رواية تحملت كثير يا قلبي -63
دخلت ساره جوى وجلسوا بمجلس الحريم ..
اميره : قهرني يوم قال نحفتي .. الحين انا نحفانه عشانه وكذا يقولي ..
ساره : بس يمكن هو يحب الدبدوبات ..
اميره : قالي انا حبيت اميره الدبدوبه .. بغيت اصيح ..
ساره : ماعليك انتي بس لو شفتي شكله يوم دخل علينا .. قسم بالله تقولين الكون كله صار ملكه .. محد قده ..
اميره : فديته ..
ساره : اميروه ..
اميره : ايه ..
ساره : هههههههههههههههههههههههههههههههههههه .. وتتغلين يالزفت ..
اميره : وش اسوي ..
ساره : هههههههههههه هين ..
!??ٍ??? فبيتـ الجده ??????
كان مشاري ينام عندها من بعد سالفة طلاقه .. والجده الارض مو سايعتها من الفرحه فيه .. بس تطالع خاطره ..
مشاري : يلا يمه قومي ..
الجده : وين يا ابوي .. خلني ..
مشاري : قلت لك شوي بس نطلع نتمشى وندور ونرجع ..
الجده : مافيني حيل ..
مشاري : يمه ماراح تمشين برجلينك .. بالسياره والمكان اللي تبينه بوديك له .. بس انتي يلا قومي الله يخليك لي ..
الجده : والله ما اقدر عليك .. ناد الخدامه تجيب عباتي ..
قام مشاري بسرعه وراح جاب عباية جدته وطلع معاها يتمشون ووداها كل مكان وكانوا قريبين من بيت ابو لميا .. ومر من عنده ووراه جدته ..
مشاري : هذا بيت اهل لميا ..
الجده : الله يوفقها بنت الحلال ماشفنا منها الشينه ..
مشاري : امين ..
مشى مشاري وهو مقهور .. وجلس يتمشى مع جدته ..
مشاري : يمه .. شرايك نطلع المزرعه .. مادام الجو حلو ..
الجده : والله وش زينها ..
مشاري : شرايك تقولين لعماني ان انتي اللي تبين المزرعه ..
الجده : ليه اذا قلت انت بيقولون لا ..
مشاري : اذا قلت انا بيقولون ورانا شغل بالشركه .. انتي قولي عشان مايقدرون يقولون شي ..
الجده : ان شاء الله اليوم بكلم عبد العزيز واقوله ..
مشاري : لا دقي عليه الحين .. هذا جوالي .
عطاها الجوال ودق على عمه عبد العزيز ..
عبد العزيز : هلا والله .. هلا ابوي ..
الجده : من ابوك ..
عبد العزيز : ههههههههههه يمه .. احسبك مشاري ..
الجده : ايه امك ليه متخرع ..
عبد العزيز : ابد يالغاليه ماتخرعت ولا شي ..
الجده : زين الاربعاء بنطلع المزرعه .. مافيه قولت وراي شغل ووراي مشاوير الكل بيطلع .. ودق على اخوانك قلهم .. ويلا مع السلامه ..
مشاري : هههههههههههههههه .. قويه ..
عبد العزيز : ههههههههههههههههههههههه شوي شوي علي يمه .. ان شاء الله بدق .. بس وش الطاري ..
الجده : ودي اطلع ..
عبد العزيز : زين ان شاء الله ..
الجده : يلا فمان الله ..
عبد العزيز: لحظه يمه .. وينك فيه ..
الجده : طالعه ليه ..
عبد العزيز : طالعه .. وين رايحه ..
الجده : اتمشى .. ولا حرام بعد ..
عبد العزيز : لا الغاليه بس غريبه تتمشين ..
الجده : والله مشاري لزم علي وطلعت معاه هذانا ندور ..
عبد العزيز : زين فديت روحه الله يعطيه العافيه .. الله يوسع له دنيا واخر ..
الجده : امين .. يلا عاد اذاني عورتني من هالجوال ..
عبد العزيز : زين .. فمان الله ..
سكرت منه وعطت الجوال مشاري : هه صار اللي تبيه يوم الاربعاء ان شاء الله ..
مشاري : الله يخليك لنا ولا يحرمنا منك والله .. كفو ..
!??ٍ??? فبيتـ مشاعل ??????
كانوا كلهم جالسين بالصاله .. ومشاعل توها مسكره من عبد العزيز ..
مشاعل : فيه روحه للمزرعه يوم الاربعاء ..
غيدا : الله وناسه .. من زمان مارحنا ..
فيصل : كل اخوانك ..
مشاعل : ايه حتى انتم ..
فيصل : حنا مين ..
مشاعل : انت .. ورجال خواتي ..
فيصل : آ آ آ .. زين .. وين بدر ..
غيدا : ليه متى جا ..
مشاعل : اليوم الصبح .. ماشفتيه ..
نزل بدر وعليه بجامته كان توه قايمه ..
فيصل : احد يقوم هالحزه .
بدر : كنت تعبان يبه ..
فيصل : عسى ارتحت الحين ..
بدر ابتسم : ايه الحمد لله ..
غيدا : الحمد لله على السلامه ..
بدر : هلا وغلا الله يسلمك .. وينك طقيت عليك الصبح مافتحتي لي ..
غيدا : كنت نايمه ..
مشاعل : ايه ماتنامين الا وجه الفجر ..
فيصل : طول الليل سواليف بهالجوال مع رائد ..
غيدا حمرة خدودها وبدر جلس يطالعها ويرفع لها حواجبه ..
فيصل : وانت بعد ..
بدر : قلنا لك يبه شده وتزول .. الله صلحني ..
فيصل : الله يصلح الجميع .. اقول مشاعل .. ماحددتوا موعد زواج غيدا ورائد ..
مشاعل : بكلم امل ونشوف متى .. الصراحه طولوا ..
غيدا مره انبسطت .. وبدر يطالعها بنص عين ..
مشاعل : بدر ..
بدر : لبيه ..
مشاعل : ماتبي اقوم احط لك غدا ..
بدر استغرب اول مره تقوله احط لك غدا ابتسم : ياليت والله جوعان .. بس خلي الخدامات يحطونه ماله داعي تكلفين على روحك ..
مشاعل : لا كلافه ولاشي ..
قامت وراحت المطبخ التفت على ابوه اللي ابتسم له .. بعدين على غيدا ..
بدر : شفيها امك اليوم ..
غيدا : مدري .. علمي علمك ..
بدر : من الصبح وهي عسل معاي مدري وش السالفه .. اخاف بعد شوي تجي تقولي (يتكلم بالمصري) يابني دنا بحبك وعايزاك تؤلي ماما ..
فيصل وغيدا : ههههههههههههههههههههههههههههههههههههههه ..
فيصل : بدّور اعقل ..
بدر ابتسم : والله جد ..
جت مشاعل ومعاها الصينه فيها كل شي .. حطتها قدام بدر ..
بدر : فديت هاليدين .. لا خلا ولا عدم يالغلا .. تسلمين والله كلفتي على عمرك ..
مشاعل : فديتك لا كلافه ولا شي ..
بدر همس لغيدا : امك مسخنه اليوم .. روحي المسيها ..
غيدا جتها ضحكه بس ماتبي تضحك قدام اهلها : احـــم .. ابي اروح السوق ..
بدر : آآآهـ ظهري .. جسمي .. رجليني .. كل شي يعورني .. ما اقدر ما اقدر ..
فيصل : ههههههههههههههههه ..
دق جوال غيدا وكانت جوري .. جلس بدر يطالعها ..
بدر : قومي ردي ..
غيدا : جوري .. هلا والله ..
جوري : اهلين ... كيف الحال ..
غيدا : الحمد لله تمام حياتي .. انتي شخبارك ..
جوري : دوم ان شاء الله .. انا بخير الحمدلله ..
غيدا : دوم وكل يوم ان شاء الله ..
جوري : امممممممم بنروح السوق انا وهيفا نمرك ..
غيدا : آآآهـ كنك تدرين فيني .. توني اقول لاهلي بروح السوق .. اوكي حياتي تمروني ولا امركم ..
جوري : لا خلاص نمرك ..
غيدا : مع السواق ..
جوري : ههههههههه لا مع رائد ..
غيدا : هههههههه اوكي فديتك .. استناكم ..
جوري : اوكيك .. يلا باي ..
سكرت : يبه بيمروني البنات بروح معهم السوق .. بلا منة خلق الله ..
فيصل : الله معاك ..
مشاعل : متى بترجعون ..
غيدا : مدري والله ..
دق جوال بدر : هلا وغلااا هلا بالنسيب ..
رائد : هلاوين .. شخبارك .. الحمد لله على السلامه ..
بدر : الله يسلمك .. شدراك .. خبري بالحبيبه نايمه يوم جيت .. من قالك ..
رائد : قلت ادق عليك لو عطاني نغمه دوليه فأنت مارجعت لو عطاني دقه عاديه فأنت شرفت ..
بدر : ههههههههههه يا ذكي ..
رائد : هههههههههههههههههه اعجبك .. المهم ..
بدر : هلا ..
رائد : احم .. انا الصراحه تورطت مع جوري ورطه مدري وشلون اخلص ..
بدر : لا حول ولا قوة الا بالله انا لله وانا اليه راجعون ..
رائد : ههههههههههههههههههههههه . طيب اسمع .. قالت ودني السوق .. قلت طيب راحت دقت على هيفا قالت تعالي معاي .. وبما ان هالثنتين بيروح فبيجلسون لين الفجر فقلت امرك تروح معاي وغيدا نآخذها معنا .. وش قلت ..
بدر " دام السالفه فيها هيفا " : تم ..
رائد : يالبى قلبك فديتك والله .. خلاص تجهز شوي وجايينك ..
بدر : اوكيك ..
سكر منه ..
فيصل : وش فيك ..
بدر ابتسم : بروح السوق ..
فصيل : وشو لا حول ولا قوة الا بالله انا لله وانا اليه راجعون .. وش صاير ..
بدر : هههههههههههههههههههههههههه ماصار شي بس كذا ..
غيدا : خوفتنا .. بتروح معنا ..
بدر : ايه .. بقعد على القلب عله ..
غيدا ابتسمت بتقهره : احلى عله ..
قامت غيدا وراحت غرفتها تتجهز ..
بدر : الحمد لله .. الله يسلم لنا هاليدين يا خالتي تسلمين ..
مشاعل : صحه وعافيه ..
قام بدر وراح غرفته يتكشخ .. شوي دقوا عليهم .. ركبت غيدا قبل بدر .. وبدر يوم جا بيطلع نادته مشاعل ..
مشاعل : بدر ..
بدر : لبيه ..
مشاعل : لبية حاج .. لا تأخرون فديتك ارجعوا بدري ..
بدر : انشااااء الله ( يأشر على عيونه ) .. من عيوووني .. شي ثاني يالغلا ..
مشاعل ابتسمت له : سلامة روحك .. انتبهوا لانفسكم ..
بدر باسها على راسها وطلع ..
مشاعل " الله يخليك وربي ماعرفتك زين " ..
ركب بدر السياره .. ولمح هيفا بالمرايه تطالعه وعرفها من عيونها ..
بدر : السلااام عليكم ..
رائد : هلا والله وغلا .. وعليكم السلام ..
بدر : هلا بك زود .. ( يطالع هيفا بالمرايه ) ياللي تطالع وكنك ما تطالعني .. نظرتك هذي حبيبي لاتكررها .. صحيح شاطر ولاكن صعب تخدعني انا على الطاير افهمها واطيرها ..
رائد : ياااااوووووووووولد .. صح لسانك ..
بدر : صح بدنك ..
هيفا انقهرت منه مره " مالت عليك .. هين " ..
حركوا وراحوا السوق ..
!??ٍ??? فبيتـ شيخه ??????
شيخه توها مسكره من ابرار ..
جواهر : شخبار زوجها ..
شيخه : لين الحين ..
جواهر : الله يشفيه ..
شيخه : آمين ..
جواهر : يمه وين لولو ..
لولو وهي نازله : انا هناااا ..
شيخه : هلا والله وغلا ..
لولو : هلا فيك يمه ..
جواهر : وين عزوز ..
لولو : نايم ..
جواهر : فديته الدب ..
لولو : على خالته ماراح بعيد ..
جواهر : هذاك اول .. بس الجامعه كرفتني كرف ..
لولو : يامالك من الكرف .. يمه ..
شيخه : عيون امك ..
لولو : بروح لبدور بنت الجيران .. ولدت ..
شيخه : ماشاء الله .. متى ..
لولو : اليوم الظهر .. بشوفها وبرجع ماراح اطول ..
شيخه : خلاص امي اللي تشوفينه ..
لولو : وانتي ماراح تروحين ..
شيخه : لا اذا جت بيتهم رحت لها ..
لولو : اوكي .. جواهر تروحين معاي ..
جواهر : سوري ما اقدر والله عندي محاظره بنقلها من دفتر وحده وعندي اشياء كثير اسويها معليش حياتي ..
لولو : اوكي خلاص .. يلا بروح البس ..
طلعت لولو ولبست ونزلت ..
لولو : يمه عزوزي نايم .. انتبهوا له اذا قام .. ماراح اطول ..
شيخه : ان شاء الله ..
طلعت لولو وراحت لباتشي واخذت معاه سلة حلويات كبيره .. اخذتها وراحت للمستشفى .. وهي تمشي كانت تطالع الكرت المحطوط على السله .. مادرت الا صدمة واحد وبغت تطيح هو مسكها ..
لولو : .............
سامي : اووو سوري ..
لولو : لا عادي حصل خير ..
سامي جلس يطالع عيونها ذاب فيها .. اخذ منها السله اللي كان نصها بحضنه .. هي تبي تتكلم بس ماقدرت ..
سامي : عشان اللي سويته بوصلها لك ..
لولو مدت يدها بتآخذها : مشكور ماله داعي ..
سامي : لا ابد .. والله ما تشيلينها ..
ابتسمت لولو ومشت وهو ماشي وراها .. قرى الكرت وكان اخره مكتوب لولو .. ابتسم .. سامي " من جد لولو " .. وصلوا الغرفه ولفت عليه : مشكور كلفت عليك ..
سامي : لا ولو .. انا اللي آسف .. يبيلي البس نظاره ..
لولو ابتسمت واخذت منه السله ودخلت هو وقف بعدين راح .. وهو بالطريق شاف ابرار ..
سامي : مرحبا ..
ابرار : اهلين ..
سامي : كيف الحال .. وين سعود ..
ابرار : الحمد لله .. والله ماداوم اليوم ..
سامي : لين الحين تعبان ..
ابرار : ايه ..
سامي : اخوي عنيد اعرفه ..
ابرار : الله يعين .. قاهرني ياخي مايآخذ العلاج بوقته ..
كانوا يسولفون وهم يمشون وصلوا مكتب ابرار دخل معها ولا سكروا الباب ..
سامي : المشكله انه دكتور يعني ..
ابرار : هذي المشكله ..
سامي : الا تعالي .. شخبار رنا ..
ابرار : الحمد لله .. بكرى بيرجعون ..
سامي : زين الله يوصلها بالسلامه .. ( ابتسم ) اكيد اشتقتي لصديقة الطفوله ..
ابرار : اووووووووووو .. موت ..
سامي : ههههههههههههه زين .. اممممممممم بقولك قبل شوي صار لي موقف ..
ابرار : موقف .. مع مين .. لاتقول مع ذهيك الانسانه ..
سامي : هههههههههههههههههههه لا يع الله لا يقوله لو شفتها لعنتها ..
ابرار : هههههههه زين .. مع مين ..
سامي حط رجل على رجل : آآآهـ لو تشوفين عيونها ولا طولها ولا جسمها .. ولا صوتها صوتها بس يخليك تفكرين فيها سنه ..
ابرار : الله الله كل هذا بنظره ..
سامي : ياشيخه انا صدمة فيها وبغت تطيح .. ومسكتها لا تطيح وجلست اطالع عيونها ..
ابرار : صدق قلة حيا ..
سامي : ههههههههههههه لاتفهمين غلط انتي الثانيه .. وربي غصبن علي .. سحرتني جذبتني .. كل شي .. (ابتسم) ..
ابرار : ههههههههههههه الله يعيننا عليك .. كل يوم مغامره .. مدري متى بتتزوج .. مع العلم ان مابينك وبين سعود الا سنه .. يعني الحين عمرك تقريبا .. اممممممممم ..
سامي : 30 سنه ..
ابرار : مبسوط على روحك يعني ..
سامي ابتسم : مره ..
ابرار : وش تستنى طيب ..
سامي : ابي وحده تخليني احبها بجنون .. ابي وحده تخليني من كثر ما احبها شوي واعبدها .. ابي وحده تخليني مجنون فيها .. مثل اللي قبل شوي سحرتني بعيونها الله يسامحها .. بس تدرين ..
ابرار : صدق عقلك فيه شي .. وشو ..
سامي : عاد جاك العلم .. امم عرفت اسمها ..
ابرار : هههههههههههه شلون ..
سامي : شكلها كانت جايه تزور وحده وجايبه لها من باتشي .. وقريت الكرت مكتوب عليه اسمها ..
ابرار : وش اسمها ..
سامي يرفع لها حواجبه : ماراح اقول ..
ابرار: براحتك انت الخسران .. كنت بروح اقولها تتزوجين اخوي سامي .. بس انت ماتبي ..
سامي : لا شكرا اختي ابرار .. بعدين بقولك روحي اخطبيها ( قام ) يلا بروح عندي شغل تبين شي ..
ابرار : هههههههههههه سلامتك ..
سامي : الله يسلمك .. فمان الله ..
ابرار وسامي متعودين على هالشي حتى سعود عادي عنده انهم يآخذون ويعطون مع بعض من غير حواجز ولا تكلف .. لان طبيعة شغلها تخليها تآخذ وتعطي مع الكل .. وغير طبيعة سامي الاجتماعي بقوه ومن النوع اللي ماعنده لف ولا دوران يعني يعطيها بالوجه غير انه حبوب وطيب مع الكل ..,’,.. طلعت لولو من عند بدور اللي مره ابسطت على جيتها .. يوم جت بتطلع مع الباب تذكرت ان ابرار هنا بنفس المستشفى قالت خل امرها .. راحت ووقفت تستنى المصعد .. بعدين جا وركبت جابيسكر انفتح مره ثانيه وركب سامي .. يوم شافها ابتسم .. ركبت معاهم دكتوره ثانيه ..
الدكتوره : دكتور عندك عمليه الحين ولا فاضي ..
سامي : ليه ..
الدكتوره : بس كنت بكلمك عن تقارير واحد من المرضى ..
سامي : اوكي بعد ساعه مو الحين ..
الدكتوره : بس بعد ساعه عندي مريضه ..
سامي : اوكي اذا فضيت دقيت عليك ..
الدكتوره ابتسمت له : اوكي ..
سامي رد لها الابتسامه .. ولف يطالع لولو اللي كانت تطالع الدكتوره اللي كانت كاشفه وحاطه على وجهها كيلوا ميك آب .. وصل المصعد وطلعوا منه الثلاثه اول من طلع الدكتوره بعدين وقف سامي للولو لين طلعت بعدين طلع بعدها هو راح بجهه وهي راحت جهه .. طقت الباب ودخلت ..
لولو : مرحبااااا ..
ابرار : اهليييييييييييييييييييييييين .. هلا والله .. وش هالسعد اللي انا فيه .. وش صاير بالدنيا لولو جايتني ..
لولو : هههههههههههههه حبيبتي ..
سلموا على بعض وجلسوا ..
ابرار : عسى ماشر .. شفيك ..
لولو : ولا شي بس جيت اشوف بدور والده ..
ابرار : ياحبيلها راعية الحديقه ..
لولو : هههههههه ايه .. ابرار صار لي موقف مع دكتور قبل شوي ..
ابرار : وشو بعد ..
لولو قالت لها السالفه ..
ابرار ابتسمت : طويل وجسمه شوي معضل وحنطاوي وله لحيه مثل الاماراتيين .. وشكله كذا جنتل .. ويصلح بدي قارد ..
لولو : ههههههههههههه ايوااااا ..
ابرار : ههههههههههههههههه .. وشال لك السله ..
لولو : ايه مره تفشلت ..
انطق الباب وانفتح بسرعه ..
سامي : ابرار الحقي علي .. ( انتبه ان لولو موجوده ) اوبس سوري ماكنت ادري ان عندك احد ..
ابرار : لا عادي .. هذي اختي ..
سامي جلس يطالعها ويبتسم : تشرفنا .. (رجع يطالع ابرار) سوري .. ومره ثانيه لما يكون عندك احد حطي الورقه على الباب .. عشان الناس اللي مثلي مايدخلون كذا ..
ابرار : الناس اللي مثلك يعرفون يطقون الباب بس انت حاله مستثناه ..
سامي : احم احم .. يلا تبون شي ..
ابرار : سلامتك ..
ابتسم سامي للولو : سوري للمره الالف ..
لولو : حصل خير ..
اول ماطلع وسكر الباب : هذا هو ..
ابرار : هههههههههههههههههههههههههه . ادري ..
لولو : وش دراك ..
ابرار : مو وصفت لك شكله قبل شوي ..
لولو : ايه صح .. يلا انا بمشي ..
ابرار : لحظه .. شرايك فيه ..
لولو : مافهمتك ..
ابرار : شكله ..
لولو : حليو ..
ابرار : طيب شخصيته ..
لولو : وش ناويه توصلين له ..
ابرار : ولا شي ..
لولو : ابرار .. سبق وتكلمنا بهالموضوع لو سمحتي لاتفتحينه معاي مره ثانيه .. بعد حمد مستحيل اخذ احد ..
ابرار : خلاص طيب انا وش قلت ..
لولو : مدري عنك جالسه تلمحين ..
ابرار : طيب آسفه ..
لولو قامت : يلا باي ..
طلعت لولو وراحت .. اول ماطلعت شافها سامي على طول دخل عند ابرار ..
سامي دخل مبتسم : اختك ..
ابرار : هههههههههههههه ايه ..
سامي : سبحان الله .. رب صدفه خير من الف ميعاد ..
ابرار : سبحان الله ..
سامي : امممممممم .. هذي اصغر منك صح ..
ابرار : ايه .. عندها ولد .
سامي تغير وجهه : آآآ .. متزوجه ..
ابرار : بس زوجها متوفي الله يرحمه ..
سامي ابتسم : آآ الله يرحمه .. هو ولد عمك صح ..
ابرار : ايه ..
سامي : آآ ..
ابرار : تبي تقول شي ..
سامي : تزوجوني اياها ..
ابرار انصدمت : نعم ..
سامي : اللي سمعتي ..
ابرار : سامي صدمتني ..
سامي : جالس اتكلم جد ترى ..
ابرار : مدري .. بس تراها رافضه فكرة الزواج تماما ..
سامي : يعني ماتعرفين تلعبين بعقلها ..
ابرار : عصبيه ..
سامي : امووووووووووت بالعصبيه انا ..
ابرار : هههههههههههههه استخفيت ..
سامي : جد والله .. اكلم اهلي ..
ابرار : لا لا يرحم اهلك مو الحين ..
سامي : اجل متى ..
ابرار : اذا قلت لك ..
سامي : اوكي ظبطيني .. هاه ..
ابرار : اوكيك .. بحاول اقنعها فيك ..
سامي : يا زين الخوات اللي كذا .. يلا بروح ..
قام وطلع وجلست ابرار تفكر بالموضوع ..
? فــيـ .. السوقـ ?
كانوا يمشون مع بعض .. وبدر مو مخلي احد بحاله بس يتطنز ..
رائد : ههههههههههه خلاص .. تذكرني بفهد ..
بدر : فديته وفديت طاريه .. متى بيرجع ..
رائد : مدري .. باقي له كم شغله ..
بدر : الله يسهل عليه ..
رائد : هههههههه قلنا شغل مو ولاده ..
بدر : هههههههههه عادي نفس الشي ..
هيفا : لحظه بدخل ايتام ..
جوري : انا بروح سفيرا ..
غيدا : جوري بروح معاك ..
بدر : وهيفا تروح بلحالها ..
هيفا : ماراح اضيع ..
بدر : لا لا لا مايصير .. رائد خلك معهم .. يلا انتي ..
هيفا : اففففففف ..
رائد طنش وراح مع غيدا وتركوا جوري بلحالها تدور .. وهيفا ضيعة بدر بالقصد .. بدر انقهر منها .. بعدين لقاها .. وراح لها ..
بدر : يا سلام تحسبيني ماراح القاك ..
هيفا : بدر لو سمحت ابعد عني ..
بدر : مابي ..
هيفا : اففففففف ..( تكلم الرجال ) لو سمحت ابي لون اسود ..
بدر : لا جب احمر .. ( التفت عليها ) الاحمر احلى على وحده مثلك ..
هيفا : شكرا ..
بدر : قولي عيونك الحلوه على الاقل ..
هيفا : مو عربجيه ووجهي مو وجه رومنسيه وغلطه انك عرفتني وحبيتني .. وش تبي مني ..
بدر : قلنا لك آسفين .. انسي يا هيفا ..
هيفا : ما اقدر انسى (جاب لها الرجال القطعه وجلست تطالعها ) لو انا قلت لك هالكلام شف وش تسوي فيني ..
بدر : وش تبيني اسوي عشان ترضين يا هيوفتي ..
هيفا بعدت عنه : لا تسوي شي ابعد عني بس وخلني بحالي .. خلني اعيش حياتي .. ( تكلم الرجال ) .. لو سمحت جب مقاس اصغر ..
بدر : خليك معاي هنا لاتتهربين ..
هيفا : ماتهربت .. بس ابيك تتركني بحالي ..
بدر : بس انا احبك ..
هيفا : وش يفرق دام كل يوم تجرحني .. وكل جرح اكبر من الثاني ..
بدر : هاتي يدك ابوسها ..
هيفا : شكرا .. ابعد بس ..
اخذت البلوزه وراحت تحاسب طلع بدر بوكه وحاسب وشال لها الكيسه وطلعت قبله ..
بدر : هيفا انتظري ..
هيفا : نعم ..
بدر : هيفا احبك والله ..
هيفا : تراني مقهوره منك ومعصبه .. ماودي اصيح هنا خلاص لو سمحت ..
راحوا للمحل مالقوهم .. طلعوا يدورونهم بالمحلات القريبه ..
بدر : زين جت منهم مو منا .. ضاعوا ..
هيفا : برجع البيت ..
بدر : خلصتي ..
هيفا : ماخلصت بس حاسه اني مخنوقه ابي ارجع ..
بدر : هيفا والله اسف خلاص عاد ارحميني ..
هيفا : ابي اروح الحمام ..
راحوا للحمامات .. دخلت جوى وهو وقف .. دخلت الحمام جلست تصيح بعدين طلعت ظبطت عيونها وكحلتها وطلعت .. شافها وابتسم لها ..
بدر : فديت هالعيون ..
هيفا : تسلم ..
بدر : احبك ..
هيفا : حبتك العافيه ..
بدر : وانتي ماتبين تحبيني مع العافيه ..
هيفا ماقدرت : هههههههه ..
بدر : اروح ملح مع هالضحكه .. فديتها ..
وهم يمشون شافوا رائد مع غيدا وراحوا لهم ..
رائد : وينكم ..
بدر : انتم اللي وينكم .. تدرون اني مو محرمها وهي مو محرمي تخلونا وتروحون .. لا يخلون رجل بامرأه الا كان الشيطان ثالثهما ..
رائد : هههههههههههههههههه .. توني استوعب تصدق انها رايحه معاك ..
غيدا : عادي عادي ..
بدر يغمز له : اخذوا عقلك ..
رائد : وش اخذوه وبس ..
بدر : تتهنى .. العقبى لي .. يااااااااااااااارب .. اخذ عقولهم ومثل ما اخذوا عقلي .. ( غمز لرائد ) ..
رائد : وين جوري ..
غيدا : مدري ..
هيفا : مارحتي معها المحل ..
غيدا : الا رحنا سوى بس اختفت ..
? عــنـد .. جوري ?
كانت طالعه من المحل ودخلت آدمز .. وجلست تطالع ملابس الاطفال .. اخذت لبس لريم ولبس مولود مره عجبها ..
طلعت ودخلت محل ثاني .. عجبها دبدوب واخذته مع جزمات مولود .. دق جوالها وكان رائد ..
جوري : يلا جايتكم ..
سكرت منه وراحت لهم ..
هيفا : وينك ..
جوري : موجوده ..
هيفا : وش شاريه من آدمز ..
جوري طالعت رائد اللي ابتسم لها : شاريه لريم ..
هيفا : فديتها .. طيب يلا ..
جلسوا يدورون لين الساعه 10 بعدين رقوا المطاعم وتعشوا وطلعوا ..
بدر : والله لو ان ماعندكم ملابس ..
غيدا : نشوف اذا وديت زوجتك وش بتسوي ..
بدر : لاعاد كله ولا زوجتي لو تبي السوق كله جبته لها .. فديتها شيختكم ..
هيفا : يع ..
بدر : ترى ثاني مره تغلطين على زوجتي ..
هيفا : من زينها عاد ..
بدر : تسواك ..
هيفا : ايه هين .. والله ماتجي ظفري ..
بدر : نشوف .. يا اليسا المملكه ..
رائد : هههههههههههههههههههههههههههههه ..
بدر : ابتلشنا والله ..
هيفا : الحمد لله والشكر ..
بدر : بالعافيه ايه صح توك متعشيه ..
هيفا : غيدا سكتي اخوك ..
بدر : ليه اصغر عيالها ..
هيفا : والله كنك اصغر بزارينها ..
بدر : ياربيه يالكبيره انتي ..
هيفا : انا لله وانا اليه راجعون ..
بدر : الله يرحم موتانا وموتا المسلمين ..
رائد : اعوذ بالله من هالفال ..
بدر : مدري عنها .. جوالك شكله مافيه شحن ..
رائد : ايه ..
طلعه رائد وشبكه بشاحن اذا حطه شحن ودق عليه احد يكون يشتغل على السماعات حقت السياره والمكرفون موجود فوق راسه عند الشمسيه ..
بدر : بكم ركبت هالشاحن ..
رائد : ترى قديم صار له فتره .. شريته بألف ..
بدر : حلو .. والله بلاش ..
رائد : ايه مره حلو ..
بدر : كشخه .. بشتري سياره جديده ..
رائد : اكككككككككشخ ..
بدر : بس مو الحين ..
رائد : متى اجل ..
بدر : اذا خطبت .. عشان تصير سياره جديده وزوجه جديده .. غير الاولى ..
رائد التفت عليه : الاولى .. تستهبل ..
بدر : هههههههههههههههههههههههههههههه .. تدري اني استهبل ليه ارتعت ..
رائد : هههههههههههههههه شكيت فيك والله ..
بدر : لا فديت زوجتي .. لين الحين تحتريني اخطبها ..
هيفا : يع ..
بدر : بدينااااااا ..
الكل : هههههههههههههههههههههههههههههههه ..
دق جوال رائد ..
رائد : هلا وغلا ..
فهد : هلا بك زود .. شخبارك ..
رائد : تمام الحمد لله ..
فهد : دوم ان شاء الله .. اقول يا حلو .. انت وينك الحين ..
رائد : بالسياره ..
فهد : طيب .. ابيك الله لا يهينك تمر الشركه وتجيب لي اوراق ابيها ضروري ..
جوري" حتى ماكلف نفسه يسأل عني " ..
رائد : بس الشركه مقفله الحين ..
فهد : يوووووووووه .. طيب والسواة .. محتاجها الحين ضروري ..
رائد : طيب ماتستنى لبكرى ..
فهد : ما اقدر اقولك محتاجها .. ايه ايه صح .. عندي نسخه بالبيت .. خذ المفتاح من جوري وجبها .. تلقاها بأول درج بدولاب التلفزيون ..
رائد : اوكي .. ابشر ..
فهد : فديتك بس بسرعه واذا حصل ترسلها من فاكس البيت وعندك الرقم هاه ..
رائد : اوكي خلاص ..
فهد : ملف احمر ..
رائد : زين ..
قفل منه ومشى لبيته ووقف ونزل مع جوري للبيت .. التفت بدر على ورى بطريقه خوفت هيفا وغيدا ..
غيدا : بسم الله الرحمن الرحيم ..
بدر : خفتي .
غيدا : ايه .. وش تبي ..
بدر : مابي شي .. بس ابي اعرف هالانسانه ليه حاطه نقرها من نقر زوجتي ..
هيفا : انت تزوج ويصرخير .. الله والزوجه اللي بتآخذها .. مالت ..
بدر : من زينك عاد .. اليسا المملكه ..
غيدا : ههههههههههه خلاص عاد ..
بدر : لا بشوف وش آخرتها ..
غيدا : اففففففففففف ترى تطفشون انتم ..
بدر : مدري عنها قوليلها ..
هيفا : وش قلت انا الحين ..
بدر : اسألي نفسك كل ماقلت زوجتي نطيتي لي يع ويع ..
غيدا طفشت ونزلت .. وقفت عند الباب شافها رائد ومسكها ودخلها جوى ..
بدر : هههههههههههههه هذا اللي ابيه .. اعرفها تطفش بسرعه .. هيوفتي ..
هيفا : لو سمحت لا تكلمني ..
بدر : افااااااااا .. الحين كل هذا اسويه عشان اكلمك كذا تقولين لي ..
هيفا : يعني تتهاوش معاي قدام اختك وعادي ..
بدر : عشان احبك ..
هيفا : الحب مو كذا فاهم غلط تراك ..
بدر : ماعندي احد يفهمني طيب .. حاب وحده عربجيه لو قلت لها احبك وجهاً لوجه .. اخاف تصكني بكعبها ..
هيفا : شكلي بسويها الحين ..
بدر : افاااااااااا ..
هيفا : بدر خلاص الله يعافيك خلاص .. تعبت ابي ارتاح ..
بدر : الحين جو بعدين نتفاهم ..
عدل بدر جلسته بسرعه وركبوا كلهم ..
الجـــــــ30ـــ والاخيـــر ــــــزء
الجـــزء الاخيـــــــــــــر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك