رواية تحياتي لمن دمر حياتي -9

! Fares AL MoHra !

رواية تحياتي لمن دمر حياتي -9

منى : انزين روحي وقوليلها ..و سمعي وجهة نظرها ..يمكن كانت مستحية ..عشان جيه ما سوت شي

نورة اقتنعت باللي قالته منووه .. وراحت خبرتها كل شي .....

حمدة : الحين هذا السبب ؟؟ كنتي قولي من الأول

نورة : ليش السبب سخيف ؟؟

حمدة : لااا ما قلت جيه ..بس انا كنت مستحية منج ..

نورة ك بس اللي فهمته انه انتي مب راعية هالحركاات ..

حمدة : منوو قالج ؟؟

نورة : انتي .. تحيدين يوم ميرووه قالتلي عن حبيبتها ؟؟

حمدة : هييييييييييييه ,, لاا بس أنا ما احب اقوول كل شي عني .. وعن ماضيي

نورة : ماضيج ؟؟؟؟؟؟؟؟

حمدة : ليش تتحريني بريئة ؟؟

نورة : ..................................

حمدة : ليش ساكته ...؟؟

نورة : لاا ما شي ..بس ..آسفة على اللي صار ....

حمدة :لاا عادي ....أعتبري انه كل شي رد نفس اول ..

نورة : اوووكي

و مسكتها بحركة سريعه ..حطت أيديها ورا ظهرها و مسكتها بقوووة ..

نورة ماااااااتت على الحركة .. تحب الدفاشة مب بايدها ..

و مسكتها من خصرها ..و راحوا حق الشلة ..

البارت الرابع ...

(لاا ...أبد مو انت ذاك اللي تمنيتكـ

أنا آسف ,,

انا آسف إذا في يوم حبيتكـ ,, )

ردت البيت ..و هي تدري انه حمدة بتكون مثل اللي سبقوها ..و بتروح فجأة نفس ما يات فجأة ...

ما اهتمت ..خلاص هي الحين بروحها ولازم تتأقلم على هالشي .....

\\//

مرت الايام ..

كانت نورة نفسيتها فعلا تعبانه ,, تبي إجاازة تنسى فيها كل اللي صار ..

خلود بعدها للحين تتصل فيها وتحاول تردلها ..وهي ما تبيها !!!

وهي اكتشفت انها ما نست هند .. لأ .. بس اللي كان يصير شغلها عن التفكير فيها ..

أشياء وايد صايرة هالأيام وهي تعبانه ..تعبانه من كل شي ...

تبي ترتاااااااااااااااااااااا اااااااااااااااااح !!!

بعد فترة سمعت انه ابوها مسافر سوريا عشان يشوف عمتها و يدتها .. صارلهم سنتين ما سافروا و الفرصة مناسبة جدا ً الحين !!! هي نفسيتها تعبانه و تبي إجازة وابوها مساافر ..

راحــــــــت سيدا حق ابوها : يبه يبه بليز خذني ويــــــــــــــاكـ !!

ابوها : ليش شو تبين بهالسفرة ؟؟ ما بسوي شي ولا بطلع بس بروح اشوف يدتج صارلي فترة ما شفتها ..

نورة : انزين بليز والله ما أبي اطلع ولا أسوي شي بس خذني بغير جو ..

أبوها : انزين بدور حجز ,, احتمال كبير ما أللاقي لأنه تأخرنا ,,

نورة : خلاص انت شووف و خبرني ..

و راحت غرفتها ..وهي مستانسة انه واافق ياخذها ..يمكن تقدر تنسى شوي ..

و تمت تدعي كل يوم انه يلاقي حجز 24 ساعه تدعي لأنه مالها غير هالفرصة تسافر امها ما تبي تروح مكان هالصيف ..

آخر شي تحقق اللي تبيه !!! لقوا حجز بصعوووووبه و قبلهم ب12 يوم ,,

يعني بتسافر بروحها !!!

كانت مستانسة بس بنفس الوقت خايفة لأنها بتسافر بروحها ..

تموا يحاولون بشركة الطيران انهم يجدمون الحجز أو يأخرونه عشان تسافر ويا أبوها ,,

و ما شي ,,

تمت تجهز عمرها و تشتري أغراض السفر لنه خلاص ما باقي شي ...3 أيام و بتسافر ..

و قبل يوم من السفر اتصل فيها من الشغل ..: الوووو ..نواارة ..ابشرج لاقينا جدمنا حجزج و صار وياي

نورة : شوووووووووو ؟؟ يبه حرام خلاص جهزت عمري على السفر باااجر

أبوها : عادي أبوووي أحسن لج ترا والله كنت خايف عليج بتسافرين بروحج

نورة : خلاص يبه عاادي ...يالله نشووفك عالغدا

أبوها : فأمان الله

تضايقت شوي ..يعني هي صارلها فترة تركض و تروح وتيي عشان تخلص أغراضها و آخرتها تأجلت السفره 12 يوووم ...!!!!!!

بس يالله عادي ..احسن من انه تروح بروحها و تقعد هناك بدون أبوها ...

\\\///

مروا 12 يوم ببطء ..لانهم كانوا يتريوون شي فاكيد الوقت بيمر بطيء !!

كانت أغلب الايام راقدة أو على النت

و كانت تطلع ويا أبوها و يرورحون البحر على الساعه 3 الصبح ....أو بس يلفون بالسيارة كان فعلا ونااسة ..

كان في فكرة ببالها ولازم تسويها ..موضوع هند شاغل بالها وايد ..تبي تعرف ليش تركتها

هالموضوع منغص عليها فرحتها بكل شي ..بس تعرف ليش !!!

فكرت و قررت انه تنفذ ..راحت و طرشي لها ايميل وقالت فيه كل شي ..و طلبت منها انها تقولها السبب ...

كان قلبها يتقطع وهي تكتب ..بس ما تقدر تسوي شي ..هذا النصيب ..

سكرت اللاب و راحت تعاني وحدتها بروحها ..

:::::::

و قبل السفر بيوم ..ياه الكل عندهم يودعهم .. أمها وخواتها كانوا زعلانين لانها بتسافر ..بعد ما تزوجت اختها في الشتاء الماضي فضى البيت و صارت بس هي الكبيرة و أخوها الصغير كله برع كالعادة ...

علاقتها مع حنوون تحسنت واااااااااااايد من بعد اللي زمان ..بعد ما مضى تقريبا 8 شهور و هم متضاربين وزعلانين ....

بس قررت حنوون انه خلاص السالفة طالت وهي قصيرة .. وما يصير هذي أختها بالاخر ..!!!

يلسوا ويا بعض البنات و تموا يودعون بعض عشان ما بيشوفونها اسبوعين ..(نورة كانت أقرب وحدة لخواتها كلهم أي احد يبي شي يروح على طول يقولها و يستشيرها ) ,,

ثاني يوم الصبح قاموا من وقت و جهزوا أغراضهم لانه السفر من دبي ..

ودعت امها الصبح و طلعت من البيت ....ساعتين وكانوا في المطار .....

::::::::::

و صلوا سوريا على المغرب تقريبا ...لقوا السيارة تترياهم جدام المطار ..يبيلهم 6 ساعات على ما يوصلون المدينة اللي فيها عمتها ...

و الطريق كان ملل و ظلام ما قدرت تشوف شي ..بس تشوف الزرع اللي على الطريج بين العاصمة والمدن الثانية ......

و أخيرا وصلوا .... نزلت على البيت سيــــــــــــــــدا و راحت تشوف عمتها و بناتها لأنها اشتاقت واااايد حق بنت عمتها ....

عمتها : هلا والله نواااااارة ..

نورة : هلا عمتي ..

عمتها : ها شو كانت الرحلة ؟؟

ابوها : الحمدلله ..ما كان في أي تعقيدات ولا شي ..

عمتها : الحمدلله ..يالله حياكم دشوا الميلس

... نورة سيري حق عنوود غرفتها هي داااخل ,,

راحت و طقت الباب .. ما كانت تدري انهم وصلوا ...

و انصدمت صدمة كبيـــــــــــرة ...!!!

عنووود: نوااااااااااااااااااااااا ااارة

نورة : ههههههههههههههههه عنووودي اشتقتلج

عنود: وانا أكثر يالدبة ......يا ربي صارلي سنتين ما شفتج !!

نورة : هههههههههههه أدري لي وحشة ....يا ربي لو تلفين الدنيا ما تلاقين في مثل حسني وجماالي

عنود: حسني و لا حنفي ههههههههههههههههههههههههه هه

نورة : ههههههههههههههههههههههههه ههههه حلووووووة

عنود: الا صج !! تعالي بقولج سااالفة ..

نورة : خير شصاير ..؟؟

عنود: احمــــــــد ...,,,,

نورة كانت تترياها تبطل السالفة وياها ..كانت تبي تعرف اخباره و شو صار وياه ..لنها ما سألت عنه من فترة ..

عنود: الكل درا بالسالفة هني ..حتى امي سألتني بس انا قلتلها انه الكلام غلط .. الكل مطلع عليج كلام و سوالف ...

نورة مب قادرة تستوعب شي ..من وين اعرفوا ؟؟ مستحيل يكون هالشي صاير .. فضيحـــــــــــــه !!

عنود : نورة وين سرحتي ؟؟

نورة : افكر بالمصيبة الي صايرة

عنود: لاا لا تحاتين أمي طلعت للجارات و فهمتهم انه ما في شي من هالكلام و جيه ...

نورة : ويييه ..الحمدلله ..والله خوفتيني

............. سكتت شوي ...

نورة : انزين هو شحاله الحين ؟؟

عنود: بخير .. هو مب اهني .. راح على الساحل ,, بيصيف فترة و يرد ..

نورة : انزين هو شو قال يوم خبرتيه انه نورة تقولك انتبه على عمرك ؟؟

عنود: هو درآ انج تحبينه .. و تدرين شو قال ؟؟ قال انه هو ما يحبج قلبه ويا وحدة ثانية ...

نورة : !!!!!!!!!!!!!!!!!!!!!!!!!!!

ما قالت ولا شي ..تحاول تفهم اللي سمعته ... فكتهم كلمة كلمة ... ركبت الجمله مرة ثانية ....

هذا واحد من أقسى الأشياء اللي انقالت لها بيوم من الايام ....!!!!!!!!!!!!!

نورة : انزين منو هالبنية ؟؟

عنود: وحدة من معارفنا ...قبل سنه تعرف عليها ..

نورة : اهاا ...يالله خل نغير هالسالفة و نقوم نيلس وياهم ..

عنود: يالله ..

و راحوا .. وهي تحمل حزن يديد في قلبها ...

كل اللي تفكر فيه هو سؤال واحد .... ليش ؟؟؟ ليش لعب فيها ؟؟؟ ليش بين لها انه يحبها و يموت فيها و عقب يسوي هالشي ؟؟؟

المفروض انها يايه إجازة عشان ترتاح .... بس راحت الراحة وعلى الله العوض ..

\\///

مر كم يوم .. وهي كل يوم تروح حق بنت عمتها .. و توقف على البلكونه عمدا عشان تشوف لو ياه ولا لأ ..

و ما في فايدة ... بعدهم هناك ..

و بيوم من اليام دقت لها عمتها عشان تبي تطلعهم شوي و هي وعنوود ..و اتفقوا انه الساعه 5 يجهزون و يرورحون بيت عمتها

و فعلا على الساعه 5 كانوا في الدرب (البيتين قراب على بعض )

وصلوا و دقت حق امها عشان تنزل ..و خبرتها انه يتريون عدال السيارة ..

و هم واقفين هناك ..نزلت عمتها ومعاها بنتين ..

من شافت هالبنتين و قلبها انقبض ..ما تدري ليش ...شدتها العنود من ايدها : هذي حبيبه احمد ...وأشرت على وحدة منهم

نورة : اها ,,اوكي

طالعتها بكل حقارة ...تمت تطالع كل جزء فيها و تفصفصها بعيونها ..بدون ما احد يحس ..ما فيها شي زيادة .. طويلة و مليانه شوي ... و من شكلها يبين عليها كريهة ..و ما تنطاق ,, اختها كانت غير ..كانت مليانه واايد بس حلوة .. وشكلها كيووووووووووووووووووت !!!

طلعوا في السيارة .. وهذيك كل شوي تتكلم ..

حنين : اليوم علقت حرمة عمي وقالت بنروح نخطبك له ..(و تتكلم جدام عمة نورة ولا استحت )

عنوود: والله هم يدرون ؟؟

حنين :أيه .. يا ربي سوالي سالفة قبل لا اطلع يقولي لا تتاخرين عن البيت ..

نورة خلاص مب قادرة تستحمل ...تبي تروح و تعطيها كف يسنعها !!!!!

بدت دموع نورة تنزل بس كانت لابسة النظارة الشمسية وما احد شايف شي ..

نورة (فخاطرها ) : لااا.. لاا لازم امسك نفسي ..ياربي بليز خليني أمسك أعصابي ...ما ابي انهار جدامهم ..

و لقت الحل !!

نورة : أأأأأأأأي .. عيني دخل فيها شي

عنود: هاتي أشوف ؟؟ ما فيها شي بس حمرة ..

نورة : عندج منظرة ؟؟

حنين : انا عندي ..(و عطتها ) ...

نورة : افف على طول أحمر وادمع ....مشكورة حنين ...

و راحوا السوق .. وتموا يمشون في المحلات ..و الثلاثة يمشون ويا بعض و نورة بروحها ..

طرشت حق وحدة من خالاتها اللي هناك (و هي وايد قريبه لها ) كانت رايحة اجازة مثلهم ..

و قالت لها كل شي (هي تعرف بالسالفة من سنتين ) و هدتها و كل شي و خبرتها انه مب لازم تبين ضعفها جدامهم ....

تكلمت شوي مع سارة (أخت حنين ) ,,البنية وايد طيبه و كيوووووت ...

خلصوا من السوق و المحلات ..راحوا يشربون شي و خذوه تيك اواي ..نورة بدت تشرب العصير لأنها كانت عطشانه و الجو كان شوي حر بس الهوا يجنن ..

مسكت حنين غلاس العصير مالها و قالت : وييييه نشربه بالشارع ؟؟

نورة طالعت فيها نظرة من تحت لي فوق ...و قالت بصوت واطي بس ينسمع :يلعن ابو البرستيج !!!

و مشوا لين وصلوا للسيارة و ردوا البيت ...

بعد ما وصلوا و قربوا عدال البيت قالت عمتها : نورة تعالي بيتنا

نورة : ان شاء الله بس بحط اغراضي فبيت يدووووه و بلحقكم

عمتها: اوكيي ..انه بنيلس و بنستانس

راحت نورة البيت و نزلت وياها العنود عشان ترد معاها

خلصت نورة اغراضها و مشوا حق بيت عمتها ...

و يوم قربوا للبيت رفعت عيونها ...و شافته !!!

و شافت حنين يالسة على كرسي عداله بس بعيد شوي .. والعايلة قاعدة في حوش البيت مالهم

تماسكت ,,و خذت نفس عميق و راحت تسلم عليهم ..

سلمت على الكل ووصلت لعنده (أسلم ولا لأ ؟؟ بس عيب .. وما أبي احد يحس انه في شي ..)

و قربت شوي و قالت : مرحبــــــــا ..

ما رد .. وكان لاف ويهه بس مبين انه سمع !!!

ردت وقالت : مرحبــــــا ؟؟

أحمد: اهلين ...شخبارك ؟؟

نورة : بخير ..وانت ؟؟

أحمد: بخير .. الحمدلله على السلامة ..

نورة : الله يسلمك ..

و راحت بعيد شوي ..

تمت تسولف مع وحدة تصير لهم من بعيد شوي ...

حز في خاطرها اللي صار ,,, ليش الفشلة ؟؟ بس لامت عمرها واايد كان لازم تحقره ولا تسلم عليه ..

حست بشي غريب .. حنين متضايقة منها ..مع انها ما سوت شي ..و طبعا نورة ما يهمها كلام أحد دامنها مب غلطانه ....

و طلعت فوق للبيت ...

:::::::::

طلعوا البلكونه هي وعمتها والكل ..و ياه أبوها واعمامها و تموا يسولوفن و يضحكوون ..و ياكلون ايس كريم والجو نوعا ما بااااارد ..

و نورة كل شوي تضحك على أعمامها و أبوها والمزح و المصخرة ...

لين مرة قال عمها نكته وهي مااتت من الضحك ..و حطت صحنها على طرف البكلونه و تمت تضحك تضحك لين ما قالت بس ...

بعد شوي سمعت صوت فوقها ..رفعت راسها لقت أحمد وحنين بروحهم فوق و يطالعونها ..استحت و دخلت داخل شوي بحيث انه ما يشوفونها ...

تمت قاعدة مب على طبيعتها ...كانت مقهورة من اللي يصير ...حنين ما فيها ولا شي أزيد عن نورة ...أصلا ما شي وجه مقااارنة ...هذي السما وهذيك الأرض !!!

تمت عنود تحكيلها عن عرس ولد عمتها الثاني وانه كان حلو و قالتلها انه كيف أحمد كان يدور حق محل ورد عشان اييب وردة لحنين و عطاها اياها في العرس و جيه ..فسألتها شو كانت لابسة و هالشياء ..

نورة :رقصتي انتي وياها ؟؟

عنود: لا امها ما ترضى ...

نورة : ترضى تيلس وياه بروحهم و يطلعون فوق بس ما ترضى انه ترقص وياج....غريبة !!!!

يت عمتها فجأةو قالت : انا بروح ويا قمووورة على الدكتور اوكي ؟؟

نورة : سلامتج قموووور ..

عنود: نحن اهني مامي اوكي

عمتها : اوكي ..بااي

نورة : بااي ..

و طلعوا البلكونه اشوي ..و لقوا سارووه يالسة بروحها تحت ..

نورة : ساروونه ..تعالي يلسي ويانا

سارة : اوكي

عنود: و ييبي حنين وياج

شوي ولا سارة عندهم ..كانت بروحها ..طلعوا ييلسون برع و الجو كان رووعه وأصوات وناس و هم يمزحون و ينكتووووووون .. بعد شوي سألت نورة : وين حنين ؟؟

سارة : طلعت مع أحمد ..

نورة : اهاا ..يالله يوم اتيي بنقولها تطلع فوق عندنا ..(تسوي عمرها عادي وياها بس هي مب طايقتها )

و تموا كل اليلسة ضحك و مزح و فجأة رن الجرس ...

راحت العنود تفتح و يت ومعاها حنين ..

نورة كانت تضحك و مرة وحدة سكتت !!!

كانت تتضايق يوم تيلس معها فمكان واحد بس ما تدري ليش .. ما تدانيها خير شر !!

من يت وهي واقفة بس تطالع احمد وتأشرله و أحمد ياه و احمد راح و ما أدري شو قال و شو سوى نورة خلاص بتنفجر يعني ما بقى موضوع غيره ؟؟

نزلت شوي و ردت طلعت وهي مادة بوزها مترين ...نورة ما عطتها فيس بس تمت يالسة ومستانسة ..

عنود: شو فيج حنوون ؟؟

حنين : امي اخذت التلفون مني ..كيف بكلم احمد و أقوله لا يتصل الحين ؟؟؟

نورة : لو تبين اخذي فوني ..

حنين : لاا شكرا ..بنزل و بخليها ترجعه بالغصب ....

وراحت و خذت فونها ...

حنين : شفتوا ..يا أنا يا هي اللي نمشي كلامنا ...

و مدت راسها تشوف أحمد ..و هو طالعها ..

حنين : البارحة وحدة قالتله تعال تغدى عندي ...و رفض !! أنا قلتله بالله عليك رووووح !!!!

و ضحكت ....

نورة دخلت داخل لأنه مب قادرة تستحمل خلاص ......

روحوا الثنتين و دخلت عنود حق نورة و لقتها تصيح ...

عنوود: نواري شو فيج حبيبتي ؟؟

نورة : ماشي .. بس تعبانه شوي ..

وراحت الحمام وهي تبكي على حظها ....حظها النحس اللي خلاها اتيي هني ....

مسحت دموعها و لبست ثيابها وراحت حق العنود : عنوودي يالله لبسي بنروح نتمشى ..

عنود: دقايق واجهز ...

و طلعوا يتمشون مع عمها ..و هي شايفتهم فوق ...بروحهم ..

مشت ..هم يسولفون و هي مب وياهم أبدا ..

( ما يحق لي اغار .. انا طول عمري عقلانية و ما يصير اتصرف هالشكل !! خلاص قررت أتماسك وأنساه ....)

ردوا البيت و دخلوا يرقدون لانها فعلا تعبانه .. وما شي مكان يسهرون فيه الا على البلكونه و ما تبي تشوفه ..

//\\

ثاني يوم قاموا متاخرين ...و عمتها مصرة انهم يقومون ..نورة استغربت من هالشي ..

راحت تشوف شو السالفة ..

نورة : عمتي شفيج شصاير ؟؟

عمتها : سارة وحنين بيردون بيتهم اليوم (هم ساكنين في منطقة بعيدة شوي ) و سارة تبي تودعج ..

نورة : فديت روحها والله ..يالله بخليها تطلع لي

طلعت لهم سارة وودعتها..الله يعلم متى بتشوفهامرة ثانية ...وراحت حق عنود وودعتها و هي في السرير ..<<< بعدها راقدة خخخخخخخخخ

و طلعت نورة برع تشوفهم و هم سايرين ..لقت احمد رايح وياهم .. انصدمت ..ماكانت تدري

بس تذكرت هي شو وعدت نفسها ... طالعته بنظرة أخيرة ودشت داخل

......

بنفس اليوم كانت قاعدة على النت و شابكين مسن الثنتين .. و عنود كانت تكلم أحمد و نورة يالسة بس ..

بعد شوي هو طلع و ه عنود راحت تشوف تلفزيون و نورة قعدت مكانها ..

و شوي الا لقت حد يرمسها و يقول : للحين بعدك هنا يالدبة ؟؟

فتحت المحادثة ولقته أحمد ..

ردت عليه و قالت : أنا نورة ..الحين انادي العنود