رواية بلا رقيب -81
قيس :يعني الموضوع بسيط
دكتوره :بسيط ومو بسيط الموضوع كل بيدكم يبغى له صبر واستمرار بالمراجعه والعلاج وماتيأسو ...
استمر كلام دكتور فتره ..فهم بعضه والباقي ماقدر يفهمه لأنه مركز على وضع سارا
اول مره يشوفها بشحوب وصدمه هذي ...
ماكان واضح انهااا مهتمه بالموضوع ....معقوله تكون خايفه من الشي هذا واللحين تحقق ..؟!!
طلعوا من عند الدكتوره وسارا للحين ساكته ..
قيس :سوير مافيه رجعه للبيت بنتمشى
سارا:ابغى اروح عند خواتي
قيس :بالمشمش ..يالله بنروح نتمشى ونتسوق ...
سارا:مابي بروح عند خواتي وانت قرر من بتتزوج بسرعه وطلقني....
تنهد بقوه
قيس:سارا انتي عارفه اني كنت امزح معك وبتتعالجين ...
سارا:ماراح اتعالج تحلم زين اصلاً مابغى عيال وخلاص روح تزوج وحده ثانيه
قال بصوت واطي غاضب
قيس:انطمي زين لاترفعين صوتك قدامي ..
وحرك السيارة بيمشــــــي رايه غصب عنهاااا هو بيروح للمكان اللي يبغى رضت ولاغصب عنها بتروح معه ...
سارا
مابغى اجلس معااااه ببكي ....
ماراح ابكي عنده لازم امسك نفســــي
الدكتوره قالت فيه امل بس انا مابغى اتعالج انا مو مريضه ..
دق جوالي كانت ضحى ..
سارا:هلاااا
ضحى :وين رحتي بدون ماتقولين
سارا:كان لازم اروح
ضحى :سألتي قيس كم عطاااه
سارا:لااا اسأله واقولك ...
اول ماقفلت الجوال
قيس:وش تسألين
سارا:كم عطيت الشايب
قيس:ابو ممدوح
سارا:ايوه
قيس:مالك شغل ..؟!
سارا:اوووف بلا ملاغه مو انا اللي اسأل ضحى تسأل ..؟!
قيس:وانا عارف ليش تسأل انا دفعت لوعد مو لكم وهي تستاااهل ...توقعين مكانت وعد عندي شي بسيط
طبعاً لاا يكفي انها وقفت ياما تحت الشمس تنتظرني حتى ترمي علي حصاه او قوطي بيبســـــي ..لأني زعلت منير..
سكت شوي لفيت عليـــــه بشوف وش يقول
قيس:سارا اللحين وعد اذا تطلقت صعب احد بيتزوجهااا
قلت بنرفزه
سارا:عارفين
قيس:وش رايك يتزوجهااا منيــــر ..!!!!!
حسيته غبي اهبل مادري وش سالفته شكله يستهبل ....
قيس :ماقلتي وش رايك ..؟!
سارا:تستهبل انت ..؟!
قيس :وليش استهبل انا اتكلم بجديه على العموم مو وقته هالكلام بعدين نشوف الموضوع ...لتخرجوا من الثانوي ...
قسم اهبل بكيفه ذا قرر وبيزوج الناااس وكانه متحكم بمصيــرهم
سارا:انت تحسب كل الأمور لازم تمشيها على كيفك وكل شي عندك غصـب ..؟!
قيس :لمصلحتهم
سارا:ومصلحتهم يتزوجون وهم صغار بعدين منير لتخرج من ثانوي من وين له وظيفه يصرف منهاا
قيس :ابوي ماراح يقصر عليـــــه ...
سارا:طيب بكيفك ...هذا اذا اقتنعوا ..
قيس:بيقتنعون غصب لمصلحتهم ..!!
اووف رجع يقول مصلحتهم انا اصلاً وش دخلني كيفه يفكر باللي يبغى لجاء وقتهاااا نشوف من اللي يقرر بالموضوع ...
مشاعل
لأعلم اي غباء يعتريني حينما يتصل خلف ولا أجيبه ....
يجب علي أن اصبح اقوى واكون حازمه سأرد يجب أن افعل ذالك الضعف ليس من شيمي ...
حسناً الآن لن ادعه ينقطع الأتصال بدون اجابه ...
مشاعل :مرحباً عزيزي .................
الفصل الثاني
سعاد
صايبني رعب من رجع خلف ماقدر اطلع من جناحي ولاحتى من غرفتي نفسها
اخاف اقابله ويسويلي شي مادري وش صار له مع مشاعل
يمكن ذبحها وريحناااا ياليت والله
من امس احاول اقابل امي بسألها عن الموضوع يمكن عرفت شي بس ماقدرت خايفه اطلع من غرفتي
بتصل عليها بس لو سألتني ليش مانزل او اجيها جناحها وش بقــــــول .
الله ياخذك ياخلف ...
بس الخوف مو منك الخوف من مالك اللي مختفي اخاف بكره يرجع ويرميني بشارع ...
مو بعيده عن مو كل شي صار بيده اكيد نقل كل ممتلكاتنا باسمه ...
لااا انا لازم اشوف امي واتكلم معاهااا
يارب ماقابل خلف يارب اكون غير مرئيه بعيونه ..؟!!
اول ماطلعت من جناحي قبل ماروح المصعد قابلت وحده من الخدم ...
سألتها عن امي قالت انها بجناحهااا
لقيتها بصالة وتشوف التلفزيون ...
سعاد :سلام مامي..
باشا:هلا قلبي وينك من امس ماشفتك
جلست وانا اقول
سعاد:من صدقك انا من امس ماطلعت من غرفتي اخاف اشوف خلف..
باشا :تكفين لاتفتحين لي مواضيع اخوانك صدري منهم ضايق ودي بسفره تنسيني كل شي وشكلي بروح عمره بعد الدنيا ضايقه فيني ....
والله زين اسافر وارتاح من خلف ومالك ..
سعاد :بتسافرين خذيني معاك ...
باشا :اكيد باخذك اصلاً ماراح اخذ غيرك...ماعاد احد ماحكي فينا بظهري ماحد يستحق امشيه على حسابي وانا مابغى احد يذكرني بالفضايح اللي صارت ..
هزيت راسي بأقتناع بكلام أمي واخيراً ببتعد وارتاااااح من مشاعل العقربه وسيرتهاااااا ...
ياأنا كنت مغفله وحبيتها وتعلقت فيهاااا بس مانلام قبلها حبيت أحمد الفاجر يعني مو غلطه غباء هذا ...
ياليت اتعلم من أخطأي وماعاد اثق بمثل هالناس ...
دق جوالي امي
قبل ماترفعه قالت انه خلف
ياويلي اكيد متصل عشان بيدخل عندها ...جلست ادور عيوني بالجناح وين اتخبأ ادخل غرفة النوم لااا غرفة الملابس
ركضت بسرعه ودخلت فيهاااا ....
شفت عيوني امي تلاحقني وعلى وجها ضحكه ..
بتضحك خل تضحك هي عارفه ان ولدها بربري متوحش ...وهوايته بالحياة يستقوي علينا ...
مرت دقائق وانا جالسه افتح بالدواليب دخلت علي أمي
باشا:وين رحتي كل هذا خوف من خلف ماهو بشايفك من تلفون
رديت عليها وانا ارفع جزمه واشوفها من جميع النواحي
سعاد:كنت اتوقعه بيطلع عندك
باشا :لا الخبل متصل يسألني عن حرمه تولد مادري وش من مصيبه وراه بعد ...
يؤؤؤ بجد هالخلف فضايح بالطالع والنازل ..؟!!
سعاد :ووش قلتي له؟؟
باشا:وش قلت بعد قلت صدق مأعرف ..؟!!
سعاد :ولو تعرفين بتقولين له طيب هو وش يبغى فيها..
باشا:انا ادري ..؟! ..يقول عشان مشاعل مادري خلصت العيادات والأطباء ورجع للعصر القديم ...
والله سالفته كبيره هالخلف ..
قلت وانا خايفه من امي بس لازم اقولها...
سعاد:يمكن بيتأكد اذا هي حامل منه اووووو؟؟!!!
حسيت امي بتظربني بالجزمه اللي اخذتها مني
باشا :خبله انتي او وش لو خلف شاك هالشك كان صارت تحت التراب ... بعدين الحرمه بتكون ساحره
وش عرفها بتكون حامل منه او لاااا ...
سعاد :توقعتهم يعرفون كل شــــــي ...
باشا:والله انتي اللي ماتعرفين ولاشي امشي بنجلس تعبت من الوقفه ...
قلت بطريقة تكرها امي ..
سعاد :اعترفي يمه عجزتي..!!!
باشا:عجزتوا في انتي واخوانك ..
عيالها يعجزون فيها وانا لازم بالنص ..؟؟!
طرى على بالي موضوع بيريحني من خلف ومالك والبيت كله مره وحده ..
سعاد:اقول مامي بقولك شي بس مو تطلعين نرفزتك علي
باشا:اذا شي ينرفز لاتقولينه انا ماني ناقصه وخصوصاً لو بلوه من بلاويك او شي يخص مشاعل...
قاطعتها بسرعه
سعاد:يعني انا ماعندي سالفه اتكلم عن العقربه خليها تولي انا ابغاك بموضوع يخصنــــــي...
باشا:وش الموضوع اللي يخصك
سعاد:بصراحه ... ابغى اطلع من هالبيت وانتي واعدتني تزوجينــــــي ...
ضحكت يوم شفت ملامح وجه امي المصدومه بس انا صريحه ماعندي لف ودوران
باشا:اوص لايسمعك خلف ...
سعاد:يامامي خفت خلف بأخر الدنيا مو سامعني بعدين ليش تفاجئتي انتي شايفه حالتي كيف رايحه بالرجليين بين عيالك ...وش فيها يعني لو تزوجت وارتحت عاد نقيلي واحد من عيال صديقاتك بس اهم شي يكون خبل
باشا:خبل
سعاد:ايه خبل ماعنده سالفه ولو بزر ماعندي مانع بس عنده فلوس ...
باشا:والله وصرتي تفكرين ياسعاد تدرين طرى فبالي واحد ولاأحسن منه مثل ماقلتي خبل وبزر اصغر منك بسنتين بس مادري اهله يزوجونه بهالعمر ...
سعاد:لحظه مين اهم شي يكون عنده فلوس
باشا:لاهو ماعنده اهله اللي عندهم
سعاد:هو واهله واحد يالله قوليلي ولد من هو ؟؟!
ماحسيت الا بصوت مالك من وراي يمامي لصقت بأمي
مالك :من هو اللي ولد من ...؟!!!
لفيت عليه وانا احس قلبي بيطلع من مكانه بس تطمنت يوم شفت ملامحه عادي
مادري ليش توقعت الاقيه معصب وحاله مقلوب بس مر كثير على الموضوع
مالك:مارديتي من ..؟
سعاد:انت من وين طلعــــــــت
مالك:قديمه حركت تهرب من الأسئله بس اذا خاطبك احد قولي اشوف يناسبك او لااا...
باشا:والله محد خطب ولاشي حنا اللي بنخطبه ...
حسيت وجهي ولع نار ياويلي من امي فضحتني ...
مالك:والله تطوروا العرب تخطبونه أجل ...
نسيت سالفة احراجي من الموضوع وسألته ماقدرت امسك سؤال
سعاد:انت اللحين وش رجعك هالــــوقت
مالك:والله بيتــــــي وارجع بالوقت اللي يعجبني
نظرت بأمي لقيتها تناظر فيني وكأنها تقول معك حــــق ...
قلت عشان اقهره
سعاد:خلف رجـــــع ..
مالك :وانا سألتك عنه ..؟!
انقهرت من رده وش عنده صاير ثقيل
سعاد:لا بس قلت اعطيك خبــــــر...
باشا:لاتسوون مشكله من ولاشي يعني ماهو من كثر جلستنا مع بعض بتهاوشون فيهااا...
بماأنا مسافرين وش رايك تجي معنااا
مالك:لااا انا عندي اشغال وشركه يبغى لها احد يهتم فيها ويقابل الشغل ...
الحمدلله مارضى مادري وش عندها امي قلبت حكيها وبتاخذه معنا مو كأنها تبغى ترتاح
او شكلها تدهن سيره تبغى احد بصفها بعد ماقلب عليها خلف وصار بجيب العقربه الصغير ..
اوف اوف كل ماتذكرها ينهز بدني واتنرفز ...لازم ارد لها الدين عشان ارتاااح ولا ببقى طول عمري
مقهوره منها ...اصبري علي يامشاعل اذا مارديت كرامتي وانتقمت منك ماكون سعاد...
مشاعل
لأعلم اي غباء يعتريني ويمنعني من الرد على اتصالات خلف ....
يجب علي أنا اصبح اقوى واكون حازمه... سأرد الضعف ليس من شيمي ...
حسناً الآن لن ادعه ينقطع الأتصال بدون اجابه ...
مشاعل :مرحبا عزيزي لقد احتجت إلى وقت طويل حتى تغفرلي .......
خلف :وش تقصدين يوم تقولين أنك حامل ..!!!
حسناً هذا ماكنت انتظره
بالتأكيد لم يتصل ليخبرني انه اشتاق إلي ....
مشاعل :اقصد جميع ماتحمله الكلمه من معنى ..واتمنى ان لايكون لديك شك في ذالك ؟؟؟؟؟؟
خلف :لا وش دعوى انا اشك فيك ...انتي اللي ماتركتي شي وكذبتي علي فيه ..!!!!!
مشاعل :لما لانحتكم لأهل الأختصاص ..!!
خلف :يعني منتي خايفه .. عندك الجرأه تواجهيني ..؟!
مشاعل :بالتأكيد انا لاأخافك لست اخرق لتأذيني ...
خلف :واثقه كثير ...تعالي لبيتي ..
مشاعل :كلنا لن أفعل ...سأعطيك عنوان لتأتي إليه ...ولكن قبل ذالك لامانع ان اخذ منك عهد صغير بأنك لن تؤذينـــــــي .....
انهيت المكالمه واسترخيت ...ماذا الآن ...؟!
حتى لو كان خلف لديه نيه سيئة أتجاهـــي ...
سأواجه الأمر لأرى ماذا سيفعل المواجهه خير من الأنتظار الذي يقتلني ببطء ...
وعــــــد
حسيت خواتي يلعبون علي مره يقولون بنزوجك شايب بعدين يقولون خلاص لاااا ...
وجالسين يحتفلون عندي مصدقين انفسهم اني بصدق لعبتهم ....
وعد :خلااااااص اوف طفشتوني اطلعو عني
هند :والله الغرفه لسى مانكتبت باسمك بجلس هوون قد مابدي ...
نوف :وعوده وش فيك ماراح ناخذ غرفتك بنجلس بس شوي وبنطلع ..
اكرهم ياعاملوني كأني طفله وهم امس بس كانوا بيزوجوني شايب .. أنا لازم اسوي شي
يخليني قويه بعيونهم ويخافون مني ...
بس عمري وحياتي كلها ماراح انسى الموقف اللي حطوني فيه ..
خلف
مباشره طلعت على العنوان اللي عطتنـــــي واول ماوقفت قدام الفله طلعــــت ....
كانت ابتسامتها من تحت اللثمه واضحه
وش تقصد تتحدى هذي .........
ماهي خايفه من اللي سوته
طيب يامشاعل نشــوف قبل كذبة حملك وبعدهاااا نتحاسب ,,,
مشاعل :توقعت ان تكون أكثــــر نبل وتنزل لتساعدني على صعود ....
رديت وانا احاول اتعامل ببرود معهااا ومأفقد أعصــــــــابي ...
خلف :مشاعل ترى شايل عليتس كثيــــــر لاترفعين ضغطي بحركاتس هذي....
مشاعل :حسناً انا اعرفك جيداً ومتأكده جداً انك غاضب ...هل تعلم لماذا ياعزيزي..؟!!
طنشها لأن وجودها يثيره أكثـــر من كلامهااا كل ابتسامه لئيمة منهااا وووعيونها ..عيونها اللي فيها خبث وسحر العالم كله ....
مشاعل :لأنك حينما تغضب تنطق الكاف ســـــين ..؟!!!
هذا تبغاني اراقب كل كلمه تطلع من لساني ....قديم يامشاعل الأسلوب هذا ..؟
وين نروح ابغى عياده اثق انها ماراح تقدر تستغلها وتخدعني
ابغى مكااان اكون واثق بنتائجه وان مافيها تلاعب من مشاعل بس وين ..؟!!
طلعت جوالي واتصلت على أمـــــي ..
خلف :هلاا يمه ...بسألك تعرفين حرمه من اللي يولدون ..؟؟!!! ..... لااا ماهو كذا بس ابغى تشوف مشاااعل ..ماتعرفين طيب مشكوره ..
مشاعل :ياأحمق..!!! عن ماذا تتحدث اريد الذهاب لمستشفى ...
خلف :احد كلمك انتي خليك ساكته احسن لك ..؟!!
اذا امي ماتعرف من بيعرف ...
المشكله ماعرف حريم كبار عشان اسألهم ....بس لازم القى ماراح اعتمد على مستشفى وبنفس الوقت بقهر
مشاعل واهينهااااا ...
فجأه دق جوالي ....هذا قيس ........صح ام قيس اكيد تعرف بس كيف بسأله
مابغى افضح نفسي قدامه ..؟!!!
رديت قبل مايقفل ....
خلف :هلاااااا ابومجاهد يالله حيه ..؟! ..طيب طاب حالك ..بشرني عنك ؟؟!! ..لاااه صدق الله يبشرك بالخير ...زين زين ..لاعادي ياهلا فيك ...اقول ابومجاهد انت عند الوالده بسلم عليهااااا ....طيب متى بترجع البيت ودي اكلمهاا ..؟! فمان الله ...
كنت متوقع ان قيس متصل عشان شي مهم ..اجل خلص موضوع وعد زين شي طاح عن ظهري ..!
خلف :تبغين مكان معين والااوصلك بيتكم ..؟!
مشاعل :وماذا عن العيـاده ..؟!
نشوف يامشاعل لو اخذناك بالتطنيش وش تسويــــــــن ..
ماتوقعت يرجع قيس يتصل في بهالسرعه بس شكله عرف اني ماطلبتها الا لشـي ضروري ...
خلف :هلا والله ... ايه عطنيها ...هلااا خالتي وش لونتس ...بشريني عن صحتس ...ايه يمل العافيه ...
بغيت اسألتس ...عن مرة تولد عشان المره تعبانه وابيها تشوفها ...ههههه ايه عارفه ماعاد اللحين فيه الله يعز حريم منول ...ايه وينها فيه ..ولارحت هناك اسأل عنها معروفه هي ..طيب ياخاله الله يجزاتس خير ....فمان الله ...
مشاعل :يألهي مالذي فعلته هل أنت أخــــــرق ..؟!!!...هل تريد ان يعلم الجميع بأمري ...
خلف :جزاتس واقل منه خلي كل الدنيا تعرف ...؟!
مشاعل :هل تسعد بفضيحتي ايها الـ الـ ...
خلف :أيه الـ ايش يامحترمه ...وماعتقد اكثر من اللي صار بالعرس باقي فضيحه ...!!....
كملت يوم ماشفت عندها رد
خلف :ومن اليوم بتروحين وين ماأخذك واي شي اقوله يصير امر لازم تنفذينه ....فاهمتني زين ...والله انا ماعمري
عطيتس وجه خلف الحقيــــقي ولاماكنت هذي افعالتس ...
طلعت على الحي اللي قالت عنه اعرف بس ماهو زين لأني مو ذيك الخبره بأحياء الرياض القديمه ...
لو متربي بالرياض يمكن بس اغلب عمري كنت بالشرقيه ...
بعد نص ساعه او اكثر وصلت الحي عاد اللحين وين الحاره اللي قالت عنهـــا وهناك اسأل وبلقاهااا..
اخذت مني نص ساعه لين وصلتهااا كان صلاة المغرب دخلت وقفت ولد قريب من المسجد وسألته ماعرفهاااا...
يووه وين اللي معروفه ..سألت وحده ثاني وكأنه عرفها زين وصلنا خيــــــررر ..وصفلي البيت اللي وصلته بعد دقايق ...
خلف :هذا البيت يالله انزلي ...
نزلت بدون كلام طيب نشوف وش كثر بتحمليــــن ..
دقيت على الجرس مره وثنتين وثلاث لين طلعت لي خدامه سألتها اذا كان هذا بيت فلانه ...
طبعاً كان بيتهاااا ....
خدامه :اس يبغى ماما مافيه سوي شغل ..؟!
تجاهلت وحاولت ادخل
خلف :وخري بندخل نبيهااا حنااا
خدامه :لامافيه ماما تئبااان خلاص مايسوي شغل ...
هذي اللي بتذبحني ...
خلف:اقول وخري هنا اشوف ..تعالي مشاعل ...
بعد مادخلت بنص الحوش طلعت لنا حرمه وشكلهااا مبتغاناااا ...؟!
سألتها
خلف :انتي حصه؟؟؟
الحرمه :ايه وصلت ...
خلف :هذي زوجتي وابغاك تشوفينهااا
الحرمه :ياولدي اناا مافيني حيل عجزت ...
خلف:لا الموضوع بسيط خلينا ندخل وافهمك ..
الحرمه :اقربوو يالله حيهم ...
حسيت مشاعل بتراجع سحبتها قبلي ...
دخلتنا مجلس
خلف: بس ابغيك تشوفي اذا المره حامل
شكل ماعجبها كلامي
الحرمه :ماقالت لكم المستشفيااات انها حامل..
خلف:انا مبطي ابغى الولد وتوها تحمل وماني مصدق بكلااام المستشفيات ..؟!!!
الحرمه :طيب تعالي يابنتي ..
خلف :لاوين اخذتها انا لازم اكون معهاااا .....
هذي من حريم اول شكلها ماعجبها كلاااامي ..
قبل ماتكلم قلت لها
خلف :لاتحاولين ياأنا يا خلينا نمشي وحنا جاينك من مكان بعيد ...؟!
الحرمه :والله شكلي كبرت وخرفت بس يالله تعال امري لله ...
مشاعل
لا اصدق مايفعله خلف بي .... انه يهنيني ويتعمد ذالك ..
اتمنى لو ارفض اوامره ولكني لأجرأ على فعل ذالك لأني أرى
الشر بعينيه .....هو يتعمد أن يختبر صبـــــــــــــري .....
وانا مشاعري على حافة الانهيــار ...
لم اعد احتمل ...... بداخلي حزن وعتاب ولوعه
تريد الخروج تريد التعبير عن نفسهاااا
اتمنى لو اتسلح بالصبر خلال الدقائق القادمه حتى اختلي بنفسي
لأفجر كل مابداخلي بيني وبين نفســــــي
...
استمر بتبجحه بما فعله ولم يكتفي أبدن من توجيه الأهانات لي ...
مشاعل :حسنا كفااااااك توقف عن ذالك هل تريد ان تقتلني
لأستطيع احتمال اهانااااتك اكثـــــــر ... هل ترى اني سيئه جداً ماذا عنك
ايه الاخرق لقد قتلت من هو بمثابة والدك وها انت تعيش حياتك
وكأنك لم تفعل أي امر سيء بحياااااااتك ....
لم اكن اعي ماأفعله ولكني لم استطع التحديق سوى بيديه التي احداهما على المقود والأخرى
مكوره بجواره ...
خلف :اسكتـــــــــــــي.. تعرفين تسكتيـــــن ولاتبغين تلحقين مصير أبوك ...
مشاعل :مالذي تنتظره هيااا افعلها اقتلني ..؟!!!!
خلف :لو بتموتين ماراح تكونين لحاااالك ...خلي ولدي يطلع على الدنيااا وبعدها صدقيني
موتك وحياتك متساويين عندي ...خلال شهور الجايه بتكونين مسجونه ...بسجنك لين يجي ولدي ...
مشاعل :بأحلامك ..
خلف :لا مو بأحلامي بيدي وبتشــــــــــوفين .....
.
.
.
.
وكان له مايريد مرت علي 5 شهور من السجـــــن لقد اخذني لمكااان لم يعلمه أحد واحضر
لي امرأه تزوجها بالســـــــر ..
كانت زوجته واناااا سجينه عنده ...سجينه ضعيفه وزاد الحمل من ضعفي .......
ولم يرحمني أبدن كان يتبجح بوجود زوجته ويستعرض امامي حبهماااا ....
لن أنسـى ماحييت المره الأولى التي رأيته يقبلها شعرت بقلبــي يتمزق
وددت لو بأستطااااعتي ظربها حتى المـــــوت ...
وتكرر ذالك الموقف كثـــــــيراً وغيره من المواقف الحميميه بينهمااا
التي كانت تكــوي قلبــي وتشعـــرني بالأنهـــزام ...
لم أتصــــــور ان يفعل ذالك مع أي انثى غيري
فكيف أنا ارى ذالك أمامي ....
يتعمد ان يقتلني بأفعــاله .. يعلم أي غيره تعتريني
لقد اخبرته حينما كنا حبيبيــــــن .. بأني اتمنى الموت على أن اراه مع انثى غيري
وأخبــرني الكاذب بأن ذالك لن يحدث أبداً....
كنت حمقاء حينما صدقته من يصدق الرجااال ...!!
جميعهم مخادعون وبالأخص رجل لايرضى بأنثى واحدهـ كـ خـــــلف ...
حمقاء كيف ربطت نفســي به ...
انا من سعيت للحمل منه ...
لأعلم أي جنون وغباء اقنعاني بأن خلـــــــف سيكون لي للأبد
لو وهبته طفــل ..حمقاء غبيـــــــه ...
لو اعود بالزمـــن للوراء لقتلت نفسـي قبل فعلتي تلك ...
لكني الأن هنا بهذا المـــــوقف وسلاحي التظاهر بالصبر وانا ابعد ماأكون عنه ..
شعرت بدخوله الا غرفتــي المجرده من أي قفل استطيع الاحتماء فيه ...
ثواني فقط ليقبض على معصمي ويجلسني رغماً عني على السرير ..
خلف :وبعدين معك يعني انتي ولسانك هذا ماني قايل مابغى اسمع منك هالألفاظ الوصخــــه ...
مشاعل :لاشأن لك بما اتفوه به .. لما لاتفهـــم لاعلاقه لك بــــــي .....
خلف :يوم تلفظين على حبيبتي يكون لي علاقه فيك ترى كلك ماهميتيـــــني بس مأبغى جود مشاعرها تنجرح ...
تعودت ان اسمع منه هذه الاحاديث عن حبيبته ....ودفاعه عنها لاينتهـــــي ....
حينما يتحدث بهذه الطريقه اعود بذاكرتي إلى الوراء هل حقاً هو نفس الشخص الذي كان يتغنى بحبه وعشقه لـــــي ..
ماأسهل ان يبدل مشاعره ولكن لأستطيع ذالك
لقد احببته ومازلت ...... لم تغيـــــــر أي من افعاله وظلمه من حبــــي له
انا فقط اخشى ان يكرهني اكثـــــــر ...
هزني بشده
خلف :يوم اكلمك تردين علي ..!!
مشاعل :توقف عن ذالك انت تؤلمني ...
خلف
كل هذا تصنع وتمثيل ...شلت يديني عن كتوفها قبل مايخوني صبــــــــري ..
أحبهــــا غصب عني اضعف قدامهاااا
وقلبي متعلق فيهاااااا وشاله كل تفكيــــــري
اللي اسويه فيها فوق احتمااااالي
بس لازم اسويه عشــــــان ابعدها عن حيــاتي ...
جبت جود سد بيني وبينهااااا ......بس مانفع
كل تفكيري فيها بوجودي هنا وبرى بكل مكان وهي معـــــــي ...
مافيه شي قدر يبعـــدني عنهااا مع كل اللي اعرفه عنها
وكل مصيبـــــه اكتشـــف انها سوتها بحقــــي ...
مازلت أحبــــهاااا ...والحب يزيد ماينقــــــص ....
احاول أني اكرها افكــر بالأشياء اللي سوتها فينـــــــي
اتذكـــر انها انسانه سيئه بكل المقـــــــــااييس
بس ماقدرت حتى اني مأحبـــــــــهاااا ...
وجود ...اللي جبتها عشان اقهـر مشاعل فيها ..
ماحركت فيني ادنــى شعورحركنه الحريم قبلهــــــا ...
لأني ماصـــرت اشوف منهن الا مشاعل ...
مشاعل اليوم ورى يوم اشوفها تذبل قدامـــــي ...
كان الحمــــل ياخذ منها الحياة ويعطيهااا لولدهااا ....
وانا ماسويت ولاشـــــي ولاحتى مستشفى اخذتهااا
بعد ماخذتهااا للحرمه اللي أكدتلي انها حامل ...
ماطلعت من ذا المكااان ...
ابغى اتطمن عليهاااا ...وبنفس الوقت مابغى ابين لها اني مهتم فيهـــــــــــاااا ...
حتى لو قلت لها اني ابغى اتطمن على ولدي اللي بطنها مو فيهاااا
بتعرف اني مهتمه فيهــــــــــاااا مشاعل ذكيه
وهذي مشكلتي معها ...ماقدر ابين أي ادنى اهتمام لأنها بتعرف انه موجه لها ...
دخول جود المفاجي طلعني من أفكاري ...
جود:انت هنا وانا قالبه البيت ادوووورك اوووووف يالله خلصني بطلع تأخرت على موعدي ...
تحاملت على نفــسي لأني كدت افقد اعصـابي عليها قدام مشاعــــــل ...
خلف :طيب حبيبتي اللحين جاي ...
كنت متعمد اعطيها كل جوها بوجود مشاعل بس لأنفـــــــردت فيها ماتقدر حتى ترفع عينهااا في وهي فاهمه هالـشي زين ....
من أول يوم تزوجتها فيه شرحــــــت لها كل شـي وان وجودها مؤقت جداً ولأسباب خاصه وهي راضيه ومقتنعه ...
قيــــــس
طلع من الدوام وهو ناوي يخلــــــــص الموضوع اليوم له اكثر من خمس شهــور وهو يسحـب فيه
لازم اليوم يطلقهـــا وغصــب عنه لو يسحبـــــه لين المحكمه ويجبره يطلقهــا
خلاص تعـــــــب من اعذاره ضروري يحط له حــــد ...
راح له مكتــــــــــبه العقـاري تضايق يوم لقاه مقفـــــــــل ..
ماهو حافظ عنوان بيـــــــته ...عشان يروحله ..
بس الغريب ليش المكتــــــب مقفل يعني لو هو مو فيــه وين اللي يشتغلون معه
هو شايف عنده بالمحل اكثـر من واحد ...
اتـصل على رقم جواله اللي عنده مايرد ...
اخذ رقم الجوال اللي بلوحة المكتــــــب ماكان نفس رقمه ...
اتصــــــــــل عشان يتلـقى الخبر الصاعق ...ماااااااااات ..!!!!!
ركب سياره وهو يحاول يستوعب الخبـرررر
مات يعني بدال ماهي مطلقه بتصـــــــير أرملــــه ...
قيس :لاحول ولاقوة الا بالله الله يرحمــــــــه ..تعبني معه واخرتها مات ماحصل من الدنيـــا شـي ...
راح لبيته بيعزي فيه مالقى احد ...
فضل انه يصلي الظهر بمسجــد حارته ويسأل عن أهله اقاربه أي احد يعرف عنه شي ..
وللأسف محد يعرف عنه شي رغم كل هالسنين اللي عاشها بينهم غيـر بخله وان زوجته ماتت قبل 7 سنين ...
مافكر يبحث اكثر خلاص هو سوى اللي عليه والحمدلله البنت وارتاااحت منــــــــه ...
سارا
قربت انفجر من هالعجـوز ياربي كل يوم تكرر على راسي هالموال كيف ان اختي مشاعل
اللي تزوجت بعدي حملت وقربت تولد وانا للحين ماحملت قلت لقيس اني بقولها اني ماحمــل
وعصب علي وقال مايبغى افتح الموضوع مره ثانيه طيب يشوف له صرفه مع أهله ماني قادره اتحمل اسئلتهم ...
يوم شفته داخل علي مبتســــــم ماقدرت افاتحه بالموضوع حرام انكد عليـــــــه ..
كفايه اهله منكدين عليه اربع وعشـرين ساعه .. المفروض اكون انا مصدر راحه له مو ازعااااج ...!!
ماصدقت يوم سمعــــــت الخبر منه واخيراً وعد انحلت مشكلتها حتى لومااااات الله يسامحه خلانا نفرح بموته بدال ماندعيله يستااااهل البخيل هو اللي سببه لنفسه هالشي ...
قالي قيس الخبر وطلع من عندي ...ثواني بس وسمعت صراخه مع أبوه
كانوا يتهاشون كنت حاسه والله كنت حاسه بيجـــــي هاليوم من أسبوع وابوه يرمي عليه حكي
ابوه ماكان من النوع العصبي بس استفزازي لأبعد الحدود دايم يرمي عليه حكي ويهينه بالكلام قدامنا وقيس صابر
توقعت بعدها قيس بينفجــر
بس ماتوقعت بالشكل هذا يوم شفت كيف معصب ووجهه وشماغه اللي كانت على راسه ماسكها بيده عرفت انه يغلي من
الغضب بس ماسك نفسه عشان أبوه ..
كنت وصلت على صرخة ابوه وهويطرده
ابوقيس :اطلع من بيتــــــــييييي ....مكان انا فيه يعذرك بررررى انقلع عن وجهيييي ...
لف علينا قيس كنت واقفه انا وامه ومنيــــــــر وجابر ...حسيته يوم جات عينه علي تنرفز بقوه ...
دايم ينقهــر اذا حضــــــرت مشاداته مع ابوه ويعصب علي بس مايوضح ان تعصيبه عشان الشي هذا بس انا احس كذا .....
انقهرت يوم بدأ ابوه يتلفظ عليه ويدفه يبغاه يطلع من البيت ماصدقت يوم شفت قيس ماصحيت الا على قفلت الباب ورااااااه ...
فقدت اعصابي تقدمت لأبوه وماهمنه اني كنت كاشفه وجهي مو متغطيه وجابر موجوده
سارا :انت وبعدين معك ماعندك الا قيس تصاارررخ عليه دايم تنسى وش سوى لك واذا غلط بس بكلمه عليك ماتخلي شي ماتحطه عليه موكأنه اللي ماسك البيت مكانك وانت بس بالبر كأنك جربوووع ...
يوم شفته يطالعني بصدمه كملت بقهـــــررر بعد ماشرت على جابر
سارا :شف عيالك المهسترين ذولي مو قيس الرجال الوحيد بينهم ولاعشانه محترمك تطلع غضبك علييييه ...اصلاً مو انت اللي ربيت عيالك قيس هو اللي رباهـــــــم .. وانا بقول لقيس يرفع يده عن عيالك اللي مره ميت عليهم وانشوف تربيتك لهــــــم ..وبيتك اللي مره مبسوط فيه بنشتري فله احلى منه مليووووون مره وانثبر انت وعيالك بالخرابه هذي ...
يتبع ,,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك