رواية تحملت كثير يا قلبي -8
ريان : طيب طيب يلا تصبحين على خير ..
ولاء : تلقى خير ..
راح ريان ينام وولاء تطل على البنات من فوق ..
ولاء : بنات تعالوا ..
طلعوا لها وراحوا الغرفه .. ودخلوا وكل وحده عطتها جوري بجامه ولبسوها وجلسوا ..
جوري وهي تطلع من غرفة الملابس : شرايكم نطلع الحوش ..
هيفا : ياليت ..
ولاء : بس برد ..
جوري : عادي نلبس جاكيتات ..
ولاء : اوكي يلا ..
هيفا : بس ناخذ معنا شي نشربه ..
جوري : اوكي يلا ..
نزلوا تحت بشوي شوي .. دخلوا المطبخ .. هيفا شوت لها شاهي .. وولاء اخذت لها عصير مشكل .. وجوري سوت لها قهوه امريكيه .. وطلعوا يتمشون ..
هيفا : برررررررد ..
ولاء : انا قايله ..
جوري : بس والله حلو ..
هيفا : اكيد حلو .. دامنا مع بعض ..
ولاء : وانتي الصادقه ..
جوري : الا تعالي ولاء ..
ولاء : هذاني جنبك .. وين اجي ..
جوري : هههههه .. اسمعي .. انت يوم تتهاوشين مع بيان اختك طلعتي شي ودخلتي شي ثاني .. وش اللي غيرك ..
هيفا : ايه والله كلنا استغربنا .. طالعه تصيحين وداخله انواع الفله ..
ولاء بإبتسامه مره حلوه : حمد ..
جوري وهيفا : حمــــــــــد ..
ولاء : ايه حمد ..
هيفا : وش فيه حمد ..
جوري : وش دخل حمد بالموضوع .؟؟..
ولاء قالت لهم السالفه : فهمتوا وش دخله ..
جوري : ياحليله حنييييين ..
هيفا : ياحبيله ..
ولاء : هي انتي وين عايشه ياحبيله ..
هيفا : على طووووول بنت الحلال راح تفكيرها بعيد .. ياحبيله يعني .. كذا بس عادي ..
ولاء : ايه بعد على بالي حبيتيه ..
هيفا : واذا حبيته .. يعني انتي تحبينه ..
ولاء : لا وربي مو احبه حب .. لا كنه اخوي بس..
هيفا بغمزه : علينا ..
ولاء : شف .. من اللي يروح تفكيرها بعيد هاه ..
جوري : اسكتوا .. بنات شوفوا فيه شي ينور بالغرفه الزجاجيه ..
ولاء : وين ..
هيفا : ايه ينور ويوقف ..
جوري : تعالو نشوف ..
راحوا الغرفه وفتحوا الباب .. فتحوا الانوار لقوه جوال ..
جوري : جوال مين هذا ..
هيفا : شوفي حتى محفظه ..
شالت ولاء المحفظه وفتحتها وشهقت : يؤ .. محفظت فهد ..
سحبتها جوري : وش دراك ..
ولاء : يالغبيه شوفي الصوره ..
جوري : آآآآآهـ يا محلاااااااته ..
شالت هيفا الجوال : بنات : المتصل توأم روحي ..
جوري : اشوف ..
اخذت الجوال .. وهي تطالع اسم المتصل .. انفتح الباب بقوه وانفجعوا وطاحت من يدها المحفظه .. والجوال بيدها الثانيه ..
رائد : وش تسووون ..
ولاء : بسم الله الرحمن الرحيم .. تف تف تف .. بسم الله علي .. فجعتنا ..
رائد : ههههههههههههههههه اكيد مسويين شي ..
هيفا : لا مو مسوين شي .. بس فيه شي اسمه تطق الباب .. فجعتنا وربي .. اف ..
رائد : آآسف مو قصدي .. جوري .. وش تسوي بالجوال ..
جوري : ما اسوي شي .. بس لقيته ..
دق الجوال بيدها وانفجعت ..
رائد : ههههههههههههههه اعصابك .. هاتيه .. لي ساعه ادوره ..
اخذه ورد : هلا ..
فهد : هلا بك .. وينك يا زلمه ..
رائد : اي زلمه ..
فهد : خخخخخ اشوى وين لقيت الجوال ..
رائد : لقيته مع جوري .. مسيكينه فجعتها يوم رنيت ..
فهد : بسم الله عليها الرحمن الرحيم .. قولها يقولك فهد موقصدي آسف ..
رائد : جوري .. يقولك فهد مو قصدي آسف ..
جوري : لاعادي ..
رائد : تقولك لا عادي .. تعال انت يالمهبول . ليش مسمي بيتكم السجن ..
فهد : ياخي وش تبيني اسميه .. الجنه مثلا ..
رائد : هههههههههههههه الحمد لله والشكر ..
فهد : ليه تتحمد .. توك متعشي .. بالعافيه ..
رائد : ههههههههههههه بلا خفت دم ..جوالك ولقيناه خلاص عاد .. يلا باي ..
فهد : اوكي بس لاتنسى بكرى بمرك زين ..
رائد : اوكي .. بعد عشان نمر ماهر ..
فهد : ماهر بيروح ..
رائد : ايه .. اقنعته لك ..
فهد : حلو .. حمد ومشاري يقولون بنلحقكم عقب ..
رائد : زين اهم شي يروحون ..
فهد : ايه والله .. يلا الحين الخلا .. تأسف لي من اختك ..
رائد : خلاص حلا هو ..
فهد : خلاص اف مو لازم .. يلا سلام ..
سكر رائد وجلس يطالع البنات : وش مطلعكم .. ودنق اخذ المحفظه ..
جوري : نتمشى ..
رائد : بأنصاف الليول ..
جوري : ايه عادي ..
رائد : طيب يلا ادخلوا ..
ولاء : نبي ندور شوي ..
رائد : اولا الجو بارد هنا .. ثانيا نص الليل ماينفع ..
هيفا : بس ماراح يصير شي .. بعدين حنا ندور جوا البيت مو برى بالشارع ..
رائد : وانا قلت يا آنسه هيفا .. تدخلون يعني تدخلون حلو ..
هيفا : لا مو حلو ..
رائد : والله عاد حلو مو حلو .. داخلين داخلين .. يلا قدامي اشوف ..
هيفا : افففففففف ..
رائد : لا تتأففين داخله داخله ..
هيفا وهي تلف الطرحه زين : طيب خلاص عرفنا بندخل ..
رائد بإبتسامه من جنب : خلك شاطره ..
هيفا : اخاف اني اصغر عيالك ..
رائد : لا اكبرهم .. يلا داخل ..
هيفا : زين
مشت هيفا ومشت وراها ولاء ورائد .. وجوري واقفه ..
رائد يلتفت عليها : يلا ..
جوري : الحين بجي ..
رائد : بسرعه ..
طلع ووقف عند الباب .. اخذت جوري الصوره اللي طايحه بسرعه بدون ما يحسون وطلعت .. سكرت النور والباب وراحوا جوا .. طلع رائد ينام .. والبنات بالغرفه جلسوا يسولفون لين الساعه 3 الفجر بعدين ناموا ..
الجزء الرابع
? ? اليـــومـ .. الـليـ .. بعـــــدهـ .. ? ?
.
.
.
!??ٍ??? فبيتـ عبد العزيز (ابوحمد) ??????
الصباح الساعه ½,8 الصباح .. كلهم كانوا قايمين الا فهد .. كان توه قايم ..
فهد : صباااااح الخيييييير ..
الكل : صباح النووووور ..
عبد العزيز : غريبه قايم بدري اليوم ..
فهد : والله فيني النوم بس جوعااااااان ..
هدى : يا بعد عمري انت .. تعال حياتي افطر ..
سلطان : يمه بدينا بالدلع ..
رغد : وانت وش عليك خلها تدلعه ..
فهد : يا حبييييييييييلك يا ام لسان ..
سلطان : وانتي وش عليك يالبطه ..
رغد : يباااااااااه الحين انا بطه ..
عبد العزيز : سلطان اترك اختك ماعليك منها .. تعالي حبيبتي ماعليك منه ..
راحت رغد وجلست بحظن ابوها وجلس يبوسها ..
حمد : لنا الله ..
هدى : عاد انت الغالي .. انت البكر ..
حمد : مع وين غالي يمه .. ماشفنا من الدلع .. زي فهد ورغد ..
هدى : انت غير . انت بالقلب ..
حمد : فديتك يمه ..
عبد العزيز : حمد ..
فهد : هههههههههه يغار الوالد ..
عبد العزيز : ايه اغار .. محد يغازل امك وانا موجود غيري ..
سلطان : يبه شلون تغازلها ..
عبد العزيز : اذا كبرت اعلمك ..
حمد وفهد : ههههههههههههههههههههههههههه ..
سلطان : طيب عادي ..
فهد : يمه ابي فطور ..
قامت هدى تسوي لفهد فطور .. جت رغد لفهد وقالته شي بإذنه وتغير شكله ورجعت جلست عند ابوها وهي تبتسم ..
حمد : خير .. اسرار يعني ..
فهد : .................. (ولا هنااااااااااا)
سلطان : نام الحبيب بالعسل ..
جت هدى ومعها الفطور .. اكل فهد شوي وقام يغسل ورجع لهم بالصاله ..
هدى : ماافطرت يافهد ..
فهد : ماعليه يمه شبعت ..
عبد العزيز : الحين هذا اللي مقومك من النوم ..
فهد : يبه شبعت .. تعالي رغد فوق ابيك ..
طلع فوق .. قامت رغد ومسكها حمد من يدها ..
حمد : وش قلتي له ..
رغد : خله يقولك ..
تركت حمد وطلعت تركض فوق .. طقت الباب على فهد وفتح الباب وسحبها جوى وقفل الباب وجلسها على السرير ..
فهد : انتي تقصدين الكلام اللي قلتيه ..
رغد : ايه والله سمعتهم يقولون ..
فهد : رغد لا تسوين فيني كذا .. انتي من جد سمعتيها تقول احبه ..
رغد : لا سمعت هيفا تقولها .. حبيب القلب .. وقالت لها بعد فراولت حياتك ..
فهد : فراولت ايش .. حياتها ..
رغد : ايه ..
فهد : يالبى قلبها ياناس ..
رغد : انت صح تحبها ..
فهد : هاه .. لاعادي ..
رغد : الا اصلا مبين انك تحبها ..
فهد "لهالدرجه مشاعري مفضوحه" : شلون مبين ؟..
رغد : مدري بس مبين .. وقفت رغد .. يلا بطلع ..
فهد : اوكي بس لا احد يدري باللي صار ..
رغد : ان شاء الله ..
طلعت رغد .. وجلس فهد يفكر شوي .. بعدها طلع وراح للغرفه عند حمد .. فتح الباب ونقز عند حمد وجلس على السرير ..
حمد : بسم الله عليك .. خير ان شاء الله .. وش فيك مستانس زياده عن اللزوم ..
فهد : ياخي مايجوز الواحد يستانس ..
حمد : لا يجوز .. تعال وش قالت لك رغد خلا وجهك يتغير 180 درجه وماكملت فطورك من الروعه ..
فهد : ههههههههههههههه اي روعه الله يعافيك .. الا قل احلى خبر سمعته بالحياة ..
حمد : اوف اوف .. وشو انطق ..
فهد قاله السالفه : وش رايك ..
حمد : حلو .. رح اخطبها دامك تأكدت من مشاعرها تجاهك ..
فهد بجديه : من الكبير انا ولا انت ..
حمد : انا الكبير بس مسموح ..
فهد : لا انت تزوج وبعدها انا .. ولا ناوي تخلي البنيه تروح من يدي ..
حمد : فهد لا تستناني .. بتطول وربي ..
فهد : طيب ممكن اعرف السبب ..؟؟..
حمد : ما ادري وش اقولك بس ...... ولا شي ..
فهد : حمد تكلم انا اسمع ..
حمد : قلت لك ولا شي ..
فهد : ياخي طلع اللي بقلبك فضفض لي شوي .. مو اخوك ..
حمد : اخوي على عيني وراسي بس ما في شي غصب يعني يصير فيه شي ..
فهد : ايه غصب .. انت من نقول زواج ينقلب وجهك وتغير السالفه ولا تعصب .. وش السالفه يا اخي .. تراك مشغل بالي .. وامي مره محتاره معاك تبي تعرف ليه ماتبي تتزوج .. امي بتفرح فيك يا حمد .. لا تستكثر عليها الفرحه بزواجك ..
بدت تعلا اصواتهم
حمد : انا مو مستكثر الفرح لاحد .. بس زواج ماراح اتزوج مو غصب خلاص ..
فهد : لا غصب .. الين متى يعني ..
حمد بصوت عالي : الين ما ابي ..وش عندك ..
فهد : ماعندي شي بس تدري انك اناني ..
حمد : انا اناني .. كيفي ماعليك مني .. قلت لك كان تبي تتزوج الطريق مفتوح لك ..
فهد : الكلام ضايع معاك ياشيخ .. انا ليه اتعب عمري وارفع ضغطي واعصب معاك .. خلاص ياخي بالطقاق ماتبي تتزوج شي راجع لك ..
حمد : ادري انه شي راجع لي عشان كذا لو سمحت لاتفتح معاي الموضوع مره ثانيه ..
فهد : لا آآسف لا مره ثانيه ولاثالثه .. انا الصراحه تعبت ..
حمد : احسن لك بعد ..
طلع فهد من الغرفه وسكر الباب بقوه .. راح غرفته وبدل ملابسه ونزل ..
عبد العزيز : فهد ..
فهد : سم يبه ..
عبد العزيز : وش عندك انت واخوك تتهاوشون ..
فهد : ماعندنا شي .. اسألوه ..
طلع فهد من البيت وراح بيت عمه فارس ..
!??ٍ??? فبيتـ فارس (ابورائد) ??????
كلهم نايمين ماعدا فارس وزوجته .. دق الجرس وفتحت الباب الخدامه ..
فهد : نادي بابا رائد ..
ادورا : بابا رائد فيه نوم ..
فهد : لاحووووووول يالنوم هذا ..
طلع فارس : هلا فهد تفضل ..
فهد : زاد فضلك عمي .. بس ابي رائد يطلع ..
فارس : بتطول عند الباب لانه نايم على بال مايصحونه انت ادخل ..
دخل فهد وجلس مع عمه وراحت امل تصحي رائد ..
رائد : خلاص يمه قمت ..
امل : يلا اشوف .. بعد لما الثلاثه لو ما قمت وربي كاس مويه على وجهك .. يلا 1 .. 2 ..
رائد وهو يقوم : لا خلاص خلاص .. كله ولا مويتك ..
امل : ايه فديتك ماتجي الا بالعين الحمرا والمويه اللي تبرد ..
طلعت من الغرفه ورائد دخل يتحمم .. راحت تقوم البنات ..
امل تسحب اللحاف من البنات : يلا يا سنيوووووراااااات ..
ولاء من البرد تقوقعت على نفسها طلع شكلها يضحك .. وهيفا تدور اللحاف تبي تتغى برد .. وجوري فتحت عيونها تدور اللحاف ..
امل : يلا قومو ..
هيفا : خالتي بننام ..
امل : لو قمتوا الحين رحنا كارفور ..
هيفا وولاء قاموا بسرعه : قولي والله ..
امل : هههههههههههههه والله .. نفطر هناك بعد ..
ولاء : اي كارفور ..
امل : اللي بغرناطه ..
هيفا : ونااااااااااسه .. قاموا الثنتين بسرعه وصاروا يتسابقون على الحمام كل وحده بتدخل الاولى ..
امل : ههههههههه اعصابكم .. حمام ماراح يطير .. يلا جوجو حياتي قومي ..
جوري بنعومه : صباح الخير يالغاليه ..
امل : صباح النور حياتي .. يلا قومي ..
قامت وطلعت امل نزلت تحت ..
امل : مانزل رائد ..؟؟..
فارس : لا ..
امل : اكيد يتحمم ..
فارس : قومتي البنات ..
امل :ايه .. قلت لهم بنروح كارفور قاموا مثل المجانين ..
فارس وفهد : هههههههههههههههههه
فهد : ايه البنات دوريهم عند السوق .. بس اي بنات ..
فارس : جوري وهيفا وولاء ..
فهد : ماشاء الله هيفا وولاء نايمين هنا .. اشوف رغد تقول لامي يوم ركبنا السياره ليه ماخليتيني انام ..
فارس : ايه ..
طلعت الجده من غرفتها : الحين ماتعرفون تقوموني من النوم انتم ..
امل تقوم لها : لا نعرف ياخالتي بس شفناك مرتاحه بنومتك قلنا نخليك ترتاحين ..
الجده : من ناحيت مرتاحه مرتاحه ..
فارس : دوم يالغاليه ..
فهد يبوس راس جدته : صباح الخير يالعجيز ..
الجده تضربه بالعصا بخفيف : العجيز زوجتك ..
فهد : لا فديتها زوجتي شباب ..
كانوا البنات ورائد توهم نازلين ..
رائد والبنات : صباح الخير ...
الكل : صباح النور ..
الجده : ماشاء الله نازلين موكب .. كلكم تزفون رائد ..
ولاء : وليه مايزفوني انا ..
الكل : هههههههههههههههههههههه ..
الجده : ماتستحين انتي .. تبين تتزوجين ..
ولاء : سنة الحياة يمه ..
الجده : صدق بنات هالجيل ما يستحون .. اول يوم يقولون لنا زواج.......
هيفا : ندري تستحون وماتطلعون من الغرفه اسبوع .. حفظنها الاسطوانه يمه ..
الجده : وانتم ليه ان شاء الله ما تستحون ..
هيفا : الله يعينكم يمه على الجيل اللي بعدنا دام حنا مانستحي ..
الجده : الله لا يحيينا دام كل جيل اخس من الثاني ..
فارس : وش هالكلام يمه .. الله يطول لنا بعمرك ..
الجده : وانا صادقه ..
امل : الله يعطيك طولت العمر ياخالتي .. ترانا مانسوى بلياك ..
الجده : ماتقصرين يا بنيتي ..
فهد : يلا رائد ..
الجده : وين ..؟؟..
فهد : بنروح النادي يمه تجين معنا ..
الجده : اي نادي انت ووجهك ..
فهد : النادي الصحي انا ووجهي ..
الجده : وش تسوون هناك ..
فهد : كل شي .. نسبح ونلعب كوره وتنس وبلياردو ونرفع اثقال وكل شي ..
الجده : ووشوله كل هذا ..
رائد : عشان نحافظ على رشاقتنا ..
الجده : ايه زين ..
فهد : رائد .. جوالي والمحفظه ..
رائد : يوه نسيتهم فوق .. جوري اطلع جيبيهم تلقينهم بالدرج حق المكتب ..
جوري : ان شاء الله ..
طلعت وجابتهم وعطتهم فهد .. راحوا الشباب .. والبنات وامل طلعوا كارفور بعد ماقومو ريان يروح معاهم ..
? فــيـ .. السيارهـ .. ?
رائد : ماتوقعتك ابد تجي ½,9 ابد ..
فهد : ماقلت لك ½,9 يعني ½,9 .. افا عليك ..
رائد : ماشاء الله عليك صاير تجي على الموعد ..
فهد : ايه .. ياخي شفيك .. تبيني انزلك واجيك بعد ربع ساعه عشان تعرف ..
رائد : لو سويت كذا ادري انك فهد ..
فهد : لا ياشيخ ..
رائد : هههههههههه .. الا تعال حمد متى بيجي ..,؟,..
فهد بدون نفس : مدري عنه ..
رائد يقلده : مدري عنه .. طيب ممكن تقولها بطريقه احلى من كذا ..
فهد بإبتسامه وصوت ناعم : مدري عنه ..
رائد : ههههههههههههههه مو كذا عاد ..
فهد : حيرتني معاك شلون تبيني اقولها يعني ..
رائد : فهد ..
فهد : هــاهـ ..
رائد : صاير شي بينكم ..
طالعه فهد بعدين رجع يطالع الطريق ..
رائد : اكلمك انا .. صاير شي ..
فهد : لاء ..
رائد :اجل وش فيك ..؟؟..
فهد "وش تبيني اقولك يارائد .. اقولك يوم رحت اقوله ان اختك تحبني واحبها وفتحت له موضوع زواجه عصب" : ...........
رائد : فهّووووووووود .. نحن هنا .. اكلمك ..
فهد : معاك ياخي معاك ..
رائد : وش فيك اجل ..
فهد : ابي اعرف ليه حمد مو راضي يتزوج ..
رائد : بس هذا اللي مضايقك يعني .. عادي حتى انا ما ابي اتزوج الحين ..
فهد : انت قلتها الحين .. هو شايل الفكره من راسه مره وحده .. بعدين لاحظه اذا قلنا له تزوج .. ينقلب وجهه ويعصب مدري وش يصير له ..
رائد : شلون يعني ..
فهد : يعني .. اذا قلنا لك انت مثلا .. تجيبها مزحه تقفل الموضوع حتى ماهر بعد نفس الشي .. بس هو لا .. ينقلب وجهه وينعفس وتصير حالته حاله .. ابي اعرف السبب ..
رائد : وليه ما قلت مشاري ..,’؟’,..
فهد : انت تعرف مشاري يبيها اليوم قبل بكرى ..
رائد : طيب ابسألك سؤال .؟.
فهد : هلا..
رائد : حمد يحب .؟.؟.؟.
فهد : لاء ..
رائد : وش دراك .. هو قالك ..
فهد : ايه كد قالي ..
رائد : غريبه طيب ليه ما يبي يتزوج ..
فهد : ما ادري .. انا حاس ان الموضوع فيه ان .. حاس ان فيه شي ..
رائد : شي مثل ايش يعني .؟.
فهد : مدري .. شي وبس ..
رائد : الله يعين يا شيخ .. مصيرك تعرف السبب ..
فهد : متى طيب بعد ما يشيب ..
رائد : هونها وتهون ..
فهد : آآآهـ لو تشوف امي شلون تترجاني اكلمه بالموضوع ماقلت كذا ..
رائد : مصيره بيتزوج ..
فهد : الله يسمع منك ..
رائد : خلنا نمر ماهر بالبيت ..
فهد : تيب ..
راحوا لبيت عمتهم حصه ..
? عــنـد .. البـابـ .. ?
طقوا الباب وفتحت الخدامه ..
روزا : نأم ..
فهد : نأم الله اليك .. وين بابا ماهر ..
روزا : بابا ماهر في يسوي نوم ..
فهد : ماشاء الله الحين صار النوم يسوونه .. طيب بالله 2 نوم وواحد عصير بصل ..
رائد : هههههههههههههههههههه لا تستخف دمك ..
فهد : مدري عنها المتخلفه تقول يسوي نوم ..
طلع لهم محمد ابو ماهر : هلا والله ياحي الله الشباب .. تفضلوا ..
فهد : الله يحييك .. لا ياعمي نبي ماهر وبنمشي ..
محمد : لا والله ما تمشون لين تدخلون .. على الاقل سلموا على عمتكم .. بتزعل اذا درت انكم جيتوا ولا دخلتوا ..
رائد : بس ماراح نطول ..
محمد : ابد على راحتكم ..
دخلوا داخل وكانت اميره وامها بالصاله ..
فهد ورائد : السلام عليكم ..
حصه واميره : وعليكم السلام ..
حصه : هلا وغلا .. تو مانور البيت ..
فهد : منور بوجودك يالغاليه ..
رائد : منور بأهله ..
حصه : تسلمون فديتكم .. اجلسوا ..
محمد : اميره .. قومي صحي اخوك من النوم ..
اميره : ان شاء الله ..
قامت وراحت غرفة ماهر وفهد ورائد جلسوا يسولفون مع عمتهم وزوجها ..
اميره : طيب قم الحين انت ..
ماهر : وشو وشو ..
اميره : اقولك رائد وفهد تحت ..
ماهر : وش يبون ..؟؟..
اميره : يبون روزا ..
ماهر : يبونها روحي ناديها لهم وشوله مقومتني ..
اميره : انت انسان مافيه مخ .. قم اقول وش يبون فيها شينة الحلايا .. يبونك انت ..
ماهر : ايه قولي يبونك مو يبون روزا .. لحستي مخي ..
اميره : وش الحس بمخك خلقه ملحوس ..
ماهر : ابعدي بس ..
طلعت اميره وماهر دخل يتحمم .. نزلت لهم تحت ..
حصه : اميره التلفون ..
اميره : مين ..؟.؟..
حصه : غيدا ..
اميره : غدغوده .. وش عندها بنت امها داقه هالوقت ..
محمد : ردي على البنت بعدين اسألي وش عندها ..
اميره : ان شاء الله .. الووووووو ..
غيدا : هلا اميره .. صباح الخير ..
اميره : صباح النور والبصل والبخور ..
غيدا : يع ..
اميره : ههههههههه هذا الموجود .. ماعندنا ثوم اليوم ..
غيدا : بصل عاد .. لا وثوم ..
اميره : مو قلت لك عايشه مع مصاريه ..
حصه : اهلك صاروا مصاريه ..
اميره : احلى مصاريه بس لا تهاوشين .. ايوه ..
غيدا : اقولك .. انتي شنطتك سودا صح ..
اميره : ايه .. ليه ..؟؟..
غيدا : لا بس شكلي حطيت جوالي عندك ..
اميره : يووووووووه انتي جوالك الدعله .. n76 ..
غيدا : ايه جوالي .. وش سويتي فيه ..
اميره : لا بس حطيته سايلنت وحطيته بالدرج ..
غيدا : حرام جوالي رقيق ما يستحمل ..
اميره : اوما رقيق .. كثري منها ..
غيدا : ههههه اوكي ابيه ..
اميره : اوكي .. الحين ماهر طالع ابقوله يمر فيه عليك ..
غيدا : لا خلاص انا بجي آخذه العصر ..
اميره : لا وين انا ما اتحمل أمانات .. خل يجيبونه لك الحين ..
غيدا : بس .....
اميره : لا بس ولا مدري ايش .. بيجيبونه .. يلا مع السلامه ..
غيدا : ههههههه مشكوره حياتي .. مع السلامه ..
قفلت منها وطلعت تجيب الجوال وهي طالعه الدرج وماهر نازل ..
اميره تمسكه : لا تروح بجيب لك شي ..
ماهر : بسرعه .. صباح الخير ..
الكل : صباح النور ..
فهد : يلا مشينا ..
ماهر : يلا ..
حصه : اجلسوا شوي .. ماهر حبيبي افطر بعدين اطلع ..
ماهر : لا يمه ماعليه نمر شي الحين ..
حصه : على الاقل كوب حليب ..
ماهر : خلاص يمه نمر شي ..
فهد : خلاص عمتي نمر فيه الحين نفطره ونمشي ..
حصه : متأكدين ..
رائد : افا عليك .. ترى حتى انا ما افطرت ..
ماهر : وانت فهد افطرت ..
فهد : الحمد لله ..
ماهر : ماشاء الله عليك منقزنا من سررنا ..
فهد : انتم يالخياش قايل لكم تسع ونص ..
ماهر : لا انت تقول تسع ونص تجي عشر ..
رائد : لا يعجبك اليوم جايني تسع ونص تماما ..
ماهر : ماشاء الله عليه .. لا لا مو فهد اللي اعرفه غريبه .. على الموعد اجل ..
رائد : حتى انا استغربت ..
فهد : اوريكم يالثيران .. المره الجايه بقولكم 6 وبجيكم 11 ..عشان تعرفون ..
رائد : اشوى انك علمتنا ..
الكل : هههههههههههههههه ..
ماهر : يلا نمشي ..
اميره وهي نازله : لحظه لحظه ..
ماهر : وشو ..
اميره : خذ جوال غيدا ودوه بيتهم ..
ماهر : وين بيت خالتي مشاعل ووين النادي ..
اميره : لو سمحت .. اكيد محتاجته ..
رائد : هاتيه ..
فهد : ماراح اسوق .. مشوار قسم بالله ..
رائد : انا بسوق ..
اخذوا منها الجوال وركبوا السياره وراحوا بيت مشاعل ..
!??ٍ??? فبيتـ مشاعل (ام غيدا) ?????
كانت غيدا وامها بالصاله يفطرون .. ودق الجرس .. ردت الخدامه ..
انيسه : ماما غيدا فيه رجال يبغى انت عند الباب ..
مشاعل : رجال .. من هالرجال اللي يبيك ..
غيدا : هذا اكيد ماهر ولد خالتي حصه .. جايب جوالي ..
مشاعل : وش ودا جوالك عندهم ..
غيدا : حطيته بالغلط بشنطة اميره ..
مشاعل : روحي خذ الجوال من الرجال ..
راحت غيدا ولفت طرحتها .. وطلعت فتحت الباب .. انصدمت لما شافت رائد هو اللي عند الباب ..
رائد : صباح الخير ..
غيدا مبتسمه : صباح النور .. هلا ..
رائد : هلا بك ..
ابتسمت له وابتسم لها ..
رائد يمد لها الجوال : جوالك ..
غيدا تآخذه : مشكور ليه تعبت عمرك ..
رائد : لا عادي تعبك راحه ..
غيدا : تفضل ..
رائد : لا ما عليه مره ثانيه .. الشباب بالسياره ..
غيدا : حياكم ..
رائد : لا مره ثانيه متأخرين ..
غيدا : سوري اجل عطلتك ..
رائد : لا عادي .. يلا تامرين شي ..
غيدا : لا سلامتك ..
رائد : سلمي على عمتي ..
غيدا : يوصل ..
دخلت وسكرت الباب وهو ركب السياره ومشوا .. فتحت الجوال وشافت الارقام الصادره .. لقت رقم غريب .. دقت هالرقم ..
? فــيـ .. السيارهـ .. ?
الاغاني مشغله وسوالف .. دق جوال رائد .. وعلى طول قفل المسجل ..
فهد : خير ان شاء الله ..
رائد : شوي بس رقم غريب .. (رد) .. الووو ..
غيدا انصدمت : ..........
رائد : الووووووو ..
غيدا : .........
فهد بصوت عالي شوي : رد كانك رجال مو تدق وتسكت كنك حرمه ..
غيدا ضحكت : ههههههه ..
رائد ابتسم : الو ..
غيدا : مين ..
رائد : رائد ..
غيدا : ليه رقمك بجوالي ..
رائد : ولا شي .. بس كنت ادور على جوالي ودقيت عليه من جوالك ..
غيدا : آآهـآآ ..
فهد : مين مين ..
رائد : يالقافتك ..
فهد : هات اشرشح لك اياه ..
رائد : انت على طول تبي تتهاوش ..
فهد : مو تقول رقم غريب ..
رائد : ماعليك ..
غيدا :يلا مع السلامه .. لا يجيني تهزيأه الحين ..
رائد : حياك الله ..
سكروا .. جلس فهد يحقق مع رائد .. ورائد يستهبل عليه ..
اما غيدا استغربت تصرف رائد ..
غيدا : اللي بالقدر بيطلعه الملاس ..
? فــيـ .. غرناطه .. ?
كانوا البنات مع امل وريان .. يتمشون ..
ريان : يمه .. منقزتني من فراشي عشان تدورون .. عالاقل خلينا نفطر .. جوعان ..
امل : فديتك حياتي .. يلا وش تبون فطور ..
ريان : اي شي ..
راحوا وافطرو من كودو ..
جوري : الحمد لله ..
امل : صحه وعافيه ..
ولاء : حصه وعايشه ..
هيفا : لو سمحت امي ..
ولاء : نسيت ..
امل : يلا خلونا نروح نشتري اي شي ..
جوري : يمه كارفور ..
امل : يلا كارفور كارفور ..
ريان : خلاص انتي يالفيله ..
ولاء : كلن يتكلم عن نفسه ..
هيفا : بدو توم وجيري ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك