رواية تحياتي لمن دمر حياتي -6
قامت هند ومسكتها ..و يلستها عدل ..
هند: أنا فكرت واايد يوم كنت مسافرة ..فكرت بعلاقتنا ..وانه اللي نسويه غلط ..و لازم نصلح هالشي ...
نورة: و شو تبين تسوين ؟؟
هند: ما أدري ...والله ما أدري ..
نورة: انتي بتهديني ؟؟
هند: ما أدري .....
نورة اختنقت ..و عيونها انترست دموع ..بس قالت انها لازم تتماسك و ما تصيح ..و قدرت انها تتماسك .....
و صار موعد ردتها للبيت ....ودعتها ..و حبتها على خدودها ..وهي تدري انه هذي هي النهاية ....
يوم ردت البيت صاحت صياح ما يعلم فيه الا رب العالمين ......تمت تصيح أكثر من ساعتين ..
بعد ما تعبت و نشفن كل دموعها..حست انها محتاجه لهند ......ما يهمها أي شي بس تبي تكلمها ...قامت و دقت عليها ...
هند:ألوو
نورة: ولهت عليج ......
هند: ........................
نورة: بسألج سؤال وأبي الصراحه ..
هند: قولي ..
نورة: انتي ناوية تتركيني ؟؟
هند: ........... ما أدري ..بس يمكن ..
نورة: يمكن شوو ؟؟
هند: اني أتركج ....
نورة:........................
و في هاللحظة ..امتلى قلبها بكل أنواع الخوف والرعب والضياع ....حست انها بتروح عنها ..بتفقدها ..نورة تعودت عليها ..ما تقدر تهدها !!!!!
سكرت عنها وراحت ترقد عشان تهرب من التفكير ......ما قدرت ترقد ..تبي تصيح ..تبي تصارخ و تقول لها انها تحبها ....يت أمها و لقتها بعدها ما رقدت ..
امها: نورة ليش بعدج ما رقدتي ؟؟
نورة: يمه أنطر أذان الفير ..
امها : اووكي ..تقبل الله .....
و راحت .....
صلت و كانت تدعي ....تدعي بكل قوتها عشان الله يستجيب ..تدعي و تصيح .....لين ما خلاص تعبت ..سلمت وراحت رقدت عشان تهرب من التفكير
{ أجلــــس على سجادة صلاتي ..وأرفع يدي للدعاء بنسيانك ..أتراجع ..يرعبني نسيانك ..
فمن نفس هذا المكان ..دعوت الله ليالي أن تكون لي ومعي ..ومن هذا المكان
رفعت يدي أدعو الله أن تكون أسعد خلقه في كونه..
ولم أستخره يوما ً بك ..كنت أخشى ان تكون شرا ً فيبعدك الله عني ..
أنت لم تكن شيئا ً عاديا ً في حياتي ..
لم تكن مرضـــاً يمكن الشفاء منه ..
أنت كنت في عمري ..شيئا ً يفوق عمري !! }
قامت ثاني يوم .. سمعت اصوتا ناس تضحك و يتكلمون ..طلعت برع الصاله ولقت اخوها راد من السفر ....
ما سلمت عليه (بتعرفون ليش بعدين )
..راحت ودشت غرفتها مرة ثانية ....
و بعد ما صلت العصر ....دقت على هند ....و كلمتها شوي :
نورة: ............... ساكته
هند:شفيج ما تسولفين ؟؟
نورة: ما شي بس ما لي خلق ..مكتأبه ..
هند: من شوو ؟؟
نورة : هند أنا ما أقدر أعيش بدونج ....هند أنا أحبج ..تفهمين شو يعني أحبج ؟؟
هند: ..........................
نورة: الله يخليج لاا تروحين وتهديني بروحي ..بروحي ما اعرف أعيـــــــــــــش .....هند ..هند
هند: ( صكت السماعه .......)
و تمت كل يوم على المنوال ..كل يوم تترجاها انها ما تتركها بروحها ..و هند كان قلبها حجر ....و لا يمكن يلين ..
ألف فكرة وفكرة كانت تدور براس نورة ..كانت ضايعه لآخر مدى ..لأكبر معنى للضياع ..
هند كانت كل حياتها ....كل شي يتمحور حوالين هند .....
{ ثق ..ليس بالضرورة أن تقف على رأسك ..كي ترى الدنيا مقلوبه } ..........
\\//
بعدها تحاول تتصل بهنــــــد وتترجاها عشان تردلها ...كرامتها انمسحت بالأرض مليوووووون مرة ..
مرت فترة وهي شبه ميته ....قامت من النوم فجأة و لقت عمرها بدون هند !!! تتخيلون هالشعور القاسي .....كانت ما تشوف احد ولا تطلع من البيت ...هالصيف كان أسوا صيف في حياتها .....
راحت و تمت تطالع الثياب اليديدة اللي شرتها عشانها ..و الاكسسوارات ..
ابتسمت ...(يالله ..ما بلبسهم ..ما احد بيشوفني ...يعني ما لهم داعي ) ....و رمتهم في الزباله ......
بعد فترة ..نورة قررت تنسى هند ..تشلها من حياتها ..اقتنعت بفكرة انه هند ما تحبها ..صح انها كانت تحبها قبل بس ما تدري شو اللي تغير ...
خبرتها هند انها تبي تشوفها في النادي ..
و راحت مناك ..و يلست وياها ...كانت هند تحاول تراعي مشاعر نورة بكل اللي تقدر عليه ...بس شو الفايدة وهي كسرت قلبها ؟؟؟
هند: نورة ..أمل تبي تقعد ويانا ..
نورة: أمــــــــــــل dj ؟؟
هند: هيه ..تبي تحاول انها تردنا لبعض ...
نورة: ما له داعي ....بقولج ..أنا ما أقدر اني أبتعد عنج فجأة ..استحمليني شوي و تمج وياي لين شهر 10 بس ...
هند: أكيد ..خلااص اللي تبينه .....
خلااص الحين كل شي واضح ..ما بيردون لبعض ..نورة قلبها فعلا كان مكســـــــــــور ,,ما تدري كيف بتدش المدرسة و هند مب وياها ..كيف بتشوف الناس و بتقولهم (خلاص افترقنا ) ...
{ البعض عندما يرحل ..يأخذ كل شيء معه ..كأنما يحمل الكون في حقيبته ...و يمضي !!} ......
الفصل الرابع
(القلب ذاك اللي يحبك // ..صار يبحث عن مصير )
البارت الأول
(لو تشوف دنياي بدونكـ ..حزينه ما لها معنى !!) .....
بدت السنه الدراسية اليديدة .. و بدا معاها شهر رمضان ..مدرسة يديدة و مرحله يديدة ...كانت مرحلة الثانوية وايد مخوفة نورة لانها سمعت من البنات انه لاغلب الناس تكون ماساه !!
أول يوم كان مرعب ..حسوا اعمارهم بيصيحون ..ما يعرفون أحد ....بس اللي هون عليها انه كانت منوو وياها في الصف ...و وحدة من ربيعاتها اللي كانت وياها زمان في الشلـــــــــة (فاطمة ) ..و بعد وايد بنات كانت تعرفهم من المدرسة الجديمة ..و أسمــــــــــــاء .. وأموون و مي ..ووايد بنات حبوبات ..تعودت على البنات من اول اسبوعين ..
نورة كانت تحاول تعوض عن اللي صار آخر فترة ..كانت كله مهتمه بشعرها و شكلها ..كل شي لازم يكون مرتب و متعدل ......و اتعلقت وايد بربيعاتها وصارت ويااهم 24 ساعه في السكووول
يوم كانوا يالسين في حصة الانجلش ..و المس كانت مملة و رمضان ومحد طايق عمره ..
نورة: طالعت لجهة اسوووم و عويــــــــــش ...عطت اسووم بوسة في الهواء ..و أسووم سوت نفس الشي و الكل يضحك ..
كانت مستانسة بعلاقتها مع البنات ..ما حد فهم الحركات اللي تسويها غلط ..لأنها ما كانت تقصد أي شي من ورا هالحركات ..على قولة عويش : تعوضين الحنان ...
:::::::::::::::::::::::::::
قرب شهر رمضان يخلص ....
الكل كان شاري ثياب يديده الا نورة ..كانت تقول : ما اشوف أي شي يخليني استانس هالعيد ..لانه قبل العيد بيوم ..بتكون نهايه علاقتها مع هند ....
عطوهم إجازة محترمة عشان العيد ..آخر وناسه ..
اليوم الناس بتودع شهر رمضان ..و نورة بتودع شهر رمضان و قلبها !!!
دقت عليها هند ....تسلم عليها مب أكثر ..
نورة: هند ..كل عام وانتي بخير ..و عساج من عواده ..
هند: وانتي بخير ..
(سكتوا شوي .............)
هند: تدرين انه اليوم لازم أنهي علاقتنا ..
نورة(بنبرة مصخرة) : هيه ..أدري ....
هند: أبيج تعرفين انه انتي بتمين أغلى وحدة على قلبي ..
نورة: ما تفرق ..اغلى و لا مب أغلى ..يالله بسير ..باي
{ خروجكـ مني كان كانتزاع الروح ...فكنت انازع كالغريق ..كنت أغفو ..واصحو ..واشهق ..ولا أموت !! }
و راحت يلست ..كانوا ربيعاتها يطرشون لها مسجات و يكلمونها ...وهي ما لها خلق أحد ..بس حاولت تنسى السالفة و تتصرف عادي ..
//\\
ثاني يوم ..يتهم عمتهم و عمهم الصبح يعيدون عليهم ...نورة كانت يالسة وياهم غصبا ً عنها ...
و بعدها راحوا يصبحون و يعيدون على المعارف و نورة وخواتها تموا في البيت ..كانت حاسة انه هذا اسوأ عيد مر عليها ..روحها قاعدة تطلع شوي شوي ..ما لها خلق تكلم حد ولا تشوف حد ..والمشكله انهم كانوا معزومين على الغدآ في بيت عمها ...
ردوا اهلها من طلعه الصبح و لبسوا بسرعه و راحوا حق بيت عمها ..
الكل مستانس و يضحك الا هي ....تحس انه وجودها بين الناس يالس يقطع شرايينها ...الكل لاحظ انها مب شارية ثياب يديدة ..
حنوون:نورة ليش مب شارية ثياب يديدة ..
نورة: (ويهها احمر ) لااا ...بس ..ما لحقت كان عندي امتحانات...و مرضت وووووو........
حنوون: اهااا ..اوكي (وهي تكلمها من طرف خشمها )
حست بالاحراج ....ما تحب احد يهزأها جدام الأوادم ..حست بالدموع بدت تنزل ...
راحت الحمام و يلست هناك ..صاحت شوي ............صاحت أكثر ....
بس قررت انها لازم تكون اقوى من جيه ..على الأقل جدام الناس ..ما تبي تفشل عمرها جدام الأوادم ..
نورة: الظاهر انه رخيت الحبل على نفسي واايد ..الله يرحم يوم كنت ما اعرف طعم الصياح الا كل 4 شهور مرة ....( طالعت عمرها في المنظرة ..ابتسمت)..يحق لها تهدني وتبعد عني ..استغفر الله شو هالشكل ؟؟
و طلعت من الحمام و راحت تيلس ويا الناس ....
عقب ما تغدوا ردوا بيتهم عشان أهلها بيرقدون شوي .....
فصخت ثيابها و يلست تتذكر هند ..فتحت الدفتر و قعدت تقرا ..
(اليوم كان أحلى يوم في حياتي ..شفت هند ,,,) ..(رحنا السكيت و كانت لابسة .......) .....(عمري بدونها ما يسوى شي ......) ..
صكت الدفتر ..حست عمرها بتختنق ..يلست على الأرض تصيـــــــــــح ..بس بدون صوت ..كانت ميته من التعب لدرجة انه ما شي صوت عشان يطلع ....
بعد شوي سمعت صوت الجرس ....
و سمعت اصوات اختها حنوون وعيالها ..راحت بسرعه لبست و استقبلتهم ....
حنوون: هااي نواري ..بعد شوي بتيي ربيعتي جهزي عمرج
نورة: اوكي ...
قومت امها من الرقاد و راحت تجهز الأغراض وكل شي ..
و يت ربيعة اختها و يلست وياهم على ما تقوم امها من الرقاد ....
و تمت تطالعهم و هم يسولفون ..ركزت على حنوون : (تكلم عمرها ) ..آه يا حنوون ..تغيرتي ,,ما عدتي حنوون اللي اعرفها ..مردج يوم بتكتشفين انج ولا شي و بتردين شرات قبل ) .....
قامت حنوون عشان تشل الكرسي اللي كان جدامها ...و علق الكعب مالها في تنورة نورة .. وكانت بتطيح ....
بس ربيعتها مسكتها بحركة سريعه
ربيعتها : ويييه ..باسم الله عليج حنوون
حنوون: لاا ما صارلي شي ..مشكورة (ووجهت كلامها لنورة) ..هي انتي ما تشوفين ؟؟
نورة: ما سويت شي !!
حنوون: كافي مفشلتنا وما شريتي ثياب حق العيد !! ليش ما عندج فلوس تبين أعطيج ؟؟
هني نورة انصدمت ......... !!! ما توقعت انها تتهزء بهالشكل .....و من اختها !!!!
راحت غرفة امها و صارت تصيح صياح مب طبيعي .....و كانت دانوه بنت خالتها توها داشة ولقتها تصيح انصدمت راحت بسرعه تشوف شوفيها ...
و نورة قالتلها كل السالفة .....
نورة : (انا لو سمحت لأحد يهيني من اول مرة خلااص ..لازم أدافع عن عمري ..)
دش عليها ابوها وهو مستغرب ..شفيها هذي توها ما كان فيها شي ...
ابوها: احم احم ....ادش ؟؟
ادانووه: اكيد عمي تفضل
أبوها : شحالج يا بنيتي ؟؟
دانوه : بخير عمي الله يسلمك
ابوها: شوفيها نورة ؟؟
نورة: ما شي يبه ..
أبوها : قولي يالله ...
ترددت وايد قبل لا تقوول .....بس بالأخير قالتله عن كل اللي صار
أبوها: هي ما تقصد اللي قالته ..و أنا ما أبي عداء بينكم و أنا حيي ما مت !!
نورة:(هذا اللي طلع منك يبه ..مشكوور ما قصرت ..ما شي غير الله اللي يوقف وياي أنا ) ..........
أبوها: على العموم أنا برمسها في السالفة ....
و طلع ....
تمت يالسة عند دانووه في غرفه امها ..و هم يسولفون ..لين ما تاخر الوقت و صار لازم يرورحون ...
راحت نورة غرفتها وهي فعلا زعلانه ..كله اجتمع ضدها ..اختها وهند والدنيا ..فجأة تذكرت كل شي صارلها من 3 سنين ..أموون و هند و ساره و الكـــــــــــــل ...احتقرت عمرها ..فعلا ..حست عمرها ولا شي ..الكل يتسلى فيها و يرميها مثل الزباله ..
خذت لها زقارة من الكبت مالها و راحت الحمام تنسى كل شي ...
ثاني يوم يتهم حنوون عشان تتغدى عندهم ..و نورة كانت متفقة انها تطلع ويا مريووم اختها اللي أكبر عنها ....و يتغدون هناك ..استانست يوم درت انها بتطلع و حنوون في البيت ..ما تبي تشوفها خلااااااص ..
ابوها : نوووووورة تعالي شوي
و تم يكلمهم و قال لحنوون انه اللي سوته ضايق نووورة و جيه
حنوون وبكل براءة : نورة انا ما قصدت اللي فهمتيه ..سوري لو أي شي ضايقج ....
نورة: (بدون نفس) اوكي ...
و طلعت هي و مريووم و صرفت كل فلوسها عشان تعوض عن اللي ما شرته قبل العيد ..
ردت البيت و حضرت اغراضها حق المدرسة بااجر ...كانت تحاول تعدل نفسيتها شوي بس صعب ..الجرح ما صارله يومين ..حبها راحت خلااص ..
\\//
مرت أيامها عادي ...دراسة وشوية fun ويا الربع ..كانوا هم ينسونها هموها ..حبتهم و تعلقت فيهم ....ما تخيلت انها ممكن تحب ناس هالكثر ..و حب بريء !!!
مرة كانوا يالسين في الصف ومستهم غايبه ....
دخلت عليهم مس تدرس انجلش.. وفي بنية كانت وياهم في الصف واااااايد كيووووت اسمها فطوم كانت واقفة ويا شلتها و الصف كله يصارخ و يراكضون
المس :بــــــــــــــس !! خلااص كافي صراخ ..كل وحدة مكانها ,,, فطوم يلسي مكانج !!
يلست فطوم ....
و بعد ما هدا الصف صارت المس تقول : بنات عيب عليكم ما يصير انتوا كبار ....الحين لو تسمعكم الإدارة شو بيصير فيكم ؟؟؟
و بقول شي حق فطوم ....أنا اعرفج هادية شو اللي مغيرج ..
فطوم: مس هذي عويش ماثرة علي ..
عويش : ههههههههههههههههه
فجأة أموووون تدخلت : مس بقول شي حق فطوم ....
المس: قولي ..
أموون: فطوم أنتي وايد حلوة ..
هني الصف كله سكت ..و فطوم طالعتها ولفت ويهها ...
و نورة تضحك ويا ربيعاتها على الموقف اللي صار ..
و مرت ايام وأموون تحاول تلفت نظر فطووم و نزلت فيها أم الدفاشـــــــــة ..
آخرتها فطوم فعلا صارت تحبها و عطتها رقمها وصاروا كل يوم يكلمون بعض ....
وهالشي قهر مي واايد ..لأنها بدت تبعد عنها شوي شوي ..وخلاص مب قادرة تستحمل راحت و رمست نورة :يعني نورة يهون عليج تتركني وتروح حق فطووم ؟؟؟
نورة: صبري شوي ولا تعصبين ..هذي حبيبتها وانتي ربيعتها ما شي مقارنة امبينكم ..أكيد بتردلج بس هي الحين مستانسة وياها و ما تدري عن شي ..
و صارت وايد مشاكل على سالفه اماني وفطوووم ..ومي كانت ورآ هالمشاكل لأنها كانت تغار شوي ....
بس نورة كانت دووم تهدي الوضع وعاادي ...
\\//
قرب الفصل الأول يخلص ...تعرفت على وايد بنات وصارت تعرف كل دفعتها و الكل يعرفها ..
زادت علاقتها مع بنيه اسمها حمدة وهجوووور ربيعتها من ايام الإعدادي ....و كانت وايد مستانسة ..حتى في الامتحانات كانوا ييلسون ويا بعض فترات طويلة عقب الامتحان و يسولفون ..واكتشفت عنهم اشياء واايد زينـــــــــه ...
الحين هم في إجازة نص السنه ..اللي مرت ماساويه على بطلتنا أكيد ..يعني ما تطلع وايد ما تشوف ناس وايد ...بس هي خلاص تعودت ...
يا ترى شو مخبية هالدنيــــــــا من مفاجآت ....
تابعوني ...
البارت الثاني
(القلب ما هو لعبه في يدينك يا فلان ) ..
خلصت اجازتهم ..و ردوا حق المدارس ...كانت ولهاانه على ربيعاتها اللي صارلها مدة ما شافتهم ..
أول يوم كان وايد حلو لأنه طبعا ً ما شي دراسة ...كانوا كل البنات يالسين و حمدوو تسولف عن ربيعاتهم اللي كانوا رياهم في المدرسة الجديمة و نورة بعد كانت تعرفهم ...حمدة كانت وايد جذاابه و ملامحها دفشة وحلو شكلها شكها يوم ترمس ..و سواالفها روووعه وتونس ..نورة حطت في بالها شي ...
انه تلعب عليها ..وصارت كل شوي تطالعها وتلف و تسوي حركات ....اسبوعين على هالحال ..و حمدة عادي يعني مب عاطتنها فيـــــــــس ..
الا بعد فترة تييها وتقولها بكلمج بموضوع ..
حمدة: نوورة انتي تتحريني أحبج ؟؟
نورة: لااا ..عادي يعني
حمدة: بس تصرفاتج ما تدل على (لااا ) ؟؟
نورة: لاا أنا جيه ويا كل البنات ..
حمدة: اهاا ..لاا بس أنا أب وحدة ثانية ..
نورة: والله ؟؟قولي لي منوو ؟؟؟
و حكتلها القصة من أولها لآخرها ....تقريبا كانت نفس قصتها ويا هند ....و نورة بعد خبرتها عن هند ..
و تعاطفوا مع بعض واااايد
.....
و بيوم من الأيام ..بآخر شهر واحد تقريبا ..كانوا يالسين في غرفة الإنجلش ياخذون الحصة هناك
و نورة كانت مزكمة و ما لها خلق أحد .......و فجأة دشت عليهم بنية ماسكه شنطتها ..وعطت ورقة حق المــــــس ....و سألتها المس عن اسمها ..طبعا نورة كانت راقدة على الديسك و ما شافت شي ...
عويش : بنات تقول اسمها خلووود ههههههههههههههههههههههههه هههههه
المس : عويش !!!!! بس اسكتي
و دشت و البنات تموا يرمسونها و أول وحدة راحت عندها هي حمدة و يلست وياها ..
و هم طالعين و بيردون حق الصف ..نورة أشرت حق البنية من بعيد ..فابتسمت لها ..
نورة: شحاالج ؟؟
خلود: بخير ....
و نزلوا تحت ...
و كان عليهم حصة دين ..و نورة تمت رايحة رادة حق الزبالة ..
المس : نورة بس تقومين و تردين ..احولت عيوني !!
نورة: شسوي مس أنا مريضة ؟؟ و أقرف أمسك الكلينكس بعد وووووووووووع (بدلع)
الصف كله : ههههههههههههههههههههههههه هههههههههههه
و مر اليوم عادي ..و ردوا البيت ....
كانت نورة تفكر بهند وهي راقدة على سريرها ....و تذكرت كل شي ..(هالذكريات بتقتلني,, لاازم أنسى ..لازم )
.....راحت و ذاكرت شوي وعقب رقدت لأنه وراها دوام ثاني يووم ..
و مرت حصص ثاني يوم مملة أكيد ..و هم في الحصة الرابعة كانوا نورة وأسوم يكتبون notes حق بعض في ورقة ويمررونها على البنات لين ما توصل حق اسوم ..و شغالين ضحكـ و مصخرة ..
لااحظت خلود انه نورة محبوبه و مشهورة في المدرسة ..هي ما كانت تدري انه البنات يعرفونها كانت تحرى انه عادي ....
و على ثاني يوم بدت حركات خلدوو تطلع ..حركات البويات ...شعرها وستايلها و كلامها ..
يعني هي بعدها تحس عمرها غريبه عشان جيه ما كانت ترمس البنات واايد ...
خلصت الحصة وكانت هذي الفسحة ..قامت خلود ووقفت عدال حمدة ..و المفروض انه حمدة تتمشى ويا الشلة كلها ...
عويش : شو ما بتيوون ؟؟
حمدة : لاازم أسير حق مس المكتبة ..نورة تعالي وياي
أسوم : خلاص انتوا سيروا واحنا بنتمشى تحت ..
و راحوا حمدة وخلود و نورة و فطوم و منوو و هجووور ...
طلعوا كلهم فووووق ..
دشت حمدوو هي ومنوو وفطوم المكتبة وتموا نورة وخلود وهجوور برع ..فجأة لقت خلود تسألها : نورة عندج حبيبه ؟؟
نورة انصدمت !! هي ما تعرفها كيف تسالها هالسؤال ..يعني هو سؤال شخصي شوي ...
ارتبكت و بين عليها هالشي ...
نورة: لاا كان عندي بس الحين لااا ..(و خبرتها بالسالفه)
خلود: اوكي ..
خلصت حمدة وعقب تموا يتمشون فووووق ..و دق الجرس وصارت الحصة الخامسة ..نزلوا تحت ولقوا المس بعدها ما يت فتمشوا برع شوي ..
خلود: الا اقول شو اللي كان بينج وبين هنوود ؟؟
نورة(انصدمت أكثر ) : ؟؟؟؟؟؟؟؟؟؟ ,,,(يا ربي شفيها هذي ؟؟ شقولها الحين ؟؟)
نورة: لااا يعني أشياء ..
خلود: اشياء نفس شووو ؟؟
نورة: تدرين أشياء أشياء ....
خلود: تعالي براويج شي ....
و خذتها على صوب ..وراوتها علامه في رقبتها ووحدة على صدرها ....نورة انصدمت !!! أول مرة تشوف هالعلامات ...
خلود: هذي من حبيبتي مريووم ..كنت وياها قبل كم يوم بس الحين هي زعلانه ..
نورة: (بعدها مصدومه) والله ,,ليش ؟؟
خلود: كنا في المشرف و كنا يالسين أنا و مريووم و تدريـــــــــن يعني ..بعدها يوم طلعنا من الحمام يت بنية و سلمت علي ..فهي غارت و تمت تصارخ وتسألني منو هذي ..و انا اقولها انه بس نحن بس ربع ما شي غير جيه ..عقب زعلت وراحت تمشي ويا وحدة ربيعتها ..و يت هالبنية مرة ثانية ودشينا مكان ما فيه أحد و *****
الا تطيح علينا مريووووم ...و عطتني نظرة من تحت لي فوووق و راحت..
نورة: وييييييييييييييييييييه ... shit shit shit .... الموضوع قووووووووووووووي !!!
خلود: هي هي هي هي هيييييييييييي ....(ضحكه شريرة )
و دشوا الصف لأنه المس يت ..
طول الحصة وهي تفكر باللي شافته ...و اللي قالته خلدوووه ...
اشتاقت حق هند أكثر ....تحبها لو شو ما تسوي ...كانت أول وحدة ************* ........
لقت منوو تعطيها ورقه من خلود ( نورة قوليلي وين الصاله الرياضيه ) ..عقب ما خلصت الحصة وصفتلها ياها و راحت خلوود .. ويوم راحت عشان تشوفها هناك لقتها تلعب باسكت ,,فصاحت لها من بعيد : خلوود يالله تأخرنا ..
راحت خلود حقها و قالتلها : انزين يالله ياايه ..
و سكتت شوي ..
خلود: نورة عطيني بوسة ..
نورة : ههههههه اوكي
و قربت على خدها و باستها ,,
راحت خلود وقالت : لاا مب من هني (و حبت نورة من رقبتها ) !!!
نورة انصدمت من الحركة شوي بس قالت عادي لنها بوية فتغازل الكل ,,
\\//
ردت نورة البيت ...وهي بتصيح من الخاطر ..هند مب راضيه تغيب عن بالها ولا شوي ..راحت وشبكت مسن ..
نورة: ااااااااااااااااااااااااا اافففففففففففففف ما احد يشبك في المدرسة ؟؟؟
صكت اللاب و انسدحت تفكر .......(يا ليت لو احد يقولي أحبج ..وينسيني هند ..نفس ما نستني كل اللي قبلها ..) ,,,, ابتسمت ..(مستحيل احد يحبني ..انا مب حلوة ....و تذكرت اللي قالته خلود و سوته اليووم .. بس ردت وقالت الموضوع عادي البويات دومهم جيه . ) ....
ثاني يوم دشت المدرسة ..و راحت سلمت على الشله مالتها ....
نورة: الا وين خلدووه ما شفتها ؟؟
فطوم:ما أدري والله ..ما حد شافها ....
نورة: لتكون راحت المباراه اليوم ؟؟ لاا بس البارحة سجلت اسمها ..
مريوم: الله أعلم ..
و طلعت خلدووه غايبه ...كملو الحصص عادي ..و على الحصه الخامســــــــــــــه ..راحوا مختبر الكيميا ..
نورة: أموون هاتي الشال مالج مت من البرد ..
أموون : هاااااج اخذيه (و رمته عليها)
نورة: ثاانكس
و لبسته وراحت يلست ويا ربيعاتها ..
فجاة دشت خلوود ..الكل انصدم من وين طلعت هذي ؟؟
راحت سيدا حق نورة و يلست وياها ..بعد شوي نورة كانت تستهبل وواقفة على الطاولة و ترقص ..الا تدش المس بس ما شافتها ترقص
المس:نورة يلسي على الكراسي يالله
نورة: ان شاء الله مس
و يلست على الكرسي ..
بس طلعت المس ردت يلست فوق على الطاولة ..يتها خلدوو وهي واقفة ولاصقة فيها و حطت ايدها على خصرها و نورة حطت يدها على رقبتها ..
هجوور: الله الله شوهالرومانس ؟؟
أموووون :هاتي شالي بيتنجس عقب هالحركاات
نورة : الله !! سكتي اللي يسمع بيصدق انج شريفه مكه
أمون: خخخخخخخخخخخخخخ
و قامت نورة وراحت صوب الشباك ...
و تمت تفكر بهند ..وكيف كانت تمسكها و تدلعها ....
يت منوو ووقفت وياها شوي و عقب يت هجوور ..
و هم يسوفلون و يضحكون لقت خلدوو عدالها و تقولهم: بنات ليش قلبي يدق بسرعه ؟؟ هاتي بشوف قلبج (وحطت إيدها على قلب هجوور) ..عادي ما يدق بسرعه ..
و نورة كانت مب منبتهة و حطت خلدوو إيدها على مكان غلط !! نورة طلع منها صوت (******) بدون قصدها !!
وقفت و هي مبققه عيونها تبي تشوف خلدوو سمعت أو لا ..
خلود: شفيج ؟؟؟؟
نورة: لاا ,,بس ,,طلع صوت ...صوت غلط ..
خلدوو: ههههههههههههههااااااااااا ااااااااااااااااااااااااا ااييييي
نورة: ماااااالت عليج !!
و دق الجرس وطلعوا من المختبر وهي تحكي لها كيف كانت المباراه و جيه ..
ردوا البيت كلهم و تغدت نورة وراحت رقدت ,,
قامت من النوم على الساعه 6 تقريبا ...تمت يالسة على سريرها شوي ..تفكر بالمجهول ..تتخيل كيف حياتها بتكون ..كيف لو نست هند .....
فجاة يدق تلفونها برقم غريب .....
نورة: ألووو
خلود: هلا نوااري
نورة: هلااا..منو وياي ؟؟
خاــود : أنا خلدووه ما عرفتيني
نورة: لاا بس الصوت غريب ..من وين لج رقمي ؟؟
خلدوه : خذيته من وحدة ..
نورة: حلفي !!!!
خلود: خخخخخخخخخخخخ
و تموا يسولفون شوي ..عقب ما سكرت عنها حست نورة انه في شي غلط ..ليش تاخذ رقمها وليش سوت هالشياء في المختبر اليوم ...؟؟؟؟ حاولت انها ما تفكر بطريقه غلط بس الموضوع ما ينفهم الا غلط !!!
نست السالفة كلها و ركزت شوي بالكتب اللي جدامها ..و راحت شافت تلفزيون شوي و رقدت ..
وثاني يوم } ..
مر يومها عادي ..نفس كل يوم ..حمل معه أحزان في قلبها ما يعرفها غير الله ..بس كانت تتجاهل هالشي و تتظاهر بالفرح ....
طلبت خلود منها انهم يرورحون حق وحدة من المسات عشان كانت تبيها في شغله ,,
طلعت وياها نورة و عقب ما خلصوا ..
نورة: يالله خلوود بننزل
خلود: لازم نمشي وياهم يعني ؟؟
نورة: ليش احد ضايقج ؟؟
خلود : لاا والله ,,بس أبي ايلس وياج شوي ,,
كانوا يالسن على صوب و هم عدال بعض ,,و ما شي ولا حد في هالمكان ,,
يمرون البنات كل فترة و يطالعون نورة بنظرة و يمشوون ,,و هي مب فاهمة ليش ,,
عقب خلود كانت تسولف و يضحكوون الا تيي بنية من عدالهم ,,راحت خلود و حطت راسها على كتف نورة و خبت عيونها (و يبين انه كانوا يسوون شي )
البنت طالعتهم من تحت لي فووق و مشت ..
نورة: خلدووووووووووووووه مااالت عليج يالدبة ,,الحين شو بيقولون ؟؟
خلوود: خلهم يولوووووووون شو تبين فيهم ؟؟
نورة: أقوووول ,,جب ولا كلمة ,,يالله تاخرنا على البنات
و نزلوا تحت ,,
كانت نورة حاسه انه تصرفات خلود وياها غير ..يعني تحب تمشي وياها بروحهم ....و تاخذ رايها في أشياء واايد ..دووم تطالعها ...و الموقف اللي صار اليوم حست انه مقصووود ,,
بس ما كانت مهتمة لهالشي ..و تحاول انها ما تفكر فيه ....
وعلى آخر حصة ..كانت خلدووه يالسة عدال نورة على الأرض ..و نورة تقولها قومي بتمرضين ...وهي رافضة
تمت تطالعها و نورة شايفتها من طرف عينها ...ما تدري ليش تتصرف وياها جيه غير عن كل البنات ....
قامت خلود وعطت ورقه حق عويش (كانوا يالسين عدال بعض و نورة بين عويش وخلود) ..
و تموا يكتبون حق بعض كل الحصة بعدها عويش عطت نورة ورقه مكتوب فيها (نورو خلود تحبج )
نورة انصدمــــــــــــــت !! هي كانت متوقعه هالشي بس بعد الموضوع يصدم !!!!
ردت عليها (قوليلها نورة ما تقدر تكون ويا أحد)
عويش (ليش نويرة حرام عليج) ,,, نورة: (ما أقدر لأنه هالشي مستحيل !!مستحيل هي تحبني ) و تمت تشرحلها كل شي ..
و عويش تقنع فيها لين ما اقتنعت ......
و في الرواح مشت نورة عدال خلود وهي مستحية ..
خلود: ليش ما كنتي تبين تكونين وياي؟؟
نورة: لاا ولا شي ..مب مهم هالشي ..
خلود: اوكي ....(و مسكت ايدها ) ....
و ردوا البيت ,,,
و بنفس اليوم كلمتها على الفووون ..تمت تتغزل فيها و من الكلام الحلو و الحركاات ,, و نورة تضحك على خبالها ,,
كانت مستحيل تقتنع انها ممكن تحبها ,,مستحيـــــــــــــــــــ ل !! لو تبي تحب عندها بنات المدرسة جدامها تختارلها وحدة حلوة ,, أو جذابه .. وحدة ترفع راسها يوم تمشي وياها ,,مب هي !!
تمت تحاول تفكر بالموضوع بطريقه إيجابية ,,انه هي ما فيها عيب ولا شي ناقص ..بس كان في صوت داخلها يتم يذكرها بعيوبها ,,يمكن العيوب الوهمية لأنه نورة كانت وايد أخلاقية و متمسكة بالدين (بطريقتها الخاصه) و أخلاقها زينة و تفكر دوووووووم قبل لا تسوي أي شوي ,,
\\//
راحت السكول ثاني يوم وهي متحمسة ,,خلدووه أول بوية تحبها و تطلب انه يكونون ويا بعض ..
بعدها مب مصدقة اللي صار ,,حطت شنطتها على الكرسي اللي يتجمعون عليه الشلة و سلمت عليهم (و طبعا لنه ما حد يدري بالموضوع فما علقت على أي شي ولا خبرتهم),,
بعد شوي يت خلدووه ,,نورة شايفتها بطرف عينها من بعيد و قلبها يدق يدق بس تصرفت ببروووووووووود و عادي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك