رواية بلا رقيب -84
عساف:انا مريض وجيعان واكلت علاجي بدون اكل وهذا اثر علي يالله قومي بواجباتك
ضحى :اللحين من سنتين متفارقين وهذا اللي قدرت عليه مرجعني عشان اكون ممرضه لك ...
والله هذا جزاي يوم كان يعاملني بحنيه ويدلعني كنت بس معصبه عليه ومتنرفزه
واللحين الرجال تحول لجليد مشاعر وانا ادور عنده رومانسيه امحق ..
انقهرت يوم ضحك اوووف رجع عساف ثقيل دم
عساف:والله من اللي انا فيه ماني مركز اصلاً ماني واثق اللي يصير اللحيــــــن صدق ولا أحلم
يوم قالها ماحسيت بنفسي الا احضنه كانت مشاعر متضاربه من عطف وشوق وحـــــب
ماتوقعت ابداً بشوف عساف بموقف زي هذا ..
كان ضايع وتعبان وحسيت حاله حال طفـــل تايه ...
غمضت عــــيوني معقوله بكل سهوله بعد كل هالصبر والفراق
تنحل الأمــــــور بكلمتيــــــن ...تذكرت لما ضعـفت وترجيته نرجع لبعض
ورفض بحجة انه مايبغى يستغل ضعفــــــي ..معقوله انا اللحين جالسه استغل ضعفه ...
هو قالها مو واثق اللي يصير صدق او حلـــــم !!!
بس انا هذا اللي ابغاه وماعندي مانع استغـــــل ضعــفه بسبيل اني استرجعه ...
الفرص ماتجي للأنسان الا مـــره من سنتين وحنا متفارقين لو ماستغليت الفرصه
هذي يمكن ماتجيني فرصه ثانيه الا بعد فتره طويله وعساف راسه يابــــس
وجامد على رأيه لكن بضعفه اللحيــن نسى كل شي ...
اكيد بيندم ويمكــن يحسسني اني ضغطت عليـــــــه لاجل ينتقم لكرامتـــــه
بس لازم اتحمــل عشاني وعشـانه ...
الفصل الأخيــــــــــر
بعد مرور ست سنــــــوات
وعد
ياااي ياربي ماصدق اللي يطلبونه مني الهيلقيات ذولي
انا ألبس فستان بالشكل هذا ليه قرويه معفنه عايشه بزمن القراوهـ ...
وعد:شقول ياربي شقول قرويات ذوقكم معفــن ..سارا ملاك تفضلوا برى لاتقرفوني زياده وشيلوا فستانكم
الخايس معاكم لأن كبدي من شوفته بس تقلب علي ....
قلتهااا وانا انزل مبرد الأظافر من يدي واشرلهم على البــــــاب ...
ملاك :هي انتي قسم اوطاك لاتكلميني بالطريقه هذيلأقصصك الف قطعه ووزعك على زبايل المملكه ...
وعد:يمه خفت تصدقين ماراح انام الليله ...ياختي فارقي بلاهم ...
سارا:اللحين انا اللي فاقعن مرارتي على ايش شوفت النفس هذي مطلقه وقزمه وتجيبين الهــم ...
وعد :بغيت اضحك بس مامعي رصيد ضحكات ولاا تبرعت لك تفضلوا برى بليز خربتوا جوي
وفستانكم خذوه معكم ياااي عليه ريحه تذكرني بريحة غرفتي اللي اخذتها بعد جدتي ...
حسيتهم خلاص بيموتون حره ..قلعتهم القرويااات ولا أنا البس بزواجي الفستان هذا
ناقصه ذوقهم القروي أنا قلت لهم لاتحشـــــرون انفسكم بأموري مايفهمووون ..
الغبيه ملاك مصدقه عشان عطيتهااا امور اموالي يعني حتى اموري الشخصيه تتحكم فيها ...!!
رفعت عيني لصورتي وصـــورة منيــر بملكتنا كنت معلقتها فوق سريري ...
احيان احس اني تسرعت بموافقتي على الزواج من منيــــــــــر قبل اربع سنــــوات ...
بس خواتي اقنعوني ان منير اكثر شخص ممكن اثق فيه انه تزوجني عشاني مو عشان فلوســي ...
وقيس التبن ماعطاني فرصه اكرهه تدخله بحياتي وحياة ملاك وكأنه وصي عليـــــنا والمشكله
تزوجت منير وتدبست فيه اكثـــر ..لأن منير قدام قيس ولاشـــي
ودايم نتهاوش بسببه ...قال ايش اخوي الكبير ومربيني ...
اووووف منه بــــــس .... من يومه منكــــد علـي الغبــــي ....
مادري احب منير او تعودت عليه بــــــس اكثر شي يشفع له عندي مظهــره
لأنه لماكبر طلع وسيم بشكل ماتوقعتــــــه وجسمه واااااو بس عقلــه معقد نفس تفكير قيــــس ...
تمنيته فري اكثــر عشان نقدر نعيش صح .. بس اذا سافرنا برى نكمل دراستنا كل شي بيتغيــــــر على ايدي
بس نبتعد عن قيس الغبي ....
اوووووووف انا اللحين مو بكل هذا بفستاني الغبي معقــوله مايوصل بموعده ..!!!
واضطر ألبس الفستان الغبي اللي اختاروه لي سارا وملاك
لامستحيل قروي اموت ولاألبسه ...
دق جوالي بنغمة منيـر
اوووف وش يبغى هذا متصل مو أمس زعلان وقفل بوجهي ...
وعد:هلا ميمي ..؟!!!
منيــــر :بلاميمي بلا بطيـــــخ الحفله اللي بتســوينهااا بفندق الـ......ألغيهااا لأخليها حفلة طلاقك ...
ياربي يلع** جد يقلعه اشدراه اني بسوي حفلة وداع عزوبيه ...
وعد :ميمي حبيبي اسمع حرام عليك تكلفت عليها
قاطعني
منير:لو مكلفتك مال قارون بتلغينها يعني بتلغينا او سويها وبتصــير اخر مابيني وبينك ...
قلت له بدلع
وعد :بكل سهوووله كذا يعني فررراقي سهــــــل عليك ..
كانت لهجتي هذي تأثر عليه بس اللحين ماعاد يهتم
منيــــر :كلامي واضح والله اللي رفع سبع لو سمعت انك طالع من البيت ذيك الليله قسم
ليكون اخر مابيني وبينك ...
تنرفزت حدي وش يعني والحلفه اللي سويت والبطاقات اللي وزعتهاااا والتجهيزات ...
وعد :حبيبي ميمي اسمعني ارجوك ياروحي لاتسوي فيني كذا ترضا يعني بعد ماوزعت البطاقات والناس عرفت
الغيها كيف يعني ..بعدين انت وش اعتراضك عليها والله الحفله بريئه
منيـــــر:اعتراضي ان مالها داعي من اصله اللي والفلوس اللي بترمينهااا فيها روحي حطيها بمشروع خيري انفعلك ...
اوف اوف اوف اعرف انه يغار من فلوسي ويبغاني اتخلص منهاااا ....
وعد:اصلاً انت ماتحبني لو تحبني ماسويت فيني كذا دايم تحب تفشلني ...
منيــــر:خلاص وعد خصلنا من هالموضوع انا دايخ وتعبااان من سبع ساعاات ماجلست
من مكان لمكان اشوف تجهيزات ...
تاففت بملل اللحين بيجلس يقرفني بسويت وفعلت
وعد:طيب روح نام
منيــر :تصبحين على خير ياقلبي
وعد:تلاقي خير
جيت بقفل بس حسيت لسى على الخط وفعلاً ثانيه وناداني
منيــــــر:وعد ...
وعد:هلا..
منيـــر :احبـــــــــــــــك ..
منيـــــر
قفل من وعــــد ولف على التوأم اللي اقرفوه بعيشته ...
منير:خير انتم وبعدين معاكم ماعندكم اهل انتم قالبين غرفتي ملعب لكم ....
كانوا قاهريني موت لأنه خربوا عليها اللحظه الرومانسيـــه اللي من اسابيع فاقدها بسبب الهوشات اللي
ماتنتهي بينه وبيـن وعد ..
سمر :انت ليش تكرهنااا
منير:ياروح امك انتي وليش احبكم اصلاً برى يالله لا بالحزام هذا على ظهوركن ..
ملاك:متوحش
منير:بشري خالتك ...
ملاك:اصلاً كلكم تغارووووون من خالتي ملاك ...
سحبتهم مع فنايلهم ورميتهن برى ياذا البنات عله قسم ياحليل عيال جابر مالهم حس مو الشرانيات ذي
ماسويت خير ياقيس يوم تزوجت سارا تجمعت القوه المتحده لشرور الحاره ...
رجعت لغرفتي اللي مقلوبه من الأغراض وشنط على قولة فادي غرفة عروس مو عريس ...
بس وش فهم الضب بالسنع ...
رجعت لوعد ... اللي مشكلتي معها بالفلوس اللي ورثتهاااا من الكلـ** الشايب ...استغفرالله
لو ماتزوجهااا ماصار كل هذا ... مابغى تصرف بطريقه هذي وكأنها مالكه الدنيا ابغاها تنسى الفلوس
اللي عندها وماتتصرف فيهااا خلاص مابغاه تصرف ولاتستفيد منهااا بس هي ماتفهــم
انقهر احتـــرق لو صرفت منهن رياااال ... احس بقهر ان الفلوس هذي اخذتها لزواجها من شخص
ثاني لو كان على الورق ....
قيس يقولي مافيها شي الفلوس موجوده لسعادة الناس مو لتعاستهم
بس هو مو بمكاااني انا عارف هو بس بيهون علي لأنه عارف ان وعــد عنيـده
وبتسـوي اللي تبغى بس مو رجال لو مامشيت كلمتــــــي انا عليهااااا ...
خلاص اللحين وقت النـــــوم ...
.
.
.
بنفس البيت وقريب جداً من غرفة منيــر
ملاك وسمـر جالسين بكل اريحية على السيراميك البارد
سمر :انتي خطتك غبيه مثل مخك الغبي
وهي تضغط بقول على كرة السله اللي تحت يدها
ملاك :اللحين ليش كل هالتهجم قولي ان الفكره ماعجبتك وروقينا
سمر:لأنك تقهرين وانا احب اقول رايي الواضح وبعدين لاتكلمين كانك ولد ..!
ملاك :طيب اوف اللحين وش بنســوي لأحمد الغلس لازم نرد له الصاع صاعين اهااان مكانتنا
وسط الحاره ..
سمر :طيب لاتصارخين لو دخل ابوي او امي بالغلط وسمعوا طاري حاره لعنوناااا
ملاك :اسمعي انا قلت فكرتي وماعجبتك انتي قولي فكرتك ..؟!!1
سمر :اسمعي فيه خطه اليمه بس يعني باقي عليها شوي
ملاك:طيب قولي البدايه
سمر:اسمعي اللحين بيت جدتي مقفله ويخرع وانواع الرعب صح
ملاك:يعني يخوف بالليل بس
سمر:طيب وش رايك نلعب على حمود ونجيبه للبيت ونقفل عليه بوحده من الغرف ...؟!!!
ملاك:فكرررره بس كيف بندخل
سمر:من مفتاح ماما ..والغرف داخل كل وحده فيها قفلها بس بنختار وقت كويس ...
ملاك:اللحين ماما بتجي بكره بنروح بيت خالاتي خلينا نأجلها بعد الزواج..
سمر:لااامافيني اصبر ...!
ملاك:غبيه اللحين بياذن المغرب مامعنا وقت ..
سمر:مين قال قومي يالله انتي روحي ناديه هو يرتاح معك اكثر ...وانا بجيب المفتاح ..
انطلقت سمر للمكان اللي متاكد ان المفتاح فيه وملاك حيرانه ماهي عارفه كيف بتقنعه ...
بعد ربع ساعه رجعن للبيت وهن بقمة الأنبساط لأنهن قدرن يلعبن على احمد حفيد ام خالد من ولدها خالد واللي يكبرهن بسنه وسجننه بغرفة السطوح اللي ببيت جدتهن ...
ملاك :لو يتقطع صوته من صراخ محد سامعه ...
سمر:يستاهل من يحط راسه براسنااا يطلع خسـران ...
اسماعيل كان راجع من برى اول مادخل مع باب الشارع شمر عن اكمامه عشان يوضي بحمام الملحق ويلحق أمامةالمصلين لصلاة المغرب اللي قريب بيرفع اذانها...
وبصدفه كانوا ملاك وسمر يتباهون بمغامرتهم ...
حس ضغطه يرتفع من الكلام اللي يسمعه بنات اخـــــوه مصايب دايم مسببات لهم الفضايح بالحاره لو هم عيال ماسوو كل هذا ...
سحب المنديل وجفف يدينه ووجهه وطلع لهن ...
سمر :جاء المطوع ...
ملاك:تحسين لحيته طالت زياده ...
اسماعيل :كيفكم بنات ..؟!!!
سمر :حلوات
ملاك:جميلات
اسماعيل :بدون لف ودوران وش مسويات ومن اللي لو يتقطع صوته من الصراخ محد سامعه..!!!
ملاك وسمر طالعوا بعض بقهــــر
شلع قلوبهن اسماعيل بصرخه خلتهن يكبن كل اللي عندهــــن ..!!!
هو حس راسه بيشيب من سواياهن قالهن يروحن يفتحن له قبل مايرجع من الصلاه ولاهو بنفسه بيحبسهن هناك ...
انقهرن على فشل مخططهن بس قالن القادم اجمل ...
.
.
دخل بعد صلاة المغرب بيأخذ البنات لأمهم ...
اول مادخل الصالة سمع ضجتهم طالعه من غرفة التلفزيون ...
وصوت سمر تردد :وووالله اكووون عاقله بس نجي عندك ماما ....
فهم انها تكلم سارا ..يضحكه أسلوبها مع بناااتها شاده عليهم بقوه والمشكله أنهم طالعين عليهــا
بس على أقوى وهي توصف نفسها قدامهم بالعاقله الرزينه يوم كانت بسنهـــم ...
المشكله ماتدري انه فاضحها عند البنات بزلة لسانه ..بس غصب عنه لأنه يشوف تصرفات منهـم تذكره بطفولة سارا ...
تنحنح قبل مايدخل عليهم عشان يحترمونه ومايكون دخولهم عليهم شي عادي ...
صرخت بابا صكت اذانيه وكأنهم سنه عنه مو كم ساعه ...
سمر& ملاك:بااااااااابااااااااااا
امسكوا بيديها كل من جهه تسحبه ينزل راسه بتسلم عليه ...
سمر :بابا جييييييييييييت
ملاك:نرووووووووح عند ماما
قيس :خلاص بنات اعقلوا مو صغار انتم وين هيثم ..!!
سمر:وينه يعني دلوع ماما اكيد مع امه ...
قيس :هو دلوع ماما وانتم دلوعين بابا ...لاتغارون ...جاهزين نمشي ..
ملاك :لاااا شنووو جاهزين يؤؤؤ تصور نروح كذا واكيد خلوف بيجي اتصور يشوفني بلبس هذا ...
مسك مع اذنها قبل ماتحرك تطلع من الغرفه
قيس:وانتي وش دخلك بخلوف ماني قايلك الف مره ولد الناس مالك شغل فيه ...
سمر :بابا احنا مالنا شغل فيه هو اللي يرز نفسه معانا وهو محمد بس يعلقون علي انا وملاك عشانا احنا البنات الوحيدين
يعع لبسهم مو حلو يعع شعرهم ماسووه زين ...اووووووف من عيال اليوم كل شي يعرفونه بخصوصيات البنات ...
قيس ماسك ضحكته :طيب خلاص روحوا غيروا لبسكم وسوو اكششكم عشان العيال مايضحكون عليكن بناتي بسرررعه ..
اول ماطلعن افرج عن ضحكته ...جلس يهتز فتره طويله من اثر الضحك وكل ماحاول يسكت
تذكر سمر وهي تقول : اووووووف من عيال اليوم كل شي يعرفونه بخصوصيات البنات..
وتذكر وعد سبحان الله كيف تشبه اسلوبهاااا ...
تنهد وهو يحمد ربه على هالنعمه بنتين وولد من اروع مايكون ...يمكن عشانهم عياله يشوفهم كذا
بس هو متأكد ان عياله مميزين ..ذكاء وخلقه حسنه وفاهمين الحياة صح ..وبيربيهم حتى يكونوا من افضل مايكون ...
وسارا ماتقصر تحاول قدر الأمكان تربيهم التربيه صح وبنات اللي صعبات وتفكيرهم اكبر من سنهم شديده معاهم
وقادره تمشيهم على الطريق الصح ...
ماتوقع بيوم ان سارا بتكون بالتفكير هذا .... تغيرت كثير او بالأحرى انقلبت من حال لحال فرق بين زواجهم قبل تسع سنوات واليوم كل شي تغير ..لدرجة انه مايتصورها بيوم من الأيام ساذجه وطفوليه مثل ماهي موجوده بذكرياته ..
لا طفوليه احيان كثيره تصير مواقف بينهم تبين له انها مافقدت هالصفه فيها بس مستحيل تكون قدام بناتها عشان ماتطيح من عينهم .. تغيرها بتدريج كان تنضج فيه وتبتعد عن السذاجه للعقــل ..ويمكن لأنها فقدت التوجيه بصغرهااا
وعاشت بدون أم كانت حريصه انها تنضج وتكون ام بتفكير وعقلية الأم المدرسه مثل ماتسمي نفسهاااا ...
كان عندها ارادة كبيـــــره انها تغير من نفسها عشان تربي عيالها صح ....
وكل شي افتقدته بصغرها ماحرمت عيالها ابدن منه حتى الشده والحزم اللي كانت تفتقدها بصغرها طبقتها غصب على عيالهااا ...
ماكان حاس بنفسه انه ابحر بذكرياته لين حس بثقلين يرتمون عليه ...
سمر :بابا بايش تفكر ناديناك الف مره
ملاك :تفكر بهيثم صح ..!!!
ياذا الهيثم اللي حارق دمهااا
قيس:لا خطأ مافكر بهيثم افكر بسويره ..
سمر:بقول لماما قلت عنها سويره عشان تعصـب ..
قيس :قولي انتي الخسرانه مافيه سفره معانا اجلس مع خالتك ملاك ...
سمر:وشو لاا لو اموت مابقى عند خاله ملاك وانتم تسافرون....
ملاك:طيب خلاص انتي بس تنكدين علينا يالله بابا تأخرنا اللحين حيأذن العشاء وتروح تصلي ...
صفق بيديه وقال
قيس:يالله بسرعه تحركوا على السياره ...
تقابل مع اسماعيل عند سيارته .. وتذكر الموضوع اللي له شهور وهو بجدل مع اسماعيل عشانه
يبغاه يتزوج من ملاك بس اسماعيل رافض الفكره لعدة أسباب تضليلية منها ان شخصية ملاك القويه
واللي تقلد فيها الرجال ماتعجبه ...رغم انه يعرف زين من كانت ملاك وانها مجرد بنت ضعيفه
وقوتها هذي مظهر خارجي عشان المجال اللي تشتغل فيـــــه ...
كل هذي تضليل عشان يلغي سبب الأصلي لنفوره من الزواج...!!
واللي مو ملاك المقصود فيه لااا المقصود فيه ماضيه ..!!!
مايبغى يتزوج ويجيه عيال ويقولوا ان ابوكم كان ارهابي
طبعاً هذي الفكره اللي طالعه عن ماضي اسماعيل اللي انسجن بسبب افعال طيش شباب وجهل بالدين
اهم شي انه مارتكب شي مخــــــزي واصلاً ماطول بالسجن كلها سنه وطلع لأنه بريئ بس الناس
وش يفهمهم ولاا كايد الله يرحمه اللي ميت من عشر سنين للحين مارحمــــوه من كلامهــم ... وبيتهم يسمى بيت السكران
.
.
.
سـارا
من بعد الظهر وانا ببيت خواتي وتاركه البنات مادري عنهم عندي احساس انهم مسويات مصيبه
اتصلت على قيس بسألهم عنهم
سارا:هلا حبيبي وينك بالبيت ....؟..يوه تكفى روح شف البنات قلبي قارصني احسهم مسويااات مصيبه ...
قيس عن الخبال أي جده هي صاحيه بنفسهااا عشان تدري عنهم مر عليهم بالبيت وهاتهم لي ...ولابرسل لهم الســـواق ...
قفلت من قيس بعد ماوعدني يجيبهم لـــــي ...
وارتخيت بجلستي وانا اشوف ملاك من بعيد بمكتبهااا تكلم بالجوال ومره بتلفــــون ..
ياه من تدخل مكتبها تحول لشخص ثاني سيدة اعمال بحق وحقيقه ...
ماتصوري نفسي ابدن بمكانها مسئوله عن اموال واسوي مشاريع
من ورثت وعد زوجها اللي كان ابخل من البخل وطلع عنده اموال مكوده غير الأراضي والأملاك
اللي كانت كلها لغرض التجاره ماتمتع ابد فيها بحياته وكلها ورثتها البزره وعـــــد ...لأن ماكان له أي وريث ولاحتى اخوان ...تولت ملاك مسئولية وعد بعد مالكل شال يده من ازواج خواتها ومن خواتها انفسهن
وانا وقيس اول من شلنا ايدينا عشان ماندخل انفسنا بالمشاكل
ملاك كانت قدهااا توقعنا كلنا انها بتلعب بالفلوس وتضيعهــــا ...بس صار العكس حافظت عليها وزادت حسب مقدرتهااا
ومرت بصعوباااات كثيرررره بس ربي بالأخير وفقهاااا ...
بس الشغل غير فيها كثيــــر من شعرها اللي دايم بوي ولبسهااا العملي جداً
وكانه استرجلت ....اتمنى تترك امور المشاريع الخياليه اللي براسها وتتزوج قبل مايروح عليها الوقت
لأن جاها كذا خطيب من دخلت هالمجال بس اغلبهم متزوجين وكبار بالسن
بس ولو كويسين مو كخه ...لكن من يقنع ملاك اللي شايله الزواج كليـــــاً من راسها
انا ليل نهــار ادعـي لهااا بتوفيق والزواج بس شكله مو مكتــوب لهااا ...
قمت من مكاني بشوف هنـد اللي ماطلعت من غرفتهااا من كم يوم ...
البنت هذي ماتعرف تخفــــــي مشاعرها لازم توضح للكل غيرتها وحسدها لوعد ..
دخلت عليها باستغراب كيف بابها مفتوح قفلت اللاب توب بعصبيه واضحه
وسوت نفسها هاديه
هند :خيرر
قلت لها وانا اجلس قريب منها على الكنبه
سارا:الخير بوجهك .. كلهم مشغولين قلت اجي اجلس معك ...
هند :اووووه سارا انا مشغوله و..
قاطعتها قبل ماتكمل ..حتى ماتحس اني ماتحامل عليها
سارا:انا عارفه انك مشغوله والله يعينك بس يالله خلي الشغل ينتظر شوي على جنب وخلينا نسولف ..
هند :ماعندي شي اسولف فيه ..
سارا:هند حالك مضايقنا كلناااا..
ياربي لتني ماقلت الكلمه قامت معصبه من مكاااانها
هند:آآآآه اكيد انا لازم اراعي شعــوركم وماضايقكم ولو على حساب اني انا اللي اتضايق مو عماتي انتم ...
سارا:هنننند وش عماتك هذي!!!!!
هند:ايه عماتي ملاك ووعد مالازم اضايقهن واداري خواطرهن مو هن اللي ضافاتني ببيتهن ويصرفني علي من فلوسهن..
سارا:ماحد قال كذا ولاأحد عم احد ضحى طول عمرها كانت تصرف علينا ماقلنا هالكلام عنهاااا...
هند :ياليتني عند ضحى كان ارتحت ... انا ماني قادره اتحمل حسي فينـــــــي خمس سنين وانا جالسه بالبيت هذا مجبره
احس نفسي اختنق كل يوم كل ساعه ..ماني متحمله وضع ان وعد هي اللي تصرف علي ...
سارا:طيب وش فيها لو انتي اللي ورثتي وعندك فلوس مابتساعدينها وتصرفين عليها ..
تأففت بوجهي
هند:اووووف انتي عمرك ماراح تفهميــــــــن ....
سارا:وش اللي ماني فاهمه دايم هالكلمه تقولينها طيب انا غبيه اسمحيلي ماقدرت اقرأ اللي ورى كلامك
اشرحيلي انتي وفهمينــــــــــي ...
هند:اشرحلك طيب اشرحلــــك من عيوني الوضع ببساطــــــه انا ماملك من امري شي ..لاعندي شهــاده
ولاورثت ولاعنـدي امل اتوظف ..ولاحتى تزوجـــت ..بالمقابل وعد من عمرها 14 سنه وهي وارثه ملايين وقبل ماتخرج من الثانوي وهي مخطوبه وعايشه حياتها بالعرض والطول هي وخطيبها تخرجت من الثانوي وتملكت واربع مادري خمس سنوات وهم مايتفارقون وكل صيف مسافره معه ...لا تهزين راسك بـ لااا هذا اللي يحصل رغم محاولات تغطيتكم مسافرين سوى بس بالأصل وعد ماهي معنا مع خطيبها الأفندي ...خلينا من سالفة خطبتها وزواجها شوفي دراستها كملتهااا حتى وصلت البكالريوس وبتسافر تكمل الماجستير هي وزوجها...
واناااا مكانك سر ثانوي ماقدرت اطلع منهااا خطيب بالخطأ ماجالي ...
جيت اتكلم بس قاطعتني
هند :لاتقاطعيني رجاء مو انتي اللي طالبه اشرحلك طيب بشرحلك .. انا ماقدر انام الليل من الحسد
اللي احسه اتجاه وعد غصب عني اتمنى يكون كل هذا حلم ...ووعد لاورثت ولاتزوجت ولاشـــــــي ...ومو بس وعد اللي مبسوطه حياتها كلكم عايشين حياتكم بطول والعرض
حتى شوق اللي تطلقت لقت لنفسها وظيفه حتى لو تطوعيه بس لاقيه نفسها فيها ...بس انا ويني انا مو عايشه
تمر علي سنوات مو أيام وانا ماسويت بحياتي شــــــــي ...
ماتفاجئت بكم الحسد والغيره اللي شايلتها هنــــد داخلهاااا بس ماتوقعتها تفجرها بالطريقه هذي ...
سارا:هنـد اكبر خطأ ترتكبينه الحســــد وحسد على ايش على أمـــور دنيــا ليتك حسدتي
على شي يستاهـــــــــل على دين ولاتطـــوع ...
انتي تدرين ان الحسد مذموم والأنسان الحسود ماتحبه الناس كيف اذا كان حسدك على مين على خـــواتك ماراح اقول اللي شايلينك وانتي عايشه بعزهم بس بقولك خواتك
اللي يخافون عليك كثر ماايخافون على أنفسهــــــم اللي يسهرون عليك لمرضتـــــي ويشيلون همك لتضايقتـــي ...
هند:رجاء لاتعطينــــي محاضره من محاضراتك بالحياة انا مو وحده من بنااااتك ...شوفي سارا مو لأنك طيبه المفروض
اكون انا مثلك ..والطيبه والخير مو ثوب ألبسه متى مابغيت .. والحسد هذا مو انا اللي سعيت له
هذا الوضع اللي لقيت نفسي فيـــــــه .. يعني وش ذنبي اكون فاشله وكل اللي حولي ناجحين انا عمري مأخطأت من كنت صغيــــــره وانتم سويتوا بلاوي بالأخير انتم تعيشون حياتكم وانا امـــــوووت قهــر وحسد ماني قادره اتقدم خطوه بحيـاتي ...
سارا:هند انتي تسمعين نفسك وش تقولين هذا يسمى اعتراض على القدر ....اذكري الله واسمعينــــــي ...
هند :لا اله الا الله ومابغى اسمع منك شي ...سارا لو تكلمتي من اليوم لبكره ماراح يتغـــــير شـي من حياتي
اذا كان عندك حل يغير حياتي بسمعك لو بتكلمين لين بكره لكن بتفلسفين علي وتستعرضين خبرتك بالحياة وكم المعلومات اللي اكتسبتيها من دورات التربيه لا مو علي حبيبتي ...
انقهرت من اصرارها على عدم سماعي وتكبرهااااا على النعمه اللي عايشة فيــها بس قلت غصب عنها الكلام اللي عندي
حتى لو مافيه قلب يتلاقاه ..
سارا:الله يشفيك هذا اللي اقدر اقوله ...وش فيك اصلاً عشان كل هالمأساه عايشه حياتك وش زينهاااا بنعمه لجعتي لقيتي
انواع النعــــم ولمرضتي رحتي اغلى المستشفيــــات ...وكل اجازه تسافرين .... شوفي كيف كنتي عايشيه واللحين كيف عايشـــــــــه .. النعمه اللي انتي عايشه فيها خلتك تبطرين وتحســــدين وشيطانك يمشيك ...
لاتنسين وش كنتي يابنت مبارك ياخوي ربي يعاقبك بعيشة اسؤ من عيشتنا قبــــــــــل ...
طلعت وصدري ضايق مايكدر علي حياتي غيرهااا ...
عمرها ماعرفت شي اسمه رضا بالقدر ..من كانت صغيره وحنا نتحمل عنها المصايب لضعفهااا ....
هي اكثر وحده المفروض تكون مرتاحه بحياتهااا ...!!
اجل شوق وش تقـــــــول اللي تملكت بعد باسبوع تطلقـــت وتشوهت سمعها عشان واحد حقــــير
والله يسامحك ياشهــــــد ...
طلعت بالبلكونه وشفت بناتي اللعبات يلعبن بالحديقة ولامر يسلمن علي ... بنات اخر زمن ...
تسندت على حافة الدربزين ...
وتذكرت قبل سنوات ... كيف جاء خطيب لشــــــوق يصير ولد عم زوج شهــد طبعاً ببركات شهد ..
تحسب نفسها بتســــــــوي خـير.. كل اللي صار بغضون شهــر خطبـوا سأل قيس عنه طلع ولد ناس ومحتـرم ..
على حسب مقاييس الأحترام وقتهااا ...وكلها اسبوعين الا مملكـــــين وبعدها اسبوع مادري وش قاله زوج شهــد
لأنه وقتها مسك على شهد شي مادري وش مهببه ووسوس لولد عمه وعلى راسه لين الحقير طلق شوق ..واللي يقـهر ان شهد ماحاشها شي المصايب كلها طاحت على راس شوق ...وذيك للحيـــن مع زوجها وعندهم بنت وحده بس كان فيها
شي لأن زوجها دايم شاك فيها ومايخليها تجينا الا كم ساعه ولاعمره خلاها تبات ببيبت وحده مناااا ....
استغفرالله الله يهديها هي زوجهاااا ...هو الثاني ماهو مقصر وكل الناس عارفه ببلاويــــــه ...
كنت سارحه بأفكاري وماني حاسه بنفسي فزعت لماحسيت بيدين على خصري وكنت بصرخ
لفيت على قيس متنرفزه
سارا:ليش داخل مو شايف ..
حط يده على شفايفي وبلهجه تدوخ
قيس:اللحين انا جايك مشتاق وولهان وانتي كل تفكيرك وين دخلت وليش دخلت ..حرام عليك ماستاهل انا ...
ريحت راسي على كتفه وانا اضحك
سارا:لا لا سامحني ياوحشي ماتستاهل انت ...
ماحسيت الا باسنانه على خدي وخرت عنه بس كان ضامني بقوه
سارا:يانذل صدق وحشش ...
قيس :اكيد وحشك انا لازم اكون عند حسن ظنك ...
سارا:بايخ فكني بحط على خدي ثلج اكيد ورم ... ياربي منك كيف بحضر زواج وعد وخدي مشوه ...
مسكني مع وجهي
قيس:لااا ياحياتي ماتستاهلين لازم تحضرين وخدودك كلها مورمه ...
وماحسيت فيها الا هاجم بيعض خدي الثاني ...
بس رحمني دخول البنااات ...
ملاك:مااما وين الأولاد وخالتي ليش ماجوووووو
سارا:عمى بعينكم انتي وهي اللحين ابوكم يختفي خمس دقايق تجون له ركض وانا نص يوم ماشفتني نص بوسه ماجتني
...
قيس:ياذا الغيره من ابوهــــم انتي عندك ولدك دلوعك وذولي بناتي ...
سارا:والله حبيبي بتقسم عيالي صاحي انت ولا ظفر واحد منهم استغني عنه ماشتريتهم من الدكان انا
مادريت البنات قافزين علي بيحضنوني ولصقوني بالدربزين ..
ملاك& سمر:عاآآآآآآآآآآآشت ماما الديمقراطيه ...
مع اني مادري وش دخل الديمقراطيه بس نمشيهــــــا ..
سارا:خلاص بترموني من البلكونه واموت وتصيرما فيه ماما ولاديمقراطيـــــه ...اطلعوا غسلوا وبعدين تعشوا وناموا عشان بكره خالاتكم جايين ...
طلعوا البنات ..
قيس:انا بعد بروح الحق على عشاء الأستراحه لأن شكلك ماراح تعشيني ..
سارا:لاحبيبي ماراح اعشيك اخذه اجازه انااا ..روح للأستراحتك وربعك الهايتين ...
عبس بوجهه كانه زعلان ولف عني ..
قيس:شكراً على الطرده وخلينا نشوفكم ..
لحقته وقلت له بدلع وانا اشبك يدي بيده ..
سارا:وحنا بعد خلينا نشوفكم ...
حاول يقربني منه بس بعدت لأن قيس مايعطي مجال وياما وقعني بمواقف محرجه مع خواتي...
قيس:والله انتم بتوحشونا كثير رغم الطرده..
ياااه قدايش احبه اموت على كل شي فيه على كل كلمه يقولها وكل حرف
مثل ماتعودت كل ماجاني هالأحساس احب اوضحه ماحب اخبي مشاعري ...
سارا:أحبك ...
لمني بحضنه وهمس ..
قيس:مو قد حبي لك ..
ضحى
الباقي على زواج وعد يوم واحد كان المفروض من امس اكون مع خواتي
لكن عساف رفض الا قبل بيوم اروح لهم ...
وطبعاً مانقدر مانفذ أوامــــــره ..واليوم من الصباح مشيت لبيت اهلي واخذت كومة البزران ...
دخلت عليهم والكل نايم او بغرفته وصاحي مأدري بالبيت هذا مايعرف احد عن أحد شـــــــي ..
الله يرحم ايام لو همس احد باخر البيت اللي بالطرف الثاني يسمعه...
طلعت لوعد يااااه ماني مصدقه ان اصغرخواتي وعد الطفله بتتزوج رغم ان عقدها مكتوب من سنوات
ودايم القى نفسي ماني مصدقه ان وعد متزوجه ...
دخلت غرفتها وكانت نايمه اكيد مانامت الاقبل الفجر بساعات تركتها على نومتها وطلعت برتاح بغرفة الضيوف شوي
قبل الظهـــــر ...لكن صوت اياد وخلف اللي جاي من تحت لفت انتباهــــي ...
نزلت لهم معصــبه ..
ضحى :خير خير ماتخلوا احد يرتاح بتلعبون اطلعوا للحديقه الخلق نايمه ..انتم من تشوفون بعض
اصواتكم طالعه اخر الدنيا..
اياد:ماحبه بفقع عيونه الزرقاء بلعب قيم ونط لي مادري من وين ..؟!
ضحى :واحد قالك حبه انقلع عن وجهي يالله واذا شفتك ماد يدك على أحد رجعتك عند أبوك ...يالله تقلع روح عند
حمودي ..
مأدري وش فيه على خلف والله الولد مؤدب وش حليلة بس من يشوف اياد ينقلب هو الثاني
اياد :طيب ان شاءالله هو حمودي وانا ايادووه ..
سألت خلف ..
ضحى :من متى انتم هنا وينها امك ..
خلف :منذ الأمـــس ..نائمه ..
مأحبه لاتكلم فصحى مخربته أمـه ..هو بمجتمع المفروض يتكلم مثل باقي الناس ...
ضحى :تكلم عدل لاتلوي لسانك تقلد امك ..
خلف:حسناً سأفعـــل ..
ضحى :روح روح انت مافيك رجاء ولد مشاعل وخلف من وين بتعرف السنع ...
توقعته مثل اياد بيطير من وجهي بس هذا ثلجه طالع على امه ..
خلف :خالتي أريد أن اسألك ..
ضحى :شي بالرياضيات خله وقت ثاني شايفنا رايقين اللحين
خلف:كلا ليس عن الرياضيات ..
ضحى :اجل عن ايش
خلف:عنك انتي لماذا غاضبه طوال الوقت ...؟!!!
دزيته مع كتفه بشويش
ضحى :انقلع الحق اياد ولاتتركون بعض صفقوا بعض لين تشبعون بس حلو عن سمـــاي ...
خلف :سؤال اخر ..
ضحى :خليفان والله عطيتك وجه خلصني وش عندك
خلف:لماذا عندما تغضبني من والدتي تدعينها مشاعل ...
هذا وش اقوله امك عندها اسمين ...اخاف الولد شاك ان ريما ماهي امه ..
ضحى :يعني اللحين ماتدرين ان امك كان اسمها مشاعل وغيرته لريما
خلف:حقاً لم اكن اعلم ..
ضحى :واللحين دريت يالله وريني عرض اكتافك ..
ماصدقت ان خلف يتحرك من وجهي الا ميار جايتني تركض
ميار:مااما ابي فطور ماكلت على الفطور...
ضحى :ياربي منكم ياعيال عساف ماتشوفون الأكل الا ببيوت الناس روحي على المطبخ شوفي الخبله خليها تحط
لك أي بلعه ...
جاني صوت ملاك من وراي ..
ملاك :ياويلك من ربك حتى البريئه هذي صوتك طالع عليها ...
لفيت اسلم على ملاك اللي استغربت انها صحت بدري ..
ضحى :انتي وش صحاك
ملاك:بالي مشغول شوي تعالي نجلس بالحديقه ...
طلعنا للحديقة وحنا نمشي للجلسه اللي فيها اخذت نفس عميق من الهواء البارد
ضحى :اووووووه هذا الجو اللي يريح البال ...
ملاك :مررره حلو الجو اليوم ..
ضحى :وش اللي مشغل بالك ؟؟
ملاك :اوف من سارا قلبت لي مخي غصب تبغاني اخذ اسماعيل ...
ماعجبني اصرار سارا على الموضوع هذا بس ماهو منها قيس هو اللي يدزهااا
عشان يضمن لأخوه زوجة وفلوس ..
ضحى :تبغين الصراحه اسماعيل مايناسبك ابداً حتى مرتب ثابت ماعنده ... شوفي انا وعساف على انا مرتباتنا كويسه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك