رواية تحملت كثير يا قلبي -7
جوري : ادري ..
امل : دامك تدرين ليه تقولين كذا ..
جوري : ما ابيك تحبين غيري .. اغار ..
تهاني : هذا كبرك وتغارين ..
ساره : ياعيب الشوووووووم ..
لولو : وش عليكم .. مو الزوج يغار على زوجته والزوجه تغار على زوجها ..
اميره : ايه زي ابرار تغار على سعود وهو يغار عليها ..
ابرار عطتها نظره تححححرق ..
اميره : يمااااااااااه والله آآآسفه .. آآخر مره ..
البنات : هههههههههههههههههههههه ..
راحت امل وجلسوا هم يسولفون ..
بيان : تقهرني هالانسانه ..
غيدا : مين ..
بيان : جوري ..
غيدا : ليه طيب ..
بيان : ما ادري بس والله احيانا تقهرني مره تنرفزني ..
غيدا : حرام وربي حبوبه ..
بيان : طيب طيب ..
غيدا : لاتقولين تكرهينها بعد ..
بيان : لا عاد مو درجة الكره .. بس كذا ..
غيدا : قولي تغارين منها ..
بيان : وليه اغار ..
غيدا : يمكن لانها احلى ..
بيان : لا ياقلبي ومن قالك انها احلى مني .. انا احلى منها و جسمي احلى من جسمها ..
غيدا : الكل يدري ان جوري احلانا .. فلاتكابرين .. عاد اعترفي انها احلى .. ماينقص منك شي ..
بيان : لا مو احلى .. انا احلى منها بكثير اصلا وش جابها لي ..
غيدا : لاحول ولاقوة الا بالله مافيه فايده منك الغرور ماتتركينه ..
بيان : انا مو مغروره .. بس كلمة الحق تنقال انا احلى ..
غيدا : طيب انتي احلى ..
بيان : ايه كذا الكلام الزين .. فديتك والله ..
ولاء : هااااااااااه اشوف فيه ناس يتفدون ناس .. وحنا لنا الله .. نقولهم بنسولف معكم مايعطونا وجه ويقولون عنا قليلين حيا ..
بيان : وانتي وش مدخلك بيننا ..
ولاء : انتي الحين احد كلمك .. ايه اللي على راسه بطحا يتحسسها ..
بيان : مالت عليك من بنت .. بيئه ..
ولاء : بيئه .......
ساره : خلاص انتي وياها وبعدين يعني .. اف ..
ولاء : الحين انا صرت بيئه .. اذا انا بيئه من المتحضر يا عمري ..
بيان بغرور : اششششششششش ..
ولاء وبعيونها دموع وبصوت شوي عالي : اكرهك بيان وربي اكرهك ..
قامت وطلعت برى الصاله وراحت الحوش .. البنات انصدموا منها اول مره يشوفون ولاء كذا وبيان ماهمها عدلت جلستها وحطت رجل على رجل وجلست تسولف مع غيدا .. قامت هيفا بعد ما عطت بيان نظره فورت دمها ولحقت ولاء .. راحت تدورها بس مالقتها ورجعت داخل ..
ساره : وينها ..
هيفا : دورتها مالقيتها ..
ساره : بسم الله الرحمن الرحيم .. لا يكون راحت تقول لابوي يوديها البيت ترى تسويها ماعندها اي مشكله ..
جوري : لا ان شاء الله ..
لولو : خلوها انتم الحين .. شوي تهدا وتجي ..
ساره بعصبيه وصوت مرتفع : بيآآن .. قومي دوريها ..
بيان بكل غرور : آسفـه ..
ساره : بتقومين ولا شلووووووووون ..
بيان : قلت لك آآسفه ماراح اقوم .. قومي انتي دوري عليها ..
ساره : طيب حسابك بعدين ..
قامت ساره وراحت تدور عليها هي وجوري .. بس ما حصلوها .. رجعوا ودخلو ..
ولاء كانت جالسه بين الشجر بالحديقه وجالسه تصيح ..
ولاء : اكرهها .. اكرهها ..
.......: ومن هذي اللي تكرهينها ..؟؟..
ولاء خافت وقامت .. وقفت لقت حمد ..
ولاء تمسح دموعها : ولا احد ..
حمد : اوف اوف .. دموع ولاء نازله .. دموك على ما اعتقد ما تنزل على سبب تافه يا ولاء .. ولا خلاص صرتي من البنات الدلوعات اللي على اي كلمه يصيحون ..
ولاء نزلت راسها : لاء ..
حمد : اجل ليه الدموع مع ان الكل مستانس .. واعتقد جمعت البنات لا يمكن تصيح احد ..
ولاء صاحت ..
حمد : افااااااا .. لا لا اكيد فيه شي كبير ..
ولاء جلست على الارض وغطت وجهها بيدينها وصارت تبكي بصوت شوي عالي ..
حمد نزل لها ورفع راسها : ما فيه ولا احد يستاهل تنزلين دمعتك عشانه يا ولاء .. اللي اعرفه انك قويه ومايهزك شي .. ولا تهتمين لأحد وش اللي غيرك ..
ولاء : يعني ما احس ما عندي قلب ..
حمد : لا عندك قلب وتحسين بس مو اي شي يأثر فيك ..
ولاء : خلاص طفشت كرهت عيشيتي معاها .. مااحبها اكرهها ..
حمد : ومن هذي اللي كارهتها لهالدرجه ..
ولاء : بيان ..
حمد مستغرب : بيان اختك ..
زادت صياحها وطلعت كل اللي بقلبها وجلست تشكي لحمد .. وهو يسمعها .. اول مره يسمع بنت تشكيله .. تأثر مره .. معقوله فيه اخت تعامل اختها كذا .. لا حول ولا قوة الا بالله ..
ولاء : والله يا حمد حتى لما اصب الشاهي ما تاخذه من يدي .. تصب لها واحد ثاني .. ولا لما اغسل شي ترجع تغسله من بعدي .. على بالها اني وصخه .. دايم تطيح فيني تهزيء اذا مالقت احد قدامها تتهاوش معاه جت لي بغرفتي وسوت لي مشكله وطلعت .. وانا اسكت واتحمل .. خلاص والله تعبت ما اقدر ..
حمد : هدي اعصابك يا ولاء .. لاتفكرين انها تكرهك .. لا مافيه اخت تكره اختها ..
ولاء : فيه والله فيه .. بيان تكرهني ..
حمد : وانتي تكرهينها ..
سكتت ولاء ..
حمد : شفتي سكتي .. توك تقولين اكرهها .. ولاء الانسان مهما سوى فيه اخوه لايزال بقلبه له معزه خااصه .. بيعزه ليييييييين يموت .. صح ..
ولاء : ما ادري ..
حمد : اوكي .. طيب لو لا سمح الله صار لبيان شي .. انتي بتوقفين معاها ولا بتتخلين عنها ..
ولاء وبدون تردد : طبعا بوقف معاها .. هذي اختي ..
حمد : شفتي .. ترى حتى بيان .. اكيد انها تحمل لك بقلبها معزه بس ما تبينها لك ..
ولاء : وليه ما تبينها .. ابي احس انها اختي .. وربي مو حاسه ..
حمد : بينكم الايام يا ولاء انتي تقدرين تحسسينها وتغيرينها .. تقدرين بمعاملتك لها تقلبينها من مغروره لقمه في التواضع .. طبعا هذا كله بالكلمه الحلوه .. والاسلوب الاحلى .. ولا اناا غلطاااااااان ..
ولاء : لا والله مو غلطان .. كلامك درر ..
حمد : ايواااا .. من علمك درر ..
ولاء :ياحليلك اعرفها من 1 ثنوي اخذناها بالمطالعه ..
حمد : هههههههههههههه ماشاء الله عليك .. يلا عاد الحين روحي مسحي دموعك وغسلي وجهك وارجعي ولاء اللي قبل شوي شفتها .. اللي تضحك وتستهبل .. مو ولاء الصيوحه الدلوعه .. ويا جبل مايهزك ريح ..
ولاء تمسح دموعها : ان شاء الله .. والله يا حمد مدري وش اقولك خففت عني كثير ..
حمد : ولا يهمك .. انا بالخدمه .. بعدين انتي حسبة اختي ..
ولاء : وناسه لو كنت اختك .. قسم بالله انواع الفله ..
حمد : لا الله لايقوله ..
ولاء : ليه ياقلبي لايكون مو عاجبتك ولا مو من مقامك استاذ حمد ..؟؟..
حمد :هههههههههههههههههه .. ايه هذي ولاؤوه طويلة اللسان ..
ابتسمت ولاء وراحت وحمد بعد راح .. دخلت وعلى طول راحت الحمام غسلت وجهها وضبطت شكلها ودخلت عليهم الصاله ..
ولاء بكل مرح : هـآآآآآآآآآآي .. هاه فقدتوني .. لا لا اكيد فقدتوني ..
طالعوها البنات مستغربين منها مو هذي ولاء اللي قبل شوي ..
ولاء : هههههه ادري اكيد وحشتكم .. يا قلبي ماتشوفون وحش ..
ساره : بسم الله من وين طلعتي ..
ولاء : من الفانوس السحري .. من وين يعني .. من بطن امي ..
اميره : ههههههههههههههههه تعالي انتي يالتحفه تعالي ..
راحت لها ولاء وجلست جنبها : خير ..
اميره : وجع .. تكلمي زين ..
ولاء : لبيه يا قلبي ..
اميره : هههههه .. وين كنتي ..
ولاء : كنت بالحوش ..
هيفا : دورناك مالقيناك ..
ولاء : ادري شفتكم ..
جوري : ويوم انك شفتينا ليه ماطلعتي .. طاح قلبي خفت عليك ..
ولاءء تروح لها وتضمها : فديتك والله .. ايه هذي السنعه مو .. ((تقلد ساره)) .. بسم الله من وين طلعتي .. اللي يسمعها يقول شايفه جني .. مو ولاء ..
ضحكوا البنات عليها ..
غيدا : تسامحي منها بيان ..
بيان : مين انا اتسامح من ولاء .. هذا اللي ناقص ..
غيدا : ووش فيها يعني ..
بيان : فيها كثير .. آآسفه كرامتي ما تسمح ..
غيدا : ترى ما يضر .. ترى الكرامه ما تنمحي بمجرد انك تتسامحين .. لا بالعكس .. يزيد قدرك عند اللي قدامك وتكبرين بعيونهم ..
بيان : قلت لك آآسفه ..
غيدا : وش بيضرك لو وجهتي الاسف هذا اللي تتأسفينه لي .. انك تقولينه لولاء .. ترى وربي عادي مهما كانت اختك .. محد راح ينفعك غيرها بعد الله ..
بيان : انا ماراح اذل نفسي لها ..
غيدا : تعتبرين الأسف والتسامح .. ذل .. مبدئك غريب الصراحه ..
بيان : سميه اللي تبين تسمينه ..
جوري : اوكيشن .. بنات تعالوا نطلع غرفتي بوريكم صور لصديقاتي ..
تهاني : ماشاء الله عليك .. متى مصوره معاهم ..
جوري : سوينا حفلة تخرج .. وصورنا ..
هيفا : حتى انا عندي نفس الصور ..
تهاني : وليه ما وريتيني اياهم يا فالحه ..
هيفا : والله عاد كل ماجيت ابوريك اياهم .. نتطاق واحقد عليك ولا اوريك .. واذا تصالحنا اكون نسيتهم ..
ولاء : وناسه والله .. يلا يلا بشوف ..
طلعوا كلهم فوق غرفتها .. فتحت الباب كانت الغرفه مره مره هااااديه مشغله الابجوره والمكيف شغال والغرفه دااااافيه .. دخلو وكل وحده جلست بمكان .. ولاء وهيفا ونوره وجواهر على السرير .. وابرار فوق المكتب وساره على الكرسي حق المكتب .. وليلى على كرسي التسريحه حاطه يدها على خدها تحس بتعب وحراره .. ولولو واميره وتهاني على الكنبه وبيان على الكرسي الهزاز .. وغيدا كانت واقفه .. ورغد على الكمدينه اللي جنب السرير ..
لولو : غيدا اجلسي ..
غيدا : لا عادي مرتاحه كذا .. < مره رسميه معاهم .. وهم بعد مره رسميين معاها ..
لولو قربت لها بالكنبه واشرت لها تجي تجلس جنبها : تعالي ..
غيدا : لا عادي مرتاحه والله .. بضيق عليكم ..
تهاني : لا عادي .. الضيق بالانفس ..
اميره : تعالي بس لاتوقفين .. احسك واقفه على راسي ..
ضحكت غيدا وراحت جلست جنب لولو .. ابتسمت لها لولو ابتسامه مره حلوه .. ارتاحت لها غيدا .. اول مره تحس بهالشعور اتجاه احد ..
جوري وهي تدخل : ماشاء الله على كبر الغرفه مليتوها ..
اميره : الله يزودنا ولا ينقصنا ..
ساره وهي تطالع ابرار : بننقص من غير شر .. بيروحون بعض الناس عش الزوجيه ..
ابرار : حتى لو .. بقعد على قلبك .. وين ماتجمعتوا بجي ..
ساره : احلى شي .. لاني بصراحه ما استغني عنك ..
ابرار : فديتك ..
اميره :يلا جوجو ..
طلعت جوري البوم صور مره كبير وحطته على السرير ..
جوري : يلا كل وحده تشوف وتمرر للثانيه ..
جلسوا يطالعون الصور وجوري وهيفا يعلمونهم مين البنات ..
رغد : جوري هذي مره حلوه ..
جوري : مثلك حلوه يا قلبي ..
هيفا : اي وحده عجبتها ..
جوري : شوق ..
هيفا : ايه ماشاء الله عندك ذوق رغود ..
اميره : وريني وريني .. اخذت الصوره .. تهاني تهاني .. مو هذي اخت عهود اللي معنا بالجامعه ..
تهاني : اشوف .. الا والله هذي اختها ..
ساره : وروووووووني .. (عطوها الصوره) اول مره اشوفها ..
تهاني : ذيك المره جت مع عهود للجامعه .. اظن انك كنتي غايبه ..
ساره : لا ما عمري شفتها .. بس والله تشبه عهود .. بس عهود احلى ..
هيفا : كل هالحلا .. واختها احلى منها ..
ساره : ماشاء الله اجل لو شفتي اختها تقولين القمر نازل على الارض من جمالها ..
تهاني : هذيك هيفا اللي اكلمك عنها ..
هيفا : ايه عرفتها .. بس ماعمري شفتها ..
تهاني : تشوفينها ان شاء الله ..
ابرار : ايه صح بنات وش ناوين تدخلون ..
هيفا : ابي تغذيه معاهم ..
ابرار : وانتي جوري ..
جوري : حتى انا ابغى تغذيه ..
ابرار : وانتي بيان ..
بيان : ما ادري يمكن تربيه خاصه ولا فنون ..
ابرار : كل واحد احلى من الثاني .. اذا من جد عندك موهبه ادخلي فنون ..
ساره : لا بيان تعجبك بالرسم .. مره حلو رسمها ..
ابرار : حلو .. اجل توكلي على ربك ..
بيان : الله يسهل ..
التفتت لولو على غيدا : وانتي غيدا ..
غيدا : انا بدخل فنون ان شاء الله ..
ابرار : آآهــآآ اقول ليه بيان محتاره بين الفنون والتربيه الخاصه ..
غيدا : انا ما ابي تربيه خاصه مع ان نسبتي تدخلني اللي ابيه بس ميولي فنون ..
لولو : ترسمين ..
غيدا : ايه ..
لولو : عندك لوحات طيب ..
غيدا : مو كثير .. يمكن بس 13 لوحه ..
نوره : ماشاء الله 13 لوحه ومو كثير .. الحين انا اذا جت حصة الفنيه يالله يالله ارسم شجره .. ولا بعد انحاش من الحصه ..
جواهر : ولا انا فاااااشله بالرسم ..
غيدا : ههههههههههه لا والله مو كثير ..
ليلى : طيب متى ترسمينهم ..
غيدا : لما اكون طفشانه .. ولا معصبه .. ولا متضايقه .. اطلع حرتي باللوحه ..
لولو : حلو ..
تهاني : يعني صار عندنا فنانه بالعايله ..
استحت غيدا : مو فنانه عاد ..
ابرار : الا فنانه .. وش تسمينه 13 لوحه .. مو زي هذولا (تأشر على جواهر ونوره) رسم كراسه عاجزين عنه ..
ولاء : احم احم .. اهم شي ما جابوا سيرتي ..
جواهر : ههههههههههههه انتي لا يكلمونك عن الفنيه .. مسكينه .. اعتقد حتى خط ما تعرفين ..
ولاء : جواهروه .. من زين رسمك عاد ..
جواهر : عاد اعرف ارسم غيمه وشمس وطريق وبيت وشجره ..
ولاء : حدك رسمات اول ابتدائي انتي وذا الخشه ..
جواهر : ههههههههههههه احسن من اللي بترسم بيت رسمته بالسما .. معلق ..
ولاء : لا عاد .. انا اصلا كنت قاصده انه يكون بعيد يعني ..
اميره : هههههههههههههههههههههه جواهر .. ماتعرفين فن الرسوم ثلاثية الابعاد ..
البنات : هههههههههههههههههههههههه ..
هيفا : هي انتم لا تضحكون عليها ..
تهاني : حطتك محامي لها ..
هيفا : هذي ولاء .. بتكمل مسيرتي بالمدرسه .. الخليفه من بعدي ..
ساره : ونعم الخليفه والله .. والله وعرفتي تختارين ..
هيفا : اجل ..
ولاء : ايه صح على طاري الخليفه .. وحده تسأل عنك بالمسن تقول الخبلا بنت عمتك تخرجت ..
هيفا : من الخبلا ..؟؟.. لا يكون انا بس ..
اميره : اللبيب بالاشاره يفهم ..
هيفا : لا تكفين يالعاقله .. عطيني ايميلها انتي ..
ولاء : طيب ..
جوري تطالع الساعه : بنات الساعه 12 ..
طق الباب ودخلت الخدامه ..
ادورا : ماما جوري .. ماما امل كلام يلا اشا ..
جوري : يلا الحين نازلين .. يلا بنات ..
نزلوا وهم نازلين بالدرج ..
غيدا : اممممممممم ريحة الاكل مره فضيعه ..
نزلوا وكانوا الحريم يغسلون بيدخلون يتعشون .. وكانوا الجده ومشاعل بالمغاسل ..
البنات : السلام عليكم ..
الجده ومشاعل : وعليكم السلام ..
الجده : ماشاء الله يوم شميتوا ريحة الاكل نزلتوا ..
مشاعل : لا اله الا الله .. قطاوه مو بنات ..
البنت : هههههههههههههه ..
غيدا تبوس امها : يمه عاد انا قطوه ..
مشاعل : كلهم قطاوه الا انتي الغزال بينهم ..
هيفا تطالع خالتها وتطالع غيدا وتهمس لجوري : ودي ادوس فبطونهم ..
جوري : قصري صوتك لا تسمعك ..
هيفا : اجل انا قطوه ..
جوري : اسكتي خلاص ..
هيفا تكلم خالتها : اجل حنا قطاوه يا خالتي ..
مشاعل : ايه يوم شميتوا الاكل نزلتوا ..
هيفا : والله مدري من اللي وحنا نازلين من الدرج تشم ريحة الاكل وتقول ريحة الاكل مره فضيعه ..
قبصتها جوري .. وداست رجلها بالكعب .. غيدا جلست تطالع فهيفا مستغربه .. ومشاعل طنشتها ودخلت تتعشى ..
جوري : هيفا تعالي نشوف امي بالمطبخ ..
سحبت جوري هيفا وراحوا المطبخ .. والبنات دخلو المجلس لان الحريم يتعشون بالصاله ..
امل : اجل نزلتوا ماشاء الله ..
جوري : ايه .. اقول يمه .. ليه بتتعشون بالصاله ..
امل : جدتك ماتبي الطاوله .. تقول ما اعرف .. حطيته بالصاله ..
جوري : طيب يمه حنا اجل بنروح غرفة الاكل خلي الخدامات يسوون لنا سفره هناك ..
امل : وليه ماتبون تتعشون معانا ..
هيفا : لا خالتي .. نبي الطاوله والاتيكيت ..
امل : هههههههه الحين صار الاتيكيت ما يجي الا بالاكل على طاوله ..
هيفا : يعني ..
امل : طيب خلاص .. روحو وبجهز لكم كل شي ..
جوري : اوكيشن ..
ضربتها هيفا على ظهرها بخفيف : ماقالك رائد يا ويلك ..
جوري : سوري .. بالغلط طلعت ..
هيفا : طيب حبيبتي مره ثانيه لا تغلطين ..
جوري : ان شاء الله عمتي ..
هيفا : يلا امشي قدامي ..
طلعوا وجلسوا مع البنات ..
اميره : هاه بشرو ..
هيفا : منتصرين بإذن الله ..
ابرار : داخله حرب ..
هيفا : مدري عنها تقول بشروا ..
اميره : اقصد فيه عشا ولا نطلب ..
جوري : تستهبلين .. رائد ذابح خروفين اليوم ..
اميره : كفو .. هذا السنع ..
الجوهره : بنات بمووووووووووت من الجوع ..
نوره : حتى انا .. خلاص بطني لصق بظهري ..
ليلى : انتي عندك بطن اصلا ..
نوره توقف : ايه شوفي ..
ليلى : لا ماشاء الله كبييييييييييير .. الله لا يضرك ..
نوره : ادري تتطنزين ..
ليلى : لا حشى .. اتطنز على اختي .. عيب عيب ..
نوره : طيب ..
اميره : خلاص انتي وياها .. شلون تتكلمون وانتم جوعانين ..
ساره : يووووووووه عاد اميره جاعت الله يعينكم ..
لولو : اميره قلبي ما عليك منهم .. غيرانه . لاتعطينها وجه ..
اميره : وانتي صادقه .. تحاول تكون مثل جسمي بس ما تقدر ..
ساره : لا شكرا .. ما ابي ..
اميره : احسن عشان اصير مميزه ..
ساره : الله والتميز عاد ..
تهاني : جوري تكفييييييين روحي شوفي الاكل ..
جوري : ان شاء الله .. غيدا تعالي معاي ..
(طالعت هيفا وهيفا طالعتها وطنشتها .. بس انقهرت ليه تاخذ غيدا وماتآخذها)
جلسوا يسولفون لين جتهم غيدا وقالت لهم يدخلون يتعشون ..
ابرار : يلا ياعوانس ..
اميره : يلا يا مدام ابرار ..
ابرار : عانسه اميره لو سمحتي بلا طنازه ..
اميره : اشوفك من انخطبتي نكرتي ..
ابرار : امشي بس امشي ..
? فــيـ .. ملحقـ .. الشبابـ .. ?
الشباب طلبوا العشا يكون بالملحق ..
ماهر : الله عليها ام رائد اكل روعه .. بس لو فيه شطه ..
ريان : لا تطالعني كذا ماراح اقوم ..
ماهر : آآآفــــآآآآآآآ ليه عاد ..
نايف : ببساطه لانه جوعان يبي يطفح ..
رائد : لاتذل عمرك انا بجيب لك ..
ماهر : كفو والله ..
قام رائد يجيب الشطه ..
? فــيـ .. غرفة .. الاكلـ .. عند .. البناتـ .. ?
البنات : ههههههههههههههههههههههههه ..
نوره : الله يقطع بليسك يا اميره خلاص بطني ..
ولاء تطالع بيان وتهمس لهيفا : جعلها تغص ..
هيفا : تعوذي من ابليس وكلي وانتي ساكته ..
التفتت هيفا على جوري وقالت لها كلام ولاء وابتسمت ..
بيان : هههههههههههه .. كح كح كح كح ..
شرقة بيان وصار وجهها احممممممممر .. التفتت هيفا على ولاء وجوري وانفجروا الثلاثه ضحك ..
ابرار بعصبيه : قسم بالله ماعندكم احساس .. البنت شرقة بتموت وانتم تضحكون .. ساره قومي جيبي لاختك مويه ..
ساره : هذا الجيك ..
ليلى : خلص ..
ساره وهي تقوم : طيب طيب ..
غيدا : لا ساره اجلسي انا بجيب ..
راحت غيدا بسرعه للمطبخ ولا انتبهت للإنسان اللي مدخل نفسه جوا الثلاجه .. وبما ان المطبخ ازعاج القدور والصحون فما انتبه لها هو الثاني ..
غيدا : ادورا بسرعه مويه ..
ادورا : جين جين ..
تقدم رائد بيطلع .. وغيدا تمسك كاس المويه ما امداها مسكته الا صقعها رائد وطاح منها الكاس وانكسر .. تنح رائد ..
رائد : اووووو .. آآآآآآآآآسف آآآآآآآآسف .. مو قصدي ..
غيدا كانت عيونها على الكاس اللي طاح .. رفعت راسها وجلست تطالع فرائد بدون اي تعابير فوجهها .. صاروا يطالعون فبعض بعدين استوعب رائد الحركه .. وراح اخذ كاس وصب فيه مويه وعطاه غيدا ..
رائد : اسف ما كنت اقصد ..
غيدا : حصل خير ..
رائد : اسف مره ثانيه ..
غيدا : والله عادي ما حصل الا الخير ..
جلست تطالع فيه وهو يطالع فيها .. بعد فتره استوعبوا .. نزلت راسها عنه وبحيا ..
غيدا : عن اذنك ..
رائد : اذنك معاك ..
رجعت غيدا للغرفه : هذي المويه ..
اميره : صح النوم ..
غيدا : لا بس كان ....
ابرار : لا تقعدين تقولين بس ومدي ايش .. تعالي كملي عشاك ..
غيدا : بيان حياتي شلونك ..
بيان : الحمد لله .. كله من اميره الله يقطع بليسها ..
اميره : ايه مسيكينه هالاميره حطوا بلاويكم عليها ..
لولو : غيدا وينك طولتي بالمطبخ والله لو انك تعيدين تحليتها ..
غيدا تذكرت الموقف وابتسمت ..
تهاني : هي الحبيبه .. وين رحتي .. شف شف تبتسم ..
غيدا : لا ولا شي بس تذكرت شي ..
بيان : وماتذكرتي هالشي الا الحين ..
نوره : عاد تذكرته بتحاسبونها ..
? فــيـ .. ملحقـ .. الشبابـ .. ?
رجع رائد وعطى ماهر الشطه وجلس ..
ماهر : شكرا ياقلبي .. ياعلني ما اذوق يومك ..
رائد : .............< ولا هنا .. مسرح ..
ماهر : اوووووووووو رؤؤؤؤؤؤؤد .. يا ابو الشباب وين رحت ..
رائد : ايه معاك ليه تزعق ..
فهد : اي معاك يا ابن الحلال .. له ساعه ينابح عليك وانت مطنش ..
ماهر : هي انت وشو ينابح ..
فهد : ههههههههههههه اقصد ينادي ..
ماهر : ايه تعدل ..
فهد : الا جد رائد .. وش فيك الرجال له ساعه يناديك وانت خبر خير مسرح .. "غمزله" هاه اللي ماخذه عقلك ..
رائد يطالع فيه : كلن يرى الناس بعين طبعه ..
مشاري : ههههههههههههههههههههههه يافاهمها ياقوي ..
فهد عطى مشاري نغزه بكوعه ..
مشاري : آآآآآآي ..
رائد : وش فيك ..؟؟..
فهد يطالعه بنظرة تهديد ..
مشاري : لا لا ابد سلامتك بالاكل فيه شوك .. أأأقصد عظامه دخلت بحلقي . ..
رائد : لا لا ماتشوف شر .. اشرب مويه ."يطالع فهد بنص عين". ولا خل فهد يعطيك بالكوع مره ثانيه يمكن ينزل العظم ولا يطلع ..
حمد : ههههههههههههههههههاااااااااي ..
فهد : وش يضحك بالموضوع ..
حمد : ههههههههههههههه انت ..
فهد : انا ..
حمد : هههههههههه لا لا سلامتك ..
مشاري : لا شكرا رؤوود وربي اللي خلقني تعور ..
فهد : احسن عشان تتأدب تعرف تنطق زين مره ثانيه ..
ماهر : كفو يا مهجدهم ..
فهد : اعجبك يا حبيبي ..
بعد العشا .. جلسوا الشباب يكملون السهره .. وبعض الرجال راحوا اللي عنده دوام بكرى .. والباقي صكوها سهره الين الساعه 2 بالليل .. بعدين كلهم استأذنوا وراحوا .. اللي يقول وراي دوام واللي يقول البيت شوي بعيد .. واللي دايخ بينام ..
اما عند البنات .. بعد اقناعات وواسطات اقتنعت عايشه انها تخلي هيفا تنام عند جوري .. بس ما قدروا يخلون الباقين يوافقين ينامون مثل غيدا وجواهر ونوره .. فراحوا ..
ساره : اشوى اللي بتنام هنا ولاء..
هيفا : افا تبين الفكه ..
ساره : لا بس بتصير اعاصير بالبيت لو تروح ..
جوري : من امس قايله لي انها بتنام ..
هيفا : خيانه .. ليه ماقلتوا لي ..
ساره : هذاك دريتي ..
هيفا : لا مايصير لازم ادري قبل .. توأم روحك انا جوري ..
جوري تضمها : ادري والله ادري توأم روحي وحبيبتي وغلاي واعز ناسي وكل شي ..
ساره : يلا هيفوه استانسي .. يلا مع السلامه ..
البنات : بااااي ..
هدى : يلا مع السلامه ..
جوري : خالتي اجلسوا شوي بس ..
هدى : لا ياقلبي .. فهد ذبحني بيروح .. يقول فيني النوم .. وانا اخاف من سواقته وهو مصحصح عاد وشلون لو كان فيه النوم ..
هيفا : لين الحين يسرع ..
هدى : الله يهديه بس .. يلا مع السلامه .. رغد يلا ..
راحت رغد تسلم على جوري : مع السلامه ..
جوري تبوسها وتشيلها : فديتك بشتاق لك ..
رغد : حتى انا ..
جوري شايلتها وتمشي فيها لين وصلت عند الباب مع ولاء وهيفا ..
جوري : عاد دقي علي طيب .. ترى بستناك ..
رغد : طيب .. ان شاء الله ..
باستها جوري ..
هيفا : وحنا رغود ماتبين بوساتنا ..
راحت لها رغد وباستها وراحت لولاء .. اللي عضتها وباستها وقبصتها بخفيف مع خدها ..
ولاء : مع السلامه يادبدوبه ..
رغد وبسمتها البريئه بوجهها : مع السلامه ..
طلعت رغد .. وجوري صارت تطل مع فتحت الباب تشوف فهد .. وفهد كان واقف عند باب السياره مع رائد يسولفون ويضحكون وهو كان حاط غترته على كتفه والعقال ماسكه والطاقيه على راسه .. كل شوي يأشر بالعقال ويضحك .. ويسوي حركات انجت عليه جوري .. هو متحمس بالسالفه ولفت انتباهه اللي واقفه تطالع مع الفتحه .. ابتسم ابتسامه رهييييييييييبه .. ركبت امه وبعد رائد عن السياره ..
فهد يأشر لجوري : مع السلامه ..
رائد ما استوعب : مع السلامه .. وعدنا بكرى هاه ..
فهد : افقووووووووووورس .. يلا فمان الله ..
اول ماحرك فهد .. على طول انحاشوا البنات جوا وجلسوا بالصاله كنهم ما سوو شي .. دخل فارس .. قاموا البنات يسلمون عليه ..
فارس : هلا والله هيفا وولاء عندنا اليوم ..
هيفا : ايه ياخالي نحبكم ..
فارس : حبتك العافيه .. بس ما اوصيكم لاتزعجون لان ابوي وامي نايمين ..
جوري : نايمين هنا يبه ..
فارس : ايه ..
ولاء : اخيرا رضوا ينامون عند احد .. يلا ان شاء الله من بيتكم على بيتنا ..
هيفا : لا حبيبتي عندنا ..
ولاء : لا ياقلبي .. ابوي اكبر .. تروح عندنا بعدين تجيكم ..
فارس : لا المره الجايه ولا اللي بعدها .. اذا رضوا المره جايه يصير خير ..
دخل رائد : السلام ..
الكل وعليكم السلام ..
رائد : كيفكم ..
البنات : تمام ..
رائد : هاه جوري استانستي ..
جوري : مره .. تسلم لي والله ..
هيفا : ايه والله تسلم لها ..
ولاء : وهي الصادقه .. بس وش السالفه ..
فارس : ماعليك ولاء خلك مثل عمك .. مايدري وش السالفه ..
ولاء : خلاص اجل .. لا احد يعلمني ..
الكل : هههههههه ..
فارس : يلا تصبحون على خير ..
هيفا : جالسين خالي ..
فارس : السهر لكم مو لنا ..
ولاء : هذا وانت شباب تقول كذا اجل لو شايب وش بتسوي ..
فارس : لو شايب كان سهرت معكم ..
الكل : ههههههههههههههههه..
فارس : رائد قل لامك اني فوق ..
رائد : ان شاء الله ..
راح رائد ينادي امه من المطبخ وقالها تطلع لابوه وطلعت وراحت فوق .. وشاف ريان بالمطبخ ..
رائد : ريانوه خلاااااااص يكفي اكل ..
ريان : وربي جوعاااان .. بس شوي ..
طلع من المطبخ ولحقه رائد ..
رائد : تراك بتصير كنك فيل ماتدخل مع الباب ..
ريان : انت قل ماشاء الله ولا راح يصير لي شي ..
رائد : ماشاء الله ..
ريان : الحين اقدر آآكل على كيف كيفي ..
رائد : الحمد لله والشكر .. ياخي حافظ على جسمك .. خلك رشيق زي اخوك ..
ريان : هاهاهاهاااااااااااي .. رشيق زي مين ..؟؟..
رائد : وش هالضحكه ..؟؟..
ريان : لا سلامتك ..
رائد : ايه رشيق غصب عنك ..
ريان : ماشاء الله .. لا رشيق ..
رائد : اي ادري انها طنازه .. بس من الغيره يا حبيبي ..
ريان :ايه هين انا بغار من رشاقتك ..
رائد : اكيد بتغار يا حبيبي ..
ريان : طيب ..
رائد : يوووووه انا جالس اتكلم معاك يالبزر .. خلني اروح انام ابرك ..
ريان : ايه بزر .. توني اصير بزر ..
رائد : لا مو توك .. من زمان ..
ريان : مشكور ..
رائد : العفو .. يلا تصبحون على خير ..
الكل : تلقى خير ..
رقى فوق .. وريان راح وحط صحن الاكل اللي كان بيده ورجع الصاله .. كانوا البنات توهم بيطلعون فوق ..
ريان : بترقون ..
البنات : ايه ..
ريان : ولاء ..
ولاء : هلا ..
ريان : تسابقين .. نشوف من يوصل فوق اول ..
ولاء : طبعاً انا يالدب ..
ريان : طيب يا رشيقه ..
هيفا : انا بعد لكم ..
ريان : اوكي .. يلا ..
هيفا : 1 .. 2 .. 10 ..
طلع ريان اول 3 درجات وولاء واقفه ..
ريان : يووووووه بلا استهبال .. يلا عدي ..
هيفا : خخخخخخخخخ وانت ليه مستعجل .. يلا يلا .. 1.. 2.. 3..
طلعوا الاثنين وولاء سبقت ريان وريان يمسكها ويصيرون مع بعض .. لين وصلو .. بس طبعا ولاء سبقت بحكم انها اخف منه ..
جوري : ههههههههههههههه مهابيل كسرتوا الدرج ..
ولاء : هههههههههههههه قال ايه قال تسابقين .. اقول ريان رح حبيبي صيح بغرفتك ..
ريان : مو ريان اللي يصيح عشان سباق اي كلام .. ترى سابقتك عشان بس اطلع انام ..
ولاء : ههههههههههههههههه دايم هذا كلام الفاشلين ..
ريان : طيب طيب يلا تصبحين على خير ..
ولاء : تلقى خير ..
راح ريان ينام وولاء تطل على البنات من فوق ..
ولاء : بنات تعالوا ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك