رواية شغب في مدارس الرس -10
طارق- ان شاء الله
........دخل مقهى وهو يسمع صوت الاذان ...اذان العشاء طبعا
جلس وطلع جواله .....ودور على رقم ندى ....
اتصل عليه .......دوووود دوووود دووووود ......
ندى- الو
طارق ابتسم وقال- هلا والله بهالصوت ....
ندى- قلة ادب...
سكرت ....
طارق- ايه هين قلة ادب .....
اتصل مره ثانيه ....وثالثه ...ورابعه ....
ردت وقالت- خير...
قال- وش فيك معصبه .....
ندى – وش تبي .....ابلشتنا .....
قال- انا احبك ياندى ....
ندى ...ندى ....ندى .....
تصلبت ولا قدرت تكلم ....يعرفها .........
سكرت الجوال وهي خااااايفه .......
اتصل ولا ردت ....ومره ثانيه وثالثه ورابعه ...ومسج .....
فتحته وهي خايفه
((لا تهربين ....انا اعرفك...واعرف فيصل ....لا تخليني افضحك بالاسم كامل .....))
ندى امتلت عيونها دموع ما تدري وش تسوي ......
كانت بالغرفه لحالها ....
اتصل...وردت وهي ساكته .....
طارق- ايووه ابيك كذا ......ندى ...ندى......لا لا مو كذا ....تكلمي....
ندى – وش تبي ....وش مسطلك علي .. ..من انت ...من وين اخذت الرقم .....
طارق- كل هالاسئله مالها داعي ...المهم انتي ....وش اخبارك....
ندى سكتت
طارق- افاااا
ندى بخوف – تمام ....قبل ما اسمع صوتك...
طارق –ههههههههههه قويه صراحه ...
ندى- تدري...مالك حل غير اخوي ......
طارق باستحقار- من فيصل؟؟؟
ندى فهمت قصده ان فيصل اعمى مايشوف وقالت وهي معصبه – ايه فيصل...اللي اعمى مايشوف .....رجع يشوف ....الحين مو اعمى....الحين كلكم ماتجون مثله...
كانت اقوى صدمه لطارق......
طارق سكت وقال- اعمى .....
ندى وهي تصيح- مو اعمى .....
سكرت الجوال......
طارق بصدمه- اعمى ........تحبين اعمى ...وانا اللي اشوف ولا تشوفين الفرق ...من الاعمى انتي والا هو ........لهالدرجه تحبينه ...حتى وهو اعمى ....اصلا من متى تعرفينه ....ليش....وانا ...انا معك من صغرنا ....ولا حتى تفكرين ان فيه احد يلاحقك ويحبك.....
ضرب طاوله المقهى وقال- والله اني اعشقك.....آآه بس لو اشوف فيصل هذا.....لا اقطعه بيديني...
وقف وقال – نروح لسوق ندور عليها
..............................
مها- هاااااااه انا تعبت ........ما خلصتي
مرام- لا.....باقي الاكسسوارات ...
مها- انا بجلس ....ما ابي ادور معتس ....
مرام- اجلسي ....
تركتها مرام وراحت ......شرت كابتشينوا وجلست على كرسي ....وهي تتفرج على الرايح والجاي ......وكان فيه بزران يلعبون على السلم المتحرك ...كانوا صغار ...بنت وولد ...كانوا مثلها ومثل حاتم .....يدفون بعض والبنت خايفه وهو يضحك عليها ...ابعدوا عن السلم عشان يمر....طيرت عيونها وهي تشوفه يلتفت يمين ويسار....
ابعدت عيونها عشان ما يدري انها هي ....بس على مين ....على طارق اللي يعرفها من بين عشر مثلها ...طاحت عينه عليها ...وقرب منها وقال- سلام
مها بقلبها- وش ناوي عليه الخبل هذا .....وين حاتم....
قالت بهمس- وعليكم .....
طارق- اذا تبن شيء اشيله عنكن احطه بالسياره
مها- لا لا مافيه شيء ...مشكور .....
نزلت الكابتشينو ...كان باقي فيه نص الكاس......
وقفت وهي تاخذ الاكياس.......
طارق- وين.....عطيني...انا اخذهن عنك...
مها- مايحتاج ......
مها قلبها ينبض بقوة ....خاااايفه ......
طارق- على راحتك.....
اتركته مها ودخلت محل الاكسسوارات ...جلس بمكانها وطالع الكاس ...واخذه وابتسم وهو ضايق خلقه وقال- ياسعدك لانها شربت منك.......
قربه لشفايفه وهو يقول- ياليت اذوق عسلها ....
..................
مها – مرام ...
مرام التفتت لها وقالت- هاه....ترى دقيت على حاتم قلت له اننا خلصنا...
مها- طارق هنا.....
مرام التفتت وطالعت لبرا وقالت- أي والله ...
مها طلعته وشهقت ....
مرام – وش فيتس....
مها بربكه- ولا شيء....
امتلت عيونها دموع وهي خايفه وقالت- بنروح ....بسرعه ابي البيت.....قولي لحاتم هو يجي ياخذنا ....
مرام- ما عنده سياره ...وابوي مو موجود....بنروح معه اكيد...
طارق- يالله ...الحين بمر عليهن ...
سكر ووقف .....وهو يطالعهن ....ويشرب من الكاس ولاكأنه حق مها ....
اتجه لهن وقال- خلصتن ...
مرام- ايه....
طارق- عطيني الاكياس ....
مها بخووووف- لا لا ...مو ثقيلات .....
كان يطالع فيها ....واضح الخايفه ....
مرام- مانكلف عليك....
عطاهن ظهره ومشى ...
مرام مشت ......ومها تمشي شوي شوي ........
ركبن السياره .....والجوو مخنوووق عند مها .......وهو يكمل قدامها شرب الكاس .....
.......................
ندى جلست عند احمد وقالت- خلاص العشاء بكره؟؟
احمد- ان شاء الله ....مو هنا ...يعني من العصر تجهزن .....
دق جواله ....قام وقال- تأخرت ....
طلع لشارع وركب مع صديقه.......
محمد- يا اخي تأخرنا
احمد- اسف ...هاه اكيد بتجي معها ....
محمد- ايه ...ينتظرن .....احمد ابتسم وقال- اشوى ....
.........................
خلود تتلفت يمين يسار وهي خايفه ....
نوره- انتي ماتعقلين ..بس تشككين الناس فينا ....
خلود- والله صغار على هالحركاات ...
نوره- انتي شايفه نفسك بزر فاارقي عني
خلود- لا خلااص ....
نوره- استانسي ...بتشوفين احمد....وش الفايده من العصر وحنا بالمشغل ...
خلود سكتت......
وقفت سياره ...ونزل منها ثنين ....
محمد ابتسم وهو يأشر ....
احمد التفت وهو مبتسم ويطالع ببتسامه جذاااابه .....
نوره- شوفي احمد.....اللي لابس برموده
خلود استحت وقالت- يا الله ...وسيــــــم ...
نوره تقدمت ورتكتها ....وقف احمد يطالع واسند ظهره على السياره ...
كانوا بجهه خلفيه لسوق ....يعني فاضيه ....ما يمر الا عامل عاملين ....
محمد اتجه لنوره
محمد- هلا وغلا .....مرحبا بقدوووم خلي مرحبا والفين سهلا ...
ضحكت نوره بخجل....
محمد- آآآآآآه يازين هالضحكه ....
احمد يطالع خلود وهو مبتسم......
خلود تقطعت من الحيا ....شوي ويغمى عليهااا ...
محمد مسك يديها وقال- وش رايك نروح لعنيزة
نوني- لا صعبه ياقلبي...
محمد- ياااويل حااالي من قلبي هذي......هاه يالغلا ...نروح نفرفر ...دريم لاند ومطاعم ...شرايك
نوني – اممممممم تيب والبزر اللي وراي .....
محمد- حبيبها هنا .....
نوني- تيب....
احمد اتجه لخلود وقال- مرحبا ....
خلود بربكه- هــ...هلا....
احمد- ما توقعتك تجين معها.....
خلود ساكته
احمد-اممم اخبارك ياقلبي....
خلود بيغمى عليها وقالت- تمام ...
احمد قرب شوي منها ...رجعت عنه وهي خايفه
احمد يتصنع انه تضايق وقال- خايفه ....
خلود بخوووف- لا....بس ...بس...مستحيه
احمد- يالبى الحيا واهل الحيا ...
محمد- احمد....تراي رايح....
احمد- يا الخاااين .....
نوره- خلوود ..
قربت منها وهي تكلمها باذنها- تراها مره وحده بالعمر .....يعني ان شافك ساكته وماتسمعين كلامه ...والله يتركك ويدور غيرك....تدلعي عليه .....
خلود مسكتها مع يدينها وقالت- لا تتركيني ....ليش اجي معك دامك بتخليني ..
نوره- بلا مبزره ....وش فيها يعني ....
سحبت يديها وقالت- احمد لا وصيك عليها ...انتبه لها ...
احمد- افا عليك...خلود بعيوني ...الا خلود بقلبي ....
نوره ضحكت وراحت ...خلود الصيحه وصلت ....
احمد- هاه ...للحين مستحيه .....
طاحت على ركبها وهي تصيح ....
احمد بقلبه- انا لله....وش يسكت هالبزر الحين
قال لها- حياتي....لا تبكين ....شفتي انك خايفه مني
خلود بترجي- تكفى خلها ترجع ...ابي اروح للبيت .....
جلس عندها ...بعدت عنه بسرعه وقالت- الله يخليك ....
احمد- ما اقدر....هم بياخذون راحتهم...اعكر الجو عليهم...تبيني اوديك للبيت ؟؟
خلود- لا لا....
احمد- ليش؟؟
خلود بخوف – ما ابي ....
احمد- لهدرجه ماتثقين فيني.....
خلود سكتت وهي تشفاهق شهقات خفيفه .....
احمد تضايق وقال- طيب ...ندخل احد المطاعم الى ما يرجع ...جلسات عائليه عادي....
خلود- لا لا
احمد- ياقلبي لا تخافين ....
وقفت وقالت- بجلس انتظرها .......
احمد قرب منها وهي تبعد....
قال- ماصدقت اشوفك...حتى وانتي بالغطاء تجننين .....عيونك مرره تذوبني ....خلود تدرين اني ما احبك وبس ....الا انا مجنونك ...الا اتنفس هواك.....كل نبضه بقلبي تقول خلود ...
خلود تطالع فيه وقلبها ينبض ينبض ينبض .....
احمد- الله يخليك ياقلبي ....ندخل نتعشى ....
خلود بربكه- بس....
مسك يديها وقال- لا ترفضين اذا تحبيني .....
خلود سكتت وتطالع يده وكان ودها تصيح تصارخ كل شيء .....مستانسه خايفه ....
احمد- يالله ....مشينا
.................................................. .....
مها
دخلت الغرفه طررررخ الباب ......
وطوووب على السرير...رمت نفسها على السرير وهي كاتمه صيحتها ....
مها- ليش يحبني ....انا ما ادري ليش ما احبه ...من اربع سنوات وانا ادري ليش ما حبيته ...
قالت بضيق- ما اقدر ما اقدر.....ما اقدر افكر فيه حتى ....اكرهه قليله عليه ....حبيت واحد اعمى ولا حبيت اللي له اربع سنوات يحبني .....ليش طيب...وش اللي كان مانعني...لا يعلق الامل فيني ...انا ما احبه .....ليش ما يكرهن ....ينساان.....
نزلت دموعها وقالت- يارب ينسان ...ما ابيه يحبن ....هو مايفهم اني ما احبه ...
...........
نزل ومعه الكاس بيده ....دخل الملحق .....ونزله على المكتبه ......وهو يطالعه ويقول- يالله يازينك ....
نزل جواله .....وكان له سرير بالملحق ينام عليه ومجلس ....يعني مثل غرفته ..
اتسطح وهو يفكر فيها ....
ويقول بنفسه- لوتدرين انا وش كثر احبك....ولو تحبيني مثل ما احبك...كان انسيك فيصل واهل فيصل ....وانسيك من انتي .....لهدرجه ما تشوف الفرق ....هو اعمى وانا معافى ....فرق كبيييير ....ما تشوووفه ....
اخذ نفس عميق وطلعه بضيق ....
.................................
حاتم كان عند البقاله يشتري....
دخل فيصل واسرار ....فيصل يطاااالع بكل شيء حوله ...يطالع بهذا ويطالع بهذا ....يتأمل كل شيء....
حاتم يعرف ان فيصل اعمى ولا قد احتك معه او تكلم معه الا سلاام وبس ...طالع فيه وهو مستغرب...طاحت عيون فيصل على حاتم وابتسم.....
حاتم في غاااااية الاندهاااش .....
فيصل- سلام....
حاتم وعامل البقاله يطالعون وهم مطيرين عيونهم...
اسرار- عمي عمي...ابي فثفث....
فيصل طالعها وابتسم وقال- ما يصلح لك....
حاتم- فيصل!!!
فيصل طالع وقال- اذا ما خاب ضني انت .....انت حاتم او طلال.....
حاتم طير عيونه وقال- انت تشوف؟؟؟
فيصل ابتسم بقوة وقال- الحمد لله ......
حاتم بفرحه- الحمد لله على السلاامه .....الف الف مبرووك...
سلم عليه وقال- والله فرحت لك....
فيصل- الله يسلمك...مشكور ....بس ماقلت لي انت حاتم صح....
حاتم- ايه .....وشلون عرفتن؟؟
فيصل- صوتك...
حاتم- ماشاء الله عليك....من متى ؟؟
فيصل- اليوم والله........صحيت من غيبوبتي وانا اشوف...والحمد لله انا بخييير ولا فيني أي شيء....
حاتم- دووم ان شاء الله....والحمد لله على سلامتك مره ثانيه....تجي عندي للبيت....قهوه بس تكفى قهوه ...
فيصل- لا تكفى ...
حاتم- عشان سلامتك...
فيصل- بس...
حاتم- تكفى ...
فيصل- خلاص....
حاتم طالع باسرار وقال- هااه وش تبين ياحلوه ....
اسرار- فثفث .....
ضحك حاتم وقال- فثفث ...تيب بثتري لك فثفث...وش تبين بعد...
فيصل- ههههه لا ماله داعي .....
حاتم- انا ماشريت لك....اشري لها ...
......................
دخل حاتم وقال- حياك....دخله المجلس ....ورجع لفيصل ودخل وقال- طارق...ولد الجيران....هنا..اذا تبي تجي عندنا ...
طارق طالعه وقال- طيب اجي بعد شوي...
حاتم راح وقال لامه يبي قهوه وحلا .....
حاتم- تكفين يمه بسررعه....
مها من وراه- وشو ليش بسرعه ؟؟؟
حاتم-توقعي من عندنا؟؟؟
مها- من طارق؟؟؟
حاتم- لا
مها- ما ادري...
حاتم- اخو صديقتك ....
مها- من صديقتي؟؟
حاتم- الاعمى ...اقصد فيصل....
مها سكتت .....وقلبها يخفق بشده <<قلبت
حاتم- مو اعمى ...الحين يشوف....سبحان الله ...تصدقين يمه ...انه يقول اليوم طلعت من المستشفى ؟؟
امه- سبحااااان الله....الحمد لله على سلامته ...
مها بربكه تحاول تضيع الموضوع لان حاتم لاحظ وجهها- طيب .....يمه عنك...انا اسوي القهوة...
حاتم يطالعها وابتسم وقال- أيـــه .....
مها- وشو؟؟
حاتم- سوي القهوة ...
مها- قصدي شريف ..
حاتم بنظرات خبث – وانا قلت شيء...وش قصدك؟؟
مها ضاااع وجهها....
حاتم تركهم وراح.....
دخل على فيصل وجلس...
حاتم- يالله حي فيصل...تو مانور البيت ....
فيصل- الله يسلمك...
كانت عادة فيصل انه حيوي مآآآآره .....
- السلام عليكم ...
التفتوا ...قام فيصل......يسلم ....
حاتم- هذا ابوي ....
ابوه- اخبارك....علومك..
فيصل- الحمد لله تمام ..
ابو حاتم – انت ولد ابو سامي؟؟
فيصل- ايه ...امر ...
ابو حاتم- الحمد لله على سلامة اخوك...اتصل ابوك علي يعزمني للعشاء على سلامة اخوك...عساه بخير الحين ...
فيصل ابتسم وقال- هذه قدامك بخير وعافيه .....
سكت ابو حاتم .....يطالع بدهشه ...هذا كان اعمى مو مصدق ....
حاتم- يبه هذا فيصل...
ابو حاتم- الحمد لله على السلامه ......مبرووك...
فيصل- الله يبارك فيك.....
ابو حاتم- اترككم ...تامرون شيء؟؟
حاتم وفيصل- سلامتك...
طلع وتركهم وهو في اشد حالاة التعجب ...
فيصل- انا اشوف اشكالكم اذا عرفتوا ...
ضحك حاتم وقال- والله ماصدقت اول شيء...
-السلام عليكم ....
فيصل وقف وقال- وعليكم السلام ....
سلم عليه ...
طارق- اخبارك....
فيصل – تمام....
جلس طارق وهو يطالع فيصل....اللي قدامه واحد على طوول يدخل القلب....كان طارق مبتسم .
حاتم- هذا طارق....طارق هذا فيصل...
اختفت ابتسامة طارق ....
فيصل- تشرفت ..هلا بك ...
طارق يطالع فيه .....مو مصدق....هذا مو اعمى .....وش اللي قالته ندى ....هذا عيونه لحالها فضيعه .....
طارق كان يطااالع وهو مصدوووم ...
طق طق طق....
صحى طارق من الصدمه ...
حاتم قام يجيب القهوة ...
حاتم بصوت خفيف- الحلا ...
مها- دقايق بس....
طارق حس بضيقه ماعمره جربها ابد......مها هي اللي تجيب القهوه وتجيبها اكيد ..هذا فيصل...
وقف وقال- نشوفكم على خير....طلع بسرعه ...
حاتم- طارق طارق..
مارد عليه ....حاتم سكت وهو منحرج من فيصل.....
فيصل استغرب .....
..................................
طارق ركب سيارته وسكر الباب بقووة ....
طارق بعصبيه- الله يلعن فيصل ويلعن اللي يحب مها .....فيصل من هذا .......اعوذ بالله منك يا ابليس ....يمكنه مو هو....
تذكر كلام ندى ((رجع يشوف ))
قال- هو ومن غيره .....ايه هين ....هيين ..........تشوف من اللي بياخذ مها ....مها لي انا....لي انا لحالي...وابن امه ياخذها ........اموت ولا اشوفها مع غيري ....
امتلت عيونه دموع من القهر وقال- يصير خير
............................
كان جالس قدامها ....وهو يطالع فيها وقال- للحين خايفه ....
خلود بربكه- لا ...
احمد- طيب قلبي...بروح اشتري لنا شيء نشربه ..وش تبين ....
خلود- على ذوقك...
احمد- طيب بارد والا حار
خلود- بارد...
احمد- تبين موكا؟؟
خلود- على ذوقك...
احمد- من عيوني ..
طلع وقال- لازم اجيب السياره ......
اتصل على واحد من اصدقاه ....وقال يبي سيارته ....لازم يكشخ .....
احمد- اوك ...اطلع لك بعد عشر دقايق....تامر شيء ....مع السلامه ....
احمد- ايوووه ...
................................
......
خلود اخذت نفس عميق وقالت- ياقلبي عليه....والله اني خايفه....مو لازم اخاف معه....اصلا هو اكيد انه بيحافظ علي....هو قال انا احبك....
كانت مستاااانسه ...وبنفس الوقت خااايفه .....
..................
فيصل- نشوفك على خير....
حاتم- مع السلامه.....تدل الطريق؟؟
فيصل ضحك وقال- افا عليك....
طلع .....
احمد شافه كانت نااار داخله ...شغل سيااارته .....وهو يطالعه ...اكيد بيقطع الشارع ....
احمد بنفسه- لازم يمووت ....هذا ما ياقف بطريقي.......مها بتنساه....
تنبه لكلامه وقال- لو مها تحبه ...اكيد بتتضايق عشان موته....لا لا صعبه ..مها ما ابيها تتضايق..الله لا يجيب الضيقه لها....
نزلت دمعه ومسحها وقال- بتركه عشانك....
طالع البيت وقال- الله يهديك ...ياليتك تفكرين فيني بس...
طفى السياره ونزل ...وقف ياخذ نفس .....يبي شيء يبعد ضيقة صدره ...مو عارف وش يسوي....كالعاده مسك الجوال ...يشوف اسماء صديقاته ...ويتصل عليهن ....هذا اللي يبعد الضيقه ..
جد ناس داايخه
...............................
مها جالسه بالصاله وهي مستااانسه .....مبتسمه وتطالع باللي حولها ...
مرام كانت ع الابتوب....ومشغوله ولا تلتفت لها .....فارس يلعب بلاستيشن قدامها وجالس على الارض
دخل حاتم وقال- السلام عليكم...
مها- وعليكم السلام....هلا وغلا....
حاتم طالعها وقال- الحمد لله والشكر...مره تضحك ومره تصيح ومره معصبه ...وش تحسين فيه ...
مها- هههههههه لا الحين مستانسه لا تنكد علي...
مرام- ايه داريه ليش مستانسه ......عشان اللي جاك تو ...هو فيصل صح....
حاتم ضحك وقالت مها بربكه- الحمد لله ...اقول كملي شغلك....
حاتم جلس جنبها وقال- تدرين انه اعمى من اول ؟؟
مها- ايه ادري.....قد طلع عند الباب لندى يوصيها ولا شافن ...
حاتم بضيق- بس ياليت ماتفكرين فيه....
مها انصدمت وقالت بربكه قووويه- هاا....اصلا....اصلا انت تصدق ....مرام...كلامها ما احد يصدقه......
حاتم- ادري ادري...لا تلفين وتدورين.....بشوف طارق يبي العشاء ...
مها سكتت ...
مرام كملت شغلها ع الابتوب
............................
ندى حاطه يدها على خدها وتفكر ..كانت خااايفه .....
هذا يعرفها ...يمكن لو بيفضحها يقدر ...
فايزة بالجوال- زين ..من عيوني ....غيدا...وش دخل غيدا بالموضوع.....لا ياقلبي غيدا ما تدخل بشي اتركوها بحالها ......اصلا انا ماراح اسمح...راح تدري المديره عنها ...المهم اقولك غيداء ما احد يجيب سيرته .. تدرين انها صديقتي ...ايه صارت صديقتي اللي يفكر غير كذا يطق راسه بالجدار ......يالله اشوفك بكره رصيدي بيخلص....
سكرت ...وقالت- يووه من هالبنات .....تخيلي اتفقنا نوسع الفتحه اللي بيننا وبينكم...ويقلون لغيدا تساعدهم ...ما ابي غيدا تنمسك وهي دايم تدخل عند المتوسط ....ندى ...معي؟؟
ندى انتبهت لها - ايه معك ....
فايزه- وش فيك؟؟؟
ندى – مافيني شيء ...
فايزة- ما ادري عنتس....
دخل فيصل...
فايزة-هلا والله هلا وغلا باخووي الغالي...
فيصل ابتسم وجلس عندهن وقال- وش تسولفن به؟؟
فايزة- ابد ما نسولف....
فيصل- ندى ....صديقتك لها اخو اسمه حاتم؟؟
ندى التفتت له ...
فايزة سبقتها وقالت- ايه ايه ....
فيصل- يطالع بفايزة وقال- اسالها...ما اسألك
فايزة- طيب وش فيه؟؟
فيصل- قبل شوي كنت عندهم
ندى ابتسمت ابتسامه صفرا وقالت- جد....
فيصل- ايه....وش فيك؟؟
ندى- مافيني الا العافيه ....
فيصل سكت وهو يطالع فيها....
بعدين طالع فايزة وقال- تدرين انك اسمن من ندى
ضحكت ندى وقالت- مانسيت ذيك السالفه
فيصل – لا
فايزة- ومن قاله ....انا انحف منها بس انت للحين ماتشوف زين
ندى عصبت وقالت- انتي ماتكلين تبن .....وش هالكلام....
فيصل- ندى وش فيك انتي....اصلا انتي مو على بعضك ...روحي اخمدي ونامي....
ندى- لا بس مو تقول كذا ......
........................................
احمد كان يشرب الكوفي وكانت تطالع فيه بنظرات خجوووله ...طبعا مافتحت وجهها....
احمد- ممكن طلب....
خلود بخجل- امر...
احمد- ابي اشوفك...تكفين....بشوف مثل اللي تخيلتك او لا...
خلود نزلت عيونها وقالت- بس.....
احمد- وش بس ...اذا تحبيني ...نزلي الطرحه والنقاب...
خلود بخوف- طيب مثل ماتبي بس ....
احمد – امري ياقلبي....
خلود- بنزلهن طيب....
فتحت نزلت النقاب والطرحه ....وكانت فاكه شعرها وطاح على اكتافها ..وهي تطالع بالارض...
احمد ابتسم وقال بنفسه- لازم اضبط التمثيل......
كان يطالعها ...خلود تطالع بالارض ....قال وكأنه بيصيح- حبيبتي...
رفعت عيونها.....
قال وهو يطالع الارض- ملااك مو بشر....
نزلت دمعه منه وقام ومسك يديها وهي خافت وطالعت فيه وقال- يارب تكونين من نصيبي ...يارب .....
خلود بخووف قالت- احمد....انت تصيح!!!
احمد رجع وجلس على الكرسي وهو يمسح دموعه وقال- عسى الله مايحرمني منك....انا احبك...الا اعشقك....
خلود امتلت عيونها دموع من الوناسه وقالت- انا احبك احمد...والله اني احبك.....
قام واتجه لها وهي خافت بس حست انها بتتعود عليه يعني عاادي ....جلس جنبها وبعدت عنه شوي .....قال- يابعد هالدنيا ياخلود....
حط يده على يدها وقال- انا اللي اموت فيك....
خلود تطالع بعيون وهي ذاااااايبه وبشده ......
احمد كل شوي يقرب منها....الى ما استندت على الجدار ....قرب وهو يقول – انا اعشقك قليله عليك...الا انا ميت فيك....انتي ملاك....
حط يده على شعرها وهو يلعب باطرافه ...ويتعمد يلمس ظهرها ....
دررررررن
التفتوا للجوال ..احمد- هذا وقته....
رفعه وطالع الرقم...وقال- حبيبتي ...بس دقايق.....
قام وتركها .....
طاحت على الطاوله وقالت- ياويل حالي منه ....يهبل ....يازينه ...يصيح عشاني ...معقووله
................
................
احمد طلع من عندها وهو مبتسم ....وعاض على شفته ويقول – آآه بس ...شكلي بخربها اليوم واسوي اللي براسي.....
نزل عند صديقه
صديقه- هلا والله...
احمد- هلا بك....اخبارك.....
صديقه- تمام....
احمد- المفتاح....
صديقه- والله انك صريح ...رحب فيني قل شيء بعدين قل المفتاح...
احمد-هههه مستعجل .....انت من بتروح معه...
صديقه- اخوي وراى ينتظرني اخلص...تامر شيء؟؟
احمد- سلامتك.....
صديقه- مع السلامه....
تركه وراح....
احمد يطالع بالسياره وقال- صح ....لازم اليوم نستانس...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك