رواية بلا رقيب -61
صحـيت الساعه عشـره الصباح مالقيت سارا توقعتها تحت نزلت ومالقيتهــــــا .. بغيت انجن سوتها الخبله وطلعت بدونـــــي .. مع أني حذرتها من طلعاااتها من غيري .. انتظرتها ربع ساعه نص ساعه .. ساعه واثنين وهي ماجــــت .. عرفت أنهااا صارت كارثــه ... ماقدرت اجلس انتظرها أكثر ولاأقدر أطلع وترجع هـــــي وماتلقاني .. بس لو أعرف وين رايحــه الغبيــــــه هذي ...
ماتحملت أكثـــــر قررت أطلع أشوف وينهـــاااا ... دورت بالأماكن اللي ممكن تروح لهااا بس مالقيتـــــها رجعت البيت بعد ساااعه وأنا ميتــه خـوف ... وكلي أمل أني ألقاها بس مالقيتـــــــها .. رجعت في الذكريات ورى نفــس اللي صـار يــوم العيــــــد ... مأدري لي طرى علي أفتح الجــوال .. حطيت الشريحه فيه وفتحتــــــه .. واول مافتحته وصلتني كومة رســــايل ...
أكيد سـارا بتتصل علي وين ماكاااانـــــــــت ...
من الطفش قلت أقرى الرسايـــــل .. كانت كله من قيس فيها تهديد حتى أخر رساله منه ماكانت بقراهااااا بس شي خلاني أفتحهــــــــــــا
" سارا رجعــت لي .. وأنتي أرجعـــــي لأهلك افضل لك ... وأنســي أن لك أخت أسمها سارا "
معــقوله سـارا رجعـــــــــــت له مستحيل سارا ماتســـــــويهاااا ...
بس كيف وصل لها كيـــــــــــــف ...
والله لأوريك ياقيــــس بتحرمنـــي من أختي هذا حلمك مستحيل أخلي سارا لك مستحيـــل ...
شلت أغراضنـــــــا ورتبت المكان مثل ماكان وطلعــــــــت لبيتناااا ...
وعـــــد
صرخت بوجه ملاااك أول ماشفتها راجعه البيت ..
وعـد :كيف رجعتو من حقق مطالبكم ..
ردت علي وهي تفصخ عبايتهااا
ملاك :انقلعي عن وجهي شايفه أحد غيري ...
وعد :ايوه صح وين سارا ..؟
ملاك:رجع خطفها قيسووه بس هين والله ماخليها له
ياربي هذا كيف لقاااهم وأنا مالقيـــــتهم ياحظـــه ...
وعد :كيف لقاااكم ؟؟
ملاك :مالك شغل طسي عني عندكم غداء ..
وعد :ايه عندنا بس أنتي هرباااانه ماحسبنا حسابك ...
دفتني من طريقها وراحت المطبخ .. بس ماخليهاا لحقتهااااا ...
وعد:وين كنتم متخبيـــــن ..
ملاك :مالك شغل أنقلعي عن وجهي وين خواتك
وعد :مالك شغل فيهم أنتي هربااانه .. بليز ملاااك وين تخبيتو
الحيوانه .. كبت المويا اللي بقى بالكاس اللي شربت منه على وجهي وطلعت وخلتنــــــي ..
وعد :الله يأخذك ان شاءالله ...
رحت لغرفة ضحــــــــى ..كانوا كلهم هناك ..
وعد :ملاااك جت .. بس سارا راحت مع قيــــــــس ..
ضحى :روحي نادي ملاااك ...
وعد :معصبه مأتوقع تجي .. كبت المويااا علي ..
شدن :تستاهلين ..؟ظ
قهرتني شدنووه ودي أذبحهـــــــا .. بس تطول لسانها على قليلة التربيه ... أحيان ودي أبكي لأنهااا ماتحترمني ...
وعد :انتي مالك شغل ياقليلة التربيه ...
ضحى :شدن مية مره قلت لاتكلموا الكبار أنتي تسكتين ...
شدن :بس اللي تكلمت وعــد يعني أنا عادي أتكلم ...
وعد:شوفي أنتي ترى أخرتهااا بذبحك....
ضحى :بنااات خلاص كل وحده تنطم من جهتهااا وأنت ياشدن هين اوريك على طولت لسانك هذي ...
شدن:بس ماما ..!
جتني الفرصه لحد عندي أنا اعرف كيف اقهر شـدنوووه
وعد :هي أنتي لاتصدقين نفسك قالت ماما .. حبيبتي ضحى مو أمك .. أمك ميته بقبرها .. وضحى عندهاااا حمــودي يعني أنتي ماعندك أم افهمي عااااد ...
هربت من الغرفه قبل مأحد من خواتي يقوم يظربني أو ضحى تهزأنـــــــي ....
رجت للغرفة ملاك اللحين ماعندي الا هي الكل حاقد علي عشان زعلت حبيبتهم شدن ...
دخلت عليـهااا ... كانت منسدحه على الفراش ويديها تحت راسها وشكلها تفكر بعمـــــــــق...
انسدحت جنبها وسويت نفس حركتهااااا ...وسألتهاااا
وعد :وين كنتم متخبين ..؟
ملاك بملل :ماتلاحظين أنك دبلتي كبدي بذا السؤال..!
وعد :وش أسوي انتي ماتجاوبيني ..
ملاك :شوفي اذا السماء أمطرت ذهب قلت لك ....
لااا ياربي وش هالتعجيــــــــــز ... ذهب .. ومـطر .. والسماء ..!!!
وعد :حرام عليك هذا مستحيــــــل يصير ...
ملاك :وعشااانه مستحيل يصير أن شرطته .
وعد :طيب ليش ماتبغين تقـولين لي.
لفت علي وظربت راسي بقوووه بس تحملتهاااا..
ملاك:لأنك غبيه وعقل ماعندك .. يمكن ألقاااك بكره هاربه ومتخبيه بالمكاااان اللي قلت لك ......
يمه جنيـــــــه وش دراهـــــــا أني مخططه أهرب ..
وعد :انتي كيف دريتي أني مخططه أهـــــرب ....؟!
عصبت علـــــــي ...
ملاك :انتي مجنووونه وش تهربيــــــــن ..
وعــد :انتي ماتشوفين كيف حالتي بهالــــبيت ....
ملاك :وش فيها حالتك ياروحي ..؟
وعد :طلعت روحك أن شاءالله لاتمصخرين علي أنا مو سـارا اللي تهزأينها وتسكت لك أنا لي كيان خاص فيــــــني ....
جلست ملاااك بقوه وحطيت يديها على راسها .... شكل راسها صدع فجأه ...
ملاك :ياكبرررررررررها يا وعيد كيان خاص فيك .... هذي كنت دايم اسمعها بتلفزيون وماااكنت حتى أعرف كيف تنطق واللحين أسمعهااا بلساااانك قـــــــويه من جد .....
وعـد :لأنك غبيه أصلاً أبله خلود خمس وأربعين دقيقة بالحصه تقــولهااا لنـــــااااا ...
وصرخت لما تذكرت المـــوقف اللي صـار يوم الأثنين ...
وعد:تعااالي ماقلت لك وش صــــار يوم الأثنيــن ....؟!
ملاك :.........
وعد :السكوت علامة الجودة ..يعني ماقلت لك ... شوفـي كنا الحصه الرابعه مادريت الا الأدارة طلبتنـــــي الموهم نزلت تحــــــت عن الأداره ...
كنت أحسب ملاك سرحانه مو معي بس قالت ...
ملاك :لاتقولين كشفوا أنك تسـرقين ...؟!
وعــد :لااا وش دعــوى ترى من زمااان بطلت هالعااادة استغفرالله الـسرقه حراااام ... ومن الشريعه أن اللي يسرق تقطـــــع يده .. أنتي وين عايشه ماتعرفين أمور دينك ....
ملاك:لاحبيبتي مأعرف علميـني انتي ...
وعــد :تصدقيـن ملاااك فقدت سارا الله يأخذك ليه خليتي قيسوه يأخذها يمدينا اللحين جالسين مبسوطين ...
ملاك :مبسوطين بأيـــش ياحسـرة ..؟!
وعد :بكل شي ..
ملاك :حبيبتي سارا دامها زوجة الحقـير بتصـير بعيده عنا ماراح يقربها منها الا طلاقها واللي فرقنا عنهااا أنتي تعرفيـــــه موأنا ....
وعد :لا مأعرف ميـــــــن ...؟!
ملاك :ياربي انتي ليش غبيـــــــه ...
وعد :أنا مو غبيـــــه أنتم اللي تبغوني أفهم كل شـي .. اللحين قولـي من اللي فرقنا عن سارا ....
ملاك :انتي من غيــــــــرك يعني
حسيت قلبي وقــــف ... ياويلي أنا وش سويت .. ليش تقول أنا السبب ...
وعد :حرام عليك انا وش سويت والله مافرقتها عناااا ...
ملاك :انتي تعرفيني وش سويتــي ..
وعـد :لاتقولين انتي تعرفيين .. كل شي أنا اعرفه وأنا اصلاً مأعرف شــــــي .. ليش تفكرون اني فرقتها عنا يعني هي اللحين جالسه معي وتاااركتـكم.. اصلاً أنا ماقلت لها شـي تكرهكم او فتنت بينكــــــم ...
ملاك :اطلعي من غرفتي قبل أذبحك وربـي انتي أغبى كائن حي شفتـــــــه ....
طلعت من عندها مقهــوره الله يأخذها أن شاءالله انا مافرقتها عن سارا ... بس هي تقول كذا عشان تفرقنـي عن نوف .. انا قلتها من قبل ملاك تحاول تقرب من نوف ... بس نوف الغبيه مافهمـــــــت ....
سارا
رماني داخل الشـقه وطلع .. ماحسيت أني عايشه لين سمعت ظربته للباااب الشقه يعنـــي طلع ...
انقلبت على ظهري وأنا امسك يدي اللي أحس أنها انكســـــرت من رميته لي حسبي الله عليـــــه ..
سارا :اخخ يارب مايرجع ...
مسحت دمــوعي ودم كان نازل من فمـي شكل أسناني بعد اتكسـرت .. الله يأخذ المتوحش حسبي الله عليــــــه ...
بس أنقهر انحرق دمه لماعرف أني لعــبت عليه ...
بديت أضحك..
سارا: هههههههههههه مسكين لعبــت علــيــــــــه ...ياءالله غبـــي غبـــي غبي ...
ماحسيت بنفــسي الا أنرفع ... صرخت لما شفته قدام عيوني هذا مو طلع وش رجعه ..
قيس :صادقه غبـي لأني ماذبحتك ياواطـــــــــيه ...
ظربته برجلي مع ساقه وقلت ..
سارا :احسن اذبحني عشان تدخل السجن طول عمرررك وأذا طلعت منه تدخل جهنــــــــم ....
حسيت روحي بتطلع من ضغطه على رقبتـــــــــي ... نفس أبغى نفــــــس ولابمــــــووت ...
رماني على الأرض وهو يقول ..
قيس :لا ماراح اصير غبي للمره الثانيــه باللعبـه هذي ..... بيكون الموت حلم لك من اللي بتشوفينـــــــه معـــي ...بخليك تتمنين أنك مانوجدتي بالدنيــــــااا ...
كان كلامه يرعبنــــــــي يخوفنــــي هو مرررعب كله على بعضه كيف لو ســوى مثل ماقال ..
سارا :حااااول بس تسوي لي شـي والله لأنتحــــــر وخليك تدخل النار فيني .. سامع ترى أنا مجنونه والله لأنتحــــــر وبسببك ...
قيس :انتحري أنتي اللي بتدخلين الناااار ..
صرخت عليـــه بقهر وأنا امسح دمـــــــوعيي ... كنت طايحه على الأرض تحت رجـــوله كااان شكــــله مخيف ...
سارا :مررره تخاااف ربك يامجـــــــــــــــرررم ...
قيس :أخاااف ربي قبل ماعرفك ...أرسلت على أختك قلت لها أنك هنــــااا ... أتمنى تكونين شفته زين لأنهااا هذا بيكون أخر عهــد لك معهـــــااا ...
سارا :الله يحرررررررررمك من أهلك يامجررررررررم ...
قيس
طلع من عندهااا وهو يسمعــــــهااا تصرخ بأدعيه عليـــــه .. كان نفسه يمسكهاااا ويسكر فمهـا عن الكلاااام بس حب يقهــرهااا بتطنشيه لهااا شغل التلفزيون ورفع على صوته بأمل يغطـــي على صوتهااااا ...
مسك راسه وش الصداع اللي بيفجره الصدمه اللي تلقاااها اليوم شلت عقلــــــه ... معقول شوشو خيـــــــال ..هم أخترعـــوه عشان يخدعــــــونه ...
كيف ماشك فيهــا ... كل شي كان واضح وين عقله وتفكيـــــــــررره .. حتى يوم ركبت معه بالسياره ماقدر يربط بين الصوتين .... صوت سارا وصوت شـوشـو .. طيب ملاك وش محلهااا من الأعـراب كيف هي مره شوشو ومره سارا شوشو ..
الله يأخذهن الحقيرررات .... قبل كان يدعي عليهن لأنهن عقدهن كيف اللحيــــــــــــــن وهن ذبحن قلبه بخدعتــهن ..
سارا بينتقم منهااا بطريقته لكن الحقير الثانيه للأسف ماراح يقدر يوصل لها وينتقم منهــــــــــااا ...
بس يقدر يحرمها من سارا وهذا أنتقااام كافي وبحدود ...
وسط هالأفكار دق جـــــواله ...
قيس :هلااا جابر ...
بالطرف الثاني جابر كان منفعــــــل جداً :هلاااا .. شوف ضغطي ترى مرتفع من منــير خذه عندك ولاذبحــتـــه ...
كعااادته بس يسمـع شي عن منيــــر ينفعل بطريقه غير طبيعيــــه :وش فيه هــذا بعـــد ..؟ََ!
جابر :اليوم متصلين علي المدرســه له ثلاث أيااام يهـرب منهــااا يدخل حصتين والباقي هربااان ومستواه نازل مررره ..
قيس بغيض :هيين أنااا اوريه ال*** انا مأقدرأطلع اللحين ... جيبه لي بشقتــــي .. وأنت خلك بأمي... اليوم يمكن مأقدر أزورهــا خلك عندهااا وشوف الدكتــور.. اصر أنك تقابله ترى يومين اروح لهم وماألقاااه ....
جابر :طيب ان شاءالله .. تأمر على شي ثاني
قيس :لا بس سو اللي قلت لك عليه .. أسمع منير طلعه حتـى الباااب مو تنزله وتروح .. أعرفه ماراح يطلع بيروح يسربت على كيفه ....
جابر :طيب خلااص سلاام ...
سعـاد
تعبت من مراقبـــة أمـي وهي تخلص من مكالمة وتبدأ بالثانيه ...
سعـاد:ممكن بس تسمعيني دقايق ...
باشا :شوي بس خلينــي أشوف هذي وش عنــدهاااا تقـول مرتبطه يوم الخمــيس ...
سعـاد :مامي يعني ماتعرفيــن أكيد تبغاك تزودين المــبلغ قفلي منهابس وهي بعد شوي تتصل فيــك ...
باشا رجعت لمكالمتهااا :طيب بماأنك مشغوله بشوف غيـرك ... وقفلت منهااا ..
تنهدت بالراحه أول مره أمـي تسمع رايي بحاجه لو أنها تافهه ...
سعـاد :وأخيراً مابغيتي ..
باشا :خلصيني ماني فاضيه عندي كوم مكالماااات ..
سعااد :انتي صادقه أعزم ميشــــو ...
طالعتني أمي ماهي فاهمه علـــــــي ... وتداركت نفسي ..
سعاد :صادقه أعزم مشاعل ..؟!
باشا :ايه اعزميها جالسه أمزح معك ..
وقبل مأكمل كلامــــــــي دق جوالهاااا ..
مستحيل أعزمها لو تبغى هي تعزمهااا أني ماني مستحمــله كونها خطيبة لخلف اللحين تبغاني أعزمهااا ..
ايه هيــن أعزم العقربه ريم ولاأعزمهــــــااا ..
متى تطيحين بيدي بس يامشاعل والله مأرحمــك ...
وربي لأرجع لك كل اللي سويتيه فينـــــي بس صبرك علي ياحلــــــــوه ..
فجأه بزغت براســـــي فكره ... وهذا اللي تعلمته من مشاااعل الخبث ثم الخبث ثم الخبث ....
مشاعل حتى اللي تكررهه ماتبين له كررهها عشااان مصالحــهاا ولو بغت تضر أحد ماتكون بالواجهه ولا بالساحه كلــــــها .. وهذا اللي المفروض أناا اسويه ليه أوضح كرهي لمشـاعل المفروض أناااا أكون اذكاء منهااا مشاعل طول عمرها بتشوفنـي غبيـــه نست أنها هي اللي عملتني على التفكير بخبث ....
المـفروض أصفي الجو بيني وبينهــا لين تسمح لي الفرصه وأنتقم منهـــــــا ....
بحثت عن رقمها بجوالي مالقيته.. تذكرت أني حذفتـــه بعد اللي صــار ... لازم أطلع لغرفتـــــي أشوف اذا كان بجوالي الثاني ...
سعاد :طيب ماذر أنا طالعه اذا استجد شـي خبريني ..وطلعت بالمصعــد لجناحـي ...
أتصلت عليها بعد مالقيت رقمها بجوالي الثانــــــي ...
بعكس توقعي أنها ماترد .. ردت بسرعه غيـــــــر معقــوله ...
مشاعل :سوسو عـزيزتي كم انتظرت هذا الأتصــــــــال ...
ميشـو
كان أتصال سعـاد بمثابة مفاجئه لي ... ولكنها مفاجئه جيده نوعاً ماااا ..
بعد الترحيب المبالغ فيه من الطرفيـن قررنا الألتقاء بأحد المجمعااات التجاريه لنتسـلى قليلاً ونتفق على ماذا لا أعلم هذا ماأرادتـــه سعـاد ...
وأنا خارجه رأيت نورا الصغيـره كانت بملابس لائقه للخروج .. اصطحبتهاا معـي بعد ان أبلغت وعــد بذالك
التي بدروهااا رفضت هذا الأمـر ولكن لم أقف لأستمع لهــــــااا ...
تفاجئت سعـاد بوجود نورا معي ... لأعلم لما أخذتها ولاأعلم لما كنت سعـيده حينما رأيت المفاجئه على وجه سعـاد ...
ميشو :لم تخبريني ماهو الموضــوع الذي سنتفاهم عليه ...
سعاد :أمشـي نجلس بالكـوفي وأحكي لك كل حاجــه ..
بعد أن جلسنا حيث أرادت سعــاد ... أخبرتني...
سعـاد :خلف بيطلــع ... من المكااان اللي كان فيـــــــــه ... وأمي بتسـوي لهااا عزيمـه .. وأنتي معزومـه ..
كنت واثـقه أن سعاد ستعيد فتح مواضيع قديمه ولكنها فاجئتنـي بقولها هذا ...
وجذبتني كلمتهـا من المكااان الذي كان فيه... يال البراءه ....لما لاتصرحي ياصغيرتي فالجميــع يعلم أي كاااان وأين سيكــــــون ..؟!
ميشــو :كلااا لأظن أني قادرة على المجــيء ..
صاحت بالطريقتها المعتـاده حينما تصاب بالأحباااط وامسكت بيداي تهزها بترجي
سعاد :بلييزز ميشـــــووو ليييش لاااا كثير بنبسط بتكون حفللـه مررره روعه ...
ميشو :حقاً ولكني لاأظن ذالك ...
سعاد :ليش
أجبتهااا بأبتسامه كبيره وأنا ارجع بكرسيي إلى الوراء ..
ميشو :لأنها ليست من حفلاات كريمة وريدا ....
انمحت الأبتسامه التي كانت تحملهااا منذ التقيت بهاااا ...
سعاد :ميشوو حبيبتي خلينا من السوالف القديمه مأحب...
ميشو :وهل ريدا وكريمه من الماضي حقاً ...
سعاد :أكيد ياقلبي أنا تغيرت وأنتي بعد المفروض تغيـرين ... لأن مثل هالعلاقات ماتعجب خــــــلف ...
رائع عزيزتي أبدأي بالتكشـير عن أنيــابك ... بالتأكيد هذا ماأرادت سعـاد التفاهم عليه بالحقيقه ...
تخبرني أنها هـي الجانب القوي باللعبه وأنا الجانب الضعيـف ...
ميشو:بالتأكيـــــد ياعزيزتي لم تعد تلك العلاقات تستهـويني ولم أعد بالحاجه إليــــهـااا ...
سعاد :بس أنتي لسى ماتخرجتي ...
ميشـو:لقد أجلت هذا الفصل .. وسأعود لأكمل ماتبقى السنه القادمــه .. وسيكون الجميع قد تخرجوا ولن أحتاج لتلك العلاقات ..
سعاد :اهااا أجل شكلي برجع معك .. بس أنا مو سنه والسلام بقى لي كثـير ....
ميشـو :امازال لديك طـموح لأكمال دراستــك ..
سعاد :دامك موجوده معي لازم يكون فيه طمــــــوح .. أنتي قدوتي بالحيـاه شوفي رغم كل اللي يحصل معك تواصلين حيااااتك حتى لوكانت على حساب أحد ثاني ..
هل حان وقت أخراج المخـــــــالب كلا سأدخرها لوقت أفضل .. حاربينـي بالأحاديث ياصغيـره لكن من يجيد هذه الحروب الكلاميه بقـدري .....لكني اليوم أرفع الرايه البيضاء ... ليس ضعفاً ولكن قــوة ....
سعاد :شوفي ميــشووو بصراحــه كل اللي صار بينا قبل أبغى ننـساااه ونفتح صفحه جديده ....
حسناً واصلي الحديث لنرى أين سنصل ...
ميشو :بالتأكيد أنا أريد ذالك أكثـر منكِ ..
سعاد :أنا ماسكه عليك أشياء وأنتي ماسكه علي أشـياء .. والأفضل ننساها عشان ماوحده من تضر الثانـــــيه ...
أنتي بتكونين زوجة أخــوي وبنصير أقرب للبعض من قبــــل ... بس سوالفنا قبل أبغى ننساااهااا .. لأن خلف لو كشفنـــااا أنتي عارفه وش ممكن يسوي خلف..
لم أستطيع أخفاء رعبــــــي من حديثها..
ميشو :بالتأكيد أعلم أرجوكي لاتحدثيني عن أجرام شقيقك فأنا بغاية الرعب ...
سعاد :لازم تكونين بغاية الرعب الحياة مع خلف مـوسهله ... لازم تكونين طول الوقت منتبهه على نفسك ماتدرين وش ممكن يوصله عنك من تاريخك الأسود ..
ميشو :سعاد أرجوك لاتخيفينـــــــي ...
هل أعجبكـــــــــم .. دعو الصغيره تصدق أني خائفه لتشفق علي ...
سعاااد :بس الوضع اللي أنتي فيه يخــــووف .... خــــلف مو أي شخــص ... واي واحد يتلاااعب معه شفتي كيف كانت نهايته ... المفروض أنتي تكــونين أخذتي درس من زواجاته السـابقـــه ..وتعرفين نهاية اللي يدخل خلـــف يافضيحـه ياموت ياطــلااق .. وأنا أشوف المفروض تركزين على الخيار الأخيـــر وتلعبين على هالفرصـــــه ....
كلاا ليس هكذا لأحب التبجح والثقـــــه الزائدة .....
ميـشو :كلاً لن تكوني نهايتي بهذه الطريقه فأنا أسعــى لتكوين حياااة ابديه مع خــــلف ....
سعـاد بضحكه :أنتي تحلمـين أو ايش ياحلوه مع خلف مافيه حاااجه أبديه .... انصحك لاتبني أحلام كثــيره لأنها بالأخيــــــر بتكون سراب
وأردفت بثقه خالص كادت تشككنــي بنفــــــسي ..
سعاد :مهمااا كنتي ياميشو خـــلف مو أي شخــــــــص ....
وهل تريـــــن ياعزيزي أني شخص عاااادي ... لم أكن لأقول لها ذالك سأحتفظ فيهااا لوقت أفضــــــــل ...
ميـشو:بالتأكيد ياعزيزتي ليس أي شخـــص والا لم أكن أختــرته ...
قاطعت حديثي الصغيره التي تركت كرسيها وجاءت لتجلس بأحضاني ...
سعاد :اقول ليكون هذي متعلقه فيك وبكره تنشب بتجي معك لتزوجتـــــي خلف ...
ميشـو :الصغيرة تتعلق بكل من يصطحبها خارج المنـــــــزل ...
ضحكت سعاد بغبائها المألوف وهي تقـول ...
سعاد :بكذا بسهـوله بتنخطف ... الا صدق ميشو لو انخطفت نوره تدفعون لها فديه ..
سألتها متصنعه الغبـاء ..
ميشو :لمااا هل تديرين عصابة للخطف الأطفال..
سعاد :لا ياعيوني بس بشوف حجم الترابط بينكم يعني مو معقـوله هالبزره اللي ماعرفتوها الا من كم شهر لو انخطفت بتدفعون لهــا فدية .....
أعلم ان سعـاد تغـار من ترابط أخواتـــي ... الظاهر للناس والمفقـود بيننا ... فأنا من ناحيتي أشعر اني مقصـره كثيراً أتجاه أخواتي من ناحية المشاعر والأفعال كذالك ....
أجبتها بمشاعري الباردة كما لوكنت سأجيبهــــــا سابقاً قبل الحادثه التي سلبتني مشاعــــــــري ..
ميـشو :اذا اقرضتيني المال سأدفع الفديه ...
سارا
مأدري كم نمت صحيت والدنيا ظـــلاام ... رفعت جسمـي وكنت متوقعه اني انشليت من الألم اللي جانـــــي ...
ضغطت على نفســـي ووقفت وأنا احس مع كل حركة جزء من جسمي ينقسم عنـــــــي ...
الله يشل يد اللي كان السبب أن شاءالله مايتهنـــى بحياااته ...
طلعت للحمــــام كانت الصاله فاضيه وأنوارها مطفيـــه .. ياويلي انا ماخلصت من عذاب الوحـــده .. بعد ماتعودت على الجلــسه مع ملاك اللحين رجعت للوحده ... وأكيد كل المخااوف اللي كنت احسهااا وأنا مع ملاااك بتحول هنا لكوابيـــــس ... دخلت الحمااام ... بعد ماغسلت وجهــي جلست اتفحص أسنــاني قدام المرايه .. اشوى ماتكسروا مثل ماكانت متوقعــه بس واحد منهــم كأنه متحرك من مكانه .. حاولت احركه اوجعني بقـــوة تركتـــه وأناا ادعي على قيسوه بحااادث يشيل كل أسنانه .... تحممت وطلعت وأنا اسحب رجولــــــي احس بتعب غير طبيعي ..شفت الساعه كان الوقت بعد العشـاء ... صليت المغـرب والعـشاء ورميت نفسي على الســـــرير ....
ماصحيت المره الثانيـــــــه الا بعد ماطلع النــــــور ...
شفت الحقير نايم جنبــــي مالت وله وجه بعـــــد ...
والله مالت علي أنا اللي نايمــــه على سريره .... بس وين أنام أنا اصلاً انا وش لي بهالمكااااان مجــــــبوره عليه ....
طلعت من الغرفة وبعد ماتوظيت وصليت طلعت للمطبـــــخ تفاجئت بمنير فيه وجالس يأكل قدامه صحن فيه ساندوش وكوب حليب ...
سارا :انت وش تســـــوي هنااا ..
منير :هييي سويره وينك من جيت ماشفتك ..
سحبت كرسي وجلست ...
سارا :ليه انت متى جيت ...؟!
منير :أمس العصر معقوله ماسمعتي الظرب والصراخ اللي العصـــر ...
تحمســـــت وش السالفه ...
سارا :لا وش ظربه ..؟
منير :أمس صفقني قيس لين قلت بـــــس ...
سارا :ليش وش مســـــــوي أنت ..؟!
أدري سؤال غبــي لأن قيسوووه يظرب بسبب وبـــــدون ... واصلاً أمس بعد اللي سويته فيه معقــول يسوي كل شـــي ....
منير :هربت من المدرسه والله فلــــــه ... بس الحقير الوكـــيل ابوخشـــــم طويل كلم جابر وخبره عنــي .. واللحين قيس بيروح معي للمدرســــه لأني المفروض مفصول بس العلــــه يبغاني أروح غصب ...
تكيت على الطاوله وحطيت يدي على خدي ..
سارا :تصدق تحزن .. ودي أبكي .. بس ماعندي دموع ..
منير :أكيد الدموووع راحت من صياح أمس بعد العلقه ...
يؤ هذا وش درااه جني مايخفى عليـــــــــه شي ..
سارا :من قال اني اخذه علقه انت بس اللي تصفقت انا الحمدلله بكامل قواي ....
بس خلصت كلامي جلس يضحك بقوه ..
منير :ياغبيه ماشفتي شكلك بالمرايه كل خد علية خبطة زرقاااء .. ولااا شفتك المشقوقه هههههههه تشوهتي تدرين كأنك مثل الأجانب حاطه دبوس بشفتك ثم جاء المجررم وسحب الدبوس وانشقت شفتك ...
حطيت يدي على فمي بخوف وركضت بالمطبخ ادور شي اشوف نفسي فيه بعدين وقفت قدام الثلاجه كان فيها شي يعكس الصوره ياءالله صدق تشوهت حسبي الله عليك يالخايس ...
بس ماكان الشق مثل ماقال منيــر ... كان يبالغ يعني ان شاءالله يلتئم وترجع شفايفي طبيعيه ...
رجعت أجلس ...
منير :يالله خلصت فطور صحي قيس يوديني المدرسه ...
سارا :وشووو والله هذا اللي باقي ...روح انت صحيه ولاعمره ماصحى ..
منير :غبيه انتي لو ماصحيناااه بيذبحني انا وأنتي ...
سارا :طيب روووح أنت ...
منير :بس هو قااال غرفتي لاتجيهااا حدك المجلس والصاله والمطبخ ...
سارا :اجل طقاقك بكل الحالتين بتنطق فأختااار اللي يناسبك وانت وضميرك تنطق لحالك او انطق معك ....
منيـر:حرام عليك ليه تسويني فيني كذا مالي ...
وقطع كلامه وهو يناظر جهة الباااب عرفت ان اللي على الباب قيسوه ياربي وش بيصير اللحيـــــن .. مالفيت عليـــــــه ولا قدرت أناظر بمنير عيوني على يديني اللي مشبكتها على الطاوله ...
قيس :يالله جاهز اسبقني على السيـــــاره ...
حسيت بمنير لما قام وطلع من المطبـــــــخ .. جسمي يتصبب عرق وأحس المطبخ حار مره ... ودي التفت بس أخاف المجــــرم وراي ... ترددت لما مر وقت وماحسيت بأي حركه لفيت ببطء شديد ...
حطيت يدي على صدري وتنهدت بالراحه اشوى مو هنا طلع ...
اللحين وش أســــــــوي .. ملل ... مايبغى لها تفكير ماقدامي الا أســـــويلي فطـور وأشوف فيلم ....
مرعلي الوقت بسرعه كنت بس جالسه متمدده تحت التلفزيون وأقلب بالقنـــــوات ...
ماحسيت الا أذان الظهـــــر ..
فزيت بخـــوف .. ياءالله اكيد قيسووه حاط بباله بسوي غداء ولو ماسويت بيسويلي مصيبه عاد انا جسمي خلاص مكسر بمافيه الكفااايه مافيني أخذ علقه اليوم بعد ... و منير يمكن يرجع معــــــه ويبغى هو الثاني غداء .. مسكين منير هو اللي يستاهل ينتعب عشــــــانه ... اشوى اني تذكــرت ولاكنت بروح بستيــــــن داهـيه ...
قمت للمطبـــخ وبديت اشتغل على السريع ... اصلاً اشتغلت على السريع او على البطيء طبخي واحد ...
عادي جداً ..
بعد ماضبطت كل شـي وحطيت الأكل على النار .. طلعت أصلــــي ...
بعد اربعين دقيقه كان الأكل جاهــــــز ... وين راحوا انا مسويه الغداء لمين أغبيــــــاء ... ناظرت بساااعة اللي معلقه على الحيط ... وحده ونـــص ...
فكرت شوي انا ليش انتظرهم ... غبـيه أتغداء وروح أنام افضل مأقابل الغبــي المتوحش ... وفعلاً هذا اللي سويتـــه ... تغديت ورحت للغرفه أنام قهر ليت فيه مفتاح عشان اقفل على نفسي بس للأسف الخبيث للحين شايل المفتاح ...
قيس
وصل للبيت وهو تعبــــان جداً البارحه ماقدر ينام كان طول الليل يتقلب ماهو مصدق أحداث النهــــــار ....
وطبعاً وقت الليل يضخم أحداث النار ويخليهــا كابووس على النفـــــــس ...
واللي يقهر أكثر أنها كانت نايمه جنبــه .. يعني لوبينسى وجودها يذكــــــــره ...
ليه رجعها المفروض أول ماكتشف حقيقتـــهااا رماهااا محل ماخذها منه وتركهااا ترجع لبيت اهلها تضل هرباااانـــــــه .. اهم شي يقطع علاقتـــــــه فيها ويطلقهـــاااا ....
قال لنفسه هالكلااام مية مره والعــــذر مايتشرف انه مرته بها لأخـلاق .... طيب ليش كان عادي عنده يتزوج أختهااا اللي كانت كذا .......
داخله قمـــــــــة التناقض ... وماهـو قادر يفهــم نفســــه ... والهـواجس مسيطره عليـه صاحي ولانـايم ....
نزل قبله منيــــــر وهو جلس شوي بسـيارته ... لازم يتخذ اللحيـن قرار ويمشـي عليــــه ....
وطبعاً كان القرار موجـود من زمـان دايم يبعد عنه ويشكك فيـه وبالأخيـر يرجع له ... بيحـاول يحافظ على زواجـه .. لعل وعسى يكون ناجح رغم أن كل المؤشرات تعلـن فشـله ....
بس دائماً فيه أمـــــل .. يعني قبل كان يفكر بشوشو لدرجة أنه فكر يطلـق سارا ...وبعدها اتخذ قرار انه ينسى هالموضوع ويتجـاهله ... واللحين انكشااااف الموضوع بالطريقة هذي يمكن عشان يثبــــــت له أن القرار اللي اتخذه من البدايــــــه هو صح .... بغض النظر عن الصدمه اللي مــــر فيهـاااا ...
شوشو .. اطلعـــــي من راسي لأنك خيـــــــال مايوجد الا داخل أحلامي التعيســـــه .. ماتصور قيس بيوم انه ينطق بأفكاره لكن اليوم للأسف قالها بصــــــوت عالي ...
ورجع يقول لنفسه :والله هذي بداية الهبــــــــال ... ومن يظل عاقل وهو متزوج وحده مثل هذي .. أجل شحـــــاده ...!!!!
نزل من السياره وطلع السلم ببطء شديد اول مادخل البيت ناداه منيـــــر من المطبخ :قيس تعااال غداء ...
قيس :طيب اللحين جاااي ...
راح للغرفة يغير ملابســــــه ... تفاجيء فيها نايمـه أجل من اللي مسوي الغداء ... يعني سوته ورجعت نامت زين فيها الخيـــــر ... شكلهااا بدت تتقبل وضعهااا كزوجه ومسئولــــه عن بيت ورجااال ..
غير ملابسه ولبس ترنق ..
مايدري ليـه توجـه لها وسألها :سارا ماتبغين غداء ...؟!
جلس دقيقه كامله مالقى رد وتحـرك ... يمكن نايمه ويمكن ماتبغى ترد بكيــفها اهم شـي هو بدأ يتصرف بالطريقة الصح ...
دخل المطبــــخ لقى منيـر بادي يأكل ...
منيـر :اخيراً اكل بيت مليت من المطعم ... بس عاااد سارا طبخهااا مو لهنــــاك طبخ شوووق أحلـى مليـون مره ...
مايدري ليش منير قال كذا اللي جربه أن طبخ سارا ممتـاز ومضبوط جداً ... بس يمكن طبخ أختها أحسن كل شـي جايز ....
بعد ماخلصوا أكل بهدوء من جهتـــه وصخب من منيـر اللي يعرف أنه يخاف منه وأيااام كثير تمر مايتكلم معه بس أحيـان تجيه زي هالحاله يجلس يثرثر عليه لين يصدع براســــــه ....
اول ماخلصوا قام منير جمع المواعين بيغسلهم ...
قيس :وش تسـوي ...
منير :بغسل المواعيين
قيس :ومن طلب منك هذي مو شغلتك ....؟!
منير يحط المواعين بالمجلى :لاعادي وش فيك أنت دايم حنا نتعاون نغسل المواعيـين ببيتهـــــم ... وسارا ماترضى تطبخ وتغسل المواعيين بعد ...
قيس :هذاك لما كانت ببيت أهلهااا اللحين لها بيت مسئوله عنـه ... وانت مو مطلوب منك تفكر بوش تكره وش تحـــب ... خل المواعين من يدك ولأشوفك بهالبيت تسوي شي من راسك يالله أطلع للغرفتك ذاكر ولانام بس طس من وجهي ...
منير :طيب ماتبغى اسويلك شاهـي ...
هز له راسه بمـوافقه وطلع للصالة ..
بعد مأخذ مكاانه قدام التلفزيون وبيدة سيجارة وقدامه كوب الشاي رجع يفكر بنفس الموضوع
بس هالمــــره كان تفكيره غير .. ويمكن هذا التفكير الصح بس تأخر على ماطلــــــــــع ...
لو نظر للموضوع من جهة سارا وغطى على الجهـه اللي فيـــــها شوشو .... يشوف الموضوع بطريقة مختلفة جداً..يعني لو هو ماعرف شوشو ابداً ولامرت بحياته ... وتزوج سارا زواج عـآدي وبعدين اكتشف أنها شحادة وش بيكـــــــون رد فعله ... اكيد القهر والغضـب الشديد ... وهذي الطريقة الصحيحه اللي لازم يفكـــــر فيهـا... شوشو مافيه وجود لهــااا... وسارا تشحد ... من هالمنظور بيكمل حياته بعد هالأكتشـــــــاف ....
بيكون فيه عـقاب بس مو مثل قبل لأن هالمـره عقاب لتحسين الوضع مو لزيادته سـواء ....
لازم يثبت على قراراه والأستفزازات اللي بيمر فيها ماتغيـــــــــر رايه ... هو متأكد ان سارا بتظل تعاااند وتسوي حركاااتها الطفـــــوليه بس هو بيبقى ثابت على موقفه ..
التجربه ماراح تكـــون سهله بس هو تعود على المصاعب بحيــــــــــاته ...
وسارا طول عمرها كانت من هالمصاعب ...
وش اللي تغيـر اللحين ..... انها كانت مجرد فكرة وهوجاااس واللحين صارت واقع .... لونسى كل اللي مر فيه السنتين الأخيرات وأبتداء من قبلهــــــــم بيلقى نفسه يتقبل سارا بطريقة عاديه جداً هي كااانت له وجزء من حياااته ومازالت ... فكرة أن سارا تكون زوجته مو جديده أبداً وعاش طول عمــــره مأقلم نفسه عليــــهاااا ...
حتى أنه بنى أشياء كثير من حيـاته على هالأســـــــاس ....
منير
ماصدقت سمعت صوت الأذان طلعت بسرعه من الغرفه احس اني كنت مسجون وجاني أفراج .... ماتعودت أبدن أنام الظهر بس اوامر قيس من يقدر يعاندهااا ... طلعت اتوضاء بالحمام اللي قدام الغرفه وبعدها طلعت للصاله ... شفت قيس منسدح على الكنبه وقدامه الطاوله عليها الطفاية وكوب الشـاهي ... قربت لين صرت وراى الكنبه تمام نزلت راسي اشوفه لقيته نااايم ....
وانا ساجن نفسي من الصبح لو دريت انه نايم طلعت ....
لااا وشكله مرتاااح بالنومه لازم اصحيه عشان مايتهنى بالنومــــــه ...
بديت انادي عليه واهزه مع كتفه لين صحــــــى ..
يممممـه خوفتني عيونه شكله ناوي يذبحنــــي .. قلت بخوف ..
منير :حرام صلاة ..
والله شكل ماعنده نيه سحب المخده وحطها على راســـــــه ...
لا وهذا اللي مسوي فيهــااا القدوه لي أجل حتى بروح أنام واخلي الصلاة .....
منير :قيس أروح انام أنا بعـد ...
الولد ولاهو عنـــــدي ياخسارة الملل اللي حسيته بالغرفه يمديني طالع وحايس الدنيا ومحد درى عني بس حظي منحــوس ...
اروح اصحي سارا هي تصحيه وأنا انزل للمسجد ...
ووقفت متردد عند باب الغرفه اخاف قيس يدري ويظربني هو قايل حدك المجلس والمطبخ ..
فتحت باب الغرفة ودخلت وصرخت ...
منير :سااارا قومي بسرعه الوحش جاء ..
ومثل ماتوقعت فزت بطريقة ضحكتني
منير :العب عليك .. صحي قيس لصلاة العصر انا بنزل للمسجد مالي شغل وطلعت بسرعه قبل مأسمع ردهاااا ...
سارا
فتحت عيوني على صرخت منير بعدها مأدري وش قال وطلــــع ...
مافيه ساعه هناااا ..طلعت لصاله وانا فاتحه عين ومقفله الثانيه ...شفت الساعه ثلاث ونـص ... انتبهت على قيس نايم .. معقـوله منير يطلع يصلي وهو لاااا ...أكيد منير كان يبغاااني اصحيه ياربي من هالمتخلف مايكفي الصبح كان موهقنـــــي معـآه ...
أوووف مأبغى افكر اكثر توجهت له بسرعه حطيت يدي على كتفــــــــه وبديت اهزه وانا اقول ..
سارا :قيس يالله صــــلاة ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك