ابو سعود]
بسمه: ابو سعوود شرايك بكره نفطر بالكرنيش
ابو سعود( عجبته الفكره): بس ابي فطور سنع
بسمه: من عيوني
ابو سعوود: شهالتغييير
بسمه: عشان تعرف انه بسمه في جانبين وانت كنت تنظر بالجانب السيء بس
ابو سعود(يغمز لها): الا انتي كنتي تطلعي جانب وااحد
بسمه: ههههههههههههه
ابو سعود: الا وين العيال من الظهر ماشفتهم
بسمه: راحوا بيت هلي
ابو سعود: بيت اهلج مره وحده
بسمه: ايه حسيت اني كنت غلطانه يوم قطعت اولادي قطعت حالي عن اهلي وعشان كدي قررت ازور اهلي كل يوم خميس .. طبعا هذا بعد اذنك
ابو سعووود(بقمة السعاده): ماصدق انتي الا كنتي تطلعين وتروحين وتجين بدون شوري اللحين تأخدين شوري
بسمه: كل شيء تغير والايام بتثبت لك يابو عيالي
ابو سعوود: ان شاء لله
بسمه: اهم شيء منت بزعلان على الايام الا مضت
ابو سعود: بزعل شوي من شيء واحد اذا مانفدتيه
بسمه(تقاطعه): شنو
ابو سعود: ترجعي علاقتج مع اهلي وتعتذرين لابوي وامي
بسمه(وهي تناظر ايدها): اخاف مايقبلون عذري بعد كل الا صار
ابو سعود(يحط يده على يدها): مستحييييييل هم يحسبونج بنتهم وعمر الابو والام زعلوا من بنتهم
بسمه(ابتسمت من قلب): ان شاء الله
************************
[بيت ابو حسام]
ريان: شلون بتتصلين على بدر وانتي على ذمت واحد ثاني
جوري: ما ابيه ما ابيه
ريان: حرام ياجوري الله مايرضى
جوري: بس مو على ذمته احنى باقي ماملكنه
ريان(حست انه محاولاتها تروح عبث): بكيفج
شسويلك عشان تحبني وتبدع بحبي لك
أنا عن جد معاك متعب(ن) نفسي
يمر يومي عليوياك مثل أمسي
لين أصبحت متناقض بحبي لك
أجي أدعي عليك تلقاني أدعي لك ,, شسويلك؟
ياعمري الجاي والباقي من سنيني
أنا أحبك وأحسك ساكن(ن) فيني
ولوحاولت أبعد عنك لو لحظات
شسوي الشوق لك بالذات يوديني
جور قلبي تتصل
بدر(بلهفه وشوق جوري تتصل عليي ما اصدق) : وحشتني
جوري(تبكي بحرقه): انت اكثر يابدر ليه ليه رحت وتركتني ليه
بدر: علامج تبكي انتي تعرفي انه دموعج تزعلني
جوري: شلون ما ابيكي حرااام عليك بدر حراام عليك
بدر: مو بيدي ياجوري واخوج نادر كان شاهد على كل شيء
جوري: لا بيدك ونصف ليه ما اخدتني معااك بريطانيا
بدر: كيف اخدج معاي وانتي مو زوجتني حتى وثم على أي اساس اخدج وترى انا تركت هلي وقلبي بالشرقيه تركت كل شيء وجيت بريطانيا
جوري(يعلا صوت بكيها): ابوي يابدر ابوي
بدر: علامه
جوري: بزوجوني يابدر من شوي طلعت نتيجه تحليلنا يابدر قلي ويش اسوي شلون اتزوج واحد وانا قلبي عند غيره قلي قلي شسوي توهقت والسبب انت
بدر(نصعق من كلامها): بتتزوجين
جوري: مو انا الا بزوج اهلي بزوجوني غصب اهلي يابدر اني ماخنت وعدي لك بس كل شيء هنا ضدي محد حاس فيني ويسوون كل ذا عشان يبعدوني عنك وبس.. بس هم ماعرفوا انهم قتلوني قتلوا كل الاحاسيس ذاخلي بذا الزواج
بدر(بغضب ودهشه): ومن ذا الحقير الا بياخدج مني
جوري: واحد اسمه حمدسكرتير ابوي وساعده الايمن بالشركه
بدر: اهدئي جوري اهدئي انا ما اقدر افكر حاليا اتصل عليج بعدين
ياترى ماهي الفكرة التي ستخطر على بال بدر لمساعده جوري؟
ماهو موقف سناء منم مساعده جوري لها بعد كل ماحصل؟
ماهو موقف ابو سعود وهو بين نارين هل يطلق بسمه لعيون ساره وقد تغيرت جدريا
ام يترك ساره؟
ماذا سيحصل لأيمن بعد ان يعرف انه الدين قد تم سداده؟
كل هذا بنعرفه بالبارتات الجايه
بنتظار دعمكم + تشجيعكم + ردودكم + انتقادكم
البارت الخامس عشر [ليسكني غيركْ]
[بيت ابو ايمن]
ريان(وهي تمد الشيك): تفضلي
سناء(تبكي): ماعرف كيف اشكرج فرجتي عني كرب فرج الله عنج كربج
ريان(تمسك ايد سناء وتمسح عليها): اولا عشان تعرفي ان احنى لبعض ومالنا الا بعض لان احنى اخوات وصديقات .. ثانيا هذولا الفلوس مو من عندي هذولا الفلوس من عند جوري
سناء(بدهشه شديده): جوري
ريان: يسسس جوري
سناء: اني جوري اصلا مستحيه منها على الا صاار
ريان: الا فات مات سناء حاولوا تفتحوا صفحه جديده
سناء: ان شاء الله
ريان: يلا اني رايحه
سناء: على وين
ريان(وهي تحط اللثام على وجها): بروح بيت عمي تأخر الوقت طالعه من زمااان وماذاكرت ولاشيء ترى بقلج ملكته جوري الاسبوع الجاي اتوقع الخميس بس مادري
سناء: الله يبارك ليها
ريان: عقبالج
سناء: وعقبالج انتي بعد
(تقوم سناء مع ريان توصلها لباب الخارجي الا ام ايمن كانت قاعده في الصاله )
ريان(من تحت اللثام): كيف الحال خالوو
ام ايمن: هلا بنيتي
ريان: يلا اسلم عليج الليحن
ام ايمن: لا قعدي معانا شوي
ريان: مره ثانيه وايام الله واجد
(بعد خروج سناء من بيت ابو ايمن)
ام ايمن: شهالبنت الا ماتستحي على وجها
سناء: شلون يمه
ام ايمن: طالعه لنا كدي برى الشارع وجها وعواينها مملين مكياج
سناء: يمه ترى هذا التطور الللحين وانى بنسبه ليهم متخلفين
ام ايمن: ان شفتج تماشي هالبنت الصايعه صراحه عبايتها المطرزه و لفتها ماعجبوني
سناء(بتحرطم): عجل مدري سبشوين اذا شفتي جوري
ام ايمن: لا جوري ولا غيرها ولا فلانه ولا علانه ما ابيج تماشينهم فاهمه
سناء: ان شاء الله يمه
**************************
[بيت ابو حسام]
(قررت جوري تتطلع من عزلتها لانه كل الا سويه بحطها في مشاكل اكثر مما هي عليه وبنفس الوقت ما كانت تمبى اهلها يدروا انها جد تحب بدر لانها بتسوي لنفسها وليه مشاكل اكثر وايقنت انهي مفرووض تنسى بدر لانه بدر مو لها وهي مو له وتبدي حياه جديده مع حمد)
جوري: هلا يمه
ام حسام(تناظر جوري): شهالبس لابسته لنا بجامه وانتي عرووس بدلي هالملابس يلا اشوف
جوري: مالي خلق يمه .. الا اقول متى الملكه
ام حسام(بفرح وسرور): يقول ابوج الجمعه افضل يوم
جوري: الجمعه لا اسفه ما اقدر
ام حسام(بدهشه): ليه شعندك!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك